Diskutime mbi individe me pushtet

[Brari]

REDI e shikon cte bejne ata kapitalistet qe ti teorikisht i mbron..

Ja se cte bejne Kapitalistet shqiptare..lexo..
-------------
Ilmi Bastari ishte urdhëruar për të vrarë Flamur Shkozën

Një grup mafioz e kishte kërcënuar tre ditë para vrasjes

Vetë familja e vrasësit ka pohuar se nuk ka pasur në mes asnjë çështje borxhi



Një grup i fuqishëm mafioz, që ka lidhje edhe me segmente shtetërore, e ka kërcënuar me jetë Flamur Shkozën, kryetarin e Komunës Dajt, tre ditë para se ai të vritej në zyrën e tij në Linzë. Një mik i afërt i viktimës tha dje për "Rilindjen Demokratike" se Flamuri i kishte shprehur shqetësimin, se e kishin kërcënuar disa "të fortë" që kërkonin ndere të jashtëligjshme prej tij. "Flamuri ishte tepër i shqetësuar se dikush i kishte çuar fjalë se do ta vriste", deklaroi burimi, për RD. Sipas tij, Flamur Shkoza i kishte thënë se ishte fjala për një tokë që grupi i të fortëve e kërkonte për t’ia shitur më pas të tretëve, me të cilët kishin bërë pazar. Ata prisnin vetëm firmën e kryetarit të Komunës, por ky i fundit kishte këmbëngulur se një gjë e tillë ishte e pamundur, sepse ishte e paligjshme.

Flamur Shkoza ka pasur edhe më parë probleme me "të fortët" e krimit, por ai ishte mësuar t’i kapërcente pengesat me mençuri dhe pa sherr. Por këtë radhë kriminelët ishin të vendosur për t’i pasur duart e lira, më shumë për të ardhmen se sa për tokën, Flamuri nuk kishte pranuar që t’ua "falte". Gazeta është duke investiguar për zbardhjen e plotë të kësaj çështjeje, ndonëse ky është një problem që duhet ndriçuar nga organet kompetente.

Disa bashkëfshatarë të Flamur Shkozës, të cilët kërkuan me insistim të ruanin anonimatin e tyre për arsye të kuptueshme, thanë për "RD"-në, se vrarësi Ilmi Bastari nuk ka pasur ndonjë problem personal me kryetarin e Komunës Dajt, por ai është urdhëruar që të kryente krimin. Sipas tyre Flamur Shkoza kishte qenë shumë i predispozuar për të ndihmuar familjen Bastari, por në të gjitha rastet pa shkelur asnjëherë ligjin.

Ndërkohë, është cilësuar si një spekullim i ulët lajmi sipas të cilit kryetari i Komunës Dajt ka pasur një problem borxhi me vrasësin. Madje një gjë e tillë është mohuar kategorikisht edhe nga familja e autorit të krimit, e cila ka pranuar se nuk ka pasur asnjë çështje borxhi apo parash mes Ilmi Bastarit dhe Flamur Shkozës.

Sipas të gjitha gjasave, pista e një borxhi apo e një biznesi tokash, mund të jetë nxitur nga autorët e krimit, të cilët me sa duket kanë miq të fortë në shtet, për të zhdukur gjurmët.

Vitet e fundit, ka pasur një rritje të ndjeshme për troje për shtëpi apo biznese në Komunën e Dajtit, ndryshe nga disa vite më parë, kur askush nuk kishte dëshirë të investonte atje. Kjo i ka nxitur grupet mafioze të lidhura me polikën që të jenë më të pangopur për shtritjen e influencës së tyre në fshatrat rrëzë Malit të Dajtit. Pikërisht rezistenca ndaj tyre, ka qenë edhe motivi i vërtetë i vrasjes së kryetarit të Komunës së Dajtit, dhe nënkryetarit të Forumit Rinor të PD, zotit Flamur Shkoza.

RD
-----------
Mijëra vetë përcjellin për në banesën e fundit kryetarin e Komunës Dajt dhe nënkryetarin e FRPD

Lamtumirë miku ynë, Flamur!

Berisha, Bode, Topalli, Topi, Ngjela, Olldashi, Pronjari, Mustafaj, i japin lamtumirën e fundit Flamur Shkozës

Zia dhe pikëllimi ka pllakosur të gjitha shtëpitë e fshatit Priskë. Dhimbja është më therëse në dhomën e grave, atje ku ndodhet edhe arkivoli me trupin e të ndjerit

Nëna e Flamurit nuk përmendet për asnjë çast. Shamia e zezë e saj është njomur nga lotët. Ndërsa e fejuara e Flamurit, mundohet të ecë përgjatë rrugës për në varreza, por papritur bie përtokë pandjenja

Dy burra mbajnë për krahu vëllanë e vogël të Flamurit, Bariun. Ai nuk pushon së qari për asnjë çast edhe pse lotët i janë tharë. Vëllai i madh i Flamurit, Ganiu mundohet ta mbajë veten, por më kot. Edhe ai shpërthen në lotë



Kryetari i Komunës Dajt dhe nënkryetari i FRPD, Flamur Shkoza u përcoll dje, për në banesën e fundit nga mijëra vetë. Për t’i dhënë lamtumirën e fundit mikut dhe bashkëpunëtorit, ndodhej edhe Kryetari i PD, Sali Berisha, Sekretari i PD, Ridvan Bode, Nënkryetarja e PD dhe e Parlamentit, Jozefina Topalli, nënkryetari i PD dhe kryetari i Grupit Parlamentar të PD, Bamir Topi, kryetari i FRPD, Sokol Olladashi, kryetarja e Forumit të Gruas, Marieta Pronjari, Sekretari i Marrëdhënieve me Publikun në PD, Spartak Ngjela, si dhe mjaft deputetë të opozitës. Trupi i pajetë i kryetarit të Komunës dhe nënkryetarit të FRPD, Flamur Shkoza, u nis për në varreza rreth orës 17:00, ndërsa kuja dhe hidhërimi kishte mbërthyer mijëra vetë që ndodheshin aty. Askush nuk mund ta ndalte dhimbjen dhe pikëllimin, askush nuk mund t’i ndalte lotët që rridhnin lumë për njeriun më të dashur. Flamuri kishte hyrë në zemrat e të gjithë banorëve të Komunës Dajt e fshatrave përreth.



Lotët mbi arkivol



Arkivoli me trupin e pajetë përcillej dorë më dorë në lumin e gjatë të njerëzve që përshkonte rrugën nga shtëpia e të ndjerit për në varreza. Babai i Flamurit i hidhëruar nuk ka fuqi as të ecë dhe as të flasë. Ai qëndron pranë arkivolit dhe lotët i rrjedhin rrëke. Janë lotë burri, lotë që rrjedhin në faqet e rreshkëta të plakut të urtë. Ngjitur me të, derdhin lotë edhe disa burra të tjerë që i shtrëgojnë duart dhe e ngushëllojnë babain fatkeq. "Qëndro dhe bëhu burrë", i thotë një plak, por Ganiu, babai i Flamurit nuk përmbahet. Ndërsa gratë veshur krejt në të zeza qajnë me kujë. Nëna e Flamurit nuk përmendet për asnjë çast. Shamia e zezë e saj është njomur nga lotët. Ndërsa e fejuara e Flamurit, mundohet të ecë përgjatë rrugës për në varreza, por papritur bie përtokë pa ndjenja. Pranë i qëndron e motra dhe dy gra të tjera. Njëra prej tyre i vë pambuk me alkool në hundë pa ndërprerje. Ajo përmendet për një çast dhe përsëri humbet ndjenjat. Dhimbja dhe pikëllimi ka mbërthyer të gjithë, të madh e të vogël. Ndërsa kortezhi i afrohet varrezave, dhimbja shtohet edhe më shumë.



Riti i mortit



Fjalën e ceremonisë mortore e mbajti kryetari i FRPD, Sokol Olldashi, njëri nga bashkëpunëtorët më të ngushtë të Flamurit, i cili pasi përcolli ngushëllimet për familjen, miqtë dhe të afërmit, i kërkoi edhe një herë shtetit që të gjejë shkaktarët e kësaj vrasje kriminale. Ndërsa lideri i opozitës, Sali Berisha, tepër i pikëlluar, në fjalën e tij para arkivolit të të ndjerit, i shprehu ngushullimet familjes, të fejuarës së Flamurit dhe gjithë të afërmëve. "Dhimbja është më e madhe për familjen, por edhe për ne është e tillë", tha Berisha.

Dy burra mbajnë për krahu vëllanë e vogël të Flamurit, Bariun. Ai nuk pushon së qari për asnjë çast edhe pse lotët i janë tharë. Vëllai i madh i Flamurit, Ganiu mundohet ta mbajë veten, por më kot. Edhe ai shpërthen në të qara sapo arkivoli me trupin e pajetë të Flamurit afrohet pranë varrit. Më pas u kryen ritet e zakonshme për të përcjellë për në banesën e fundit arkivolin me trupin e pajetë.



Shtëpia e Flamurit



Shtëpia e Flamurit ndodhej në luginën e bukur të fshatit Priskë e rrethuar nga shtëpitë e të afërmëve të tij. Shtëpia është e rrethuar me pemë dhe lule. Lule ka gjithandej. Dikush thotë se, Flamuri i kishte shumë qejf lulet dhe kujdesej vetë për to. Tani edhe lulet kanë ulur kokat, duket sikur mbajnë zi për Flamurin. Zia ka pllakosur në të gjitha shtëpitë e fshatit Priskë. Përgjatë gjithë ditës, të afërmit e Flamurit presin dhe përcjellin lumin e njerëzve që nuk shteron. Në njërën nga dhomat e burrave, pleqtë tymosin cigare dhe rradhë nxjerrin ndonjë fjalë. Cigaret shpërndahen tek të gjithë sa ndodhen në dhomën e pritjes. Dhoma nuk i nxe të gjithë njerëzit, ndërsa vargu i tyre rritet e rritet... Rrallë dëgjohet ndonjë zë i mekur. Një burrë rreth të 70-tave thotë, se kjo është një dhimbje e rëndë. "Në këtë fshat nuk ka patur asnjë grindje dhe as një sherr. Flamuri ka qenë djalë i urtë dhe shkonte mirë me të gjithë njerëzit. Ai është zgjedhur dy herë rradhazi kryetar komune në fshatin tonë dhe të gjithë njerëzit e donin. Ai nuk i ka patur borxh askujt", thotë burri i moshuar.



Homazhet



Rreth orës 15:30 në familjen Shkoza erdhi për ngushëllime edhe Kryetari i PD, Sali Berisha, nënkryetarja e PD dhe e Parlamentit, Jozefina Topalli, Sekretari i Marrëdhënieve me Publikun në PD, Spartak Ngjela, Sekretari i Marrëdhënieve me Jashtë në PD, Besnik Mustafaj e mjaft deputetë të tjerë të PD. Tepër i pikëlluar, Berisha u shprehu ngushullimet të afërmëve dhe se dhimbja për Flamurin është e madhe për të gjithë. "Nuk është humbje vetëm për ju, por për të gjithë. Është një dhimbje e madhe. Flamuri ishte një njeri i ndershëm, një intelektual i shkëlqyer, ai fitoi zemrat e të gjithë atyre që e njohën edhe këtu edhe në Partinë Demokratike. Familja juaj ka qenë një familje e njohur dhe e ndershme. Flamuri ka qenë një djalë shumë i rrallë, shumë punëtor, i kthjellët dhe me shumë miq. Ishte një qeveritar i madh, i ri, por shumë i pjekur i lidhur me hallet dhe problemet e njerëzve. Ai ishte djalë trim. Dhimbja është më e madhe për ju, por edhe për ne, sepse ishte një njeri i çmuar", u shpreh Berisha.

Dhimbja është më therëse në dhomën e grave, atje ku ndodhet edhe arkivoli me trupin e të ndjerit. Lotët nuk reshtin për asnjë çast. Kuja dëgjohet deri tej. Një grua thërret me urgjencë mjeken, nëna e Flamurit nuk përmendet, po ashtu edhe e fejuara. Dy burra mbajnë për krahu vëllanë e vogël të Flamurit, i cili do të qëndrojë pranë arkivolit. Ata e nxjerrin për një çast jashtë, por vëllai i vogël u shkëputet nga duart dhe nxiton brenda. Thërret me emër të vëllanë e pajetë dhe shpërthen sërish në lotë. Vargu i gjatë i njerëzve shtohet e shtohet. Banorët e fshatit pasi bëjnë ngushëllimet largohen kokëulur dhe të pikëlluar. Ata qëndrojnë në kodrat përreth për t’u lënë radhën të tjerëve që vijnë për ngushullime.

Rexhep POLISI





Berisha: Flamuri mbroi pronat që të mos binin në duart e mafias



Lideri i opozitës, Sali Berisha, pasi u shprehu ngushullimet të afërmëve të Flamurit, të fejuarës dhe gjithë të pranishmëve në mort, tha se Flamuri ishte një njeri i denjë jo vetëm për Komunën e Dajtit, por për mbarë Shqipërinë. "Sot përcjellim për në banesën e fundit njeriun më të dashur, u shpreh Berisha, mikun më të shtrenjtë, Flamur Shkoza. Përcjellim njeriun më të denjë, njeriun që me vetitë dhe virtytet e tij të qytetarit model jo vetëm për banorët e Komunës Priskë që ai drejtoi, por për mbarë Shqipërinë. Ai qe një drejtues i denjë që me punën e tij të ndershme dhe të devotshme diti të bëjë për vete të gjithë njerëzit. Flamuri, ashtu siç e emëroi nëna, ishte flamur i pamposhtur që mbrojti nderin e tij, dinjitetin e tij, mbrojti shtetin, por jo shtetin e mafias. Ai mbroi pronat e Priskës që të mos binin në duart e mafias që i derdhën plumbat në trup. Jeta e Flamurit ishte e shkurtër, por ai diti ta jetojë atë me dinjitet. Unë i shpreh ngushullimet familjes së tij, të afërmëve miqve dhe gjithë njerëzve që ai i bëri për vete me punën e tij të ndershme. Emri i Flamurit do të mbetet i paharruar. I paharruar qoftë emri i mikut tonë të dashur, i paharruar qoftë ideali i Flamurit. Unë i shpreh ngushullimet edhe të fejuarës së Flamurit, e cila i qëndroi pranë dhe ëndërroi të kalonte jetën me njeriun e saj të dashur. Lamtumirë miku ynë i shtrenjtë, Flamur! I paharruar qoftë kujtimi i tij!".



Ganiu: Ne duam të dimë kush e ka shtyrë vrasësin



Vëllai i madh i Flamurit, Ganiu, thotë me pikëllim se Flamuri dhe familja e tij nuk i kishte asnjë borxh, as autorit të vrasjes, asnjë njeriu. Ai thotë se të gjithë banorët e lagjes Lugjas ku jetonte Flamuri, shkonin mirë me njëri-tjetrin dhe nuk kishin patur asnjë grindje apo sherr tek të gjithë brezat që prej 250 vjetësh.



- Na fal që po të pyesim se nuk është as momenti, por si vëllai i madh i Flamurit ju mund ta dini më mirë se kush do, a ka patur borxhe Flamuri apo familja juaj, sepse kështu është folur sot në një pjesë të shtypit?



- Asnjë borxh nuk kemi patur. Ne duam të dimë se kush e ka shtyrë atë për të kryer vrasjen. Ai para një muaji ka ngrënë drekë me Flamurin dhe atë ditë ia kanë kaluar shumë mirë.



- Po probleme toke apo pronash a keni patur?



- Ne kemi tokat tona në Priskë, ndërsa ai është nga Linza dhe nuk ka punë këtu.



- Po ndonjë grindje apo sherr a ka patur Flamuri me autorin e krimit ?



- Nuk ka patur sherre, as ne nuk kemi patur sherr me njeri. Këtu nuk ka patur asnjë hasmëri te të gjithë brezat që prej 250 vjetësh. Ne duam të dimë kush e ka shtyrë?!



- Si ndodhi vrasja?



- Unë nuk di gjë se s’kam qenë atje, por kur e pashë në morg, të gjithë plumbat i janë derdhur në kurriz mbas shpine. E ka vrarë mbas shpine.





Fjala e kryetarit të FRPD në ceremoninë mortore



Olldashi: Humbje tragjike për të gjithë



Të nderuar familjarë, miq e kolegë!

Ky është një çast shumë i vështirë dhe i rëndë për të gjithë ne. Na duhet t’i japim lamtumirën Flamurit, të ndahemi përgjithmonë prej tij. Na duhet të përcjellim përtej njeriun e afërt, që të gjithë do donim ta kishim gjithnjë pranë, për të shkëmbyer dy fjalë, për të pirë një kafe, apo për ta patur një strehë mbështetëse në një ditë të keqe. Është një humbje tragjike që lë një hapësirë të mbetur bosh në përditshmërinë e secilit prej nesh.

Vrasja makabre e Flamurit, me plumba pas shpine, është një krim barbar që kërkon drejtësi. Partia Demokratike humbi dje, një zyrtar model të qeverisjes vendore, një krenari të komunarëve tanë, një përfaqësues tipik të brezit të ri të saj.

Forumi Rinor humbi dje, një nga drejtuesit kryesorë, një njeri që ofronte rrugëzgjidhje dhe rezultat në çdo moment. Ky krim është shumë i rëndë për ne. Ndaj, përballë arkivolit të Flamurit, ne u bëjmë thirrje autoriteteve policore të jenë jashtëzakonisht të kujdesshme, në trajtimin e këtij krimi.

Flamur Shkoza nuk u vra për borxhe. Të tjerë i kishin borxhe atij. Flamur Shkoza nuk u vra për pazare. Të gjithë ne, miqtë e tij, e dimë, por më mirë se ne e dini ju, banorët e Komunës që ai drejtonte prej gjashtë vjetësh, që Flamur Shkoza ishte një zyrtar model, një djalë i pastër dhe korrekt dhe, pikërisht këto cilësi të mira, mundet t’i kenë kushtuar shumë dje.

Përballë arkivolit të Flamurit, ne u bëjmë thirrje organeve të drejtësisë të zbardhin me urgjencë dinamikën dhe motivet e vrasjes dhe të ndëshkojnë rreptë, sipas ligjit, autorët. Ne nuk kërkojmë hakmarrje, por drejtësi. Të paktën kaq, nga borxhi ynë, duhet t’ia kthejmë Flamurit. Duhet ta bëjë këtë edhe shteti, për korrektësinë dhe respektin ndaj ligjeve të së cilit, Flamuri humbi dje jetën.

Vetëm kaq mund të bëjmë për Flamurin. Vetëm kaq mund të bëjmë për të zvogëluar sadopak këtë humbje të madhe, boshllëkun e së cilës nuk mundemi ta mbushim me asgjë tjetër, përveç kujtimeve të freskëta e të mrekullueshme që, secili prej nesh, ka nga njeriu që nuk do ta shohim më.

U prehtë në paqë.

[Brari]

Vendi yne eshte i mbushur me Elvisa qe e kane zerin si sorre.
Me Petrita qe jane frikacake si pulat.
Me Gramoza qe luhaten nga era e dollarit.
Me Bashkima qe jane bashku me asfaline. Me Eltona kriminela etj.

Doli njeri me ne Fund qe Emrin dhe vepren i ka njisoj..AZGAN HAKLAJ.
Valltar i talentuar, deputet, Dhe Trim.
Megjithate z Agim Doci ne se e njef me mire le te thot ndoj fjal per Azgan haklajn.
Hera pare qe nji burre shqiptar mbron nji femer shqiptare

Ja cthone gazetat megjithse per cdo kriminel gazetaret qe ne lajmin e pare japin variantin mbrojtes per kriminelet duke thene se kte ose ate krim e beri me motiv dashurie ose xhelozie ose borxh ne para etj.
Ja pra tropoja.. haklaj azgani nji hero dhe Prozllomi nga nji familje spiunesh e banditesh me emrin ylli.


Shekulli..
----------
Policia shoqëroi dje të riun Ylli Prozllomi pasi tentoi të rrëmbente me forcë 18-vjeçaren E.H
Shpëton nga rrëmbimi 18-vjeçarja

Deputeti Haklaj pengon rrëmbimin me forcë të adoleshentes nga Tropoja

Rajmonda Lajthia
TIRANË- Ndërhyrja e deputetit Azgan Haklaj dhe shoqëruesve të tij ka bërë që të dështojë tentativa e një të riu nga Tropoja për të rrëmbyer me forcë të fejuarën e vet në kryeqytet. Ngjarja ka ndodhur me 18- vjeçaren E.H nga Tropoja, të cilën ka tentuar ta rrëmbejë i fejuari i saj. Këtë të fundit e kishte tërbuar pa masë fakti që e fejuara, i kishte thënë stop fejesës me të, prej disa kohësh. Sedra prej malësori e Ylli Prozllomit nuk e kishte duruar një gjë të tillë dhe ai vendosi për ta rrëmbyer dhe më pas të martohej. Por fatmirësisht rrëmbimi i 18-vjeçares ka mbetur në tentativë, pasi ndërhyrja e deputetit Haklaj dhe mbërritja e policisë në kohë kanë shmangur incidentin. 18-vjeçarja nga Tropoja me banim në Kamëz e pyetur nga gazeta "Shekulli" e pranoni qëllimin e rrëmbimit nga i fejuari i saj, por nuk dha sqarime të mëtejshme në lidhje me ngjarjen. "I fejuari im kishte si qëllim të më rrëmbente dhe kjo gjë është plotësisht e vërtetë",-tha ajo, e tronditur nga ngjarja që i kishte ndodhur.
Ngjarja
Ngjarja ka ndodhur mesditën e djeshme në një lokal në afërsi të Institutit Bujqësor, ku vajza ka qenë me të fejuarin e saj dhe disa të afërm të tij. Sipas burimeve nga familja e vajzës, Prozllomi tentonte t'i ndërronte mëndje vajzës për të mos e prishur lidhjen me të, prandaj dhe e kishte ftuar për të pirë një kafe ditën e djeshme. Për të qenë sa më bindës ai kishte marë me vete edhe xhaxhain e tij Avdi Prozllomi dhe të afërm të tjerë. Refuzimi i vajzës e ka irrituar pa masë të riun nga Tropoja, i cili ka ushtruar dhunë mbi vajzën, ndërsa ajo tentoi të dilte nga lokali. Kandidati për dhëndër është përpjekur së bashku me xhaxhain e tij për ta futur vajzën në një makinë që e kishin marrë si taksi, në mënyrë që pasi të fusnin "nusen" aty, të niseshin menjëherë drejt Tropojës. Sipas vëllait të vajzës, i fejuari Prozllomi kishte paguar një makinë, e cila e priste në buzë të rrugës, në mënyrë qe të largohej menjëherë nga zona. Por klithmat dhe të qarat e vajzës janë vënë re nga deputeti i Tropojës Azgan Haklaj, i cili po kalonte rastësisht përgjatë rrugës. Sipas vëllait të 18-vjeçares, vajza ka kërkuar ndihmë nga Haklaj, madje i është adresuar atij në emër dhe duke bërtitur. Haklaj ka qenë me dy shoqëruesit e tij dhe menjëherë ka ndërhyrë për të shmangur incidentin. Pasi ka marrë vajzën së bashku me vëllain dhe djalin e xhaxhait të saj, të cilët kanë mbërritur në moment, Haklaj e ka shoqëruar për në shtëpi të tronditur 18-vjeçaren E.H. Më pas, nga familjarët e vajzës thuhet se ajo së bashku me prindërit e saj është drejtuar për në postën e plicisë ku ka denoncuar të fejuarin Ylli Prozllomi së bashku me xhaxhain e tij, Avdi Prozllomi për tentativë rrëmbimi me forcë.
Arrestimi
E ndërsa vajza është larguar me makinën me targa Kuvendi të deputetit Haklaj, për në shtëpi, në vendngjarje ka mbërritur policia. Sipas burimeve të postës së policisë së Institutit, rreth orës 12.00 të ditës së djeshme, janë shoqëruar të dy personat, të cilët kanë tentuar të rrëmbenin 18-vjeçaren E.H nga Tropoja. Dy Prozllomët xhaxha e nip, pasi janë shoqëruar fillimisht për në policinë e Institutit, u dërguan më pas në ambientet e Komisariatit numër 3, për të dhënë sqarime mbi ngjarjen. Sipas burimeve të postës së policisë në Institutin Bujqësor, ngjarja nuk mund të konsiderohet një vepër e mirëfilltë penale. Kjo për faktin se vajza ka shkuar me dëshirë në kafene dhe askush nuk e ka detyruar, dhe aq më tepër që ka qenë e fejuar. Gjithsesi gjithçka i mbetet hetimeve të mëtejshme për të zbardhur të vërtetën në lidhje me këtë ngjarje që është parë nga dhjetëra kalimtarë të rastit. Sipas burimeve nga policia e Institutit, deputeti Haklaj ka kontaktuar me titullarët e këtij rajoni dhe ka kërkuar sqarimin e rrethanave në mënyrë që mes të dyja familjeve të mos kishte probleme të tjera në të ardhmen.
18-vjeçarja
Tentativa e djeshme për të rrëmbyer 18-vjeçaren E.H nuk ka qenë e para. Sipas familjarëve të vajzës, një ditë më parë, i fejuari Prozllomi ka tentuar sërish ta rrëmbejë atë. Por në të dyja rastet pa ia arritur qëllimit. Familjarët tregojnë se ai kishte vendosur që E.H do të bëhej patjetër nusja e tij edhe pse ajo nuk kishte dëshirë. Lidhja e tyre ka nisur një vit më parë dhe më pas janë fejuar edhe pse vajza nuk ka pasur dëshirë. Sipas tezes së vajzës, fejesa e tyre kishte kohë që nuk funksiononte. Vajza i kishte thënë që nuk e donte dhe ky fakt e kishte bërë të riun nga Tropoja të insistonte deri në rrëmbim. Familja e vajzës kishte afro tetë vjet që kishte ardhur në Tiranë dhe banon në godinën numër 2 në Konviktet e Institutit Bujqësor në Kamëz. Ndërsa i fejuari i saj para se të fejohej ka qenë disa vite si emigrant në Angli.

------

[Brari]

Gjykatesi me i "pa korruptueshem" ne Shqiperi eshte Sazan Aliko.
C'do dite ai "shpartallon" mafien.
Ish operativi i sigurimit, sot kryetar i gjykates ne Vlore eshte pa dyshim Kalaja e pamposhtur ku gjen streh llumi i Vlores e gjithe Shqiperise.
Ja nje dite nga bemat e Sazanit te Vlores.


Ja cthot gazeta.


Korrieri
------------


Lirohet greku me 1.5 ton droge



SKANDAL/ Lirohet ne sallen e gjyqit dhe shpallen te pafajshem, qytetari grek Kristo Rajodho dhe nje 18 vjecar, te arrestuar ne flagarance ne nje mobileri ne Vlore shnderruar ne fabrike per grumbullimin dhe paketimin e canabis sativa. Denohet vetem nje me 8 vjet burg. Prokuroria: Ishte nga dosjet me te plota qe kemi hetuar. Vendim zhgenjyes, do apelojme .

Ardian Dauti.

Ne oren 08.00 kur dyert e Gjykates se Faktit te Vlores sapo ishin hapur dhe ne ambjentet e saj dje ende nuk kishte nisur mire puna, gjyqtaret Sazan Aliko e Simon Kolagji, ne heshtje te plote dhe pa dijenine e medias, kane shpallur vendimin per 3 te arrestuar me 1.5 kilogram droge. Nje veprim qe i ka vene vulen nje procesi te sterzgjatur ne 24 seanca, te cilat jane zhvilluar ne distanca edhe disa mujore nga njera tjetra. E atehere kur dukej se ngjarja e bujshme e 5 shtatorit te nje viti me pare, thuajse po harrohej, jane lene te lire 45 vjecari grek Kristo Rajodho dhe 18 vjecari Kreshnik Dibra, i cili punonte si ndihmes i 45 vjecarit nga Janina. Nga tre te pandehurit per "grumbullim droge ne bashkepunim", eshte denuar vetem Altin Veliko, kunati i pronarit helen te nje mobilerie me porosi te vendosur prej 7 vjetesh ne ish magazinat e NTA se qytetit. Por, prapa se ciles, pas nje telefonate anonime ne polici, rezultoi se bashke me sharrat, shiritat e zmerilit dhe srdukthat, ishin instaluar edhe makinerite e vakumit dhe seleksionimit te canabis sativa. Prane te cilave, kur mberriten forcat e Drejtorise se Policise se Vlores, u gjenden plot 15 kuintal droge. Ne raportin e ngjarjes, ish shefi i krimeve te asaj kohe A. Hasa kishte shenuar: "Tre te ndaluarit, ne momentin qe mberritem ne vendngjarje, po mundoheshin qe te fshihnin sa te mundnin nga sasia prej 1.5 tone droge te bllokuar".

Enigma helene.

Qytetari grek Kristo Rajodho kishte vite qe ishte vendosur ne qytetin bregdetar. Me zanatin e marangozit ne xhep, ai duhet te kete ardhur ne Vlore vite me pare, kur kerkesat e shqiptareve per mobilimin ndryshe te shtepive, kishte sjelle kerkesa per pune ne nje mobileri me porosi. Nderkohe qe punonte, ai ishte njohur me nje vajze vlonjate, nga e cila kishte rrjedhur martesa dhe lindja e nje djali 7 vjecar. Nuk dihen mire te gjitha keto rrethana per policine, por as edhe fakti se si arriti te sillte ne ambjentet e ish NTA makinerite per paketimin dhe presimin e droges qe kultivohet aq shume ne fshatrat dhe rrethinat e qytetit bregdetar.



Keshtu duket te kete vazhduar deri ne shtatorin e 2001. Atehere kur bima e shtrenjte canabis sativa, sapo ishte pjekur dhe ishte ne kulmin e sezonit te korries dhe ne ambjentet e "fabrikes" ia behen me dhjetra police, qe i zene ne befasi tre punonjesit qe ne momentet fundit, po nxitonin me droge ne duar, te shpetonin ate qe mund te shpetonin. Por, operacioni spektakolar pa nje telefonate anonime nga njerez qe dinin gjithcka ndodhte brenda mureve te magazinave te vjetra, nuk i kishte lene shume mundesi pronarit, kunatit dhe punetorit tjeter.

Gjithcka u fiksua edhe nga kamerat, te cilat skishin si te mos e shnderronin ne nje nga lajmet me te rendesishme te dites, sasine me te madhe te droges te kapur deri atehere ne Shqiperi. Por, as hetimet dhe as procesi ne Gjykaten e Vlores, nuk arriten te zbulonin linjen se nga furnizohej dhe ku shkonin me pas paketat 1 kilogrameshe, te paketuara ne fabriken e mjeshtrit grek.

Procesi.

Kapja ne flagarance e 3 punonjesve te "mobilersie" si dhe sekuestrimi i mallit dhe provave te tjera te linjes se perpunimit te droges, e detyroi Prokurorine te "kopsiste" shpejt gjithcka dhe ta dergonte dosjen ne gjykate. NJe shpejtesi e shoqeruar me te gjitha veprimet proceduriale. Kleanthi Zeka, prokurori i ceshtjes tha se "kjo dosje eshte nga me te faktuarat e te saktat qe organi i akuzes ka cuar ne gjykate". Megjithate, trupi gjykues nuk i eshte pergjigjur me kete monedhe, shpejtesise dhe provave te ofruara nga prokuroria. Procesi ka nisur te zvarritet pas seancave te para, aqsa nuk dihet se ne crrethana, ne nje rast ai gati u zbarrit ne disa muaj nga njera seance ne tjetren. Deshmitaret e pranishem ne vendngjarje dhe policet qe moren pjese ne operacion, deklauan gjithcka qe perputhej edhe me provat dhe deshmite e ofruara nga akuza. Pas kesaj, prokuroria kerkoi denimin me 32 vjet burg te tre te akuzuarve, me masa qe varionin nga 9 deri ne 12 vjet burg.

Dje ne mengjes heret, ne nje orar krejt te pazakonte per praktiken e gjyqesorit shqiptar me proceset penale, trupi gjykues, vendosi te lere te lire qytetarin 45 vjecar grek Kristo Rajodho dhe punonjesin 18 vjecar te tij, Kreshnik Dibra, duke denuar vetem kunatin e "afendikoit", Altin Velikon me 8 vjet heqje lirie.

Ky vendim eshte kontestuar menjehere nga prokurori i ceshtjes, i cili tha se "ndihem i zhgenjyer, por do te apeloj". Vendimi i djeshem pason nje tjeter vendim te Gjykates se Faktit Vlore, te 2 javeve me pare, kur dy tutore prostiutash u deklaruan te pafajshem dhe u lane te lire megjithe provat e forta te paraqitura nga prokuroria. Pak jave me pare, Keshilli i Larte i Drejtesise shkarkoi nje gjyqtare te kesaj gjykate, per mitmarrje ne shkembim te lirimit te nje krimineli.

----------------------

mire mire.. me pare largon ishullin e Sazanit nga gjiri Vlores se Sazan Alikon nga Gjykata.

[Agim Doçi]

Pak fjalë për burrin trim të malsisë së Gjakovës Azgan Haklaj.
Është deputeti i parlamentit aktual më i votuari në Shqipëri! Bile ësgtë votuar në mungesë. sepse gjatë kohës së fushatës ndodhej në burg krejt padrejtësisht.
Djalosh artist dhe me një trimëri pathollogjike, njeri që të vërtetën e mbron edhe me rezik për jetën! Ka një mënçuri natyrore, që të befason. Komunikon hapatas me njerzit dhe gëzon respektin e asaj krahine!
Për mua është kënaqësi që në Shqipëri, ka djem (ndonse të paktë) me kodin moral të Azganit, që rrezaton atdhetarizëm dhe dashuri për kombin.
Agimi

[Beqari002]

Eshte shume per tu cuditur se deri me tani ne kishim nje dijeni se vetem keta te dhe lideret etyre duke filluar nga Nanoja e te tjeret do te kene marredhenje te mira me greket dhe do te perkrahin te gjitha ato cka ato do te thone.
Por nuk eshte per cudi edhe per demokratin Salko ne na
eshte e njohur se si qeveria e tij demokratike dhe shteti i tij demokratike shqipetar qe ai udheheqete ne ate kohe pranoje krijesen MAqedoni si shtet kur ajo nuk donte as te degjonte se ne te jetojne shqipetar,te njeten gje sot ky Salkoja yne tani ne opozite do te beje me greket ,jo ne Greqi por mozomakeq ketu ne Tiran ne selin blu.
Por behet pyetja si do halli per n je te ardhme tonene se per sot cdo gje po duke,ma merr mendja na eshte e kjart,se do futen ne nje these momentalisht per interesa te huaja POZITE e OPOZITE.

Oj sharki e lehete si era a ka ardhur ne Shqipranvera?

[Redi]

Ne ate kohe, marrevjeshja me Maqedonine u be pikerisht kundra Greqise dhe ishte ajo marreveshje qe terboi grekun dhe e hodhi ne sulm te hapur kundra Berishes dhe pushtetit te tij.

Mallrat maqedone ne vend qe te kalonin nepermjet portit te Selanikut, kalonin ne Durres duke i dhene ketij porti prioritet ne pjesen perendimore te Ballkanit dhe duke i ulur rendesi portit te Selanikut.

Kini parasysh qe Durresi dhe Selaniku kane qene prioritetet per korridorin e tete dhe Berisha me ate qe beri demtoi jashte mase interesat ekonomike greke ne Ballkan dhe fuqizoi ato shqiptare.

Ne rast se ai do te kishte vepruar sipas urdhrave greke, Shqiperia nuk do te ishte djegur.

Pra nuk behej fjale per te izoluar Maqedonine ku jetonin shume shqiptare qe do te demtoheshin ekonomikisht nga kjo gje, por per ti dhene prioritet Shqiperise dhe pozites se saj gjeografike ne rradhe te pare dhe per te ulur influencen e gjithanshme greke ne rradhe te dyte.

Maqedonine dhe Malin e Zi ne rast se nuk i pushtojme politikisht, duhet ti pushtojme ekonomikisht duke futur biznesin shqiptar ne ate troje dhe duke i bere mallrat te flasin shqip.

[Shanon]

Brari e kam njohur dhe une personalisht Azgan haklajn dhe e kam intervistuar kater here. Heren e pare kur sapo akuzohej dhe nuk ishte futur akoma ne burg, heren e dyte kur ndodhej ne spitalin e burgut per kurimin e ftohjes ne mushkeri dhe dy heret e tjera kur ka dale nga burgu. pavaresisht se eshte pak "kokeshkrete" ne kuptimin e mire te fjales eshte nje njeri qe ndoshta nuk ka rrenje personalisht ne politike por i drejte. Ndoshta ne nje nga keto dite nese i gjej do te te postoj dhe intervistat me te sidomos ate gjate kohes ne burg kur u zgjodh dhe deputet duke hyre ne histori si i pari deputet ne bote qe zgjidhet dhe votohet si i tille duke qene ne burg i akuzuar per nxitjen e manifestimeve te jashtligjshme si pasoje e te cilave eshte prishur rendi publik dhe demtuar prona e shtetit.

me respekt shanon

[Brari]

Shoket e Neritanit..

Ritvani, sot drejtor ne Ministri dhe dikur agjenti sekret ne radhet e studenteve te dhjetorit dhe me von ne PD i operativit te sigurimit Iljaz Cecos, burrit te Bules, paska shpetuar nga dallget.

shekulli.
-------------
Guardia shpëton nga mbytja Peshkëpinë.
Skafi turistik me të cilin lundronte rimorkiohet në Radhimë
Ritvan Peshkëpia, 5 orë luftë me dallgët

DURRËS - Ka shpëtuar për mrekulli jeta e ish- deputetit të partisë "Aleanca Demokratike" Ritvan Peshkëpia, i cili me një skaf turistik shëtiste në bregdetin e Adriatikut. Sipas burimeve të "Guardia di Financës" në portin detar të Durrësit skafi turistik i drejtuar nga Ritvan Peshkëpia ka qenë në rrezik mbytjeje, pasi është ndodhur befasisht në kushtet e një deti me forcë 4 ballë për shkak të një fortunali. Po sipas këtij burimi, mjeti lundrues me të cilin lundronte Peshkëpia nuk ka pasur ndonjë avari në motor. Ka qenë ora 02:00 e ditës së djeshme kur forcat e Guardia di Financës janë njoftuar nga policia shqiptare për rrezikun që i kanosej një skafi turistik, me një motor të fuqishëm, me të cilin lundronte funksionari i lartë i PAD-së. Kaq është dashur dhe Guardia di Financa ka dërguar me shpejtësi në vendngjarje 2 motovedeta, të cilat në një kohë rekord janë afruar në zonën ku skafi rrezikohej seriozisht, pranë bregdetit ku derdhet lumi Seman. Operacioni i shpëtimit ka qenë shumë i vështirë, për vetë forcën e dallgëve, erën dhe situatën delikate të pozicionimit të skafit turistik të drejtuar nga Ritvan Peshkëpia, i cili lëkundej si një kuti shkrepse në dallgët e Adriatikut, thanë për gazetën burime të misionit të instaluar në portin e Durrësit. Operacioni i shpëtimit, i përqendruar vetëm 1 milje larg derdhjes së lumit Seman, ka vazhduar për 5 orë, derisa gjithçka ka përfunduar me sukses. Sipas ushtarakëve të Guardia di Financës, operacioni i shpëtimit ka qenë i një shkalle të vështirë dhe tepër delikat. Motovedetat e patrullimit kanë mundur të shpëtojnë Peshkëpinë, ndërsa skafin me një gjatësi prej rreth 4.6 m e kanë imbarkuar në drejtim të portit të Radhimës. I shpëtuari Ritvan Peshkëpia i ka shprehur mirënjohjen forcave të Guardia di Financës, ndërkohë që konfirmohet se ish- deputeti i partisë Aleanca Demokratike, nuk ka pësuar asnjë lloj dëmtimi dhe ka shpëtuar për mrekulli nga rreziku i mbytjes, pas një udhëtimi turistik, i cili për pak u kthye në tragjedi. Rasti më i fundit evidentohet ndër të rrallët në llojin e tij, ndërkohë që janë me qindra aksidentet e skafeve apo gomoneve të trafikut klandestin, një pjesë e të cilave kanë përfunduar me humbje jetësh njerëzore.
Ll.Kallço

[Agim Doçi]

Shanon,
respektet e mija moj bijë, dhe të uroj suksese në artin e gazetarisë!
Shqipëria përveç bandave të tjera kanoset dhe nga banda e gazetarëve të kuq!
Agimi

[Brari]

Gaz.shqip.
----------
Deri rreth orës 01.30 ai ka qëndruar në pritje të motovedetave të Guardia di Finanzia, të cilat e kanë marrë dhe e kanë sjellë në brigjet vlonjate
Një mori telefonatash janë lëshuar nga celulari i Ritvan Peshkëpisë, drejt të gjithë miqve të tij dhe kryesisht drejtuesve të rendit

Vlore/ Shoqërohet në polici: M'u prish motori i gomones. Nga Durrësi përfundon në Zvërnec

Misteri në det i Ritvan Peshkëpisë
Politikani kërkon ndihmë, e shpëton Guardia


--------------------------------------------------------------------------------

VLORE

Një aventurë e mistershme ka shoqëruar pasditen e së mërkurës Ritvan Peshkëpinë. I nisur nga Durrësi, ai është gjetur i vetëm në det të hapur, me një gomone të vogël. Sipas tij një defekt në motorrë, ka bërë që ish-aleancisti të ngelet në mes të detit, në afërsi të Zvërnecit.

Deri rreth orës 01.30 ai ka qëndruar në pritje të motovedetave të Guardia di Finanzia, të cilat e kanë marrë dhe e kanë sjellë në brigjet vlonjate. Pasi i është dorëzuar policisë, ai ka rrëfyer dhe të gjithë aventurën, e cila nuk ka kaluar pa u lakuar me hije të dyshimta nga ana e organeve të rendit, për vetë itinerarin tepër të stërgjatë që Peshkëpia kishte ndërmarrë.

Ka vepruar njëlloj si skafistët kur ngelin në pikë të hallit. Një mori telefonatash janë lëshuar nga celulari i Ritvan Peshkëpisë, drejt të gjithë miqve të tij dhe kryesisht drejtuesve të rendit.

Ka qenë një fat i madh që ai nuk e ka lënë celularin në breg, pasi nuk dihej dhe si do të përfundonte shëtitja që ai kishte ndërmarrë nga brigjet e Durrësit. Siç ka deklaruar në Komisariatin e policisë së Vlorës, ku dhe ka rrëfyer në detaje ngjarjen e ndodhur, Peshkëpia, është nisur nga brigjet e Durrësit me një gomone plastike, të vogël, me një motorr me fuqi motorike 40 kuaj fuqi dhe ka dalë në det të hapur për të shëtitur. Sipas tij nisja është bërë rreth orës 18.30 dhe duket se ka vazhduar për një kohë të gjatë, aq sa i është afruar grykëderdhjes së Semanit, pranë Fierit. Një shtëtitje kaq e gjatë, me një gomone të këtyre përmasave, i ka bërë mjaft përshtypje organeve të rendit, të cilat nuk kanë nguruar ta pyesin direkt, por pa arritur të zbardhin ndonjë gjë më shumë veç versionit të servirur fillimisht. Pikërisht në afërsi të këtij vendi, motorrët e gomones që Peshkëpia drejtonte, kanë pushuar së funksionuari. Hutimi i Peshkëpisë në ato momente ka qenë mjaft i madh dhe gomonia ka filluar të lundrojë e shtyrë nga erërat detare, atë pasdite deti ka qenë mjaft i egërsuar rreth 7 ballë, duke e shtyrë akoma më shumë në det të hapur. Ngadalë dielli është zhdukur krejtësisht dhe nata ka zënë vend, duke pushtuar dhe detin, i cili dukej se nuk i ka lënë asnjë mundësi shpëtimi Peshkëpisë. Atëherë ai ka nisur telefonatat e njëpasnjëshme në drejtim të gjithë atyre që njihte, kryesisht në strukturat e rendit. Nga ana e këtyre të fundit, interesimi ka qenë i menjëhershëm. Janë lajmëruar menjëherë të gjitha strukturat e Guardia di Finanzia, që veprojnë në Durrës e Vlorë dhe kanë nisur kërkimet. Vetëm rreth orës 01.30, duke u gdhirë dita e enjte, është bërë e mundur evidentimi i gomones, në të cilën ndodhej i vetëm Peshkëpia. Pas marrjes në pyetje të policisë, ku dhe ka treguar ngjarjen e mësipërme, ai ka treguar dhe një patentë, e cila i lejonte të drejtonte mjete të kësaj natyre.
------------------

Telefonata "sos" në polici: "Po mbytem me gjithë familjen"


--------------------------------------------------------------------------------

VLORE

Një tjetër element që ka bërë policinë të dyshojë në lidhje me udhëtimin që kishte ndërmarrë Peshkëpia, ka qenë vetë deklarata në telefon që Peshkëpia i ka bërë organeve të rendit. "Ju lutem më shpëtoni. Po mbytem bashkë me familjen!" Por kur forcat e Guardia di Finanzia kanë zbuluar vendndodhjen e tij, e kanë gjetur Peshkëpinë të vetëm në gomone. "Po familjen ku e ke", është pyetja direkte me të cilën është përballur Peshkëpia në momentet kur është takuar me shpëtimtarët e tij. "Kisha frikë të thoja se jam i vetëm, pasi pas incidentit me Bilbil Memën, mendoja se nuk do më ndihmonit më", i është përgjigjur ai punonjësve të rendit, duke i kujtuar kërkesën për dorëheqjen e Memës, pas rrahjes nga bodigardët e Cekës.

----------
Incidentet "Peshkëpia"

Pasaporta, makina e rrahja tek "Dajti"


--------------------------------------------------------------------------------

Politikanin e PAD-it e kanë shoqëruar jo pak incidente në vitet e fundit. Më pak se katër vjet më parë, në vitin 1998, Antimafia Italiane është befasur kur njëri nga të arrestuarit e shumtë me kombësi shqiptare mbante një pasaportë diplomatike me emrin "Ridvan Peshkëpia". Skandali mori dhenë dhe disa ekpie të Prokurorisë Italiane vizituan disa herë Shqipërinë për të qartësuar pozicionin e Ridvan Peshkëpisë. Madje ky i fundit është pyetur nga prokurorët italianë dhe ka sqaruar pozicionin e tij në këtë histori. Peshkëpia ka deklaruar atëherë se pasaporta i kishte humbur, dhe për këtë kishte informuar edhe autoritetet policore. Madje kishte bërë edhe denoncimin përkatës, për bllokimin e pasaportës. Por "gojët e liga" këmbëngulnin se ka qenë vetë Peshkëpia që e ka shitur pasaportën, e cila më pas është përdorur nga një trafikant, anëtarë i një grupi shumë të fuqishëm mafioz.Por në fund të janarit të këtij viti Ridvan Peshkëpisë i ka ndodhur një tjetër incident në veri të Shqipërisë, në Tropojë. Ndërsa ishte duke inspektuar atë zonë për të forcuar strukturat e partisë, Riza Malaj, një i kërkuar nga policia "ka rënë në sevda" me fuoristradën e bardhë që kishte politikani Peshkëpia. Pa bërë shumë debat e rezistencë, Peshkëpia ka dorëzuar makinën e tij luksoze në dorën e Malajt dhe në kryeqytet është kthyer me furgonët e linjës. Ndërsa Malaj i ka treguar edhe mënurën se do ta merrte makinën. Por incidenti me tragjik, sigurisht sepse ishte nën syrin e kameramanëve, ishte ai te hotel "Dajti", rreth dy muaj më parë. Në konflikt me presidentin Neritan Ceka ai grindet edhe në këtë mbledhje. Ceka i kërkon që të dalë jashtë sallës, por ai bën rezistencë. Në këtë moment Ceka urdhëron dy truprojat e tij për ta nxjerrë jashtë. Ai bën rezistencë edhe kur rojet e kapin për krahësh për ta nxjerrë jashtë sallës. Në këtë moment njëri prej tyre (më pas të dy) e qëllojnë me grushta e shkelma në fytyrë. Një ditë më pas ai deklaroi se do të largohej nga Shqipëria dhe akuzoi rëndë krerët e policisë së shtetit si të përfshirë në incidentin.

---------------------

Ja pra agjentet e rendesishem nuk lihen ne balte. Celularet e tyre i kane numrat e shefave madhore te policise.

E ku je Ritvan Peshkepia, agjent qe 15 vjec i sigurimit.



Kliko per te printua