Debohen islamiket nga Shqiperia..

[LONDON-TIRONC]

DYSHIME PER LIDHJE TE TYRE ME ORGANIZATA TERRORISTE

11 islamikë shpallen "non grata"
Të padëshiruarit nga Egjipti, Algjeria dhe Arabia

TIRANE

Njëmbëdhjetë shtetas me origjinë arabe janë shpallur të padëshirueshëm në Shqipëri. Lajmi është konfirmuar zyrtarisht nga Drejtoria e Informacionit në Policinë e Shtetit, si dhe nga Drejtori i Policisë së Rendit Avni Jashellari. Moslëshimi i lejeve të qëndrimit për këta persona është bërë pas verifikimit të dokumentacionit të paraqitur prej tyre, si dhe nga informacionet e servirura nga shërbimet e huaja, të cilat bashkëpunojnë me autoritetet shqiptare në kuadër të luftës kundër terrorizmit. Personat e mësipërm janë cilësuar si të padëshirueshëm për të qëndruar në territorin shqiptar, për shkak të problemeve në dokumentacion, të dyshimeve mbi aktivitetin dhe të kaluarën e tyre. Këta shtetas janë kryesisht misionarë në shoqata fetare islamike ose punonjës në biznese private.

Verifikimi
Burimi zyrtar në Drejtorinë e Përgjithshme të Policisë tha se "struktura përkatëse në Drejtorinë e Policisë së Rendit ka verifikuar të gjitha lejet e qëndrimit për shtetasit e huaj rezidentë në Shqipëri, si dhe ka bërë rinovimin e lejeve të qëndrimit për të gjithë ata që nuk janë vërejtur me probleme në dokumentacion apo dyshime në veprimtarinë e tyre. Mosrinovimi i lejeqëndrimit për 11 shtetasit me origjinë arabe, kryesisht nga Egjipti, Algjeria dhe Arabia Saudite, është bërë duke u mbështetur edhe në informacionin e servirur nga SHISH-i". Në kuadër të luftës kundër terrorizmit ndërkombëtar, Shërbimi i Antiterrorit i SHISH-it i ka paraqitur Policisë së Shtetit të gjithë informacionin e siguruar nga agjentura e tij, si dhe të servirur nga shërbimet e huaja homologe për shtetasit e huaj me origjinë arabe që kërkojnë të qëndrojnë legalisht në territorin shqiptar.

Islamikët
Pas aplikimit që kanë bërë në polici, për të gjithë shtetasit e huaj me origjinë arabe që kërkojnë të qëndrojnë në Shqipëri, është bërë verifikimi i dokumentacionit dhe arsyet pse ata kërkojnë të qëndrojnë në Shqipëri. Aplikimi për leje qëndrimi nga shtetasit e huaj bëhet çdo vit për dy vitet e para të qëndrimit dhe më pas, për t'u krijuar lehtësira, çdo 5 vjet. Sipas burimeve të policisë, rezulton se për disa nga personat e mësipërm ka pasur informacione për lidhje të dyshimta të tyre me organizata ekstremiste islamike. Në të gjitha rastet kur janë konstatuar dyshime mbi aktivitetin apo të kaluarën e këtyre shtetasve, është vendosur mosmiratimi i kërkesës së tyre. Një vendim i tillë i konsideron këta të huaj persona të padëshi-rueshëm në Shqipëri. Identiteti i 11 personave të mësipërm nuk është publikuar nga Policia e Shtetit, për shkak të natyrës së veçantë të informacionit dhe të ruajtjes së privacisë. A.Hoxha


Komiteti i Kulteve: "Janë larguar 6 shoqata islamike"

Shoqatat e fondacionet islamike e arabe të dyshimta, nuk kanë gjetur tokë të begatë në Shqipëri. Sipas një prononcimi për Gazetën të Fatri Sinanit, Kryetarit të Komitetit Shtetëror të Kulteve, në vitin 2003 janë regjistruar 6 shoqata më pak se një vit më parë. Sipas Sinanit largimi i tyre është kondicionuar nga mangësi në dokumentacion dhe liçensim. Por dihet se largimet janë për të tjera shkaqe. Terreni jomikpritës ndaj tyre u krijua pas vitit 1998, kur në Elbasan dhe në Tiranë u zbulua një celulë e Xhihadit Islamik Egjiptjan. Një tjetër "fushatë" pasoi pas sulmit të vitit 2001 ndaj kullave binjake në Nju Jork. Në listën e zezë të Departamentit Amerikan të Shtetit ishin edhe fondacione që kishin degë në Shqipëri, "Al-Haramain", "Organizata Botërore e Ndihmave Islamike", "Ringjallja e Trashëgimnisë Islamike", dhe "Al Waffk". Shteti shqiptar dëboi në vitin 2001 nga këto shoqata 5 punonjës së bashku me familjet (rreth 16 vetë).


Arabia Saudite bllokon fondet e "Al-Haramain"

Arabia Saudite ka bllokuar fondet e disa organizatave islamike që kanë degët e tyre në vendet arabe, por edhe në Ballkan, nën akuzën se financojnë rrjetin terrorist Al-Kaeda. Dje, agjencitë e huaja të lajmeve si dhe shtypi saudit njoftoi se Riadi ka bllokuar fondet e fondacionit islamik "Al Haramain", që ka degë në Shqipëri, Kosovë, Bosnjë, Indonezi, Kenia, Pakistan, Tanzani dhe Holandë. Fondacioni ishte përfshirë prej kohësh edhe në listën e zezë të SHBA-së dhe vendimi është marrë nga autoritetet e larta saudite pas një kërkese të bërë nga Departamenti amerikan i Shtetit. Këshilltari diplomatik i trashëgimtarit të fronit saudit, Adel el-Xhubeir, pohoi se ekzistojnë dokumenta që provojnë se fondacioni, me rreth 50 milion dollarë të ardhura në vit, financonte rrjetet terroriste, sipas gazetës "Saudi Times". Po sipas kësaj gazete, në listën e zezë të organizatave që financojnë terrorizmin janë edhe disa fondacione të tjera islamike, por emrat e tyre nuk janë bërë të ditura ende. Të gjitha llogaritë bankare të këtyre fondacioneve do të grumbullohen dhe do të kontrollohen imtësisht nga një komision i posaçëm saudit.


ISLAMIKET

28 QERSHOR 1998
Kapen Ahmed Ibrahim El Naggar, me pseudonimin Muhamed Fonda, 39 vjeç, dhe bashkëpunëtori i tij në fondacion, Mohamed Hasan Mahmud (alias Moget Mustafa), 36 vjeç.

24 TETOR 1998
Vritet në shtëpinë e gruas shqiptare, Selam Muhamed Omar El Said, një tjetër i dyshuar për lidhje me "Xhihad". Gjatë aksionit plagoset njëri prej drejtuesve të RENEA.

JANAR 1999
Prangoset inxhinieri shqiptar Maks Çiçiku, i cili akuzohej se kishte përgjuar lëvizjet e ambasadores amerikane Mariza Lino. Pas arrestimit të tij, u vendosën masa të rrepta kontrolli.

15 SHKURT 1999
Arrestohet iraniani Mohamed Nexhip Jashim dhe siriani Abdyl Mahem, të cilët kishin falsifikuar nënshtetësinë për t'u futur pa vizë në Shqipëri. Nuk dihet nëse kishin lidhje me terrorizmin.

13 NENTOR 1999
Shpallet "non grata" jordanezi Abdyl Latif Saleh. Jetonte në kryeqytet, si drejtuesi i katër fondacioneve fetare dhe njëkohësisht kishte lidhje edhe me biznesin e ndërtimit në Tiranë.


Gazeta Shqiptare 4-6-04

[Lefter]

Shemso mduket tu paskan dhimt shum keta qe kokan debuar, ,,ata,, po te kishin pasur lidhje me te vogel me terorizmin eshte 100% e sigurt s nuk ishin debuar ,por ishin derguar direkt ne GUANTANAMO ,po neise mire ju paskan bere mbasi kane qene aq hamshora qe t'i ndihmojn popullit pa ditur se me kend kan pune,hajt shnet.

[Raku]

........

[altin55]

Debohet Nga Shqiperia Dhe Nje "islamik" Me Emrin

"Apostol Skaka "

TANI DO DEBOJNE DHE PRIFTERINJTE E 17 NENTORIT OSE GRUPET NDIHMUESE TE MILOSHEVICIT PO KESHTU DHE ORGANIZATAT EVANGJELISTE SE SHPEJTI DO IA MBATHIN NGA SHQIPERIA PERVEC TRE FEVE KOMBETARE
ISLAMIT KATOLICIZMIT KRISHTERIMIT ORTODOKS SHQIPTAR DHE JO GREK.tE TJERET DO DEBOHEN NGA KOMUNITETI I KULTEVE JANE NDIKUES NE RRITJEN E PERCARJES NE SHQIPERI KETO SE SHPEJTI DOP TA VENDOSIN TE TRE KOMNUNITETE FETARE SHQIPTARE NE VEND .

[Labeati]

PO KESHTU DHE ORGANIZATAT EVANGJELISTE SE SHPEJTI DO IA MBATHIN NGA SHQIPERIA PERVEC TRE FEVE KOMBETARE
ISLAMIT KATOLICIZMIT KRISHTERIMIT ORTODOKS SHQIPTAR DHE JO GREK.tE TJERET DO DEBOHEN NGA KOMUNITETI I KULTEVE JANE NDIKUES NE RRITJEN E PERCARJES NE SHQIPERI KETO SE SHPEJTI DOP TA VENDOSIN TE TRE KOMNUNITETE FETARE SHQIPTARE NE VEND .

Natyrisht por mbasi te na sjellesh ndonje fakt se keto organizata planifikojne te vene ndonje bombe apo te hedhin ndonje ambasade ne ere ketu apo ne ndonje vend arab.
Kush e paska monopolin e besimit ketu ne Shqiperi, qe u percakton shqiptareve colen fe u lejohet te besojne e cilen jo?
Po per ateiste apo laiket cfare te ardhmeje po u rezervon? Mbase edhe keto percajne duke share fene?!

[Lefter]

Natyrisht por mbasi te na sjellesh ndonje fakt se keto organizata planifikojne te vene ndonje bombe apo te hedhin ndonje ambasade ne ere ketu apo ne ndonje vend arab.
Kush e paska monopolin e besimit ketu ne Shqiperi, qe u percakton shqiptareve colen fe u lejohet te besojne e cilen jo?
Po per ateiste apo laiket cfare te ardhmeje po u rezervon? Mbase edhe keto percajne duke share fene?!

Po kush te tha ty qe ,,keta,, te debuar jane terorist???Pse i thua ti terorist njerzve pa e ditur se kush jane,po te kishin qene terorista siq i thuan ata ishin vure ne burg per t'u keqtrajtuar sikur ata ne ,,ABU GARIB,, e jo vetem te debohen,mua thjesht ky vendim me duket i ciditshem???!!!

[LONDON-TIRONC]

JORDANEZI TENTOI TE TRANSFERONTE 2.4 MILIONE EURO

Bllokohet llogaria e "Al Kaedas"
Drejtoria e Pastrimit të Parave denoncon në prokurori


--------------------------------------------------------------------------------

Artan Hoxha


TIRANE

Bllokohet llogaria bankare prej 2.4 milionë eurosh e njeriut të dyshuar për lidhje me organizatën e kreut të terrorizmit ndërkombëtar, Osama Bin Laden. Drejtoria për Parandalimin e Pastrimit të Parave në Ministrinë e Financave ka depozituar në prokurorinë e rrethit Tiranë denoncimin për një llogari bankare të bllokuar në një bankë të nivelit të dytë. Burime nga Ministria e Financave, nga e cila varet ky organ i specializuar për pastrimin e parave pohuan se "është kërkuar nisja e hetimeve nga prokuroria për të zbuluar origjinën nga rrjedhin të ardhurat e kësaj llogarie bankare si dhe destinacionin ku do të përfundonin këto para. Kjo shumë e konsiderueshme parash dyshohet se është e shtetasit me origjinë jordaneze Abdul Latif Saleh". Prokuroria e Tiranës e ka rregjistruar denoncimin e bërë nga Ministria e Financave dhe ka filluar hetimin për të zbuluar se çfarë fshihet pas tentativës për të transferuar nga Shqipëria këtë shumë parash.

Dyshimi
Dyshimi ka nisur pas tentativës që ka bërë një shtetas me origjinë jordaneze, i cili është paraqitur në sportelet e një banke të nivelit të dytë në kryeqytet. Personi i mësipërm është identifikuar me emrin Hamza Abu Rajan dhe ka paraqitur një prokurë speciale për të transferuar shumën prej 2.4 milionë eurosh. Gjatë verifikimit që i është bërë prokurës speciale të jordanezit Hamza Abu Rajan, juristi i bankës së nivelit të dytë ka konstatuar disa parregullsi. Konkretisht Hamza Abu Rajan rezultoi se nuk ishte i autorizuar të kryente veprime bankare si në emrin e tij, ashtu dhe në emrin e personit për llogari të të cilit ishte depozituar shuma e mësipërme. Qysh nga ky moment informacioni u është dërguar agjentëve dhe specialistëve të Drejtorisë për Parandalimin e Pastrimit të Parave pranë Ministrisë së Financave. Kjo e fundit ka ngritur grupin e ekspertëve dhe ka filluar verifikimet për të zbuluar se çfarë fshihej pas kësaj llogarie bankare.

Depozita
Burime nga Ministria e Financave pohuan se nga verifikimet paraprake rezultoi që llogaria bankare të ishte krijuar nga dy depozitime me vlerë nga 1.2 euro secili. Në të dy rastet pretendohet se Abdul Latif Saleh e ka përfituar shumën prej 2.4 milionë eurosh pasi ka nënshkruar dy kontrata shit-blerje, për një truall me sipërfaqe 1000 metra katror në secilin prej rasteve. Më konkretisht nga verifikimi paraprak ka rezultuar se Saleh i ka shitur dy sipërfaqe trualli një firme shqiptare të njohur në fushën e ndërtimit në kryeqytet. Njëri prej trojeve të shitur ndodhet në një nga zonat më të parapëlqyera për ndërtime në Tiranë.

Hetimi
Drejtoria për Parandalimin e Pastrimit të Parave në Ministrinë e Financave pasi ka kryer verifikimet e saj ka hartuar një dosje të plotë dhe ka bërë denoncim në prokurorinë e rrethit Tiranë. Kjo dosje është rregjistruar në prokurorinë e rrethit më datë 6 maj 2004 dhe menjëherë kanë filluar veprimet hetimore. Hetimet janë duke u kryer nga ekspertë të krimit ekonomiko-financiar. Nga hetimet e para rezulton se personi në emër të të cilit ka egzistuar llogaria bankare quhet Abdul Latif Saleh, i cili ka dy nënshtetësi, jordaneze dhe shqiptare. Sipas burimit nga Ministria e Financave thuhet se emri i këtij personi është në listën e të dyshuarëve për lidhje me organizatat terroriste ndërkombëtare, madje edhe me Al Kaedan, organizatë terroriste e drejtuar nga Osama Bin Laden. Bllokimi i llogarisë në fjalë është suksesi i parë i rëndësishëm i Drejtorisë për Parandalimin e Pastrimit të Parave. Pasi të bëhen të gjitha verifikimet dhe në rast se rezultojnë prova të pakundërshtueshme se kjo depozitë mund të përdorej nga rrjetet terroriste ndërkombëtare, llogaria bankare do të sekuestrohet duke kaluar për llogari të financave të shtetit shqiptar.


Si u sekuestruan në Tiranë pronat e biznesmenit saudit, Jassin Kadi

Afro një vit më parë shteti shqiptar vendosi masën e sekuestros mbi një pronë të financuar nga një biznesmen i dyshuar për lidhje me organizatën terroriste të Al Kaedas. Gjykata vendosi masën e sekuestros për një pjesë të dy kullave binjake përballë godinës së kryeministrisë, pas një kërkese që bëri prokuroria e Tiranës. Një nga aksionerët e rëndësishëm në ndërtimin e dy kullave 18-katëshe ishte shtetasi Yassin Kadi, me origjinë nga qyteti Jeddah i Arabisë Saudite. Kadi, një biznesmen i njohur në fushën e ndërtimit në kryeqytet u shpall në kërkim ndërkombëtar nga shërbimet sekrete amerikane pasi ishte në listën e personave të dyshuar për lidhje dhe financim të organizatës terroriste Al Kaeda. Pronat e Kadi në Shqipëri janë sekuestruar dhe kanë kaluar për llogari të financave të shtetit shqiptar. Kadi ishte larguar nga Shqipëria përpara se në adresë të tij të shpallej kërkimi ndërkombëtar.


Legjislacion i ri për të zbuluar pronat dhe financat e terrorizmit

Hartimi i legjislacionit të ri për të parandaluar pastrimin e parave dhe financimin e krimit të organizuar apo terrorizmit ndërkombëtar, pritet të jetë një armë e fortë në duart e ekspertëve të Drejtorisë për Parandalimin e Pastrimit të Parave. Projektligji më i fundit i kaluar në qeveri vetëm pak ditë më parë, do të kalojë për miratim nga parlamenti gjatë ditëve në vazhdim. Për të zbuluar pronat apo depozitat bankare të personave apo organizatave që dyshohen si terroriste, apo kanë lidhje me rrjetin ndërkombëtar të Al Kaedas, organet e specializuara shqiptare kanë vendosur marrëdhënie bashkëpunimi edhe me homologët e tyre të kualicionit antiterrorizëm. Konkretisht janë duke u shfrytëzuar të gjitha të dhënat e sjella nga shërbimet sekrete amerikane dhe britanike për personat dhe organizatat islamike të dyshuara për lidhje me terrorizmin ndërkombëtar.

Gazeta Shqiptare 6-6-04

[Pyes_Lotin]

Mire ja bene... Flaken pse ja vuren para se me i nis anej?

[LONDON-TIRONC]

Gusht 8, 2004


ZBULOHET RREZIKU NE RAPORTIN PER 11 SHTATORIN

CIA: Si shpëtuam ambasadën në Tiranë
"Asgjesimi i celulës së Xhihadit shmangu goditjen"

TIRANE

E vërteta e aventurave të 007-ëve amerikanë dhe shqiptarë, të cilët kanë meritat e goditjes së celulës terroriste të Xhihadit Islamik Egjiptjan në vitin 1998, është vlerësuar nga shërbimi amerikan i spiunazhit (CIA) para senatit. Në raportin e hartuar nga "Komisioni për 11 shtatorin", në pjesën ku flitet për "Përgjigjet ndaj sulmeve fillestare të Al Kaedës", CIA përmend, jo pa kënaqësi, suksesin e saj dhe të shërbimit sekret shqiptar (SHISH) në goditjen e dhënë terrorizmit ndërkombëtar në Shqipëri filluar nga viti 1998. Sipas raportit të lexuar pak ditë më parë, vlerësohet bashkëpunimi i CIA-s me autoritetet shqiptare për goditjen fillimisht të një baze falsifikuesish të Al Kaedës dhe të një celule tjetër terroriste në Tiranë (Xhihadi Islamik i lidhur me Bin Ladenin). Po sipas raportit, këto operacione mund të kenë shmangur një sulm të planifikuar kundër Ambasadës së Shteteve të Bashkuara në Tiranë, duke çuar në demaskimin e një numri operativësh terroristë të lidhur me Al Kaedën.

Xhihadi në Shqipëri
Sipas të dhënave të CIA, grupimi terrorist i njohur si "Celula e Tiranës" ishte vendosur në Shqipëri menjëherë pas viteve 1990. Sipas një plani të mirëorganizuar, një grup prej më shumë se 10 personash ishin vendosur në Tiranë, Elbasan dhe ndonjë rreth tjetër të maskuar me petkun e misionarëve të ndihmave humanitare apo të nëpunësve të shkollave e fondacioneve fetare. Fillimisht ata janë vendosur në një ambient të marrë me qera në "Rrugën e Kavajës" si dhe në Elbasan, në një shkollë fetare. Sipas të njëjtave burime, misioni i saj kryesor ishte të kthehej në bazë të përgatitjes së dokumenteve të falsifikuara, të cilat do të përdoreshin nga militantë terroristë për t'u depërtuar në Evropë. Por në detyrat e celulës përfshihej edhe rekrutimi i elementëve shqiptarë, të cilët vinin kryesisht nga shtresa të varfëra të popullsisë. Njerëzit e celulës ishin nën urdhërat e kreut të Xhihadit Islamik Egjiptjan, Al Zavahiri. Një pjesë e tyre u martuan me gra shqiptare, ndërsa një pjesë tjetër filluan të ndërtonin biznese private, të cilat pas goditjes së celulës, në arrati e sipër, u shitën me çmime të ulëta.

CIA pranon sulmimin e ambasadës
Plani i terroristëve të Xhihadit Islamik Egjiptjan për goditjen e Ambasadës Amerikane në Tiranë ka filluar të zbatohej menjëherë pas goditjes së parë që i'u dha celulës nga shërbimet sekrete. Më 3 tetor 1998, rreth 3 muaj pas goditjes, në Torino të Italisë u arrestua Amoid Naji, një veprimtar i "Xhihadit", i cili kishte pohuar para hetuesve se Xhihadi kishte planifikuar të hidhte ne erë Ambasadën Amerikane në Tiranë. Sipas dëshmive të tij, sulmi do të kryhej në shenjë hakmarrjeje ndaj goditjes së celulës së Tiranës. Një tjetër njeri që u dyshua se kishte marrë përgjegjësinë e sulmit ndaj ambasadës u konsiderua nga CIA Mohamed El Saed Salah, egjiptjani që u asgjesua nga policia më 24 tetor 1998 në Tiranë. Pas vrasjes së tij drejtuesit amerikanë të operacionit kanë debatuar ashpër me krerë të policisë shqiptare pasi ata kishin llogaritur që El Saed të binte në duart e tyre i gjallë. Sipas tyre El Saed, një nga antarët e celulës së Tiranës, kishte si synim të godiste Ambasadën Amerikane në Tiranë në shenjë hakmarrjeje për varjen në Egjipt të dy anëtarëve të XHIHAD të ekstraduar pak muaj më parë nga Shqipëria.


Amerikanët dhe SHISH kontroll gjithë të huajve islamikë në Shqipëri

Duhet thënë se SHISH (shërbimi sekret shqiptar) ka arritur të ketë avantazhe në kontrollin e elementëve terroristë karahasuar me shërbimet homologe. Që pas goditjes së Celulës së Tiranës me ndihmën e amerikanëve dhe largimit nga Shqipëri të një numri të madh personash të shpallur "non grata", SHISH duket ka një siguri pothuaj të plotë në kontrollin e këtyre elementëve. Një kontroll që ndodh në një vend ku pothuaj e gjithë popullsia është e prirur të ndihmojë shtetin në ndërmarrjet e veta antiterrorizëm, një ndihmë që nuk mund të mos merret në konsideratë. Gjithsesi me kalimin e viteve dhe krijimit të një klime jo të favorshme për elementë të dyshimtë të lidhur me terrorizmin islamik, tashmë është bërë më i lehtë kontrolli i tyre. Kjo falë edhe një sistemi shumë efikas të kontrollit të këtyre elementëve, një punë e ndarë mes policisë dhe shërbimit sekret. Kështu policia, sipas ndarjes së zonave, ka për detyrë që të regjistrojë dhe të kontrollojë të gjithë të huajt që vijnë nga vende me origjinë arabe e islamike. Detyrë e policisë është edhe kontrolli i lejeve të qendrimit të këtyre personave dhe sinjalizimi në rastet kur ndonjërit kjo leje i ka përfunduar. Po kështu policia ka për detyrë të mbajë nën mbikëqyrje të gjitha lëvizjet e tyre jashtë shtetit, të cilat të gjtha regjistrohen. Kjo kategori qytetarësh është e detyruar që të njoftojë policinë në rast të shpërngules së saj në një tjetër adresë. Ndërkohë shërbimi sekret bën një mbulim të dytë të këtij kontigjenti njërëzish sipas metodave të tij të punës.


RAPORTI

"…CIA po e përdorte këtë dijeni për të përçarë një numër celulash që bashkëpunonin me Bin Ladenin. Duke punuar me autoritetet shqiptare, operativët e CIA-s sulmuan një operacion falsifikuesish të Al Kaeda dhe një celulë tjetër terroriste në Tiranë. Këto operacione mund të kenë shmangur një sulm të planifikuar kundër Ambasadës së Shteteve të Bashkuara në Tiranë dhe kanë çuar në demaskimin e një numri operativësh terroristë të lidhur me Al Kaedën…

Gazeta Shqiptare

[ATMAN]

ISLAMIKET

28 QERSHOR 1998
Kapen Ahmed Ibrahim El Naggar, me pseudonimin Muhamed Fonda, 39 vjeç, dhe bashkëpunëtori i tij në fondacion, Mohamed Hasan Mahmud (alias Moget Mustafa), 36 vjeç.

24 TETOR 1998
Vritet në shtëpinë e gruas shqiptare, Selam Muhamed Omar El Said, një tjetër i dyshuar për lidhje me "Xhihad". Gjatë aksionit plagoset njëri prej drejtuesve të RENEA.

JANAR 1999
Prangoset inxhinieri shqiptar Maks Çiçiku, i cili akuzohej se kishte përgjuar lëvizjet e ambasadores amerikane Mariza Lino. Pas arrestimit të tij, u vendosën masa të rrepta kontrolli.

15 SHKURT 1999
Arrestohet iraniani Mohamed Nexhip Jashim dhe siriani Abdyl Mahem, të cilët kishin falsifikuar nënshtetësinë për t'u futur pa vizë në Shqipëri. Nuk dihet nëse kishin lidhje me terrorizmin.

13 NENTOR 1999
Shpallet "non grata" jordanezi Abdyl Latif Saleh. Jetonte në kryeqytet, si drejtuesi i katër fondacioneve fetare dhe njëkohësisht kishte lidhje edhe me biznesin e ndërtimit në Tiranë.





shqiperia duhet te mbroje rendin e vet publik ashtu sic bejne te gjithe shtetet demokratike te botes , une jam plotesisht dakort qe te largohen nga shqiperia te gjithe personat e huaj , te cilet fshihen mbas organizatave , apo shoqatave , ose qe fshihen mbas petkut te misionarit bamires , apo edhe ne nivele te tjera qofshin keto edhe nivele te tjera me te larta zyrtare , pse duhet te behet shqiperia han me dy porta , mendoj se kur ndodhin gjera te tilla ne vende te tjera personalitetet e atyre vendeve nuk mendohen dy here por i japin nje arrestim ose largim , mendoj se shqiperia nuk duhet te beje perjashtim nga ligjet dhe konventat nderkombetare , qe jane esenciale per nje shoqeri te hapur demokratike por qe bazohet mbi ligje dhe norma morale.