Berisha: Komision parlamentar hetimi per pasurine e Nano

[ALBA]

Apartamenti i Nanos, mbi 500 metra katrore



35 mijë dollarë është vetëm gjysma e TVSH-së që duhet të paguajnë biznesmenët që ia kanë shitur apartamentin familjes Nano. Biznesmenët që ia kanë "dhuruar", kanë shpresuar se dhurata do t'u shërbejë për legalizimin e dokumentacionit.

Sipas verifikimeve fillestare, hapësira prej 260 metra katrorë është vetëm hapësira e një kati të apartamentit të familjes Nano pa llogaritur verandën e tij dhe korridorin e jashtëm që është pjesë e apartamentit. Sipas llogarive fillestare apartamenti shkon tek rreth 500 metra katrore dhe nëse shitet me çmimin normal në treg, ai kushton rreth 350 mijë euro. Nëse marrim TVSH-në 20 për qind, biznesmenët duhet të paguajnë rreth 70 mijë euro TVSH për këtë apartament, të dhuruar. Shuma prej 35 mijë dollarësh që ka deklaruar zonja Nano përbën vetëm gjysmën e TVSH-së që këta biznesmenë duhet të paguajnë.

Burimet e gazetës "TemA" thonë se ata e kanë bërë këtë dhuratë me qëllim që të nxisin Kryeministrin në miratimin e ligjit për legalizimin e shtesave pa leje në pallate. Ligji u miratua në Kuvend disa muaj më parë.

Ndërtuesit e pallatit janë një grup prej katër biznesmenësh, kryesori prej të cilëve është nga Shkodra. Ata nuk kanë komunikuar me shtypin dhe po u qëndrojnë larg zërave që flasin për tregun e shitjeve në këtë apartament.

Sipas deklaratës së Xhoit, ky apartament është blerë me një vlerë prej 134 dollarësh për metër katror, kurse nëse llogarisim hapësirën e vërtetë ai është blerë sipas kësaj deklarate me 67 dollarë metri katror (520 metra katror me gjithsej 35 mijë dollarë). Kaq para, në Tiranë paguhen vetëm për të marrë lejen e ndërtimit në atë vend.

Ndërsa në zonën ku ndodhet apartamenti privat i çiftit Nano, çmimet variojnë nga 600 deri në 900 dollarë për metër katror.

Nëse Inspektoriati i Lartë për Deklarimin dhe Kontrollin e Pasurive, do të zbatojë ligjin për ndëshkimin juridik, financiar dhe administrativ për zotin Nano ai rrezikon të ndiqet penalisht.



Fatos Nano

-Autoveturë Benz-Mercedez i dhuruar

-2 letra me vlerë 0.02 milionë lekë

-2 letra me vlerë 0.04 milionë lekë

-3139.07 euro Mastercard (eurocard)

-23.64 euro llogari rrjedhëse dega Tiranë

-2.635.000 lekë paga

Xhoana Nano

-Apartament 35000 USD, blerë me të ardhurat nga dëmshpërblimi për vuajtje të dënimit të padrejtë që iu njoh bashkëshortit tim nga gjykata e rrethit Tiranë

-Shoqëria JOY TRAVEL sh.p.k, 21.654.593 lekë kapital

-50% të shoqërisë ALBACOPTER sh.p.k, 1.186.000 lekë kapital



tema

[ALBA]

Pasuria e Fatosit i prish gjumin Fatmira Laskajt

Eksponentë të opozitës thanë dje për "55"-ën, se do t'i jepnin vetëm 15 ditë kohë Inspektoriatit të Deklarimit të Pasurive, për të zbuluar mashtrimet e Nanos, përndryshe, do t'i padisnin drejtuesit për shpërdorim detyre Inspektoriati i Lartë i Deklarimit të Pasurive, është vënë para faktit të kryer, pas demaskimit të rëndë që i bënë ligjit Fatos e Xhoana Nano me mashtrimet e tyre, qoftë përsa i përket çmimit të sarajeve tek "Shallvaret", qoftë për dhuratat e ndryshme që kanë marrë, disa prej të cilave të vlerësuara në mbi 100 mijë dollarë. Tashmë, sipas dispozitës ligjore, institucioni është i detyruar të thërrasë të dy subjektet për konfirmimin e deklaratave përpara se të arrijë në përfundimin e qartë si drita e diellit, se pasuritë janë vënë në rrugë të paligjshme, çka do të shndërronte gjithçka në një subjekt të Prokurorisë së Tiranës. Vet Fatmira Laskaj, nuk ka mundur të konfirmojë nisjen e hetimit, megjithatë eksponentë të opozitës shqiptare thanë dje, se do të prisnin vetëm 15 ditët e përcaktuar në ligj, para se të padisnin në prokurori për shpërdorim detyre, vet kryetaren e Inspektoriatit të Lartë të Deklarimit të Pasurive, Fatmira Laskaj. Deputetë të ndryshëm të opozitës, por edhe disa eksponentë të maxhorancës, denoncuan qysh ditën e parë mashtrimet në deklaratën zyrtare të pasurisë të çiftit kryeministror, por më vonë edhe mjaft biznesmenë mbështetën këto dyshime, kur u shprehën se nuk ishin deklaruar dhuratat që ata i kishin bërë çiftit kryeministror. Nëse ndaj Fatos e Xhoana Nanos, nuk do të fillojë hetimi, vënia nën akuzë e një institucioni nën varësinë e drejtpërdrejtë të parlamentit, për shkak se është vënë nën kontrollin e kryeministrit, do të ishte rasti i parë në këto vite pluralizëm.

[Brari]

Ne Koh Jone te niko Lesit..ish shokut te zan causheve e sot kryetar i demokristianeve..lexojme...
---


LASKAJ REAGON PER PASURINE E NANOS

Eglantina Nasi

Kryetarja e Inspektoriatit te Larte per Deklarimin e Pasurive, Fatmira Laskaj, ka reaguar menjehere qe nga Shtetet e Bashkuara lidhur me akuzat e medias per mosverifikimin e pasurise se zyrtareve te larte qe akuzohen per deklarim te rreme pasurie. Sipas Laskaj, grupi i inspektoreve do ta perfundoje sa me pare kete proces per te mos i lene me vend akuzave te medias ngritur per kete ceshtje. Keto t- fundit e akuzuan gjate diteve te fundit Inspektoriatin e Larte per Deklarimin e Pasurive, per neglizhim te procesit te verifikimit mbi pasurite qe kane deklaruar zyrtaret e larte. Madje, rreth ketij institucioni u perfol edhe heshtja e plote lidhur me pasurine qe kane deklaruar kryeministri Fatos Nano dhe bashkeshortja e tij, Xhoana Nano. Ne vend qe institucioni ne fjale te reagonte menjehere ndaj ketij interesimi te mediave lidhur me nje fakt te tille, Inspektoriati i Larte i Deklarimit te Pasurive u qortua per heshtjen e tij mbi verifikimin e pasurise, jo vetem te ciftit kryeministror, por te te gjithe zyrtareve per te cilet shprehen dyshime ne deklaratat e tyre te pasurise. "Ne aktualisht, me nje grup inspektoresh, gjendemi ne Shtetet e Bashkuara te Amerikes per nje trajnim, gjithmone lidhur me realizimin sa me te drejte te procesit te verifikimit te deklarimit te pasurive. Sa te kthehemi ne Shqiperi, do te fillojme menjehere nga verifikimet e ketyre deklarimeve, per t'i dhene pergjigje ne kete menyre interesimit te mediave lidhur me disa deklarime pasurish qe ajo i ka cilesuar si te dyshimta" pohoi per mediat kryetarja e Inspektoriatit te Larte per Deklarimin e Pasurive.

-------------






pra Laska- laraska e zeze na con te fala nga Amerika..pra ..ish xhelatja e gjykatave staliniste te partise punes e korruptuara Laskaj merret nga Amerikanet e cohet per instruktazh ne vashington qe te mesoje si te "zbuloje" korrupsionin..ose si ta mbuloje korrupsionin e miqve te Xhefrit ne Tirane..

edhe i korruptuari tjeter hajduti i milonave te pasoshave ilir gjoni cohet ne Amerike per te mesuar marifete te tjera se nuk i dalin ato te mesuarat ne Bllok..

edhe gruan e jaho salihit e strehon Amerika qe ai te ndjehet i qete e te mos hap sqepin e te tregoje se kush ishte regjisori i vrasjesse atij qwe i solli demokracine Shqiperise pa pritur qe tna e sjelle Amerika Lino Limpreht Teneteve..

a eshte kjo rastesi e pun tarafesh e qese-thaset me euro dollare e arturina thesari qe dhuron Mafia e Tiranes nepunsave te ambasades Amerikane apo nje Linje e caktuar e Departamentit te Shtetit amerikan qe ti mbaj me zor ne Pushtet agjenturen staliniste kexhebeiste te Partise Punes.. qe shiu lëmë 50 vjet ??

duhet te jete nje linje kjo se ska si shpjegohet si pakujdesi 97-ta qe beri Linoja me brok gjinushet e caushet si dhe vendosmeria per te "luftuar" baronet e Krimit..nga Xhefer Linote.. me simite me qofte..


..

[StterollA]

MOISIU HEDH DYSHIME PER VERTETESINE E DEKLARIMIT TE PASURIVE

Presidenti i Republikes Alfred Moisiu ka qene sot i ashper ndaj zyrtareve te papergjegjshem e korruptive si dhe ndaj politikaneve qe fshehin pasurite. Auditori i presidentit te vendit ishin studente te Fakultetit te Drejtesise ne nje takim te organizuar nga Zyra per Mbrojtjen e Qytetareve. Kryetari i shtetit denoi perfshirjen e punonjesve te administrates shteterore ne akte korruptive dhe nuk nguroi te shprehe dyshime per pasurite e deklaruara deri tani nga zyrtaret shteterore. “Kërkoj nga inspektoriati i lartë i deklarimit të pasurive dhe nga autoritetet e tjera që në zbatim të ligjit të tregojnë anagazhim më të madh në luftën kundër korrupsionit”, u shpreh Moisiu. Më tej presidenti e quajti luften kunder korrupsionit nje detyre dhe sfide kombetare dhe i ftoi studentet e këtij fakulteti që të denoncojnë hapur cdo rast të abuzimeve ne këtë institucion apo edhe me tej, pasi kështu i japin një ndihmë të vyer shtetit dhe vetes se tyre. Ndërsa drejtori i Zyres per Mbrojtjen e Qytetareve, Kreshnik Spahiu tha se procesi i deklarimit te pasurive nga ana e politikanëve është zhgënyes, sidomos për raportimin që ka bërë shefi i qeverisë Nano. Spahiu u bëri thirrje përfaqësuesve të drejtësisë që të thonë fjalen e tyre edhe pse kushtet janë ende të vështira.


TopChannel

[ALBA]

Reagon firma ndërtuese “VJERO”, emri i së cilës figuron në hipotekë si pronare e pallatit në rrugën “Reshit Çollaku”

Kujt ia keni blerë shtëpinë Z. Nano?

Pipo Vjero: Kanë përvetësuar dhe përdorur emrin tonë. Nuk ia kemi shitur ne shtëpinë Nanos

Shekulli

Sipërfaqe mbi tokë sipas lejes (12 kate) 5107.2 metra katror

Sipërfaqe toke sipas zbatimit (13-15 kate) 8175.6 metra kator

Sipërfaqe mbi tokë, shtesë pa leje 3608.4 metra kator


Skandalet e pallatit ku banon kryeministri shqiptar nuk kanë të sosur. Apartamenti ku banon kryeministri Fatos Nano jo vetëm që është pa leje ndërtimi, por i gjithë dokumentacioni i tij në shtet, përfshirë edhe kontratat e shitblerjes janë të falsifikuara. Kjo, sepse firma “Vjero” e cila rezulton në hipotekë si pronare e pallatit në fjalë, dhe rrjedhimisht si shitëse e apartamentit zotit Nano dhe banorëve të tjerë, në fakt nuk është as ndërtuesja e as pronarja e pallatit. Emri i kësaj firme është përvetësuar e përdorur nga dhuruesit e apartamentit të kryeministrit, që nga ndërtimi e deri te hipotekimi i pallatit, pa dijeninë e saj.
Pjesa e parë e skandalit, ajo e mungesës së lejes së ndërtimit për sipërfaqen ku banon kryeministri dhe bashkëshortja e tij e re, u botua dje nga “Shekulli”, pasi arritëm të disponojmë projektin e ndërtimit të pallatit. Në bazë të dokumentacioneve zyrtare që ne kishim në duar, rezultonte se ndërtuese e pallatit është firmra “VJERO”. Por pas publikimit të shkrimit dje, në redaksinë e “Shekullit” kanë mbërritur përfaqësuesit e firmës “Vjero”, at e bir, të cilët kanë paraqitur dokumentet që vërtetojnë se ata nuk e kanë ndërtuar atë pallat, dhe rrjedhimisht nuk janë pronarë të tij.
Administratori i kësaj firme, inxh. Pipo Vjero tha se pallati ku banon kryeministri nuk është ndërtuar prej shoqërisë së tij. Historia e këtij skandali gjigant falsifikimi, ka nisur me sa duket në vitin 1997, kur firma “Vjero” ka bërë një marrëveshje me pronarët e truallit ku është ndërtuar pallati, për të ngritur këtë godinë. “Ne morëm edhe lejen e ndërtimit, por në momentin kur donim të fillonim ndërtimin, pronarët e truallit, të nxitur kushedi prej kujt, erdhën dhe na kërkuan shumë më tepër nga sa ishim marrë vesh më parë. Në këto kushte ne u tërhoqëm nga ndërtimi i pallatit, e lamë atë punë”, - tregon z.Vjero. Pas largimit të firmës “Vjero”, janë futur në lojë dhuruesit e apartamentit të kryeministrit, të cilët kanë vazhduar ndërtimin me një projekt tjetër e pa marrë leje tjetër ndërtimi, siç parashikon ligji.
Përfaqësuesit e firmës “Vjero”, siç rezulton nga dokumentacioni që ata paraqitën në redaksinë e “Shekullit”, kanë kuptuar se diçka po luhej në kurriz të tyre, kur u kanë mbërritur letrat e para nga policia tatimore, e cila i kërkonte të paguanin taksat. “Ne i lajmëruam se nuk ishim ne që ndërtonim në atë zonë dhe se ishim larguar prej aty. Më pas, nuk e di si u mbyll ky muhabet, unë nuk mund të bëj punën e shtetit, - thotë z.Vjero.
Skandali ka vazhduar më tej. Megjithëse i lajmëruar për këtë anomali, shteti nuk ka reaguar, dhe dhuruesit e apartamentit të kryeministrit, përfunduan pallatin, përfunduan edhe katet shtesë, sipas porosisë së klientit më të rëndësishëm F.Nanos dhe më pas kanë bërë edhe hipotekim të pallatit në emrin e firmës “Vjero”. Meqë “Vjero” rezulton si pronare e këtij pallati, në hipotekë, atëherë edhe kontratat e shitblerjes së apartamenteve, përfshi edhe kontratën me çmim të reduktuar me çiftin Nano, janë bërë në emër të kësaj firme, ose në emër të të tretëve. Sido që të jenë bërë këto kontrata, ato janë të falsifikuara, sepse firma “Vjero” nuk pranon të ketë nënshkruar asnjë kontratë shitblerje qoftë direkte, qoftë indirekte, pasi ajo e ka braktisur ndërtimin e këtij pallati, kur ai ende nuk kishte nisur.

Përse “VJERO” nuk ka ndërtuar pallatin e Nanos
Jo vetëm nga ajo çka deklaron administratori i firmës “VJERO”, z. Pipo Vjero, por edhe nga i gjithë dokumentacioni zyrtar, kjo firmë është tërhequr nga e drejta për të ndërtuar pallatin në rrugën “Reshit Çollaku”, që në vitin 1998. Një vit pas miratimit të lejes së ndërtimit nga Këshilli i Rregullimit të Territorit më 25.11.1997, për shkak të mosmarrëveshjes së lindur me pronarët e truallit firma ka revokuar akt –marrëveshjen për ndërtimin e pallatit 12 -katësh. Për tërheqjen nga e drejta e ndërtimit, administratori i shoqërisë ka vënë në dijeni edhe ish -kryetarin e bashkisë, z. Albert Brojka dhe zyrën urbanistike të asaj kohe. Ndërkohë që çuditërisht pallati regjistrohet gjithkund po nën emrin e kësaj firme. Madje edhe hipotekimi është bërë nën emrin e saj. Përfaqësuesit e firmës “Vjero” thonë se nuk kanë dijeni se kush ka vazhduar punimet. Për inxhinierin Pipo Vjero është e pakonceptueshme abuzimi që është bërë në emër të tyre, që ka shkuar deri në uljen e prestigjit të kësaj firme. Z.Vjero shtoi se do t’i drejtohej menjëherë gjykatës, për të hedhur në gjyq falsifikatorët.

Firma fantazmë që vepron me kryeministrin
Në vitit 1997 KRRT me një vendim nr. 553 ka miratuar lejen e ndërtimit për objektin 12 kate në favor të firmës “VJERO”, në një sipërfaqe prej 5107.2 metra katror. Ndërkohë që Pipo Vjero thotë se është tërhequr nga e drejta e ndërtimit për shkak të mosmarrëveshjeve me pronarin e truallit. Por çuditërisht, punimet për ndërtesën vazhduan. Objekti i miratuar, nga 12 kate që ka pasur lejen është zbatuar në 13, 14 dhe 15 kate duke u shtrirë në një sipërfaqe prej 8715.6 metra katror. Sipas dokumenteve, firma që vazhdoi ndërtimin, (emri nuk i figuron gjëkundi, në dokumentet zyrtare) jo vetëm që ka ndërtuar në një sipërfaqe prej 3608.4 metra katror pa patur leje ndërtimi, por edhe ka shkelur të gjitha pikat e planimetrisë së lejes së ndërtimit të marrë për objektin 12 -katësh. Nga verifikimi i situatës në vend prej specialistëve, rezulton se në drejtim të veriut, objekti i miratuar faqe kallkan me gjatësi 16 m është zbatuar faqe me dritare me gjatësi 20.9 m në distancë 2.7 dhe 3.8 metra nga objekti 1 dhe 8 kate në këtë drejtim.
Në anën lindore të tij, objekti është miratuar me gjatësi 26,6 m dhe është zbatuar me gjatësi 29.8 metra. Në drejtim të jugut, objekti është miratuar faqe kallkan me gjatësi 16 m dhe është zbatuar me dritare me gjatësi 20.9 m. Në drejtim të perëndimit, objekti është miratuar me gjatësi 26.6 metra ndërsa është zbatuar me 29.8 metra ndërkohë që bodrumi është ndërtuar në sipërfaqe shtesë. Po kështu në bazë të verifikimit të ndërtesës thuhet se objekti nga 12 kate i miratuar është ndërtuar në 12, 14 dhe 15 kate, pjesë në të cilën banon edhe kryeministri shqiptar, Fatos Nano.

Skandali i hipotekës
Në deklaratën e saj, Xhoana Nano ka bërë të ditur edhe hipotekimin e banesës së saj, ndërkohë është i pamundur hipotekimi i një ndërtese në rast se ajo nuk ka lejen e ndërtimit. Në bazë të dokumenteve që disponon gazeta, hipotekimi i pallatit në Zyrën e Regjistrimit të Pasurive të Paluajtshme Tiranë është bërë nën emrin e firmës ndërtuese “VJERO” . Pallati në rrugën “Reshit Çollaku”, megjithëse nuk ka leje ndërtimi edhe për 3608 metra të ndërtesës, figuron i regjistruar në regjistrin e Hipotekës me Nr 77. Dt. 28.3.2000. vetëm për 12 katet e tij nën emrin e firmës “Vjero”. sh.p.k . Administratori i firmës thotë se jo vetëm që nuk ka kërkuar regjistrimin e pallatit, pasi nuk është ai ndërtuesi por e quan këtë fakt një skandal që vetëm në Shqipëri mund të ndodhë. Pa qenë ndërtues i apartamentit, firma “VJERO” figuron në hipotekë si pronare e tij çka do të thotë që dhe znj. Nano ka blerë apartamentin nga Pipo Vjero, çka kundërshtohet në mënyrë kategorike prej tij që të ketë shitur këto apartamente.

Apartamenti
Xhoana Nano në deklaratën e saj thotë se jeton në një apartament në një sipërfaqe prej 260 metra katror, i cili i ka kushtuar çiftit kryeministror 35000 $. Ndërtesa në fjalë ndodhet mu në zemër të Tiranës, pak metra larg Drejtorisë së Përgjithshme të ALBTELEKOM-it. Sipas deklarimit të saj, apartamenti është blerë me të ardhurat nga dëmshpërblimi për vuajtje të dënimit të padrejtë që iu njoh bashkëshortit të saj nga gjykata e rrethit të Tiranës. Ndërkohë edhe nëse merret e mirëqenë vlera me të cilën Nano deklaron blerjen e apartamentit, pra 135 $/m2, shtrohet pyetja kujt ia ka blerë këtë apartament znj. Nano pasi pronari që është deklaruar në hipotekë si ndërtuesi i pallatit, jo vetëm që nuk ka kryer punimet në të, por dhe nuk ka kryer asnjë akt shitje për apartamentet qoftë ato që janë legalizuar për 12 katet, qoftë edhe ato të palegalizuara nga Bashkia e Tiranës ku edhe jeton kryeministri Fatos Nano




shekulli

[ALBA]

NANO E XHOJ BLENE PALLATIN PARA DIVORCIT ME REXHINEN

"Shkojne per te pire te lopa e fqinjit", e kush nuk e mban mend kete batute te hidhur te Fatos Nanos, hedhur ne vitin 2001 gjate pergatitjeve per zgjedhjet. Kryetari PS-se Fatos Nano ironizonte kundershtaret e tij ne parti dhe nuk i kursente keto shigjeta me moral brenda, duke nenkuptuar se ai vete nuk ishte si ata. Madje per te shuar thashethemet qe kishin dale per ndarjen e tij me ish-bashkeshorten, ne fushaten e nxehte te zgjedhjeve ne qershor 2001, Nano doli ne publik krah per krah me zonjen Rexhina Nano. Por tre vjet me vone, del e qarte sjellja ndaj votuesve shqiptare te cilet jane manipuluar me nje imazh te genjeshtert te kreut te mazhorances se majte.

Dje, nje nga bashkepresidentet e firmes "Kastrioti" qe i ka shitur apartamentin Nanos, pohoi se porosia per blerjen eshte bere nga Fatos dhe Xhoana Nano (jo Rexhina), ne shkurt te vitit 2001. "Familja Fatos dhe Xhoana Nano kane ardhur per te porositur banesen ne shkurt te vitit 2001",-keshtu ka deklaruar per gazeten Albania drejtuesi i firmes. Pra, eshte e qarte se kryeministri yne na ka mashtruar duke u paraqitur ne fushate si nje engjell, nderkohe qe bashke me te dashuren porosiste apartamentin luksoz ne zemer te Tiranes. Eshte nje moment ky qe i sherben publikut te kuptoje hipokrizine e kryeministrit, njeriut qe kritikon mekataret dhe ben moral, nderkohe qe faktet flasin se ai nuk ishte engjelli i socialisteve, po nje njeri i zakonshem, i genjyer nga djalli.

Keshtu, skandali i deklarimit fals te pasurise nga cifti kryeministror ka ne sfond nje genjeshter roze mbi te cilen ngrihet karabinaja e blere nga Zonja e Pare, Xhoana Nano, ne ate kohe thjesht e dashura ilegale e kryetarit te PS-se. "Ne ate kohe ndertesa sapo ishte perfunduar karabina dhe me kerkesen e Fatos dhe Xhoana Nanos, siperfaqja prej 260 metrash eshte shitur ne gjendjen qe ishte, pra me nje te treten e vleres qe ben nje apartament i mbaruar"-ne fjalet e tij, bashkepresidenti i firmes ka per qellim lehtesimin e pozites se klienteve te akuzuar se kane deklaruar nje vlere te vogel (35 mije euro) per nje prone qe kushton ne fakt disa fish. Por i thone nje fjale, mund te shkosh te vesh vetullat dhe te nxjerresh syte. Nano duke mos u kujdesur shume per te kaluaren, (mendon se publiku e ka kujtesen te dobet), ka zbuluar nje fakt qe eshte me i rende, qe nuk sherben per komisionin e verifikimit te pasurive, por per opinionin publik qe ka mundesine me ne fund te dalloje njollat ne petkun e kryeministrit.

koha jone

[ALBA]

TYMI I HELSINKIT DEL NGA OXHAKU I QEVERISE

Nga Zamir Alushi

Eshte nj- fakt i pamohueshem fuqizimi i shoqerise civile, e cila po e thote fjalen e saj me kompetence ne shume ceshtje te qeverisjes qe shqetesojne opinionin. Fale kembenguljes se shoqatave joqeveritare eshte rritur transparenca dhe publiku eshte bere me dije per shume projektligje te pergatitura ne fshehtesi, per afera korruptive, per procedurat e qeverisjes dhe se fundi, per here te pare po numerojme parate ne xhepat e politikaneve.

Por vini re! Tani qeveritaret po ushtrojne tani ndaj shoqatave oponente tere arsenalin e presioneve qe kane perdorur me pare per te bere te pademshem nje pjese te shtypit. (Nuk eshte fjala vetem per denoncimet policeske ndaj "Mjaft", por per interferenca te padukshme).

Rezultati i pare i kurdisjeve prapa skenes eshte shfaqur dje. Komiteti Shqiptar i Helsinkit dhe Koalicioni Antikorrupsion perplasen publikisht per ceshtjen e deklarimit te pasurive te zyrtareve. Komiteti e ka cuar ne Gjykaten Kushtetuese kete ligj per ta shpallur si antikushtetues, nderkohe qe reagon ashper koalicioni i shoqatave joqeveritare antikorrupsion, duke e quajtur nje gjest qe ndihmon politikanet.

Komiteti Shqiptar i Helsinkit deklaroi dje se kerkesa e derguar ne Gjykaten Kushtetuese per shfuqizimin e nenit 34 te ligjit per deklarimin e pasurive, ka te beje me bazen ligjore mbi te cilen duhet te behet deklarimi i pasurise. Sipas drejtoreshes se KSHH, Vasilika Hysi, flitet per nje problem juridik. Hysi shprehet se neni duhet t'i referohet ligjit per mbrojtjen e te dhenave personale, pasi pervec politikaneve apo zyrtareve, pasurine duhet ta deklarojne edhe familjare apo te aferm te tyre, ortake, etj, qe me pare duhet te japin pelqimin nese duan ta deklarojne pasurine. Nuk do te kishte rene ne sy percapja e nje shoqate per te ndryshuar kete nen po te ishte bere ne kohen e formulimit te ligjit apo me pare, por aktualisht komisioni i verifikimit te pasurive te zyrtareve eshte ne pune e siper dhe ne anen tjeter media ka zbuluar menjehere mosperputhjen e deklarimeve me faktet ne formularin e familes se kryeministrit. Po te shtojme edhe procesin zinxhir ku politikanet e te gjitha kraheve do te "prononcohen" dhe peshkohen ne mikrofonet e televizioneve per te reaguar, imagjinojeni cfare tymi behet rreth apartamentit te Nanos dhe Keshillit te Ministrave. Njeriu i shkrete ne fund nuk do te dije ke te besoje dhe do t'i shenoje te gjithe per t'i futur ne Arken e Noes.

koha jone

[ALBA]

Laskaj: Dua buxhet dhe njerëz që të kontrolloj pasuritë


Anila Rama

TIRANE- Kryetarja e Inspektoriatit të Lartë të Deklarimit dhe Verifikimit të pasurisë së zyrtarëve tha dje në Kuvend se verifikimi i pasurisë së zyrtarëve me të gjitha etapat, që përfshijnë kontrollin, hetimin, bashkëpunimin me institucione të tjera kërkon më shumë para dhe punonjës. “Inspektoriati i Lartë ka marrë përsipër të mundësojë realizimin e kontrollit të deklaratave të pasurisë, për funksionarët më të lartë të zgjedhur, të cilët ushtrojnë funksione kushtetuese. Kërkojmë ndërgjegjësim dhe mirëkuptim për përmbushjen e detyrimeve ligjore të përcaktuara në dispozitat përkatëse të ligjit, që Inspektorati i Lartë; të ushtrojë kontrollin e drejtpërdrejtë të deklarimeve në emërtesë të tij; të mbledhë të dhëna; të kryejë hetime administrative rreth deklarimeve të personave që kanë detyrim për deklarim, të ushtrojë kontroll për to, të bashkëpunojë me organet e Auditimit, dhe me strukturat e tjera përgjegjëse për luftën kundër korrupsionit dhe krimit ekonomik; të kontrollojë dhe mbikëqyrë funksionimin e Inspektoriatit të Ulët, kërkohet një rishikim i buxhetit për Inspektoriatin e Lartë si dhe rritje e numrit të punonjësve në funksionin Inspektor dhe Specialist. Kjo sepse verifikimi i të gjithë regjistrave të ndryshëm publikë, (në zyrën e pasurive të paluajtshme, në tatim taksa, dogana, në kontrollin e mjeteve të transportit rrugor dhe atij detar, në banka e gjykata), kërkon shumë kohë, punë dhe persona”,-tha dje Laskaj. Sipas saj nga eksperienca e vendeve të ndryshme këto informacione për zyrën përkatëse realizoheshin nga një numër i konsiderueshëm specialistësh si dhe nga funksione të quajtura ekspertë dhe agjentë.
Statistikat
Nga të dhënat statistikore të datës 23.06.2004, sipas Laskajt, rezulton se, gjatë kontrollit paraprak të deklaratave, janë kontrolluar 2303 deklarata ose 56% e tyre. “Nga këto deklarata, me probleme kanë rezultuar 1447 të tilla dhe nga ky numër janë korrigjuar 1018 deklarata. Në këtë shifër nuk janë llogaritur të gjithë të metat e konstatuara sikurse janë: vendosja e shenjës në deklarimin “vjetor” dhe jo në deklarimin “për herë të parë”, prezantimi i pasurisë për një “periudhë njëvjeçare” e jo “ndër vite” siç e kërkon ligji e të tjera gabime si këto”, -tha ajo.
Sipas saj numri total i subjekteve të cilët mbartin detyrim për deklarimin e pasurisë dhe detyrimeve financiare, pranë Inspektoriatit të Lartë, rezultojnë deri më datën 07.05.2004 në 4039. “Në këtë numër nuk përfshihen personat e familjes të personit që ka detyrim për deklarim, sepse ende ishim në procesin e përpunimit paraprak të deklarimeve të parashikuar nga neni 24 i ligjit, i cili përfshin verifikimin për juridiksionin (nëse është subjekt i Inspektoriatit të Lartë apo atij të Ulët), rregulltësinë e plotësimit të deklaratës, dokumentet justifikuese dhe ligjshmërinë e tyre. Tashmë ky numër ka arritur në 4098 vetë. Konkretisht, asnjë nga funksionareët nuk ka mbetur pa bërë deklarimin. Ndërsa ndaj 8 subjekteve në detyrë, që pa shkaqe të arsyeshme nuk bënë deklarimin e pasurisë brenda afatit ligjor (data 31.03.2004) në Inspektoriatin e Lartë, është zbatuar gjoba e parashikuar në nenin 40 të ligjit, dhe po sipas kësaj dispozite janë gjobitur 10 zyrtarë të tjerë nga Inspektoriatet e Ulëta”,-tha Laskaj.



29/06/2004

[kolombi]

Pasuria e Nanos, sot debati në Kuvend

Kryeministri do të sqarojë të vërtetën për autoveturën luksoze dhe shtëpinë e bashkëshortes

A.Rama

TIRANE- Kryeministri Fatos Nano do të jetë për të tretën herë në një mocion parlamentar të thirrur nga opozita. Në seancën e sotme kreu i qeverisë shqiptare do t’i përgjigjet kërkesës së grupit parlamentar të Partisë Demokratike, për të qartësuar të dhënat e përfshira në deklaratën e pasurisë së tij e publikuar disa kohë më parë. Deklarimet e pasurisë së kryeministrit Nano dhe bashkëshortes së tij Xhoana Nano, pas publikimit në shtyp, krijuan pështjellim të madh, pasi për to pati dëshmi kontradiktore. Kërkuesit e mocionit, kërkojnë që Nano të sqarojë pozicionin e tij, pasi sipas tyre ai ka përfituar një dhuratë të paligjshme, në një kohë kur si zyrtar i lartë e ka të ndaluar me ligj këtë gjë. Sipas demokratëve deklarimi i rremë i pasurisë dhe i burimeve të saj përbëjnë vepër penale, duke pohuar njëkohësisht që kësaj procedure ligjore t’i nënshtrohet edhe kryeministri. Ata kërkojnë që parlamenti shqiptar të marrë në dorë situatën duke dënuar ngjarjen në fjalë dhe të kërkojë ndëshkimin për autorët, pasi organet e specializuara sipas tyre, janë nën ndikimin e drejtpërdrejtë të kryeministrit. Por pavarësisht nga faktet e publikuara në shtyp, shefi i ekzekutivit, nuk është shprehur asnjëherë publikisht për të shuar polemikat që shkaktuan në publik, mungesa e saktësisë në deklarimin e pasurisë që çifti Nano dispononte. Sot në sallën e Kuvendit Nano do të sqarojë pozicionin e tij, në këtë histori, për të vetmen pasuri që ai pretendon se disponon, ‘Benzin’, që sipas deklaratës të dorëzuar në Inspektoriatin e Lartë të Deklarimit të Pasurive i është bërë dhuratë nga presidenti i filialit të kompanisë gjermane ‘Benz-mercedes’ në Shqipëri, ‘Autostar Albania’, Basri Ruka. Ndonëse deklarata e kryeministrit është përgënjeshtruar zyrtarisht nga zëdhënësja e kompanisë gjermane e prodhimit të makinave me seli në Shtutgard të Gjermanisë, se nuk i është bërë asnjë dhuratë Nanos, ky i fundit, ka shmangur të japë përgjigje të saktë se kush është autori i vërtetë i dhuratës së shtrenjtë, me përjashtim të ndonjë deklarate spontane që është bërë nga zëdhënësi i tij. Por edhe më e paqartë ka rezultuar deklarata e bashkëshortes së kryeministrit, Xhoana, e cila konfirmon se është pronare e një apartamenti 260 m/2 në zonën e ‘Shallvareve’, pasuri që sipas saj e ka blerë me lekët e dëmshpërblimit që Nano mori, kur u shpall i pafajshëm nga gjykata. Të dhënat që publikoi gazeta “Shekulli” disa kohë më parë vërtetuan se apartamenti luksoz ku banon kreu i qeverisë, është i vendosur në katet pa leje të një pallati që ka përfunduar disa vite më parë. Por ky pallat është ndërtuar nga një firmë që ka shfrytëzuar emrin e një kompanie tjetër. Mocioni i kërkuar nga opozita është shoqëruar nga një projekt-deklaratë ku kërkohet që Kuvendi të shprehë mospajtimin me inercinë e deritanishme të organeve të specializuara për hetimin e çështjes në mënyrë që këto struktura të vihen në veprim të menjëhershëm. Kryeinspektorja Fatmira Laskaj ka deklaruar disa kohë më parë se ka filluar verifikimi i të dhënave që kryeministri Nano dhe bashkëshortja e tij kanë paraqitur në deklaratat personale. Por ajo nuk ka sqaruar më tej për hapat që do të ndiqen në këtë proces.



Marre nga Shekulli.

[ALBA]

NANO-BERISHA, SHERR NE KUVEND PAS PASURITE

Oli Xhilaga

Akuza, kunderakuza dhe replika te ashpra e karakterizuan seancen e djeshme plenare ku u debatua rreth mocionit te opozites per verifikimin e pasurise se kryeministrit Nano. Dy kreret e politikes, Nano e Berisha, etiketuan njeri-tjetrin me "epitete" te ndryshme, gje qe shpeshhere shkaktoi ne seance edhe irritimin e deputeteve kundershtare.

Vetem pak para fillimit te seances, deputetet u njohen me raportin e verifikimit te pasurise se kryeministrit Fatos Nano. Duke qene se lidhur me deklarimin qe kryeministri pati bere pati mjaft kontestime, atehere nje grup deputetesh perfaqesues te PD-se, kerkuan nga Inspektoriati i Larte i Deklarimit te Pasurise, te bente verifikimin lidhur me ate cfare ishte deklaruar. Por pasi lidhur me kete verifkim nuk u dha asnje sqarim dhe pasi kaluan disa jave me radhe, ky grup deputetesh kerkoi qe kryeministri Nano te thirrej ne seance per nje mocion debati, per te bere sqarimin e duhur mbi kete deklarim. Por ne vazhden e surprizave te tij, Kuvendi dhe kesaj here afroi dhe nje te tille. Keshtu ne momentin kur deputetet u futen ne salle, mbi tryezen e tyre gjendej dhe raporti qe permbante te dhenat mbi verifikimin qe Inspektoriati i Larte i Deklarimit te Pasurise kishte bere mbi deklarimin e pasurise se kryeministrit Nano. Sipas Laskajt, verifikimi i apartamentit te Nanos eshte bere dhe gjithcka eshte gjendur ne rregull. Po keshtu, Laskaj pretendon se ka vertetuar se "Auto Star Albania" i ka dhuruar Nanos benzin luksoz prej 360 mije dollaresh. Por, megjithate, edhe pse perpara tyre deputetet kishin ate cfare kerkonin nga ky mocion, grupi i deputeteve demokrate, te cilet ishin dhe nismetaret e ketij mocioni debati nuk u terhoqen. Madje gjate fjales se tij ne emer dhe te grupit iniciator, demokrati Topi e argumentoi kete fakt si shkelje te rregullores se parlamentit. Por ndaj ketij argumenti, u kunderpergjigj vete kryetari i kuvendit, Servet Pellumbi, i cili sqaroi se "ky raport eshte paraqitur qe ne daten 16 te ketij muaji, por duke qene se seanca kishte ne rend pikerisht kete rast, atehere vendosa qe te bej njoftimin ne kete seance". Nga ana e tij, Topi duke e cilesuar si mashtrim te radhes kete veprim te kryeministrit Nano, u shpreh se "deklarimi i pasurise eshte nje detyrim ligjor, per kete arsye ne nuk heqim dore nga kerkesa jone". Nga ana tjeter kryeministri Nano, duke qene se nuk gjeti ate qendrim qe ai mendonte, pasi verifikimi mbi pasurine e tij tashme ishte bere, atehere akuzoi kampin opozitar qe nen drejtimin e Berishes vazhdon te zgjase tentakulat e thashethemnajes 14-vjecare. Por si shpeshhere, dhe kesaj here nuk munguan dhe kunderveniet dhe akuzat midis dy kampeve politike. Madje debati ne parlament shkoi deri atje sa midis ketyre deputeteve u shkembyen nje sere kercenimesh. Kesaj here protagonistet ishin deputeti demokrat Edi Paloka dhe socialisti Gazmir Bizhga. I gjendur perballe nje situate te tensionuar, kryetari Pellumbi nderpreu per dy here seancen, duke nderprere keshtu dhe fjalen e kryeministrit Nano.

Fatos Nano

-Une e pyes Sali Berishen se c'lidhje ka me benzin e Arben Grorit, i denuar me burgim te perjetshem?

-Sali Berisha i ka vendit nje borxh prej 1 miliard dollaresh, une e pyes ate sa ka perfituar nga firmat piramidale?

-A eshte normale qe Pjeter Arbnori ka hipotekuar me emrin e djalit 13-vjecar 3 apartamente

-Une e pyes zonjen Topalli si e ka privatizuar ish-kinemane verore ne Shkoder, apo ndertesen e Dhomes se Tregtise ne kete qytet. Ku i ka gjetur ajo te ardhurat per dy shtepi banimi, 1007 metra katrore truall dhe dy ndertesa te tjera?

-Zoti Besnik Mustafaj ka kater apartamente, te cilat figurojne pa leje ndertimi, pra opozita ka probleme serioze me pasurine

-Une kam vetem nje shtepi dhe nje makine nder 245 mije te tilla te regjistruara ne gjithe Shqiperine

Sali Berisha

-Fatos Nano e ka ndertuar pasurine e tij mbi kidnapimin e njerezve dhe mbi drogen

-Ai ka urdheruar qe helikopterit te tij t'i hiqen te gjitha detyrimet fiskale dhe per kete ka ndikuar nje person qe ka mbiemrin e Fatmir Xhafes.

-Parate e tij jane te ardhurat e klanit te Zemunit dhe mbeshteten nga njerezit e zullumit

-Te pranosh nje dhurate 360 mije dollare tregon se je i mbytur nga babezia. Askush nuk mund te pranoje nje dhurate te tille me kete shifer.

-Fatos Nano nuk e di se "Auto Star Albania" e ka te ndaluar ne nenin 90 te kontrates se vet me Benzin, dhenien e dhuratave promocionale

-Ti Fatos nepermjet njeriut tend shkarkove Pjerin Ndreun, pasi ai kapi ne autobuset e tu dhe te askujt tjeter 24 kilograme heroine.

-Pavaresisht atyre qe thua tek Telezullumi, ti nuk e ke treguar pasurine qe ke bere me fshatrat turistike dhe nuk po permend ketu fshatrat e klanit tend apo te Pustines, por ato te tuat personale

-Ne do te ngreme komision hetimor per pasurine tende dhe asgje nuk do ta ndale grupin parlamentar te opozites dhe gjithe parlament te hedhe drite mbi keto deklarata.

Jozefina Topalli

Une vij nga nje familje e pasur prej tre brezash dhe nuk vij nga ndonje fshat ku te kem qene me corape te grisura. Gjyshi i burrit tim ka pasur hotele, ka patur disa apartamente dhe shume troje. Po keshtu babai im ka shume prona, te cilat juve duke perfshire edhe Sabit Brokajn m'i keni refuzuar. Une kam 800 metra katrore ne mes te Tiranes dhe ato ende nuk i kam marre. Keshtu qe ju nuk mund te hidhni balte mbi pasurite e mia, por duhet te shihni milionat tuaja, te cilat i keni grumbulluar ne kaq pak kohe.

Bamir Topi

Fatos Nano ben gabim qe perpiqet te tallet me mbiemrin tim. Persa i perket pasurive te mia, une vij nga nje familje historikisht e pasur, por atij i vjen turp per prejardhjen e vet. Po te merremi me mbiemrat, atehere ai na del nje xhuxh i shkurter dhe mbiemri im ne shumes vlen me shume se ai. Por po te merremi akoma me mbiemrat, atehere na del se ai mbetet "nano" si fizikisht, ashtu edhe si Fatos apo duke u nisur nga bashkeshortja e tij.

Sokol Olldashi

Partia Demokratike ka shume fakte konkrete per pasurine e kryeministrit, si per benzin, ashtu edhe per shtepine e tij luksoze. Keshtu qe une do t'i lutesha administrates se Kuvendit, te na ndihmoje me nje monitor ku mund te shohin te gjithe. Nuk ke pse kundershton ti o Servet, sepse eshte fare normale. Te gjithe deputetet duhet t'i shohin keto dokumente dhe te njihen me mashtrimin e kryeministrit lidhur me pasurite e tij. Keto jane dokumentet e verteta, jo ato qe sjell Laskaj.

Marko Bello

Une mendoj se qeveria deri tani ka bere nje pune te kenaqshme ne luften kunder fenomeneve negative te shoqerise, sic jane lufta kunder korrupsionit, kunder trafiqeve te paligjshme dhe qarkullimit te parase informale. Madje do te thoja qe edhe nje institucion prestigjioz i USAID-it i ka vleresuar perpjekjet e struktures antikorrupsion qe funksionon prane qeverise shqiptare dhe qe drejtohet nga une dhe eksperte te kesaj fushe.