Alba te falenderoj per kete tem te bukur"
Alba te falenderoj per kete tem te bukur"
SI E NJOHA UNE ARISTIDH KOLËN…
Ka qenë koha kur filluan bombardimet e NATO-s mbi Serbinë e Miloshevicit.Ishte momenti kur Greqisë si antare e NATO-s i kërkohej të miratonte zyrtarisht këtë politikë të aleancës northatlantike dhe të dërgonte edhe ajo ca avionë bombardues me ekuipazh grek në bazat ajrore italiane nga të cilat niseshin avionët drejt Serbisë.Pikërisht në këtë kohë mediat vizive greke hapën debate të përnatshme televizive në studiot e të cilave përvec gazetarëve histerikë grekë ftoheshin exponentë të njohur botërisht si flamurtarë të megalidesë greke,kryetarë forumesh dhe organizatash antishqiptare,”vorioepirotë” të thekur,si edhe një duzinë basketbollistësh apo sportistësh të njohur serbë që luanin në Greqi.Për netë të tëra emigrantët shqiptarë që i ndiqnin këto debate nga ekrani e kuptuan më së miri të vërtetën e madhe : Jo vetëm shteti dhe politika greke janë antishqiptarë,por edhe ai që quhet popull grek në ato ditë e tregoi pa maskë dhe pa ekuivok jo vetëm dashurinë për “vëllain” sërb,por edhe urrejtjen ndaj barbarëve shqiptarë!( Nëse ndokush brenda dhe jashtë forumit dyshon në këtë të vërtetë le t’i referohet shtypit dhe medias greke të atyre ditëve).
Pikërisht në mes të këtij terrori mediatik antishqiptar në studion e kanalit televiziv grek SKY u shfaq Aristidh Kola.Nuk do të zgjatem për ato replika dhe argumenta historikoshoqërore brilante që buruan nga KY SHQIPTAR I MADH në ato studio të terrorit antishqiptar,pasi ca gjëra u shkruan edhe më lart në forum nga Kolec Tropoini dhe Ilir Malia.
Kështu sic e kam shkruajtur edhe në një postim të mëparshëm shkëmbyem numrat e telefonëve me Aristidhin dhe e lamë të takoheshim para pallatit në katin e 5 të të cilit (në mos gaboj) ai jo vetëm jetonte,por edhe kishte transferuar edhe Shtëpinë e tij Botuese me emrin kuptimplotë THAMIRIS që do të thotë THA TË MIRA,THOTË TË MIRA.
Kështu rreth orës pesë të një pasditeje qershori,ndërsa prisja para derës së jashtme të pallatit të tij diku pranë kryqëzimit të rrugëve Kiffisias me Alexandras,para meje u shfaq një burrë trupvogël,mëse I zakonshëm,me një këmishë vishnje me mëngë të shkurtëra që në të dyja duart mbante ca qese me zarzavate dhe ushqime.Iu prezantova dhe ai me një buzëqeshje aprovoi me kokë dhe tepër thjeshtësisht më zgjati njërën nga ngarkesat e duarve të tij që ta ndihmoja pasi duhet të hapte portën e pallatit.Gjëja e parë që më ra në sy në studion e tij ishte një fotografi e madhe e Thimi Mitkos dhe një poster I librit të tij BËLETA SHQYPTARE!
Mbi tryezën e punës mbante një bust të vogël të Skënderbeut.”Paskeni edhe bustin e Skënderbeut!” I thashë ndërsa vështrimi im përpinte titujt e shumtë shqip mbi bibliotekën e tij.”Ai nuk quhet Skënderbeu,por Gjergj Kastrioti! Këtë mos e harro kurrë!”
Më pas më pyeti shqip se nga isha.I tregova dicka për origjinën time cam nga babai dhe vlonjat nga nëna,por I lindur dhe rritur në Peshkopinë veriore.”Pra ti je ndjehesh dibran?” “Sigurisht!” iu përgjigja.U mahnita kur pas ca castesh ai burrë nisi të më fliste e të më tregonte në dialektin dibran dicka për historinë e kësaj treve të ilustruar herë pas here edhe me ndonjë fjalë të urtë apo shprehje krahinore dibrane.Dikur gjatë bisedës i tregova një dosje me poezi të miat të shkruara në greqisht dhe në shqip.(Kisha pothuajse 8 vjet që jetoja në Athinë). I lexoi të dy variantet dhe i pëlqyen shumë. I telefonoi një mikut të tij gazetar që punonte në gazetën TA NEA dhe pasi I lexoi një nga poezitë e mija në greqisht( eshte ajo poezi e postuar ne forum me emrin Misioni Paranoik) e pyeti duke e provokuar se e kujt autori të njohur grek ishte.Zëri përtej linjës përmendi dikë,por Aristidhi iu përgjigj me mburrje që poezia është e një emigranti shqiptar dhe nuk është përkthim por e shkruar direct në greqisht.”Këto poezi do t’i lësh te unë që t’i lexoj!”,më tha para se të ndaheshim.Madje pak caste më parë më foli edhe për njerëz të tjerë të artit dhe letërsisë shqipe,miq të tij, e më përmëndi dy emra që unë po i them këtu,njëri ishte Kolec Tropoini dhe tjetra poetesha Majlinda Zeneli.
Pas dy ditësh më telefonoi dhe më dha komplimentat e tij për poezitë.” Do të t’i botoj unë!”,më tha dhe më ftoi për një kafe fundjavën e ardhshme.Vërtetë libri u botua(MISIONI PARANOIK-80 poezi) në dy gjuhët greke dhe shqiptare.
Më pas sa herë që mundja ndiqja veprimtaritë e shoqtës së Arvanitasve të Greqisë në konferenca apo takime të ndryshme kulturore.Prej tij kam si kujtim një koleksion pothuajse të plotë të revistës BESA si edhe të gjithë librat e tij me autugrafin dhe shënimin përkatës.
Isha në Shqipëri kur mora vesh lajmin e vdekjes së tij.U hidhërova pa masë dhe nxitova ti dërgoj një telegram ngushllimi vajzës së tij.Ishte shuar përgjithmonë shpresa e vetme e atyre heshtjen e të cilëve Aristidhi e theu duke iu kujtuar që janë arvanitas,janë shqiptarë e të jenë krenarë për këtë fat!
ps.Duke perifrazuar një thënje të dikujt tjetër do ta mbyllja këtë shkrim me fjalët: SA MË SHUMË NJOH VEPRËN E RILINDASIT TË FUNDIT SHQIPTAR ARISTIDH KOLËS,AQ MË SHUMË MË NEVERITEN PSEUDOINTELEKTUALËT QË SOT PËRBËJNË TË ASHTUQUAJTURËN ELITË TË SHOQËRISË CIVILE SHQIPTARE
per te gjithe ju,CRAZY.
......dhe Udhe e Qumeshtit ne qiell
drejt gjinjve te tu me ndjell...
JA PSE E VRANE
"Nuk ka ekzistuar absolue asnjë rast kthim feje me dhunë nga ana e turqve."(Aristidh Kolaj, "Arvanitët", Athinë, 1985)
Arsyen e kthimit të pjesës më të madhe të popullit shqiptar në myslimanë na e sqaroi Aristidh Kolja në librin "Arvanitët", Athinë 1986, duke thënë se: "Ndërrimi i fesë së shqiptarëve me anë të dhunës është pjellë e fantazisë dhe shpikje e murgjëve dhe nuk është aspak e hijshme që ta pretendojnë këtë historianët". Të vjen keq që disa lakej në shërbim të shovinizmit grek mbështetin tezën e kthimit me dhunë. Këtë tezë kryetari i arbërorëve të Greqisë, Aristidh Kolja, e quan një "gënjeshtër qëllimkeqe". Për këtë citojmë autorin: "Nuk ka ekzistuar absolutisht asnjë rast kthim feje me dhunë nga ana e turqve".
Sipas Aristidh Koljes "shqiptari i pabindur, krenar dhe egoist dhe me prirje për konflikte, nuk honeps dot përuljen dhe thirrjen, "Duajini armiqt tuaj". Ai nuk duron dogmat e përulësisë dhe të varfanjakëve nga mendja dhe nuk ka durim të presë që të marrë atë që i takon në jetën e ardhshme, gjë që, sipas tij, është e pasigurtë. Përveç këtyre shqiptari nuk është fare i predispozuar që t'i japë faqen e majtë atij që i ka dhënë një shuplakë në faqen e djathtë. Feja e krishterë mbështetet në mëshirën. Shqiptari nuk e do mëshirën. Kështu mund të themi se ndërrimi i feve nga shqiptarët konsiston në interesin ekonomik për të pasurit dhe karakterin e traditës së lashtë të të varfërve. Shumica dërrmuese e shqiptarëve ishin gjithmonë të varfërit, ishte gjithmonë populli. Shumica e popullsisë nuk u mor me tregëti, me zanate, me bakallekë dhe rishiqet. Nga do t'i nxirrte populli të hollat? "Zanati" kryesor ishte dyfeku dhe shpata. Feja islame, përveç motiveve që referuam, ishte shumë më afër karakterit të tyre luftarak".
Kur ndodhesha ne Athine gjate Luftes se Kosoves kam degjuar Kolen dhe kam krijuar per te nje ndjenje respekti te thelle dhe mirenjohjeje. Ishte ne fakt nje ze i vetmuar ne mes te shkretetires.
Por nuk mund te pajtohem ne gjithsha me shkrimin e pare te temes, pasi ne te mjaft gjera me duken te stisura dhe diletante.
Lind pyetja:
Cfare pozite kishte artikullshkruesi kur lejohej te hynte ne biseda me aq spec te nje niveli te larte?
Po kur i drejtohej Ministrit te Jashtem?
Po Kryeministrit te Shqiperise?
Si mund te jete i bindur per aq shume gjera delikate dhe te kete aq shume informacion deri ne piken qe te dije se njeriu i SHIK-ut tone ne Athine te ishte Rekrutuar nga EIP???
Jane ca gjera qe nuk uadrojne per mendimin tim.
Aristidhi Kola ishte shqipëtar i Madh...Postuar më parë nga Cyclotomic
Në greqi,prej vitit 1990 e gjer më sot kanë shkuar sipas statistikave më të reja rreth 700 mijë shqiptarë nga shqipëria.Të gjithë këta që kanë mësyer Greqinë janë të aftë për punë dhe shkollë.Të gjithë e dijnë se kush është Greqia dhe kushtet që i presin atje..."dashuria" dhe "demokracia" greke-Ortodoxe!
Pra mos kërkoni që me reagimin e mundshëm të shtetit shqiptar kundër keqtrajtimit të shqiptarëve në Greqi të vrisni këta shqiptarë të pafajshëm...Keqtrajtimi,diskriminimi,konvertimi edhe ndonjë vrasje apo plagosje nuk janë elemente të mjaftueshme për prishjen e marëdhënjeve shtetërore në mes Greqisë dhe Shqipërisë edhe më shumë .Një gjë të tillë nuk e lejojnë edhe vet këta të mjerë po t`i pyesë dikush!
Shqipërisë për t`u futur në evropë,nga Strasburgu i është caktuar rruga : Nëpër Greqi!
T`i marrim gjërat ashtu si janë e jo siq do t`i dëshironim ne!
Për të dijtur sa i Fortë je,duhet t`i njohësh tërë garuesit e botës dhe referët!
Po e Kosoves nga kalon ... se un sja kam haberin shume ketyre autostradave.
"The true history of mankind will be written only when Albanians participate in it's writing." -ML
I kam pare emisionet ku ai ftohej ne Greqi per te mbrojtur luften e UCKse. Ishte argumentues shum i mire dhe grekeve u shkonin nervat ne stratosfere.
Pse është harruar kjo temë ?
sepse do merremi me te drejtat e sumcave, me sa burra ka fjetur ne shtrat nje bushter, c'a keni ngrene dhe kur keni patur gazera heren e fundit, c'fare po i ndodh serbeve ne Kosove, kush fe eshte me e bukura dhe me simpatikja, e shum e shum te tilla...............
PRA VLLAU JEM MUS U CUDIT ..........
each second is eternity as eternity is now,
and now, now is forever
Kur them unë që minoritarët po n'a e fusin !
Ruaje veten prej tyre !
Regullat e Postimit
Përgjigju Duke Cituar
Krijoni Kontakt