Projekti: Qeveria Nano, helmon Adriatikun

[leci]

Sa qesharake, ti po ankohesh per 500 mij meter kub pislleqe, qe do hidhen ne det te hapur (jo ne brigjet Shqiptare) kur dihet se per vite me rradhe kjo eshte nje tradite e gjithe shteteve te tjera. (me nje fjale, po s'e bere ti dikush tjeter do e beje, dhe i vetmi qe humbet je ti)
Nese vertet je e shqetesuar per mjedisin ankohu per vrimen e Ozonit, nxjerjen e nafts ne Antarktide, shfarosjen e balenave, a ku di une cfare qe ka rendesi jetike per gjithe njerezimin. Te politizosh pastrimin e nje porti, ne emer te mjedisit, eshte pavend, kur dihet mire se mjedisi ka nvoja me emergjente per te cilat mund te shqetesohsh.

Kjo eshte nje hera e dyte qe nuk jam dakord me shkrimet e R2T nga e gjithe koha qe jam ne forum..Rekord...pershendetje R2T

Une mendoj qe gjithçka qe ka te beje me ndotjen e mjedisit ka rendesine e vet.
Per ne shqiptaret kjo qe po ndodh ka rendesi te veçante.
Une ku fola per protesta jasht kontestit politik ishte pikerisht per te eliminuar politiken nga kjo ngjarje.
Duke njohur si jemi ne shqiptaret do te ishte e gabuar ti japim fajin Nanos ose Berishes,dhe duke lene menjane rrezikun e ndotjes.
Natyrisht qe gazetave i pelqejne lajmet sensacionale dhe shpesh harrohet qellimi i vertete i nje eventi.
Dihet qe edhe po se beme ne dikush tjeter do ta beje,por gjithçka fillon nga vetvetja.
diskutim te mbare
leci

[ALBA]

Banka Evropiane e Investimit në padijeni për raportin e ekspertëve amerikanë për Portin e Durrësit

Porti, qeveria fshehu raportin

Ministria e Transporteve i fsheh financuesit analizat që nxjerrin 500 mijë metër kub mbetje të rrezikshme në Portin e Durrësit

Shekulli

TIRANE - Ministria e Transporteve ka paraqitur ditët e fundit para Bankës Evropiane të Investimit (EIB) projektin për gërryerjen e fund-detit të Portit të Durrësit, por në dokumentacionin e paraqitur ka munguar raporti i analizave mjedisore të portit, bërë nga shoqëria amerikane “Wilburn Smith Associates, Inc./ TECicon”. Raporti i ekspertëve amerikanë paraqet analiza të përmbajtjes së fund-detit në port, ku bëhet fjalë për 500 mijë metra kub mbetje shumë të rrezikshme, të cilat duhen trajtuar në një mënyrë të veçantë dhe kurrsesi nuk mund të hidhen në det të hapur. E mbajtur në padijeni nga zyrtarët tanë për këtë raport të ekspertëve amerikanë, Banka Evropiane e Investimit, ka gati financimin për këtë projekt ndotës, dhe me impakte jashtëzakonisht të rrezikshme për jetën e gjithë florës dhe faunës detare të Adriatikut dhe si rrjedhim edhe për jetën e çdo qytetari.
Bërja e këtyre analizave mjedisore u financua nga Banka Botërore në vitin 2002, dhe u paguan 2 milionë dollarë amerikanë. Por me përfundimet e analizave duhet të vihej domosdoshmërisht në dijeni edhe EIB-së, sepse një institucion i BE-së nuk mund të financojë një projekt që është në kundërshtim më normat e saj. Ministria e Turizmit sipas përfundimeve të studiuesve amerikanë, duhet të paraqesë një projekt në përputhje me shkallën e ndotjes në Portin e Durrësit, dhe jo një projekt që i trajton mbetjet e fund-detit të portit si rërë normale, duke treguar gatishmërinë që 500 mijë metra kub mbetje të rrezikshme dhe me mbetje radioktive, t’i hedhë në Adriatik.
Fshehja
Ministria e Transportit, refuzoi të vinte në dispozicion dokumentacionin që i kanë paraqitur EIB-së në lidhje me zbatimin e projektit për gërryerjen e fund-detit të Portit të Durrësit. Kësaj kërkese, zyrtarët iu përgjigjën duke na drejtuar për në Portin e Durrësit, pranë autoriteteve atje, ndërkohë që është Ministria e Transportit ajo e cila ka paraqitur dokumentacionin para EIB-së.
Përfaqësuesit e të dyja palëve, të Ministrisë së Transporteve dhe të EIB-së, janë takuar disa herë. Por përfaqësuesit tanë sipas burimeve të besueshme në asnjë rast nuk kanë njoftuar Bankën Evropiane për sasinë e madhe të mbetjeve të rrezikshme dhe nivelin e ndotjeve të këtyre mbetjeve. Nëse ata do të deklaronin se bëhet fjalë për 500 mijë metër kub mbetje të ndotura në një shkallë shumë të lartë dhe mjaft të rrezikshme për jetën e çdo gjallese, atëherë zgjidhja do të ishte më e komplikuar dhe më e kushtueshme. Direktivat e Bashkimit Evropian, norma të cilat duhet të respektojë EIB-ja për financimin e projekteve, dhe ligji Nr 8934 “Për Mbrojtjen e Mjedisit” që duhet të respektohet nga Ministria e Transporteve, imponojnë kufij precizë trajtimi për çdo nivel ndotjeje të mjediseve detare, sidomos kur bëhet fjalë, sipas analizave mjedisore të amerikanëve, për mbetje me një nivel shumë të lartë ndotjeje, bile edhe me përmbajtje radioaktive.
Legjislacioni
Sipas direktivave të BE-së për mbrojtjen e mjedisit në qoftë se niveli i ndotjes do të jetë në një gradë të caktuar, atëherë duhen kryer operacione të caktuara për ta zgjidhur problemin pa shkaktuar ndotje të mjedisit. Në qoftë se niveli i ndotjes është në një gradë më të rënduar se e mësipërmja, atëherë edhe mënyra e trajtimit të këtyre mbetjeve duhet të jetë e ndryshme nga e para. Por në qoftë se niveli i ndotjes është në një gradë akoma më të madhe, atëherë edhe projekti për trajtimin e këtyre mbetjeve shumë të ndotura duhet të jetë i ndryshëm dhe gjithmonë në përputhje absolute me normat ligjore të brendshme dhe me normat ndërkombëtare. Aq më tepër kur sipas konfirmimeve edhe nga Ministria e Transporteve, 17 milionë eurot që do të financohen nga EIB-ja, nuk janë vetëm për trajtimin e mbetjeve në fund të detit në Portin e Durrësit dhe kanalin hyrës, por përfshijnë edhe punime të tjera infrastrukturore.
Rrugëzgjidhja
Siç konfirmohet edhe nga rezultatet e analizave të bëra në SHBA, ekzistojnë 500 mijë metra kub mbetje të rrezikshme, por që nuk evidentohen dhe nuk paraqiten në dokumentet që janë bërë gati për tendera. Në qoftë se këto fakte do të përfshiheshin në dokumentet e paraqitura para Bankës Evropiane të Investimit (EIB), duhet të financohej një projekt i ndryshëm dhe më i kushtueshëm nga ai i paraqituri. Atëherë zgjidhja më logjike pa krijuar probleme të mëvonshme mjedisore, do të ishte që të gërryhej materiali i ndotur dhe të hidhej në një vend tjetër të restauruar për këtë çështje. Por edhe këtu ka një problem tjetër. Në zonën e Portit të Durrësit ka edhe mbeturina anijesh të vjetra ose pjesë anijesh të mbytura, që e pengojnë këtë operacion. Më parë duhet të hiqen pikërisht këto mbeturina pjesësh anijesh dhe më pas të kryhen veprimet për pastrimin dhe gërryerjen e fund-detit të portit. Por këto veprime shtesë kanë një kosto shtesë, dhe lind pyetja se cili do të financojë për këtë lloj trajtimi? Duhej gjetur një rrugëzgjidhje, dhe ajo që propozohet në projekt është edhe deklarimi se ajo shoqëri që do të fitojë tenderin dhe do të riparojë anijet e mbytura ose të braktisura, do të bëhet edhe pronare e tyre, dhe do të paguhet për veprimet që do të kryejë duke shitur këto anije ose pjesë të tyre, në tregun ndërkombëtar.
Por vazhdon të qëndrojë problemi se “ku do të hidhen 500 mijë metër kub materiale shumë të rrezikshme që do të gërryhen nga Porti i Durrësit”!? Zbatimi i projektit për një “terminal container” (stacion mbetjesh ), nuk mund të fillojë pa ekzistencën e një projekti dhe pa financime, kështu që nuk mund të kryhen veprimet e nevojshme për të mbyllur dhe izoluar 500 mijë metër kub materiale të rrezikshme. Ministria e Transporteve duhet të kishte bërë gati një projekt që t’i përgjigjej tërësisht llojit të mbetjeve dhe si rrjedhim, paraqitja e të dhënave të vërteta dhe të një projekti të tillë, do të financohej pa dyshim. Nuk dihet se kujt i ka ardhur ideja “brilante”, për të mos deklaruar fare se bëhet fjalë për 500 mijë metër kub mbetje shumë të rrezikshme, përndryshe projekti nuk do të realizohet me një kosto më të vogël dhe në një kohë të shkurtër. Për këtë shkak në dokumentet që paraqiten përpara Bankës Evropiane të Investimit, nuk përcaktohet që ekzistojnë 500 mijë metra kub materiale të rrezikshme dhe me një nivel shumë të lartë ndotjeje, por paraqitet vetëm një analizë granolometrike, pa plotësuar të dhënat për elementët e tjerë.
Banka
Banka Evropiane e Investimit mund të përkrahë argumentin që, nuk ka pasur objeksion në lidhje më projektin që do të financojnë, sepse EIB-ja i ka marrë dokumentet zyrtarisht nga ministri i Transportit, dhe nuk kishte si të dyshonte mbi një dokument zyrtar. Gjithashtu mund të mbrohen me faktin që në dokumentet e dorëzuara nga ministri i Transportit nuk kishte ndonjë të dhënë për 500 mijë metra kub mbetje të rrezikshme, dhe si rrjedhim kanë dhënë miratimin për financimin e projektit dhe për bërjen gati të tenderit ndërkombëtar për zhvillimin e punimeve.
Pra është e qartë që të gjithë përgjegjësitë do të jenë mbi palën shqiptare e cila nuk merr parasysh rëndësinë e ndotjes që do të shkaktonte hedhja e 500 mijë metra kub mbetje në det të hapur, dhe nuk marrin parasysh dënimin që mund të marrin nga realizimi këtij projekti “vrasës” për Adriatikun.


Si duhet të realizohet projekti

Projekti për pastrimin e fund-detit të Portit të Durrësit dhe për thellimin e tij duhet të bëhet, për të arritur një funksionim më të mirë dhe sipas standardeve evropiane. Por projekti duhet të realizohet sipas Normave Ndërkombëtare, Direktivave të Bashkimit Evropian, Kushtetutës, ligjeve shqiptare në fuqi, dhe sipas zgjidhjeve dhe mënyrave që sanksionojnë këto norma për raste të tilla ekstreme. Në këtë rast zbatimi i këtyre normave ligjore nuk shërben vetëm për të treguar se funksionojmë si një “shtet i së drejtës”, por na shërben të gjithëve ne, për të parandaluar ndotjen e ujërave të Adriatikut. Realizimi i këtij projekti në këtë mënyrë mund të sjellë pasoja katastrofike për mjedisin ujor shqiptar dhe ujërat territoriale të Bashkimit Evropian (siç është në këtë rast Italia).


Procedura për financimin e një projekti

Kur një ministri kërkon nga një institucion ndërkombëtar ( si Banka Botërore (WB), Banka Evropiane e Investimit (EIB), FUND apo OPEC), që të financojnë një projekt, sipas normave ndërkombëtare duhet të ndiqet një procedurë e tillë:
Organi i Administratës Qendrore, dhe në këtë rast Ministria e Transportit, bën kërkesën duke prezantuar motivacionin e projektit me një relacion të rregullt. Financuesi i projektit, në këtë rast EIB-ja, kërkon që ministria të prezantojë një projekt që normalisht duhet bërë nëpërmjet një studimi jo nga ministria, por për të shmangur konfliktet e interesave duhet të bëhet nga një ent i pavarur dhe i specializuar për këto lloj projektesh. Eshtë rënë dakord që analizat mjedisore për projektin e pastrimit dhe thellimit të Portit të Durrësit të bëhen nga shoqëria amerikane “Wilburn Smith Associates, Inc./ TECicon”, studim i cili u financua nga Banka Botërore në 2002. Shoqëria amerikane kishte detyrimin që të prezantonte projektin, i cili do t’i paraqitej Ministrisë së Transporteve, e cila duhet të vlerësojë nëse projekti është në përputhje me kërkesat dhe nevojat e saj, si dhe të vlerësojë pajtueshmërinë e projektit me aktet ligjore shqiptare. Në qoftë se projekti është në përputhje me kërkesat e mësipërme, atëherë Ministria e Transporteve duhet të japë miratimin. Më pas, projekti i kalohet entit financues, EIB-së, e cila duhet ta vlerësojë atë sipas kritereve financiare të saj dhe në përputhje me direktivat e Bashkimit Evropian. Projektit mund t’i bëhen edhe ndryshime, sepse një projekt bëhet i financueshëm vetëm në qoftë se respekton ligjet e financuesit (në këtë rast Bankës Evropiane të Investimit EIB) por pa harruar edhe ligjet e vendit në të cilin do të ekzekutohet projekti.

Projekti për gërryerjen e mbetjeve të fund-detit të Portit të Durrësit do të mbulohet nga një financim tashmë i pranuar nga EIB-ja, aq më tepër që bëhet fjalë për një projekt emergjent, nisur nga shkalla e lartë e ndotjes dhe e mosfunksionimit normal të portit. Flitet për emergjencë, ndërkohë që kanë kaluar më shumë se 3- 4 vjet që konsiderohet i tillë.



13/06/2004

[BlueBaron]

Presidenti i Republikës ka diskutuar me përfaqësues të shoqërisë civile për çështjen e plehrave ...

Edhe Komisioni Parlamentar i Shëndetësisë dhe Mjedisit ka kundërshtuar dje projektmarrëveshjen e qeverisë për përpunimin e mbeturinave urbane, jo vetëm të Tiranës e Durrësit, por sidomos të një sasie të konsiderueshme që mendohet të vijë nga jashtë vendit.

"Presidenti Moisiu u shpreh shumë qartë kundër projektvendimit për importin e mbeturinave nga shtete të ndryshme të Europës. Është një gjë mjaft e mirë, sepse lëvizjes së reagimit qytetar, nuk i është shtuar thjesht një qytetar më tepër, por qytetari nr. 1 i vendit. Kjo na jep mbështetje shumë të madhe", tha dje pas takimit në Presidencë, kreu i Lëvizjes qytetare "Mjaft", Erion Veliaj.
"Të gjithë janë kundërshtarë të kësaj marrëveshjeje, përveç një grupi që drejton ekzekutivin.Ata janë Nanoja që jep mendime të pakuptueshme, Finoja që falë zotit s'e di se çfarë bën dhe zoti Ruka që rri në heshtje, por që nëpërmjet përfaqësuesit të tij, e ka kundërshtuar këtë projektmarrëveshje. Kjo projektmarrëveshje ka nxjerrë në pah se transparenca tek qeveria e Shqipërisë mungon", tha Ferit Hoti, kryetari i komisionit të Shëndetësisë.


Çështja e instalimit në Kashar të impiantit të plehrave që do të importohen nga Italia, është dikutuar dje edhe në presidencë, gjatë takimit që Moisiu ka zhvilluar me përfaqësues të shoqërisë civile dhe Grupit të Reagimit Qytetar.

Presidenti i Republikës, z.Alfred Moisiu u premtoi përfaqësuesve të shoqërisë civile, se do të kërkojë transparencë maksimale për çështjen e shumëpërfolur të importit të mbeturinave urbane nga Italia. "Përsëris nevojën për një transparencë të plotë të ekzekutivit dhe për thirrjen e mendimit të specialistëve dhe Organizatave Jo Fitimprurëse në këtë fushë", tha Moisiu.

Ndërsa anëtarë të grupit të reagimit qytetar, informuan Presidentin për aktivitetin e tyre si dhe shprehën shqetësime për zgjidhjen e të cilave kërkuan mbështetje, Moisiu i përgëzoi ata për përpjekjet dhe kontributin që po japin në mbrojtje të interesave të qytetarëve dhe shoqërisë dhe njëkohësisht vlerësoi rritjen e shkallës së ndërgjegjësimit të shoqërisë sonë civile. Përfaqësuesit e OJF-ve anëtarë të grupit të reagimit qytetar shprehën vlerësimin për Presidentin dhe rolin e tij si garant të ligjit, kushtetutës si dhe për bashkëpunimin e vazhdueshëm dhe transparent me shoqërinë civile. "Presidenti Moisiu u shpreh shumë qartë kundër projektvendimit për importin e mbeturinave nga shtete të ndryshme të Europës. Është një gjë mjaft e mirë, sepse Lëvizjes së Reagimit Qyetar, nuk i është shtuar thjesht një qytetar më tepër, por qytetari nr.1 i vendit. Kjo na jep mbështetje shumë të madhe", tha dje pas takimit në Presidencë, kreu i Lëvizjes qytetare "Mjaft", Erion Veliaj.

Debati mbi instalimin e impiantit të plehrave po vazhdon prej ditësh, dhe gradualisht, të gjithë zyrtarët e lartë po pozicionohen, pro ose kundër. Deri tani pjesa më e madhe e tyre ka qenë kundër marrëveshjes, që është cilësuar shpesh si marrëveshja që do ta kthente Shqipërinë, në një kosh plehrash të Europës.

Dje burime pranë portit të Durrësit, kanë deklaruar se është e pamundur që të kontrollohen për mbetje toksike dhjetëra kamionë me mbeturina që mendohet të dalin nga porti i Durrësit.


Komisioni Parlamentar i Shëndetësisë, kundër marrëveshjes për plehrat

"U bënë dy javë që komisioni parlamentar i Shëndetësisë dhe Mjedisit ka dalë në krye të kësaj lëvizjejeje me të gjitha mundësitë e veta që i jep institucioni i Parlamentit për t'i thënë 'ndal' kësaj projektmarrëveshjeje krejtësisht të palogjikshme dhe në dëm të shëndetit, mjedisit të përgjithshëm të vendit tonë dhe në veçanti të kryeqytetit", tha Ferit Hoti dje në Komisionin Parlamentar të Shëndetësisë, ku u diskutua rreth instalimit të impiantit të plehrave në Kashar. Të pranishëm në këtë diskutim ishin dhe përfaqësuesit e grupimit të reagimit qytetar. Deputetet janë shprehur kundër projektit për djegien e mbetjeve urbane, ndërsa kanë dëgjuar mendimin e specialistëve e të shoqatave joqeveritare për këtë çështje.

"Të gjithë janë kundërshtarë të kësaj marrëveshje përveç një grupi që drejton ekzekutivin.

Ata janë Nanoja që jep mendime të pakuptueshme, Finoja që falë zotit s'e di se çfarë bën dhe zoti Ruka që rri në heshtje, por që nëpërmjet përfaqësuesit të tij, e ka kundërshtuar këtë projektmarrëveshje. Kjo projektmarrëveshje ka nxjerrë në pah se transparenca tek qeveria e Shqipërisë mungon", shtoi më tej Hoti, i cili ka folur me dyshim për premtimin e qeverisë se do të hyjnë në lojë përfaqësues të shoqërisë civile, për të diskutuar projektmarrëveshjen. "Unë jam i sigurt se edhe këtu ka korrupsion. Përfaqësuesit që do të merren, do të blihen ose do të rekrutohen për të firmosur këtë projektvendim", përfundoi Hoti.

"Ju si grup parlamentar për shëndetësinë dhe mjedisin keni përgjegjësinë për këtë politikë antimjedisore që po bëhet në vendin tonë. Duhet të dini se qeveria për interesa të dy-tri vetëve po ndryshon ligjet dhe po merr vendime pasi u vendos strategjia për plehrat në '98, qeveria, në 99, për çudi, e hedh poshtë dhe nuk lajmëron asnjeri. Të gjitha këto janë politika antimjedisore për të cilat grupi juaj parlamentar duhet të ketë përgjegjësi para të gjithë elektoratit", tha Xhemal Mato, drejtues i Ekolëvizja.

[BlueBaron]

Qindra qytetarë të Durrësit i kanë thënë jo importimit të plehrave nga porti i këtij qyteti, ku mendohet të hyjnë nga Italia rreth 70 kamionë në ditë të ngarkuar me plehra.

Përfaqësues i sindikatës së hekurudhës, ka premtuar se kjo sindikatë nuk do të lejojë të bëhet me trena, transporti i mbeturinave të importuara.

Qindra qytetarë të Durrësit i kanë thënë jo importimit të plehrave nga porti i këtij qyteti, ku mendohet të hyjnë nga Italia rreth 70 kamionë në ditë të ngarkuar me plehra. Në një protestë të zhvilluar para hyrjes kryesore të këtij porti, aktivistë të lëvizjes Mjaft, përfaqësues të Zyrës së Mbrojtjes së Qytetarëve si dhe mjaft drejtues të shoqatave dhe sindikatave të Durrësit kanë bërë thirrje për të mos lejuar importimin e plehrave. Oratorët thanë se importimi i plehrave nuk mund të bëhet fshehtas, pa transparencë dhe në kurriz të interesave të qytetarëve. Ndërkohë që kreu i Zyrës për Mbrojtjen e qytetarëve, është shprehur në fjalën e tij se kjo marrëveshje e plehrave është nënshkruar për interesa të ngushta të një grupi njerëzish. "Qeveritarët për të mbushur xhepat kërkojnë të helmojnë njerëzit", tha ai.

Oratorët i bënë thirrje qytetarëve të marrin përgjegjësitë si banorë të një qyteti që natyra i ka falur turizmin dhe që po kërkojnë t'ia shkatërrojnë edhe duke u sjellë plehra. "Do të bllokojmë të gjithë kamionët që do të tentojnë të bëjnë transportin e tyre", thanë drejtuesit e protestës. Ata kanë hedhur akuza të rënda mbi qeveritarët, të cilët nuk kanë reaguar pas protestës së 8 qershorit në Tiranë duke i detyruar përfaqësuesit e shoqërisë civile të përshkallëzojnë protestën e tyre deri në ndalimin përfundimtar të realizimit të kësaj marrëveshjeje. "Ne protestuam kundër tarifave të larta të telefonisë fikse, kundër ngritjes së çmimit të energjisë dhe kemi dëshmuar se nuk jemi pak edhe pse qeveritarët bëjnë sikur nuk dëgjojnë. Por shumë shpejt ne do të dëshmojmë se jemi shumë, se sheshet do të jenë të mbushura me qytetarë për t'u bërë ata zot të fateve të tyre dhe jo për t'u kthyer në viktima të interesave të ngushta të disa njerëzve që kërkojnë të majmen edhe me plehra. Ne do të marrim të gjitha përgjegjësitë", ka thënë një nga drejtuesit e lëvizjes "Mjaft".

Më pas në këtë takim ka folur edhe E.Muça, përfaqësues i sindikatës së hekurudhës, i cili ka premtuar se kjo sindikatë nuk do të lejojë të bëhet me trena transporti i mbeturinave të importuara. "2200 punonjës që ka kjo sindikatë do të pengojnë me trupin e tyre kalimin nëpër shina të trenit të mbushur me mbeturina", është shprehur ai në emër të sindikatës. Ndërkohë që Andrea Stefani është shprehur se integrimi i shqiptarëve në Europë është ëndërr, por kjo ëndërr nuk mund të realizohet duke importuar plehrat e vendeve, të cilat ne kërkojmë t'i arrijmë për nga zhvillimi.

Në protestë kanë folur edhe mjaft të rinj përfaqësues të parlamenteve rinore të Tiranës dhe Durrësit, të cilët kanë shprehur vendosmërinë e tyre për t'i thënë ndal importimit të mbeturinave. Drejtuesit e protestës janë shprehur se do të jetë radha e Vlorës pas disa ditësh për të zhvilluar protestën që ka si qëllim ndalimin e importimit të mbeturinave nga vende të huaja.

[BlueBaron]

Ministri i Turizmit reagon ndaj kërkesës së qytetarëve për të dhënë dorëheqjen

"Jam pro moratoriumit për ligjin e plehrave. Kjo do të pengojë importimin e tyre"

Pas debatit për marrëveshjen e qeverisë shqiptare dhe firmës italiane "Albaniabeg Ambjent" që mendohet të djegë në Shqipëri plehra të importuara nga Italia, ka reaguar ministri i Turizmit Bashkim Fino, i përfolur deri tani si një nga ministrat që ka firmosur këtë marrëveshje. Fino nuk e ka mohuar se së bashku me tre ministra të tjerë të kabinetit aktual ka firmosur projekt-marrëveshjen, e cila tashmë është pezulluar. Ministri i Turizmit e ka quajtur të paramenduar kërkesën për dorëheqjen e tij nga një grup njerëzish që sipas Finos duan të shfrytëzojnë për interesat e tyre kontradiktat brenda mazhorancës socialiste. "E dua Shqipërinë jo vetëm kur jam në pozitë, por edhe kur jam në opozitë, jo vetëm kur jam ministër apo deputet, por edhe kur jam qytetar i thjeshtë", ka deklaruar ministri Fino në një deklaratë për shtyp. Ndërkohë që ai është shprehur se është dakord me iniciativën e lëvizjes "Mjaft" për amendamente ligjore nga parlamenti lidhur me mosimportimin e plehrave nga jashtë.

[BlueBaron]

Shqipëri, marrëveshja me Italinë dhe protestat. Flet shkrimtari Fatos Lubonja

Nga Claudio Bazzocchi. "Il Manifesto", 20 qershor

Protestat kundër marrëveshjes midis qeverisë shqiptare dhe asaj italiane për ndërtimin e një impianti djegieje në zonën e Kasharit në fushat e bukura midis Tiranës dhe Durrësit, kanë pasur si protagonistë aktivë, subjekte të ndryshme të shoqërisë civile shqiptare, ndër të cilët shoqata ambientalistësh dhe shoqata rinore të vendit. U mobilizuan edhe fshatarët e zonës, si dhe intelektualë dhe profesionistë të ndryshëm të vendit, mbajtën qëndrim kundër projektit. I kërkuam shkrimtarit Fatos Lubonja, intelektualit shqiptar më të qartë dhe më koherent, gjykimin e tij mbi protestat dhe deri në çfarë pike mund të flitet për një protagonizëm të shoqërisë civile.

Cili është shkaku i këtyre protestave?
Para së gjithash duhet thënë se bëhet fjalë për një skandal shumë të rëndë që vë në dukje edhe një herë mungesën e transparencës së qeverisë socialiste e cila, si gjithmonë, ka lëvizur pa treguar asnjë lloj respekti për rregullat demokratike dhe për qytetarët e vet. Qeveria e Fatos Nanos ka firmosur një marrëveshje pa marrë parasysh as vullnetin, së pari, të banorëve të zonës as edhe atë të shoqatave ambientaliste.

Kështu duket një skandal ndër të shumtit, përse gjithë këto protesta?
Lidhur me çështjen e pastrimit të plehrave në Shqipëri po ndeshen interesat e oligarkëve shqiptarë me ato të kapitalit të huaj. Duhet të kemi parasysh se Koço Kokëdhima, pronari i së përditshmes 'Shekulli' - prej shumë kohësh pranë Nanos - kishte siguruar thuajse të gjitha autorizimet nga qeveritë e ndryshme socialiste që kanë pasuar njëra-tjetrën gjatë këtyre viteve, marrjen e konçesionit të pastrimit të plehrave të Durrësit e Tiranës për tridhjetë vjetët e ardhshëm. Mungonte vetëm firma e Këshillit të Ministrave që botuesi i 'Shekulli'-t mendonte se do ta merrte lehtë, në sajë të afërsisë së aferave të tija - nëse mund t'i quajmë kështu - me Fatos Nanon, i cili megjithatë ka preferuar të firmosë për një ndërmarrje italiane. Ky është një nga motivet pse e përditshmja ka nxitur grupe të shoqërisë civile duke financuar edhe aktivitetin e tyre.

Kjo ndeshje midis oligarkëve shqiptarë dhe kapitalit të huaj, duket se përbën një realitet edhe më shqetësues?
Sigurisht, kjo është një ngjarje paradigmatike e ndeshjes midis interesave të monopoleve shqiptare të lidhura në një raport afaristo - mafioz me pushtetin shqiptar, e që nuk kanë asnjë lloj interesi për integrimin e Shqipërisë në BE dhe interesave të kapitalit të huaj perëndimor që e shohin Shqipërinë si një vend pushtimi dhe shfrytëzimi, si psh, në rastin e plehrave. Me një fjalë vendi im ndodhet në një farë mënyre midis Shilës dhe Karibdës: nga njëra anë të fuqishmit shqiptarë dhe nga ana tjetër kapitali i huaj.

Pse Nano kësaj here vendosi të qëndrojë nga ana e interesave të huaja?
Ndoshta pse nuk ka ditur t'i thotë jo qeverisë italiane.

Ç'qëndrim ka mbajtur bota politike lidhur me këtë ngjarje?
Çështja e plehrave u shfrytëzua nga opozita brenda Partisë Socialiste, që kërkon të heqë qafe Nanon. E kam fjalën për grupin me në krye Metën, që sot po flet për kthim në rrënjët socialdemokrate të partisë. Duhet gjithashtu të kemi parasysh edhe rolin e kryetarit të bashkisë Edi Rama, deri dje afër Nanos, por që kohët e fundit po i përkëdhelet mundësisë për t'u bërë kryeministër, edhe me ndihmën e botuesit të fuqishëm të 'Shekulli'-t si dhe të oligarkëve të tjerë shqiptarë. Kuptohet gjithashtu se edhe Partia Demokratike në pushtet po i fryn zjarrit të protestave.

Pra, doni të thoni se protestat nuk ka qenë spontane, por të orkestruara nga të fuqishmit e biznesit shqiptar si dhe nga forcat politike që i kundërvihen Nanos?
Dua të them se kjo ngjarje nuk është shprehje e një lufte në vazhdim midis pushtetit dhe shoqërisë civile, por midis pushteteve të brendshme dhe atyre jashtë Shqipërisë në të cilën grupet e shoqërisë civile janë përdorur në mënyrë të vetëdijshme apo të pavetëdijshme, në mos qofshin financuar drejtpërdrejt nga protagonistët e ndeshjes. Prandaj mendoj se intelektualët dhe shoqëria civile duhet të diskutojnë seriozisht se çfarë do të thotë për ne hyrja në Bashkimin Evropian.

[BlueBaron]

Kërkesat drejtuar kryeministrit po përkrahen nga shqiptarët në gjithë vendin.

Vazhdon firmosja e peticionit që kundërshton importimin e mbetjeve urbane në vendin tonë. Të shpërndara pothuajse në të gjitha qytetet e Shqipërisë, letrat ku qytetarët po hedhin firmat e tyre do të kthehen në Tiranë për tu dorëzuar në zyrat e kryeministrisë. Peticioni po firmoset që pre dy ditësh dhe firmat e para janë hedhur në sheshin para kryeministrisë pas përfundimit të protestës që kundërshtonte marrëveshjen e “Albania Beg Ambienti” me qeverinë. Në protestën e parat dy ditëve organizatorët kanë përcaktuar si kërkesë kryesore dorëheqjne e mnistrit të Rregulllimit të Territorit dhe Turizmit Bashkim Fino. Gjatë zhvillimit të protrestës para kryeministrisë, Adrian Klosi ka deklaruar se përveç kësaj kërkese në peticion janëdhe disa kërkesë të tjera. “Ne po shpërndajmë kudo në Shqipëri fletë, ku secili qytetar të hedhë firmën e tij në mbështetje të peticionit që do t’i dorëzohet kryeministrit, ku do të kërkohet të shkarkohet nga detyra ministri i Rregullimit të Territorit dhe Turizmit, Bashkim Fino, shpallja e pavlefshmërisë së hapave të ndërmarrë deri tani me firmën “Albania Beg Ambient” si dhe kërkim ndjesë publikisht për planin e importimit dhe djegies së plehrave”, -deklaroi Klosi. Pas kësaj deklarata analisti Adrian Klosi ka bërë të ditur se duhet të ndalohet djegia e mbetjeve urbane, pasi sipas tij kjo ka kosto dhe momentalisht këto imiante janë të pakontrollueshme, kjo lidhur me faktin se ç`farë mund të djegin furrat e impianit dhe dhe se në ç`sasi.