Solari (rrezatimi atrificial ultraviolet)

[Mina]

Solaret jane pajisje estetike te konceptuara ne forma te ndryshme. Solaret sherbejne per te marre pigment te theksuar lekura dhe mund te ekspozohemi pjeserisht (facial) ose plotesisht. Eshte e rendesishme te mos kemi probleme me lekuren (patologji) dhe per kete eshte e pershtatshme vizita tek mjeku dermatolog perpara se te vendosim t'i nenshtrohemi ketij trajtimi. Lekurat variojne dhe cdo person duhet te kete informacionin e duhur per t'iu nenshtruar ketij trajtimi. Eshte me rrezik ekspozimi i lekurave sensibel per me shume se 10 minuta, sidomos ne seancen e pare. Lekura sensibel eshte e dukshme me sy te lire sepse pervec bardhesise qe e karakterizon ajo shfaq shenja te dukshme sensibiliteti (quka, e thene ndryshe). Keto rreze nuk jane te demshme sepse ne te gjithe boten aplikohet ky lloj trajtimi por eshte shume i rendesishem kriteri i perdorimit. Perpara trajtimit duhet bere banje qe lekura te jete absolutisht e paster. Marrim seancen e pare per 10 minuta ne ekspozim dhe nuk behet banje per 8 ore me mbas, ne menyre qe te konservohet pigmenti. Eshte mire qe seanca e dyte te behet pas 48 oresh. Keshtu mund te vazhdohet deri ne dhjete seanca. Trajtimi nen solar nuk duhet te kaloje limitin e lejuar deri ne 26 ore ekspozimi ne vit. Nuk mund te behet asnje lloj trajtimi tjeter estetik ne diten e caktuar per solar. P.sh. depilimi para ose pas solarit eshte i ndaluar.

[Estella]

Une per veten time marr rreze te tilla para se te vije vera qe te mos nxjerr kembet me pantallona te shkurtra ashti si ngjyre qumshti.

Nese merrni keto rreze vetem disa here ne vit ato nuk jane te demshme. ( Keshille nga mjeku familjar)

[Mina]

Estella pjesa me e madhe e klienteve per kete arsye e kerkojne solarin.

[ChuChu]

10 rregulla për të marrë ngjyrë pa rrezikuar dëmtime në lëkurë

Stina e verës dhe pse paksa e parakohshme këtë vit, ka filluar me rreze të forta diellore dhe me temperatura të larta. Një ngjyrë e këndshme e lëkurës që mund ta falë vetëm rrezatimi i diellit tashmë, është ndër gjërat më të dëshiruara për cilindo nga ne. Për të patur një ngjyrë sa më të këndshme, të njëtrajtëshme dhe që të jetë rezistente pa e dëmtuar lëkurën, është e mundur. Por duhet të ndiqen disa rregulla thelbësore të thjeshta për tu praktikuar dhe që bëjnë të mundur që diellit t'i marrësh vetëm të mirat e tij. Ja cilat janë gabimet që duhet të evitohen dhe rregullat që duhet të ndiqen.
1- Konsultohuni me një dermatolog
Dermatologu është specialisti i duhur për para pregatitjen për tu ekspozuar ndaj rrezeve diellore. Në mënyrë të veçantë ata që vuajnë nga sëmundje të lëkurës, duhet të konsultohen para ekspozimit. Është e vërtetë që disa sëmundje keqësohen me ekspozimin në diell. Dermatologu mund të japë këshilla shumë të vlefshme për kremin mbrojës që duhet të përdorni sipas tipit të lëkurës (fototipi) dhe moshës së personit.
Fototipet
1- I bardhë si qumësht (raca keltike, irlandeze). Skuqen gjithmonë dhe nuk nxihen.
2- I bardhë (raca kaukaze e bardhë). Skuqen lehtësisht dhe nxihen shumë pak.
3 - Gjysmë i bardhë (raca kaukaze e errët). Skuqen dhe nxihen në mënyrë normale.
4 - Bezhë (raca spanjolle dhe aziatike). Digjen rrallë dhe nxihen shpejt.
5- I ërrët (raca indiane). Skuqen jashtëzakonisht dhe nxihen shumë.
6 - I zi (raca afrikane). Nuk skuqen kurrë dhe lëkura ka jashtëzakonisht pigment.

2 - Përgatiteni lëkurën për rrezet diellore
Është mirë që ta para pregatisni lëkurën tuaj për rrezet diellore, për të stimuluar formimin e melaninës dhe të ulni rrezikun e dëmtimit diellor. Pregatitja më e rëndësishme duhet të bëhet të patën 1 deri në 2 javë përpara se të bëjmë një ekpozim të plotë ndaj diellit dhe bazohet në një përdorim të veçantë të përbërësve të ushqimit që kanë për bazë substancat kundër oksidimit në mënyrë që të ndihmohet lëkura që të krijojë sa më pak radikale të lira, molekula që shkaktojnë reaksione të dëmshme për organizmin dhe që shpejtojnë procesin e plakjes së qelizave. Për të stimuluar ritmin e melaninës, është mirë që ekspozimi ndaj diellit të bëhet gradualisht duke e filluar me fundjavat. Përdorimi i nxirjes artificiale nuk është i këshillueshëm për nxirje, por vetëm për të pregatur lëkurën për rrezet diellore.
3- Duhet të informoheni mbi agresivitetin e rrezeve
Intensiteti i rrezeve ultraviolet që arrijnë sipërfaqen e tokës, pra dhe lëkurën, varet nga shumë faktorë, midis të cilëve stina, lagështira, ndryshimi i kushteve atmosferike etj.
4- Duhet të mbroheni që fëmijë
Parandalimi i dëmtimeve ndaj rrezeve diellore duhet të fillojë që në fëmijëri. Fëmijët duhet të mbrohen gjithmonë me filtra shumë të lartë dhe duhet të mbahen në diell vetëm gjatë orëve të para të mëngjesit dhe orët e vona të mbasditës. Djegjet në moshën e fëmijërisë i shkaktojnë lëkurës dëme që do të bëhen më të dukshme në një moshë të rritur duke patur më shumë mundësi për krijimin e tumoreve të lëkurës. Fëmijët përveçse mbrohen nga rrezet diellore, bëhen dhe të rritur të kujdesshëm.
5 - Aplikoni vazhdimisht kremrat solarë
Kremrat solarë nuk duhet të ruhen për më shumë se një vit sepse me kohë humbin aftësinë e tyre mbrojtëse. Solarët duhet të aplikohen gjysmë ore para ekspozimit dhe çdo një orë e gjysme gjatë kohës së ekspozimit. Aplikimi duhet të jetë i kujdesshëm, duhet të shpërndahet gjithandej dhe të mbulojë çdo pjesë të trupit. Në qoftë se nuk e duroni ndjesinë e kremit në lëkurë, përdorni solarët në formë spray, por me një frekuencë përdorimi më të shpeshtë. Për zona të veçanta që të gjithë i njohim si më delikatet, duhet të tregohet kujdes më i madh dhe sidomos për buzët. Gjatë kohës që laheni në det apo në pishinë ose në qoftë se djersini shumë, është e këshillueshme që të përdoret një krem rezistent ndaj ujit.
6 - Përdor gjithmonë filtrat e duhur
Kremrat solarë veprojnë duke thithur, reflektuar ose devijuar rrezet e diellit dhe mund te blihen në mënyra të ndryshme. Dhe në këtë rast është dermatologu ai që cakton llojin më të përshtatshëm për ju. Të gjitha tipet e lëkurave kanë nevojë që të mbrohen nga solarë me një shkallë mbrojtëse të lartë. Lëkura e fëmijëve dhe lëkura shumë e bardhë duhet të mbrohet nga një faktor mbrojtës shumë i lartë SPF25-30 dhe lëkurat më të errëta sidoqoftë duhet të mbrohen nga filtra jo më poshtë se 8. Kremrat me bazë mbrojtëse, në të vërtetë nuk të mbrojnë aspak nga dëmet e rrezeve diellore edhe pse ai që i përdor mund të mos digjet. Një faktor mbrojtës i lartë pakëson rrezikun e djegieve dhe është më efikas për parandalimin e dëmtimeve diellore.
7- Mbro kokën dhe sytë
Flokët domosdoshmërisht duhet të mbrohen nga dielli sidomos kur ata fillojnë të bien. Lëkura e rrënjës së flokëve në të vërtetë është shumë e ndjeshme ndaj rrezeve diellore. Duhet të përdorni gjithmonë një kapele kur ekspozoheni në diell. Kapelja përveçse mbron flokët, mbron dhe fytyrën. Për fëmijët duhet të zgjidhen kapele të mbyllura nga pas që të mbrojnë dhe qafën. Veprimi diellor është i dëmshëm për flokët, sepse rrezet diellore veprojnë mbi melaninën dhe shtojnë mundësinë e vdekjes së qelizave. Është mirë që të përdoren produkte të veçanta vaji dhe spray për flokët, të përshtatshëm për mbrojtjen nga dielli. Syzet e diellit me lente Uv thithëse, janë të domosdoshme për të rriturit dhe fëmijët. Mbrojnë lëkurën rreth syve që është shumë e ndjeshme dhe mbrojnë sytë nga dëmtimi i retinës.
8 - Duhet të mbroheni dhe gjatë kohës që lëvizni edhe në se mund të ketë re
Dielli të zë dhe kur je duke ecur në qytet apo duke u marrë me rregullimin e kopshtit apo duke shëtitur me miqtë. Pra në stinën e verës kremi solar duhet të përdoret gjithkund ku ndodhesh në ajër të hapur. Është e rëndësishme të dihet se rrezet diellore mund të ndikojnë mbi lëkurën tënde dhe kur qielli ka re. 70-80% e rrezeve ultraviolet mund të depërtojë nëpërmjet reve. Në qoftë se do të ndodheni në hijen e një peme të madhe, do të pakësohen vetëm 25% e rrezeve ultraviolet që bien mbi lëkurën tuaj.
9 - Evitoni ekspozimin ndaj rrezeve diellore në orët qëndrore të ditës
Është mirë që t'i shmangeni ekspozimit në diell dhe aktiviteteve në ambjent të hapur në orët qëndrore të ditës. Në të vërtetë intensiteti i rrezeve Uvb është maksimal nga ora 11 deri në orën 15, ndërsa intensiteti rrezeve Uva është i njëjtë gjatë gjithë ditës.
10-Vishni gjithmonë veshje mbrojtëse.
Në qoftë se lëkura juaj është shumë e ndjeshme apo rreziku i formimit të tumoreve është shumë i lartë, mund të vishni veshje të veçanta që mbrojnë nga rrezet Uv. Pra në situata të veçanta, mund të vishen veshje që garantojnë një mbrojtje totale pa qenë i nevojshëm aplikimi i kremit solar. Në Shtetet e Bashkuara ku problemi i parandalimit të tumoreve të lëkurës është shumë i lakuar, në disa dyqane mund gjesh edhe veshje që të mbrojnë nga rrezet ultraviolet.

[tironcja05]

Desha me dite a shkone noi njeri tanning ktu?
Se ktej ku jam une pothuj se te gjithe gocat shkojne tanning, ne cdo cep te rruges ke tanning places, edhe cunat tashi kane fillu me shku.
Une per vete shkoja po tashi nuk shkoj dhe aq shume se nuk te ben mire.

[KoTeLja_VL]

Kam shkuar pak here edhe pse nuk me pelqen fare .
E para nuk mban shume .. edhe duhet te vesh shume procese.

[korcaprincess]

un shkoj sometimes, jo shpesh though, rralle. jam zeshkane dhe skam nevoje te shkoj shpesh, por shkoj ndonjeehre thjesht per te krijuar nje ngjyre cokollate me te theksuar dhe per te mos humbur ngjyren . Kam degjuar qe rrezet ne tanning te demtojn lekuren dhe mund te shkaktojn edhe cancer ( larg qoft) kshu qe kam frik te shkoj shpesh!! njof ca goca qe shkojn pothuajse cdo dit, jan bere addicted to tanning lol. Mendoj se po shkove shpesh rezet ta demtojn lekuren duke e plakur para kohe ,etc. Its not healthy ! once in a while it's ok i guess.

[PINK]

nuk shkoj .... sepse ne vere e marr ngjyren nga Dielli lol origjinal .. dhe jo artificialisht

sa per tani ne dimer ... me pelqen te rri keshtu si jam .. e bardhe

se keto ketej pernjehere te ngaterrojne me spanjolle ---- gje qe e urrej shume lol

[KaLTerSi]

Nese nuk e beni per rrezikshmeri atehere beni mistic tanning sepse nuk eshte me rreze por me spruco, zgjat 30 sekonda e jo 20 minuta si rrezet e mer ngjyren menjehere e jo pas disa seancave, ngjyra qendron afro 3-4 javesh dhe kushton rreth $30.
Ne dimer ne shumicen e kohes e bej, ne behar shfrytezoj cdo perkedhelje te diellit.

[D&G Feminine]

A te mer e njetrajtshme kjo me spruco, dhe a duket natyrale? Une kam perdorur lotion te Clarins qe specialistet thone eshte me e mira, po te une dukej shume fallco. Rrezet nuk i bej se jane shume te demshme!