Arrestohet i “forti” i Tropojës, terrorizoi me makinë qytetarët

[Genti^Itali]

Automjetet e policisë godasin Benzin e të “fortit”, duke ndaluar aventurën e çmendur. Lamaj dyshohet si autor i disa ngjarjeve

Arrestohet i “forti” i Tropojës, terrorizoi me makinë qytetarët


Bashkim Shala

BAJRAM CURRI- Arrestohet pas një operacioni të vështirë për policinë, i ashtuquajturi i “forti” i Tropojës, që dje ka rrezikuar jetën e dhjetëra qytetarëve të Bajram Currit, duke u vërsulur me automjetin e tij nëpër trotuare, por edhe të uniformave blu. Blerim Lamaj, 29 vjeç, i ashtuquajturi i “forti” i Tropojës ka rrezikuar jetën e dhjetëra qytetarëve në tregun e këtij qyteti, pasi iu është vërsulur me automjetin e tij tip “benz” duke i ndjekur edhe nëpër trotuare. Nuk bëhen të ditura arsyet e këtij “sulmi”, ndaj qytetarëve, por mësohet se 29-vjeçari ka rënë në pranga pas një rezistence të gjatë që u bëri uniformave blu.
Ngjarja
Artan Cuku, shef i Komisariatit të policisë së Tropojës, ka bërë të ditur për gazetën se ngjarja ka ndodhur rreth orës 14:30 të ditës së djeshme, në tregun e qytetit të Bajram Currit. Aventura e tij e çmendur ka shkaktuar panik në radhët e dhjetëra qytetarëve të cilët janë larguar me shpejtësi. Por ai ka vazhduar t’iu vërsulet edhe nëpër trotuare, ku për pak sa nuk ka shkaktuar dhjetëra viktima. Menjëherë në vendngjarje kanë shkuar dhjetëra forca të policisë së Tropojës, të cilat i kanë bërë thirje Lamajt që ai të ndalonte, por ai ka vazhduar aventurën e tij duke i bërë sfidë policisë. Situata sa vinte e bëhej më dramatike, thotë shefi i komisariatit të Policisë së Tropojës. Me anë të një megafoni, qytetarëve u është bërë thirrje që të largoheshin nga rruga dhe trotuaret, ndërkohë që në rrugët kryesore të qytetit të Bajram Currit është bllokuar qarkullimi. Tre automjete të policisë janë vënën në ndjekje të automjetit që Blerim Lamaj, e ngiste me shpejtësi, por sipas burimeve, ai ka mundur t’u devijojë uniformave blu. Atëherë policia ka marrë urdhër që të ndalet me çdo kusht Blerim Lamaj, por pa hapur zjarr. Si metodë për neutralizimin e 29-vjeçarit policia ka aplikuar goditjen e mjetit të tij me automjetet “blu”. Tre automjete të policisë më në fund kanë rrethuar automjetin e të “fortit” të Tropojës, por sërish ai nuk është dorëzuar. Atëherë policisë nuk i ka mbetur alternativë tjetër, veçse të godasë automjetin e drejtuar nga 29-vjeçari. Automjetet e policisë kanë goditur njëherësh automjetin tip”Benz” që drejtohej nga Lamaj, duke e nxjerrë atë jashtë rrugës. Si pasojë “Benzi” është dëmtuar rëndë, ndërkohë që Blerim Lamaj nuk ka pësuar dëmtime trupore. Burimet thanë për gazetën se 29-vjeçari Lamaj u arrestua në flagrance, me akuzën e kundërshtimit me forcë të policisë. Shefi i Komisariatit të Policisë së Tropojës thotë se Blerim Lamaj dyshohet si autor i disa ngjarjeve të rënda të ndodhura në Tropojë në vitin 97. Po sipas tij, arrestimi i Blerim Lamajt, i konsideruar si “i forti” i Tropojës është pasuar me dhjetëra telefonata dhe falenderime gojore nga komuniteti i qytetit të Bajram Currit.



10/06/2004

[EXODUS]

Ngjarja e percjelle eshte mjaft interesante Gento dhe per cudi, gjate leximit, m'u krijua pershtypja sikur isha duke lexuar aventurat e Tom Sojerit dhe te shokeve te tij. Ose, me mire te shprehem; pandeha sikur po xhirohej nje film Hollivudian ne te cilin merrnin pjese aktoret me te famshem te te gjithe koherave, qe ne dallim me cka rrefehet prej ngjarjes fatkeqesisht 100% reale dhe tronditese ne te njejten kohe, i perkasin botes se ahengut, botes se riprodhuar ne menyre artificiale per qellime fitimprurese kolosale. Ndersa ngjarja e ndodhur kishte fatkeqesisht natyre avetureske te atij "Cubit" (shume te fortit) per te tramatizuar miletin i cili tashme i terrorizuar nga destabilizimi i vendit (nje shprehje kjo e perdorur shpesh nga politikanet per te justifikuar prapsilleqet e tyre) duhet qe akoma te vuaje ngjarje akoma me te dhimbshme, me karakter humbje-jetesh apo edhe te lenit sakat per te vuajtur pasojat kusurin e jetes se tij/saj

Besoj se i ashtuquajturi "fortlleku-anagjorlleku-injorantlleku" ka qene mjaft i influencuar prej prodhimeve kinematografike dhe nuk ka mundur te dalloje diferencen midis botes reale dhe asaj te riprodhuar dhe ne te njejten kohe i influencuar nga pasionet e castit me natyre "pelaqoreske-trunore" i ka hapur udhe veprimeve me karakter Cirku, "hypje-zbritje-kapercim-tortuaresh" "demonstrim aftesish te paarritshme shoferllekshe", per ti treguar botes se jashtme se ne ne Shqiperi zoterojme sport akoma me emocionant me natyre Formulash 1, ne iteneraret e pershkimeve te te cilave marrin pjese "tortuaret pa pllaka te qytetit", "qendra historike e pazarit" si dhe sulmim-ndjekje amatoresh si ne kohen e "Cezarit te Romes" qe historikisht ne ndryshim i perket 2 mijvjecarit dhe pertej, te shkuar, per te prodhuar emocione te pa krahasueshme dhe qe i dhurojne "autorit" te ngjarjes vendin e turpit ne faqet e historise ne tribunen e pazarit prej njerezve te cilet gjykojne veprimet e tij, por nga ana tjeter ai ka mundesi te shfrytezoje gjendjen e mjeruar te rendit, per te vene ne jete endrrat e tij "Formulo--hypese-tortuaresh" qe fatkeqesisht per shumicen dhe fatmiresisht per realizimin e qellimeve te tij ai e ka parasysh se do te perballet me nje "rend" apo me mire ta quaja nje "rend te vetshpallur hajdutesh" te perbere prej elementesh "mos-kokcares" apo edhe prej atyre te cilet zbaviten me ngjarje te tilla te ngjashme, pa ju nxirre faqja e syrit e pa ju shtrembyer cepi i gojes

Mgjth o Gento le te shpresojme se keto ngjarje nuk do te perseriten ne te ardhmen!

EXODUS...mjaft i indinjuar!

[Genti^Itali]

EXODUS fjala jote ne vesh te zotit, ishalla nuk ndodhin me ne te ardhme.