PD rifreskon strukturat e saj

[Brari]

Ndrysh(k)imet në PD dhe zgjedhjet

Mero Baze



Partia Demokratike po hyn në fazën e zgjedhjeve të reja brenda saj, pa arritur të ndryshojë dot asgjë nga tradita e saj administrative. Në shumicën e degëve kryesore të opozitës në rrethe, mbizotëron dualiteti dhe përçarja, ndërsa autoriteti i lidershipit të PD-së është vënë në pikëpyetje nga dështimi i disa nismave të saj për hapjen dhe rifreskimin e ekipit drejtues.

Në këto kushte zgjedhjet e reja brenda partisë më të madhe të opozitës, ose duhet të bëjnë atë që nuk u bë, nga përpjekja për ta imponuar ndryshimin nga lart, ose do të thellojnë më tej ndarjet dhe do ta degradojnë Partinë Demokratike.

Thelbi i lëvizjeve të fundit të PD-së, sidomos ato të fillimvitit për hapjen e saj dhe rritjen e besimit tek elektorati për t'u përfshirë në lëvizjen "Nano Ik" në thelb nuk kishin si përfytyrim fizik ikjen e Fatos Nanos, por ardhjen në pushtet të opozitës duke rritur besimin. Tashmë këto nisma janë frenuar dhe kanë humbur mes axhendave burokratike të PD-së duke rrezikuar të mbeten, së fundi, në mëshirë të strukturave bazë të PD-së, të cilat janë kalitur jo për faj të tyre këto shtatë vite, si struktura të ngurta që duhet t'u rezistonin përpjekjeve për të eleminuar opozitën. Ata janë një kapital i çmuar politik për opozitën, por jo një vlerë, që duhet të promovojë ndryshimet në opozitë.

Në këto kushte zgjedhjet e reja në PD mund t'i krijojnë kësaj partie, problemin e madh të orientimit politik të lidershipit të ri. Më thjesht akoma nga këto zgjedhje brenda PD-së, nuk është e sigurt nëse do të dalë një lidership i gatshëm të pranojë ndyshimin e opozitës, apo një lidership që konkurron mbi bazën e traditës së qëndresës të PD-së. Për më tepër shumë degë të opozitës po mbështesin ndryshimet e tyre nga ata individë, të cilët kanë udhëhequr degradimin e partisë. Është e pazakontë për një parti, siç është Partia Demokratike në Durrës, që drejtuesit e saj humbasin zgjedhjet prej vitit 2000 dhe tani udhëheqin edhe ndryshimet e reja. Po ashtu dega e Tiranës. Përveç faktit që gjendet në një godinë me Berishën, ajo nuk ka asnjë autoritet tjetër në kryeqytet, për të mos thënë që është degë e militantëve të periferisë. Përkundër kësaj ndryshimet e premtuara prej Berishës në Durrës dhe Tiranë nuk u bënë, ndërsa në rrethe të tjera si Saranda ku PD fitoi duke i shpëtuar nderin të djathtës në zgjedhjet e fundit, kryetarja është thuajse e linçuar politikisht nga grupet rivale.

Kjo situatë vjen për shkak të mungesës së vendosmërisë së lidershipit të PD për të diktuar frymën e re në PD, frymën që hap PD-në dhe sjell brenda saj njerëz të rinj. Saranda u fitua prej opozitës prejse kryetarja e degës atje zgjodhi një njeri jashtë PD-së me frymë qytetare dhe autoritet personal në qytet, siç ishte Edmond Gjoka. Ky model tani po linçohet dhe po fiton modeli Kapidani-Minarolli që të kujton ndryshkun real të opozitës në këto vite.

Diktimi i frymës së re në zgjedhjet e opozitës nuk bëhet me truke dhe me caktim kandidatësh fals, pasi vendosmëria për të kundërshtuar ndryshimet shkon në ekstrem dhe fitojnë shpesh dhe kandidatët fals, mjafton që të mos ndryshojë PD-ja. Ndryshimet duhet të diktohen si platformë e re, e detyrueshme dhe e pakundërshtueshme nga baza. Mbi të gjitha ndryshimet diktohen duke u ulur dhe duke caktuar 100 kandidatët për deputetë në zonat elektorale qysh tani, pa i bërë shumë publikë, por që të jenë përgjegjës për zonat e tyre. Kandidatët e PD-së nuk mund të mbeten peng të tekave të administratorëve të saj, një muaj para zgjedhjeve. Ata duhet të marrin pjesë në zgjedhjen e lidershipit të ri të PD-së dhe të jenë të komportuar me këto struktura. Nëse mbërrihet kjo, opozita ka një përgatitje konkrete për zgjedhjet dhe ka një vizion jospekullativ për ndryshimet që ka ndërmend të bëjë. Mirë apo keq, këta emra të skicuar për kandidatë, do të kenë mundësi të përballojnë një debat publik për gati një vit, deri ditën e zgjedhjeve, dhe ka plot kohë edhe për të korrigjuar diçka nëse nuk është bërë mirë. Por nuk ka aspak kohë që të pritet që nga ato struktura që shkaktojnë ndarje mes PD dhe kandidatëve të saj, të pritet një hapje dhe thithje e vlerave të shoqërisë. Viti elektoral ka filluar dhe një vit më pas, edhe sikur të mos ketë zgjedhje të parakohshme, kemi përfunduar zgjedhjet parlamentare. PD nuk ka kohë të hamendësojë për takime formale me OJQ, gazetarë apo intelektualë. Asaj i duhen 100 emra, të cilët janë shumë për të na bindur për ndryshimin dhe mbi të gjitha janë pak për t'u trembur se nuk gjenden. Ndryshe ky vit me të papritura të mëdha politike, mund të nxjerrë përfundimisht jashtë loje partinë më të madhe të opozitës duke e bërë të pakorrigjueshme rigjenerimin e skenës politike shqiptare. Zgjedhjet e reja brenda PD duhet të jenë motiv për të shndërruar PD-në në një parti elektorale dhe për t'i vënë strukturat e saj në shërbim të emrave që do ta përfaqësojnë atë politikisht dhe jo të shkohet nga tradita e mëparshme ku të zgjedhurit për deputet ishin të terrorizuar nga strukturat që i luftonin. Nëse hapja nuk funksionon si sistem kapilar brenda opozitës, ajo nuk mund ta furnizojë kurrë me energji të reja atë. Dhe është koha e fundit që PD të mos ekspozojë çetat brenda saj, por udhëheqësit e vërtetë, nëse ka. Ndryshimet në PD nuk mund të mbështeten më tek ndryshqet që kanë zënë degët e saj dhe meskiniteti, përçarja dhe fryma provinciale e tyre. Ato duhet të mbështeten tek individët e fortë që do t'i ofrohen PD-së për të qenë lidershipi që do të fitojë zgjedhjet. Ka shumë njerëz në opozitë që u intereson opozita si pozicion, pasi nuk shikojnë shanse për të pasur më shumë pushtet, nëse ndryshon pushteti. Biles autoriteti i rritur i Berishës vjen dhe nga fakti se ai mendohet si njeri që mund të vijë në pushtet dhe rrethohet nga njerëz që janë të kënaqur nga qëndrimi në opozitë. Zgjedhjet duhet të heqin këtë ndryshk, për të na bindur për ndryshimin.





-----

[Llapi]

Brari une kisha nji propozim le te bashkohet PD-ja me LDK-ne se kjo e fundit veq eshte para shkatrrimit total e ndoshta te dyjat e perbajn nji parti te vogel.

Mos u hidhro brari se keshtu e ka polituka sot je ne maje neser ne fund.

[krokodili_73]

hiq gogolin qe tremb kalamajt nga koka pd-se e ver genc pollon e i ka te garantuar zgjedhiet, ne te kundert po look forward to nano ik 2005

[macia_blu]

Brari, flm qe na solle kete shkrim ne forum, pasi duhet ta dime mire dhe ta njohim fytyren e "demokratit" Mero Baze. Ati sic duket i intereson Baza, nga mbiemri qe ka dhe moskandidimi ne strukturat e PD, qe nga baza te ngjitet ne kandidmin per deputet. Eh more Mero qe na predikon analistin e kulluar, pak nga pak po te hiqen petat e po del merua i verete, qe lufton vetem per pak pushtet. O i mjere, a nuk ishte PD qe fitoi ne zgjedhjet lokale po aq sa Pozita, a nuk ishte PD qe fitoj edhe ne pushtetin qendror dhe ju i dini dushkofonet, grekofonet dhe fatosofonet, apo i harruat keto dite qe erdhet ne USA. Sic duket Shekua u dha ca teprica nga fitimi i mauneve. Hahahahahaha! O merziu, na shpetove qe na prure temen ketu, se kemi pak probleme te tjera, por do merremi edhe me pallavrat tuaja. Ndersa krokollapave qe kane shkruar, ketu le ti marrin te keqen Berishes e Rugoves, se me Thaca e Naca s'do fitojne kurre.

[Cofferati]

Shqiperia dhe shqiptaret e kane sahatin mbrapa.....

[Genti^Itali]

Leka I mbledh familjet e medha per te synuar pushtetin

Zogu merr racionin e Berishes



Zhvillimet që vijnë nga kampi mbretëror duket se më shumë se askënd tjetër, po alarmojnë Partinë Demokratike të Sali Berishës. Pas një qëndrimi në heshtje prej shumë kohësh të Leka Zogut, ai shpalli para disa ditësh Lëvizjen për Zhvillim Kombëtar. Ndërsa dje, ai mblodhi përfaqësues nga familjet e mëdha historike, përfaqësues të ish-pronarëve, etj, të cilët nuk ngurruan ta mbështesin hapur aleancën me pasardhësin e fronit mbretëror shqiptar.

O be keq per karige mer daj

[Roi]

A e din Brari qfar mua ma merr mendja se duhet te fitoj i miri,por fatkeqsisht ne si duket jemi paksa materialista ose me mir te them se jemi te korruptuar por shpresoj se tani do te ndryshojn disa gjera dhe siq thot populli "mbas gjdo Dimri duhet te vije Pranvera" e po e presim...

[krokodili_73]

Roi jo qfar po cfar
jo ne jemi materialista po ne jemi materialiste
jo siq po sic
jo gjdo po cdo, mesoni te shkruani drejt se seshte turp.

Sa per shkrimin e mero bazes, nje gje me ben pershtypje, kur kritikohet saliu ca ketu te hidhen ne fyt, si kongresmente e ps qe brohorisnin fatos nano kur fliste ilir meta. Jeni kallepi viktimes, jeni delja ne tufen e bariut e jo te partise, e keni plote shoke e nga kampi tjeter.
Nuk pash njeri ketu te sjelli nai argument pse mendon se mero baze nuk flet drejt po akuza bajate tashme qe me kujtojne flete rufete e partise ke stacioni i banges te tipit, ai eshte i korruptuar e do poste, ai eshte i shitur te nano, ha ha ha.
Bukur dhe sukses ne reformen e re para zgjedhieve, po nje gje, peshku eshte qelbur nga koka, sado te mundoheni, kot e keni po se kapet lopen nga briret, nese doni shqiperine.
Suksese
Kroksi

[macia_blu]

Jo se kritikohet saliu (pse jo edhe vetem se kritikohet saliu?!) por se ky fare meroje meria e ligesia e kane mbulue, po na thone pabindshem , ose si me thane , ndryshe thone e ndryshe shkrujne e bajne , se jane PD-sta... se jane anti-nano. Megjitheate, me iu bind i bindet tosit. Mero baze nuk asht as ma pak as ma shume se nje bushter mashkull.

[Brari]

Gazeta Tema:

-----

PD shpall largimin e Kapidanit nga PD e Durrësit

Nënkryetari i Partisë Demokratike, Bamir Topi komentoi dje zgjedhjet që po bëhen në degët e Partisë Demokratike në rrethe. Ai i quajti të pavlera deklaratat e bëra nga ish-kryetari i degës së PD-së së Durrësit. Sipas Topit zgjedhjet në degët e rretheve janë bërë konform statutit të Partisë. Ai tha se gjatë tyre janë marrë parasysh rezultatet në zgjedhjet e fundit lokale. Nënkryetari Topi tha se deklaratat e bëra nga Edmir Kapedani, nuk tregojnë asgjë tjetër veçse pakënaqësi. "Unë do ta respektoja Kapedanin në çdo lloj prononcimi që do të ishte gjatë zhvillimit të konferencës. Nuk besoj se gjërat në një parti politike të bëhen objekt i medias në momentin kur preken interesat personale. Këto deklarata nuk duhet të shprehin pakënaqësi në momentin kur preken interesat. Por ato duhet të bëhen në proces sepse nuk prekin askënd. Atij thjeshtë i ka mbaruar mandati." theksoi Topi.

Sipas tij të gjitha zgjedhjet e bëra në degët e rretheve të kësaj partie janë bërë në përputhje të plotë të rregullave dhe statutit të kësaj partie. Topi shtoi se në bazën e rezultateve zgjedhore të tetorit, janë bërë dhe penalizimet e duhura dhe rinovimet e tyre për të mundësuar që në të ardhmen të ketë rezultate më të mira. Një gjë e tillë sipas Topit është mëse normale. "Procesi është bërë mbi bazën e rregullave dhe me parametrat duhura të bazuara dhe në statut. Një nga faktorët kryesorë janë dhe rezultatet e pamerituara, sidomos në zgjedhjet e fundit lokale. Aty ku rezultatet nuk janë të mira si pasojë e punës jo të mirë, ka disa penalizime dhe mandati rinovohet duke ua adresuar njerëzve të tjerë, të cilët kanë demostruar se kanë qenë më aktivë", shtoi Topi. Duke bërë një deklaratë të tillë në përgjigje të deklaratave të ish kryetarit të degës së PD-së së Durrësit, nënkryetari demokrat Topi shtoi se zgjedhjet në degët e rretheve ende nuk kanë përfunduar dhe se në zhvillimin e tyre do të synohet të arrihet më e mira e mundshme duke zgjedhur në drejtimin e tyre njerëz të cilët do të garantojnë rezultate më të kënaqshme.


-------




Di llafe..

Urojme te vazhdoje procesi i largimit nga udheheqja e PD-se i hunjve te gardhit sikurse ky Ed Kapidani i Durresit ..nje cop burokrat pa fantazi e inisiative..e pa popullaritet..

qashtu..