Kush i pervetsuar trojet ne Bregdetin Durrsak..

[Brari]

KJ shkruan:

----
E Enjte, 17 Qershor 2004


"TRE PARAARDHESIT E MI ABUZUAN ME TROJET"

Interviste ekskluzive e kryebashkiakut te Durresit, Lefter Koka

Pas depozitimit ne prokurori te dosjes me shkelje te renda dhe abuzime ne lidhje me pronat ne bregdet dhe tjetersimin e tyre, kryetari i Bashkise se Durresit, Lefter Koka, ka deklaruar per "Koha Jone" se tre paraardhesit e tij jane te perfshire ne masakren urbane qe eshte bere ne bregdetin e Durresit.

-Nje dite me pare keni depozituar nje dosje me shkelje er abuzime ne dhenien e lejeve te ndertimit dhe ndertime aspak konform ligjit nga pushtetare te larte lokale e qendrore, deputete e politikane. A ka prova konkrete per ngritjen e ketyre akuzave dhe ku bazohen ato?

-Jam bazuar me shume ne rezultatet e kontrollit te bere nga Kontrolli i Larte i Shtetit, zyra e kontroll-revizionit ne bashki dhe kontrolli i prefektures. Ky i fundit ka evidentuar disa shkelje ne Departamentin e Urbanistikes ku jane marre masat perkatese e jane larguar nga puna punonjes te tij ne baze te statusit te nenpunesit civil. Ne kete departament edhe KLSH ka evidentuar prona dhe shteterore dhe private te cilat jane pervetesuar dhe ne to jane bere ndertime. Ne menyre flagrante ka abuzime dhe shkelje qe nga marrja e lejes se sheshit e ne vazhdim. Nje pronar X ka bere te gjitha procedurat "e rregullta" ne nje toke te tjeterkujt. Kjo ishte pjesa qe une bera per ta derguar ne prokurori, ndersa pjesa tjeter qe eshte dhe me alarmante eshte se kjo masaker ka filluar qe ne vitin 1992. Ligji per ndarjen e pronave dhe tokave, me aq sa jam ne dijeni une, ka dale rreth viteve '94-'95 dhe ketu ka politikane blu dhe roze te cilet i kane marre keto toka, i kane pervetesuar ato qe pa dale ende ligjet. Mirepo kjo gangrene po vazhdon dhe tani. Po shkaterrohet dhe nje nga zonat qe konsiderohet me perspektive ne turizem, sic eshte zona e Kallmit. Te besh sot nje projekt ne kete zone per te zhvilluar turizmin eshte e veshtire, sepse atje ka mbivendosje. Mund te gjesh tre pronare trualli dhe fatkeqesisht gjen emra qe kane influenca politike.

- Cili ka qene roli i paraardhesve tuaj ne kete masaker qe i eshte bere plazhit duke e kthyer ne nje zone te mirefillte urbane e duke i hequr karakterin turistik?

- Nga pozicioni i kryetarit te bashkise mendoj se te kesh nje staf qe do te kerkoje te manipuloje dokumenta shpesh mund te ndodhe qe te behesh pre e dashakeqesise se administrates, po une nuk dua te shfajesoj askend pasi mendoj se ata jane pjese e kesaj masakre. Disa ligje prej kohesh te mirecaktuara nga organe te larta, si KRRTRSH-ja, qe per ndertimet ne zonen e plazhit shfrytezimi eshte deri ne masen 40% te siperfaqes dhe qe ndertimet nuk duhet te kalojne nje numer te caktuar katesh etj. jane shkelur ne menyre flagrante dhe lejet jane dhene nga KRRT-ja. Pra, misionet e kryetareve kane qene te ndryshme. Le t'i referohemi kryetarit te pare te bashkise, pas vitit '90. Ai pati nje mision: grabitjen e ndermarrjeve te shtetit. Pas ketij misioni vazhdoi te zhvillohet sektori i ndertimit dhe vemendja u perqendrua aty dhe pati nje tjeter masaker. Dhe gjendemi sot perballe nje fakti qe ne Durres sot eshte e veshtire te gjesh 1 000 metra truall toke per te ndertuar nje shkolle.

- Kush jane emrat e perfshire drejtpersedrejti ne keto abuzime? Ju publikisht keni deklaruar se jane politikane, ministra dhe deputete, po nuk keni permendur emra.

- Kontrolli i Larte i Shtetit i ka te evidentuara shkeljet me data te caktuara. Ato data perkojne me emra dhe mandate e misione te caktuara qofte te kryetareve te bashkive, qofte te ministrave perkates, qofte dhe te gjyqtareve qe ne menyre te padrejte, me vendime absurde u kane rrembyer pronat pronareve te ligjshem.

- Gjate bisedes thate se paraardhesit tuaj jane pjese e kesaj masakre. Ka akuza konkrete?

- Denoncimi m ne prokurori ka te beje pikerisht me ta. Tre kane qene paraardhesit e mi ne Durres dhe te tre jane te perfshire. Prokuroria do te beje hetimet perkatese per te nxjerre pergjegjesite e tyre direkte.

- Abuzimet i kane bere me shume emrat blu apo roze?

- Nuk dua te ndaloj te ky raport, pasi ky eshte rasti me unikal i bashkepunimit Roze-Blu. Kane nje raport ideal. Sikur ky bashkepunim te kishte qene dhe ne fusha te tjera dhe Shqiperia nuk do te ishte keshtu.

-I keni bere thirrje lidereve te pozites dhe opozites, Nano dhe Berisha, qe t'ju mbeshtesin per te shpetuar sado pak Durresin nga dhunimi qe i eshte bere. A keni marre ndonje reagim prej tyre?

- Eshte shpejt. Nuk kam patur ndonje kontakt konkret, po dua te besoj se, pavaresisht nga preferencat e mia politike, keta dy njerez kerkojne te bejne me menyrat e tyre, me te miren per vendin. Kerkesa qe u bera eshte konkrete. Nuk eshte mire te diskutohet se kush e fail Benzin apo cfare pasurie ka nje politikan tjeter. Ne kemi ujkun dhe vazhdojme te ndjekim gjurmet. Nese do e kene vullnetin e mire te dy palet kane shancin te japin sinjale se ky vend mund te behet duke shmangur akuzat absurde.

- Do te doja te insistoja ne emrat e politikaneve dhe deputeteve qe kane abuzuar e perfituar troje e prona ne bregdet e Durres?

- E thashe dhe me lart emrat jane lehte te verifikueshem nga organi i prokurorise ne rast se do te kete vullnetin e mire te hetoje mbi kete ceshtje. Mund te permend vetem nje rast, shume te njohur. Eshte perfituar nje prone e Hekurudhes dhe i eshte ndryshuar destinacioni. Emri i deputetit pas ketij veprimi perfitues eshte lehte i verifikueshem. Aty ngrihet nje pallat dhe po t'i bini dyerve te tij e mesoni emrin e njeriut qe e ka, po ndoshta ju del dhe vete kur t'i trokisni ne dere.

Intervistoi: Vali QYRFYCI


.........







RD shkruan:

-------

Kryetari i Bashkisë dhe opozita


Armin TIRANA


Duket se ka diçka paradoksale deklarimi i dy ditëve më parë i kryebashkiakut socialist të Durrësit. Paradoksale jo dhe aq shumë për faktin që deklaron, por për ato që deklaron. Duke qenë një nga kryebashkiakët më të përfolur dhe më të akuzuar nga opozita qysh nga zgjedhja e tij vitin e kaluar, ai ka bërë një propozim mjaft mahnitës. U bënte thirrje dy krerëve kundërshtarë, Fatos Nanos dhe Sali Berishës, që ta mbështesnin në luftën kundër korrupsionit. Por e gjithë kjo ka ndodhur vetëm pak ditë, pasi PS-ja ka kaluar një nga konferencat e saj më të "hidhura", atë të Tiranës, kur pothuajse u shpall ndarja më dysh e partisë, e vetmja deri në atë moment që nuk kishte pësuar çarje, ikje, "reformatorë" apo "të rinovuar". Politikisht jemi përpara një anomalie, fjala më e butë që mund të thuhet, të plotë. Nëqoftëse kryebashkiaku i Durrësit, krejt ndryshe nga ai i Tiranës, ka të dhëna korrupsioni të kryer nga ana e ministrave apo e parlamentarëve socialistë, ai i ka të gjitha rrugët dhe mjetet ligjore në dispozicion. Po përse atëherë një thirrje e tillë? Vetëm pak ditë më parë, kryetari socialist, me një ligjëratë të denjë për moshën e babait të tij, ka shpalosur sërish idenë se partia dhe Shqipëria e tij "ndodhet në një rrethim", dhe se është e "mbushur plot me agjentë" (jo të imperializmit apo socialimperializmit, të kuptohemi, por të kreut të opozitës). Fjalimi i tij ishte shenjë se diçka nuk shkon tek ai, pavarësisht retorikës, inaugurimeve, xhineve me akull. Ai është përpjekur që të largojë vëmendjen e elektoratit socialist dhe të popullit shqiptar nga ajo çka i varet si "shpatë Demokleu" mbi kokë: Korrupsioni. Një defekt njerëzor? Jo dhe aq. Nëqoftëse je i pashpresë dhe i rënë shpirtërisht, do të thuash që "po", në të kundërt... Pak retrospektivë do të ndihmonte. Kryetari aktual i Partisë Socialiste, Fatos Thanas Nano, është vënë në krye të saj në momentin e ndërrimit të emrit nga Parti e Punës në Parti Socialiste. I rrëzuar nga posti i kryeministrit prej demonstratave të popullit shqiptar, ai ka përfunduar në burg për shkak të aferave korruptive me firmën "Levante&Co", të cilin në shumicën më të madhe e ka kryer në Bënçë të Tepelenës. Në ato kohëra, në Shqipëri drejtonte "regjimi diktatorial" i Berishës dhe i Partisë Demokratike. I akuzuar nga të gjitha anët e majta si i tillë, "regjimi diktatorial" të paktën vetëm në një pikë nuk është vlerësuar si i tillë nga kritikuesit: Korrupsioni. Pas kryengritjes së vitit 1997, kryetari socialist, tashmë me një stazh burgu pothuajse 4-vjeçar, nuk ishte më ai i pari. Duket se mënyra e re e jetesës kishte ndikuar jo pak në karakterin e tij. Ndoshta e kishte mbushur me mllef dhe e kishte bërë që të betohej: "Ah, sikur të më vinte ajo ditë!". Besoj që po. Objektivi parësor i tij në atë periudhë ishte "çmontimi i regjimit të Berishës". Shikoni me kujdes! Qysh nga periudha e ardhjes së socialistëve në pushtet, ka ndodhur një transformim rrënjësor në mënyrën e bërjes dhe konceptimit të politikës, të cilën po mundohemi ta përmbledhim në një shprehje: Rendje e shfrenuar dhe e papërmbajtshme drejt pasurimit përmes korrupsionit. Nga të gjithë, pa dallim feje, krahine dhe ideje. Është kjo deviza e pushtetit rozë qysh nga viti 1997. Është kjo deviza që ndan dy llojet e pushteteve; "regjimin autoritar" të Berishës dhe "regjimin demokratik" të Nanos. Gjithësesi, kjo devizë bën mjaft të vështirë dhe diçka tjetër: Në bazë të kujt modeli do të qeverisin ata që do të vijnë në pushtet pas socialistëve? Është kjo nyja gordiane që duhet të shprishin të gjithë ata që janë kundër qeverisjes socialiste, kundër programeve të saj, kundër korrupsionit të saj. Është kjo fatura që u lënë socialistët kujtdo që do të vijë pas tyre. E mendojnë ata që kanë përgjegjësi jo vetëm për veten e tyre, por edhe për ata që vijnë më pas? Apo "pas meje, katastrofa"? Është ky basti i madh që ka përpara vetes opozita shqiptare, për të fituar konsensusin e elektoratit shqiptar, që duket se e ka kuptuar në mënyrë inkoshiente se vetëm kështu mund ta ndryshojë votën e tij. Kryetari socialist më kot mundohet që t'i fshihet përgjegjësisë për korrupsion. Kryebashkiakut Lefter, pavarësisht qëllimeve që ia kupton edhe bufi, mund t'i bashkohej dhe ndonjë kandidat më i vjetër në detyrë, por mesa duket, këtu në kryeqytet nuk paska korrupsion të markës metiste si në Durrës. Duhet të ketë të ndonjë tjetri. Ky është skenari që hapet për opozitën pas thirrjeve të fundit të një kryebashkiaku socialist. Asaj i duhet të luftojë në zgjedhjet e ardhshme në radhë të parë kundër vetes së saj, për shkak të modelit negativ qeverisës që ka përpara syve dhe kundër kryetarit socialist, për të mirën e tij, që të mos bëjë rikthim në ndonjë vend ku ka qenë më parë.

--------