Marlon Brando

[Tirana]

Lamtumirë “Padrino”!
“Nëse do më duhet të godas kokën pas muri, do ta bëj”




Shuhet ylli i madh, Marlon Brando. Ky ishte fundi i divit të mallkuar. I konsideruar si një nga aktorët amerikanë më të mëdhenj të të gjitha kohërave dhe fitues i çmimit Oskar si aktori më i mirë për performancat e paharrueshme në “On the Waterfront” dhe “Padrino”. Dhe ishte 80 vjeç.

Sipas deklaratës që bëri dje avokati i tij, ai ka vdekur në një spital të Los Angeles-it. Një aktor seksi, i gjithpërfshirw në rolet e emocioneve të mëdha, Brando herë ka luajtur pijanecin, herë rebelin motociklist. I nominuar katër herë, Brando ka marrë dy “Oskar”. Dhe, në mesin e viteve ´90, ndërsa Brando peshonte më shumë se 300 paund, ai numëronte 9 fëmijë me tri vejusha dhe gra të tjera.

Një familje e keqe, lindi një aktor brilant
I lindur në Nebraska mw 3 prill 1924 dhe i rritur në Illinois, së bashku me dy motrat e tij më të mëdha, fëmijëria e Brandos ishte më pak se idilike. Babai i tij ishte një shitës zarzavatesh dhe insekticidesh. Ndërsa nëna e tij qe një aktore e dalë në pension. Të dy ishin alkoolistë. Në autobiografinë e tij, Brando e përshkruan të ëmën si dikush, “së cilës i pëlqente të dehej, për t´u kujdesur për ne”. Kurse për të atin, thotë: “Gjaku i tij përmbante komponente alkooli, testosteroni, adrenaline dhe nervozizmi”. I shtyrë të studiojë në një akadami ushtarake, që kur ishte 10 vjeç, Brando arriti t´i shkëpusë miratimin të atit që ai të paguante për shkollën e tij. Pas kësaj, ai u zhvendos në Nju-Jork ku studioi aktrim.

Rrugës drejt majave
Ndërsa studionte në Nju-Jork me Stella Adler dhe në studion “Lee Strasberg’s Actor’s Studio”, arriti të bëhej një aktor i vërtetë. Brando debutoi te “Broadway” më 1944, kur ai ishte vetëm 20-vjeçar, në pjesën “Më kujtohet nëna”. Më ´47-n ai arriti ta elekrizonte sallën e Brodway, duke u bërë i famshëm, ndërsa luante rolin e Stanley Kowalski në “Tramvaj me emrin dëshirë”. E pas kësaj, dyert ishin të hapura. Fama e tij i kaloi të gjithw kufijtë. Ai u gjend mes vlerësimeve, kritikave e debateteve; u vu në qendër të vëmendjes. Çmimin e fundit ai e mori si aktori më i mirë i karakterit, te filmi “Një stinë e thatë e bardhë”. Por, mjaft interesante, me portretin e tij që shpërthente emocione të pafund, elektrizues dhe i veçantë, ai u shfaq te “Tango e fundit në Paris”, një film i ashpër, zhytur mes debatesh. Por, një majë e padiskutueshme mbetet “Padrino”, roli që i dhuroi “Oskar-in”. Më tej? Interesant u shfaq në lojën krah Matthew Broderick në “The Freshman” (1990) apo krah Johnny Depp te “Don Juan DeMarco (1995) dhe Robert de Niros, te “The Score” (2001). Humbja e ti u cilësua një humbje e madhe; ikja e aktorit më të madh të të gjitha kohërave.



Brando refuzoi Oskar-in në 1973

I njohur si rebeli i Hollivudit, Brando në vitin 1973, nuk pranoi të merrte Çmimin Oskar. Aktori, i cili e revolucionarizoi lojën në skenë dhe më pas krijoi role të tillë të mëdhenj si Don Vito Corleone në filmin ”The Godfather - Kumbari”, dërgoi një grua në vend të tij, e cila lexoi një letër ku kritikohej Hollivudi për trajtimin e indianëve të Amerikës. “Ky jam unë”, tha ai në një rast. Dhe nëse do të më duhet të godas kokën pas një muri për t’i mbetur besnik vetes, jam gati ta bëj edhe këtë. Megjithëse Marlon Brando mbeti në Hollivud, ai refuzonte të bëhej pjesë e Hollivudit.



“Tango e fundit në Paris”

“Tango e fundit në Paris”, filmi i vitit 1972, një film i mbushur plot me skena të nxehta; një film që ngërthu botën mes emocionesh të jashtëzakonshme; i fali një pjesë të madhe të suksesit Marlon Brandosë. Debate pafund dhe kritika, por Brando nuk tërhiqej, edhe pse e dinte se ishte një film që do t´i shënonte këto nota vlerësimi. “Last Tango in Paris” kërkonte një betejë të madhe emocionale dhe unë kam bërë luftë me vetveten. Kështu shkruante diku aktori në autobiografinë e tij, duke vijuar: “Dhe kur mbaroi, unë e vendosa njëherë e mirë. Nuk do ta shkatërroja më kurrë veten time emocionalisht, duke realizuar një film të këtillë”.



Brando, një jetë e gjitha dramatike

Jeta personale e Brandos ishte shumë e krahasueshme me “soap opera”. Ai kishte, të paktën, nëntë fëmijë. Në vitin 2002 kujdestarja e shtëpisë së tij e hodhi në gjyq, ku i kërkonte atij 100 milionw dollarë si zhdëmtim për bashkëjetesën e tyre 14-vjeçare, dhe për kujdestarinë e tre fëmijëve që kishin së bashku. Çështja u shty, por ajo shpeshherë e kërcënonte se do ta rihapte çështjen, pasi kërkonte “mbështetje financiare për fëmijët që kishte me Brandon”. Ndërsa i pëlente të merrej shumë me gratë, ai refuzonte të merrej me fëmijët, pasi thoshte shpesh se në një mënyrë apo tjetër, po hakmerrej kundër të atit, i cili nuk kishte vepruar më mirë me fëmijët e tij. Nw një pjesë të madhe të jetës, u kurua në spitale psikiatrike dhe qendra rehabilitimi. Por, jo çdo gjë mbaron me kaq. I biri i tij, Kristiani, vrau të fejuarin e motrës së tij, që ishte shtatzënë, në vitin 1990 dhe u dënua për këtë gjë. Brando, megjithatë u shfaq në mënyrë spektakolare në njw seancë ku dëshmoi në mbrojtje të të birit. Tragjedia familjare u mbyll me të bijën, Cheyenne, e cila pas disa përpjekjeve për të vrarë veten, më në fund, një të dielw pashkësh, në vitin 1995, u gjend e varur. Fëmijët e mbijetuar të Brandos janë: Christian Devi Brando, Miko Brando dhe Simon Tehotu Brando, si dhe tri vajzat, Rebeça Brando, Petra Barrett Brando dhe Ninna Priscilla Brando.

[krize04]

marlon brando ka qene nje nga aktoret qe ka bere historine e hollywood.
rest in peace godfather.
kriza

[Cupke_pe_Korce]

"Being an actor is such a useless profession" - Marlon Brando
edhe pse, ai vete ishte "hollywood royalty"

[krize04]

"Being an actor is such a useless profession" - Marlon Brando
edhe pse, ai vete ishte "hollywood royalty"

c'do te thuash me "useless profession"??????????

[Cupke_pe_Korce]

Je duke pyetur personin e gabuar
Pyet Merlon Brandon te ta thote, pasi ai e ka thene, Ose lexo autobiografine e tij!!!

The actor told Mr. King's television audience why he loved the South Pacific so much and, in the process, explained something about himself.

"When I lie on the beach there naked, which I do sometimes, and I feel the wind coming over me and I see the stars up above," he said. "And I am looking into this very deep, indescribable night, it is something that escapes my vocabulary to describe. Then I think, God, I have no importance, whatever I do or don't do, or what anybody does, is not more important than the grains of sand that I am lying on, or the coconut that I am using for my pillow. So I really don't think in the long sense."

From "The New York Times"

[kolombi]

Marlon Brando aktori i pavdekshëm


Marlon Brando një legjendë e filmit
Një nga aktorët më të famshëm të Hollivudit të shekullit të 20, Marlon Brando, ka vdekur të premten në moshën 80 vjeçare në një spital të qytetit, Los Anxhelos.
Brando ishte njëri nga aktorët e parë që mbështeti një metodë më realiste të aktrimit të nisur nga Studio e aktorëve të Nju Jorkut.

Ai fillimisht filloi të shquhej pas shfaqjes në Hollivud të pjesës së Tennessee William, "A Streetcar named Desire."

Filmi që u bazua në këtë shfaqje, e ndihmoi atë që t'i hapte rrugë karierës së gjatë në kinematografi.

Në kujtesën e admiruesve të kinemasë do të mbeten rolet e tij në filmat Godfather (Kumbari), Apocalypse Now (Apokalipsi) dhe Last Tango in Paris (Tango e Fundit në Paris).

Gjatë karierës së tij, Brando fitoi dy çmime Oscar, por e refuzoi të dytin në shenjë proteste ndaj trajtimit të indianëve të Amerikës.

Homazhe

Aktorja italiane Sofia Loren, e cila ka luajtur në krahë të tij në filmin e të famshmit Charlie Chaplin, A Countess From Hong Kong (Kontesha nga Hong Kongu) e cilësoi Brandon një njeri të pavdekshëm.

Bernardo Bertolucci, regjizori i Last Tango in Paris (Tangoja e fundit në Paris), tha se Brando tani ishte kthyer në një legjendë.

Ndërsa aktori James Caan, që ka luajtur krah Brandos në The Godfather (Kumbari), tha se Marlon kishte influencuar një brez të tërë.

Vitet e fundit të jetë së aktorit të madh u shënuan nga tragjedi familjare dhe probleme financiare,, për të cilat ai nuk kishte shumë qejf të fliste.

"Nëse ka ndonjë gjë që të shkakton më shumë shqetësime në stomak , është kur aktorët dalin në ekran për të folur për jetën e tyre," pat thënë dikur Brando.

[MI CORAZON]

Kolomb, harrove të theksoje, që për publikun shqiptar u bë i njohur e i dashur njëkohësisht, me rolin e EMILIANO ZAPATES...

[ALBA]

Sot lexova ne nje gazete Gjermane se Marlon Brando ka lene nje pasuri prej 21,6 milion Dollar . Ai kishte lene para shume kohesh nje testament vajzes se tij te adoptuar Petra Brando_Corval . Por mbas disa koheve ai e nderroj testamentin dhe formuloi nje testament te ri ne daten 18 qershor 2004 dmth dy jave para vdekjes , ne te cilen kishte shume te fshehta te jetes se tij se ai kishte dhe nente femije te tjere nga gjaku dhe mishi i tij . Ai shkruante ne testament se pasuria e tij do ndahej ne menyre te barabarte nente femijeve te tij Christian (46) Miko (43) Theihotu (41) Rebecca Kotlinzky (38) Maimiti(28) Raiatua (23) Nina Pricilla (15) Myles Jonathan (12) dhe Timothy Gahan (10). Ndersa vajzen e tij te adoptuar Petra kishte shkruar ne testament qe nuk i takon asgje nga pasuria ime , bile dhe nje shume prej 185.000 dollar qe ajo ja kishte kerkuar borxh , ai kerkonte qe t'ja kthente . Ai kishe cilesuar se ajo nuk meriton asgje nga une , ashtu sic u soll ajo me mua ne ditet e fundit te jetes sime .

Pasuri e Marlo Brandos eshte nje ishull perpara Tahitit ( E vlersuar 18.6 milion dollar , ndersa pjesa tjeter jane dollar ne bang dhe aksione . Ai i ka menduar qe cdo femije te kete nga 2 milion dollar , nga ato 9 qe permenda me siper .

Alba

[StormAngel]

Para nje jave pash filmin e pare te tij,si tribute posthume per vdekjen e Marlon Brandos.
E mbaj mend tek ne ne qytet kur dikend doje ta lavderoje i thonin:"Je be si Marlon Brando."
Me vdekjen e ketij aktori te madh bota e filmit humbi shume,por edhe mesoi se sendet nuk jane te perjetshme dhe duhet respektuar derisa jane me dhe rreth nesh.
Zoti e meshirofte.