Disa shkrime rreth budizmit

[drini_në_TR]

9. Falli dhe Fati.


Pyetje: Çfarë pati mësuar Buda rreth magjisë dhe falleve?
Përgjigje: Buda rreth praktikave të tilla sikur falli, mbajtja e çarmeve magjike për mbrojtje, zgjedhja e truajve me fat për të ndërtuar, profetizimi, ose shënimi i ditëve të fatit, i pati konsideruar si supersticione të panevojshme, dhe ua theksoj ndaljen e këtyre praktikave dishepujve të tij. Ai i quan këto gjëra si 'art i ulët.'

'Ndërkohë që disa njerëz fetar duke jetuar me ushqimin që u jepet nga besimtarët, i sigurojnë të ardhurat e tyre me anë të këtyre "arteve të ulta," këto kuptime të gabuara jetesë sikur leximi i dorës, duke shënjtëruar nga shënjat, duke interpretuar ëndrrat... duke sjellur fat të mirë apo të keq... duke i thirrur mirësisë së fatit... duke zgjedhur truallin me fat për një ndërtesë, monku Gotama përmbahet nga këto arte të ulta, nga këto mynyra të gabuara jetese.'

D.I. 9-12

Pyetje: Atëherë pse kaherë njerëzit i praktikojnë dhe u besojnë këtyre gjërave?
Përgjigje: Nga babzitja, frika dhe injoranca. Menjerë sapo dikush t'i kuptoj mësimet e Budas, ai/ajo do të kuptoj se një zemër e pastër mund ta mbroj këtë njeri shumë më mirë sesa disa fjalë në një letër, disa copa metali, apo këndimi i disa fjalëve, dhe ndaj ky/kjo nuk i varet më gjërave të tilla. Në mësimet e Budës, është ndershmëria, mirësjellja, botkuptimi, durimi, falja, zemërmadhësia, fisnikëria, dhe cilësi të tjera të mira që me të vërtetë mund të të mbrojnë ty dhe të të sjellin mirëqënie të vërtetë.

Pyetje: Por disa numra që të sjellin fat janë të vërteta, apo jo?
Përgjigje: Njoh dikë që i përfiton të ardhurat duke shitur numra fati apo magjike. Ai thotë se numrat e tij mund të të japin fat, mirëqënie dhe ai të siguron se do mund të zgjedhësh tre numra fati me to. Por nëse çka thotë ai është e vërtetë, atëherë pse ai vet nuk është multi-miljoner? Nëse numrat e tij të fatit sjellin vërtetë fat, pse atëherë ai vetë nuk e fiton llotarinë javë pas jave? Të vetmin fat që ka ai është se ka akoma njerëz që tundohen nga ai dhe ia blejnë numrat.

Pyetje: Atëherë a ka diç të tillë sikur fati?
Përgjigje: Fjalori e përkufizon fjalën fat 'të besosh se çdogjë që i ndodh, e mirë apo e keqe, një njeriu përgjatë ndodhive të gjasave ka për arsye rastësinë ose fatin.' Buda e mohoi plotësisht këtë besim. Çdogjë që ndodh ka një shkak ose shkaqe të caktuara, dhe duhet të ketë një bashkrendim mes shkakut dhe rrjedhojës. Të sëmuresh, për shëmbull, ka shkaqe të caktuara. Dikush duhet të bjerë në kontakt me virusin, dhe trupi i tij/saj duhet të jetë mjaft i dobët për virusin që ky të zëri vënd në këtë trup. Ka një bashkrendim të veçant mes shkakut (virusi dhe trupti i dobët), dhe rrjedhojës (sëmundja) sepse ne dimë që viruset pushtojnë organizmin dhe sjellin sëmundjen në trup. Por asnjë ndërlidhje nuk mund të gjehet midis disa fjalëve me fat, dhe një njeriu që është i pasur ose që kalon provimet. Budizmi mëson se çfarëdo gjëje që ndodh ka për fill një apo shumë shkaqe të caktuara dhe jo prej fatit, apo rastësisë. Njerëzit të cilët interesohen pas fatit duan gjithnjë të përfitojnë diçka - zakonisht më shumë të holla ose pasuri. Buda na mëson ne se është shumë më mirë të zhvillojmë zemrat dhe mëndjet tona. Ai thotë:

'Të jesh i/e mësuar dhe i/e aftë që në themel. Të jesh i/e udhëzuar mirë dhe duke përdorur fjalë të mira; ky është fati më i mirë. Të ndihmosh nënën e babën, t'i sillesh mirë nuses dhe fëmijes dhe të kesh një jetë të thjeshtë; ky është fati më i mirë. Të jesh i/e ndershme, t'i vish në ndihmë të afërmve të tu, dhe të jesh i/e pa fajshëm në veprimet e tua; ky është fati më i mirë. Të largohesh nga djallëzirat dhe nga pija e tepërt, të jesh gjithnjë i/e përqëndruar në virtyt; ky është fati më i mirë. Nderi, përulja, kënaqësia, falemnderimi, dhe të dëgjosh Dharmën e mirë; ky është fati më i mirë.'

Sn. 261-265

[drini_në_TR]

10. Për t'u bërë Budist.


Pyetje: Çfarë ke thënë gjeri tash është me shumë interes për mua. Si mund të bëhem budist?
Përgjigje: Një herë pat qënë një burrë me emrin Upali. Ai ishte ndjekës i një feje tjetër, dhe pati shkuar tek Buda në mynyrë që të argumentonte me të e sëfundi ta konvertonte në fenë e tij. Por pasi foli me Budën, ai u mahnit aq shumë saqë vendosi të bëhej ndjekësi i tij. Por Buda i tha:

'Bëj kërkimin e duhur më parë. Kërkimi i duhur është diçka e mirë për një njeri kaq të ditur sa ti.'

'Tash jam edhe më shumë i kënaqur kur Mësuesi më thotë mua: "Bëj kërkimin e duhur më parë." Prandaj nëse anëtarët e një feje tjetër do t'më kishin bërë për vete si besimtar, ata do t'kishin ngjitur një afishe gjithadej qytetit me thënien: "Upali i është bashkuar fesë tonë." Por Mësuesi më thotë mua: "Bëj kërkimin e duhur më parë. Kërkimi i duhur është diçka e mirë për një njeri kaq të ditur sa ti."'

MII 379

Në budizëm, botkuptimi është gjëja më e rëndësishme, dhe të kuptosh do kohë. Ndaj mos iu jep budizmit menjëherë. Jepi kohën që të nevojitet, bëj pyetje, konsidero me kujdes, dhe mëpas bëj një vendosje. Buda nuk ishte i interesuar të kishte një numër të madh dishepujsh e besimtarësh. Ai i jepte rëndësi veçse që njerëzit t'i ndiqnin mësimet e tij si pasoj e një kërkimi të kujdeshëm dhe pasi t'i ken konsideruar faktet e dhëna nga këto mësime.

Pyetje: Nëse e kam bërë këtë gjë dhe mesimet e Budës më jan dukur të pajtueshme, çka duhet të bëj atëherë nëse unë do të dëshiroja të bëhem budist?
Përgjigje: Gjëja më e mirë do të jetë t'i bashkohesh një tempulli të mirë ose një grupi budist, t'i mbështesësh ta, të mbështetesh nga ta dhe të vazhdosh së mësuari edhe më shumë nga mësimet e Budës. Më pas, kur të jesh gati, ti do të bëhesh formalisht budist duke marrë Tre Refugjimet.

Pyetje: Çfarë janë Tre Refugjimet?
Përgjigje: Një refugjim është një vënd ku njerëzit shkojnë kur janë të shqetësuar, ose kur kan nevoj për mbrojtje dhe sigurim. Ka shumë lloje refugjimesh. Kur njerëzit jan të pakënaqur, i refugjohen shoqërisë së tyre, kur janë të shqetësuar apo të frikësuar, ata/ato mund të refugjohen në shpresa apo besime të pavërteta. Duke iu afruar vdekjes, ata/ato mund t'i refugjohen besimit në jetën e pafund në parajsë. Por, siç thotë budizmi, asnjë nga këto nuk është një refugjim i vërtetë sepse ato nuk japin siguri dhe mbështetje duke u bazuar në të vërtetën.

'Vërtetë këto nuk jan refugjime të sigurta, nuk jan refugjimi më i lartë. Jo refugjimi sipas të cilës të çliron gjithë dëshpërimin, por refugjimi në Budë, në Dharmë, dhe në Sangha, dhe të shohosh me kuptim të plotë Katër të Vërtetat Fisnike, Vuajtjen, shkakun e vuatjes, heqjen e vuatjes, dhe Shtegun e Tetëpalosur Fisnik që të çon në heqjen dhe zhdukjen e vuajtjes, është ky refugjimi më i lartë. Është refugjimi sipas të cilës dikush çlirohet nga e gjithë vuajtja.'

Dp. 89-192

Duke u refugjuar në Budë është një pajtim i sigurt me faktin se dikush mund të bëhet plotësisht i/e ndriçuar, dhe i/e përvetësuar tamam siç ishte edhe Buda. Të refugjohesh në Dharmë do të thotë të kuptosh plotësisht Katër të Vërtetat Fisnike, dhe ta bazosh jetën në Shtegun e Tetëpalosur Fisnik. Të refugjohesh në Sangha do të thotë të shohësh për mbështetje, frymëzim dhe udhëzim nga të gjithë që ecin në Shtegun e Tetëpalosur Fisnik. Duke bërë këtë gjë dikush bëhet Buddhist, dhe ndaj hedh hapin e parë drejtë Nirvanës.

Pyetje: Çfarë ndryshimesh kan ndodhur në jetën tënde që nga koha kur u refugjove në Tre Refugjimet.
Përgjigje: Sikur miljonë të tjerë të panumërt përgjatë 2500 vjetëve të fundit, kam zbuluar se mësimet e Buddhës kan kuptim në një botë të vështirë, ato i dhanë kuptim një jetë që ish palidhje, ato më kan dhënë mua etika njerzore dhe të keqardhura me të cilat ta drejtoj jetën time, dhe ato më kan treguar mua sesi mund të zotëroj një gjëndje pastërtie dhe përvetësimi në jetën e ardhshme. Një poet në Indinë e hershme njëherë pat shkruar për Budën:

'Të shkosh tek ai për refugjim, t'i këndosh admirimit të tij, t'i bësh nder tij dhe të pritesh në Dharmën e tij është të veprosh me botkuptim.'

Pajtohem me këto fjalë plotësisht.

Pyetje: Kam një shok i cili mundohet gjithnjë t'më konvertoj në fenë e tij. Nuk jam vërtetë i interesuar në fenë e tij, dhe ia kam thënë këtë gjë, por ai s'më lë të qetë. Çfarë mund të bëj?
Përgjigje: Gjëja e parë që duhet të bësh është të kuptosh se ky njeri nuk është vërtetë shoku jot. Një shok i vërtetë të pranon ty siç je dhe i respekton dëshirat e tua. Supozoj se ky shok është thjeshtë duke u hequr si shok i joti në mynyrë që të të konvertoj. Kur njerëzit mundohen të të imponojnë vullnetin e tyre mbi ty, me plotë siguri që nuk janë shokë.

Pyetje: Por ai thotë se kërkon ta ndaj fenë e tij me mua.
Përgjigje: Të ndash fenë tënde me të tjerë është diçka e mirë. Por supozoj se shoku jot nuk e njeh ndryshimin mes ndarjes dhe imponimit. Nëse kam një mollë, të ofroj ty gjysmën dhe ti e pranon, atëherë do të kem ndarë diç me ty. Por nëse më thua mua 'Të falemnderoj, por e kam barkun plotë' dhe unë vazhdoj të insistoj që ti të marrësh gjysmën e mollës gjerisa t'i dorëzohesh insistimit tim, ky veprim vështirë se mund të quhet 'ndarje.' Njerëz sikur 'shoku' jot, mundohen të hiqen me mynyrat e tyre të kqija duke i quajtur 'ndarje,' 'dashuri,' apo 'ndershmëri,' por me çfardo emri ta quajnë, sjellja e tyre është gjithësesi e pahijshme, e keqe dhe egoiste.

Pyetje: Ok si mund ta ndal atë?
Përgjigje: Është e thjeshtë. Së pari, ji i qartë në mëndjen tënde se çfarë dëshiron. Së dyti, me qartësi dhe shkurtimisht shprehi vendosjen tënde atij. Së treti, kur të të bëj pyetje sikur 'Cili është besimi jot mbi këtë çështje' ose 'Pse nuk dëshiron të vish tek takimi me mua,' qartësisht, me mirësjellje dhe persistim ripërsëriti thënien tënde të parë. 'Të falemnderoj për ftesën tënde, por do të dëshiroja mos të vij.' 'Po pse?' 'Më vjen keq por është puna ime. Do dëshiroja mos të vij.' 'Por do të ketë shumë njerëz interesant aty.' 'Jam i sigurt se do të ketë, por do dëshiroja mos të vij.' 'Po të ftoj pasi kam debulesë për ty.' 'Gëzohem që ke debulesë për mua, por do dëshiroja mos të vij.' Nëse me qartësi, durim dhe persistim e ripërsërit thënien tënde, dhe nuk e lejon atë që të hyjë në një argument me ty, ai me siguri që do të heqi dorë. Është për të ardhur keq që duhet të veprosh kështu, por është shumë e rëndësishme për njerëzit që të mësojnë se nuk mund t'ua imponojnë besimin ose dëshirën e tyre mbi të tjerët.

Pyetje: A duhet që budistët ta ndajnë Dharmën me të tjerët?
Përgjigje: Po, ata/ato duhet ta ndajnë. Dhe mendoj se shumica e budistëve e njohin ndryshimin mes ndarjes dhe imponimit. Nëse njerëzit të pyesin rreth budizmit, folu atyre. Mund t'u flasësh rreth mësimeve të Budës edhe pa të pyetur vetë ata/ato. Por nëse, me anë të fjalëve apo veprimeve të tyre, të bëjnë të kuptosh se nuk janë të interesuar, pranoje këtë gjë dhe respektoju dëshirën. Është gjithashtu e rëndësishme të mbash mënd se ti ua tregon Dharmën me më shumë fryt të tjerëve me anë të veprimeve të tua, sesa duke i predikuar ato. Tregoju të tjerëve Dharmën duke patur gjithnjë konsideratë, mirësjellje, tolerim, mirësi dhe sinqeritet. Lëre Dharmën të ndrisi përballë me anë të të folurit dhe veprimeve të tua. Nëse secili nga ne, ti dhe unë, e dimë Dharmën kokë e këmbë, e praktikojmë plotësisht dhe e ndajmë ndershmërisht me të tjerët, ne mund t'i jemi shumë frytdhënës vetvetes dhe të tjerëve poashtu.

Fund.

Shënim: E kam bashkangjitur të tërë këtë shkrim në skedarin doc, brënda skedarit zip, që po patët dëshirë ta ruani në kompjuterin tuaj për ta lexuar më vonë, ta shpëtoni aty, ose nëse doni t'ua dërgoni miqëve të tuaj me email, gjithashtu mund të bëni si të doni. Shkrimi është tuaji.

[Saint-Simone]

Te pergezoj per mundin sepse eshte goxha pune te perkthesh gjithe kete material. Do te beja nje pyetje...
A ke ndermend te behesh pjese e kesaj feje?

[drini_në_TR]

Të falemnderit për përgëzimin Saint-Simone. Dëshira për të ndarë një material që të paktën mua vetësisht më duket me shumë vlerë, më bëri ta përkthej me kënaqësi për çdokënd që është i/e hapur për gjëra të reja. Shpresoj që nga fundi i Verës të përkthej një nga Kanunet më të lexuar në budizëm, dhe që përmban thelbin e gjithë kësaj feje, kanuni që quhet Dhamapada. Thëniet e Sidartha Guotamës (të Budës historik) janë të shkruara në mynyrë poetike në Dhamapadë, dhe prandaj do t'më duhet më shumë kohë bashkë me një fjalor të shqipes (të cilën nuk e kam) për ta përkthyer.

A ke ndermend te behesh pjese e kesaj feje?

Ndryshe nga shumica e feve te tjera, ku për të qënë pjestar i njërës prej tyre duhet të jesh besimtar i thelbit që përmbajnë, në budizëm nëse pranon të bëhesh pjestarë i mësimeve të Budës atëherë je praktikues i Dharmës. "A bëj pjesë në budizëm?" Po , i praktikoj "Pesë principet" (për shtjellim shtyp këtu), mundohem që të zhvilloj dhe të eci "Shtegun e Tetëpalosur Fisnik," çka do të thotë se praktikoj Dharmën.

Të falemnderit që e shfletove këtë temë
Përshëndetje.

[Manulaki]

Drini, te pershendes per informacionin shume interesant dhe me njohuri. si shqiptare qe jemi nuk kemi informacion kaq te shtjelluar ne pergjithesi per fete, e aq me teper per budizmin. Eshte nje gje e mire qe e solle kete informacion ketu.

Nuk e di a me lejohet personalisht te them ama, se mua me mbushet me teper mendja me keto njohuri qe mora qe te jem e Krishtere, dhe se shpetimi nuk gjended askund pervecse ne Krishtin, dhe jo ne njeriun. Njeriu eshte i mjere pa Zot.

[drini_në_TR]

Manulaki, të falemnderit për përshëndetjen tënde.

Gjithashtu të falemnderoj që e ndave me mua besimin tënd. Të uroj gjithë paqen, dashurinë, dhe mirësinë që të sjell "Ati, Biri (Jezu Krishti), dhe Shpirti i Shenjtë."


Sinqerisht,
Drini.

[macia_blu]

Drini, te pergezoj e te falenderoj shumeeeeeeeeeeeeeeee, permundimin , sinqeritetin, miresine dhe gjeresine (duke sakrifikuar kohe e duke bere "dhurimin" ).
.... une u mrekullova shume , dhe sidomos kur lexova ate qe kishe thene diku me lart se ke ndermend te perkthesh "Kanunin e Budes" . Une jam e krishtere, (besoj ne Jesus...me menyren time te besuarit, pra duhet te them e nderoj jesusin .... pse te mos e nderoj edhe Buden-budizmin.
..............
Te cmoj shume ....te uroj suksese durim e vullnet ne punen qe ke nisur (perkthimin).
Ndersa per fjalorin ne shqip qe thua se te mundon , me dergo ndonje adrese tek emaili, dhe ta nis me poste qe neser. Nderkohe , me thuaj se kur e mbaron si pune , te te gjej edhe nje redaktor -korrektor per shqiperimin , dhe ndonje botues....
Edhe nje here , urime dhe faleminderit.

[Matrix]

Cfare ka bere Buda per njeriun?

A u kryqezua per ne?
A u ringjall se vdekuri?
A banon Buda brenda atyre qe e duan ate?
A do te na ringjalle Buda pas vdekjes?
A kemi falje mekatesh nepermjet Budes?
A eshte Buda jeta jone?
A sjell Buda shpetim?

Keto pyetje duhet te bejme ne si te krishtere (dhe shume te tjera si keto) perpara se te veme shenjen e barazimit mes Budes (apo cdo udheheqesi tjeter shpirteror) dhe Zotit Jezus Krisht.

Askush si Krishti nuk eshte i gjalle truperisht.
Askush si Ai nuk mund te shpetoje.
As ne nuk mund ta shpetojme dot veten. Njeriu lind i deshtuar. Vdekja e deshmon kete. Asnje shpjegim tjeter per vdekjen nuk jep dot nje shpjegim te qarte se perse ekziston vdekja, as budizmi nuk e shpjegon dot ne menyre te llogjikshme (sic pretendon).

Kush i krijoi keto cikle vdekje-rilindjesh?

A e ka krijuar boten Buda?
Nqs jo, kush e krijoi?
Kush e mban kete bote?
Budizmi nuk i pergjigjet dot kesaj pyetjeje!

Duhet te dime se Budizmi i ka origjinat dhe frymezimin nga politeizmi (besimi ne shume zota) induist.
Ku njeriu shihet si pjese e Brahmas.
Krijuesi njihet si Brahmani i cili nga pjeset e trupit te vet nxorri kastat induiste.

Ju do thoni se budizmi nuk eshte induizem. Por asnjehere budizmi nuk ka dale kunder induizmit, por perkundrazi, ai shihet si nje hap perpara i kesaj feje politeiste. Pavaresisht se Budizmi sot paraqitet shume i bukur dhe i deshirueshem nga ithtaret e vet, ai e ka origjinen nga barbarizmi Induist ku dhe njerezit jane sakrifikuar per nder te "perendive" induiste (psh "perendesha" Khali eshte e etur per sakrifica njerezore).

Pra pavaresisht nga menyrat se si paraqiten sot ish-fete politeiste ne kuader te globalizmit modern,ato mbajne mbi vete mashtrimin dhe auto-hipnozat....

[drini_në_TR]

Elinda, të falemnderoj shumë shumë për komentin që ke lënë më sipër. Më bëre të skuqem, më beso

Edhe dy ditë dhe nisem për një udhëtim të gjatë për në anën tjetër të botës (Shqipëri) ndaj nuk do të kem dot mundësinë të komunikoj me ty. Të falemnderoj përzemërsisht për ardhjen tënde në ndihmë. Të falemnderit


Matrix, nuk e vë në mëdyshje se Jezu Krishti është shpëtimtar, por ama mund të të them se nuk është i vetmi që mund të shpëtoj. Jemi ne piksëpari që duhet të dëshirojmë shpëtim (nga djallëzia, e keqja, dhimbja, etj) e mëpas jemi ne që duhet të ecim rrugën e shpëtimit (nga djallëzia, e keqja, dhimbja, etj)

"Çfarë ka bërë Buda për njeriun?"

Buda i ka treguar njerzimit udhën sesi të shuaj dhimbjet që hasim në jetë, dhe sesi të përfitojmë Nirvanën e pavdekshme. Ai i ka treguar udhën (me anë të mësimeve të tij) atyre që dëshirojnë paqen, lirinë, dhe dashurinë, të gjitha këto e mëshumë përbërëse të Nirvanës. Jemi ne kalimtarët e udhës së jetës tonë, dhe jemi vetëm ne ata të cilët mund të vendosim nëse duam të bëjmë djallzira apo mirësira në jetë. Andaj edhe Buda, edhe Jezu Krishti na treguan udhën sesi ta përfitojmë Nirvanën (sipas fjalorit sanskrit) ose jetën e përjetshme në Krisht (sipas fjalorit të Biblës). Vetëm ne mund të ecim "Shtegun e Tetëpalosur Fisnik", dhe vetëm ne duhet "ta mbajmë në krah kryqin" nëse duam shpëtim (nga djallëzia, e keqja, dhimbja, etj). Jeta në Nirvanë ose në Krisht, megjithëse këto janë dy emra të ndryshëm, ata që harrijnë t'i kuptojnë frymën e tyre do të mësojnë se janë e njëjta gjë. Janë fjalë të ndryshme sepse u janë mësuar njerëzve në dy pozita gjeografike të ndryshme të rruzullit tonë, u janë mësuar në rrethana të ndryshme shoqërore dhe kultuore të dy pozitave, por ama jeta në Nirvanë dhe në Krisht është e njëjta gjë.

Nuk mundem dot të të shpjegoj më mirë se kaq rreth mësimeve të Guotama Shakjamunit Matrix, sepse sipas teje, "kam lindur i dështuar" atëherë për rrjedhoj edhe shpjegimi ose përgjigjia ime përçohet e dështuar tek ty. Por ama mund të të them se i ke keqkuptuar mësimet e Budës. Të gjitha pyetjet e tua ai i ka përgjigjur, por përgjigjet që ka dhënë ai, ose edhe Buda të tjerë, nuk kan fare rëndësi përsakohë ato nuk dëgjohen.

Nuk jam kundra mësimeve të Jezu Krishtit, përkundrazi, në këndvështrimin budist Jezusi konsiderohet një Budë (i ndritur, i rizgjuar, etj) në vetvete. Por nëse kam ndonjë sugjerim për vllezërit e krishtërë do të thoja: janë mësimet e Jezusit ato që kan rëndësinë më parësore, sesa debati "kush është apo s'është Jezusi."

Gjithësesi, të uroj gjithë mirësinë, paqen, dhe frymën e shenjtë në Krisht,
dhe të përshëndes me një nga thëniet e Jezusit që më pëlqen shumë:

14 "Ju jeni dritat e botës; një qytet i ngritur në majë të malit nuk mund të fshihet.
15 Po ashtu nuk ndizet një qiri për t'u vënë nën babunë, por për ta vënë mbi shandan, dhe t'u ndrisë të gjithë atyre që janë në shtëpi.
16 Ashtu le të shndrisi drita juaj para njerëzve, që të shohin veprat tuaja të mira dhe ta lëvdojnë Atin tuaj që është në qiej."

(Mateu 5).





Sinqerisht,
Drini.

[macia_blu]

hej matrix.... ti nuk ke pse merzitesh per jesusin as nuk ka pse te te duket tradheti thenia e mendimit tim ose admiriimi per te vetmen fe(po qe se do ta quaja mirfilli fe, se ne fakt budizmi eshte filozofi , shkolle qe te meson si te njohesh veten dhe te tjeret (megjithe zot ose pa zot)...nejse ne e lexojme njesoj budizmin , por e kuptojme ndryshe (ceshtje truri ose hapsire)
Pra jesusi edhe po ta tradhetoj e te behem budiste , nuk zemrohet me mua, se ndaj eshte jesus (apo jo?) As nuk hakmerret. Megjitheate, pervec fese se krishtere , qe eshte vetem FE, ky budizmi eshte ne nje nivel me te larte se te gjitha fete (filozofikisht, dhe vertetesisht)
Madje u bekekam pak xheloze , se si budizmi qenka kaq mencuriiiiiiiiiiiiiiiiiiiiiii!
...
drin te uroj udhetim te mbare, e kalofsh mire dhe gjithashtu te uroj te mos heqesh dore nga perkthimi i asaj qe ke premtuar(disi) me lart.