Arbëreshët në Itali

[dodoni]

E Enjte, 27 Maj 2004


MOISIU TAKOHET ME PERFAQESUES TE KOMUNITETIT ARBERESH NE ITALI

Presidenti i Republikes, Alfred Moisiu, priti dje ne mesdite perfaqesues te komunitetit arberesh ne Itali, te shoqeruar nga ambasadori Ianuci. Presidenti Moisiu shprehu mirenjohjen per perpjekjet e bera nga komuniteti arberesh ne ruajtjen e transmetimin e vlerave shpirterore prej pese shekujsh, per rolin e tyre si ure e forte komunikimi mes dy vendeve tona, duke evidentuar njekohesisht humanizmin e qytetarine e popullit italian, qe krijon hapesira per zhvillim e krijim komuniteteve, shembull edhe per popujt ballkanike. Me admirim te vecante Moisiu, i cili vitin e kaluar vizitoi krahinat arbereshe ne Italine e Jugut, u shpreh per punen shkencore te katedres se gjuhes shqipe ne Universitetin e Kozences, per perpunimin artistik te repertorit muzikor arberesh, per ruajtjen e vlerave etnografike, etj. Keto vlera krahas atyre bashkekohore, te mirepritura nga publiku artdashes italian, kane ndikuar ne permiresimin e imazhit te shqiptareve, te demtuar padrejtesisht nga elemente te papergjegjshem. Presidenti Moisiu theksoi mbeshtetjen italiane ne rrugen per integrimin e vendit tone ne strukturat europiane e euroatlantike. Kryetari i Komunes se Piana deli Albanezi, Gaetano Karamano, vuri ne dukje se vizita ne komunat arbereshe e Presidentit Moisiu i dha nje shtytje punes per "vleresimin e rrenjve tona", sikurse u shpreh ai, dhe shtimit te perpjekjeve per te pergatitur realizimin e nje komunikimi mes te rinjve arberesh dhe atyre shqiptare.

[dodoni]

Katër vëllime kuruar nga Damiano Guagliardi

Një enciklopedi për arbëreshët e Kalabrisë


Shekulli

Janë katër vëllime me mbi njëmijë faqe secila. Një enciklopedi e vërtetë mbi komunitetin arbëresh të Kalabrisë, kuruar prej arbëreshit Damiano Guagliardi. Kjo enciklopedi, e cila bazohet në traditat dhe kulturën e abëreshëve të provincës së Kozencës, është prezantuar disa ditë më parë në Rexho Kalabria. Në këtë enciklopedi, tentohet të thuret një narracion historik, i cili e merr zanafillën që në vendosjen dhe krijimin e grupimeve të para shqiptare në Kalabri, gjendjen aktuale të traditave të tyre kulturore, zhvillimi kulturor dhe intelektual arbëresh, etj. Për krijimin e kësaj enciklopedie është shfrytëzuar një material i bollshëm prej 1300 titujsh, mbi arbëreshët, të cilët kanë përfunduar në Kalabri, duke filluar prej shek.XV. “Komuniteti shqiptar i shpërndarë në 30 qendra urbane, me një popullsi rezidente më të madhe se 50 mijë banorë, sot është një prej urave më të çmuara mes Evropës dhe vendeve ballkanike”, - ka thënë Guagliardi, duke shtuar se pas takimit të Selanikut të 8 shtatorit, gjatë të cilit, Këshilli Evropian, është shprehur në favor të dialogut me vendet ballkanike dhe shqiptarët e Kalabrisë mund të luajnë një rol shumë të rëndësishëm në këtë çështje. “Në këtë kontekst, kjo enciklopedi do të luajë një rol shumë të rëndësishëm”, - është shprehur Guagliardi.




01/06/2004