Fabula

[Diabolis]

Shih ç’kërcell – dhe ju pozua pistilit,
Lulja më e bukur e trëndafilit.
Qeshi pistili dhe i foli mekët:
Dhe ti të verdha i paske ... thekët.



Korbi, laraskat dhe kastorët

Korbi i kohës së La Fontenit
Përgjon kastorët që prej plepit;
Befas, piskat majë krahut:
Shihni çdo ti bëj këtij ahut!

Në tufë laraskat bëjnë “ua?”
Korbi rrëzoi përdhe një ah!
Sa trim i fortë, a-pa-pa
Vetëm sa i kraku “krra.”

Zbardhin dhëmbët, bëjnë me dorë
Që nga poshtë disa kastorë:
Bremë dhe rrapet më të trasha,
Premjen mos na bëni hasha.

Korbi bën sikur s’kupton,
Rëndë ngre bishtin, fluturon,
Thellë pyllit ku s’ka dritë,
Për laraskat ai është mit.



N’katun tem tuj firshllye

N’katund tem tuj firshllye
Qent m’sulen par me m’shqye.
“Ndal oj buçe, e, ndal, or qen!
N’udh t’madhe pse m’len?”

Angllin njaj qen bir buçe,
Gjuhen nji pllamb t’kuçe:
“Firshlle porsi yni Zot,
Mos t’t’gjujm jet e mot.”

Por un ç’kur kam kcy prej djepit
Firshllej veçse prej qejfit;
Dorn shpejt e çoj në shkop
Ç’qen t’avitet me ja ngop.




Le të mos flasim skiç

Le të mos flasim skiç
Ujku e hëngri një viç,
Ndaj donte që aromë
Mos gromsinte bar të njomë.

Kështu, Ujku i ngopur-
I zgjuar, s’kish shokun-
Merrte vesh nga guzhina-
Nisi të hante ... dafina!?

Tek Lajmet nga Lëndina,
Ujku ha dafina! – ballina!?
E kishte kapur në foto një Dac
Që ja shkrepte si paparac.

E pa çobani dhe bujku,
E pa dhe e besoi vetë Ujku,
... që sa piu ujë tek kroi,
Nga uria, katër deshinj çaploi.

E do zakoni andej nga ne
Zjarrit ti shtohet një urë e re:
Fotoja kurrë të mos besohet,
Koha as ngrin, as fiksohet.



Graniti dhe dinamiti

Ra prej malit në luginë
Pa u thyer asnjë grimë;
Aq i fortë ishte graniti
Sa gjithë botën e çuditi.

Me vare edhe qysqi
Se gurë donte për shtëpi,
Nisi që ti bjerë robi,
Deri sa shkëmbi e lodhi.

Ky graniti këtë priti
E me zë të lartë buçiti:
Punove një ditë të tërë,
Robo, hape veç një vërë.

Robi iku i menduar,
Fshihu djersën e kulluar
Dhe kur dielli tokën ndriti
I futi një kallëp dinamiti.

Kokëtrashë je o njeri,
Ti s'me çave me qysqi,
Çdo më bëjë dinamiti?-
Fjalën e fundit tha graniti.

Se kallëpin e zuri xixa
Gurë e pluhur nëpër driza,
Sado i fortë të jetë graniti
I gjendet dinamiti.

[MI CORAZON]

N’katun tem tuj firshllye

N’katund tem tuj firshllye
Qent m’sulen par me m’shqye.
“Ndal oj buçe, e, ndal, or qen!
N’udh t’madhe pse m’len?”

Angllin njaj qen bir buçe,
Gjuhen nji pllamb t’kuçe:
“Firshlle porsi yni Zot,
Mos t’t’gjujm jet e mot.”

Por un ç’kur kam kcy prej djepit
Firshllej veçse prej qejfit;
Dorn shpejt e çoj në shkop
Ç’qen t’avitet me ja ngop.

Bukur, bukur ...diabolis, por po qe se thua " por un ç'kur kam kcy prej djepit" atehere thuaj çen , jo qen.

Kenaqesi te te lexoj perseri.

[Diabolis]

Burrat e dheut

Në Tiranë në një qymez
Na u mblodhën në tryezë,
Majtas gjelat dhe kaposhat
Djathtas kikikat dhe kokoshat.

Rendi i ditës: Gjetja e këndesit
Që këndon ardhjen e mëngjesit.
Shpejt ju vu pika një pike
S’bën për pulat kjo punë fisknike,

Pulat duhet të bëjnë vezë,
Kush nuk bën të bëjë pekmez.
Kur kaluan në kandidaturat
Më aventurë se në aventurat.

Një gjel u vetëshpall këndes
Një kokosh nisi gjes-gjes,
Njëra palë solli një listë,
Pala tjetër tha: Të pistë!

Morri sherri keq u ndez,
Larg i ndenjën shpend e shpezë,
E kur u duk se puna ngeci
Thirrje gazi nga koteci.

Konsesus ju dha një teze
Këndes një i padalë prej veze;
Po tu hodhën do pula streni
Si ta njohë bota? Se njeh vendi!

E ç’i gjeti pikë e zezë
Duhej votuar gjer më pesë,
Ndryshe pula nga furiku
Do kakarisë por ki-ki-kiku.

Mbretëronte heshtje varreze
Rreth kutisë me xham pa beze,
Ka vendosur njëra palë
Do votojmë dalë ku të dalë.

Pala tjetër vrap në Pezë
Se kish frikë ndonjë bilmez,
Si pa dashje lyente rrotën
Për bardhoshin jepte votën.

Akrobatë mbi trapezë
Ca në Pezë e ca në Prezë,
Në piruetën e zakonshme
Zgjedhje të Jashtëzakonshme.

Ta lenë popullin pa mëngjes
Statistikë dhe këtë këndes,
Që vetë të mburren majë plehut:
Na shihni ne, burrat e dheut!

[Diabolis]

Ndodhi

Ja që ndodhi! Po si ndodhi?
Rrebeshi i shiut kur rrodhi
Shqiponjës i prishi folenë;
Dhe shqiponja la atdhenë.

Veç nga retë zihej dielli,
Pa simbol kish mbetur qielli,
Me shqiponjën në arrati
Mbretëronte një zymti.

U mblodhën shpend e shpezë,
Përjashto klloçkat mbi vezë,
Një korrent ajri të gjenin
Që shqiponjën të kthenin.

Shumë u tha në kuvendim
Derisa doli si vendim:
Folenë e saj të rindërtonin
Pastaj shqiponjën të ftonin.

Harabela, pëllumbesha,
Faqekuqka, lauresha,
Mbushën sqepat bar të thatë,
Fluturuan ... por sa lart ...

Sa lart që rronte shqiponja,
Kush të shkonte s’qe e zonja.
S’kam fole fare – i shfajsoi qyqja-
Dy ka lejleku, dy dallëndyshja.

Rrahu flatrat paf e puf
Dhe mëdyshjet mënjëshi një buf:
Mos ja ndërtojmë në majë
Por mes nesh në rrungajë,

Ku kemi foletë dhe çerdhet
Ku bollëku lumë derdhet ...
Skifteri që në ajër e kapi:
T’ja ndërtojmë me degë rrapi.

Për fillim, kur foleja u bitis
Dukej si të ishte drizë.
Për vazhdim, kur u ul në të,
Shqiponja u ankua: nuk më nxë!

Për mbarim, qukapiku çukitjen ndal
Dhe jep t’fabulës moral:
Fole për shqiponja
Ndërton vetëm shqiponja.

[macia_blu]

Te them se me pelqen (mendja jote)
s'eshte tamam ajo qe dua te them.
Duhet te gjej nje fjale qe nenkupton dicka me shume se pelqesen....
macia!

[Diabolis]

Përmbys mbi letra një vit e ca,
Shkroi romanin Kashta e Kumtrit një ka.
Në promovim, foli kritike lopa në foltore:
Një kryevepër! Me vlera të larta ushqimore...

[Diabolis]

E kuptoi se po e rrisnin për mish,
ndaj hyri në grevën e urisë një viç.
Sa dëgjuan këtë i guakën bretkoskat:
Tani o viç do të të bluajnë dhe koskat.

[fjollat]

Në teatër perdja ra!
Në skenë u shfaq një ka
Në dyluftim lopët nxiti
Brirët në ballë ua ngjiti!

[drague]

Ujku,Qengji dhe Bleta
Ju te gjithe e dini ate perrallen e vjeter:
ujku itha qengjit "Ujin ma turbullove,
prandaj sot vendosa te te ha patjeter".
-Jo, u pergjigj qengji,ti ndoshta gabove
une pi perposh,zotrote je lart.....
Atehere u hodh bisha-Mos keni qene vjet?
-Jo, kam lindur sivjet..
Do te kete qene yt tate,
dhe e shqeu shpejt qengjin e ngrate..
Sillet dhe tani ujku grabitqar:
-Qengj, ma turbullove ujin perseri.
-Perposhte pi,dikur si im vella.
-Leri arsyetimet kam uri..
U mat ti hidhej,por nje pushke krisi
qe bishen ne gremine bitisi!
Bleta qe kulloste mbi nje lule blini
nga skena qe pa nxori kete moral:
"Ne bote u dashka bindja, arsyetimi,
por dhe pa pushke s´u dilka ne mal".

[fjollat]

Të nderuar Zotërinj dhe Zonja
Vini re këto shkronja
Bulevardeve kur kaloni
Koburen në shtëpi mos e harroni

Në kopështin zoologjik ndodhi një "havari"
Prandaj më mirë mbylluni në shtëpi
Se një ujk nga kafazi ka dal
Edhe qyteti është bërë mal...