Denohet Vrasesi i Uk Bytyçit

[Brari]

GSH

-------------


Qelloi kryebashkiakun e Suharekes

Kosovë, 20 vjet burg për vrasësin e Ukë Bytyçit


--------------------------------------------------------------------------------



PRIZREN

Gjykata e Prizrenit dënon me 20 vjet burg vrasësin e kryebashkiakut të Suharekës, Ukë Bytyçi.
Dënimi është dhënë dje, pas një procesi të gjatë gjyqësor lidhur me këtë vrasje, njoftoi agjencia e lajmeve ANSA. Bytyçi, anëtar i Lidhjes Demokratike të Kosovës, u vra më 27 tetor të vitit të kaluar, pak orë pas zgjedhjes në krye të bashkisë së Suharekës. Ngjarja ndodhi menjëherë pas publikimit të rezultateve të zgjedhjeve lokale, që nxorën fitues kandidatin partisë së Rugovës, Bytyçin. Pak orë pas bërjes publike të rezultateve, kryebashkiaku i ardhshëm dhe dy bashkëpunëtorë të tij u qëlluan për vdekje nga bashkëqytetari i tyre, Jetullah Kryeziu. Vrasësi është një simpatizant i flaktë i Partisë Demokratike të Kosovës dhe kundërshtar i LDK-së së Rugovës, ndaj vrasja është gjykuar të ketë motive politike.
Në atentatin që iu bë kryebashkiakut të sapozgjedhur humbën jetën edhe dy bashkëpunëtorët e tij të rinj. Sipas agjencisë së lajmeve ANSA, procesi gjyqësor që përfundoi dje nuk ka qartësuar ende të gjitha motivet e vrasjes.
Megjithatë, pavarësisht motiveve të tjera, nuk është përjashtuar inati politik midis vrasësit dhe viktimës. “Trupi gjykues, i përbërë nga dy gjykatës ndërkombëtarë dhe një shqiptar e dha vendimin e tij dje”, tha zëdhënësi i UNMIK-ut, Andrea Angeli. Gjykata dënoi me 20 vjet burg për vrasje të shkallës së parë Jetullah Kryeziun. Ndërsa me gjashtë muaj burg u dënua nipi e vrasësit, Mentor Kryeziu. Sipas gjykatës, 21-vjeçari e ka ndihmuar xhaxhanë të fshihet pas vrasjes së bujshme në Suharekë. Vrasja e tetorit të kaluar tronditi thellë të gjithë qytetin duke ngjallur frikën për ashpërsim të rivalitetit midis partive në Kosovë. Vrasja e Bytyçit është një nga krimet më të bujshme me motive politike në Kosovë. Ajo u dënua tetorin e kaluar nga kreu i UNMIK-ut, Mikael Shtajner si dhe autoritetet vendore. Vrasja u dënua ashpër edhe nga autoritetet ndërkombëtare, të cilat shprehën shqetësimin se krimi do të krijonte një situatë të tensionuar dhe problematike në vend si dhe do të nxiste hakmarrje mes palëve.

----------


Lavdi Uk Bytyçit e i kjoft dheu i ambel !

Ne burg Shkofshin gjithe vrasesit qe shetisin te lire rrugve te Kosoves dhe Botes.

[mbreta]

Vrasësi është dashur te dënohet me më shumë vite burgim, sepse 20 vite mua më duken pak, edhepse unë nuk jam juriste që ta vlerësoj drejtë këtë rast.


(dhe një përmirësim dua të bëj tek emri UKË, nuk shkruhet UK, por UKË)

nga mbreta