Partite e vogla bojkotojne komisionin e zgjedhjeve

[Albo]

PSD, PAD, PBDNJ, PA s’pranojnë të jenë pjesë në komisionin e ndërtuar nga Ruçi-Topi

Aleatët kërcënojnë “Nanon”

Apostoli: PSD do ta rishikojë qëndrimin në koalicion


Juli Prifti

Aleatët e PS-së kërcënojnë me rrëzimin e qeverisë, nëse Nano nuk do të tërheqë marrëve-shjen Ruçi-Topi.

Vetëm një ditë pas nënshkrimit të marrëveshjes mes dy krerëve të grupeve parlamentare të PS-së e PD-së, nën praninë e shefit të OSBE-së, Liponen, përfaqësues të partive të vogla, pjesëmarrëse në qeverisjen aktuale, kanë kërcënuar se do të ndërmarrin hapa politike që kërcënojnë rënien e qeverisë. “PSD-ja do ta rishikojë qëndrimin në koalicion, pasi është prekur baza e marrëveshjes, mbi të cilën është ndërtuar koalicioni”, u shpreh dje numri dy i socialdemokratëve, por pa përcaktuar nëse ky vendim kishte të bënte me një tërheqje nga qeveria. Në të njëjtën linjë me Apostolin, kanë qenë edhe Ceka, Dule e Xhuveli, të cilët e kanë konsideruar marrëveshjen mes Ruçit e Topit si një përpjekje për të nxjerrë jashtë loje partitë e tyre. “Po përsëritet gabimi i marrëveshjes së majit 2003, e cila dëmtoi zgjedhjet e tetorit të kaluar”, tha kreu i PBDNJ-së, Vangjel Dule, duke konfirmuar mospjesëmarrjen e partisë së tij në këtë komision. Ndërkohë, kreu i PAD-së, përveç marrëveshjes ka akuzuar edhe shefin e OSBE-së se po kërkon sajimin e një rrëmuje të re, ndoshta më të rëndë se sa ajo e një viti më parë.

Reagimi i Qeverisë

Ndërkohë, PS-ja duket se nuk do të pranojë asnjë presion të aleatëve, qofshin këto edhe me destinacion dërgimin e vendit në zgjedhje të parakohshme. ”PS-ja nuk ka ndërmend të tërhiqet për marrëveshjen, edhe nëse kjo mund të shkaktojë zgjedhje të parakohshme”, thanë dje burime nga PS-ja. Ndërkohë, marrëveshjen e mbështeti dje edhe qeveria. Zëdhënësi i kryeministrit, Dalipi, tha dje gjatë një konference për shtyp se Këshilli i Ministrave e përshëndet këtë marrëveshje për reformën zgjedhore, pa pretenduar të bëjë komente për mënyrën e arritjes së saj dhe debatin që ka ngjallur ajo në partitë e vogla.

Të përndjekurit, provimi i parë

Kthimi për rivotim në Kuvend i projektligjit për të përndjekurit politikë do të jetë testi i parë mes PS-së dhe aleatëve, pasi bashkimi i votave “kundër” me votat e opozitës, rrëzon variantin e qeverisë. Nëse ky projektligj nuk kalon në tre votime radhaz në Parlament, në bazë të Kushtetutës, automatikisht bie qeveria. Socialistët nuk arrijnë t´ia dalin të vetëm kësaj prove, pasi kundër projektligjit kanë dalë edhe deputetët e “Lëvizjes për Integrim” të ish-kryeministrit Ilir Meta. Kuota e 71 votave pro, që kërkon projektligji për ish-të përndjekurit politikë, mund të arrihet vetëm me votat e Partisë Demokratike, në rast të votës kundër të aleatëve, por një gjë e tillë duket e pamundur.



PS-PD: S´i kemi shkelur të vegjëlit

Askush nuk po i merr nëpër këmbë partitë e vogla. Ky ka qenë konstatimi i deputetit socialist, Ylli Bufi, i cili pritet të jetë një nga bashkëkryetarët e komisionit të posaçëm për përmirësimin e Kodit Zgjedhor. Sipas tij, partitë e vogla nuk do të dëmtohen nga ngritja e komisionit, edhe pse në një paragraf të protokollit Ruçi-Topi, që i parapriu ngritjes së komisionit, thuhet se asnjë vendim nuk do të merret pa konsesusin e PD-së apo PS-së. Sipas Bufit, kjo klauzolë është përpiluar e tillë për t´í paraprirë çdo bllokimi të mundshëm të procesit. Ndërkohë, eksperti i Partisë Demokratike, Ilir Rusmajli, thotë se komisioni do ta zgjidhë çështjen e sistemit zgjedhor në vend, për të cilin mund të ketë edhe një amendim të Kushtetutës. PD-ja këmbëngul që zgjedhjet e ardhshme t´i nënshtrohen proporcionalit të pastër, ndërkohë që do të diskutohet edhe për pragun elektoral. Socialistët kërkojnë ngritjen në 4 për qind, ndërsa demokratët pranojnë që ai të mbetet në nivelin e mëparshëm, 2,5 për qind. Gjithsesi, duket se nga deklaratat e para të të dyja palëve, nuk ka mosmarrëveshje të mëdha, pasi u zgjidh problemi që bllokonte bisedimet, riformulimi i Komisionit Qendror të Zgjedhjeve.



Moisiu: Marrëveshje pozitive

Presidenti Moisiu përshëndeti dje marrëveshjen e arritur mes dy forcave të mëdha politike, në prani të OSBE-së, për zgjedhjet e ardhshme. “Kjo është një shpresë për të ecur përpara”, theksoi ai gjatë një takimi me zv.sekretaren amerikane të Shtetit për Evropën Juglindore, Stephens. Kjo deklaratë është qëndrimi i parë zyrtar që presidenti i Republikës mban për ngritjen e komisionit të posaçëm për zgjedhjet.

[krokodili_73]

se duhen zgjedhjet e parakoheshme
E Hene, 05 Korrik 2004
Nga Alfred PEZA

Prej dy ditesh, gazeta e PS, "Zeri i Popullit" po kercenon me idene e zgjedhjeve te parakoheshme parlamentare ne Shqiperi. Nje teze qe organi i partise ne pushtet, nuk ka si ta hedhe ne treg, pa bekimin e Kryeministrit dhe kryesocialistit Fatos Nano. Si pretekst per kete, "ZP" jep "humbjen e mazhorances" prej saj ne Parlament, gjate votimit te Ligjit per kompensimin e ish te perndjekurve politike. Ne nje seance qe Kryetari i Kuvendit Pellumbi u detyrua t'a anulloje, per shkak se ne tabelen elektronike figuronin prezent edhe emrat e disa deputeteve, qe nuk ishin te pranishem ne salle ne momentin e votimit. Keta deputete i perkisnin mbeshtetesve te ish-Kryeministrit Ilir Meta, te cilet treguan se zoteronin minorancen bllokuese.

Kercenimi me zgjedhjet e parakoheshme erdhi paralel me lajmin se Presidenti i Republikes, nuk do e dekretonte (sic veproi zyrtarisht dje) ligjin "Per kthimin dhe kompensimin e pronave". Meta e aprovoi veprimin e Moisiut, c'ka la te kuptohet se grupi i deputeteve mbeshtetes te tij, nuk eshte i gatshem qe ta miratoje per here te dyte kete variant te ligjit. Nje situate kjo qe e ka futur "de facto" mazhorancen, ne nje krize parlamentare, me dy nga ligjet me te rendesishme te viteve te fundit. Duke sjelle per PS, nje situate politike aspak te favorshme, kur ka mbetur me pak se nje vit nga data normale e zhvillimit te zgjedhjeve parlamentare.

Ndaj, kur "ZP" shkruan "Me mire zgjedhje te parakoheshme", kuptohet se Nano i ka kalkuluar me se miri hapat qe duhet te ndjeke, perfshi edhe konsensusin qe i duhet te marre per kete, nga Berisha. Me disa leshime ne formulimin e ketyre dy ligjeve, "kriza parlamentare e mazhorances" mund te tejkalohet, me ndihmen e votave te opozites, ne kembim te shpalljes se dates se zgjedhjeve te parakoheshme. Sepse me daljen ne skene te levizjes se Ilir Metes "Per Integrim" nga e majta dhe Leka Zogut "Per Zhvillim Kombetar" nga e djathta, si Nano ashtu edhe Berisha, jane njelloj te interesuar, per t'iu drejtuar kutive te votimit, shume me perpara qershorit 2005.

Pertej pengesave

Por, qe te arrihet deri ketu, duhet qe me pare te behen ndryshimet e nevojshme ne ligjin zgjedhor dhe administraten zgjedhore, sipas rekomandimeve te perbashketa te OSBE/ ODIHR dhe Komisionit te Venecias. Por duket se edhe per kete kane menduar dy ustallaret e vjeter te politikes shqiptare. Per te mos "rene ne sy", ata vrapuan me ane te kryetareve te Grupeve Parlamentare, Ruci dhe Topi, me bekimin edhe te Ambasadorit Liponen, qe te firmosin me 1 korrik, protokollin per reformen zgjedhore. Ndryshime qe pritet te realizohen me konsensusin e PS dhe PD, nga nje Komision i posacem Parlamentar.

Marreveshja percakton se komisionit i duhen 2 muaj kohe per ta realizuar kete. E po t'i besojme serish "ZP", ky komision "duhet te perfundoje te gjitha amendimet, ne shtator. Reforma zgjedhore eshte nje nga kushtet kryesore te nderkombetareve per mbajtjen e zgjedhjeve te reja". Duket se ne keto pak fjale, nxirret "sekreti" se deri ne shtator, PS dhe PD mund te gjejne gjuhen e perbashket per te tejkaluar edhe dy pengesat e medha, para se te provokojne zgjedhjet e parakoheshme: Gjetjen e formules per ndryshimin e perberjes se Komisionit Qendror te Zgjedhjeve dhe listave zgjedhore.

Keto zhvillime nuk ka si te mos "i nuhase" edhe ish-Kryeministri Ilir Meta, i cili e quajti dje vendimin e Parlamentit per ngritjen e ketij komisioni, "nje veprim te gabuar, qe synon ta lere procesin e ardhshem zgjedhor ne duart e 2 forcave politike, te cilat edhe me pare kane bere marreveshje, kompromise dhe kulisa", e njekohesisht duke kontribuar sebashku per te deshtuar proceset zgjedhore ne Shqiperi. Sipas Metes, "perjekja dhe marreveshja e rradhes e binomit Nano-Berisha, nuk eshte gje tjeter, vecse edhe tregues i panikut te tyre perballe zhvillimeve te reja politike, te cilat do t'u heqin atyre mundesine e kontrollit dhe dominimit politik te vendit pas zgjedhjeve te ardhshme".

Aritmetika e Nanos

Ajo qe duket se ben Nanon te nxitoje drejt provokimit te zgjedhjeve te parakoheshme, nuk lidhet aq shume me friken e tij "per humbjen e mazhorances" se vendimarrjes ne Parlament, sesa me carjen qe ka ndodhur brenda shtepise socialiste. Nje carje e deklaruar tashme, me fillimin e levizjes se Metes "Per Integrim". E cila, po t'i besosh perkrahesve prane ish-Kryeministrit, dy muajt e veres, paralelisht me takimet intensive ne baze, pritet qe te realizoje organizimin e strukturave hije te nje partie te re. Pas 6 shtatorit, me hapjen e sesionit te ri Parlamentar, deputetet perkrahes te Metes, pritet te deklarohen si nje grup parlamentar me vete, per t'u regjistruar ne vjeshte te ketij viti, si subjekt politik.

Fatos Nano nuk ka si te mos jete ne dijeni te ketij kalendari politik, ndaj po vrapon qe t'i heqe Metes mundesine e realizimit te tij, nepermjet pergatitjes se skenarit "in extremis" te realizimit te zgjedhjeve te parakoheshme. Per kete, ai po mundohet qe te luaje me aleatin e tij me te madh; kohen, e cila eshte njekohesisht, armikja me e madhe per arritjen e qellimeve politike te Ilir Metes. Pasi Nano e ka te qarte, se pas rrjedhjes se votave qe socialistet pesuan ne lokalet e 2003, carja mund t'i sjelle PS ne zgjedhjet e ardheshme parlamentare, nje rezultat me pasoja te paparashikuara per fatin e tij politik. Pasi ne rastin me te mire per Nanon, nese e majta do te arrinte te krijonte qeverine e re, mazhoranca e ardheshme parlamentare, e per pasoje edhe vendimarrja politike dhe ekzekutive, do te ishte ne duart e nje grupi, qofte edhe te vogel deputetesh, te Metes dhe Gjinushit.

Nga ana tjeter, pak dite me pare Nano nuk arriti qe te siguronte nga Samiti i Stambollit, ftesen per nje anetaresim te shpejte te Shqiperise ne NATO deri ne 2007, ashtu sic deklaroi pas kthimit nga takimi me Bush ne Shtepine e Bardhe, diten e ceremonise se celebrimit te 7 vendeve te reja anetare. Nje ftese qe do t'i sherbente si nje pike, per te mbeshtetur Leven e Arkimedit, per fushaten e zgjedhjeve te ardheshme parlamentare. Aq me teper, qe edhe firmosja e nje Marreveshje per Asociim- Stabilizimin e Shqiperise me BE, i eshte deklaruar se mund te realizohet, vetem pas ketyre zgjedhjeve. Ndaj, Nano s'ka se cfare te humbase me, vecse te fitoje kohen qe i mungon kundershtarit te tij Meta.

C'fare fiton Berisha

Ky skenar eshte shume i lexueshem per nje njeri me pervoje kaq te madhe dhe mjeshter i kulisave politike sa Berisha. Ndaj, pyetja lind, se c'fare e ben ne te vertete Nanon, te jete kaq i sigurte se edhe "armiku" i tij, do ta pranoje idene e mbajtjes se zgjedhjeve te parakoheshme? Ka me shume se nje aresye qe e bejne te sigurte per kete, jo thjeshte e vetem fakti, se cdo opozite ne Shqiperi, do te sulej si demi para copes se kuqe, sa here qe eshte fjala per kete teme. Pasi edhe vete Berisha, ka te njejtin hall si edhe Nano.

Pasi edhe ne dyert e te djathtes ka trokitur "Levizja per Zhvillim Kombetar" e inicuar nga Leka Zogu. Megjithese nuk ka energjite dhe vullnetin e lojes se perditeshme politike te Metes, ai ka avantazhin se vec 3% te votave te legalisteve, megjithese ende pa figura te deklaruara rreth vetes, mund te marre edhe votat e nje pjese te abstenuesve te djathte, te te zhgenjyerve nga PD, te merziturve nga dueti konfliktual Nano- Berisha, por edhe atyre qe besojne ende ne shijen e larget te "parajses se Mbretit Zog". Por, ne ndryshim nga Meta, Leka ende nuk duket se ka filluar te levize ne terren, duke pritur e enderruar ndoshta nga Vila 26 ne periferi te kryeqytetit, qe te arrije per pak muaj ne Shqiperi, nje triumf "alla Simeone".

Por, ka edhe aresye te tjera qe mund ta bejne Berishen te pranoje nje kompromis me Nanon. Qe lidhet me shkurtimin e kohes se qendrimit te tij te gjate ne opozite. Por, edhe me heqjen e mundesise se PS per t'u organizuar per nje proces te shpejte elektoral, qe me se shumti nuk lidhet me strukturat e saj, sesa me qeverisjen. Pasi qeveria "Nano", nuk do te kete shume kohe ne dispozicion te rrise serish pagat dhe pensionet, apo te prese shiritat e pafund te investimeve te munguara deri tani, per vepra te rendesishme me interes publik. Ndaj, Berisha nuk ka se cfare te humbe, pervecse te fitoje nga percarja e te majtes dhe paniku i saj, nga frika e humbjes se pushtetit.

Keshtu qe nga cdo ane qe ta shikosh problemin, si Nano ashtu edhe Berisha, duket se kane me shume aresye qe te arrijne nje kompromis,- nese nuk e kane arritur ende, qofte edhe virtualisht,- per zhvillimin e zgjedhjeve te parakoheshme ne Shqiperi. Pasi te dy duket se me shume se humbasin, fitojne nga e gjithe kjo histori. Ata qe humbasin, vec partise se pakrijuar ende te Metes dhe levizjes se Zogut, jane te gjitha partite e tjera te vogla, lideret e te cilave te gjendur ne befasi, do te vrapojne serish te gjejne nje strehe, per te siguruar nje mandat deputeti per veten e tyre, ne Parlamentin e ri. Por te humburit me te medhenj, sigurisht qe do te jene vetem votuesit shqiptare. Te cilet edhe pas ketyre zgjedhjeve te parakoheshme, per 4 vjet te tjera, do vazhdojne te qeverisen, si edhe keto 14 vjet, nga produkti politik qe prodhon "armiqesia e perhereshme", Nano- Berisha.

[Albo]

PS-JA PO LOZ ME FATET E VENDIT

Kryetari i PBDNJ-se, z.Vangjel Dule, thote per "KJ" se partia qe ai kryeson, do te rishikoje pozicionin e saj brenda Koalicionit per Integrim

Intervistoi: Esmeralda Gjoka

- Z. Dule, sa shqetesues eshte per ju fakti qe PS-ja nenshkruan nje protokoll me PD-ne per amendimin e kodit zgjedhor, pa u konsultuar me ju si aleate te Koalicionit per Integrim?

- Ka dy aspekte, te cilat natyrisht na preokupojne se tepermi. E para eshte qe PS-ja ne menyre te njeanshme, nuk ka respektuar marreveshjen mbi te cilen eshte ngritur Koalicioni per Integrim, e cila ne menyre te qarte kerkon konsultime paraprake per cdo nisme ligjvenese nga ana e forcave perberese te ketij koalicioni. Se dyti, ka nje problem edhe me shqetesues qe ka te beje me demokracine dhe funksionimin e institucioneve demokratike ne vendin tone. PS-ja dhe PD-ja me bekimin e OSBE-se, ne kete protokoll u njohin perfaqesuesve te tyre te drejten e vetos qe eshte antikushtetuese dhe antiligjore, nga cdo kendveshtrim qe mund te shikohet. Ne sistemin tone te vendimmarrjes, sic ai sanksionohet ne Kushtetute dhe ne ligje te vecanta kemi shumicen e 2/3, kemi shumicen e 3/5 etj. P.sh. kushtetuta mund te amendohet me 2/3 e votave te deputeteve, nje kod mund te ndryshohet me 3/5 e votave te parlamentit, dekreti i Presidentit rrezohet me 50+1 te numrit te votave. Pra, i gjithe sistemi yne i vendimmarrjes nuk e njeh te drejten e vetos. Keshtu qe, nuk eshte ceshtja nese cenohen interesat e PBDNJ-se apo te forcave te tjera politike, por cenohet rende demokracia e vendit. Eshte nje vendim qe karakterizohet nga mendesia totalitare qe fatkeqesisht ne kete rast ka dy aktore, (PS dhe PD), te cilet kurrsesi nuk duhej te ishin ne keto pozita.

- Ju keni thene ne nje prononcim te disa diteve me pare qe "murit me koke nuk i bihet". Mos do te thote kjo, qe do te pranoni ne heshtje cdo gje qe do te vendoset nga keto dy forca politike?

- Kur thashe qe nuk mund t'i bihet murit me koke, kisha parasysh precedentin e amendimit te kodit elektoral perpara zgjedhjeve per pushtetin vendor. Jo se nuk do te ngreme zerin, jo se nuk do te ndermarrim te gjitha nismat e parashikuara dhe qe kemi te drejte t'i ushtrojme ne baze te kushtetutes dhe te ligjeve ne fuqi. Por kur vjen nje moment qe nuk ekziston as sensibiliteti minimal per demokracine dhe institucionet demokratike, (nderkohe qe ekziston precedenti i amendimit te kodit perpara zgjedhjeve per pushtetin vendor), kuptohet qe mundesite jane teper te kufizuara. Megjithese duke e pare ceshtjen ne aspektin afatgjate, zeri yne do te jete nje kontribut per zhvillimin e demokracise dhe funksionimin e shtetit te se drejtes.

- Si mendoni se do te ndikoje ky protokoll i nenshkruar nga PS-ja dhe PD-ja, ne procesin e ardhshem zgjedhor?

- Zgjedhjet jane te kercenuara dhe ky kercenim po shfaqet hapur. Nuk hezton askush e per me teper dy forcat e medha politike, te ndermarrin hapa qe rrezikojne drejtperdrejt procesin zgjedhor. Kemi hyre ne nje rreth vicioz. Kryejme zgjedhje, humbesi konteston procesin zgjedhor dhe rezultatin e tij, fillon nje proces i gjate bojkotimi, mosnjohjeje, per te arritur me pas, nje konsensus per amendimin e kodit dhe te kuadrit ligjor per zgjedhjet. Dhe e gjithe kjo, per te hyre prape ne nje proces zgjedhor, i cili karakterizohet nga te njejtat fenomene dhune, nga te njejtat fenomene manipulimi, nga i njejti kontestim i rezultatit e keshtu me radhe. Duhet thyer ky rreth vicioz, pasi procesi zgjedhor eshte themeli i shtetit te se drejtes. Shteti i se drejtes eshte themeli per zhvillimin e ekonomise, te shoqerise, te kultures dhe i te gjitha aspekteve qe ka nje shoqeri. Rrjedhimisht, ne kemi nje mine me sahat ne themelet e sistemit tone dhe dy aktoret e medhej politike, jane ulur kembekryq pikerisht mbi kete mine me sahat.

- Partia Socialiste ka kercenuar me zgjedhje te parakohshme. Cdo te thote kjo?

- Eshte nje precedent i rrezikshem. Asnje force qeverisese nuk kercenon me zgjedhje te reja. Kur nje qeveri krijon pasiguri duke mospercaktuar qarte si dhe kur do ta coje vendin ne zgjedhje, merreni me mend se cilat jane garancite per biznesin, per investimet, ne nje amulli te tille. Nese ka ndermend te zhvilloje zgjedhje, PS-ja duhet te dale dhe te pozicionohet qarte kur dhe si do te organizohen ato, pasi pergjegjesite bien mbi te duke qene se ka edhe mazhorancen. Nese nuk ka ndermend te shkoje ne zgjedhje te parakohshme, perseri duhet te dale dhe t'i jape garanci botes se biznesit, qe nuk do te kemi zhvillime te tilla. Nuk jane ceshtje me te cilat mund te luhet per te argetuar boten e trazuar psikologjike te socialisteve. Nga ana tjeter, PBDNJ-ja ka kerkuar zgjedhje, si zgjidhje te krizes politike, prej nje periudhe kohore nje deri ne nje vit e gjysme. Nuk mund te qeverisim duke ricikluar ne menyre te vazhdueshme kriza ta medha ose te vogla, qe me siguri kane pasoja afatgjata ne jeten e vendit. Do te ishte me vend qe per nje periudhe te shkurter kohore, te nderhyhet ne menyre racionale ne kod, ne perputhje me rekomandimet e OSBE-ODIHR dhe Komisionit te Venecias, duke lene menjane lojrat. Keshtu, ne vjeshte do te mund te kishim nje proces zgjedhor teresisht te monitoruar dhe shpresojme edhe te pakontestueshem, kuptohet, nese te gjithe tregojne respektin e duhur per fatin e ketij procesi.

- Pra, ju jeni dakord me zhvillimin e zgjedhjeve te parakohshme?

- Sigurisht, madje do ta konsideronim si nje zhvillim mjaft pozitiv dhe nje sherbim mjaft te vlefshem per vendin dhe jeten politike te tij, se bashku me pasojat pozitive qe do te kishte ne te gjitha aspektet.

- Duke patur parasysh zhvillimet e fundit politike dhe kontestimet e vazhdueshme per menyren se si ka funksionuar deri tani Koalicioni per Integrim, a do te vendosni te rishikoni pozicionin tuaj brenda ketij grupimi politik?

- Stabiliteti politik i vendit ka qene vazhdimisht kriter i sjelljes sone politike. Asnjehere nuk kemi vene ne tavolinen e bisedimeve si kusht te patjetersueshem, postet apo emerimet. Por kemi qene te perqendruar ne aspektet programative dhe kryesisht ne ato aspekte qe perbejne themelin e proceseve integruese. Ne lidhje me zhvillimet e koheve te fundit, ka qene PS-ja ajo qe i ka vene nje pikepyetje te madhe bashkepunimit ne kuader te Koalicionit per Integrim. Madje habtem se si ende nuk kane mesuar se arroganca dhe deliri, shperblehen gjithmone me humbje, por vazhdojne me nje fryme te papranueshme dhe me metodat e diktatit jo vetem ndaj forcave aleate, por edhe ndaj vete proceseve. Nuk eshte kjo menyra evropiane e trajtimit te zhvillimeve politike dhe marredhenieve. Gjuha eshte krejt tjeter. Shikoni se c'po ndodh ne BE. Shikoni se si arrihet te harmonizohet ne nje konkluzion te vetem, mendimi i 25 vendeve te ndryshme, i 25 qeverive te ndryshme, 25 interesave te ndryshme. Kur ekziston dialogu, kur ekziston mekanizmi i bashkepunimit, atehere edhe rezultatet jane me te garantuara dhe me cilesore. Ndersa ketu, fatkeqesisht kemi shnderruar ne nje shaka te rendomte, edhe evenimentin me te madh politik, edhe nismen me te shenjte te demokracise, qe eshte ajo ligjvenese. Kemi arritur deri aty sa te tjetersojme rezultatin e votimeve brenda ne sallen e parlamentit. Keto jane natyrisht precedente teper te rrezikshem.

- Perfundimisht, do te vazhdoni te jeni pjese e ketij grupimi politik, apo jo?

- Ne baze te vendimeve te strukturave tona, me mbarimin e sesionit parlamentar, do te fillojme nje debat, nga strukturat lokale deri ne Keshillin e Pergjithshem dhe ne kryesine e PBDNJ-se, ne lidhje me ecurine e koalicionit. Aty do te vendosim nese do te qendrojme apo jo ne kete koalicion, nese ka premisa per bashkepunim te metejshem qofte edhe paraelektoral, apo nuk ka premisa te tilla. Nuk do te deshiroja t'u paraprija konkluzioneve qe do te arrijne strukturat e partise.

[Brari]

-KJ

----

CEKA: NUK KA ZGJEDHJE TE PARAKOHSHME

Tedi Blushi

Liberal-demokratet e gjykojne me skepticizem protokollin e marreveshjes PS-PD, te materializuar ne dokumentin Ruci-Topi. Duke analizuar ne parim iniciativen e dy "te medhenjve" per ndryshimet perkatese ne Kodin Zgjedhor, Aleanca Demokratike ritheksoi dhe njehere qendrimin e saj persa i perket kolonave kryesore te ketij procesi. Kreu i kesaj force politike, Neritan Ceka, se bashku me sekretarin organizativ te partise, Arben Demeti, zhvilluan dje nje konference per shtyp ku parashtruan defektet, qe sipas tyre gjeneron marreveshja ne fjale. "PS dhe PD jane bashkefajtore me bekimin e OSBE-se per te gjitha problemet dhe parregullsite e shumta te verejtura gjate zgjedhjeve te fundit. Por ne mungese te nje ndjenje faji dhe reflektimi prej tyre, ne menyre te habitshme ata rifillojne perseri punen nga e para me nje "aleance" qe synon arritjen e te njejtit qellim", vuri ne dukje Ceka pa harruar te argumentoje dhe arsyet qe shpien drejt ketij konstatimi. Gjate fjales se tij, ai u perpoq te binde opinionin publik lidhur me te vertetat qe fsheh ne vetvete protokolli i nenshkruar nga dy partite me te medha ne vend dhe shkaqet se pse PAD-ja e kundershton ate. Nepermjet nje komenti objektiv, qe synonte transparencen e marreveshjes PS-PD per Kodin Elektoral, kreu aleancist u mundua te bente nje radioskopi te rezultateve qe pritet te dalin nga "bipartizani 2". Ne funksion te ketij qellimi, Ceka serviri perpara gazetareve nje liste te gjate pikash qe ne vetvete perbenin thembren e Akilit te nje procesi zgjedhor te ndershem e te pakontestuar nga palet. "Ata qe jane lojtare s'mund te jene njekohesisht dhe arbitra. Ndaj s'ka sesi te angazhohen per zgjedhje te lira kur vete do te jene ne nje fare menyre percaktues te rezultatit final", theksoi numri nje i kesaj partie. Pa i hequr asje presje qendrimeve te meparshme ne lidhje me kete ceshtje, Ceka e vijoi diskutimin e tij me paraqitjen e alternativave qe sigurojne realizimin e shumepritur te reformes elektorale. Brenda ketij kuadri, ai ne radhe te pare kerkoi nga dy te ashtuquajturit "te medhenjte e politikes" t'i japin fund praktikave perjashtuese te partive te treta ne te gjithe kete proces. Por me shume se kaq, kreu i PAD-se kerkoi gjithashtu te ndalej hovi PS-PD, qe sipas tij synon te politizoje KQZ-ne. "Ky institucion eshte kushtetues dhe i pavarur ne punen e tij. Ne e vleresojme pozitivisht punen dhe arritjet e dukshme te KQZ-se ne organizimin dhe mireadministrimin e proceseve zgjedhore. Ndaj nuk mund te pranojme tezen antikushtetuese te balancimit te tij", nenvizoi Ceka per t'ia kaluar me pas fjalen sekretarit organizativ, Demeti. Ky i fundit gjate deklarates se tij, u mundua t'i qendroje strikt linjes zyrtare te partise ne lidhje me kete ceshtje. Per kete arsye, ai e vazhdoi diskutimin e parafolesit me plotesimin e argumenteve qe justifikojne kundershtine e PAD-se ndaj marreveshjes Topi-Ruci. "Ne mbeshtesim tezen e perfaqesimit te barabarte te forcave politike ne te gjitha komisionet e votimit, te cilat aktualisht jane elementi me i degjeneruar i procesit zgjedhor. Gjithashtu kerkojme qe numerimi i votave te behet detyrimisht ne KZZ-te apo KQZV-te", sugjeroi ai. Madje Demeti nuk perjashtoi nga notat kritike as OSBE-ne, qe sipas tij jo vetem po kontribuon negativisht ne te gjithe kete proces, por dhe po shfaq dita-dites shenjat e nje degradimi ideor. Duke u meshuar me force ketyre konstatimeve, zyrtari aleancist ashtu si dhe kreu i PAD-se, e shigjetuan ambasadorin e Prezences si pergjegjesin kryesor te deshtimit te zgjedhjeve. "OSBE-ja duke pasur nje konceptim krejtesisht te gabuar te realitetit ne Shqiperi, po luan nje rol jashtezakonisht te demshem per demokracine dhe pluralizmin", analizoi ai. Ndersa ne fund te kesaj konference per shtyp, dyshja Ceka-Demeti trajtuan dhe skenarin e shumeperfolur te zgjedhjeve te parakohshme. Sipas tyre, kjo ishte thjesht nje forme jo e panjohur kercenimi e kupoles roze, qe sa here ka krize brenda "Koalicionit per Integrim" ben presion te ketij lloji. "PAD-ja nuk u trembet zgjedhjeve te parakohshme, por ato s'mund te mbahen pasi ende mungon kuadri i nevojshem. Ju siguroj se para 2005-es s'ka per t'u zhvilluar asnje proces zgjedhor, madje jam i gatshem te flijohem personalisht nese do te ndodhe e kunderta", ironizoi Ceka duke i dhene njekohesisht fund takimit te tij me gazetaret.


------

[Brari]

Ne "shekulli" lexojme:

---------

Ceka: Po pati zgjedhje para 2005 do të varem në pemë


D.Tanushi

TIRANË – Presidenti i Aleancës Demokratike Neritan Ceka është shprehur dje, gjatë një konference për shtyp se, AD-ja nuk ka vendosur për të dalë nga “Koalicioni për Integrim”. Sipas Cekës nuk do të ketë zgjedhje të parakohshme, por ato do të zhvillohen vetëm në vitin 2005. Madje për këtë të fundit ai është shprehur mëse i bindur, duke e sqaruar se nuk ka krizë ekonomike dhe as politike, por ka vetëm një krizë të autoritetit brenda PS-së. “Nëse do të ketë zgjedhje para vitit 2005, unë do të varem tek lisi i parë që do të gjej në rrugë”, -ka qenë kjo shprehja e Cekës, për të shprehur bindjen se nuk do të ketë zgjedhje të parakohshme. Sipas tij, zgjedhjet e parakohshme do të vendosen në Parlament dhe ky Parlament nuk vendos, të jeni të sigurtë që nuk vendos për zgjedhje të parakohshme, sepse nuk ka krizë ekonomike, nuk ka një krizë politike. Ka një krizë të autoritetit brenda Partisë Socialiste. Presidenti aleancist Ceka, ka bërë të ditur se në konventën që partitë e “Koalicionit për Integrim” kanë firmosur, kanë rënë dakord që të kenë konsultime, por kjo nuk ka ndodhur. Megjithë këtë shkelje të konventës, siç e ka quajtur Ceka, PAD-ja ende nuk ka diskutuar për dalje nga koalicioni. Ceka përsëriti dje, kundërshtimin e AD-së për ngritjen e komisionit parlamentar për përmirësimet në Kodin Zgjedhor. I pyetur në lidhje me këto përmirësime, Ceka tha se “sistemi zgjedhor i përcaktuar në kushtetutë duhet të mos preket”. Po kështu, tha ai, hartimi i listave të votuesve duhet të mbështetet në dy elementë kryesorë; lista e votuesve për çdo qendër votimi të përfshijë votuesit që jetojnë në territorin e kësaj qendre votimi, pavarësisht se në cilën zyrë të gjendjes civile ata janë regjistruar si dhe listat e votuesve të hartohen nën drejtimin dhe monitorimin dhe përgjegjësinë e Komisionit Qendror të Zgjedhjeve. Ai ka hedhur sërish akuza ndaj kreut të OSBE-së Osmo Lipponen. “Edhe vetë zoti Lipponen, sot është në vendin e kryeplakut të Baldushkut. Besoj se ishte e turpshme skena kur dy liderë të dy partive të mëdha, u prezantuan para publikut me një personalitet që i ka ikur vakti”, -tha Ceka.



09/07/2004

--------






Pse valle i ka frike votimet neritan Ceka me Demet jevgun?

Pse permend litar e varje Neritani?

Pse i trembet gjinushi zgjedhjeve te parakohshme?

Pse nuk guxojne te dalin parti me vehte Meto braho zabitat por perdridhen duke sajuar Levizje..e Nisma?

Krimi i 97-tes.. pra organizimi i nje revolucioni polpotist anti kushtetues e anti kombetar nje dite do te nxirret ne gjyq me autoret e regjisoret e vertete..
Mijra te vrare ..miliarda vlera shteterore e private te bera shkrumb e hi.. miliarda lek e valute te vjedhura nga Mafia "e ashtuquajtur "aleanca per shtet" me aktore kryesore Nano Meto Malo Edvino Braho Brace Ceko Zabito gjinushet.. rendojne mbi ndergjegjen e kombit e nuk mund te harrohen kurre..

Ketu eshte gjith Halli i halleve qe gjeneron strategjine e krimit e mashtrimit e mban grusht bashkuar nxitesit e vrasesit e Revolucionit te 97-tes..




Te shikojme se kush do fitoje.. ne kete atdheun tone.. ndergjegja qytetare apo instikti i kriminelit..

[SkY_BoY]

E mo patriot i kulluar fillove ti me te tuat! Or mik ata kane frike se humbasin pushtetin s`kane friken e 97-es. Berisha do ta mbylli per vete ate kapitull se s`del shume i lare per vete e mos na shit dengla ketu me kriminele e mafioze se edhe Hitleri e Enveri e mbanin veten per te kulluar e te rene nga qielli. Neritani ben shaka per varjet po ti ke 4 vjet qe te te varurit e te vdekurit te rri mendja sa e ke bere forumin si morg.

[Albo]

“Zgjedhjet e parakohshme, në varësi të ngjarjeve”

Shekulli

TIRANe- Presidenti Alfred Moisiu nuk ka përjashtuar dje mundësinë e zhvillimit të zgjedhjeve të parakohshme, në varësi të ngjarjeve politike, që do të rrjedhin ditët në vazhdim. I pyetur nga përfaqësues të medias se cili ishte mendimi i tij mbi mundësinë e zhvillimit të zgjedhjeve të parakohshme, ai u shpreh shkurt: “Do të shikojmë se si do të zhvillohen ngjarjet”. Ideja për zhvillimin e zgjedhjeve të parakohshme u trumbetua pak kohë më parë nga socialistët, por që u kundërshtua më pas nga partitë e saj aleate. Edhe demokratët e përjashtuan mundësinë e zhvillimit të zgjedhjeve të parakohshme në vend. Sipas zyrtarëve të lartë të selisë blu, përpara zhvillimit të zgjedhjeve duhet të përmirësohet Kodi Zgjedhor me qëllim që vendi të shkojë drejt zgjedhjeve të lira dhe të ndershme. Pa këto ndryshime të nevojshme opozitarët e përjashtojnë kategorikisht mbajtjen e zgjedhjeve. Në të njëjtën kohë, përfaqësuesit e opozitës kërkojnë që Nano të paraqesë një mocion besimi për të parë nëse ai e ka ose jo maxhorancën në Kuvend. Në rast se kryeministri Nano votohet dhe humbet votëbesimin, atëherë ai duhet t’i propozojë presidentit Alfred Moisiu një emër tjetër për kryeministër. Në të kundërt, presidenti brenda 10 ditëve shpërndan Kuvendin dhe cakton datën e zgjedhjeve.

[Albo]

PD e PS, të vetme në komisionin parlamentar për reformën zgjedhore

Partitë e vogla, bojkot komisionit për zgjedhjet

D.Tanushi/ N.Perndoj

TIRANE- Partitë e vogla parlamentare vendosën dje të bojkotojnë pjesëmarrjen e tyre në komisionin e posaçëm parlamentar për reformën zgjedhore. Pas këmbënguljes së kryerepublikanit Fatmir Mediu se takimi i djeshëm nuk kishte kuptim në rast se reformatorët dhe legalistët do të merrnin pjesë në komision, këta të fundit përmes kryetarit të deputetëve reformatorë, Nard Ndoka dhe kryetarit legalist, Eqerem Spahia u shprehën se nuk do të jenë pjesë e këtij komisioni derisa Gjykata Kushtetuese të marrë një vendim konkret mbi kushtetueshmërinë ose jo të ngritjes së komisionit parlamentar. Përmes një deklarate të përbashkët, partitë e vogla parlamentare ranë dakord gjithashtu që t’i kërkojnë Kuvendit shfuqizimin e pikës 4 të protokollit të nënshkruar mes dy partive të mëdha në prani të ambasadorit të OSBE-së, Osmo Lipponen, sipas së cilës, vendimet në këtë strukturë merren vetëm nëse dy partitë e mëdha bien dakord. Tryeza e djeshme do të vazhdojë sërish të mbahet gjatë kësaj jave për çështje më konkrete që lidhen me pragun dhe sistemin zgjedhor.
Të majtët
Kryetari i socialdemokratëve Skënder Gjinushi deklaroi dje gjatë tryezës se e gjithë procedura e aplikuar është antikushtetuese dhe nuk garanton barazinë e votës as midis vetë deputetëve. Kryetari i PA-së, Lufter Xhuveli deklaroi se është absurde kur dy partitë e mëdha marrin një vendim dhe përjashtojnë apo tregohen mospërfillëse ndaj partive të vogla, që zotërojnë 1/3 e aksioneve në politikën shqiptare. “Kjo tryezë duhet të mblidhet dhe duhet të shërbejë edhe për çështje të tjera në të ardhmen. Besoj se edhe OSBE-ja duhet të nxjerrë një mësim të vlefshëm nga kjo situatë”, -tha ai. Ndërsa deputeti i PBDNJ, Kristo Goxhi shtoi se vota nuk do të jetë e lirë në rast se reforma zgjedhore do të realizohet vetëm nga dy partitë e mëdha. Më optimisti në tryezën e djeshme dukej se ishte kryetari i PAD-së, Neritan Ceka i cili u shpreh se do të jenë partitë e mëdha ato që do të dështojnë me marrëveshjen e nënshkruar.
Të djathtët
Kryetari i PDR-së, Genc Pollo tha në tryezën e djeshme se dy partitë e mëdha rrezikojnë të sjellin shtrembërime në Kodin Zgjedhor. Pollo ishte i mendimit që partitë e vogla duhet të vëzhgonin punimet e komisionit të posaçëm parlamentar, edhe pse partitë e tjera të opozitës e kundërshtuan një propozim të tillë. Ndërsa kryetari i legalistëve, Eqerem Spahia u shpreh se i gjithë ky proces është një gur prove për procesin e integrimit të Shqipërisë në BE. Kryetari i PBL, Teodor Laço shtoi se partitë e vogla zotërojnë 1/3 e elektoratit sipas zgjedhjeve të fundit vendore. Për këtë arsye, ai kërkoi që domosdoshmërisht të ndryshojë sistemi i zgjedhjeve sepse në të kundërt, sipas tij, pjesëmarrja e partive të vogla në komision do të ishte formale. Kryerepublikani Fatmir Mediu mbështeti idenë e përgatitjes së një pakete ligjore nga vetë partitë e vogla për t’u diskutuar në Kuvend. Ndërsa kryetari i PDRN, Dashamir Shehi i kërkoi partive të vogla të mos bëhen pjesë e komisionit të reformës zgjedhore për sa kohë që Gjykata Kushtetuese nuk ka dhënë një vendim konkret mbi kushtetueshmërinë e ngritjes së këtij komisioni.

[futbollisti]

astenekellupi frdince ku ta kesh byraz er