PD rifreskon strukturat e saj

[BlueBaron]

Kreu i Degës së Tiranës shpjegon ndryshimet në parti. Si po kryhet rotacioni.

Minarolli: Në Partinë Demokratike kemi rregulla

Jam dakord që anëtarët e shoqërisë civile të marrin poste në PD, por vetëm pasi të kenë veshur “bluzën blu”.

Kreu i PD-së së Tiranës, Vili Minarolli, i cili e ka drejtuar këtë degë për dy mandate rresht, e që tani përgatitet të lërë vendin për një tjetër, ka analizuar të gjitha ndryshimet që po ndodhin, si dhe ato gjëra për të cilat ka nevojë Partia Demokratike në tërësi.

Si i shikoni ndryshimet e strukturave të PD-së në rrethe?
Një dukuri krejt normale për një parti që funksionon mbi bazën e një statuti demokratik. Jemi në një vit zgjedhor për strukturat drejtuese të PD-së, pas një mandati trevjeçar dhe është koha e ripërtëritjes së tyre. Kjo do të thotë riafirmim me një mandat të dytë të atyre drejtuesve që fitojnë votat e anëtarësisë dhe zgjedhja e drejtuesve të rinj, në vend të atyre drejtuesve që nuk e marrin më besimin e anëtarësisë, ose që e kanë konsumuar mandatin dy herë radhazi, në përputhje me statutin. Çdo shpjegim tjetër është spekulim dhe ka për qëllim të transmetojë format antidemokratike të PS-së, apo të krijojë një paralele edhe në PD me krizën që po e shoqëron prej disa vjetësh PS-në. Në PD nuk ekziston dhe nuk mund të krijohet modeli i “kongresmenit” të PS-së. Zgjedhjet e deri tanishme në degët ku janë kryer janë bërë në përputhje me statutin dhe nuk janë shoqëruar me dukuritë e asaj që është quajtur trafik votash në PS, ose me krijim klanesh e ndarjesh.

Janë zëvendësuar disa nga drejtuesit e vjetër. A ka të rinj të ardhur nga shoqëria civile?
E shpjegova më lart që është e natyrshme se disa do të zëvendësohen ngaqë nuk e rifitojnë mandatin për shkak të dobësive në punë, të tjerë për shkak të moskandidimit më shumë se dy herë radhazi. Por, duhet të jetë e qartë se në strukturat drejtuese të PD-së nuk mund të zgjidhen persona që nuk janë anëtarë të partisë. Shoqëria civile është një nga pjesët më të rëndësishme të shoqërisë dhe, nëpërmjet bashkëbisedimit me të, PD-ja synon të shpjegojë alternativën e saj për ndryshimin dhe përmirësimin e situatës aktuale të vendit, për të siguruar pjesëmarrjen sa më aktive të saj në përpjekjet e opozitës për të goditur fenomenet negative që shoqërojnë qeverisjen e majtë dhe që njollosin mbarë shoqërinë shqiptare. Po ashtu, PD-ja synon në afrimin e vlerave të saj dhe këtu kam parasysh përfshirjen e eksponentëve të shoqërisë civile në radhët e PD-së, si anëtarë. Mbetet pastaj në vullnetin personal të anëtarëve të PD-së për t’u angazhuar ose jo në strukturat drejtuese të saj, duke iu nënshtruar garës zgjedhore. Kam lexuar mendime aspak naive të ndonjë analisti apo gazetari, që e njeh mirë mekanizmin e funksionimit të partive politike elektorale, i cili aludonte për katapultime në strukturat drejtuese të PD-së të personave që nuk janë anëtarë të këtij formacioni, ose, akoma më keq, që aktualisht janë anëtarë të partive të tjera politike. PD-ja është pasuri kombëtare për nga vlerat që mbart, por është skuadra ku luajnë vetëm ata që kanë pranuar të veshin fanelën me siglën e saj.

A ka një strategji dega e Tiranës për thithjen e shoqërisë civile?
Sigurisht, është në kuadrin e strategjisë së PD-së, e shprehur mjaft qartë edhe nga kryetari dhe udhëheqësia e saj. Ky është një proces që nuk bëhet me fushata, por në vazhdimësi. Por ka momente të caktuara kur procesi është më frekuent, siç janë fushatat elektorale apo zgjedhore. P.sh. në fushatën e vitit 2003 nga 11 kandidatë për kryetarë të minibashkive të Tiranës, shtatë ishin nga shoqëria civile dhe tani janë të anëtarësuar në PD. Njësoj si gjithë të tjerët, edhe ata kanë të drejtën të marrin pjesë në garën për në strukturat drejtuese të PD-së. Në një shoqëri pluraliste, siç është shoqëria jonë, një pjesë e madhe e elektoratit nuk bën pjesë në partitë politike. Partitë politike, nëpërmjet prezantimit të programit dhe të alternativës, synojnë pikërisht që këta votues t’i bëjnë të tyret. Ndërsa pjesëmarrja e shoqërisë civile në PD nuk ka “pengesa”, veç atyre që parashikon statuti, siç janë pranimi publik i programit, dëshira për të paguar kuotizacionin dhe mospjesëmarrja në strukturat kriminale të ish-Sigurimit të Shtetit.

A do të kandidoni sërish për kreun e Tiranës? Nëse jo, a keni menduar për pasardhësin?
Vetë nevoja për të bërë pyetjen e dytë më bën të mendoj se e dini përgjigjen për pyetjen e parë. Nuk do të kandidoj, sepse i kam konsumuar dy mandate radhazi. Po ta kisha hapësirën nga statuti do të rikandidoja, sepse, pavarësisht nga ngarkesa e madhe dhe vështirësitë që ka kjo detyrë, me njerëzit e zotë që ka anëtarësia e PD-së e degës së Tiranës, ta lehtëson barrën. E kësaj natyre është edhe metoda e punës në strukturat ë lidershipit të PD-së, me të cilin kurdoherë kam pasur mirëkuptim të plotë. Por, duke ardhur në pjesën tjetër të pyetjes, do të thosha që kryetarllëku në PD nuk është një post që trashëgohet, që të më lihet mua e drejta të zgjedh. Si çdo anëtar i Konferencës së Tiranës, edhe unë kam vetëm një votë e, po ashtu, si të gjithë të tjerët edhe unë do të mendoj që ta konsumoj këtë votë në shërbim të përmirësimit të punës në degën e Tiranës. Pra kryetari i ardhshëm i Tiranës do të jetë produkt i shumicës së votuesve, pjesëmarrës në konferencë, ndaj mund t’ju siguroj se kjo zgjedhje do të jetë jashtë trafikut të votave dhe klaneve apo grupeve. Ajo është thjesht përgjegjësi individuale e çdo delegati.



Përtëritja e mirë e bazës forcon drejtimin

Ndryshimet në bazë do të reflektohen edhe në strukturat e larta drejtuese të PD-së. Duke i konsideruar të lidhura ngushtë me njëra-tjetrën, Minarolli vlerëson se “partia drejtohet nga njerëz politikë, për të cilët e gjithë anëtarësia ka investuar. Kështu që edhe ndryshimet do të ndjekin rrjedhën logjike dhe të natyrshme nga baza në qendër”. Sipas tij, kërkohet një kombinim bazë - qendër dhe këtë më mirë se çdo gjë tjetër e bën vota e lirë, e drejtpërdrejtë dhe e fshehtë. “Unë nuk di ndonjë rast që PD-ja t’i jetë shmangur këtij parimi, prandaj kam bindjen se kështu do ndodhë edhe në këto zgjedhje”, thekson Minarolli. Ndërkohë, ai konfirmon se dega e PD-së së Tiranës aktualisht po merret me një sërë problemesh për t’i paraprirë procesit zgjedhor brenda partisë, por edhe garës parlamentare.



Gara.Suksesi në zgjedhje, nga ndryshimet në PD

Më tepër se sa gara parlamentare, duket se degën e PD-së së Tiranës e shqetësojnë zgjedhjet brenda PD-së. Minarolli shprehet se ky fenomen ndodh edhe për shkak se “gara në PD është më e afërt dhe në rend të ditës. Suksesi i saj përbën një premisë të domosdoshme për zhvillimin me sukses të garës parlamentare”. Madje, sipas tij, kjo është ana pozitive e zgjedhjeve në parti këtë vit, sepse ato u paraprijnë zgjedhjeve politike. “Pastaj ka edhe një arsye tjetër që më bën të jem aktualisht më i shqetësuar për të parën, e cila lidhet me pozicionin tim aktual, si kryetar i degës”, shprehet Minarolli.

[miko]

Roi jo qfar po cfar
jo ne jemi materialista po ne jemi materialiste
jo siq po sic
jo gjdo po cdo, mesoni te shkruani drejt se seshte turp.

Sa per shkrimin e mero bazes, nje gje me ben pershtypje, kur kritikohet saliu ca ketu te hidhen ne fyt, si kongresmente e ps qe brohorisnin fatos nano kur fliste ilir meta. Jeni kallepi viktimes, jeni delja ne tufen e bariut e jo te partise, e keni plote shoke e nga kampi tjeter.
Nuk pash njeri ketu te sjelli nai argument pse mendon se mero baze nuk flet drejt po akuza bajate tashme qe me kujtojne flete rufete e partise ke stacioni i banges te tipit, ai eshte i korruptuar e do poste, ai eshte i shitur te nano, ha ha ha.
Bukur dhe sukses ne reformen e re para zgjedhieve, po nje gje, peshku eshte qelbur nga koka, sado te mundoheni, kot e keni po se kapet lopen nga briret, nese doni shqiperine.
Suksese
Kroksi

100% Dakort me shkrimin e krokodilit.

Ps.Kryesia duhet ndryshuar dhe jo peshqit e vegjel.



Ja kalofshit mire