Humor me politikanet Shqiptare !

[ALBA]

Në takimin e djeshëm mes Moisiut dhe Nanos, Moisiu provokoi i pari duke i uruar Nanos mirëseardhjen në atdhe.

-Faleminderit zoti President, - i tha Nano, - por nesër do të largohem sërish për një arsye familjare.

-Po, nuk e kuptoni që po na vini në pozitë të vështirë të gjithëve me këto sjellje! - i tha Moisiu.

-E kuptoj zoti President, - sqaroi Nano, - por të këshilloj që më mirë të jesh në pozitë të vështirë se sa në opozitë të vështirë.

[ALBA]

Një nga vëzhguesit ndërkombëtarë që ishte të dielën e kaluar në Himarë, i telefonoi Fatos Nanos dhe po i raportonte për skandalin që kishte parë me sy në qendrën e votimit në Dhërmi.

-Zoti Kryeministër, aty është bërë një masakër e vërtetë. Ne i numëruam me gishta dhe votuan gjithsej 80 vetë, por rezultati u shpall 400 me 70 për PS-në. Është e pamundur!

-Po ju me kë jeni... me ne apo me ata!? - pyeti Nano.

-Ne me ju jemi, zoti kryeministër, - i tha vëzhguesi, - por po të na llogarisnit dhe ne dhjetë vëzhguesit, mund ta kishit nxjerrë gjithsej me 90 votues jo me 480.

[ALBA]

Pasi konstatoi se kutitë e votimit në Tiranë ishin thuajse të pavlefshme përveç disa kutive, Fatos Nano, i kënaqur, i telefonon Celibashit dhe e urdhëron të shpallë fitues Edi Ramën.

-Po si do të justifikohemi, - tha Celibashi, - se atje shumica është e manipuluar trashë. OSBE pyet përditë se cili është mendimi im zyrtar për këtë proces.

-Shkruaj fjalinë që do t'u thuash, - i tha Nano: "Megjithëse në disa qendra votimi, kutitë nuk u prekën, kjo nuk e cënoi rezultatin e shpallur paraprakisht nga zoti Ulqini".

[ALBA]

Në ditën e dytë të Konferencës për harmoninë fetare, Moisiu po diskutonte me klerikët për tolerancën e lartë fetare që ekziston në Shqipëri. Unë, - tha Moisiu duke vazhduar fjalën, - dua mendimet tuaja se si duhet të sillet politika me ju, që kjo harmoni të ruhet dhe më tej.

Kryepeshkopi Janullatos që po e dëgjonte me vëmendje ndërhyri me takt.

-Ne si komunitet ortodokos jemi të kënaqur, - tha Fortlumturia e tij, - pasi toleranca fetare është në maksimum. Ne kemi edhe presidentin, edhe kryeministrin, propozuam edhe dy ministra të jashtëm...

-Edhe ne, - u hodh katoliku, - të kënaqur jemi, se ja shikojmë Ndre Legisin në KPD dhe na bëhet zemra mal!

-Po ju myslimanët? - iu drejtua Gjinishit, Moisiu, - a jeni të kënaqur nga politika?

-Vallahi, të kënaqur jemi, - tha Gjinishi, - derisa desht Zoti e nuk na ka përzier në një qeveri me ju.

[ALBA]

Edi Rama, i nervozuar nga pengesat që i vë Emin Barçi në rrugën drejt kreut të partisë, i telefonon Gramoz Ruçit dhe, me një ton arrogant, i thotë:

-Shoku Gramoz, deri nesër dua të gjitha firmat dhe lehtësitë për fushatën elektorale!

Gramozi, që s'para ha presione të tilla, ia ktheu në një labçe të leshtë:

-Shoku Rama, kemi thënë se për të marrë këtë parti duhet të kesh ****, jo të jesh ****!

[ALBA]

Edukatorja e vajzës së Celibashit, e tronditur nga lajmet në televizion, e pyet me takt të nesërmen vajzën se kë shan babi në shtëpi.

-Edi Ramën, - tha vajza pa të keq.

-Çfarë thotë, - vazhdoi edukatorja kurioze.

-Thotë që Edi Rama edhe vota do, edhe pare nuk jep!








Gjatë bisedimeve me Fatos Nanon, Pollo i kërkoi dy poste të rëndësishme për veten dhe Tritan Shehun si dhe katër zëvendësministra.

-Në kohë krize Tritani është i mirë për ministër të Jashtëm, se nuk ka turp të flasë me të huajt, - tha Pollo.

-Mirë është, zoti Pollo, - ia ktheu Nano, - po të shkulen preshët njëherë, pastaj shikojmë!

[NERI-ZANI]

Fatos Nano hengri nje darke me Bashkim Finon
ne fund ata bene nje loje se kush do pagonte
faturen e darkes te dy futen koken ne uje dhe mbajten frymen
pas 10 min ne restorant erdhi ambulanca dhe i mori te dy ne spital(sa keq te jeshe gjirokastrit koronac)
te dy gjirokastrit jane se mos nuk e di ndonjeri

[ALBA]

Në një takim me socialistët Edi Rama u ndërpre disa herë nga salla prej duartrokitjeve "Fatos Nano", "Fatos Nano"...

I bezdisur prej tyre, ai vendos të provokojë sallën:

"Kush janë ata që po kërkojnë nuse në shtëpinë e doktorit?"

"Fatos Nano", "Fatos Nano"... bërtiste salla që nuk e dëgjonte fare.

Ndre Legisi, që ndiqte me vëmendje sallën, u trondit shumë dhe sapo u takua me Edin i tha: Si s'më kishe treguar mua se Xhoana qenka mbesë e doktorit!

[ALBA]

Kryeredaktorit të gazetës sonë i është bërë fiksim Flamur Shehu që pasi rregullon altoparlantët e mitingjeve të opozitës, rri në tribunë bashkë me oratorët.

Herën e fundit, sapo pa skenën në Tv, i telefonoi avokat Ngjelës dhe po i tregonte për banalitetin e tribunës.

-Nuk kam çfarë bëj, - tha Ngjela. - Unë kam dhënë urdhër që në tribunë të jetë Flamuri i PD-së, kurse ai ka kujtuar se e kam pasur për të.



Pas ankesës tek Mark Nikolli për pjesëmarrje në mbledhjet e rretheve, Edi Rama, i pakënaqur nga vendimi tha: Vendimi i Mark Nikollit "as të kap, as të lëshon".

Marku, pasi dëgjoi batutën e Ramës, dha këtë sqarim: "Kjo tregon se Rama nuk ka alternativë. Ne jemi të gatshëm, edhe ta kapim, edhe ta lëshojmë... Varet çfarë do ai!"

[ALBA]

Edi Rama ishte dje në burgun e Vaqarrit mes të burgosurve ordinerë. Duke u folur për ditën e votimit Rama u tha se më 12 Tetor do të jemi bashkë për ...

-Mos ça kok Lali, - ja priti një nga të burgosurit. - Këtu e kalon më mirë se në Bashki, se jena të gjithë meshkuj.



Në redaksinë e gazetës "Albania" po debatohej pas emisionit të Ngjelës në "Shqip", se ky i fundit mund të fitonte, pasi kishte ikur shumë pikë përpara Edi Ramës.

I vetmi që kundërshtonte ishte Ylli Rakipi, i cili ngulte këmbë se Edi Rama do të fitonte.

-Nuk ka mundësi, ndërhyri një redaktor i politikës. - Jemi tamam në situatën e 1997-ës, kur PD-në e mbronte vetëm Albania. Duket se tani vetëm ne i kemi mbetur Edi Ramës, ndaj do humbasë.



Avokat Ngjela po vizitonte një lagje të Tiranës afër rrugës së "Kavajës", e cila, siç merret me mend, ishte e zhytur në kaos dhe probleme urbanistike. Banorët e irrituar rrethuan zotin Ngjela dhe i zbrazeshin papushim për Edi Ramën. Avokati, entuziast që ishte në një zonë që s'e donte Ramën, filloi të tallej me të.

-Unë e di që ky i ka bërë lekët rrush e kumbulla, - tha avokati. - Kumbulla edhe shikoj rrugës, po rrush nuk kam parë gjëkundi!

Qytetarët, që nuk e kuptuan se Ngjela po tallej, iu kthyen.

-Po jo mor avokat, ku ke parë kumbulla!? As kumbulla nuk kemi.