Perfundoi gjykimi në Hagë i Limajt, Balajt dhe Musliut

[Zana e malit]

Me kete rast, une vetem mund te perseris dhe parafrazoj komentin qe dha Pandeli Majko, Sekretar i Pergjithshem i Partise Socialiste, i cili pervec tjerash tha se, lirimi i ish ushtareve te UÇK-së, Fatmir Limajt dhe Isak Musliut eshte nje hap i rendesishem per Kosoven e cila shkon drejte pavaresise....

Pra vete ky akt, sikurse qe edhe lirirmi nga akuza e ish kryeministrit te Kosoves, njekohesisht edhe pjesetar i UÇK-se, Ramush Haradinajt, paraqet nje hap me te vertete te rendesishem per Kosoven e cila eshte ne prag te pavaresise se saj.

Shpreh urimet e mia,
Zana e malit

[Llapi]

http://media.putfile.com/LirimiiFatmirLimes

[Llapi]

Zyra e ish-fondit ''Vendlindja thërret'': Më në fund triumfoi drejtësia


Nju Jork, 1 dhjetor 2005 (Kosovapress) Time: 12 : 09

Më 4 dhjetor në lokalet e zyrës në Nju Jork organizohet një koktej për lirimin e Fatmir Limajt, njërin ndër komandantet më të spikatur të UÇK-së dhe njërin ndër politikanet më komplet të brezit të vet dhe Isak Musliut. Ftohen bashkatdhetarët tanë që të marrin pjesë në këtë manifestim. Për informata 917-337-1563.
-------------------------------------------------



Studentët shqiptarë nga diaspora përshëndesin lirimin e Limajt dhe Musliut


Prishtinë, 1 dhjetor 2005 (Kosovapress) Time: 11 : 50

Një grup i madh studentësh shqiptarë nga diaspora kanë përshëndetur të enjten vendimin e Tribunalit të Hagës për shpalljen e pafajësisë dhe lirimin e Fatmir Limajt dhe Isak Musliut, ndërsa kanë shprehur besimin se edhe Haradin Balaj do të kthehet së shpejti në Kosovë.

---------------------------------------------------

Majko:S’mund të quhen terroristë ata që luftojnë për të liruar vendin e tyre


Tiranë, 1 dhjetor 2005 (Kosovapress) Time: 09 : 37

Ish-ministri i Mbrojtjes i Shqipërisë, Pandeli Majko, ka përshëndetur të mërkurën lirimin e Fatmir Limajt dhe Isak Musliut nga Tribunali i Hagës, duke shprehur besimin se pas shpalljes së pafajësisë së tyre ky tribunal do të japë pafajësinë edhe për ish-kryeministrin Ramush Haradinaj. “Goditja që kërkonte të jepte Serbia duke dashur të quajë UÇK-në organizatë terroriste, me vendimin e Hagës u rrëzua,” ka thënë ai
-----------------------------------------------------

[RTP]

Babadimri


Ti ke problem me kuptue cka dmth DEBATI.
Nuk i mshohet murit me krye,sa here te flet dikush qe ty nuk te shkon neper vena te gjakut.


Rri urte,e zgjedhi shprehjet.

[Llapi]

SHP i TMK-së:Lirimi i Limajt dëshmon se UÇK ka bërë luftë të drejtë çlirimtare


Prishtinë, 1 dhjetor 2005 (Kosovapress) Time: 12 : 47

Lirimi i Fatmir Limajt dhe Isak Musliut, dëshmon fuqishëm se UÇK-ja ka bërë luftë të drejtë e çlirimtare dhe asnjëherë nuk ka kryer krime të lufte. Me lirimin e Limajt dhe Musliut fitoi e vërteta dhe drejtësia e cila do të ishte me e plotë po të lirohej edhe luftëtari tjetër i UÇK-së Haradin Balaj, i cili u dënua me 13 vjet burg, thuhet në një komunikatë për media të enjten nga Shtabi i Përgjithshëm i TMK-së.

-------
Lirimi i Limajt e Musliut fitore e madhe për Kosovën, vlerësojnë në TMK SHP i TMK-së dhe të gjithë pjesëtarët e TMK-së e kanë pritur me gëzim të madh lajmin për lirimin e Fatmir Limajt dhe Isak Musliut dhe e kanë vlerësuar këtë ngjarje si një fitore të madhe për Kosovën. Ne që nga fillimi kemi qenë thellësisht të bindur në pafajësinë e Fatmir Limajt, Isak Musliut, Hajredin Balajt dhe të gjithë luftëtarëve të UÇK-së dhe kemi pasur besim të plotë se drejtësia në fund do të triumfojë. Me lirimin e Fatmir Limajt dhe Isak Musliut, fitoi e vërteta dhe drejtësia e cila do të ishte me e plotë po të lirohej edhe luftëtari tjetër i UÇK-së Hajredin Balaj, i cili u dënua me 13 vjet burg.
Duke qenë të bindur në pafajësinë e Hajredin Balajt dhe në luftën e drejtë dhe të pastër të UÇK-së besojmë se edhe ai shumë shpejt do të lirohet dhe do ti kthehet Kosovës dhe familjes se tij. Ashtu siç besojmë se nga Tribunali i Hagës do të lirohen si të pafajshëm të gjithë luftëtarët e UÇK-së. Lirimi i Fatmir Limajt dhe Isak Musliut, dëshmon fuqishëm se UÇK-ja ka bërë luftë të drejtë e çlirimtare dhe asnjëherë nuk ka kryer krime të lufte. Kjo është edhe një fitore tjetër e UÇK-së dhe e luftëtarëve të saj, por mbi të gjitha është një fitore e madhe për popullin e Kosovës dhe përpjekjeve të tij për liri.




Postuar më: Eh/Radio Kosova & Blue Sky Staff me Dec 01, 05 | 3:19 pm
--------------------------------------



Pritje madhështore për Fatmir Limajn dhe Isak Musliun


Prishtinë, 1 dhjetor 2005 (Kosovapress) Time: 14 : 00

Në ora 14.00, para Fakultetit të Filologjisë në Prishtinë, në organizim nga shoqatat e luftës, pritet të fillojë një pritje madhështore për ardhjen e Fatmir Limajt dhe Isak Musliut, të cilët të mërkurën janë shpallur të pafajshëm dhe liruar nga Tribunali i Hagës. Ardhja e Limajt dhe Musliut pritet të bëhet diku pas orës 15.00, kur ata do t’i bashkohen festës së organizuar për nder të tyre.

[Llapi]

Filloi pritja madhështore për Fatmir Limajn dhe Isak Musliun


Prishtinë, 1 dhjetor 2005 (Kosovapress) Time: 15 : 11

Dhjetëra mijëra qytetarë kanë dalë para Fakultetit të Filologjisë në pritje të ardhjes së Fatmir Limajt dhe Isak Musliut, të cilët u shpallën të pafajshëm dhe u liruan të mërkurën nga Tribunali i Hagës. Po ashtu në Aeroportin e Prishtinës kanë dalur edhe kryetari i PDK-së, Hashim Thaçi, komandanti i TMK-së, gjeneral Agim Çeku, Sylejman Selimi, Rexhep Selimi dhe zyrtarë të tjerë të partive politike.

[Brari]

paskan dal bash shoket qe e cun ne "skijim" Limen..
bash qata shok qe "luftuen" me bacen Adem..
Ademi rrethue me gra e fmi.. e shoket kerkund..
i ngrati bal.. kushedi cka thot.. ma rrasen mue llapushnikin.. mendon.. po un me kryt te mi nuk i kam vra ata shqiptaret bre..
guxo e fol o bal e thuj po deshe se me urdher te kujt ke punu si gardjan.. pa ta tregojn qejfin.. shoket..
i mjeri..

krejt kamboxhia mblidhej me takue polpotin por kjo nuk ja heq vulen e turpit polpotit..
krejt moska dilte me pa stalinin por edhe kjo nuk e shplan at kanibalin.. gjeorgjian..

edhe maon e pershndeste krejt kina 80 miljonshe..

do dalin sot krejt kosova me prit limen..

sepse..mos dil po deshe.. xhavit-jakupi mban shenim..
kush nuk doli..
hmmm. hajt se gati e kena me ja knue referatin gjithkuj..
frika prej celikut te kallashit nxjerr popullin ne shesh..

pirolla u koft o llap.. ja u keni shti kambet me nji kunder tanve..

por drini e Uka.. do fitojn mbi ju kanibalet..

ska mashtrim jet gjat..

Lavdi Heroit Rasim Shala..

[Llapi]

Fatmir Limaj dhe Isak Musliu arritën në Kosovë


Aeroporti i Prishtinës, 1 dhjetor 2005 (Kosovapress) Time: 15 : 57

Në këto çaste në Aeroportin e Prishtinës me aeroplanin e kompanisë austriake “Austrian Airlines” kanë arritur Fatmir Limaj dhe Isak Musliu, të cilët janë liruar si të pafajshëm nga Tribunali i Hagës. Ata në aeroport janë duke u pritur nga mijëra qytetarë nga e gjithë Kosova. Limaj dhe Musliu nga aeroporti do të nisen për në Prishtinë, ku para Fakultetit të Filologjisë, në organizim të shoqatave të dala nga lufta e UÇK-së, janë duke i pritur disa dhjetëra-mijëra qytetarë nga e gjithë Kosova. Nga aty ata do të shkojnë në Prekazin legjendar. Limaj dhe Musliu janë liruar të pafajshëm të mërkurën nga Tribunali i Hagës, ndërkaq Haradin Bala është dënuar me 13 vjet heqje lirie.

[Llapi]

Mire se erdhe o Komandant ÇELIKU se ÇELIK shkove edhe me i fort se ÇELIKU u ktheve

[Llapi]

Pas 33 muajsh mbajtje në paraburgim në Hagë, Fatmir Limaj dhe Isak Musliu i kthehen Kosovës. Haradin Balaj dënohet me 13 vjet burg

Vendim Historik i Tribunalit të Hagës: FATMIR LIMAJ SHPALLET I PAFAJSHËM

Haradin Balaj paguan çmimin e lirisë së Kosovës. Balaj është shqiptari i parë që nga Tribunali i Hagës shpallet fajtor për vepra penale gjatë luftës në Kosovë

Bajram Lani e Burim Etemaj

Prishtinë, 30 nëntor - Drejtësia triumfoi… përgjysmë. Fatmir Limaj dhe Isak Musliu u shpallën të mërkurën të pafajshëm prej Tribunalit të Hagës për të gjitha akuzat e ngarkuara nga Prokuroria. Ndërkaq, Haradin Balaj u shpall fajtor dhe u dënua nga Tribunali i Hagës me 13 vjet burg, duke iu llogaritur koha e paraburgimit. Limaj e Musliu janë liruar nga të gjitha akuzat që përfshihen në aktakuzë lidhur me pjesëmarrjen e tyre të supozuar në krimet e kryera në të ashtuquajturin kamp-burg të Llapushnikut gjatë verës së vitit 1998. Gjykatësit urdhëruan që Limaj e Musliu të lirohen sa më shpejt, pasi të kryhen formalitetet praktike dhe të kthehen në Kosovë. “Fatmir Limaj, ju lutem, ngrihuni. Dhoma ju shpall TË PAFAJSHËM për të gjitha pikat e Aktakuzës. Dhoma urdhëron lirimin tuaj të menjëhershëm prej Njësisë së Paraburgimit të Kombeve të Bashkuara, pas përfundimit të formaliteteve të nevojshme”, është shprehur kryetari i trupit gjykues Kevin Parker, duke publikuar aktgjykimin e Limajt. Dhoma ka gjykuar se Prokuroria nuk ka vërtetuar jashtë çdo dyshimi të arsyeshëm se i akuzuari Fatmir Limaj ka pasur ndonjë rol në kamp-burg, ose në ekzekutimin në malet e Berishës, ose se ai ka përgjegjësi penale për ndonjë prej veprave penale për të cilat akuzohet. Dhoma gjykuese, ndërkaq ka shpallur fajtor Haradin Balajn për veprat penale: Torturë, shkelje të ligjeve ose zakoneve të luftës, ndihmë në torturimin e një të burgosuri të përmendur me emër në Aktgjykim, trajtim mizor, për keqtrajtimin e 3 të burgosurve, për rolin personal në mbajtjen dhe zbatimin e kushteve çnjerëzore të burgimit në kamp-burgun e Llapushnikut, për pjesëmarrje personale në vrasjen e nëntë të burgosurve të cilët përmenden me emër në Aktgjykim, në malet e Berishës, më 25 ose 26 korrik 1998.


Në vijim është përmbledhja e Vendimit të Gjykimit dhënë prej Dhomës Gjykuese II, e përbërë prej Gjykatësit Parker (kryesues), Gjykatësit Thelin dhe Gjykatëses Van den Wyngaert, lexuar prej Gjykatësit kryesues

AKTGJYKIM

Kjo Dhomë Gjykuese është mbledhur sot për shpalljen e vendimit të gjykimit të tre personave të akuzuar: Fatmir Limaj, Haradin Balaj dhe Isak Musliu. Gjatë kësaj seance, Dhoma do të përmbledhë shkurtimisht gjykimin e saj, duke theksuar faktin se është vetëm një përmbledhje, dhe se i vetmi version autoritativ i përfundimeve të Dhomës dhe arsyeve të saj për këto përfundime është Aktgjykimi, kopje të të cilit do t’u jepen palëve në përfundim të kësaj seance.
Tre të akuzuarit, Fatmir Limaj, Haradin Balaj dhe Isak Musliu, akuzohen për krime që pretendohen se u kryen prej tyre dhe anëtarëve të tjerë të Ushtrisë Çlirimtare të Kosovës, (UÇK) prej majit deri rreth 26 korrikut 1998 kundër civilëve serbë dhe civilëve shqiptarë të Kosovës, që konsideroheshin si bashkëpunëtorë të serbëve, në Kosovën qendrore. Në Aktakuzë thuhet se të paktën 35 civilë u rrëmbyen prej forcave të UÇK-së, u mbajtën në një kamp-burg në fshatin Llapushnik për periudha të gjata kohore në kushte çnjerëzore dhe iu nënshtruan rregullisht sulmeve, rrahjeve dhe torturave. Për katërmbëdhjetë të burgosur të përmendur me emër thuhet se janë vrarë gjatë burgimit të tyre. Për dhjetë të tjerë thuhet se u ekzekutuan afër, në malet e Berishës rreth ose më 26 korrik 1998, kur forcat e UÇK-së u detyruan të braktisnin fshatin Llapushnik dhe kamp-burgun për shkak të sulmit prej forcave serbe që po afroheshin. Të tre të Akuzuarit ngarkohen me tetë akuza për burgim, trajtim mizor, akte çnjerëzore, dhe vrasje, për pjesëmarrjen e tyre të supozuar në krimet në kamp-burg. Gjithashtu, Fatmir Limaj dhe Haradin Balaj ngarkohen me dy akuza të tjera për vrasje në lidhje me rolin që supozohet se kanë pasur në ekzekutimin e të burgosurve në malet e Berishës.
Pikat 1, 3, 5, 7, dhe 9 janë akuza për krime kundër njerëzimit në bazë të Nenit 5 të Statutit. Që Tribunali të ketë kompetencë për të gjykuar krime kundër njerëzimit, Prokuroria fillimisht duhet të vërtetojë se sjellja e supozuar kriminale e të akuzuarve ishte pjesë e një sulmi të gjerë ose sistematik kundër një popullate civile. Dhoma dëgjoi dëshmi për rrëmbime, burgosje dhe keqtrajtim të individëve, civilë shqiptarë dhe serbë prej ushtarëve të UÇK-së, nga maji deri në korrik 1998. Mirëpo, nuk u vërtetua se këto veprime ishin në atë masë ose të atij karakteri sa të përbënin një sulm të gjerë ose sistematik kundër një popullate civile. Rrjedhimisht, gjykohet se Pikat 1, 3, 5, 7, dhe 9 duhet të hidhen poshtë në lidhje me të tre të akuzuarit. Aktgjykimi paraqet në mënyrë më të plotë arsyet e Dhomës për këtë përfundim. Në këtë përmbledhje, Dhoma nuk do të diskutojë më tej Pikat 1, 3, 5, 7, dhe 9. Pikat 2, 4, 6, 8, dhe 10 janë akuza për krime lufte në bazë të Nenit 3 të Statutit. Kjo kërkon që veprimet e supozuara kriminale të të akuzuarve të jenë kryer gjatë një konflikti të armatosur. Dhoma ka dëgjuar dëshmitë e shumta për këtë çështje, duke përfshirë edhe dëshmitarë ekspertë, dhe është bindur se në Kosovë ekzistonte gjendja e konfliktit të armatosur midis forcave serbe dhe UÇK-së para fundit të majit 1998.
Në Pikën 2 ngrihet akuza për veprën penale të trajtimit mizor bazuar në kapjen, burgimin dhe marrjen e paligjshme në pyetje të civilëve serbë dhe shqiptarë të Kosovës. Dhoma ka arritur në përfundimin se, së paku në bazë të rrethanave të veçanta të këtij rasti, nuk është treguar se si veprimet e kapjes, burgimit dhe marrjes në pyetje në vetvete përbëjnë sulm të rëndë kundër dinjitetit njerëzor brenda kuptimit të pranuar të trajtimit njerëzor sipas Nenit 3 të Statutit. Rrjedhimisht, edhe Pika 2 duhet të hidhet poshtë në lidhje me të tre të akuzuarit. Mirëpo, është edhe një akuzë tjetër, Pika 6, e cila bazohet në një spektër më të gjerë sjelljesh se Pika 2. Kjo mbetet dhe më pas, Dhoma do të bëjë të qartë përfundimin e saj në lidhje me Pikën 6.
Gjithashtu në Aktakuzë thuhet se veç pjesëmarrjes së drejtpërdrejtë personale, tre të akuzuarit janë penalisht përgjegjës për akuzat me të cilat ngarkohen për shkak të pjesëmarrjes së tyre në një ndërmarrje të përbashkët kriminale. Dhoma gjykon se Prokuroria nuk ka vërtetuar ekzistencën e një ndërmarrjeje të përbashkët kriminale ku të jetë përfshirë ndonjëri prej tre të akuzuarve. Thelbi i akuzës së Prokurorisë është se UÇK-ja ngriti një kamp-burg në një oborr shtëpiak në fshatin Llapushnik në Kosovën qendrore, në të cilin mbajti kryesisht të burgosur civilë, serbë dhe shqiptarë të Kosovës, nga maji deri në fund të korrikut 1998. Të tre të akuzuarit e mohojnë ekzistencën e këtij kamp-burgu. Dhoma ka dëgjuar dëshmi të shumta lidhur me këtë çështje, veçanërisht prej personave që thonë se janë mbajtur atje dhe prej ish-anëtarëve të UÇK-së. Pasi ka shqyrtuar me kujdes këto dëshmi, Dhoma është krejtësisht e bindur se në të vërtetë UÇK-ja ka pasur një kamp-burg në oborrin shtëpiak në Llapushnik, siç pretendohet prej Prokurorisë dhe se në qershor dhe korrik 1998 në këtë kamp-burg janë mbajtur kryesisht të burgosur civilë, shqiptarë dhe serbë. Prej dëshmive vërtetohet se UÇK-ja u detyrua ta braktiste kamp-burgun më 25 ose 26 korrik 1998, sepse në atë kohë forcat e armatosura serbe po përparonin në Llapushnik, i cili u pushtua prej tyre më 26 korrik. Këto prova paraqiten me hollësi në Aktgjykim.
Akuza më e rëndë në lidhje me sjelljen në kamp-burg është Pika 8, ku thuhet se 14 të burgosur civilë të identifikuar u vranë në kamp. Për shumicën e këtyre 14 të burgosurve, familjet e tyre nuk kanë dëgjuar më për fatin e tyre. Duke marrë parasysh karakterin e akuzave, Prokuroria duhej të vërtetonte se secili prej tyre u vra në kamp ose prej ushtarëve të UÇK-së që kishin lidhje me kampin. Nuk ka prova të drejtpërdrejta se çfarë ndodhi me këta të burgosur. Në këto rrethana, duke marrë parasysh arsyet që jepen në Aktgjykim, Prokuroria, në bazë të provave në dispozicion, ka mundur të vërtetojë vetëm se 3 të burgosur u vranë në kamp.
Në Pikën 6 të Aktakuzës akuzohet se të gjithë të burgosurit në kamp-burg iu nënshtruan trajtimit mizor. Deklarohet se janë mbajtur më shumë se 30 të burgosur. Identitetet e disa prej tyre nuk dihen. Afërsisht për 27 prej tyre është vërtetuar identiteti. Për pothuajse të gjithë këta është vërtetuar se janë mbajtur në një kthinë shumë të vogël bodrumi si fllanik ose në një hapësirë tjetër shumë të vogël që normalisht përdorej si ahur. Provat vërtetojnë se kushtet në këto dhoma ishin absolutisht çnjerëzore. Më të shumtën e kohës ato ishin të tejpopulluara. Nuk kishte mundësi për t’u larë apo për të përdorur nevojtoren, megjithëse pas periudhës fillestare përdorej një kovë për nevoja personale në fllanik. Kova nuk zbrazej rregullisht kështu që tejmbushej dhe derdhej. Të burgosurit flinin mbi dysheme prej betoni ose mbi kashtë. Ushqimi nuk jepej rregullisht, herë pas here kishte ditë ku nuk u jepej ushqim fare. Ushqimi hahej në dhoma. Në të dy dhomat kishte fare pak ndriçim ose ajrim. Gjendja ishte tmerrësisht mbytëse prej nxehtësisë dhe duhmës së rëndë. Të burgosurit në fllanik lejoheshin rrallë të merrnin ajër të pastër për një kohë të shkurtër gjatë natës. Shumë të burgosur mbaheshin duarlidhur ose këmbëlidhur, ose duar e këmbë lidhur. Disa të burgosur ishin lidhur me njeri-tjetrin. Në ahur, të burgosurit më të shumtë ishin të lidhur me zinxhirë pas murit dhe nuk ishin në gjendje të lëviznin brenda dhomës. Ata detyroheshin të kryenin jashtëqitjen në teshat e tyre. Shumë prej të burgosurve ishin lënduar rëndë, kishin eshtra ose gjymtyrë të thyer ose lëndime të brendshme. Të tjerë u pushkatuan. Nuk jepej asnjë lloj mjekimi, megjithëse në fshat ishte një mjek dhe një klinikë mjekësore që i shërbenin personelit të UÇK-së.
Dhoma gjykon se mbajtja e të burgosurve në këto kushte përbënte veprën penale të trajtimit mizor.
Disa të burgosur u mbajtën në vende të tjera në oborr. Provat nuk vërtetojnë se kushtet në këto vende të tjera ishin të tilla që të përbënin trajtim mizor.
Përveç këtyre, ka mjaft prova që dëshmojnë në hollësi për raste të caktuara të dhunës fizike mizore prej anëtarëve të ndryshëm të UÇK-së ndaj të burgosurve të veçantë. Provat tregojnë se ishte e zakonshme që një i burgosur të lidhej, t’i lidheshin sytë, dhe gjatë natës të nxirrej nga dhoma prej ushtarëve të UÇK-së të cilët shpesh mbanin kapuçë për të fshehur fytyrat. Pastaj të burgosurit rriheshin mizorisht ose i nënshtroheshin dhunës tjetër të skajshme dhe, më vonë, ktheheshin në kthinën e burgimit, në disa raste të pavetëdijshëm ose me dhimbje të forta. Dhoma i ka trajtuar këto prova me më shumë hollësi në Aktgjykim. Prej këtyre provave, Dhoma ka identifikuar në veçanti 12 raste të tilla ku të burgosur të identifikuar ishin viktimat. Në lidhje me secilin prej këtyre 12 rasteve, Prokuroria ka vërtetuar krimin e trajtimit mizor.
Gjithashtu, Dhoma është bindur se 5 të burgosur pësuan vuajtje të rëndë mendore kur panë të burgosur të tjerë që po rriheshin, apo u kërcënuan me vdekje nën tytën e armës, ose u detyruan të varrosnin kufomat e dëmtuara dhe të shpërfytyruara të të burgosurve të tjerë. Është vërtetuar se kjo sjellje e anëtarëve të UÇK-së përbën veprën penale të trajtimit mizor.
Në Pikën 4 të Aktakuzës akuzohet për veprën penale të torturës. Për vërtetimin e veprës penale të torturës, Prokuroria duhet të vërtetojë, ndër të tjera, se kryesi e keqtrajtoi viktimën me një qëllim të caktuar, për rastin në fjalë, me qëllim për ta detyruar të rrëfehej, për t’i marrë informacion, ose për ta ndëshkuar viktimën. Provat tregojnë 4 raste që kanë lidhje me viktima të identifikuara për të cilat është vërtetuar krimi i torturës.
Në Pikën 10, Fatmir Limaj dhe Haradin Balaj akuzohen edhe për pjesëmarrjen e tyre të supozuar në ekzekutimin e të burgosurve të kamp-burgut në malet e Berishës. Më 25 ose 26 korrik, të burgosurit e mbetur të kamp-burgut, më shumë se 20 sish, u çuan në malet e Berishës të shoqëruar nga anëtarët e armatosur të UÇK-së. Në male, afërsisht gjysma e tyre u liruan dhe u lejuan të shkonin. Të tjerë mbetën nën ruajtjen e UÇK-së. Më vonë, në këtë zonë të maleve të Berishës, u zhvarrosën mbetjet e 9 kufomave. Prova e ADN-së vërtetoi identitetin e 8 prej këtyre kufomave. Identiteti i kufomës së nëntë u përcaktua prej identifikimit të teshave nga anëtarët e familjes. Është vërtetuar se të 9 viktimat ishin mbajtur të burgosur në kamp-burg prej UÇK-së dhe se ata ishin në grupin që mbeti nën ruajtjen e UÇK-së në malet e Berishës më 25 ose 26 korrik 1998, pas lirimit të afërsisht gjysmës së të burgosurve. Ekzaminimi mjeko-ligjor zbuloi se 6 prej 9 viktimave vdiqën prej plagëve të shkaktuara nga plumba Kallashnikovi, armë e përdorur prej rojave të UÇK-së. Ekzaminimi mjeko-ligjor nuk përcaktoi shkakun e saktë të vdekjes së tre të tjerëve. Megjithatë, këto tri kufoma kishin thyerje eshtrash të shkaktuara afërsisht në kohën e vdekjes. Disa prej kufomave ishin qëlluar më shumë se një herë. Prej këtyre provave bindëse, Dhoma është bindur se 9 prej të burgosurve të kamp-burgut të Llapushnikut u ekzekutuan atë ditë në malet e Berishës prej rojave të UÇK-së. Në Aktgjykim, jepen prova të hollësishme dhe identitetet e këtyre viktimave. Rrjedhimisht, Prokuroria ka vërtetuar se 9 të burgosur të identifikuar të kamp-burgut të Llapushnikut u vranë në malet e Berishës, siç akuzohet në Pikën 10 të Aktakuzës.
Nga çfarë u tha deri tani, do të bëhet e qartë se Prokuroria ka vërtetuar se UÇK-ja ka mbajtur civilë në një kamp-burg në një oborr shtëpiak në Llapushnik në qershor dhe korrik 1998, dhe se 3 prej këtyre të burgosurve u vranë prej ushtarëve të UÇK-së në kamp. Shumë prej këtyre të burgosurve iu nënshtruan trajtimit mizor dhe 4 u torturuan kur ishin të burgosur prej UÇK-së. Gjithashtu, Prokuroria ka vërtetuar se 9 të burgosur të identifikuar të kampit u vranë në malet e Berishës prej rojave të UÇK-së ditën që UÇK-ja u detyrua ta braktiste kamp-burgun.
Një problem tjetër kyç mbetet nëse është provuar përgjegjësia penale për ndonjë prej veprave penale të vërtetuara nga Prokuroria për tre të Akuzuarit, Fatmir Limaj, Haradin Balaj dhe Isak Musliu, ose ndonjërin prej tyre.
Lidhur me këtë, përveç pjesëmarrjes së drejtpërdrejtë personale, në Aktakuzë deklarohet gjithashtu se dy prej të Akuzuarve, Fatmir Limaj dhe Isak Musliu, janë fajtorë sepse nuk penguan ose ndëshkuan sjelljen kriminale të vartësve të tyre në UÇK. Ndërsa është e qartë se në periudhën pas asaj që ka lidhje me Aktakuzën, këta dy të Akuzuar kanë qenë në pozita komanduese në UÇK, dhe se më vonë Fatmir Limaj u bë anëtar i Shtabit të Përgjithshëm, këtu çështja është nëse ata kishin pozita komanduese në maj deri korrik 1998, në lidhje me kamp-burgun e Llapushnikut. Në bazë të arsyeve të shpjeguara në Aktgjykim, Dhoma gjykon se Prokuroria nuk ka vërtetuar se ndonjë prej këtyre dy të Akuzuarve ka pasur pozitë komanduese ose kontroll efektiv mbi ushtarë të UÇK-së në kamp-burgun e Llapushnikut.
Rrjedhimisht, në këtë rast, çështja e përgjegjësisë penale të tre të Akuzuarve kthehet kryesisht, megjithëse jo krejtësisht, në çështje identifikimi, së cilës Dhoma i ka kushtuar mjaft vëmendje.
Disa dëshmitarë pretenduan se e kishin parë Fatmir Limajn në kamp-burgun e Llapushnikut në kohë të ndryshme, dhe një dëshmitar pretendoi se e kishte parë atë në malet e Berishës duke folur me një nga rojat e UÇK-së pak kohë para ekzekutimit të 9 të burgosurve. Gjithashtu, kishte dëshmi se Fatmir Limaj nuk kishte qenë në kamp-burg dhe nuk kishte qenë në malet e Berishës në ditën e ekzekutimit. Ndërsa Dhoma nuk u bind për ndershmërinë e një dëshmitari i cili pretendoi se e identifikoi Fatmir Limajn dhe iu desh të shqyrtonte besueshmërinë e të tjerëve, provat në tërësi në lidhje më këtë çështje në të vërtetë treguan se ka shumë të ngjarë që Fatmir Limaj ishte anëtari i UÇK-së, i cili njihej në kamp prej disa të burgosurve si Komandant Çeliku. Megjithatë, në bazë të arsyeve të shpjeguara plotësisht në Aktgjykim, pas një shqyrtimi përfundimtar të provave, Dhoma gjykon se Prokuroria nuk ka vërtetuar jashtë çdo dyshimi të arsyeshëm se i Akuzuari Fatmir Limaj ka pasur ndonjë rol në kamp-burg, ose në ekzekutimin në malet e Berishës, ose se ai ka përgjegjësi penale për ndonjë prej veprave penale për të cilat akuzohet.
Lidhur me të Akuzuarin Haradin Balaj, provat që kanë të bëjnë me identifikimin e tij janë më të shumta dhe më të shumëllojshme. Disa dëshmitarë kanë pretenduar se e kanë identifikuar si rojë të UÇK-së, i njohur si Shala, i cili vepronte në kamp-burg në qershor dhe korrik 1998. Në këtë rol, Shala kishte kontakte relativisht të shpeshta me të burgosurit. Zakonisht, ai mbante çelësat dhe shpesh u çonte të burgosurve ushqim dhe ujë. Gjithashtu, disa dëshmitarë pretenduan se e kishin identifikuar të akuzuarin Haradin Balaj si njërin prej dy, ose ndoshta prej tre rojave të armatosura të UÇK-së, të cilët shoqëruan të burgosurit e mbetur nga kamp-burgu në malet e Berishës, kur UÇK-ja u detyrua të braktiste kamp-burgun më 25 ose 26 korrik 1998. Dhoma nuk mund të bindet për ndershmërinë e të gjithë këtyre dëshmitarëve. Për sa i përket dëshmitarëve të tjerë, Dhomës i është dashur të shqyrtojë me kujdes besueshmërinë e çdo identifikimi të të Akuzuarit Haradin Balaj, si roja i njohur si Shala në kamp-burg dhe në malet e Berishës në ditën e fundit. Janë shumë faktorë që kanë lidhje me këtë, të cilët Dhoma i ka përmendur në Aktgjykim. Dhomës gjithashtu i është dashur të shqyrtojë prova të tjera që kanë lidhje, veçanërisht prova që sugjeronin se Haradin Balaj nuk ishte në Llapushnik gjatë periudhës në fjalë, dhe prova që sugjeronin se për shkak të shëndetit të dobët, ai nuk mund të ketë bërë disa gjëra të përshkruara prej dëshmitarëve dhe të përmendura në Aktakuzë.
Pasi e ka shqyrtuar me kujdes ndikimin në tërësi të këtyre provave, në bazë të arsyeve të shpjeguara në Aktgjykim, Dhoma gjykon se Prokuroria ka vërtetuar jashtë çdo dyshimi të arsyeshëm se i Akuzuari Haradin Balaj është roja e UÇK-së, i njohur si Shala, i cili mori pjesë në administrimin e kamp-burgut të Llapushnikut dhe i cili i shoqëroi të burgosurit e mbetur për në malet e Berishës më 25 ose 26 korrik 1998.
Rrjedhimisht, më tej, Dhoma ka marrë për shqyrtim nëse është vërtetuar se i akuzuari Haradin Balaj është personalisht apo në ndonjë mënyrë tjetër penalisht përgjegjës për ndonjë prej veprave penale për të cilat është vërtetuar se kanë ndodhur. Pasi i ka shqyrtuar provat në lidhje me këto çështje, Dhoma gjykon se Prokuroria nuk ka vërtetuar se Haradin Balaj është penalisht përgjegjës për ndonjë prej 3 vrasjeve të të burgosurve në kamp (Pika ; mirëpo Prokuroria ka vërtetuar se Haradin Balaj është fajtor për trajtim mizor (Pika 6) për keqtrajtimin prej tij të 3 të burgosurve të caktuar dhe për ndihmë në një rast tjetër në keqtrajtimin e njërit prej këtyre të burgosurve, dhe për rolin e tij personal në mbajtjen dhe zbatimin e kushteve çnjerëzore të burgimit në kamp-burg; dhe ka vërtetuar se Haradin Balaj ndihmoi në torturimin e një të burgosuri (Pika 4); dhe ka vërtetuar se Haradin Balaj, bashkë me një ose ndoshta dy roja të tjerë të UÇK-së vranë 9 të burgosur nga kamp-burgu në malet e Berishës më 25 ose 26 korrik 1998 (Pika 10). Ka pak prova identifikuese për ndonjë lloj pjesëmarrje të të Akuzuarit Isak Musliu në kamp-burg. Provat mbi të cilat mbështetet Prokuroria janë paraqitur dhe shqyrtuar prej Dhomës në Aktgjykim. Dhoma gjykon se provat e paraqitura nuk vërtetojnë se Isak Musliu mori pjesë në ndonjë farë mënyre në ngjarjet e përmendura në Aktakuzë ose në administrimin e kamp-burgut, dhe nuk vërtetojnë se për çfarëdo arsye tjetër ai është penalisht përgjegjës për ndonjë prej akuzave me të cilat ngarkohet në Aktakuzë.

Fatmir Limaj: Ju lutem, ngrihuni.
Dhoma ju shpall TË PAFAJSHËM për të gjitha pikat e Aktakuzës. Dhoma urdhëron lirimin tuaj të menjëhershëm prej Njësisë së Paraburgimit të Kombeve të Bashkuara, pas përfundimit të formaliteteve të nevojshme.
Mund të uleni.

Haradin Balaj: Ju lutem, ngrihuni.
Dhoma ju shpall FAJTOR në bazë të Nenit 7(1) të Statutit, për këto vepra penale: Pika 4: Torturë, shkelje e ligjeve ose zakoneve të luftës, sipas Nenit 3 të Statutit, për ndihmë në torturimin e një të burgosuri të përmendur me emër në Aktgjykim; Pika 6: Trajtim mizor, shkelje e ligjeve ose zakoneve të luftës sipas Nenit 3 të Statutit, për keqtrajtimin prej jush të 3 të burgosurve dhe, në një rast tjetër, për ndihmë në keqtrajtimin e njërit prej këtyre të burgosurve, dhe për rolin tuaj personal në mbajtjen dhe zbatimin e kushteve çnjerëzore të burgimit në kamp-burgun e Llapushnikut; Pika 10: Vrasje, shkelje e ligjeve ose zakoneve të luftës sipas Nenit 3 të Statutit, për pjesëmarrje personale në vrasjen e nëntë të burgosurve të cilët përmenden me emër në Aktgjykim, në malet e Berishës, më 25 ose 26 korrik 1998.
Dhoma ju shpall TË PAFAJSHËM për të gjitha pikat e tjera të Aktakuzës.
Në lidhje me dënimin, në Aktgjykim Dhoma ka shpjeguar shumë faktorë që janë marrë parasysh në dhënien e dënimit të duhur. Në veçanti, Dhoma ka marrë parasysh format e dënimit në ish-Jugosllavi dhe dënimet e dhëna nga ky Tribunal për vepra penale disi të ngjashme me ato për të cilat jeni shpallur fajtor.
Dhoma thekson se sipas gjykimit të saj, ju keni pasur rolin e rojës në kamp-burg. Ju nuk keni pasur pozitë komanduese apo eprore. Veçanërisht, në lidhje me vrasjet në malet e Berishës, Dhoma gjykon se ju keni vepruar si ushtar i detyruar të zbatonit urdhra, duke liruar disa të burgosur dhe duke ekzekutuar 9 prej tyre. Këtë nuk e bëtë me nismën ose vendimin tuaj. Ndërsa kjo nuk e shfajëson sjelljen tuaj, ajo ndikon në shkallën e përgjegjësisë së sjelljes suaj.
Juve ju jepet një dënim i vetëm prej 13 vitesh burgim. Koha që keni kaluar në paraburgim llogaritet plotësisht si kohë burgimi. Ju do të mbeteni në paraburgim të Tribunalit deri në përfundimin e formaliteteve për transferimin tuaj në shtetin ku do te vuani dënimin.
Mund të uleni.

Isak Musliu: Ju lutem, ngrihuni.
Dhoma ju shpall TË PAFAJSHËM për të gjitha pikat e Aktakuzës. Dhoma urdhëron lirimin tuaj të menjëhershëm prej Njësisë së Paraburgimit të Kombeve të Bashkuara, pas përfundimit të formaliteteve të nevojshme.
Mund të uleni.
Këtu mbyllet ky proces gjyqësor.

“EPOKA E RE”