Puls

[yjori]

E keputura renkon ndarjen
Nyjen qe kerkon keputjen
Pika eshte e zeze, i bardhe mesi
Beteje pa ze e koherave
Paralele qe kerkojne nyjen
e gjejne ndarjen, renien...

Gjetheve shkruar dege
Damare nyjesh, perlidhjesh
Linja shtrengimesh te ngrohta
eshte 8 shkronje a pasqyrim?
dy rrathe qe puthen, tangente
Rrethore jane bebezat
kater shumezim nyjen, tete...

[yjori]

Mana shkundur gjinjve te tu
Butesisht te embla thithkat
Me te mirat i mbledh per me vone, ca i ha
E me shfaqen mes aromes plakat qe nuk jane me
Kopshteve qe nuk jane me te Tiranes

Pjeshke, vishnje, fiq e dallendyshe
Pantallonat e shkurtera, vajzat e klases
Te kam dashur qysh atehere e me pare
Kur thithja nenen qe premtonte tjeter
E ndoshta kam lindur ne medyshjen
Te jetoj ndoshta edhe pa te pare

Kam degjuar per ata qe u kthyen prape
Tregojne se pane gjithe jeten menjehere
Nese nuk genjejne a u genjyen nga te tjere
Atehere edhe te duhesh eshte si te vdesesh
Pse nuk e pyeten Llazarin a donte te ngjallej
Mbase do kish thene”Lerme,se nuk e dua jeten!”

[yjori]

Gjuhe te re do shpik per ty
Me fjale te reja, te virgjera
Te paperdorura nga askush
Jo fjale jo, po muzika

Me tinguj feshferites
Qerthullime e zukatje
Peshpeshe, klithma
Nuhatje, guduli e afshe

Kumt per shqisat
Te mbash ere e te degjosh
Lekura te dehet ne djerse
E t`mos thuash dot as “Mos!”
Vetem “Oh!” a “Zot!”

Kur te shohesh luleshtrydhet
Si cati te vockela perrallash
Me xhuxha, mjaltin buzeve
E hunde qe genjejne kur zgjaten
Te me kujtosh per gjyshen
qe trash zerin e te tremb pak
Te shkrish e te ngrish lugjeve
Plot ujq, luane, aliene, zana

Do shtangemi, thermohemi
Malet takohen, kush tha jo?
Do renkojme orteqe, molle
qe na bien ne koke dikur
sikur Njutonit..me fal doja
te thoja Eves, Adamit.. ok?

Do gjakojme, perfaremi
Thellmbulohemi, sterpikemi
Ah..ne kllapi enjten bajamet
Trashen damaret,buzet dridhen

E sa per emrat e Zotit shqip ja:
“ Jamkushi, asdik, moscak
ashiç, tejmund, nukmos, veçdash ”
e keshtu gershet, mpleksje,gjerdan
gurgullimash, rrjedhash, pasthirrmash
cka degjova, hengra, fjeta, pashe

Kembane e heshtjes me kujton ne ty
Tempullin pus te syve ku u pika, humba
Zoti je dhe ti, dhe une, edhe i treti
Qe terheq litaret ne kulle, kur tretet muzgu
Paemer, synxjerre, gjuheshkulur, i thjeshte
Debore e vdekjes tek mbulojme tjetrin
Borebardhe e fjetur perposh xhamave te kaltra
Fleme dhe ne e na zgjon derti se kujt i duhemi

Duhemi, fjale dykokeshe si shqiponje e trurit
Hemisfere e dashjes ne te majte perdellen lirine
Ne te djathte ruan ngulet ciklopi i fatit ata qe dalin
Po mjaft me kuqezine, atdheu e te paret je ti
Ku belbezojme serish te paren fryme me fjale kurmi
Te vjetrat rrokje qe degjoi Moisiu ne mal....

[yjori]

-"Kur shihemi ne sy eshte sikur te vesh dy pasqyra perballe. Cfare pasqyrohet ne to?"
-"Nje sfere pasqyre nga brenda pasqyron pafundesisht pasqyrimin e vetvetes. Nuk ka gje me pa fillim se kjo. E pa fund.
Ja keshtu je ti dhe bota. Nese kerkon pikenisje e fundpasoja rrotullohesh kotesisht drejt boshtit te kohes.
Mos kerko e mos gjej pra me mire. Leri idete te fluturojne mbi vetedije si rete mbi uje. Eshte e njejta gje, i njejti element; dy pasqyra perballe, syri dhe bota.
Je kova e bota eshte pusi. Te dyja mbushen e zbrazen, ashtu sic rete mbushin pusin e detit dhe mbushen nga ai."
-"Cfare eshte thelbi i ujit?"
-"Ne thelb ujet eshte si forma qe ai merr. Eshte levozhge e thelb njekohesisht. Te dyja, forma e permbajtja, nuk jane gje tjeter, vec dy pasqyra te vendosura perballe qe pasqyrojne njekohesisht vetveten dhe pasqyrimin e saj ne te dy kahet,nga brenda jashte e nga jashte brenda. Pyetja e pergjigja, fillimi e fundi, gjithckaja dhe hici, jeta e vdekja, pula dhe veza."
-"Po fjala eshte e tille?"
-"Natyrisht!"
-"Nuk eshte absurde te flasesh per ate qe nuk thuhet dot?"
-"E kote eshte"
-"Atehere?"
-"Fjala pasqyrohet ne heshtje sikur Narcizi ne pellg. Po edhe heshtja ne syte e fjales"
-"Cfare eshte pertej tyre? Nese e thua nuk eshte. Nese hesht nuk eshte. Te flasesh dhe heshtesh njekohesisht nuk mundesh.Si do dalesh nga ky labirint?".
" E cfare beri mjeshtri?"
"Ne castin qe une thashe "pertej" e zuri gjumi"

[delira]

Yjori!- you are the best!!!!!!!!!!!!!!!!!!!!!!!!!!!
Te puth mendjen,duart dhe shpirtinnnnnnnn!

[yjori]

Pjekur jam, gati për të rënë,
e nëse nuk vjen askush e më këput
(Si një fik te madh të zi degëve të ulta
me tul lëngëzuar nga rrezet e bark të kuq,
ku vallzon një fëmijë prej zjarri flakë të pakuptueshme,
ngjizur me thëngjij yjesh nga shkëndijë endacake
që mbars me dritëshpirt botët e frutin)
do çahem , përgjakem, rrëgjohem si plagë
enjtur nga nektar i së pathënës , buzë e tharë
e atyre që ngjitën Himalajën e nuk zbritën prapë

Është mund i ëmbël peshë e vetes
varur në fill, duke pritur dorën e shtegtarit
që rastësisht a jo mes kokrrave të zgjedh,
buka e mish ulur në sofër të gjuhës, mëndjes
si fjalë e pabërë, akoma syth në kohëfillim
e më parë akoma, ngashnjim i farës së hedhur
nga duar të tjera djerrinave të pashkelura,
ku nga gërmadhë e reve kulloi tymi, ngriu, u tret,
shkriu dheun, u bë baltë, u mbush me frymë,
u harlis në pemë, kërceu degë më degë,
zbriti, u ngrit në këmbë e nisi të ecë

Shumë shkuan udhës e pak u ndalën,
për të kthyer kokën, për të parë ç`lanë pas,
shkuan e humbën në horizont si djersë rrudhës,
kaluan pranë, përhumbur jehonës së hapave,
u zvogëluan tutje derisa u zhytën ngadalë
në prehër të tokes, det dheu me peshq kockash
dhe valë këmbësh e ishuj rrënjësh që mbajnë
këtë pemë, nën hijen e së cilës gjethet pëshpërijnë
të ardhmen, kohëfundin, tjetërsinë, majin

Ngriji sytë e shikomë si fërgëlloj në pritje
të asaj që duhet apo thjesht ndodh, hije
që dridhet në zheg, ku rruga tundet si urë
honeve të horizonteve, gjinjve të lehonës
që mbushen nga lëng i bardhe i heshtjes,
thithka që mbushin gojën e hapur të kërthiut
të përfjetur degëve të krahëve, vezë në fole
që çahet, hapet e derdh jashtë fillesën, fjalën,
mbarsur nga shkëndijë endacake, fëmijë zjarri,
hije e pakuptueshme që me flakët hedh valle

[delira]

Super gemacht!!!!!!
Muahhhhhhhhh!!!!!!

[Brari]

ngrire si hukatje vese drites se praruar
rruaze e lengut qe pikoi vrimes se shpuar


etjetj..thua ti diku lart..


cdo me thene HUKATJE?

kush e shpoi vrimen..

a ngriu apo rodhi ajo rruza e veses..
apo kish ngrire po na duall nje vrime e vate rodhi..

aman derman .. freno nga njehere kur derdh fjale..

......


Shumë shkuan udhës e pak u ndalën,
për të kthyer kokën, për të parë ç`lanë pas,
shkuan e humbën në horizont si djersë rrudhës,
kaluan pranë, përhumbur jehonës së hapave,
u zvogëluan tutje derisa u zhytën ngadalë
në prehër të tokes, det dheu me peshq kockash
dhe valë këmbësh e ishuj rrënjësh që mbajnë
këtë pemë, nën hijen e së cilës gjethet pëshpërijnë
të ardhmen, kohëfundin, tjetërsinë, majin


bukur shkruan or yjor..

po kujdes nga kodrombasbregoizmi..

lexo Gim docin nganjehere..
i vetmi qe asnje fjale nuk e ve kot ne poezi..
kurse kodrombasbregoistet tashme jan armate ketu ne forum..

futi nje te lexuar para se ti postoc..

vazhdo..

e veru titull ..

[yjori]

Ketu mbyllet kjo teme. Nje permbledhje te redaktuar te shkrimeve te ketushme do e gjeni tek kendi letrar. mireushikofshim ne temen e re.

[biloba]

yjori,
mire qe ke gjetur poezine t`i rrefehesh, se nuk do kishte psikolog ne bote te sillte mbare gjithe ate rremuje qe ke ti perbrenda.