Perfundoi gjykimi në Hagë i Limajt, Balajt dhe Musliut

[Llapi]

Qe ne teresi fjalimi i z.Fatmir Limaj- Komandant Çelikut para Fakultetit Filozofik ne Prishtine para dhjetera-mijerave qytetareve nga e gjithe Kosova





Te dashur vellezer shqiptar nga mbare rruzulli tokesor,

Me lejoni qe t`iu them: Mirese ju gjetem, mirese ju gjetem bashkeluftetare tane, mirse ju gjetem familje te deshmoreve, mirese ju gjetem invalide te luftes çlirimtare, mirese ju gjetem veterane te Ushtrise Çlirimtare te Kosoves, mirese ju gjetem rinia shqiptare, mirese ju gjetem pensionere, mirese ju gjetem fshatar, mirese ju gjetem arsimtare, mirese ju gjetem punetore shendetesor, mirese ju gjetem studente e nxenes ne Kosovene lire demokratike.

Te gjitha keto jane shtresat e Kosoves, por mbeta pa permendur: Mirese ju gjetem femijet tane te dashur, e ardhmja e Kosoves.

Te nderuar qytetare- vellezer dhe motra,

Kjo eshte partia e Kosoves!

Sot, ne jemi ardhur paksa me zemer te thyer sepse populli i dashur ne kthimin tone mungon bashkeluftetari yne Haradin Bala. Shpresojme dhe jemi shume te bindur se mbrojtja e zotit Balaj shume shpejt do t`i paraqes faktet plotesuese dhe ai shume shpejt do te kthehet i lire, ne Kosoven e lire.

Liria jone eshte fitorja juaj!

Ne u liruam sepse, para se gjithash, Ju kishi besim ne pafajesine tone.

Siç e dini ne kohen e ngritjes se aktakuzes ne shprehem bindjen tone ne pafajesine tone. Ajo me e rendesishmja per neve ishte, dhe ajo qe percaktoi fatin tone ishte se populli i Kosoves nuk e humbi besimin ne ne dhe na besoi se jemi te pafajshem.Dhe, me ne fund, me ne fund, kete e vertetoi edhe drejtesia nderkombetare!

Te nderuar vellezer dhe motra,

Ne diten e aktakuzes Ju sigurisht e dini fjalen time qe e pata thene dhe tani dua ta perseris: Asnjehere ne jeten time me asgje, asgje nuk kam tentuar t`i marre Kosoves perveç qe t`i jap çdo gje, ne qofte nevoja edhe jeten!

Mirepo, per dy vite e ca na u cungua kjo e drejte dhe tani, ashtu e shkruajti zoti, une ende jam i gatshem per t`dhene per Kosoven. Ashtu siç jeni Ju, ashtu siç eshte i gjithe populli i Kosoves per te ndertuar. Po e them perseri, per te ndertuar nje shoqeri demokratike, nje Kosove ku çdo qytetar i saj te jete i lire dhe i barabarte me plot kuptimin e fjales i barabarte para ligjit. Nje Kosove te cilen do ta ndertojme dhe ajo Kosove padyshim do te jete Kosova e pavarur dhe demokratike!

Qytetare te nderuar,

Populli i Kosoves dua ta shfrytezoj rastin, pasi qe ne kemi ardhur, ashtu ka dasht fati, gati ne perfundim te festave tona te medha t`iu uroj: Festen e Flamurit, Ditelindjen e Komandantit Legjendar Adem Jashari dhe daljen publike te Ushtrise Çlirimtare te Kosoves !

Vellezer dhe motra,

e Shfrytezoj kete rast t`iu bej nje thirrje si vella, si prind, si djale, sido qe ta merrni Ju te nderuar qytetare: Ju ftoj qe keto gezime qe na erdhen ne Festen e Nentorit t`i festojme me dinjitet, ashtu siç na ka hije. E, mbi te gjitha, ftoj çdo familje te Kosoves, çdo prind, çdo burre, çdo djale, çdo student, nxenes- mos lejoni te perçaheni ne momentet me vendimtare per Kosoven. Asgjer me te rendesishme nuk ka sesa shikimi i realitetit te ri!

Ju ftoj, ju ftoj te nderuar qytetare. Vellezer dhe motra ju ftoj qe tani ne kete moment e deri ne ndertimin e vendit tone vetem te mendojme per Kosoven dhe si shqiptare te Kosoves ta ndertojme shtetin tone se bashku me te tjeret!

Tani edhe njhere ju falenderoj per mikepritjen:

Ne na liruan. Ju jeni ata qe na keni liruar dhe qe na keni kthyer ne atdhe!

Ju falenderoj te gjitheve nga zemra. Gezuar!

[Zarathustra.]

Kjo ishte vertet nje fitore strategjike per ne.

[Lioness]

Per bashkebiseduesit dhe mbi te gjitha bashkeatdhetaret ne kete teme: Kam gjysem ore qe po pastroj postime nga me te larmishmet. Nqs ka mundesi, ju lutem refrenohuni nga akuzat dhe sharjet personale. Secili ka mendimin e vet.
Ata qe jane ne kundershtim me vendimin e Hages, mund te hapin nje teme tjeter dhe te diskutojne aty. Ndersa kjo teme do te lihet thjeshte per urime dhe per ata qe pranojne dhe gezojne per vendimin.

[ideus]

Fitore per ne lirimi i dy ish luftetareve.

[babadimri]

Serizisht forumista te dashur spo mundem ti kuptoj tipat qe shajne ende. Besoj se pajtoheni qe te diskutojme me ata qe e mirembajne faqen qe ti herqin te gjitha postimet sharjet qe i kane nis disa tipa ketu. mendoj se keta njerez deri ne fund treguan se jane njerez qe punojne per serbet prandaj eshte e tepert te replikohet me keta njerez dhe duhet ata qe e menaxhojne faqen ti fshijne te gjitha keto postime

shendet

Urime Ardhja e Fatmir LImajt ne Kosove

[zANë]

[QUOTE=deqanas]

... Sot Haga tregoi drejtesi.
QUOTE]


po mire bre vlla, a mund te ma thuash troq, se jam paksa i trash nga mendja...
ky tribunali sot a tregoj drejtesi, apo padrejtesi?
ndaj limajt, musliut dhe balajt?
nuk po lypi edhe shume a?

Ckemi deqani?!
Nese nuk te vjen keq te pergjigjem ne kete pytje une,megjithat po e bej mundimin.

Fatkeqesish ndaj H.Balaj nuk pati drejtesi dhe jam shume e bindur per kte qe po them.Pse???

Duke marre parasyshe se cfare rroli kishte ai ne UCK ose cfare pergjegjesie kishte ,nuk jane ne perputhje me denimin qe ju dha.

Nese ke njohuri me ushtrin dhe nese e din cfare rroli kishte Balaj,po ta besh nje krahasim me aktakuzen dhe me denimin qe ju dha.Do te dali qe eshte nje denim shume me i larte,nga pergjegjesia qe kishte ai.

Shpresoj ta kesh kuptuar ku desha te dal.


Me rrespekt Ema.

[Llapi]

Berisha përshëndeti lirimin e Limajt dhe Musliut

Kryeministri i Shqipërisë, Sali Berisha, pas kthimit nga Brukseli ka përshëndetur vendimin e Gjykatës së Hagës për dhënjen e pafajësisë Limajt dhe Musliut.


"Gjykata provoi dhe një herë objektivitetin e saj në gjykim me pafajësinë që i dha zotit Limaj dhe Musliu. Por edhe ata kanë qëndruar me dinjitet gjatë gjithë këtij procesi", ka theksuar Berisha, i cili gjatë takimeve në Bruksel ka nënvizuar qëndrimin e Shqipërisë për pavarësinë e Kosovës.


RTK 02/12/2005 10:29:50

[Llapi]

Lirimi i Limajt dhe Musliut mirëpritet edhe nga shqiptarët në Maqedoni

Vendimi për lirimin e Fatmir Limajt dhe Isak Musliut është mirëpritur edhe nga partitë politike shqiptare në Maqedoni. Në një deklarate për media, kryetari i Bashkimit Demokratik për Integrim, Ali Ahmeti ka thënë se ky vendim i Tribunalit të Hagës nderon luftën çlirimtare të UÇK – së, Kosovën dhe gjithë popullin shqiptar.


“Duke ju uruar për lirimin, dëshiroj që kjo festë dhe ky sihariq të kurorëzohet edhe me njohjen formale të statusit të Kosovës, shtet sovran dhe i pavarur”, ka theksuar Ahmeti. Edhe kryetari i Partisë Demokratike Shqiptare Arbën Xhaferi thekson se vendimi për lirimin e Fatmir Limajt dhe Isak Musliut identifikon karakterin e drejtë të luftës së popullit të Kosovës. “Me këtë u dhanë argumente të fuqishme se kërkesa e popullit të Kosovës për pavarësi është e moralshme dhe politikisht e vetmja që mund të krijoj stabilitet në Ballkan", ka nënvizuar Xhaferi, duke shfaqur shpresën edhe për lirimin sa më të shpejtë edhe të Haradin Balajt.



RTK 02/12/2005 11:13:20

[Llapi]

PNJK i Hanit të Elezir përshëndet lirimin e Limajt dhe Musliut


Han i Elezit, 2 dhjetor 2005 (Kosovapress) Time: 10 : 47

Mallzum Qajani, kryetar i Asamblesë së PNJK të Hanit të Elezit përmes një komunikate për media, ka përshëndetur në emër të qytetarëve të Hanit të Elezit lirimin e çlirimtarëve Fatmir Limajt dhe Isak Musliut, ndërsa ka uruar që lirisë së tyre t’u bashkëngjitet së shpejti edhe bashkëluftëtari i tyre Haradin Bala.
---------------------------------------------
Limaj: Drejtësia ndërkombëtare e vërtetoi se lufta çlirimtare ishte e drejtë


Prishtinë, 2 dhjetor 2005 (Kosovapress) Time: 09 : 27

Fatmir Limaj dhe Isak Musliu kanë vizituar të enjten mbrëma Prekazin legjendar dhe familjen e bashkëluftëtarit të tyre Haradin Balaj. Limaj dhe Musliu kanë shkuar para varrezave të Prekazit për të dëshmuar simbolikisht dhe treguar sa e pastër, sa e shenjtë, dinjitoze, sakrifikuese dhe e papërsëritshme ishte lufta e UÇK-së.

[Llapi]

Kosova pret Fatmir Limajn si hero

Ceremoni madhështore në Prishtinë për ish-luftëtarin


--------------------------------------------------------------------------------



PRISHTINE

Kosova priti dje si hero ish-luftëtarin e UÇK-së, Fatmir Limaj, i sapoliruar nga Gjykata e Hagës. Mijëra vetë e pritën atë si dhe ish-luftëtarin tjetër të UÇK-së, që u shpall gjithashtu i pafajshëm, Isak Musliu, në aeroportin e Prishtinës, ku mbërritën në orët e pasdites. “Mirë se ju gjeta Kosovë”, ishin fjalët e para të ish-komandantit dhe ish-deputetit të Kuvendit të Kosovës, ndërsa një ceremoni madhështore shoqëroi mbërritjen e tij në vendin amë. Ceremonia ka vazhduar në stadiumin e qytetit të Prishtinës, ku Limaj iu drejtua të gjithë atyre që kishin dalë për ta pritur. Ai i bëri thirrje “popullit të Kosovës, rinisë, stdentëve e intelektualet që në këtë periudhë në asnjë mënyrë mos të jenë përçarë, por të jenë të bashkuar për të ngritur shtetin e Kosovës”. “Jemi kthyer me zemër të thyer, sepse atje e kemi lenë bashkëluftëtarin Haradin Balaj, për të cilin shpresojmë se shumë shpejt mbrojtja do të ofrojë dëshmi për ta liruar”, tha Limaj. “Liria jonë është fitorja juaj, pa ju nuk do të ishim të lirë, ne u liruam sepse ju kishit besim në pafajësinë tonë. “Edhe pse për me shumë se dy vite na është mohuar liria, ne do të jemi të gatshëm që të luftojmë për një Kosovë të lirë të pavarur për një Kosovë demokratike, për një shtet ku të gjithë qytetarët do të kenë të drejta të barabarta”, theksoi Limaj. Ai si dhe ish-luftëtari tjetër i UÇK-së, Musliu, u shpallën të pafajshëm nga gjyata e Hagës lidhur me akuzat për torura vrasje dhe krime lufte, por një bashkëluftëtar i tyre, Haradin Balaj, u dënua me 13 vjet heqje lirie. Zyrtarët kosovarë shprehën besimin se Balaj do të vazhdojë betejën e tij ligjore për të provuar pafajësinë. Arrestimi i tre ish-luftëtarëve të UÇK-së, më shumë se dy vjet më parë, shkaktoi shumë protesta në Prishtinë. Shoqatat e dala nga lufta e vitit 1999 nuk i ndërprenë asnjëherë manifestimet që nga ajo kohë dhe kishin parakajmëruar protesta të reja kësaj jave në rastin e vendimit për të dënuar luftëtarët e lirisë nga Gjykata e Hagës. Zyrtarët vendorë si dhe autoritetet ndërkombëtare i frikësoheshin tensionimit të situatës në Kosovë, vetëm pak kohë para nisjes së bisedimeve zyrtare për statusin. Gjykata e Hagës vendosi të mërkurën lirimin e dy ish-luftëtarëve, duke deklaruar se nuk egzistonin provat për të konfirmuar akuzat e ngritura kudnër tyre. Zyrtarët kanë bërë të ditur se Limaj, 34 vjeç, deputet i Kuvendit të Kosovës dhe sekretar për marrëdhëniet me publikun në Partinë Demokratike në kohën e arrestimit të tij, mund t’i rikthehet politikës. Ai nuk do të ketë asnjë pengesë për këtë, pas shpelljes së vendimit nga Gjykata e Hagës. Ndërkohë, në burgun e Sheveningenit në Hagë mbetet ende ish-kryeministri i kosovës, Ramush Haradinaj si dhe dy ish-luftëtarë të tjerë të UÇK-së të akuzuar gjithashtu nga gjykata për krime lufte.

Deklarata
Kryeministri Sali Berisha përshëndeti dje vendimin e Gjykatës së Hagës për pafajësinë që i dha dy ish-luftëtarëve të UÇK-së, Fatmir Limaj dhe Isak Musliu. “Ata qëndruan me dinjitet ndaj këtij procesi. Gjykata provoi edhe një herë objektivitetin e saj në gjykim”, theksoi kryeministri Berisha.

Festa
Shoqatat e dala nga lufta e vitit 1999 në Kosovë organizuan dje një ceremoni madhështore për pritjen e Fatmir Limajt dhe Isak Musliut. Mijëra vetë u mblodhën në aeroportin e Prishtinës për ta takuar atë dhe mijëra të tjerë u grumbulluan në stadiumin e qytetit, ku vetë Limaj iu drejtua bashkëqytetarëve të tij.

Procesi
Analisti i çështjeve të drejtësisë ndërkombëtare dhe ish-këshilltar i Gjykatës së Hagës, Edgar Çen tha dje se vendimi për lirimin e Limajt dhe Musliut ishte kurorëzim i një procesi të rregullt gjyqësor që nuk duhet shoqëruar me tone politike. Ai pohoi se ky proces konfirmoi objektivitetin e gjykatës.

g.sh