Ndarja e internetit me DSL/CABLE në disa kompjutera

[edspace]

Cyclo,

Ka dy mënyra për të ndarë lidhjen e internetit.

Mënyra e parë është duke përdorur një prej kompjuterave si sërvër që shpërndan internetin tek kompjuterat e tjerë. Kompjuteri që do bëhet si sërvër do ketë dy karta rrjeti (network cards), njëra lidhjet me modemim e DSL ndërsa tjetra lidhet me një hub/switch. Hub dhe switch bëjnë bashkimin e disa kompjuterave në një rrjet.

Sërvëri është i vetmi kompjuter që ka lidhje të drejtpërdrejtë me internetin dhe nëpërmjet tij, e marrin internetin edhe kompjuterat e tjerë. Windows XP është e aftë të ndajë lidhjen e internetin duke përdorur ICS (internet connection sharing). Gjithashtu mund të përdorësh "Windows 2000 Sërvër" që lejon shërbimin NAT (network address translation). Nqs ke probleme me këto më lart, mund të përdorësh programe të tjera si psh wingate që bën të njëjtën gjë.

Kjo mënyrë është pak e komplikuar sepse të duhet të blesh një kartë rrjeti (network card), një shpërndarës (hub) si dhe duhet të konfigurosh programin që bën shpërndarjen. Për të instaluar kartën e dytë të kompjuterit, duhet të hapësh kompjuterin nga brënda dhe aty mund të dëmtosh ndonjë prej pjesëve të tjera.

Për më shumë detaje, mund të lexosh një guidë (ne anglisht) shumë të mirë tek kjo faqe. Ndiqi të gjitha hapat dhe nuk besoj të kesh ndonjë problem.
http://www.practicallynetworked.com/...aringcable.htm

[edspace]

Mënyra e dytë për të ndarë internetin, është ajo që të ka thënë specialistja Fiori dhe gjithashtu është edhe tek guida e PCWorld që ka hedhur Beni. Kjo metodë është shumë e thjeshtë dhe nuk duhet të instalosh pjesë të tjera në kompjuter apo programe speciale. E vetmja gjë që duhet është një shpërndarës (router) që lidhet me modemin nga njëra anë, dhe me kompjuterat nga ana tjetër. Shiko diagramin e bashkëngjitur.

Shpërndarësit zakonisht kanë nga 4 ose 8 porta. Ti ke tre kompjutera, kështu që një router me 4 porta është i mjaftueshëm. Mund ti blesh tek bestbuy ose circuitcity për $50-$70.

http://www.bestbuy.com/site/olspage....sortfilter.jsp
http://froogle.google.com/froogle?q=...&sa=N&start=10
http://www.bizrate.com/marketplace/s...userzip--.html

Shumë kompani kanë nxjerrë routera në shitje por të rekomandoj të zgjedhësh ndonjë emër të njohur si linksys, netgear, d-link, motorola.

[Invincible_]

me mire duhet te thoja nje pyetje nqs me ndihmoni...

Lidhem ne int. me me nje linje adsl nepermjet modemit.

ne shtepi zoteroj 2 compjutera dhe doja te dija si mund ti lidh te 2 ne int. ne te njeten kohe pasi modemi ka nje dalje te vetme?

Kam pyetur dhe administratorin e linjes dhe me tha qe kjo gje mund te behej duke marre nje router por eshte me pagese.

Ka ndonj menyre si te perfitoj 2 dalje nga ky modem qe mund te lidhem me te 2 njekohesisht?

[edspace]

Një temë e ngjashme më këtë mund të lexohet këtu

[altiX]

Një temë e ngjashme më këtë mund të lexohet këtu

A duhet patjetër kablloja e përdredhur(twisted crosower)për rastin e dytë që e ke përshkruar...ndërmjet komp.1 dhe 2?
Përshëndetje

[edspace]

A duhet patjetër kablloja e përdredhur(twisted crosower)për rastin e dytë që e ke përshkruar...ndërmjet komp.1 dhe 2?
Përshëndetje

Në rastin e dytë, mjaftojnë kabllot normale me koka RJ-45 nga të dyja anët.

[altiX]

Në rastin e dytë, mjaftojnë kabllot normale me koka RJ-45 nga të dyja anët.

Ku mund të dihet se është koka RJ-45.Te kablloja ime shkruan psh.Type CM 24AWG apo edhe (UL)E188C30.
Sdi pse nuk po f-non...edhe pse këto gjëra mjaft të qarta më duket se i kam?!

[edspace]

Vëri të dyja kokat e kabllit përpara dhe shiko renditjen e telave me ngjyrë. Kablli i thjeshtë RJ-45 ka të njëjtën renditje për të dy kokat, ndërsa kablli i përdredhur ka renditje të ndryshme për të dyja kokat, si më poshtë:



Edhe nga kodi "CM", C mund të jetë për "crossed", dmth të kryqëzuar.

Një nga prizat e routerit pranon lidhje me kabëll të përdredhur. Kjo prizë zakonisht quhet "link" dhe është në anë, më vete nga të tjerat. Aty lidh kabllin e kryqëzuar dhe anën tjetër lidhe me modemin ose me një nga kompjuterat e rrjetit.

Nuk e di çfarë skeme ke ndjekur për rrjetin. Sigurohu në fillim që të gjithë kabujt janë të lidhur siç duhen dhe dritat e routerit dhe kartave të rrjetit janë të gjitha të ndezura.

Hap kompjuterat dhe shtyp komandën ipconfig /all tek start > run > cmd
Aty duhet të shikosh nqs kompjuteri ka marrë adresat IP nga routeri. (psh. 192.168.1.2).

Pastaj provo të bësh ping routerin ose një kompjuter tjetër në rrjet.
komanda: ping emri_i_kompjuterit
ose
komanda: ping 192.168.1.1

Ndryshoje numrin me adresën IP që kanë kompjuterat. Nqs lidhja është në rregull, duhet të marrësh përgjigje "reply from 192.168.1.1 ...".

Nëse nuk je i qartë për konfigurimin, hidhi në forum rezultatet e këtyre komandave që të shikojmë nëse janë konfiguruar siç duhet.

[altiX]

Përshëndetje Edi,
Me fritz DSL këtë e kam të realizuar.Ky është një modem që ka një lidhje direkte si dhe një lidhje USB.Pra është gati e njëjta gjë.Unë vetëm desha që edhe përmes modemit që ka vetëm një dalje dhe dy kartave të rrjetës ta realizoj ate pasi që kam edhe një DSL Modem ma të vjetër me vetëm një dalje.Mendoj se kjo është e realizueshme shiko foto 2 këtu

[edspace]

Nëse kompjuterat lidhen direkt (pa ndonjë aparat shpërndarës) atëherë duhet përdorur me patjetër kablli i përdredhur/kryqëzuar. Ka një temë të tërë për këtë punë, që e bën mëse të qartë.