Proteste qytetare perpara Ambasades Greke.

[kacaku basket]

Problemet e vizave dhe procedurat e tejzgjatura që aplikohen nga Ambasada Greke në Tiranë kanë bërë që edhe dje të zhvillohet një miting proteste. Këtë herë mitingu ka qenë disi më i dhunshëm se ai i një dite më parë dhe ka përfunduar me ndërhyrjen e policisë. Rreth 100 njerëz që kërkonin një vizë të rregullt pune kanë filluar protestën e tyre përpara Ambasadës Greke në Tiranë, dje rreth orës 12.30. Ata kanë lëshuar parulla nga më të ndryshmet kundër ambasadës, ndërkohë që policia shqiptare ka kontrolluar qetësisht situatën. Pak kohë pas fillimit të protestës, dikush ka hedhur idenë që të gjithë protestuesit të shpërnguleshin përpara dyerve të parlamentit që të flisnin me deputetët për hallet e tyre. Kaq ka mjaftuar dhe e gjithë turma e protestuesve të ardhur nga të gjitha rrethet e Shqipërisë të nisej drejt parlamentit. Qysh në këtë moment, forcat e policisë kanë filluar të shoqërojnë turmën nga Rruga e Ambasadave në drejtimin e rrugës së Kavajës. Gjatë kësaj kohe, uniformat blu u kanë bërë thirrje protestuesve që të ndalojnë dhe të shpërndahen. Thirrjet e policisë janë përsëritur disa herë, por protestuesit kanë vazhduar rrugën e tyre drejt parlamentit. Atëherë, forcave të komisariatit të policisë numër tre që po kontrollonin situatën u kanë ardhur në ndihmë kolegët e komisariatit numër 1. Uniformat blu kanë krijuar një kordon në fundin e rrugës së Kavajës, përpara se protestuesit të hynin në sheshin “Skënderbej”. Kur qytetarët protestues kanë mbërritur para kordonit, efektivat e policisë nuk i kanë lejuar të kalojnë. Kaq ka mjaftuar dhe për disa minuta me radhë është krijuar një përleshje ndërmjet protestuesve dhe efektivave të policisë. Protestuesit ishin të rrethuar në zonën ndërmjet Bankës së Kursimeve dhe Ambasadës Turke në Tiranë dhe aty janë shpërndarë me forcë nga policia. Disa prej tyre janë shoqëruar edhe në komisariate për verifikime të mëtejshme.

Nuk eshte hera e pare qe ambasadat e huaja te akredituara ne Shqiperi refuzojne nenshtetasit shqiptar te kalojne kufirin e Republikes se Shqiperise legalisht dhe konform rregullave.
Ne vitin 2000 ambasada Italiane ne Tirane refuzoi mbi 1 mije student shqiptare qe kerkuan te drejten e studimit ne vendin fqinje.Edhe pse te tere ishin ne listat e provimit te gjuhes ne universitet perkatese atyre iu desht te protestojne per me shume se nje jave qe te rimerreshin ne interviste.Dhe nje pjese e vogel e tyre arriten te gjejne drejtesi.
E njejta gje po ndodh me ambasadat e tjera te cilat refuzojne me qindra shqiptare ne dite per nje vize pune apo turistike qofte ajo.

Me shpresen qe Ministria e Puneve te Jashtme mund te beje dicka per keto njerez.

kacaku_basket

Dhe sa do vazhdoje kjo gje?