Akuzat e oficereve te policise per ministrine e rendit

[Albo]

LETRA E HAPUR E DREJTORIT TE POLICISE SE TIRANES

KRIMI NE TIRANE DHE SUPORTET E TIJ


--------------------------------------------------------------------------------

Nga PJERIN NDREU*

Policisë shqiptare në këta 10 vitet e fundit, i është dashur të përballet me situatë dhe kriminalitet mjaft të ashpër, si dhe të avancuar në mënyrat dhe mjetet që përdoren për realizimin e qëllimeve të saj. Situatat e ndryshme e të rënda politike, ekonomike e sociale të viteve të tranzicionit, kanë lënë gjurmët e veta dhe në zhvillimet policore, që reflektojnë edhe problemet që kalon shoqëria shqiptare. Megjithëse ajo është konsideruar si një nga strukturat më të përkushtuara dhe rezultative në arritjen e objektivave që i ka vënë ligji dhe programet politike të forcave që kanë qeverisur vendin. Tirana, për shkak të veçorive që mbart, është një hapësirë social- gjeografike ku janë ndërthurur dhe bashkëjetojnë luksi e varfëria, intelektuali dhe analfabeti, krimineli dhe njeriu i ndershëm, politika dhe biznesi, institucionet qëndrore shtetërore, por edhe ato social- kulturore e sportive. Një ambjent ku gërshetohen dhe kryqëzohen interesat e të gjitha llojeve dhe nga të gjitha pikat kyçe të territorit të Shqipërisë. Ç'ka e bën kryeqytetin, bastionin e krimit, qoftë ordiner por edhe atij të organizuar. E stimuluar kjo, nga lëvizjet demografike të pakontrolluara të popullsisë në 12 vitet e fundit, mungesa ende e numrit të identitetit për të gjithë qytetarët e këtij vendi, si dhe mosfunksionimi i sistemit të kompjuterizuar për regjistrin themeltar të popullsisë dhe zyrat e gjendjes civile. Që për rrjedhojë ka sjellë mungesën e adresave të sakta të banesave, punësimit dhe jetesës së njerëzve duke e vështirësuar së tepërmi efikasitetin e shërbimeve policore, kundër krimit dhe në shërbim të qytetarit. Mungesa e një sistemi kompjuterik në linjat gjendje civile- polici- pikat e kalimit kufitar dhe me institucionet e tjera antikrim, ul ndjeshëm efikasitetin e punës për identifikimin e autorëve të veprave penale të ardhur nga rrethe dhe shtete të tjera, apo të personave kontigjente potenciale të krimit, të cilët duhet të evidencohen dhe të mbahen nën kontroll.

INVESTIMI I KRIMIT
Kjo situatë dhe ekzistenca në Tiranë e tregut më të madh të vendit, e bën më të lehtë mbijetesën e krimit, i cili për shkak edhe të mungesës së strukturave efikase të luftës kundër evazionit fiskal dhe parandalimit, kontrollit dhe goditjes së skemave të pastrimit të parave të pista që rrjedhin nga ekonomia informale dhe kriminale, i cili e ka më të lehtë të investojë fitimet që kanë rrjedhur në trafiqet e drogës, prostitucionit, qenieve njerëzore, armëve, kontrabanda dhe korrupsioni. Investime që kanë sjellë riciklimin e parave e për rrjedhojë fuqizimin ekonomik të eksponentëve të tyre, duke rrezikuar në mënyrë të ndjeshme shëndoshjen reale të ekonomisë së vendit. Duke e sofistikuar gjithnjë e më tepër skemën e krimit të organizuar, që ka çuar deri në një serial vrasjes gjatë këtij viti. Duke i dhënë mundësi lulëzimit të një tipi kriminaliteti, që është bërë problematik si në parandalimin, ashtu edhe në zbulimin dhe goditjen e autorëve të tyre. Duke i shtuar kësaj situate dhe kapërdisjen publike të disa eksponentëve të trafiqeve me funksionarë të lartë të administratës shtetërore, drejtësisë dhe politikës, i ka dhënë mundësi atyre, të penetrojnë në fushën e investimeve dhe ekonomi, duke tentuar dalëngadalë ndoshta edhe fushën e politikës. Kjo bën që krimi të jetë evident dhe gjithnjë e më i rrezikshëm, jo vetëm për individin, por edhe për vetë shtetin. Por, është për të ardhur keq që akoma nuk është "vizatuar" harta e krimit shqiptar, e shoqëruar kjo edhe me një studim të thellë dhe kompleks për specifikiat e krimit të organizuar dhe aspektet e tij në jetën e brendshme të shtetit dhe shoqërisë sonë. E ndihmuar kjo, edhe nga mungesa e një strategjie komplekse për të bërë të mundur neutralizimin apo frenimin e eksponentëve të krimit të organizuar, që të investojnë paratë e tyre të pista, në rrugë që i bën ato shumë shpejt legale. Nuk kërkohet ndonjë punë e madhe e strukturave të specializuara, për të evidentuar se disa nga të ashtuquajturit biznesmenë që janë pasuruar me trafiqe ndër vite, kanë investuar ne aktivitete legale ekonomike, duke siguruar me milionat e tyre, suporte publike edhe me politikanë, duke patur një beckgraund kulturor të dyshimtë për investimet që administrojnë dhe arsim shpeshherë me shkolla fillore, 8-vjeçare dhe arsim të mesëm. Vetëm në vitin 2000, krijohet për herë të parë Nëndrejtoria e Krimit të Organizuar, e cila megjithë përpjekjet, akoma nuk është ngritur në nivelin e kërkuar dhe kjo jo vetëm për faj të saj.

POLICIA E TIRANES
Struktura e policisë së Tiranës, është një tjetër problem i cili akoma nuk është vënë në rrugën e zgjidhjes, duke patur parasysh argumentet të cilat janë: Kryeqyteti ka sot afro 800 000 mijë banorë dhe rreth 100 deri në 200 mijë të tjerë që hyjnë e dalin gjatë 24 orëve. Pra në territorin e saj qarkullon rreth 1/3 e popullsisë së vendit. Ajo raporton rreth 40% të krimeve në shkallë vendi në vit. Në rrugët e saj qarkullojnë çdo ditë 100 deri në 150 mijë makina. Duke shtuar këtu edhe numrin e madh të institucioneve, aktiviteteve politike, social- kulturore dhe sportive kombëtare e ndërkombëtare, pritje përcjelljet e delegacioneve të rëndësishme të huaja të të gjitha niveleve dhe fushave. Megjithë këto specifika, Policia e Tiranës, ka në përbërje të saj, vetëm 1/6 e numrit të punonjësve të policisë në shkallë vendi. Duket qartë se struktura e policisë së kryeqytetit, nuk është në raport të drejtë me principet bazë mbi të cilat ndërtohet një strukturë e tillë, problem ky që duhet të riparohet menjëherë për t'i dhënë qytetit, numrin e duhur të forcave policore. Këtyre problemeve i shtohet edhe fakti se ka mëse një vit që struktura e Policisë së Tiranës, nuk trajtohet me orë shtesë apo orët e punës në ditët e diela dhe festat zyrtare, e gjitha kjo pas një kontrolli absurd nga një ekip që i penalizon policët në financat e tyre, duke i trajtuar me Kodin e Punës, në kohën kur statusi i policit, është i veçantë. Megjithë korespondencën e gjatë zyrtare, asnjë përgjigje nuk është dhënë, jo më për rritjen e pagave të pranuara nga të gjithë si të ulëta, por as për punën e tyre të papaguar deri tani. Askush nuk kujtohet të ngrejë zërin për këtë, kur dihet se efektiviteti i punës do të bjerë kur dikush nuk paguhet për punën që bën.

KUSH SHKEL LIGJIN
Kushdo duhet ta ketë të qartë se ç'farë do të ndodhë me krimin në Tiranë, po t'i shtosh kësaj situate, edhe shkeljet e ligjit nga ana e drejtuesve të administratës së lartë shtetërore, e deri tek politikanët të cilët në disa raste arrijnë të fyejnë e kërcënojnë policët që kërkojnë zbatimin e ligjit, duke harruar e nëpërkëmbur sakrificën dhe vetflijimin e qindra policëve e familjeve të tyre. Punonjësit e policisë i duhet që në kohë shiu, dëbore, vape e pluhuri jo vetëm të qëndrojnë në kryqëzime, postoblloqe e semaforë ku veç detyrave që rrjedhin nga Ligji "Për Policinë e shtetit", por i duhet të disiplinojnë edhe kapriçiot e disa elementëve shtetërorë, që në vend ta ndihmojnë, gjenerojnë probleme për policinë. Nuk e kuptoj se deri kur do të vazhdojë të shkelet ligji nga ata që po të ishin në ndonjë vend tjetër të botës së qytetëruar, vetëm se kanë një numër të pafund gjobash të papaguara e që nuk kanë ndërmend t'i paguajnë, nuk do lejoheshin të punonin në administratë, pale të uleshin në karriket e Parlamentit. Së shpejti, Drejtoria e Policisë së Tiranës, do të bëjë publike këto lista, për të respektuar mijëra qytetarët e thjeshtë, të cilët vrapojnë për të paguar gjobat, pavarësisht nga kushtet e tyre ekonomike dhe pretendimet që kanë nga ndonjë veprim apo ndëshkim i pamerituar nga ana e shërbimeve të policisë, në rradhët e të cilëve, ka edhe abuzues, të cilët janë ndëshkuar dhe do të ndëshkohen me fuqinë që jep ligji. Të parët, fatkeqësisht bëjnë pjesë në atë kategori "opinionbërësish" që nuk ngurrojnë t'ia faturojnë fajin policisë për ngjarje që ndodhin edhe në shtete më të konsoliduara, duke e etiketuar atë pa prova dhe argumente profesionalë, si të paaftë të veprojë. Por, si mund të jetë rezultative kjo polici, që veç kriminelëve që janë objekti ligjor i punës së saj, i duhet të merret edhe me "engjëjt mbrojtës" të tyre, që në jo pak raste janë personazhet e sipërpërmendur. Si mund të jetë rezultative një strukturë policore kur megjithë sofistikimin dhe fuqinë financiare gjithnjë e më të madhe të krimit, ajo mbetet në gjendje të mjerueshme përsa i përket aspektit logjistik apo mjeteve speciale zbuluese, të cilat pothuaj nuk ekzistojnë dhe që operatorët telefonikë, nuk denjojnë t'i japin akses grupeve hetimore as në rastet kur vritet një Komisar Policie? Si mund të kërkohet efektivitet kur punonjësit e policisë u morën në përgjegjësi penale dhe sot e kësaj dite, vazhdojnë të paguajnë shpërblimet e dhëna për arrestimin e pjestarëve të njërës prej bandave më të rrezikshme të krimit postkomunist shqiptar. Për të mos thënë se ndonjë u la edhe në rrugë të madhe dhe askush nuk u kujtua t'i mbrojë, por edhe u denigruan në mënyrë të çuditshme, pikërisht se arrestuan bandën e rrezikshme. Si mund të përdoren dy standarte për punën dhe efektivitetin e policisë nga ata që kërkojnë privilegje për njerëzit e tyre në rradhët e saj, duke kërkuar pa i'u dridhur qerpiku, vende pune "me përfitime ekonomike", apo pasaporta jashtë rregullave apo deri lehtësira për disa elementë të krimit? Si drejtues i Policisë së Tiranës, mendoj se këto janë disa probleme të cilat duhet të jenë të njohura për komunitetin, që si edhe deri tani, duke njohur hallet tona, të na mbështesë fuqimisht në aksionin tonë për mbajtjen e rregullit, qetësisë dhe luftën për parandalimin dhe goditjen e krimit të të gjitha niveleve dhe natyrave. Pasi këtë e konsiderojmë si një element kyç të filozofisë së punës sonë, që kërkon një reagim në bllok të të gjithë faktorëve dhe në veçanti, të strukturave të shtetit për të hartuar strategji të qarta dhe skema efikase antikrim. Të cilat nuk i delegojnë të gjitha përgjegjësitë vetëm tek policia, por tek të gjitha institucionet dhe faktorët që kanë vullnetin për të realizuar në këtë funksion edhe përmirësime ligjore, logjistike dhe mbështetje financiare me nikoqirllëkun maksimal që lejon buxheti i varfër i shtetit shqiptar. Në kushtet e një vullneti politik të shfaqur vitet e fundit kundër krimit, mendoj se duhet të zbatohen forma dhe metoda pune më profesionale, për t'u përballur me avancimin në progresion rritës të teknikave, kominikimit, transportit, organizimit dhe financave të krimit të organizuar. I cili, me vrasjet e këtij viti në Tiranë dhe në disa rrethe kryesore të vendit, ka treguar se po bëhet një rrezik potencial për demokracinë e brishtë shqiptare dhe strukturat e saj shtetërore.

HESHTJA ESHTE FLORI
Më vjen keq për disa nga kolegët e mij, që megjithëse i njohin dhe kanë mundësinë të ndikojnë për shpejtimin e përmirësimit të këtyre problemeve, janë mbyllur në guackën e burokratit, që më të shenjtë se profesionin dhe misionin, kanë karriket e tyre. Një fjalë e urtë popullore thotë se "heshtja është flori", por kur kjo zbatohet edhe atëherë kur duhet folur, atëherë ajo kthehet në "kapak floriri" për problemet që dalin në çdo fushë të një shoqërie në tranzicion. Aq më pak kjo është e pranueshme, edhe për ndonjë drejtues të lartë, që me paaftësinë e tyre, rrezikojnë ta shndërrojnë strukturën dinamike dhe operative të punës policore, në zyra burokracie ku vetëm firmosen shkresa pafund dhe merren masa disiplinore vend e pavend. Në të kundërt, si një drejtues "i ri" i policisë, i një brezi që është rritur së bashku me demokracinë dhe policinë e pas 1990 në Shqipëri, kam vendosur të guxoj. Duke punuar dhe ruajtur edhe transparencën me taksapaguesit, duke bërë prezent problemet, pavarësisht nga pasojat që mund të vijnë edhe nga ambjentet kriminale, të cilat kemi filluar t'i godasim gjithnjë e më me forcë dhe duke vazhduar të punojmë me të gjithë faktorët, për kapjen dhe vënien e tyre para drejtësisë.

* Autori është Drejtor i Policisë së Prefekturës Tiranë

[Albo]

REAGIMI PAS AKUZAVE TE ZV/MINISTRIT TOSKA

"Politikanët, të lidhur me krimin"
Pse vendosi të "rebelohej" kryepolici i Tiranës

Ferdinand Dervishi

Para dy ditësh në një takim me drejtues të Policisë së Kufirit zv/ministri i Rendit Igli Toska, akuzoi policinë e Tiranës për situatën e rënduar kriminale nisur nga disa vrasje të rënda e të sofistikuara të ndodhura kohët e fundit. Edhe pse në pamje të parë zv/ministri ishte munduar të përgjithësonte problemin, në fjalën e tij dukej qartë shigjetimi i policisë së Tiranës. Një veprim i tillë i zv/ministrit vinte në një kohë kur të paktën në Tiranë shihej një përmirësim i situatës së rendit, duke filluar që nga stabilizimi i situatës kaotike të qarkullimit rrugor, vepër ekskluzive e drejtorit të policisë së Tiranës, Pjerin Ndreu. Një metodë, të cilën ai e kishte zbatuar me shumë sukses në Shkodër. Menjëherë më pas ishte meritë e të njëjtit person sjellja në funksione drejtuese të policisë së Tiranës për herë të parë të një stafi që nuk ishte emëruar, siç kishte ndodhur tradicionalisht nga politikanët, por në bazë të aftësive. Ndërsa lëvizja më e mirë ishte reagimi për herë të parë i policisë së Tiranës nën drejtimin e Ndreut ndaj fenomenit "Hakmarrja për Drejtësi Shqiptare". Pas kapjes së vrasësit të akuzuar të shoferit të kryeprokurorit, policia e Tiranës për herë të parë që nga viti 1996 filloi gjahun ndaj elementëve kriminalë të kësaj organizate, duke thyer mitin e paprekshmërisë së tyre. Por… duket të njohësh dhe të pretendosh se njeh, qenkan dy fraza me kuptime shumë larg njëra-tjetrës. Pikërisht pas këtyre arritjeve të policisë së Tiranës dhe progresit të prekshëm të saj, u dashka të goditen më të guximshmit. Të paktën mesazhi publik i drejtorit të policisë së Tiranës i drejtohet politikës. Duket drejtorit të policisë së Tiranës i ka ardhur në majë të hundës pikërisht nga ndërhyrjet e politikës në punën e policisë, nga lidhjet e saj me krimin deri në ndërhyrjet e saj për favore ndaj krimit. Ndërkohë që janë të njohura të paktën dy incidente të drejtorit të policisë së Tiranës me personazhe të njohur të krimit (në Shqipëri të konvertaur në legalë dhe të paprekshëm si pasojë e lidhjeve me politikën). Personazhe që duket falë këtyre lidhjeve të tyre kanë aksesin të propozojnë në ndonjë nga zyrat e njërëzve më të fuqishëm të shtetit qafëheqjen e njeriut që u është bërë ferrë nëpër këmbë.


Moisiu: Zbuloni lidhjet e politikës me krimin

Ditët e fundit gjatë një takimi presidenti Moisiu i kërkoi Inspektoriatit të Lartë të Kontrollit të pasurive: "Ju duhet të zbuloni lidhjet e politikës me krimin nëpërmjet verifikimit të pasurive të tyre". Presidenti Moisiu ka qenë vazhdimisht kritik ndaj fenomenit të krimit të organizuar dhe masave që duhet të merren ndaj tij.


Ambasadori i SHBA sulmoi baronët e krimit

Gjatë një takimi me studentë të magjistraturës ambasadori amerikan në Shqipëri lëshoi akuza të rënda në adresë të problemeve të shkaktuara nga kriminaliteti në Shqipëri. "Krimi po rrezikon shtetin" ishte alarmi i lëshuar prej trj. Më tej Xhefri kërcënoi ata që i qaujti "baronë të krimit": "Ne e dimë apo do të zbulojmë së shpejti se cilët jeni. Qeveria ime, partnerët tanë europianë ju janë vënë pas…".


Akuzat e ndërsjella mes Nanos dhe Metës

Në zhvillim e sipër të përplasjes së fundit mes dy figurave të njohura të Partisë Socialiste, Fatos Nano dhe Ilir Meta, ka patur akuza të ndërsjella për lidhje me krimin. I pari Nano akuzoi Metën se "ish-kryeministiri është i lidhur me krimin". Një ditë më pas Meta u kundërpërgjigj: "I vetmi njeri i inkriminuar me të cilin kam bashkëpunuar është Fatos Nano".


Sollaku: Nuk ka lidhje të politikës me krimin

Para pak ditësh gjatë një takimi për probleme të krimit të organizuar në Ballkan të mbajtur në Angli, Thoedhori Sollaku, kreu i akuzës shqiptare, tha se prokuroria nuk kishte fakte dhe prova që krimi i organizuar në Shqipëri të ishte i lidhur me politikën. Konferenca ishte në kuadër të orientimeve të lëna nga samiti i Bashkimit Europian në Selanik. Gjithsesi, kreu i akuzës në këtë takim ka ekspeozuar edhe një sërë arritjesh të prokurorisë në luftë ndaj krimit të organizaur.


Akuzat e Pjerin Ndreut

AKUZA 1
Biznesmenë që janë pasuruar me trafiqe ndër vite, kanë… siguruar me milionat e tyre suporte publike edhe me politikanë.

AKUZA 2
Lidhjet e disa eksponentëve të trafiqeve me funksionarë të lartë të administratës shtetërore, drejtësisë dhe politikës u kanë dhënë mundësi atyre të penetrojnë në fushën e investimeve dhe ekonomi, duke tentuar dalëngadalë ndoshta edhe fushën e politikës.

AKUZA 3
(Parlamentarët shkelin ligjet) dhe kanë një numër pafund gjobash të papaguara (të autoveturave) dhe as që kanë ndërmend t'i paguajnë.

AKUZA 4
Policia ndeshet me telefonatat e pafund të politikanëve të cilët kërkojnë privilegje për njerëzit e tyre në polici… apo
deri lehtësira për disa elementë të krimit.


Akuzat e Igli Toskes

AKUZA 1
Ku merr energji krimi duke atentatuar përfaqësues shtetërorë vetëm 100 metra larg Ministrisë së Rendit?

AKUZA 2
Pse policia kriminale është kthyer në një regjistruese e thjeshtë ngjarjesh?

AKUZA 3
Pse autopatrullat "Shqiponja" mbrojnë eskluzivisht biznese private?

AKUZA 4
Pse personat në kërkim gjejnë strehim të sigurtë në Tiranë?

AKUZA 5
Pse kapen shpërndarës të vegjël droge pa mundësuar ngjitjen te grosistët dhe te organizatorët e këtij trafiku?

[Lexuesja]

E mor Pjerin Ndreu ,te lumte ajo dore , per kete artikullin qe ke shkruar. E veçanta eshte se në Shqiperi krimi i jep formë politikes dhe anasjelltas politika i jep formë krimit. Kjo e veshtirson por dhe e lehteson luften ndaj kesaj lidhje. Nese kudo ky bashkepunim eshte i sofistikuar ne Shqiperi lidhjet e tyre dihen
publikisht. Nese i hedh nje sy oborreve te godinave ku jane partite politike mund te shquash me lehtesi se ftyrat e shume personave qe kane profesion kontrabanden, trafiqet, sekserlleqet e çdo lloj pune të piset. Këto ambjente jane kthyer në geto te politikes shqiptare. Turli banditesh kane marre
pozicionime politike dhe iu janë bashkangjitur jetës politike te partive shqiptere. Eshte e kuptushmve qe numrin me te madh e "gezojne" zakonisht partite qe marrin pushtetin. Kjo eshte një mode e re qe ka infektuar te gjitha palet. Nga ana tjeter pasurite,
llogarite bankare dhe shpenzimet maramendese te politikaneve shqiptare jo qe nuk justifikohen me te ardhurat qe ata marrin por madje as me rryshfetet qe fusin ne xhepat e tyre. Ata ne menyre te drejteperdrejte apo te terthorte jane perfshir ne trafiqe dhe krime. Vetem trafiqet mund te krijojne pasuri te tilla dhe t’iu mundesojne avionet charter apo hotelet me pese yje qe ata shpesh preferojnë. Shkeputja e politikes nga krimi nuk mund te ndodh persa kohe ato janë dy ane të se njejtes medalje

[Klevis2000]

I lumte dora se drogen se dini ju kush e shperndan prandaj thoni ju lumte .Se dini qe drogen kane filluar ta shperndajne shefat e policise tani.

[Brari]

PD lindi si Parti e se Mires qe do luftonte te Keqen.

E KEQJA ish regjimi i PPSH-se i cili me politiken 50 vjecare e coj Popullin te varej ne litaret e vaporreve ose ne ate te famshmin Eksod.

Te kerkosh pasterti e moral ne PS qe trashegon pjesen me te keqe te PPSH-se eshte idealizem idiot.
Ps eshte vet Krimi.
Pra i mbetet PD-se te luftoje Krimin e te KEQEN ne Shqiperi.

Por kjo kerkon pune e principialitet te larte.

Psh ne Parlament pash se si Ed Paloka u nxeh me Pellumbin mbi nji ceshtje procedure dhe filloj tu bjeri me shkelm vazove zbukuruese te Luleve ne Podjum te Kuvendit e kaluan nja tre muaj e nuk lexova se Edi kerkoj falje per kte xhest rrugaci apo se PD e denoi gomarllekun e Palokes.

Kjo eshte shenj e keqe qe tregon se kjo Parti nuk di mire se cfar eshte e mira e ska si pritet nga ajo (ne se vazhdon keshtu) qe ajo te luftoj te keqen.

Kto dite ka pas zera ne Mediat e PD-se se Celibashi eshte mik i Bandes HAKMARRJA. Kjo nuk me cudit. Banda Hakmarrja eshte Njesiti Gueril i PS-se dhe cdo Socialist mburret me "heroizmat" e ksaj Bande.
Por PD me kte lloj Celibashi ne krye te KQZ pse hyri ne Votime?

Saliu duhet te bej nje autokritike te forte ne VOTUESIT Demokrate qe atyre tu kthehet Besimi se Saliu nuk i con me Popullin demokrat si Cjapi te Kasapi ne dore te Celibashve e Shytve e Ed Ramave.

Eshte fat qe nje pjese e Rrufjanve kan ikur vet nga Pd sic jan Kurt Kol-selamet, koplik-Isaket.Frrok Cup-Brozet,Tan Hoxh-Rulo-pashket, dash Sheh- Pollot e tritan Praso-Demetet e Neritan Gestapo-Fuksat..

Por Sa ka brenda plehra PD qe nuk kan marre urdher nga Kupola e PS te deklarohen ala nuk e dime.

Pra Krimin nuk e lufton dot as Pjerin Kapterri e as Fadil Can Iglat e as Klos Nanot.

Vetem nje PD e paster eshte shpresa e vetme qe mund te cliroje kte Popull nga kthetrat e Mafies.

A ka fuqi e vullnet PD per vetpastrim?

Dhat is dhe kuescen..

[Fringo]

Postuar më pare nga Brari
A ka fuqi e vullnet PD per vetpastrim?

Dhat is dhe kuescen.. [/B]

Me sa kane treguar bathet?
JO!


Kadiut kur i tregon parane
ters e vertit sheriane.........

[Shpirt Njeriu]

"MBESHTES DELARATAT E AMBASADORIT XHEFRI"

CIA njeh politikanët e inkriminuar
Rama: Trafikantët po financojnë shkarkimet në polici

Ish-ministri i Rendit Luan Rama shprehet për herë të parë pas largimit nga detyra e rëndësishme rreth lidhjes së politikës me krimin, shkarkimeve të pamotivuara të drejtuesve të policisë dhe alarmin se trafikantët e operacionit "Puna" po hakmerren ndaj uniformave blu që i luftuan një vit më parë.

Zoti Rama, drejtori i policisë së kryeqytetit, zoti Ndreu ka denoncuar raportet e krimit me politikën. Ç'do të thotë kjo për ish-ministrin e Rendit?

Ajo çka kumton zoti Ndreu nuk përbën ndonjë të papritur dhe as ndonjë të panjohur. Ai shpreh një shqetësim si qytetar dhe si profesionist, pasi Policia e Shtetit është praktikisht barriera e parë ku përplasen dallgët e raporteve të krimit me politikën, me biznesin apo edhe klanet mediatike. Sakaq më lejoni të bëj një parantezë; a nuk foli për të njëjtën gjë edhe ambasadori amerikan pak kohë më parë, madje me tone shumë më të ashpra?… Gjej rastin të konfirmoj se gjithçka që tha ambasadori amerikan është një e vërtetë e dhimbshme që duhet përballuar, është një sfidë që kërkon angazhim real dhe veprim konkret. Dhe kjo nuk është detyrë vetëm e Policisë së Shtetit, e cila për hir të së vërtetës po punon me përkushtim e profesionalizëm të admirueshëm. Ajo duhet mbështetur, duhet inkurajuar, duhet motivuar. Le t'u referohemi për shembull vetëm zgjedhjeve të 12 tetorit; a nuk dëshmoi Policia profesionalizëm e korrektesë shembullore? Unë nuk do të hezitoja ta vlerësoja atë, pra Policinë e Shtetit, shumë më të emancipuar se sa pjesa dërrmuese e klasës politike.

Zoti Rama, ju u shprehët se gjithçka që ka thënë ambasadori amerikan për baronët e krimit është e vërtetë…

Të njëjtën gjë, në thelb, kam thënë unë disa muaj më parë në Kuvend. Me ambasadorin Xhefri kemi ndarë së bashku të njëjtin informacion, të njëjtin shqetësim dhe të njëjtin angazhim. Prandaj unë e vlerësoj shumë të drejtë apelin e tij dhe mesazhin që buron prej thelbit të një qëndrimi të përfaqësuesit të një vendi dhe qeverie mike të Shqipërisë siç është qeveria e SHBA-së. Nuk është më sekret që në mjedisin politik ka interferenca të klaneve kriminale, që në mjedisin mediatik kanë akses biznese të inkriminuara dhe individë të infektuar në veprime abuzive e të paligjshme. Shumë syresh mund t'i gjeni rëndom nën shoqërinë e disa politikanëve të cilët në jo pak raste janë të sponsorizuar prej tyre.

Pas largimit tuaj po kryhen disa lëvizje të titullarëve. Si i vlerësoni ato?

Nuk kam informacion të plotë se mbi ç'bazë kanë gjykuar strukturat e emërtesës, por di të them që ka veprime të nxituara, të orientuara mbi thashethemet e ndonjë individi në Drejtorinë e Përgjithshme të Policisë dhe jo të gjykuara mbi bazën e treguesve në punë. Ndërkaq nuk dua të besoj të jetë e vërtetë që për shkak të riaktivizimit të trafikantëve të goditur gjatë operacionit "Puna, (të cilët i sheh të qarkullojnë lirshëm edhe në lokalet e Tiranës) dhe të parave që ata ofrojnë, të mund të lëvizin apo ndëshkohen pa motiv ata punonjës dhe drejtues së policisë që e bënë atë operacion të suksesshëm, duke i dhënë Shqipërisë pasaportën e vendit të suksesshëm në luftën kundër trafikut në Adriatik.

Ju flisni gjithnjë për lidhje të krimit me politikanë apo edhe biznese mediatike, por megjithatë nuk përmendi emra?

Unë shpreh më së pari një shqetësim qytetar dhe gjithçka që thashë mund të ta argumentoj edhe me emra konkretë, të cilët janë të njëjtët që herë pas here komentohen edhe midis gazetarëve, por që për shkak të pushtetit të pronarëve, ata nuk mund t'i thonë në mediat në të cilat punojnë. Unë nuk mund të abuzoj me informacione që i kam mësur për shkak të detyrës, por di të them që janë informacione që disponohen nga shërbime të specializuara të shtetit dhe nga agjenci të huaja partnere të shërbimeve tona. Ajo që duhet bërë është bashkëpunimi më i ngushtë, në mënyrë të veçantë, midis policisë dhe prokurorisë, që informacionin e dosjeve të gjurmimit policor, apo ato që disponojnë shërbimet informative të kthehen në dosje penale.


Xhefri ishte në dijeni të grupeve kriminale shqiptare

Ambasadori amerikan Xhejms Xhefri zgjodhi një seminar në shkollën e Magjistraturës për të denoncuar rrezikun serioz që i kanosej Shqipërisë për shkak të fuqizimit të krimit të organizuar. Një lidhje që po vë në rrezik edhe integrimin e vendit në strukturat europiane. Por diplomati amerikan nuk harroi të tregonte se kishte prova për këto grupe kriminale dhe se shumë shpejt përgjegjësit do të ndëshkoheshin. Të njëjtën deklaratë, do të kryente një ditë më vonë edhe ambasadori gjerman në Tiranë. Një provë e mëtejshme, se shërbimet e huaja ishin në dijeni të mjaft fakteve kompromentuese që rëndonin mbi shpinën e politikanëve shqiptarë.


Ndreu akuzoi një ditë më parë lidhjet e politikës me krimin

Një ditë më parë në një letër të hapur për Gazetën, Drejtori i Policisë së Tiranës akuzoi politikën për lidhje me krimim e organizuar. Sipas Ndreut: "Lidhjet e disa eksponentëve të trafiqeve me funksionarë të lartë të administratës shtetërore, drejtësisë dhe politikës u kanë dhënë mundësi atyre të penetrojnë në fushën e investimeve dhe ekonomi, duke tentuar dalëngadalë ndoshta edhe fushën e politikës". Ndreu në letrën e tij fshikullonte edhe parlamentarët, të cilët ishin të parët që shkelnin ligjin me të dyja këmbët. Sipas Ndreut ata kanë një numër të madh gjobash të papaguara të automjeteve të tyre, të cilat as që kanë ndërmend t'i paguajnë. Po sipas Ndreut politikanët ishin të parët që kërkonin privilegje, qoftë për njerëzit e tyre, qoftë për persona të lidhur me krimin.

[Albo]

Europol hap dosje mbi grupet kriminale shqiptare

Grupet kriminale shqiptare pritet të forcohen edhe më shumë në të ardhmen

Erisa Zykaj,
Korrespondente nga Brukseli

Përmes korrupsionit, apo përballë premtimeve për një të ardhme më të mirë, disa ballkanas angazhojnë persona të tjerë në veprimtari kriminale, apo bëhen vetë pre e krimit. Këto elemente kriminale do të shkaktojnë defiçitet e situatës politike, ekonomike dhe sociale, duke penguar zhvillimin normal të reformave demokratike dhe ekonomike në vendet e tyre. Kjo është tipike në vende me një qeveri jostabël, siç është Shqipëria apo Maqedonia. Ku veprojnë grupet kriminale shqiptare dhe karakteristikat e tyre Në raportin vjetor që Europoli ka hartuar për veprimtarinë e grupeve të krimit të organizuar në Evropë, flitet në një pjesë të mirë për grupet shqiptare që janë të përfshira në krimin e organizuar. Raporti nuk ka veçuar krimin e organizuar në Shqipëri, Kosovë apo Maqedoni, por e ka trajtuar problemin në këndvështrimin e shqiptarëve etnikë, duke përshirë kështu veprimtarinë e përgjithshme kriminale dhe të organizuar shqiptare. "Grupet shqiptare zhvillojnë veprimtarinë e tyre nëpërmjet shteteve anëtare të Bashkimit Evropian, ashtu si edhe nëpërmjet shteteve kandidate dhe Norvegjisë". Ky është prezantimi që bëhet për grupet shqiptare në raportin e Europolit.

Europoli ka vënë në pah karakteristikat më kryesore të grupeve kriminale shqiptare. Ai u ka dhënë një rëndësi të veçantë lidhjeve familjare që ekzistojnë midis këtyre grupeve, duke thënë që përveç lidhjeve ekskluzive tradicionale që ekzistojnë midis grupeve shqiptare, vihet re një rritje e kontaktit të grupeve shqiptare me grupe të tjera, por edhe në këto raste ekzistojnë marrëdhënie familjare midis tyre. "Ajo që vlen për t'u theksuar është fakti, se nëse deri tani grupet kriminale shqiptare kanë shërbyer më shumë për të lehtësuar funksionimin e veprimtarive të ndryshme kriminale, sikurse dhe për të ofruar serviset e tyre, tani këto grupe janë duke marrë një pjesë të mirë të tregut të krimit, duke u pajisur më parë me njohuritë e duhura" thuhet fjalë për fjalë në raportin e Europolit.

Rasti konkret për këtë është zotërimi i tregut të krimit në Britaninë e Madhe, apo të tregut të heroinës në shtetet anëtarë të BE, i cili tashmë ka kaluar nga duart e turqve në duart e shqiptarëve. Gjithsesi, në raport thuhet se turqit vazhdojnë të kontrollojnë trafikun e heroinës në një numër të konsiderueshëm të shteteve anëtare. Nga ana tjetër Europoli sqaron se edhe pse grupet e shqiptarëve kanë gjithnjë e më shumë tendencën të marrin rolin e kapove, ata në shumë raste nuk e braktisin rolin e tyre të fillimit, që është ai i kryerjes së shërbimeve të ndryshme brenda rrjetit kriminal. "Për shembull shqiptarët po veprojnë si ndërmjetës për grupet kriminale kolumbiane, të cilët janë angazhuar në trafikun ndërkombëtar të kokainës" ilustrohet në raport. "Grupet shqiptare krimininele përdorin nje dhunë të jashtëzakonshme, veçanërisht kur ato janë në konkurrencë me grupe të tjera kriminale" citohet në raport. Në përgjithësi, grupet kriminele përfitojnë nga situata ekonomike dhe politike në brendësi të vendeve jashtë Bashkimit Evropian, për të lehtësuar veprimtarinë kriminale, kryesisht në vendet e origjinës apo tranzitit. Përballë premtimeve për një të ardhme më të mirë, apo përmes korrupsionit, persona të veçantë angazhojnë persona të tjerë në veprimtari kriminale, apo bëhen vetë pre e krimit. Këto elemente kriminale do të shkaktojnë defiçitet e situatës politike, ekonomike dhe sociale, duke penguar zhvillimin normal të reformave demokratike dhe ekonomike në këto vende. Kjo është tipike në vende me një qeveri jostabël, siç është Shqipëria dhe Maqedonia.


Me çfarë krimesh merren grupet kriminale shqiptare dhe si i kryejnë

Grupet kriminale shqiptare sipas raportit janë në shumicën e rasteve të përfshirë në trafikun e qenieve njerëzore dhe të drogës. Por nëse kohët e fundit shqiptarët tashmë nuk përmenden për trafik të qenieve njerëzore, ata përmenden pothuajse në të gjithë raportin për trafikun e drogës, të llojeve të ndryshme të saj. Shqiptarët eksportojnë marijuanë nëpërmjet Italisë në Hollandë, Rusi dhe shtete të tjera. "Shqiptarët dhe afrikanët janë të përfshirë në shpërndarjen e kokainës në disa shtete të BE. Ata janë duke marrë edhe një pjesë të mirë të tregut të shpërndarjes së kanabis, duke siguruar në të njëjtën kohë edhe prodhimin e kësaj droge në Shqipëri," thuhet në raportin e Europolit. Por shqiptarët përmenden edhe përsa i përket përfshirjes në përdorjen e automjeteve të krimit, siç janë vjedhja e makinave të ndryshme. Sipas raportit, shqiptarët marrin pjesë jo vetëm në vjedhjen e automjeteve që shërbejnë për aktivitete kriminale, por Shqipëria përmendet njëkohësisht si destinacion i këtyre automjeteve të përfshira në rrjetin e kriminalitetit.

Në raportin e Europolit thuhet se grupet kriminale shqiptare bashkëpunojnë në përgjithësi me grupet kriminale italiane dhe ato belge. Por, sipas të dhënave që zotëron Europoli, grupet kriminale shqiptare kanë intensifikuar bashkëpunimin e tyre në mënyrë të veçantë me kolumbianët. Europoli ofron një panoramë të qartë të hapësirave, nëpërmjet të cilave zhvillohet veprimtaria kriminale e grupeve të ndryshme, si ajo e shqiptarëve. Këto grupe përfitojnë nga qarkullimi i lirë i personave dhe i mallrave në tregun e brendshëm të Bashkimit Evropian. "Këto grupe kriminale, duke shfrytëzuar liritë që ofron tregu i brendshëm i BE, bëhen shumë aktivë në kufijtë e shteteve anëtare të BE me njëra tjetrën dhe aktualisht po bëhet gjithnjë e më e vështirë t'i zbulosh, kontrollosh, apo t'i ndjekësh" thuhet në raport. Europoli e lidh vështirësinë e zbulimit të këtyre grupeve edhe me lidhjet që ekzistojnë midis tyre dhe familjeve shqiptare, të cilat janë vendosur prej kohësh në shtetet anëtare të BE dhe që i furnizojnë këto grupe me të dhëna. Grupet shqiptare konsiderohen si një rrezik për transportimin e krimit në shtetet anëtare të BE, pasi sipas Europolit, ato do të rrisin fuqinë e tyre në të ardhmen, duke u bërë kështu zotëruese të tregut të krimit në BE, ose në pjesë të veçanta të krimit.


3 dosje të hapura mbi grupet kriminale shqiptare

Europoli kërkon që të kryejë operacione për luftën ndaj trafikut të drogës në rajonin e Ballkanit, ku vendet kryesore janë Shqipëria dhe ish Jugosllavia. "Për të pasur sa më shumë suksese në këto operacione, rekomandohet identifikimi i aktiviteteve në grupe të ndryshme pune individuale të veçanta midis Europolit dhe shteteve anëtare" i drejtohet Europoli Këshillit të Ministrave të BE dhe më konkretisht ministrave të drejtësisë dhe atyre të brendshëm të të pesëmbëdhjetëve dhe së shpejti të 25-ve.

Në raport është paraqitur inisiativa e presidencës italiane kundër luftës së drogës, duke synuar Shqipërinë si shënjestër. "Italia ka propozuar gjithashtu edhe një rezolutë për trajnimin e përbashkët të oficerëve që punojnë kundra drogës" vënë në dukje burimet e Europolit. Europoli ka prezantuar gjatë këtyre kohëve 22 projekte operacionale, 18 prej të cilave kanë të bëjnë me krijimin e dosjeve të punës analitike. 3 prej këtyre dosjeve pritet të hapen momentalisht në fushën e pastrimit të parave, korrupsionit dhe terrorrizmit lidhur me grupet kriminale shqiptare. Bisedime paraprake po zhvillohen midis Europolit dhe autoriteteve shqiptare për luftën ndaj grupeve kriminale.

[Albo]

DROGA LARGOI PJERIN NDREUN

Anila Prifti

Tirane - Firmos dorezimin e cdo materiali te lene ne zyren e tij, dergon zarfin ne tryezen e Igli Toskes dhe largohet per ne banese. Kryekomisar Pjerin Ndreu, Drejtor i Policise se Tiranes, oreve te para te dites se djeshme, paraqiti doreheqjen. Shkresa zyrtare, ne te cilen behej prezent arsyeja e doreheqjes se parevokueshme, mberriti ne zyren e Ministrit te Rendit Publik, Igli Toska. Gjithcka qe lidhet me motivet e ikjes se kryepolicit te Tiranes, i cili drejtoi per me shume se 8 muaj, mbeti vetem ne ate leter.

Ndonese nje nga kuadrot me te suksesshem te Policise se Shtetit, Pjerin Ndreu ne deklaraten e tij vuri ne dijeni kreun e rendit per moskthim prapa ne sipermarrjen qe e beri te linte Drejtorine e Policise se Tiranes.

Vetem nje dite me pare punonjes te Ministrise se Rendit Publik tregojne per takimin mes Ndreut dhe Toskes. Takim i realizuar me dialog te ashper qe kishte per qellim zbardhjen e enigmes qe lidhet me emrin e Ndreut ne "listen e zeze". Kryekomisari i ka kujtuar eprorit te tij pamundesine "per t'i zbehur profesionin dhe karrieren". Nga ana e Toskes thuhet se nuk ka patur ndonje deklarate prej Ministri te Rendit Publik.

Ndreu, edhe pse e pranoi kete post ne nje kohe kritike per uniformat e kryeqytetit, behet drejtori i pare i Policise se Tiranes qe jep doreheqjen. Te gjitha burimet kycin informacionin ne lidhje me vendimin e tij. Mesohet se filluan peshperitjet e para te emrave qe mund te ulen ne karrigen e lene bosh. Nga burime jozyrtare mbreme u perfolen emrat: Tonin Voci, Sokol Bizhga dhe Nuredin Bega.



Shkaku dhe dyshimet e doreheqjes

"No coment" ishte fraza qe pasoi kerkimin e shkakut te ikjes nga drejtimi i uniformave te Tiranes te Pjerin Ndreut. Duket sikur gjithcka do te mbetet ne ate shkrese, qe iu paraqit Igli Toskes, por, nuk vonohet te mblidhen edhe dyshimet qe cojne ne arsyet e nje ikjeje pa kthim.

Burime konfidenciale policore saktesojne se nje prej tyre, e pasuar me doreheqje te pakundershtueshme, lidhet edhe me sukseset e tij. I njohur si nje nga drejtuesit e pakte i pajisur me aftesine e ruajtjes se pozicionit te tij ne lidhje me eproret, Pjerin Ndreu mundi te realizoje edhe aksione ku dyshohet te jene prekur edhe interesa te "medhenjsh". Burimet e mbeshtesin kete me zbulimin e linjes se droges me Greqine, te cilen Ndreu e realizoi vetem pak dite me pare. Nje aksion i bujshem ne krye te te cilit ishte vete, ndoshta qe nga menyra e startimit per te mundesuar zbulimin, beri te kapen 17 kg heroine e paster dhe te arrestohen 4 persona. Pervec ketyre provave, Ndreu beri te mundur shkaterrimin e nje linjeje, e cila nuk sherbente vetem per transport udhetaresh drejt tokes helene. Burime konfidenciale tregojne se shtetasi grek i vene nen dyshimet e forta te implikimit ne trafikun e droges deri pak kohe me pare eshte njohur si njeri i afert shoqeror, i par` ne kafenete, darkave dhe drekave me njerez te larte te Qeverise.

Perfshirja ne listen e shkarkimeve

Emri i kryekomisar Pjerin Ndreut, u skalit ne listen e personave qe prisnin ndeshkimin e firmes se Toskes. Ndonese uniforma me nje karriere te shkelqyer policore, drejtor ne disa qarqe, pse jo edhe mjaft problematike, nje nga funksionaret qe u ngjit lart ne hierarkine e Policise se Shtetit nuk kishte se si t'i shpetonte nismes se te sapoardhurit ne krye te dikasterit blu. Ndoshta perfshirja ne listen e atyre qe duhej te flijoheshin ne emer te pastrimit te radheve te policise nga te inkriminuarit, do te konkretizohej menjehere me emrat e tjere te shkarkuar apo te perjashtuar. Shtyrja e Ndreut kishte edhe nje favor tjeter, pasi zv/ministri duhej te behej minister te besonte ne forcen e firmes dhe te vules.

Ndreu ne polici

Erdhi ne krye te policise se Tiranes, ne momentin kur nje zone e kryeqytetit i beri rezistence konkretisht kesaj policie. Madje ne nje perballje qe do te mbahet gjate mend ne bashkejetesen e dy komponenteve te asaj beteje ne uren e Kamzes, emri i Ndreut u perfol si zgjidhesi i krizes. U vendos nje dialog, ku i komanduari, i cili la postin e numrit dy te Policise se Shtetit, per t'u vendosur aty, mori persiper zgjidhjen e probleme te banoreve qe lekunden forcen e rendit te Tiranes.

Me pas, duke qene ne krye te kesaj policie, si drejtor, kryekomisari mori pjese ne disa aksione, per kapjen e emrave te shenjestruar nga policia. Pervec asaj cka arriti ne 8 muajt e te qenurit kryepolici i metropolit shqiptar, pozicionet e Ndreut ne Policine e Shtetit njihen. Drejtues ne disa rajone si ajo e Lezhes, Shkodres dy here, Gjirokastres. Vendoset me pas ne krye te uniformave te kufirit, per te pasuar karrieren e tij si nendrejtor i Policise se Shtetit, njekohesisht edhe kryetar i komisionit te gradimit, i realizuar ne majin e vitit te kaluar. E megjithe karrieren e tij drejtuese ne polici, nuk u perjashtua nga lista e krereve qe duhej te iknin nga radhet e kesaj policie.

[ALBA]

Karriera e kryekomisar Pjerin Ndreut
Karriera e njeriut qe deri dje ne mengjes drejtoi blute e kryeqytetit, ka nisur vrullshem ne vitin e trazirave dhe bandave te vitit 1997. Ne qershor te atij viti ai emerohet shef i komisariatit te Lezhes, ndersa mbante graden Major. Per nevoja te ngutshme, ish-ministri i Rendit e transferon ne krye te komisariatit nr.1 ne Tirane, ne gusht te po atij viti. Puna e tij ne kete njesi policore ra shpejt ne sy te ministrit te Rendit, qe ne fund te vitit 1998, e emeron ne krye te Policise se Qarkut te Gjirokastres, ku edhe merr graden nenkolonel. Kete detyre e ka mbajtur deri ne fund te vitit pas ardhes. Ne vitin 1999, emerohet ne krye te policise se Shkodres. Ne krye te kesaj drejtorie Pjerin Ndreu, u rikthye serish ne prill te vitit 2001, per shkak se krimi i vrasjes kishte marre permasa shqetesuese. Ne fillim te vitit 2000, merr detyren e Drejtorit te Policise se Kufitare, kohe kur merr graden e re ate te kolonelit. Ardhja e Stefan Cipes ne krye te ministrise se Rendit, e sjell ate ne postin e zevendesdrejtorit te Pergjithshem te Policise se Shtetit. Kulmin karrieriera e Pjerin Ndreut e kap me 19 Gusht te dy viteve me pare, kur komandohet ne krye te policise se Shtetit, per pak jave. Tete muaj me pare, ai erdhi ne krye te policise se Tiranes, me miratimin e kryeministrit Nano.

Tete muajt e Ndreut ne krye te Policise se Tiranes

30 prill 2003, negocion me protestuesit ne Bathore dhe arrin te "thyeje" protesten pas bisedimeve me kreret e tyre

1 maj 2003, komandohet ne krye te Policise se Tiranes

7 maj 2003, Drejtoria e Policise se Qarkut te Tiranes dekorohet nga Presidenti i Republikes

9 maj 2003, arrestohet Ardit Dusha 33 vjec nga Tirana,pasi nga kontrolli i bere ne banesen e tij u kapen e u bllokuan 250 gr heroine

15 korrik 2003, zbulohet autori i pare i vrasjes se priftit spanjoll Joakim Bernardo. Policia arreston ne saje te gjurmeve te gishtave, Eduart Kecin

19 korrik 2003, arrestohet bosi i trafikut te njerezve me viza false, Fatos Alla.

22 shtator 2003, arrestohen Astrit Dinoshi, Alban Strober, si dhe dy anetare te Forcave Speciale. Nje I trete shpallet ne kerkim. Ata u akuzuan, per venie gjobe te pronarit te Restorant "E'Spanja" Roland Ziu

22 tetor 2003, arrestohet Edmond Llagami, 30 vjec. Akuzohet si vrases i dyte i priftit spanjoll. Vrasja pothuajse e zbardhur

12 tetor 2003, Policia e Tiranes arrin te menaxhoje mrekullisht zgjedhjet vendore te zhvilluara ne kryeqytet. Gjate kesaj dite, nuk u rregjistrua asnje incident mes policise dhe komisionereve te ndryshem

30tetor 2003, Arrestohet ne banesen e saj, Imelda Tasho. Ne njejten dite, ne Bruksel te Belgjikes arrestohet edhe Altin Arapi, i fejuari i saj. Ata akuzohen per vrasjen e Genci Sines, ish- shofer iProkurorit te Pergjithshem, me 29 shtator 2003.

20 nentor 2003, arrestohet Altin Lame. Policia dyshon se ai eshte pjesmarres ne masakren e Vasil Shantos ne shkurt te vitit 2000. Ai hetohet tashme nga prokuroria e Tiranes edhe per vrasjen e Alban Celes, djalit te ish- ministrit te Drejtesise, sot dekan I Fakultetit Juridik Kudret Cela.

25 nentor 2003 arrestohet Lavderim Tufa. Akuzohet per vrasjen e Fatmir Rames dhe nje grabitje ne Berat dhe Tirane. Policia dhe prokuroria dyshojne se ai eshte nje nder ekzekutoret e Fatmir Rames.

4 nentor 2003 Policia e kryeqytetit arrestoi dy persona te cilet kishin ne automjetin e tyre 5 kg heroine

22 dhjetor 2003 Arrestohen tre persona, ndersa policia bllokon 17 kg heroine te paster ne linjen e autobuzit Tirane- Athine

5 Janar 2003 Jep doreheqjen nga detyra e Drejtorit te Policise se Qarkut