Ndarja e internetit me DSL/CABLE në disa kompjutera

[IL_DON]

amon mer kablli qe kena ne kendej o si kabell ushtrije deri tek kutia shperndarese e Telekomit eshte kabell optik, nga kutia shperndarese deri tek dyqani e kabell te zakonshem.
Kam bere disa tentativa te deshperuara ti lidh me ane te nje switch por me kot , pajisja qe me dhane ato te telekomit kishte dhe porte Ethernet por nuk pati sukses vetem PC qe kishte IP e Telekomit njeh IP virtuale qe u mundova me i vene une smi ka njohur.
Do mundohem te bej nje router ne linux vete dhe te shikoj se si do me ecin punet ishalla e ben Linux-i ndarjen e rrjetit virtual.
Sa per shepjtesine tashti e kam 256 kb/s down dhe 64 kb/s up por po qe se do me funksionoje idea ime do ta bej 512-128

RoniSotiri mos e ngatarro switch me router mer daje switch eshte ai qe ben ndarjen e rrjetit ne LAN qe eshte me porta Router-i eshte pajisja qe ben te mundur te marresh linjen nga antena (p.sh) e deri tek switch-i)

[Alket123]

Cfare ke me kabllin e ushtrise ti?

[IL_DON]

Per sqarim!

Telekomi me ka dhene nje Router TOMSON te cilin e kane konfiguruar vete ato. me nje fjale une vetem sa e fus ne PC dhe direkt me lidhet me internetitn pasi bej connetion.Nuk mund ta ndryshoj dot te dhenat e routerit sepse skam pa ndonje here si ai lloj tipi.E provova me e lidh routerin me nje switch D-LINK por pa rezultat mora perseri fjalen e fundit te teknologjise qe ekziston ne shqiperi nje mini swich MSI 100/1000MB/s me 4 porta dalerse por pa rezultat :=(.

o Alket123 skam gjo me kabllin e ushtrise une po kablli i ushtrise cer ka me internetin tim kete spo e marr vesh

[qoska]

Il_DON te duhet se sben nje router per te arritur ate qe do dhe pastaj te kalosh ne switch.
Nqs do me kontakto mua dhe mund te ta bej une eshte nje pune 1/2 ore .

Por gjithsesi kontrollo forumin per tema te tilla dhe do gjesh disa postime qe te ndihmojne per kete pune.

[Eagle]

Il Don. Ti merr nga telekomi nje lidhje ADSL me dalje ethernet the thua se vetem sa fut kompiuterin ne te. Kjo eshte ana publike dhe ti nuk ke se cfare ndryshon a konfiguron ne te se nuk eshte e jotja. Tani qe ti te realizosh nje rrjet pas saj ke disa menyra:
1. Kompiuterin qe ti tha se kur e lidh direct punon shtoi nje network karte tjeter dhe coje ne nje switch. Kete kompiuter do ta konfigurosh si ICS (internet connection sharing). Kompiuterat e tjere lidhi ne switch.
2. Eshte njelloj si 1 por ne vend te nje nje pc client te duhet te instalosh nje OS server. Ne te instalon nje service te quajtur RRAS (Routing and Remote Access Service) d.m.th e konfiguron kompiuterin te punoje si router.Ne te duhet te activizosh NAT (Network Address Translator)
3.Pas modemit te telekomit vendos routerin tend. qe ka nje IP publike ne porten WAN dhe IP private ne porten LAN.Qe nga kjo porte shkon ne nje switch dhe ne switch lidh kompiuterat e tjere te rrjetit qe ti do te ndertosh.

[Alket123]

http://www.cdw.com/shop/products/def...spx?EDC=378498

eshte switch, router, DSL dialer qe rri dite-nate i lidhur, NAT translator etj. do e shikosh se vetem kaq te duhet. $105 USD.

Une me nje te tille me DSL ka lidhur kompjuterin tim, dhe 5 PC dhe laptops duke vendosur nje wireless access point tek kjo. Plus qe eshte dhe firewall. Per faktin qe ta thashe une dua 3 ore falas tek salla jote e kompjuterave.


Network cards jane 66 MHZ ose 33MHZ te vjetrat. Ky eshte 50MHZ ARM processor, i perballon me sukses mbi 20 lidhje.

[IL_DON]

Per momentin DESHTIM TOTAL
Bera nje router te cilin do e konfiguronte nje njeri qe merrte vesh nga routerat )meqense ai ben routera per linja interneti e morem) por pa pike suksesi ne kete aspekt + qe dhe lidhja e internetit e kishte te kufizuar download-imin me sa e provova nje here rreth 50-MB, Themi ti japim nje zgjidhje mbas disa kohesh pasi te marrim nje nga specialistet me te mire te kesaj fushe por tashti per tashti nuk kemi as kohe as drita, problemit mund ti jepet dhe nje zjgidhje tjeter duke blere nga TELEKOMI nje IP por sikur nuk te leverdis si shume shtrenjte nejse kur ti jap zgjidhje kesaj qeshtjeje do ju njoftoj dhe si mund te konfiguruhet routeri qe ti vijme ne ndihme dhe te tjereve

[Alket123]

Per momentin DESHTIM TOTAL
Bera nje router te cilin do e konfiguronte nje njeri qe merrte vesh nga routerat )meqense ai ben routera per linja interneti e morem) por pa pike suksesi ne kete aspekt + qe dhe lidhja e internetit e kishte te kufizuar download-imin me sa e provova nje here rreth 50-MB, Themi ti japim nje zgjidhje mbas disa kohesh pasi te marrim nje nga specialistet me te mire te kesaj fushe por tashti per tashti nuk kemi as kohe as drita, problemit mund ti jepet dhe nje zjgidhje tjeter duke blere nga TELEKOMI nje IP por sikur nuk te leverdis si shume shtrenjte nejse kur ti jap zgjidhje kesaj qeshtjeje do ju njoftoj dhe si mund te konfiguruhet routeri qe ti vijme ne ndihme dhe te tjereve

software router?, sec iu ka hipur ne mendje njerzve me Linux software router kur ka alternativate tjera me te lira dhe te sigurta.

zoteri ke modem equipment?

atehere perdor kete device: http://www.cdw.com/shop/products/def...spx?EDC=378498

e thashe larte, eshte per mua DSL online 7 dite ne jave 24 ore ne dite gati!

lidhe porten "uplink" me ethernet port te modemit. tek njera nga portat e kesaj lidh ose paisjet e tjera ose switch's te tjere.

[dardani8]

pershendetje

desha te lidh dy pc qe ata se bashku te ndajne internetin.
lidhja eshte dsl dhe realizohen nepermjet nje modem dsl.

me duhet patjeter nje router dsl apo mjafton edhe nje router normal.
ca me duhet te kem dicka te vecante parasysh se ka nje kohe te gjate ce nuke jame marre me rrjeta dhe nuk e kame te fresket me ket lemi.

pra dua ce shperndarja te behet nepermjet te hardware ,router.
me duhet te instaloj software te dhenat e isp ne te dy pc, te konfiguroj rrjetin ne te dy pc .
.dhe cfar duhet kem tjeter parasysh.

ju flmn ne cdo keshill

shnet

[edspace]

Çfarë të blesh

Çdo router e bën punën. Emrat DSL, CABLE, Broadband, High Speed, janë shtuar nga kompanitë për të tërhequr klientë. Të gjithë e bëjnë punën por zgjidh një që lexon Broadband ose DSL/CABLE sepse këta kanë disa opsione që janë kastile për përdoruesit e shtëpisë. P.sh: Nëse përdor emër dhe fjalëkalim për t'u lidhur në internet, atëherë bli një router kastile për DSL për të qenë i sigurtë që do punojë.

Zgjedhja që duhet të bësh është të blesh router normal apo router pa tela (wireless). Nëse ke ndonjë pajisje me komunikim pa tela (p.sh: laptop) ose ke ndërmend të blesh ndonjë së afërmi, atëherë shiko për ndonjë "wireless router". Si routerat me tela, dhe ata pa tela zakonisht kanë nga 4-5 porta (priza) 10/100 Mbps për të lidhur kompjuterat. 10/100 Mbps tregon që punon me rrjete të shpejtësisë 10 Mbps dhe 100 Mbps. Shumicat e kompjuterave (të paktën ata në Amerikë) kanë karta rrjeti me 100 Mbps, kështu që dhe routeri duhet të ofrojë të njëjtën shpejtësi.

Shiko që routeri të ketë NAT (network address translation). Kjo është pothuajse e domosdoshme dhe besoj se të gjithë routerat e kanë. Po ashtu duhet të jetë i aftë për DHCP (Dynamic Host Configuration Protocol) që bën konfigurimin e kompjuterave vetvetiu.

Diçka e rëndësishme që duhet të ketë Routeri është UPnP (universal plug and play). Kjo teknologji lehtëson komunikimin nëpërmjet routerit dhe përdoret nga shumë programe të ndryshme si p.sh: MSN messenger. Nëse routeri nuk e ka këtë teknologji, disa programe mund të mos kenë lidhje me internetin dhe do të duhet ta konfigurosh vetë routerin. Kjo kërkon ca punë dhe është e bezdisshme, prandaj sigurohu që kutia lexon UPnP para se ta blesh.

Këto ishin funksionet më kryesore të routerit. Disa prej tyre kanë edhe funksione shtesë si p.sh: ruajtja e një ditari me adresat e faqeve që viziton, bllokimin e disa faqeve, shabllone konfigurimi për lojërat ose programet më të përdorur, rezervimin e të njëjtave adresa për kompjuterat, etj.

Routerat pa tela janë pak më të komplikuar për të zgjedhur sepse duhet të shikosh edhe shpejtësinë, rrezen e valëve, sigurimin, etj.

Do të këshilloja të zgjidhje një router nga kompani të njohura si Linksys, Netgear, D-Link. Routerat për DSL/CABLE kanë vite që prodhohen, dhe pak a shumë të gjithë i kryejnë funksionet standarde që nevojiten.


Lidhja

Nëse nuk ke kabuj të gatshëm për rrjetin, bli kabuj të modelit STRAIGHT-THRU CAT5 me koka RJ45, njësoj si ai që duhet të kesh tani në kompjuter. Zakonisht janë ngjyrë blu dhe vetë kablli lexon CAT5.

Kabllin që del nga modemi fute tek porta e routerit që lexon Internet ose Modem. Kjo portë është paksa e veçuar nga të tjerat për t'u dalluar. Kompjuterat, printerat, dhe pajisjet e tjera të rrjetit lidhi në portat e tjera. Nëse routeri është ndezur dhe kompjuterat janë po ashtu të ndezur, atëherë për çdo portë që ke lidhur kabujt, duhet të shikosh një dritë të ndezur. Varet nga kompanitë por zakonisht drita portokalli/verdhe tregon se kompjuteri po përdor shpejtësinë 10 Mbps ndërsa drita jeshile tregon se kompjuteri përdor shpejtësinë 100 Mbps. Nëse nuk shikon dritë fare, atëherë ose kompjuteri është shuar, ose nuk ke bërë lidhjet siç duhet.


Konfigurimi

Nëse routeri ka DHCP, atëherë konfigurimi i kompjuterave është minimal.

1 - Shko tek start > settings > control panel > network connections
2 - Kliko me butonin e djathtë të miut mbi lidhjen dhe zgjidh properties.
3 - Kliko dy herë mbi Internet Protocol (TCP/IP)
4 - Në dritaren që do hapet plotëso kutitë Obtain an ip address automatically dhe obtain dns server address automatically
5 - Shtyp butonin OK në të dyja dritaret që janë hapur

Pas 4-5 minutash, routeri do jetë konfiguruar nga modemi dhe kompjuterat do jenë konfiguruar nga routeri. Tani provo të përdorësh interneti si zakonisht (p.sh: Internet Explorer, MSN Messenger, etj.). Nëse nuk lidhet, hap faqen http://192.168.1.1. Zakonisht ajo është adresa e portalit të routerit nga ku mund të bësh ndryshime. Nëse faqja më lart hapet (edhe sikur të kërkojë fjalëkalim) atëherë lidhja me routerin është e saktë. Prit disa minuta sa të konfigurohet routeri dhe provo të lidhesh përsëri me internetin. Nëse përsëri nuk punon, kontrollo që routeri të jetë lidhur mirë me modemin dhe ndiq udhëzimet e manualit të routerit për instalimin dhe konfigurimin.