KJ

----
E Hene, 05 Korrik 2004


DURRES, S'KA TOKE PER SHKOLLE

Durres - Ne Durres nuk ka me hapesira te lira as per te ndertuar nje shkolle, nderkohe firmat e ndertimit po zaptojne dhe territoret e jashtme te shkollave ekzistuese. Ky eshte shqetesimi qe ngre dhe kryetari i bashkise se Durresit, i cili e ndan kete shqetesim me qindra qytetare te tjere, nxenes e prinder te tyre, arsimtare e drejtues shkollash. Pak kohe me pare, drejtoresha e shkolles 8-vjecare "Eftali Koci" qe ndodhet ne nje nga rruget kryesore te qytetit-port, ne rrugen "Aleksander Goga", vuri ne dijeni dhe prefekten e qarkut te Durresit, Ingrid Shuli, per situaten ne te cilen ndodhet shkolla dhe shqetesimin e stafit pedagogjik dhe prinderve e nxenesve te shkolles. Ne informacionin e derguar prefektures, drejtuesja e shkolles, Hajrie Zela, kerkon nderhyrjen e institucionit me te larte te qarkut ne zbatimin e ligjit 8408 "Per policine e ndertimit".

Themelet e pallatit shumekatesh

Dhe ne fakt eshte organi i policise ndertimore qe ka detyrimin ligjor te nderhyje per ruajtjen e ambjenteve shkollore dhe ne rast cenimi, kthimin e tyre ne gjendjen e meparshme. Aty ku dikur ngrihej nje shtepi e vogel njekateshe, tashme ka hedhur themelet per ndertim nje pallat shumekatesh, i cili do t'i beje hije shkolles e do te kthehet ne nje shqetesim per mesuesit, nxenesit, po dhe per ambjentet e jashtme te shkolles qe rrezikohen te kthehen ne kosh mbeturinash nga banoret e pallatit te ri. Sipas mesuesve, firma e ndertimit nder te tjera nuk ka respektuar as siperfaqen e sheshit te ndertimit te percaktuar ne lejen e leshuar nga KRRT-ja e bashkise. Nuk jane respektuar gjithashtu distancat e percaktuara te ndertimit nga oborri i shkolles. Dritaret e apartamenteve bien mbi shkolle dhe ky konsiderohet nje problem me vete per mesuesit e prinderit e nxenesve. Per dite te tera kjo firme ndertimi u kthye ne nje problem shqetesues dhe per banoret e zones perreth duke shkaktuar nje ndotje te rende akustike ne oret e vona te nates. Mjetet e renda te firmes "Shemsi" kane punuar gjate neteve duke prishur gjumin e banoreve te pallateve prane. Perballe situatave te tilla, organet perkatese heshtin duke bere te pafuqishmin. Nderkohe ne anen jugore te kesaj shkolle po ndertohet gjithashtu nje pallat tjeter. Edhe ky eshte ne stadin e themeleve. Sipas informacionit te drejtoreshes se shkolles, te dy keto pallate jane te kundraligjshme.

Koka: Lejen e kishin dhene para meje

I pyetur per kete sitate, kryebashkiaku i Durresit, Lefter Koka, tha per "KJ": "Une e gjeta te dhene lejen per ndertim ne oborrin e shkolles dhe e pezulluam per disa kohe. Me pas ajo u pezullua serish, po kete here jo me per konflikt me interesat publike te shkolles, po per konflikt interesash privat me privat. Aty jane te shkelura kriteret e urbanistikes, po gjendemi perballe fakteve te veshtira dhe ky nuk eshte i vetmi rast. Jane disa te tille ku cenohen interesat publike, po subjektet ndertuese kane marre lejet e ndertimit dhe kane paguar edhe taksen prane bashkise." Sipas Kokes, per te anulluar nje leje ndertimi duhet te hyje ne veprim nje organ me i larte, sic eshte Keshilli Bashkiak apo KRRTRSH-ja, megjithate ai nuk e sheh kete si nje proces te lehte. "Dhe mos ta konsiderojme aq te lehte. Nese do te shtrohet per shqyrtim kerkesa per anullim ne Keshillin Bashkiak, ai nuk do ta ktheje pas, po perkundrazi do te jape nje shuplake per ate qe e dergon per pezullim e anullim",- thote kryebashkiaku, i cili ka dhene prova ne prishjen dhe te godinave me leje te rregullt ndertimi, po qe kane cenuar kriteret e urbanistikes. Koka e pranon kete, por: "Jane pezulluar disa ndertime, po nuk besoj se gjate mandatit tim do te mundem te pezulloj e te prish te gjitha ndertimet e bera jashte kritereve urbanistike. Jane prishur mbi 700 ndertime ne Durres ne 4 muaj, ndersa vetem 650 jane prishur ne 12 vjet." Dhe situata mbetet pezull e pritet nderhyrja energjike e pushtetit qendror. Pervec shkolles "Eftali Koci", te tjera shkolla vuajne pasojat e pallatizimit te cdo territori te lire te mbetur ne qytetin bregdetar buze Adriatikut. Shume shkolla sic eshte ajo "Hasan Koci" ne Shkozet, kane humbur nen peshen e objekteve te tjera te ndertuara ngjitur me to. Vetem njohja e mire e zones mund te te orientoje per te gjetur keto objekte arsimore qe humbasin nen peshen e betoneve qe lene ne hije dijen dhe terrenet ndihmese per brezin e ri qe arsimohet ne keto shkolla.

Vali Qyrfyci

------


..Ska si te ket truall per Shkolla se i duhet Blend gonxhe Shyto arapve e agaso-rucave per hotell-Bordello..

qashtu..