PDSh: vrasje politike
Tetovë, vritet këshilltari i Arbën Xhaferrit
--------------------------------------------------------------------------------
SHKUP
Qëllohet për vdekje këshilltari i Arbën Xhaferrit. Ngjarja e rëndë ka ndodhur në orët e para të mëngjesit të djeshëm në Tetovë, ku tensionet kanë qenë dhe janë shpesh shumë të larta. Ibish Krasniqi, këshi-lltar i Partisë Demokratike të Shqiptarëve më Tetovë është qëlluar me armë zjarri nga kushëriri i parë i zëvendësministrit të Punëve të Brendshme në Maqedoni, Hazbi Lika, zyrtar i partisë Bashkimi Demo-kratik për Integrim. Ngjarja është konfirmuar nga sekretari i përgjithshëm i PDSH-së, Ruzhdi Matoshi. Zyrtari i partisë së dytë më të madhe në vend tha se e gjithë kjo është një vrasje politike. "Qyteti i Tetovës është bërë vendi më i pasigurt për shqiptarët, ku vrasjet janë bërë një dukuri e rëndomtë", tha Matoshi. "Në vend që zëvendësministri të angazhohet për kapjen e disa vrasësve të pazbuluar akoma, familjari i tij i afërt vret këshilltarin e PDSH-së", shtoi ai.Matoshi dënoi vra-sjen e rëndë dhe deklaroi se Ministria e Bren-dshme e Maqedonisë duhet të marë patjetër masa për të arrestuarin vrasësin që ende shëtit i lirë. Nga ana e tij, zëvendësministri i Bren-dshëm nuk ka bërë ende asnjë koment lidhur me atentatin. Autoritetet policore kanë nisur kërkimet për vrasësin e këshilltarit të PDSH-së, por ende nuk e kanë arrestuar atë. Tensionet kanë qenë të shpeshta në qytetin e trazuar të Tetovës, ku zyrtarë e simpatizantë të dy partisve më të mëdha shqiptare në vend shpesh kanë shkaktuar incidente mes tyre. Qyteti u vu edhe në qendër të tensioneve etnike gjatë konfliktit të vitit 2001 në vend, kur shqiptarët nisën një kryengritje të armatosur për të siguruar më shumë të drejta.
Përgjigju Duke Cituar
Krijoni Kontakt