Berisha: Komision parlamentar hetimi per pasurine e Nano

[ALBA]

Eqerem Grori, babai i Arbenit përgënjeshtron deklaratën e Nanos për Benzin e blinduar

Babai i Grorit: Nuk i kam dhuruar, as shitur benz Berishës

“Nuk i kam dhuruar, as shitur dhe as dhënë në përdorim Berishës një makinë tipit Benz apo të një lloji tjetër”

Lindita Çela

TIRANE- “Nuk kam asnjë lidhje me liderin e Partisë Demokratike Sali Berisha”. Kështu ka deklaruar dje Eqerem Grori, babai i Arben Grorit për gazetën “Shekulli” pas deklaratës së bërë dy ditë më parë nga kryeministri Fatos Nano. Gjatë seancës parlamentare së mocionit ndaj tij Nano ka shtruar pyetjen kompromentuese ndaj Berishës për një lidhje me Arben Grorin i dënuar me burgim të përjetshëm. “A ka lidhje Sali Berisha me një autoveturë “Mercedes Benz” të blinduar që ka qenë pronë e Arben Grorit, i dënuar me burgim të përjetshëm dhe Elvis Gjetës i dënuar me shtatë vjet burg për drogë në Itali”,- ka thënë kryeministri gjatë seancës parlamentare. Ndërkohë që lideri demokrat ka preferuar të mos i përgjigjet kësaj pyetjeje të kryeministrit, prindërit e Arben Grorit kanë treguar dje të vërtetën e Benzit të blinduar.
“Nuk i kam dhuruar, as shitur dhe as dhënë në përdorim Berishës një makinë tipit Benz apo të një lloji tjetër”,-thotë Eqerem Grori pasi ka dëgjuar që në Parlament është përmendur emri i të birit nga kryeministri Fatos Nano. Eqeremi pohon faktin se ka patur në pronësi një Benz të blinduar, por që ky fakt nuk ka asnjë lidhje me Berishën. Sipas tij jo vetëm që lideri demokrat nuk disponon këtë Benz por deri në momentin që makina ka patur si pronar Grorin nuk ka patur asnjë tentativë të Berishës për të disponuar Benzin e blinduar. Pasi ka dëgjuar aludimin e kryeministrit për një lidhje ndërmjet djalit të tij dhe Berishës, Eqeremi ka përgënjeshtruar dje për gazetën “Shekulli” thëniet e kryeministrit duke vënë në dispozicion edhe dokumentet e pronësisë së makinës së blinduar, që tashmë ka pronar tjetër.
Pronarët e Benzit të blinduar
Eqerem Grori thotë se Benzin e blinduar ia ka blerë në vitin 1998 në Holandë Gëzim Kondit kundrejt një vlere prej 50 mijë markash. Për të vërtetuar këtë Eqeremi të vë në dispozicion edhe kontratën e shitjes ku janë të përcaktuar edhe të dhënat teknike të Benzit të blinduar. Më 20 shkurt të vitit 1998 shtetasi austriak H. Velma i shet në Holandë makinën e tij tip Benz me numër shasie WDB126039 1A 263641 Gëzim Kondit. Pas pesë muajsh përdorimi të makinës Gëzimi vendos t’ia shesë atë kundrejt 50 mijë markave gjermane, Eqerem Grorit. Eqremi thotë se e ka përdorur këtë makinë deri në dhjetor të 2002 kohë në të cilën vendos ta shesë makinën e tij. Kundrejt një shume prej 21 mijë eurosh, pronar i ri i makinës së përfolur nga kryeministri Nano bëhet Vasillaq Jani, përfaqësues i shoqërisë “ALFA S.A”. Edhe për këtë akt shitje të makinës së tij, Grori vë në dispozicion aktin e shitjes duke vërtetuar kështu se makina e blinduar dhe familja e tij nuk kanë asnjë lidhje me liderin e opozitës. I revoltuar nga ajo që ka dëgjuar në Parlament, ku sërish i biri i tij kthehet në qendër të vëmendjes pas dënimit të marrë nga gjykatat italiane, Eqeremi përgënjeshtron çdo aludim jo vetëm të kryeministrit, por edhe të personave të tjerë të një lidhjeje të mundshme me drejtuesit e Partisë Demokratike.


shekulli

[Genti^Itali]

Nano: A ka lidhje Berisha me Benzin e Artur Grorit?


“Inspektoriati i Deklarimit të Pasurive duhet t’u japë përgjigje disa pyetjeve: A ka lidhje Sali Berisha me një autoveturë “Mercedes Benz” të blinduar që ka qenë pronë e Arben Grorit (të dënuar me burg të përjetshëm për vrasje) dhe Elvis Gjetës (të dënuar me 7 vjet burg për drogë në Itali)”. Ka qenë kjo pika e fortë e kundësulmit të Nanos për akuzat e Berishës para dy ditësh në Kuvend gjatë debatit për deklarimin e pasurisë së kryeministrit. Përveç kësaj pyetje Nano dje ka përsëritur të njëjtat gjëra për liderin e PD-së. “E ftoj Sali Berishën të vetëdeklarojë sa ka përfituar vetë dhe sa ka përfituar klani i tij në 5 vjet privatizime abuzive kur kishit pushtetin. Kujtoj se me vendim të regjimit të z.Berisha, dosjet dokumentare të këtyre privatizimeve janë asgjësuar në mënyrë periodike vit pas viti. Sali Berisha duhet të përgjigjet për fatet e 1 miliard dollarëve ndihma e kredi që mori nga vendet partnere kur regjimi i tij qeveriste Shqipërinë, pasi trashëgim na la vetëm 5 km rrugë. Sali Berisha duhet të përgjigjet për kontrabandën e naftës dhe cigareve në favor të regjimit të Milosheviçit duke thyer embargon e NATO-s dhe aleatëve strategjikë të Shqipërisë në favor të kriminelëve të kërkuar nga drejtësia ndërkombëtare. Ai duhet të tregojë se sa para të pista dhe të përgjakura shkuan në xhepat e tij dhe sa në xhepat e klanit të tij kriminal. Sali Berisha duhet të tregojë se sa para ka marrë nga bosët e piramidave që nuk i arrestoi dhe nuk u bllokonte pasuritë për një vlerë prej 1.2 miliard dollarë që i kishin grabitur qytetarëve shqiptarë”,-tha Nano.

[StormAngel]

Nano:

Për pasurinë tregova të vërtetën

Kryeministri hedh poshtë akuzat e opozitës për përfitime të paligjshme dhe deklarim të rremë të pasurisë që zotëron, së bashku me bashkëshorten. Familja Nano është pronare e një apartamenti 260 metër katror dhe një "Mercedes"-i, ndërsa Xhoana Nano ka aktivitet biznesi në transport dhe turizëm. Reagon Berisha: "Kryeministri gënjen"

Nga korrespodenti ynë:

Elton METAJ (Tiranë)

Kryeministri shqiptar Fatos Nano hodhi poshtë të ketë përfituar në mënyrë të paligjshme financime apo fonde dhe u shpreh se ka bërë një deklarim të vërtetë të pasurisë që zotëron. Gjatë një seance parlamentare lidhur me deklarimin e pasurisë, Nano tha se akuzat ndaj tij për abuzime ishin pjesë e një strategjie të nisur në korrik të vitit 1993, kohë në të cilën ai u burgos.

"Nga verifikimi dhe kontrolli i ushtruar rezulton, se të dhënat e paraqitura në deklaratën e subjekteve (Fatos dhe Xhoana Nano) gjejnë vërtetim në dokumentat e organeve përkatëse, dokumenta të cilat janë administruar në dosjen e kontrollit", u shpreh Nano, duke cituar një raport të Inspektoriatit të Lartë të Deklarimit dhe Kontrollit të Pasurive.

"Në përfundim të këtij kontrolli të Inspektoriatit rezulton se është i vërtetë deklarimi që Fatos Nano dhe bashkëshortja e tij Xhoana jetojnë në një apartament prej 260 metra katror, të blerë me paratë e burgut të Berishës, zotërojnë një autoveturë të tipit "Mercedes Benz" të dhuruar në vitin 2001 nga "Auto Star Albania", me pronar zotin Basri Ruka, që nuk kemi në pronësi asnjë helikopter apo target", u shpreh Kryeministri para deputetëve. Ai shtoi se me paratë e burgut të Berishës i ka dhuruar pjesën e tij të pronësisë në një shtëpi djalit të tij Sokol Nano, pas divorcit me bashkëshorten e parë.

Nga verifikimet rezulton se bashkëshortja e Kryeministrit e ka nisur aktivitetin sipërmarrës në fushat e transportit dhe turizmit që në vitin 1999, përpara se të martohej me Kryeministrin e Shqipërisë. "Ky aktivitet, siç edhe vërtetohet nga dosja e krijuar nga Inspektoriati i Lartë i Verifikimit të Pasurive, është tërësisht ligjor dhe transparent përballë institucioneve, ligjeve dhe rregullave të shtetit dhe pra "Xhoikopter" apo "Xhoitravel" nuk ka në pronësi asnjë helikopter, por vetëm në përdorim me qera", sqaroi Kryeministri.

Ai tha se e gjithë zhurma e ndërtuar ndaj tij dhe familjes së tij "për mashtrime me apartamentin, autoveturën, me para të pastra apo të pista, të deklaruara dhe të padeklaruara, me helikopterë, avionë apo tragete është pjesë e një montature shpifjesh të cilat kanë nisur në vitin '91, që u zyrtarizuan në vitin '93 duke më dënuar me 12 vjet burg për të vazhduar pa ndërprerje deri më sot".

"Regjimi i Berishës, - u shpreh Nano, - më arrestoi në korrik të vitit '93 me akuzën e shpërdorimit të ndihmave italiane në bashkëpunim me Kompaninë Levante&Co dhe për llogari të qeveritarëve të atëhershëm italianë, apo marrëzira të tjera. Tani historia e të ashtuquajturës vjedhje është e njohur nga të gjithë dhe unë nuk kam asnjë dëshirë t'I rikthehem".

Më tej, shefi i qeverisë tha se pasuria e tij më e madhe dhe më e çmuar dhe e hipotekuar në sytë e të gjithëve është Sali Berisha, "ky i disekuilibruar amoral". Gjithashtu, Nano akuzoi disa nga deputetët e opozitës për përfitime të paligjshme financiare. Ndërsa vetë Berisha e cilësoi Nanon mashtrues dhe vjedhës të miliona dollarëve.

PASURITE E OPOZITES

Akuzat e Nanos për:

Sali Berishën
A ka lidhje Sali Berisha me një autoveturë "Mercedes Benz" të blinduar që ka qenë pronë e Arben Grorit (të dënuar me burg të përjetshëm për vrasje) dhe Elvis Gjetës (të dënuar me 7 vjet burg për drogë në Itali).

Pjetër Abnorin
A është e ligjshme dhe morale, që Pjetër Arbnori ka hipotekuar në emër të të birit 13 vjeçar 3 apartamente në plazhin e Kavajës në zonën kadastrale 2291 dhe me vlera respektive prej 950 mijë, 1 milion dhe 1.5 milion lekë? Pse këto pasuri nuk janë në emër të vetë z.Arbnori siç janë deklaruar 3 autoveturat e tij, kur ky i fundit ka përfituar të ardhura nga burgu dhe shitja e librave? Pse zotit Arbnori dhe shumë zyrtarëve apo deputetëve të PD u lejohet t'iu falin autovetura, ndërsa zotit Nano jo?

Jozefina Topallin
A është korrekte në deklarimin e saj zonja Topalli? Kush është statusi i saj i pronësisë mbi:

Dhomën e Tregëtisë Shkodër, ndërtuar nga shteti dhe privatizuar prej saj (Topallit) në kohën kur PD ishte në pushtet, Ish-kinemanë verore, Shtypshkronjën "Migjeni".
Të kontrollohen regjistrat e pasurive në Shkodër për:
Truall 1007 m katror përfituar me vendim gjykate,
Ndërtesë 604 m katror përfituar me vendim të
Komisionit të Kthimit të Pronave,
Ndërtesë 48 m katror përfituar nga AKP,
Truall 436 metra katror përfituar me vendim gjykate.
Shtëpi banimi 2 copë me sipërfaqe trualli 910 metra katror dhe sipërfaqë ndërtese 474 metra këtrorë me numër hipoteke 231, datë 17.10 2003.

Të verifikohet nëse apartamenti i zonjës Topalli I deklaruar në formular është legal apo ndërtim pa leje, pasi nuk figuron i regjistruar në hipotekë. Gjithashtu zonja Topalli duhet të deklarojë nëse ka përfitime financiare nga trajtimi ndihmave humanitare me të cilat merret familja e saj, apo nga qeratë që përfitojnë prej fondacioneve bamirëse (ish-kinemaja verore)?

Besnik Mustafajn
Ai rezulton pronar i 984 metra katror apartamente në 4 banesa dhe i 6 mijë metra katrorë truall, nga të cilat vetëm 2 mijë metra katror janë kthim prone në fshatrat e Tiranës! - Ju kujtoj se ai është nga Tropoja - Kërkoj të verifikohet saktësia e deklarimit të tij të pasurisë dhe e burimit të përfitimit, pasi prona që ai pretendon në deklaratë (apartament prej 108 metra katror, i blerë dhe i zgjeruar pa leje ndërtimi) nuk figuron e regjistruar në hipotekë.

Muhamet Ukperajn
Nuk e ka të regjistruar banesën e deklaruar prej 110 m katror në rrugën "Komuna e Parisit", të cilën e ka përfituar me kredi nga shteti. Gjithashtu, ai zotëron një autoveturë "Mercedes Benz" të regjistruar, si të falur, por të deklaruar si të blerë.

[Zarathustra.]

Sepse PD dhe Berisha eshte e paafte dhe teper inkompetente per te paraqitur zgjidhje dhe rrugedalje te problemeve reale te shqiptareve, deri tani ajo vetem ka preferuar ta ktheje luften politike ne lufte personale ndaj Nanos.

Te gjithe shqiptaret e dine shume mire qe morali i Nanos eshte morali i cdo politikani modern ne bote. Morali i Berluskonit, i Andreotit, i Klintonit, i Cheney-t apo edhe i vet Bush-it, te gjithe te akuzuar kush me shume e kush me pak per genjeshtra, per hajduteri, imoralitet apo korrupsion.

Te gjithe shqiptaret e dine se zgjidhja e halleve te tyre nuk eshte vertetimi i Benz-it apo apartamentit te Nanos, dhe as marrja neper goje e jetes se tij private apo i asaj te gruas se tij, por ajo e alternativave integruese, progresiste dhe konkuruese me ato te Nanos.

Por PD eshte e paate per kete. Ajo eshte e mbushur me njerez te paafte, me njerez anadollake dhe medioker.
PD dhe Berishen rralle here e shikon te angazhohet me kaq vrull, apo te kerkoje me pasion zbatimin e projekteve dhe strategjive alternative ekonomike qe i sjellin shqiptareve me shume pune, uje, drita dhe mireqenie. Ajo nuk ka asgje te tille, ajo eshte shterp, eunuke dhe nuk pjell ide te tilla. Asaj i mungon axhenda dhe largpamesia.

Si perfundim e mberthyer ne mjerimin e shterpesise se vet, ajo kerkon shpetim tek jeta private e Nanos, tek vlerat morale, apo karakteri i individit, qe ajo e degjeneroi dhe e korruptoi me keq se kurre gjate pushtetit te saj.

E vet Nano kurre nuk eshte marre me jeten private te kundershtareve te tij. Asnjehere nuk i ka marre ai ata ne goje. Vete Nano gjithmone flet per projekte, per zgjidhjet qe ka, sido qe te jene ato, gjithmone i kerkon bashkpunim PD dhe Berishes per zgjidhjen e problemeve.

Po kur shqiptaret shikojne se ku dhe si eshte fokusuar konflikti politik shqiptar, kur shikojne se PD nuk do te flase per zgjidhjen e halleve te tyre, per projekte apo plane me te mira, me te begata dhe progresiste, sigurisht qe ata plogeshtohen, deshperohen dhe nuk votojne.

Ne shqiperi askush nuk eshte i interesuar te ngreje grupe paralamentare dhe te harxhoje miliona ne hetime per makina apo apartamente. Ne shqiperi te gjithe pranojne qe nje kryeminister te jete i rehatuar ekonomikisht, ashtu sic kerkojne qe tashme fokusi i jetes politike te kryeministrit dhe politikes ne pergjithesi te jene hallet e tyre, rruget, investimet, jeta me e mire.

Duke i lene menjane keto probleme, dhe duke i konsideruar ato si pa lidhje me qellimin e tyre politik, PD dhe Berisha vazhdon politiken e tyre anadollako-bajraktare me nje mentalitet personalo-hakmarres, ashtu sic i shohim ata ti kercenojne gjithmone qeveritaret.

Cfare te mednojne shqiptaret kur Berisha u ofron lufte personale me Nanon, cfare te mendojne shqiptaret kur shikojne se si PD dhe Berisha zihen ne parlament duke kercenuar Nanon se kur te vijne ata ne pushtet ai nuk do gjeje strehim politik vecse ne Afrike, apo kur ministri me i suksesshem i rendit deri me sot i thuhet se do ti behet fytyra si sholle kepuce. Cfare te mendojne shqiptaret per kete opozite me keto alternativa? Zoti na shpetofte.

[Hyllien]

Po cna krahason ti njerez qe kane ne terezi vendet e tyre me Shqiperine. Duhet te pundohet ne Shqiperi ore mik e jot e shkoj kryeministri e te tall menderen me popullin. Ti me krahason moralet mua, sje Kennet Starr mer daj qe te shofi allatet e Clintonit edhe tja fillosh dhe ti me ato te Nanos.

Sa per Nanon dhe jeten private mjafton te shofesh ato xhevairat qe dolen parvjet tek mbledhja e PS... qe u kenaq gjith bota me idiotesite e parlametenareve inkopetent Shqiptare.

[ALBA]

Nano, mashtrime të sinqerta?


Andrea Stefani

Duan t´i bëjnë njerëzit të pranojnë që marrja nga kryeministri i dhuratave qindramijë dollarëshe, qenkërka një dukuri normale! Dhe normale e bëkërka edhe fakti që kryeministri i deklaron gjëra të tilla, publikisht...

...Kjo sfidë, ky sulm i hapur -prandaj edhe i pacipë - kundër moralit të shtetit, është një nga rreziqet më të mëdha për demokracinë në Shqipëri. Eshtë një paradoks, por mjerisht, i vërtetë. Askund, në asnjë shtet, transparenca nuk është korruptuar si këto ditë në Shqipëri. Askund, në asnjë vend, transparenca nuk ka tentuar për t´i bërë më të pranueshme për publikun aktet imorale të njerëzve të pushtetshëm. Por nuk ka si ndodh ndryshe. Ne, një shtet ku nuk ka drejtësi të lirë nga sundimi i politikës, transparenca deformohet duke i shërbyer jo antikorrupsionit, por korrupsionit.

Debati i fundit parlamentar mbi pasuritë e kryeministrit Nano, nuk solli asgjë të re. Si përherë, Nano dhe Berisha shkëmbyen sharjet dhe akuzat e forta me njëri-tjetrin, të pasuara edhe nga mbështetësit e tyre. Për herë të parë, Nano e pranoi publikisht se pasuria e tij e vetme është Berisha. Sarkazma e kryeministrit zbulon, mes rreshtash, një të vërtetë të madhe. Është, pikërisht, Berisha ai që mban liderë të tejkaluar si Nano në politikë. Jo se Berisha e do Nanon, por duke mbajtur Nanon, Berisha mban edhe vetveten. Nano dhe Berisha janë pole të kundërta që mbajnë në këmbë një antagonizëm dhe antagonizmi nga ana e tij, i mban ata në sundim të politikës.

Kryemintri Nano i qëndroi besnik kësaj koniukture të zezë, edhe në mbrojtjen e tij para Parlamentit. Argumenti kryesor i mbrojtjes për Nanon, u bë lista e gjatë e akuzave miliarda dollarëshe që Berisha ka lëshuar pa doganë, gjatë këtyre viteve të fundit kundër Nanos. Kryeministri shfrytëzoi, maksimalisht, edhe gabimin fatal që ka bërë Berisha dhe gjithë opozita gjatë këtyre viteve, duke mos i dërguar akuzat në prokurori. Kryeministri u përpoq ta paraqesë qesharake çështjen e korrupsionit të Nanos, duke shfrytëzuar gabimet e Berishës dhe llafazanërinë “antikorrupsion” të opozitës, dëshirën dhe dinakërinë e saj për ta përdorur antikorrupsionin vetëm si një mjet të zhurmës politike, por dhe mungesën totale të vullnetit për ta shdërruar atë në çështje thelbësore të drejtësisë.

Dhe përsëri, duke përdorur “Kartën Berisha”, mbrojtja e Nanos u shndërrua në një sulm. I akuzuar për një veturë, Nano akuzoi Berishën për një veturë. I akuzuar për zotërimin e pasurive të tjera të paligjshme, Nano akuzoi disa nga bashkëpunëtorët më të afërt të Berishës për pasuri të paligjshme. Për t´u mbrojtur nga akuzat për korrupsion, Nano akuzoi kundërshtarët e tij për korrupsion. Janë hajdutët që thërrasin `Kapeni hajdutin!`, – tha Nano.

Nga gjithë kjo tollovi akuzash dhe kundërakuzash, shpërthen duhma e korruptimit të thellë të klasës politike shqiptare, qoftë në pozitë dhe në opozitë. Dhe kjo ka ndodhur, sepse drejtësia nuk ka vepruar si një pushtet i pavarur asnjëherë: as nën Berishën dje, dhe as nën Nanon sot. Kuptohet mjaft qartë, nga ajo që thonë vetë liderët në fjalë dhe mbështetësit e tyre. Deputeti Erjon Braçe e pranoi hapur se ishte një gabim i socialistëve, mosndëshkimi në vitet e pushtetit të tyre të korrupsionit në radhët e opozitës, por – sqaroi ai – kishin vepruar kështu që të mos imitonin Berishën, i cili, kur ishte në pushtet, futi në burg liderin e socialistëve. Një deklarim që nënkupton se drejtësia varet nga vullneti i një lidershipi, partie apo shumice parlamentare. Por edhe një mbrojtje absurde e mungesës së vullnetit të socialistëve, për të luftuar korrupsionin. Sepse, nëse Nano u burgos dje për qëllime politike të maskuara me antikorrupsion, ku qëndron imitimi i pushtetit të Berishës, nëse sot drejtësia do të ndëshkonte, jo për qëllime politike, por ata këdo që është realisht i korruptuar?

Në fakt, mund të thuhet pak, për shumë nga akuzat me shumë zero nga pas që Berisha ngriti kundër Nanos. Sa janë të vërteta, sa janë shpifje? Nuk dihet. Nga fronti akntikorrupsion, që ka hapur opozita, kemi vetëm zhurmë dhe aspak punë për të sqaruar këtë tymnajë akuzash publike që shitet si transparencë, por që është errësirë. Dhe kështu do të vazhdojë derisa prokuroria të mos hyjë në lojë. Por ndërkaq, mund të thuhet diçka më shumë për dy akuza që ngrihen kundër Nanos: dhurata e një veture luksoze, si dhe blerja e një apartamenti 260 metër katror, me një çmim tmerrësisht të lirë. Deklaratat e dhuruesve, që shprehin dëshirën e tyre të mirë ndaj kryeministrit dhe “shtetit shqiptar”, nuk ndihmojnë as publikun, as Nanon. Ato janë alibia më e keqe për Nanon. Dhe nuk është detyrë e publikut të zbulojë sesa pa interes janë këto dhurata mbretërore, që i janë bërë Nanos. Kudo në botë, publiku është dyshues dhe as mund të mendohet të tolerojë raste të tilla që bëjnë Mmmuuuu...! Në Perëndim, zyrtarë të lartë kanë dhënë dorëheqje për incidente mikroskopike si, për shembull, përdorimin (vetëm përdorimin) e kartës së kreditit të zyrës për një blerje të vogël personale ose janë çuar në gjyq se kanë siguruar, për pjestarë të familjes, apartamente me qira më të ulta se tarifat e tregut. Publiku, në Perëndim, mendon se edhe një drekë nuk ta jep njeri gratis, pa një interes. Dhe ndërsa mund t´i gëlltisin me qejf drekat nga njeri-tjetri, qytetarët nuk kanë qejf të shohin kryeministrin e tyre, të bëjë të njëjtën gjë. Pse? Sepse kanë frikë se kryeministri nuk i shërben më qytetarëve, por atyre që i servirin “drekëra”.

Ata që më akuzojnë për korrupsion, janë vetë të korruptuar – bërtet Nano. Kjo nuk është mbrojtje. Minimumi i dinjitetit do të ishte që Nano të dërgonte në gjyq Berishën, duke e akuzuar për shpifje. Nano e njeh këtë praktikë se e ka bërë me ish-gazetarin dhe sot deputetin Lesi. Por Nano nuk dëshiron të tregohet i keq si Berisha. Nano është aq i mirë (ose aq më i mirë, krahasuar me Berishën) sa ndërsa Berisha e dënoi Nanon padrejtësisht, Nano nuk bën as përpjekjen më të vogël që Berisha të ndëshkohet drejtësisht.

Po kush ja jep të drejtën Nanos, që ato që publikisht i quan akuza false kundër kryeministrit, të mos i dërgojë në gjykatë? Me ç’të drejtë qytetari Fatos Nano, duke qenë më në dijeni se çdo qytetar tjetër për të vërtetat dhe të pavërtetat e kësaj çështjeje, nuk vepron në frymën e ligjit për të mbrojtur reputacionin e kryeministrit, i cili është një institucion, pra dhe diçka më shumë se personi me emrin Fatos Nano? Ky i fundit, nesër mund të largohet nga ai post, por kryeministri mbetet, dhe pjesa publike, jo personale, është ajo që i intereson më shumë qytetarëve.

Mbrojtja që po i bën Nano vetes, për të ashtuquajturat dhurata të vetëdeklaruara, është një praktikë shumë e rrezikshme dhe kompromentuese për postin e kryeministrit. Vërtet Nano mund të jetë, në këtë rast, në rregull me ligjin përkatës që nuk i vë kufi masës së dhuratës, që mund të pranojë një zyrtar publik, por nuk është aspak në rregull me moralin. Eshtë në rregull me një ligj të keq dhe jo në rregull me një moral të mirë. Dhe duhet që ligjet e këqija, të shërbejnë si alibira për liderët? Të pranosh publikisht se ke marrë dhurata qindramijëdollarëshe, nuk është transparencë, sinqeritet, është mashtrim me transparencën. Do të thotë të testosh shkallën e degjenerimit të moralit publik, duke qenë i sigurt, ndërkohë, që ligji nuk të ndëshkon. Do të thotë të ofrosh një lavatriçe të tipit të ri, me anë të së cilës të gjithë pushtetarët apo zyrtarët publikë, të pastrojnë pasuritë e paligjshme, vilat, hotelet, milionat. Mjafton që çdo ministër apo deputet, të gjejë një bamirës të kamur, i cili të pohojë publikisht se një ditë apo një natë, i lindi dëshira e mirë t´i dhurojë deputetit apo ministrit, të themi, 1 milion dollarë. Do të shihnim të shtoheshin, në progresion gjeometrik, historitë e bukura me “çekun 1 milion”, të gjitha bazuar në idenë dhe skenarin e kryeministrit tonë progresist

[Iliriani]

top-channel.tv

BLER REFUZON NJE DHURATE NGA LIDERI I GRUPIT U2

Kryeministri Toni Bler ka refuzuar nje dhurate nga lideri i grupit te njohur U2. Bono i kishte dhuruar kryeministrit i cili eshte edhe kitarist amator, nje kitare nga koleksioni i tij. Por sipas ligjit kryeministri britanik mund te pranoje dhurata deri ne 300 dollare dhe i duhet te paguaje nga xhepi i tij cdo gje qe e kalon kete shume. Pavaresisht dhuratave te shumta ndaj kryeministrit britanik qe kalojne shume e 300 dollareve amerikane, Bler ka pranuar vetem njehere disa veshje te nje kompanie australiane, me vlere prej 600 dollaresh. Te gjitha dhuratat qe kalojne shumen e percaktuar, Blair dhe ministrat e tij i kane deklaruar para parlamentit.

[Zarathustra.]

Ka nje element dhe dimension psikologjik ne figuren e Nanos kur vjen puna se si ai perceprohet nga publiku, politika dhe mbi te gjitha administrata shqiptare.

Te gjithe e dime se kur Nano erdhi ne pushtet shqiptaret tashme ishin kthyer ne nje shoqeri ku mbreteronte mentaliteti i hajduterise, korrupsionit dhe degjenerimit. Besoj se duhen vetem dy pare mend qe te kuptosh se Nano gjeti dhe nuk ishte ai qe krijoi, ate ambient te shkatrruar ne shqiperi persa i perket vlerave te larta, sic eshte puna, sakrifica dhe ndershmeria. Te gjithe e dine se Nano mori ne dore per te qeverisur nje shoqeri horrash dhe gangsteresh, ku mafia ishte disa here me e fuqishme se shteti.

Sikur Nano te paraqitet apo te sillet si njeri i ndershem, i padjellezuar dhe te mos leje pershtypjen e nje finoku, hileqari dhe njeriu te fuqishem, panvaresisht nga menyra e arritjes se kesaj, ne Shqiperi mund te ndodhe po ai fenomen qe ndoshi gjate 92-97.
Njerezit pereth tij dhe punonjesit e degjeneruar te administrates, qe perbenin dhe perbejne shumicen, bile do ta perbejne ate ne cdo rast kushdo qofte ne pushtet, - do ta konsideronin Nanos si nje derdimen me te cilin ata mund te luajne si te duan. Ata edhe nje here do ta perdornin Nanon si nje fasade te ndershmerise, sic bene me Saliun dhe nga ana tjeter do ti suleshin shtetit per ta vjedhur dhe degjeneruar sa te mundeshin, sepse ne krye tashme eshte nje qorr qe nuk merr vesh nga prapesite e kesaj bote.

Nano do perceptohej si njeri qe ia shket duke i bere qejfin dhe mbajtur ne pushtet, qe ujqerit rreth tij mund ta perdorinin si te donin ashtu si me Berishen.
Jo pak njerez ketu akoma e konsiderojne Berishen njeri te ndershem, dhe per falimentimet e 92-97 akuzojne njerezit rreth tij.

Nano duke u paraqitur me imazhin e nje gangsteri i tregon pikerisht shumices se shqiptareve dhe sidomos atyre qe jane ne administrate se ai e njef kopilllekun shume mire, se ai eshte apo mund te jete, njeri prej tyre, dhe keshtu e di mjaft mire se cfare kane ata nder mend, dhe keshtu ata nuk ia shkasin dot. Kjo e ben Nanon te jete ne kontroll dhe i plotfuqishem, ndryshe ujqerit perreth tij do ti turren shtetit seicili per interes te vet per ta ber ate lesh si dikur. Nje shtet ku te gjithe kerkojne interesat e veta pa pyetur per ate publik, dhe keshtu nje shoqeri ku mbizoteron kaosi dhe anarkia.

Eshte vertetuar deri me sot se eshte me mire qe Nano te marre nje dhurate te pandershme sic eshte benzi dhe shtepia, sesa nje administrate e tere shteterore te jete jashte kontrollit te bosit dhe ti sherbeje interesit te vet pa kriter. Demi ekonomik per shqiptaret te shkaktuar nga keto dhurata imorale dhe te tepruara eshte teper minimal, duke e krahasuar kete me demin prej 1 miliarde dollare te administrates e padisiplinuar dhe te paafte te Berishes.

Sido qe te jete, shteti sot eshte shume here me solid dhe i forte se ai i dikurshem dhe me kete paralelisht po ecen edhe eliminimi i krimit dhe i fenomeneve korruptive. Zhdukja e skafeve, fushata e sekuestrimeve, lufta kunder droges kane dhene rezultate qe dikur as qe mund te imagjinoheshin, le me pastaj te arriheshin. Nano nuk mund ta bej pra konvertimin e mentalitetit prej horri te shqiptarit ne menyre tjeter vecse gradualisht sic po e ben.

Jane vertet qorra ata qe mendojne se Berisha do vije ne pushtet dhe korrupsioni do eleminohet. Ne e pame se si u eleminua ai kur PD qeverisi. Kjo nuk do brire vetem ate qe quhet "common sense".

[D&G Feminine]

Gradualisht Nano po ben konvertimin e mentalitetit te shqiptareve ne administrate....




Banka Boterore: NJE KAPITULL VETEM PER REZULTATET E QEVERISE

Korrupsioni i zyrtarëve, në rritje
"Institucionet e shtetit, të dobta dhe jo efektive"


--------------------------------------------------------------------------------

Anila Basha


Qeverisja e dobët dhe përpjekjet inefektive për të luftuar korrupsionin, mbeten një ndër faktorët kryesorë që ndikojnë në ekonomi, përcakton Banka Botërore. Hapa modestë janë bërë për ndërtimin e institucioneve por "kthimi mbrapa" ka reduktuar apo fshirë këtë progres modest që është bërë. Perceptimi për efektivitetin e qeverisë shqiptare është si gota ndoshta gjysëm e mbushur dhe konsiston në disa evidenca sipas Bankës.

Korrupsioni, sa ndikon në ekonomi
Korrupsioni ngadalëson rritjen ekonomike në mënyra të ndryshme: ndikon negativisht në investime, financat publike, dhe zhvillimin e biznesit. Korrupsioni është i lidhur gjithashtu me produktivitetin e ulët të investimeve publike, mbajtjen nën kontroll të shpenzimeve dhe me kualitetin e varfër të infrastrukturës (rrugët janë në gjendje të varfër, sistem telekomunikacioni ineficent etj). Dokumentohet ndër të tjera edhe impakti negativ i korrupsionit në strukturën e taksave në vend. Sipas një vëzhgimi për shpenzimet administrative dhe rregulluese e cila mbuloi 500 kompani u projektuan intervista me rreth 25 autoritete qeveritare përgjegjës për rregullat e biznesit. Raporti i FIAS (2003) nxorri se 50 përqind e të pyeturve ishin "diçka të pakënaqur", "të pakënaqur" ose "shumë të pakënaqur". Një pjesë e madhe 59 përqind kanë raportuar për "sjelljen burokratike" nga zyrtarët që merren me këto rregullime.

Faktorët
Sipas të njëjtit raport, në këtë situatë ndikojnë disa faktorë: implementimi i dobët i rregullimeve dhe guideline operacionale; mungesë efektiviteti i strukturave (investitorët në të shumtën e rasteve nuk dinë ku të shkojnë dhe për çfarë dhe autoritetet qeveritare janë konfuze gjithashtu për këtë dhe për investitorët kjo është një humbje e kotë kohe) si dhe mungesë efektiviteti për zbatimin e ligjeve dhe rregullave. Një arsye tjetër, është se ka njohuri të pakta ga zyrtarët publikë të të gjithë niveleve. "Në përgjithësi zyrtarët nuk i besojnë biznesmenëve. Shumë prej tyre e shohin veten si polic dhe jo si shërbyes. Ky është një perceptim i përbashkët që i bënë ata të abuzojnë me pozicionin e tyre duke marrë përfitimin personal" shkruhet në raportin e Bankës.

Çfarë është bërë
Sipas BB janë ndërmarrë hapa të limituar në fushën e administratës publike ku është adaptuar edhe një ligj për shërbimin civil. Kapacitetet juridike e legale janë shtrënguar, një plan antikorrupsion është në zbatim. Eshtë arritur progres edhe në modernizimin e sistemit gjyqësor si rritja e rrogave për gjykatësit e prokurorët, adaptimi i një ligji të ri për avokatinë, një kod i ri për familjen, reformat në fushën kriminale dhe vendosja e gjykatës së krimeve të renda, adaptimi i ligjit për pastrimin e parave, trafikut të qenieve humane, mbrotja e viktimave dhe terrorizmi sipas standateve evropiane apo implementimi i mënyrave speciale të investigimit. Janë bërë hapa modestë në drejtim të luftës kundër korrupsionit si një marrëveshje e nënshkruar mes Prokurorit të Përgjithshëm shoqërisë civile dhe njësisë anti-korrupsion. Megjithatë, perceptimi i institucioneve në Shqipëri mbetet një shqetësim, sipas Bankës sidomos kur krahasohet me vendet e tjera të SEE dhe kërkohet ndërtimi i institucioneve të besueshme në Shqipëri.


Të ruhet stabiliteti dhe të rriten kapacitetet

Shqipëria është një nga historitë e rritjes më të suksesshme ndërmjet ekonomive në tranzicion gjatë dekadës së fundit. Duke qenë se Shqipëria do të lëvizë në një fazë të re të rritjes së saj ekonomike duhet të rrisë kapitalet e veta akumuluese dhe gjithashtu të ketë përmirësime në produktivitetin e përgjithshëm. Banka sugjeron që Shqipëria duhet të zhvillojë më tej reformat strukturore për të pasur përmirësime në produktivitetin e përgjithshëm nëpërmjet burimeve alternative. Për të arritur këto qëllime Shqipëria duhet të rrisë shkallën e investimeve, kualitetin e arsimit të mesëm, dhe sidomos shkollimin në zonat urbane ku ekzistojnë mundësitë e punësimit. Duhet të përmirësojë edhe infrastrukturën publike, kualitetin institucional dhe qeverisjen. Këto do të arrihen duke përfshirë: mbajtjen e stabilitetit makroekonomik dhe reformave strukturore. Kjo kërkon disiplinë fiskale, përmirësim në menaxhimin e shpenzimeve publike dhe lehtësimin e politikave monetare. Banka sugjeron një tjetër factor edhe përmirësimin e qeverisjes duke ushtruar presion për procese meritokratike në nivelet e larta të shërbimit civil ndhe duke rritur transparencën me të cilën operon qeverisja. Një tjetër factor është shpërndarja e aksesit në tregun ndërkombëtar e cila kërkon kapital humanitar më shumë sesa ka aktualisht vendi.


Integrimi në BE i dobët, kërkohen reforma të thella

Sipas Komisionit Evropian, reformat në Shqipëri në 12 muajt e fundit kanë qenë të limituara. Raporti vjetor i 2004 shënon se "mjaft nga reformat…nuk janë bërë akoma". Më të rëndësishme janë reformat për zbatimin e ligjit, luftën kundër krimit të organizuar e korrupsionit dhe funksionimin e sistemit gjyqësor. Shqipëria ka disa përparime ku përmenden roli konstruktiv në rajon, reduktimin e trafikut të qenieve njerëzore dhe drogave nga bregdeti si dhe firmosja e marrëveshjeve të ripranimit. Por në zonat kyç që janë krimi i organizuar, reforma juridike dhe reforma në administratën publike kanë ende shumë për të bërë. Sipas BB ky raport ka disa qëllime kryesore një ndër të cilët është edhe ai për diskutimin e reformave afatmesme të të gjithë axhendës si dhe identifikimi i çështjeve kryesore me të cilat perballet ekonmia shqiptare.

[Iliriani]

Realiteti ne shqiperi eshte shume grotesk.

Parafytyroje te kishte marre Bushi [Presidenti i SHBA I FUQISE ME TE MADHE NE BOTE] nje benc dhurate per $300,000 ca do ti kishte bere Keri e pale te kisht blere nje apartament ne Washington katerhere te ulet ne vleren e tregut ne nje pallat qe te kishte 4 kate me shume se leja si ai i Nanos.
To ta hiqnin direkt.
Klintoni per nje fjale e ca hoqi!
Te vjen per te qeshur keto dhurata qe presidenti i vendi me te madh ne bote si merr dote i merr dhe i pranon me gojen e tij Kryeministri i vendit nga me te varfrit e botes?
E kur Toni Bler nuk mund te marre dhurata mbi $300 kryeministri jone mund te marre dhurata $300,000.

LUMSI NE PER KET PARTI

Nuk ka justifikim dhe ato ne gjithe boten nuk quhen dhurata qe i jipen qeveritarit ato jane thjeshte korrupsion e shfrytezim posti e keto dhurat ai i ka marre vetem nga qenia ne krye te qeverise e PS.
KY ESHTE THJESH SHFRYTEZIM POSTI DHE PIK.

E me qesharakia Nanua e pranon me gojen e tije.

Nuk cuditet ndonje me Nanon.

Nanua qe i pari qevritar e politikan qe ka vjedhur ne shqiperi atehere kur shume veta se dinin ca qe vjedhja.Ai vodhi sa u ndryshua sistemi ndihmat humanitare qe erdhen ne shqiperi e te gjithe shqiptaret kane qene deshmimtar okular te kesaj vjedhjeje.

Po kur Nano qe ne burg per vjedhje qahej e na ankohej se ai nuk qe hajdut fare po e kishte futur ne burg Berisha per politike.
Se Nanua nuk kishte dore ne vjedhje e nuk vidhte.
Tani eshte qesharake se pasi fitoi tere kete pushtet duke mundur Meten ne parti e duke krijuar ne pushtet personal ne qeverisje krekoset nga tribuna e parlamentin e mbrojtur nga shumica e votave dhe me gojen e tij aprovon se ka marre dhurate bencin $300,000 e nje shtepi 4 here me te vogel se vlera keto jane akte te pastra mitmarje dhe korrupsioni me postin zytare.
Plus nje njeri qe gjeti rrugeve te Athines tani na e shet si afaristen me te madhe te shqiperise per 4 vjet.

Shume groteske kur qe ne burg ankohej e qahej tani qe eshte ne qeveri vjedh e ben korupsion dhe me mburrje e aprovon dhe vete.

Nuk e di sot ne ka nje shqiptar qe te mendoj se Nano nuk vjedh qofte dhe ne partine e tij?

Nanua DUHEJ TE QE SHUME I KUJDESSHEM TI TREGONTE POPULLIT SE AI VERTETE NUK VJEDH E NUK E KA ZAKON TE VJEDH se i qe ankuar qe e kishin denuar kote per vjedhie.
Se Nanua nuk vjedh sote nuk e beson asnje njeri e te gjithe e dine vjedhja eshte semundie po e bere nje here nuk ndahesh.

Ky eshte kryeministri jone e mos e fol me.

Nga ana morale Nanua,te gjykimi i shqiptareve,se a Nanua vjedh apo jo, Nanua e ka humbur kete e gjithe shqipater e dine qe ai vjedh dhe perkrahesit tij ketu ne forum te cilet nuk e mohojne dote kete te vertete po thjesht justifikohen me ate qe gjithe politikanet vjedhin.
Po nuk e di te shikojne njehere ne bote se ca behet me ata politikan qe kapen qe kane shfrytezuar postin apo kane vjedhur ca behet me ta?
Keshtu zoti Nano ai opinion qe reflektoi me ankesat e qariet e tua qe te kishin denuar kote per vjedhje ate ti e shkaterove dhe keshtu nuk i ankohesh e qahesh dot me njeriut ne te ardhmen.
Cdo e keqe ka nje te mire zoti Nano.

Nuk e di sot ka me shume hajdut ne qeveri se sa ne burgjet e shqiperise.
Goxha haritje e qeverise se kryesuar nga KRYE-..... Nano.