Bankat e Kosovës jo Swift Kodit të Serbisë

[dodoni]

PRISHTINË
Punëtorët e Autoritetit Bankar dhe të Pagesave të Kosovës paralajmëruan se do ta ndërprejnë punën, nëse nuk anulohet vendimi për përdorimin e “swift” kodit të Serbisë e Malit të Zi në bankat kosovare. Ndërprerja e punës në BPK nënkupton bllokim të sistemit bankar në Kosovë. Ndërkohë, qeveria e Kosovës ka kërkuar edhe njëherë nga drejtuesit ndërkombëtar të Autoritetit Bankar dhe të Pagesave që të anulojnë këtë kontratë. Nga ana tjetër një zëdhënës i UNMIK_ut Kris Litier, tha se ky kod përdoret për shkak se Kosova nuk është shtet i pavarur dhe nuk ka të drejtë të ketë kodin e saj.

marrë nga europa e lirë


Këtij Kris Litierit i duhet treguar se Kosova edhe nëse nuk është shtet i pavarur dhe nuk ka të drejtë të ketë kodin e saj, Kosova as Serbi nuk është, kështu që nuk ka askush të drejtë që tia imponoj swift kodin e një shteti që shqiptarët atje mezi e hoqën qafe. Nëse Kosova nuk ka të drejtë të ketë kodin e saj atëherë le të përdor kodin e Shqipërisë që do ta pranojnë 90 përqind e popullsisë atje, sepse edhe është pjesë e Shqipërisë. Serbia më jo të drejtën e swift kodit por nuk ka asnjë të drejtë mbi Kosovën.

[dodoni]

Vendim pas presionit të madh nga qeveria dhe kërcënimeve të punëtorëve të BPK-së për ndërprerjen e punës

UNMIK-u anulon vendimin për përdorimin e “kodit serb” në bankat kosovare


Faton Osmani

PRISHTINË – Përgjegjësit e UNMIK-ut për ekonominë kanë anuluar një vendim të marrë para disa ditësh për përdorimin e swift kodit të Serbisë dhe Malit të Zi në sistemin bankar të Kosovës. Vendimi është marrë pas një takimi që ka zhvilluar kryetari i bordit të Autoritetit Bankar dhe të Pagesave të Kosovës (BPK), Ajri Begu, me kreun e shtyllës për Ekonomi të UNMIK-ut, Nikolas Lambsdorf. Vendimi i marrë javën e kaluar nga drejtori ndërkombëtar i BPK-së, pa pëlqimin e anëtarëve vendorë në këtë bord, kishte shkaktuar reagime të ashpra të qeverisë dhe institucioneve të tjera të Kosovës, ndërsa më ashpër kanë reaguar vetë punëtorët e BPK-së, të cilët përveç se kanë protestuar çdo ditë nga gjysmë ore para ndërtesës, kërcënuan edhe me ndërprerjen e punës. Ajri Begu tha se në interes të stabilitetit të sistemit bankar, problemi është zgjidhur dhe “swift kodi” serb nuk do të përdoret. Për shkak të statusit të pazgjidhur politik, Kosova nuk ka drejtë të marrë “swift” kodin bankar ndërkombëtar, por deri më tani bankat komerciale kosovare kanë shfrytëzuar kode të bankave korrespondente. Begu tha se me angazhimin e UNMIK-ut do të bëjnë përpjekje që të gjejnë një zgjidhje tjetër të drejtpërdrejtë apo indirekte dhe të përkohshme lidhur me “swift” kodin, derisa të zgjidhet statusi final i Kosovës. Begu falenderoi punëtorët e BPK-së, të cilët, siç u shpreh ai, kanë ditur të gjejnë formën dhe mënyrën më të përshtatshme për të reaguar pa e cënuar sistemin bankar të Kosovës dhe pa ndërprerje të punës. Edhe qeveria e Kosovës dhe zyra e presidentit të Kosovës ka kundërshtuar tendencën e BPK-së për vënien në përdorim të “swift” kodit të Bankës Qendrore të Serbisë dhe Malit të Zi në bankat komerciale të vendit.
BPK-ja është nën mbikëqyrjen e UNMIK-ut, megjithëse menaxhohet nga kosovarët dhe është autoriteti i vetëm që rregullon sistemin bankar, punën e kompanive të sigurimeve dhe skemat private të pensioneve në Kosovë.
Secila bankë qendrore ka “swift” kodin e vet përmes të cilit identifikohet. Rrjedhimisht, nëse BPK-ja si bankë qendrore në Kosovë do ta përdorte “swift” kodin e Serbisë, ajo praktikisht identifikohej si bankë serbe në të gjitha transfertat e parave dhe marrëveshjet e jashtme bankare.



29/05/2004