Integrimi i shqiptarëve në Evropë

[ElMajico]

Integrimi yne ne europefffffff Endrraa

Une isha ne vere ne shqiperi te gjithe hapnin syte kush nga ambasada angleze kush nga ambasada italiane ndonjeri dhe ne ambasaden greke qe po i andej po i vdesin fare .Po cte them une me asnjeri kun ka me shpresa tek ky vend....

Pastaj tjetra ne duam te krijojme UNITED STATES OF ALBANIA hapim syte nga amerika duke harruar qe jetojme ne Europe.....Po nejse se po futem shume thelle... ehhhh..

Flm per kohen...

[indrit]

me fal po e ke shume gabime....
per sa i perket njerezve qe duan te shkojne jasht shtetit ate kane ekzigjenzen si ty ta dalin jasht shteti nje gje qe ju eshte mohuar per vite...kur te do te jemi te lire qe te dalim nga kufijte e shtetit tone do te shikoshe se sa njerez do te marrin kush tragetet kush avionet qe te bejne turist. apo te kerkojne nje te ardhme ne nje vend te huaj, po.... por pastaj ku do shkojne? do te kthehen po ne vendet e tyre.

eshte e drejte qe shqiperia te hapi syte edha nga amerika sic bejne edhe shhtet e tjera. kemi mu shume mbeshtetje dhe financime
ciao

[forum126]

Patjeter qe ne shqiperi eshte endrra per tu integruar ne Europe. Ose sic thote Majko:"...vazhdojne punimet per asociim".

Shqiperia se pari ka nevoje per siguri qe edhe investitoret e huaj te vijne edhe me lehte. Pastaj tani avash avash edhe emigracioni i ka mesuar shqiptareve se puna te con perpara. Te integrohesh ne Europe nuk do te thote te hash falas ose te te mbaje europa me buke. Tani per tani ne na pelqen te punojme me shume jashte se ne shqiperi. Kur te fillojne shqiptaret punen ne shqiperi, po u vendos drejtesia, po u ndalua korrupsioni atehere nuk kemi nevoje per integrim ne Europe. Nuk eshte puna se ne na mungon ndonje gur magjik qe ndodhet ne Danimarke dhe duhet patjeter te shkojme dhe ta marrim. Cdo gje e kemi ne shqiperi por duhet pune.

[Syte_e_Tigrit]

Integrimi????????????
Epo degjoni disa nga statistikat qe kane qene par nje(1) VITI,dhe pastaj ti bejme LLOGARITE me HANXHINE.
70% e popullsise shqiptare,marrin rreth ose kane te ardhura 1 usd,ne dite!!!!35%-38%e kesaj 70% perqindeshi merrin me pak se 1 usd ne dite!!!!!!!Sipas llogaritjeve mbas,14 vjetesh do te arrihet qe ky 70% te pergjysmohet.!!!!!
tani bejini llogarite vete, per INTEGRIMIN.

[hope31]

Integrimi i Shqiperise dhe i shqiptareve ne Europe per momentin eshte i veshtire, pasi vendi dhe populli kane shume halle.Eshte sikur te imagjinosh nje te semure rende,ne mes te dimrit qe mendon per pushimet verore qe do vijne.
Duhet te mobilizohemi te gjithe-te gjithe qe ndjehen shqiptare, kudo qe ndodhen e te kontribojne per te arritur qe te jemi te barabarte me popujt e tjeret.Por kerkohet organizim,drejtim, politike e udheheqje,e cila mungon ne maksimum.
Na duhet edhe mbeshtetje gjithashtu.

oh sa gjera ne mungojne...

Kemi shume gjera qe na afrojne me Europen ,por kemi aq gjera qe na mbajne larg saj dhe na duket finish i pafund, Europa.

Na u befte rruga me e lehte dhe me e shpejte per Europe.

sinqerisht
hope31

[DjAl_MyZeQeJe]

he bukure ?))

[I-amëshuar]

Integrim një fjalë, Europë(apo evropë) një bashkësi e huaj.

Pra ne duam të jena pjesë e kësaj bashkësie Pse?

Në bashkësi të huaj pa pasur bashkësinë tonë?
Ne së pari nuk duam njëri-tjetrin në kuptimin që s´kemi bashkësinë tonë akoma po si mund të marrim pjesë në një bashkësi(europë) të huaj qe me shekuj na urren dhe këkon shkatërrimin tonë.
Unë jam për mos hyrjen e shqipërisë në europë pasi nuk kemi akoma një shtet për popullin shqipëtarë(por vetëm për antishqipëtarë).
Nuk jam ekstremist në mënyren në të cilën po trajtoj temën pasi unë sot ndodhem në europë e shqipërinë e gëzojnë kriminelet dhe e vuajnë të dobtit(të varfrit).

[ATMAN]

Rreth Integrimit


Sazan Gaba

Nese flasim per integrim ne kuadrin e nje diskutimi per sociologjine e emigracionit, atehere duhet medoemos te mbajme parasysh se ky integrim nuk mund te jete vecse i dyanshem: te ardhurit integrohen ne komunitetin mikprites, dhe ky i fundit integrohet ne te ardhurit. Kjo thjesht ngaqe emigracioni, ne ate mase qe ndodh, sjell ndryshime rrenjesore ne te pakten tri struktura sociale: komunitetin PREJ te cilit emigrohet; komunitetin DREJT te cilit emigrohet, dhe komunitetin e emigranteve VETE. Koncepti se emigrantet duhet te integrohen ne komunitetet e vendeve mikpritese eshte i pamjaftueshem, dhe deri diku naiv. Nje komunitet si ai tipik i nje vendi evropianoperendimor e pranon emigracionin jo per hir te ndonje zemergjeresie, ose elevacioni moralo-intelektual, por ne radhe te pare sepse ka nevoje per krah pune (pergjithesisht te pakualifikuar). Nevoja per emigracion eshte moment I perkufizimit te tij, jo nje opcional, per sa kohe qe vendasit lindin gjithnje e me pak femije, dhe ketyre femijeve iu pergatitin nje te ardhme shume te kujdesshme, cka parakupton qe nje pjese e vlerave te konsumuara ne kete te ardhme te jene krijuar prej punes dhe mundit te "Tjetrit". Edhe rritja e vetedijes sociale te gruas ne Perendim, ne ballafaqim shpesh te ashper me rolin e saj tradicional si nene dhe bashkeshorte, nuk do te kishte pasur ndonje reperkusion social te denje per vemendje, sikur keto gra ekzekutive, te emancipuara dhe kompetitive te mos kishin nga pas, bie fjala, armatat e baby-sitterve filipinase apo polake. Evropa sot nuk jeton dot pa ate pjese te veten qe ende ngurron ta njohe boterisht si te tille: gruaja kosovare shume-femijeshe ne Zvicer (qofte e brezit te pare, apo te dyte, apo te trete te emigracionit) eshte tashme nje fenomen i shoqerise zvicerane, jo kosovaro-shqiptare.

Presioni per integrim nje-kahesh, i ushtruar nga ideologet konservatore-tradicionaliste te komuniteteve mikpritese, mbeshtetet mbi nje teorizim te dyshimte rreth superioritetit te qyteterimeve stacionare, ne raport me kulturat shtegtuese, te cilin teorizim une nuk do ta quaja asgje me teper sesa nje mit. Ne rast se argumentojme se qyteterimi stacionar eshte superior ngaqe eshte stacionar, ketu nuk kemi bere gje tjeter vecse kemi arsyetuar ne menyre qarkore. Historia ka provuar se qyteterimet stacionare, te cilat si rregull jane shquar nga nje koeficient shume me i larte I akumulimit te pasurive materiale, gjithnje kane perfunduar te shkaterruara nga valet e kulturave shtegtuese, rregullisht te konsideruara si inferiore. Superioriteti dhe inferioriteti, ne raste te tilla, nuk mund te kene vecse nje vlere relative, ekzistojne ne raport me nje etalon vlerash qe nuk mund te jete universal. Nga ana tjeter, instinktet vetembrojtese te nje komuniteti dhe nxitja e reflekseve te perjashtimit te elementit te perceptuar si "TJETERLLOJ" nuk mund te mos çojne heret a vone ne vendosjen e diktaturave te djathta, te cilat e denatyrojne sistemin e demokracive evropianoperendimore edhe me shume sesa dyndjet e imigranteve. Problemi i madh i Evropes Perendimore eshte se kjo u kristalizua si sistem ne kushtet e luftes se ftohte, si Kopsht me Lule i demokracise perballe Perandorise se te Keqes ne Lindje. Ishte nje sistem i hapur, qe gjithsesi mund te funksiononte ngaqe ishte rrethuar nga sisteme te mbyllura. Implozioni i strukturave shteterore dhe sociale ne Lindje e shnderroi vete Perendimin ne nje relike, ne nje gerdalle anakronike. Ajo kulture ne te cilen te gjithe duam te identifikohemi: te drejtat e njeriut, toleranca, liria individuale, iniciativa private -- nuk ekziston me vecse ne nje forme shume fragmentare, dhe qe po fragmentarizohet cdo dite e me teper, sepse nuk mund te aplikohet dot ne menyre jodiskriminative. Evropa, per te cilen te gjithe mendojme kur degjojme fjalen "Evropa", po shnderrohet cdo dite e me teper ne nje "theme park", ne nje muzeum te hatashem, ne nje dinamo endrrash, iluzionesh dhe mitesh per te gjithe ne qe refuzojme t'i pranojme vetes se Lufta e Ftohte (prodhime te se ciles jemi) tashme ka perfunduar. Me fitoren e Lindjes.


***


Kur flasim per komunikim, zakonisht kemi parasysh telefonin celular, Internetin, lajmet e CNN-it, njoftimet e trafikut ne autostrade, ekspoziten e Artit Malgash, Koncertin e Vjenes, Festivalin Folkloristik te Transkaukazit, nje ping-pong buzeqeshjesh midis dy frekuentuesish te njekohshem te Bibliotekes se Shoqates se Arkeologeve Gjermane ne Rome. Kjo sepse imagjinata eshte gjithnje selektive, dhe permbajtja e imazheve qe na pluskojne ne cipe te trurit eshte e percaktuar nga mitet me te cilat rrojme. Dhe jo vetem kaq: edhe permbajtja e imazheve te debuara prej cfaredo perfaqesimi ose ambasade ne vetedije, eshte njelloj e percaktuar nga miti. Per shembull, kush prej nesh do ta perfytyronte - vetvetiu, si nje forme te natyrshme komunikimi - shkembimin reciprok te FLORES BAKTERIALE VETJAKE ne nje autobus urban te mbushur udhetaresh?

Ai berlinezi i kulturuar i GH-se, (gjysherit e te cilit, ne kohen e tyre, nuk mund te akuzohen se nuk u perpoqen seriozisht ta ruanin arianizmin e tyre kunder abominacionit cifut), nuk mundet, megjithate, ta bllokoje komunikimin BAKTERIAL me hordhite e kosovareve, shqiptareve, kurdeve, moldaveve, dhe taxhikeve. Mundet, gjithsesi, ta pezulloje perceptimin e ketij integrimi qelizor (ne nivel viral, bakterial, dhe spermatozoik), duke u terhequr ne opiumin e filozofise majtiste te integrimit, te cilen e shpjegoi Albana. Kjo filozofi e ka gjithnje nje element redemptiv, shpetues, evangjelizues, pagezues, niset nga nje qellim i mire adomestikues, pervetesues, zbutes; eshte e tera, fund e krye, e ngritur mbi konceptin e karrotes, por NUK funksionon. Nuk funksionon, sic e sqaroi edhe GH-ja vete, sepse te ardhurit jane REFRAKTARE, nuk mund te joshen me sublimacionet qe u ofrojne kulturat pritese, as shampot ose kurset e teknikave per te lare koken, ose te pedikyrise; pa permendur metodat e mesimit te gjuhes, ku tregohet se si nje grup emigrantesh nga ultesira e Dnieprit vizitojne shtepine muze te Schiller-it ne Marbach. (Wie geht es Ihnen? Çar ***** thot ky mor jahu?)

Problemi eshte qe NUK funksionon. Berlinezi i superkulturuar, me siguri i mekuar me doktrinat e majta dale nga ngjarjet e 68-es, duke perfshire ketu edhe ambientalizmin, vegjetarianizmin, anti-Helmut-Kohl-izmin, anti-amerikanizmin, dhe doemos nje interes pothuajse pervers per ekzotiken e Botes se Trete (duke filluar nga Pyjet e Amazonit, e deri tek problemi ngutesisht shqetesues i eskimezeve qe duan te vrasin tek tuk ndonje kashalot te ploget), eshte I PAPERGATITUR per te komunikuar ne menyre racionale me nje tufe kurdish qe orvaten t'i shesin nje ore xhepi gjeorgjiane, ne pazarin e Pleshtave, nje dite te diele. Eshte e papergatitur, sepse e gjithe e majta evropiane - e cila e ka sot kontinentin ne dore - nuk ka asnje program te arsyeshem per te zgjidhur ate qepopullsia vendase e percepton si problem te emigracionit. Ne te vertete, nuk ka problem te emigracionit, por ka nje problem te Evropes, ne te cilen emigracioni ka pjesen e vet, se bashku me renien e lindshmerise se femijeve, krizen e familjes, krizen e ideologjive dhe te motivacionit, dhe fosilizimin e pasurive materiale. Si i pergjigjet kesaj sfide e majta e Evropes? Me programet sentimentale (ekumenike) te integrimit, qe na parashtroi Albana? Eshte shume pak, ne mos asgje fare. Ne te vertete, e majta evropiane eshte ajo vete pjese e problemit, duke qene fund e krye krijim i asaj Evrope e cila REFUZON T'IA PRANOJE VETES se eshte duke e ndare floren bakteriale me gjithfare magrebinesh, ballkanikesh, kaukazianesh; ukrainasish me bagazh gjenetik ende te demtuar nga Cernobyli; kinezesh te palodhur qe nderrojne vazhdimisht emrash, zezakesh afrikane nga Bregu I Fildishte, Senegali, Nigeria; somalezesh, afganesh, rumunesh, ciganesh, peruvianesh... Kjo e majte Evropiane, sa here qe ka vepruar, ka vepruar ne menyre konservative, difensive, difensiviste, per te shpetuar bazen elektorale, duke iu trembur se djathtes dhe fantazmes se diktatures... e per ta mbyllur kete argument, i kujtoj Albanes se ishte gjithashtu nje qeveri italiane E MAJTE qe i mbylli shqiptaret refugjate te 1991-shit ne Stadiumin e Barit.

Prandaj Berlinezi i kulturuar i GH-se nuk ka asnje lloj arme ideologjike qe ta ndihmoje per t'i dhene dum problemit te kurdeve, ose te atyre procesioneve religjioze lituane, qe mund t'ia prishin pak gjumin e mengjesit te dielen. Te kuptohemi: ai vete eshte I teri kozmopolit deri ne palce, e ndoshta koleksionon ne shtepi instrumenta muzikore atonale te Polinezianeve te Papuas; por pikerisht ne ballafaqimin fatal me kryematrapazet kurde ne pazarin e Pleshtave, e zbulon me ne fund qe eshte gjerman, dhe i kujtohet krenarisht ndonje varg i vaket nga Goethe-ja (ndoshta ne te njejten kohe kur kurdet po bejne cmos ta heqin nga koka ate vjershen e Schiller-it qe ua mesuan ne kursin intensiv te gjermanishtes per refugjate gjysme-politike te parregullt). Me fjale te tjera, e zbulon qe eshte gjerman, pikerisht ne nje kohe qe flora e zorreve po i shnderrohet gjithnje e me teper ne dicka aziatike, (fale edhe higjienes jo perfekte te restorantit turko-tatar ku e ka bere zakon te shkoje te mbllacitet pasditeve).

Ne Evropen e sotme, me e shumta e imigranteve jane te vendosur aty ku kalon kufiri midis rendit publik dhe kaosit, etikes dhe kriminalitetit, fese dhe sektit ezoterik, zbavitjes dhe drogimit, erotizmit dhe prostitucionit, demokracise dhe kerbacit te policit, hierarkise dhe dhunes. Kultura e ketyre imigranteve harliset PERTEJ horizontit perceptues te syrit publik tradicional, e ndoshta per kete arsye, edhe integracionizmi i se majtes evropiane gabohet sa here qe e gjen kete kulture te te ardhurve si TE MANGET, deficiente, asimetrike, disfunksionale.

I pare si transfuzion kulture ne kushtet e nje NDIHME TE SHPEJTE social-komunitare, integrimi eshte I destinuar te deshtoje, per arsye te papajtueshmerise gjenike. Ne te vertete, imigrantet e kane kurdohere kulturen e tyre, e cila i lejon ta perceptojne e ta kultivojne identitetin e grupit (dhe te individit si gjymtyre te grupit); kjo ne menyre krejt te pavarur nga prejardhja ose nga permbajtja e elementeve te kesaj kulture. Ne kete kontekst, edhe kulti muzikor i Enver Hotit nuk deshmon per ndonje vetedije historike te mbi-eksituar, pse i vetmi kuptim qe mund te kete eshte qe te sherbeje si instrument per mbareshtimin e komunitetit.


Kultura e imigranteve eshte difuze, e shperndare, egalitare, e paspecializuar, dhe inkluzive, pse nuk parakupton ndonje diferencim elitash brenda komunitetit. Si e tille, paraqitet tipologjikisht e kundert me kulturen establishmentare, eurokratike, te Palazzo Pitti-t, Da Vinci-t, katedrales se Reims-it, Davidit te Michelangelo-s, kanaleve te Venezia-s dhe te Amsterdam-it, dhe bankave te Zyrihut.

Kjo e dyta ekziston para se gjithash ne emer te konservimit te historise nepermjet nje perpjekjeje MUZEIFIKUESE titanike, objektivi i se ciles eshte, ne fund te fundit, asgjesimi i reales. Sipas nje perspektive teper distopike, por jo fare te pagjase, shtetet e Evropes Perendimore, te privuara nga efektet tonizuese te horizontit sovjetik ne Lindje, jane te destinuara te pesojne nje varg shnderrimesh sociale rrenjesore, te cilat gradualisht do te shpien ne shnderrimin e KOMBEVE te dikurshme ne DEPOZITARE dhe TRASHEGUES te pushtetit (politik, ekonomik, kulturor).Ky shnderrim do te shoqerohet dhe do te KOMPLETOHET nga BLLOKIMI I RIPRODHIMIT SEKSUAL, dhe nga zevendesimi i tij me nje proces fekondimi dhe gjestacioni artificial laboratorik, gjenetikisht te kontrolluar, e madje TE GARANTUAR.

Endrra mesjetare naziste e perftimit te nje race krenare mbi-njerezish do te mund te behet keshtu realitet pa qene nevoja te ndizen edhe nje here krematoriumet. Pse keshtu? Sepse paralelisht me kete sublimim tekombeve "te vjetra", vete masa e imigranteve do te shnderrohet ne nje klase qytetare te dores se dyte, e cila te kete ne ngarkim (ri)prodhimin e REALES (si DEPOZITARE E PUNES, ne ate mase qe puna konsiston ne transformimin e objekteve te botes materiale, per t'u dhene vlera perdorimi).

Perkundrazi, ARISTOKRACIA e re e kombeve te de-fertilizuara, do te perqendrohet ne ruajtjen dhe riprodhimin e strukturave te pushtetit dhe te KOMUNIKIMIT si instrument baze i ushtrimit te ketij pushteti (brenda nje universi ne thelb virtual, sepse digital).

Eshte megjithate e vertete se Evropa e Bashkuar - e cila si projekt i perket epokes se Luftes se Ftohte - mund te sherbeje fare mire si nje kundermase ndaj degradimit katastrofik te shteteve-kombe te Evropes Perendimore ne rrethanat e plakjes se popullsise, dhe mbushjes me imigrante te intersticeve sociale. Evropa e Bashkuar, e cila eshte ende nje permbajtje ne kerkim te dhimbshem te nje forme, tashme eshte e shtrenguar te gjeje indentitetin e vet jo vetem ne ballafaqim me te vetmen HIPERFUQI te planetit (Shtetet e Bashkuara), por edhe e sidomos ne kundervenie me masen here amorfe, here te deshperuar, here agresive, te te gjithe atyre qe kerkojne e do te kerkojne te depertojne ne FORTESE: Lindja evropiane, Lindja e Mesme, Azia Qendrore, Mesdheu, Afrika e Zeze... Dhe e gjithe kjo, ne rrethanat kur elitat e reja politike te Evropes Perendimore jane mbrujtur fund e krye me idene se Evropes i mbetet barra e shenjte e RUAJTJES se nje thesari, nje kulture, nje ideje, nje qyteterimi te zene fill me Athinen e Perikliut; por edhe misioni i shenjte i RIPRODHIMIT te ketij thesari, kesaj kulture, kesaj ideje, ketij qyteterimi, deri ne ate pike absurde sa edhe vete Evropa si realitet historik te sublimohet e tera ne riprodhimin e panderprere te simboleve te veta te pacmuara, te cilat simbole masa amorfe poshte mureve te forteses gjithesi NUK IA LAKMON ASPAK.

Sa vendimtar ky konflikt, dhe çfare mosperputhje objektivash!

[ATMAN]

Rreth Integrimit


Era Makoci

A do te ishte e mundeshme dot ndonjehere qe ne nje vend europian -- dhe me vend europian kam parasysh konkretisht Francen, Gjermanine, Zvicren, Italine, Greqine, te cilat kane ca perqendrime shqiptare te konsiderueshme,-- a do te ishte e mundeshme pra qe ne nje nga keto vende, kur te pyetem se nga vij, te mundem te them pa gelltitur peshtymen per 30 sekonda se jam shqiptare, dhe bashkebiseduesi im i rastit TE MOS me thoshte se gezohet pa mase qe u njohem dhe te shtoje me shpejtesi se hera e fundit qe degjoi per shqiptare qe titulli i gazetes se te dieles se kaluar ku ishin kapur tre shqiptare dhe 50 kg heroine ne bagazhin e nje BMW-je te vjedhur duke kaluar kufirin gjermano-zviceran; apo TE MOS kujtohej papritur se hera e fundit qe kishte pare shqiptare qe nje dasem kosovare ku papritur e pakujtuar kishte plasur pushka se njeri nga dasmoret i kishte pare gruan tjetrit; apo TE MOS me thoshte se hera e fundit qe kishte pare nje shqiptare qe nje prostitute shume simpatike e cila per 30 marka bente gjera te mahnitshme; apo TE MOS qellonte qe ky bashkebiseduesi ne fjale te ishte papritur shume i dhene pas statistikave te burgjeve dhe te me pyeste a kisha ndonje ide une se si ishte e mundur qe ne qytetin ku ai jetonte dhe ku ai kishte degjuar qe shqiptaret te perbenin 0.5% te popullsise, burgu i qytetit mbante 20% shqiptare, dhe natyrisht te mos shtonte me nxitim dhe me buzeqeshje shume te miresjellshme se une nuk dukem fare si e tille dhe se. ne se do te behesha ndonjehere qytetare e perhershme franceze per shembull, do te shikoja se presidenti francez dora vete do te me mirepriste si te tille me nje leter prekese ku jo vetem do te me shpjegonte vizionin e tij per nje shoqeri te hapur dhe demokratike franceze por do te vinte dikur dhe te pinte dhe nje kafe me mua nga shtepia?

Thjesht a do te ishte e mundur kjo, ishte ajo qe une do doja t'ju pyesja juve te gjitheve, ndersa guxova te shtoj me modesti se mbase nje gje e tille do te jete e mundur po te balancoheshin monstruozitetet me suksese te thjeshta dhe shembuj te thjeshte te nje jete normale te shqiptareve te cilat nuk mund te evidentohen si te tilla, pra si shembuj shqiptare pozitive, ne rastin kur ti ke zgjedhur si rruge mbijetese ne ate vend anonimitetin qe propozonte GH.

Ajo qe bete ne fakt ju te gjithe eshte qe te rendni dhe nje here dhe te me jepni nje liste te gjate me pikerisht pra ata shembuj qe une kam frike se do i degjoj nga nje europian kur t'i ze deren, dhe pikerisht ata shembuj qe une po pyesja se si mund t'i shmangja qe te mos t'i degjoja, me pikerisht ata shembuj te tmerrshem qe une i di, dhe bile po te me kishit gjetur ne nje dite me te lire, ate listen e te zezave te shqiptareve e kosovareve, nga shate faqe mund ta beja shtatembedhjete, sepse nuk di a e dini ju, por kosovare dhe shqiptare te prapambetur ka plot edhe ketej. Bile ketej ka dhe shume amerikane te prapambetur bemat e te cileve jam e sigurt do t'ju zbavisnin te gjitheve pa mase... Por c'muhabet serioz eshte ky? Ne po i numerojme vetes te prapambeturit apo cfare?

Thelbi nuk eshte aspak ruajtja e identitetit kombetar ne menyren me deklamative dhe pathetike te mundeshme, duke festuar me parrulla 28 Nentorin apo duke mesuar ne lahute balladat e Nene Terezes dhe te Enver Hotit. Une nuk kisha asnje insinuate me shije kaq folkloristike ne shkrimin tim te meparshem, sepse ka shume mundesi qe une e ti t'i takojme nje brezi qe polifonine labe apo baladat me lahute te veriut i ka pare thjesht si nje kuriozitet etimologjik, pa mundur kurre dot te shprehet a identifikohet nepermjet tyre

Por nuk eshte kjo shprehje e nje nevoje te natyrshme dhe organike qe kane komunitetet e caktuara per te ruajtur bashkesine ne menyre celebrative e folk, faktori qe i le ata te paintegruar dhe te panjohur mjaftueshem me vendin ku jetojne dhe vendasit qe i rrethojne. Nuk eshte KY faktor prapambetjeje, sic gati-gati sugjeron GH, sepse une nuk mund te ve per asnje moment ne dyshim integrimin e secilit nga ju apo timin ne vendet ku jetojme vetem e vetem sepse ne te gjithe japim e marrim ne shqip ne AlbClub. Kjo vecse eshte shprehje e nje nevoje per t'u rilidhur serish me pikat themelore te ankorimit: te mberthehesh mbas disa vlerave qe tentojne te harrohen ose te cvleresohen tek ti endesh is elektron i lire neper bote - autoriteti, te shprehurit plotesisht i vetvetes ne nje grup i cili nuk ka nevoje per nje ekspoze te background-it tend te meparshem, nostalgjia per femijerine e rinine, kultura e mehershme e ngjashme etj etj si keto te cilat mund te mos luajne nje rol vendimtar ne faktin se sa para sjell sejcili cdo jave ne shtepi dhe nuk ndihmon dhe ndoshta fare qe ti te njohesh me mire C, C++ dhe gjithe gjuhet e mundeshme te programimit te kompjuterave, por ploteson konsiderueshme nevojen per te qene i plote si person, me nje te kaluar, me nje te tashme e nje te ardhme. Shume mund te zgjedhin dhe rrugen e mohimit total te asaj nga vijne dhe te arrijne ne nje apokalips te vertete, por qe ka shume rrezik te jete nje apokalips i tille qe te shkaterroje dhe vete plehun ku pretendohej te mbillej fara.

Ne vijme nga nje shoqeri, cimentimi i cuditshem 50 vjecar i se ciles u shkermoq dhe ajo qe ndodhi para se ta gjenim te gjithe veten se sa te varfer ishim ekonomikisht ne fakt, ishte shpejtesia me te cilen ndodhi arratia e vlerave morale. Eshte e cuditshme se sa shpejt zonat e mirekuptimit u zhduken dhe se sa te vetemuar dhe te ndare jane njerezit tani. Nga te gjitha konceptet morale dhe ato elemente qe mund te perdoreshin per te krijuar nje veper njerezore asgje s'mbeti e pacenuar; as e vertete, as bese ne sjelljen e qeverive, as vlera qofte dhe relative e fjales qe ve ne prove nderin e njerezve. Pothuajse gjithcka, qofte ne ndergjegjen e shqiptareve jashte, qofte ne ate te atyre brenda Shqiperise, qofte ne ndergjegjen e drejtuesve e politikaneve, eshte fiktive, e paqendrueshme dhe e pasigurt.

Perballe ketij realiteti shqiptar gjendet nje Europe e cila ndihet superiore ndaj shqiptareve dhe nuk ka leter te Miterrand-it ne bote qe te mund te sugjeroje se ato shtresa dhe nenshtresa disa shekullore te superioritetit europian te lidhura sa me kontributin e tyre civilizues, aq me idene e madheshtise se vetekuptueshme (per ta) te gjermanikeve, te anglo-saksoneve apo francezeve, te jene davaritur tashme, dhe papritur kjo Europe hundeperpjete pranon me shume thjeshtesi dhe zemergjeresi shqiptare, kurde, turq e filipineze te ndershem tek i rrok me dhembshuri ne gjirin e saj.

Dhe se fundi, nga nje pikeveshtrim pak me i distancuar i te gjithe situates dhe marrdhenies ''zot shtepie - i ardhur”, mbase iu duhet kujtuar te gjitheve atyre qe diskriminojne njerezit etnikisht, se ka nje teori te monogjenezes qe qendron ne kembe po aq e sigurt sa qendrojne dhe te gjithe teorite e tjera, dhe ka gjasa qe te gjithe ne, shqiptare, gjermane, zimbabueze, te rrjedhim nga nje majmun i vetem, apo nga nje Adam dhe nje Eve e vetme, dhe kufijte jane rastesore, trille te historise, ose te atij fraksioni kohe aq minimal te saj qe mund te jete thjesht 2 mijevjecaret e fundit apo dicka me teper, dhe se kjo eshte vetem nje grimce shume e vogel kohe ne krahasim me jeten miliardavjecare te botes dhe s'ia vlen ky helmim shpirtrash e kjo loje e piset me popuj inferiore e superiore.

[ATMAN]

(Rreth integrimit)



GH

Ne fakt ne nje teme si kjo njeriu mund te kaloje edhe muaj te tera duke shkruar, arsyetuar, deduktuar, konkluduar, gabuar e te tjera si keto; dhe sapo nderrohet pak perspektive gjeografike e vezhgimit te gjithe skenes seemigracionit, mund te fillosh perseri nga fillimi me gjithe procesin e analizes se fenomenit, pasi perseri cdo gje duket krejt pa pritur ndryshe.

Si rregull konkludohetdot ne nje menyre te caktuar gjithnje ne funksion te perpektives te zgjedhur per te vezhguar. Ne rastin e refugjateve ose te ardhurve te rinj ne vendet e Evropes Perendimore ka nje dallim esencial me ato te Pertej Detit, per te vetmin fakt, se te gjithe te mberriturit pertejdetit ne 2 - 3 shekujt e fundit arrijne ende ne Vendin e Askujt, i cili per fatin e tyre te mire ende i ofron vend boll te gjithe te ardhurve dhe kjo ne kuptimin e mirefillete gjeofizik te fjales. Perndryshe te ardhurit e rinj duke lene nje rruge te gjate dhe nje oqean te madh pas vetes, arrijne ne Brigjet Lindore dhe dallojne nga njeri - tjetri kryesisht nga ngjyra e lekures apo ajo e flokeve, gje qe nuk ndodh aspak ne Evrope. Ketu kombe te ndryshme kane stabilizuar perfundimisht fizionomine e tyre kulturore prej shekujsh e shekujsh te tere dhuke e fiksuar kete thelle dhe forte ne territore, per te cilat kane luftuar me dhjetra here me njeri - tjetrin dhe duke i dhene bekimin e dy apo feve kristiane tashme autoktone po aq sa edhe popujt vete mbi territoret e tyre. Ne keto rrethane procesi evolutiv kulturor i ketyre popujve ka perfunduar dhe ato nuk presin asnje mesazh te ketij lloji t'ju arrije nga jashte e ca me pak nga nje kulture myslimane - ballkanike e zhvilluar me nje shfazim te ciklit te lulezimit te saj prej ndoshta nje shekulli e gjysem apo dy. Ne keto rrethana vendet evropiane nuk jane te disponuara te presin te ardhur te rinj nga lindja apo nga juglindja evropiane, per te vetmen arsye, sepse nuk kane nevoje per keta njerez, persakohe qe ato kulturen e tyre kombetare jane mesuar ta zhvillojne vetem vete dhe kete e kane bere historikisht vetem keshtu. Natyrisht nga perspektiva e te sapo ardhurit gjithcka le pas shijen e hidhur te diskriminimit, nderkohe qe une nuk e di nese vertete ky eshte diskriminim apo jo. Nga perspektiva e vendasve gjithcka behet per hir te ruajtes se autoktonitetit te tyre (qe pertej detit ndoshta ata qe sot e quajne veten vendas nuk e kane ende) karshi nje mbihuajizimi te provokuar nga masa e te sapoardhurve, apo te kandidateve per te tille, te cilet presin ulur mbi valixhe shpesh vetem disa dhjetra kilometra larg apo te ruajajes se identitetit kulturor, te qe keto popuj kane krijuar shpesh edhe rastesisht ne historine e tyre, por qe e kane krijuar. Une nuk e di se kush do ta kishte te drejten morale te gjykonte per nje zhvillim te tille, se cili eshte edhe qendrimi i drejte. Natyrisht te gjithe njerezit do te duhej te ishin te lire te shkonin dhe te jetonin ku te deshironin, persakohe qe Toka do te lipsej te konsiderohej si oborri i perbashket i tyre i trasheguar nga gjysherit e tyre te vetem dhe te perbashket Havaja dhe Ademi, megjithate Evropa, me kombet e veta aq grindavece dhe llafazane ndermjet tyre, eshte e tille, qe cdo qoshe e saj ka identitetin e saj dhe qe nuk ka asnje arsye se pse ta sakrifikoje per hir te nje grupi prej disadhjetra mijra te sapo te ardhurish nga krejt diku tjeter, me nje mesazh kulturor krejt te huaj per ate qe vendasait kane gjeneruar per shekuj e shekuj me rradhe. Une nuk do te doja te kuptohem gabim, si ai i cili pak perpara se u te mbyllen dyert e Evropes, tek hynte i fundit mundohet t'i vere edhe shulin deres nga brenda. Ajo qe dua te them une eshte qe ne Evrope cdo shqiptar mund te vije akoma pa kokecarjen me te vogel, nese eshte ne gjendje te kaperceje pengesat administrative, ketu ka vend per shume njerez, persakohe keta nuk kendojne me ze me te larte ose po aq te larte sa edhe vendasit, dhe duke patur parasysh qe gjermanet si komb nuk para se kendojne shume shpesh, nuk do te ishte shume per tu sugjeruar, qe dikush te hyje ne Evrope duke i rene tumpanit apo duke i fryre fort gajdes. Evropa eshte keshtu dhe nuk ka asnje arsye se pse te huajte qe vijne ne hallin e skamjes skonomike te vendeve te tyre te origjines te fillojne fillimisht pikerisht me ristrukturimin kulturor te saj. Ne kete kuptim une sugjeroja nje fare terheqje ne anonimitetin etnik, per t'i lehtesuar vetes mundesine e kontaktit me vendasit, te cilet dikur pranojne te komunikojne me ty si njeri, nese ti edhe i prezantohesh vertete vetem si njeri.

Pa dashur te shprehem aspak pozitivisht per sistemet legjislative te vendeve pritese, te cilat nepermjet pengesave administrative te te gjitha llojeve si rregull tendojne kryesisht flakjen jashte te te huajve te sapo ardhur, e aq me teper se nuk do te mund t'i lejoja vetes aspak mungesen e edukates te lendoja ate pjese te lexuesit te alb-club i cili personalisht ndoshta eshte i prekur apo i traumatizuar ende nga nje fat i tille, ndoshta do te doja te shtoja vetem se une personalisht nuk mund te ndryshoj dot asgje ne faktin, qe nese nje shoqeri nepermjet sistemit legjislativ kombetar ka preferuar te sanksionoje rregulla sjelljeje te caktuara te nje fryme negativiste e refuzuese te vecante, ajo shoqeri ka te drejte ta beje nje gje te tille, nese beson se ne kete forme ajo ruan karakterin e saj te pandryshuar. Ne Evropen Qendrore ka shume shqiptare, te ardhur kryesisht nga Jugosllavia, te cilet edhe ne brezin e trete jetojne krejtesisht te izoluar nga vendasit dhe qe festojne cdo vit me shume zhurme 28. nentorin e te tjera gjera te tjera si keto dhe qe nuk jane ngjitur nje here te pakten ne Detin e Veriut, thjeshte per te pare fokat aq pertace, qe shellehen ne diell tek ju sillen rrotull me dhjetra pulbardha, te cilat Zoti sic duket i krijoi vetem per te bezdisur me klithmat e tyre rosat dhe rosaket e eger, te cilet tek preforojne te ecin calueshem ne te dyja anet, mundohen ta marrin gjithcka me shtruar tek germojne ne nje tog me alga te fresketa mbetur nga batica e fundit. Une nuk e di se cila nga keto te dyja gjera eshte me e rendesishme per shqiptaret e brezit te pare, por te pakten per ato te brezit te dyte jam relativisht i sigurte, qe keta njerez nuk kane nevoje te festojne me 28 nentorin, apo te njohin historine fantazme te nje populli (per ata) fantazme, nese nuk duan te mbeten te manget nga trute e kokes, sic edhe fatkeqesiht ka mbetur edhe pjesa me e madhe e brezit te dyte te shqiptareve nga Jugosllavia, te cilet jetojne ne Evropen Qendrore duke kenduar ende balladat aq epike per Nene Terezen ne atmosferen aq festive te muajit te Ramazanit. Ajo qe mua personalisht do te me dukej me interesante do te ishte, qe pikerisht ne ate vend ku te ka hedhur fati te fillosh dhe te marresh kontaktin e pare me milingonat, te njohesh mire te pakten pese lloje te tyre, ne menyre qe keshtu te kesh mundesi te njohesh edhe vendasit dikur me mire, ne menyre qe edhe jeta yte se shpejte te behet me teper jete njeriu ne funksion te botes qe te rrethon ty, gruan apo burrin tend, femijet e tu dhe se fundi macen apo kanarinen qe ke akoma. Kaq. Dimensioni shqiptar mbetet gjithnje i yti pa dyshim, por nga perspektiva e femijeve qe ke dhe me vone e femijeve te femijve mendoj qe askush nuk ka te drejte qe pikerisht ketyre t'u japesh me vete nje hipoteke kaq te rende dhe te panjohur kulture per kusurin e jetes sic eshte shqiptarizmi. Fatkeqesisht shqiptaret mesatare bejne pikerisht kete gje, duke mallkuar ne Evrope femijet e tyre, qe edhe keta te vazhdojne te mbeten ne izolimin e dikurshem te prinderve te tyre, ne nje vend ku ne fakt jane zhvendosur vetem se do te donin te jetonin me mire. Po a eshte kjo nje jete me e mire?

Domethene, teorikisht, kaq jane keto ato qe mua me vijne nepermend per argumentin e prezantimit publik ne dhe te huaj, dhe perpara se dikush te doje te replikoje do t'i lutesha shume perzemersisht qe te kete parasysh qe une jam sforcuar jshte mase, qe t'i kursej fillimisht vetes dhe pastaj edhe ju te tjereve informacine te tilla te karakterit me teper statistikor si per shembull qe ne burgun e qytetit tim 20 % e te burgosurve jane shqiptare, nderkohe qe shqiptaret jane jo me teper se 0,5 % e popullsise se qytetit apo se kur ne ne sallen e cajit dhe te lojrave me letra te Shoqates Kulturore dhe Artistike Nene Tereza te nje qyteti fqinje bashkekombesat e mi dhe te tu vendosen te zgjidhnin nje debat teper konvencional me mjete te tjera, te tilla qe disave prej tyre ju dha bashkengjitur mundesine te vizitonin sallat e ndryshme operative te klinikes lokale universitare kirurgjikale ne pritje qe me ne fund dikur dikush te merrej seriozisht me numrimin e disa frakturave te pjeseve frontale, si dhe kur prokuror kompetent i lendes tek nuk ishte ne gjendje te fillonte dot hetimet kerkoi nje deshmi penaliteti per te gjithe antaret e shoqates se mesiperme kulturore dhe artistike, per te marre me vone nje pergjigje qe nga 380 anetaret e tij 280 ishin te paradenuar per rrahje, vjedhje dhe tregeti me lende narkotike, per te perfunduar dikur hetimet me justifikimin e mosprekjes se interesave kombetare si dhe me konstatimin, qe ai ishte vertete shume i lumtur qe atij nuk i ishte dashur te hetonte ne klubin shqiptar te boksit, te mundjes klasike, te qitjes apo te carjes artistike se druve, por vetem ne ate kulturor.