Dosja e korrupsionit ne sistemin e arsimit shqiptar

[ALBA]

Ministria e Arsimit, 910 mijë lekë në ditë për telefonat e zyrave

Ministria e Arsimit, miliona abuzime me telefonat


Elda Spaho

15. Nga kontrolli i ushtruar në pagesat nëpërmjet veprimeve të bankës rezulton se për vitin 2002 shpenzimet në total për telefonat fiks janë në shumën 22.838.649 lekë, ose për çdo ditë është shpenzuar mesatarisht 91.000 lekë. Në mënyrë analitike, telefonat me shpenzime më të mëdha paraqiten në tabelë si më poshtë:
Nr. Telefoni Shpenzimet Nr. Telefoni Shpenzimet Nr. Telefoni Shpenzimet
240435 611.075 228757 996.714 222707 2.140.813
232002 1.509.997 227975 436.634 222607 904.779
230747 1.185.678 227206 968.119 222260 807.541
230314 1.198.197 226139 2.485.823 225987 552.385
230.195 912.286 223150 2.480.291 225678 340.778
Shpenzime për telefona celularë viti 2002 1.045.137
Sipas tabelës së mësipërme telefonat me numër 226139, 223150, 222707 kanë shpenzuar mesatarisht rreth 10 mijë lekë në ditë.

Për periudhën 9 -mujore të vitit 2003 shpenzimet për telefonat fiks kapin shumën 6.002.063 lekë, ndër numrat me shpenzime më të mëdha përmendim:
Nr. Telefoni Shpenzimet Nr. Telefoni Shpenzimet Nr. Telefoni Shpenzimet
249514 739.536 226307 221.291 273199 159.258
240468 1.157.180 225832 132.090 273199 159.258
232002 1.085.534 223150 118.383 273198 151.698
230195 363.914 222260 127.334 227206 177.107
Telefona celularë periudha 9 –mujore e vitit 2003 852.757
Nga tabelat e mësipërme, shpenzimet telefonike zënë një peshë specifike të konsiderueshme në totalin e shpenzimeve operative, kështu për vitin 2002, shpenzimet telefonike janë 23.883.786 lekë, ose 24.8 për qind e totalit të shpenzimeve operative.
Sipas Kontrollit të Lartë të Shtetit, ministri Luan Memushi ka shpenzuar rreth 12 milionë lekë të vjetra në 2002 nga telefoni i zyrës. Sekretarja e tij, 15 milionë

Ministria e Arsimit ka harxhuar rreth 229 milionë lekë të vjetra vetëm për telefonat fiks të zyrave të saj, brenda vitit 2002. Përveç 10 milionë lekëve të tjera për telefoninë celulare. Tre nga numrat e telefonave fiks të zyrave, kanë harxhuar nga 100 mijë lekë të vjetra në ditë, secili. Shpenzimet e fryra të telefonisë bëhen të ditura në raportin përfundimtar të Kontrollit të Lartë të Shtetit (KLSH), i cili i shkoi Ministrisë së Arsimit në fillim të majit.
Telefonat fiks
Në miliona lekë kanë qenë edhe faturat e vitit 2003, për telefoninë fikse. Shumë nga numrat e zyrave i kanë patur të hapura kodet dhe kanë patur fatura të shtrenjta. Ndonëse shpenzimet janë ulur, Ministria e Arsimit ka harxhuar gjatë 9 -muajve të parë të vitit 2003 më shumë se 60 milionë lekë të vjetra për thirrjet telefonike. Gjithsesi, shifra më e madhe ka qenë ajo e vitit 2003. Sipas Kontrollit të Lartë të Shtetit, gjatë atij viti, Ministria e Arsimit ka harxhuar 910 mijë lekë të vjetra në ditë. Ka patur disa numra telefoni, më saktë 226139, 223150, 222707 përdoruesit e të cilëve kanë harxhuar 100 mijë lekë të vjetra në ditë. Telefoni i zyrës së ministrit Luan Memushi ka harxhuar vitin e kaluar 1.185.678 lekë të reja, kurse telefoni i sekretares së tij edhe më shumë, 1.509.997 lekë të reja. Përveç 12 milionëve të harxhuar gjatë vitit 2003 nga telefoni i zyrës, Memushi, si të gjithë ministrat deri para pak kohe, e ka patur të paguar nga shteti edhe tarifën e numrit të telefonit celular, sado e lartë të ishte ajo.
Sipas Kontrollit të Lartë të Shtetit, shpenzimet për telefoninë fikse zënë një pjesë “të konsiderueshme në totalin e shpenzimeve operative. Kështu për vitin 2002, shpenzimet telefonike janë 23.883.786 lekë, ose 24.8 për qind e totalit të shpenzimeve operative. Për periudhën 9 -mujore të vitit 2003, shpenzimet telefonike zënë 6.5 për qind të planit të shpenzimeve operative”. Po sipas të njëjtit burim, gjatë vitit 2002 dhe nëntë muajve të vitit 2003, askush nuk ka vënë kufij për shpenzimet e larta të telefonisë fikse në Ministrinë e Arsimit. “Nuk janë vendosur fare norma për përdorimin e telefonave fiks. Madje nuk ka as ndonjë program pune apo analizim të tyre, veprim i cili do të ketë efekte pozitive në uljen e shpenzimeve operative”, thuhet në raport.
Telefonat celularë
Pas milionave të telefonisë fikse, para të tjera janë paguar edhe për celularët. Në shifra më të vogla. Në vitin 2002, Ministria e Arsimit ka harxhuar 1 0450137 lekë të reja, kurse për 9 muajt e parë të vitit 2003, ajo ka harxhuar 852.757 lekë të reja për telefonat celularë. Por, sipas KLSH-së, këto nuk kanë qenë paratë e vetme të harxhuara nga institucioni i dijes për celularët. Gjatë 10 muajve të parë të vitit 2003, janë blerë 250 copë karta rimbushëse, në shumën 250.000 lekë. Sipas KLSH-së, këto blerje kanë qenë në kundërshtim me ligjin, sepse atyre nuk u është bërë hyrje në magazinë. “Kontabilizimi i 250 kartave rimbushëse është bërë direkt në shpenzime të përgjithshme pa u bërë hyrje në magazinp, veprim që është në kundërshtim me ligjin nr. 6942, datë 25.12.1984 “Për administrimin, dokumentimin, ruajtjen, dhe qarkullimin e vlerave materiale dhe monetare”, si dhe me ligjin nr. 7661, datë 19.01.1993”, thuhet në raport.




01/06/2004
shekulli

[Albo]

Përgjimet, 14 mijë euro një diplomë

Dënohen me nga 4 muaj burg dy të dyshuarit, kushti i vetëm për qytetarin: Saktëso datën e gjimnazit!

Tiranë, ish-mësuesja e sekseri, qytetarit: Zgjidh degën që do.

Një ish-mësuese dhe një i akuzuar si sekser i saj janë shpallur fajtorë dhe janë dënuar nga Gjykata e Tiranës, pasi i kanë kërkuar një shtetasi 12 mijë euro për një diplomë të shkollës së lartë.
Sipas vendimit të Gjykatës së Tiranës, shpallur pak ditë më parë, shtetasja Hajrie Hanelli dhe Vani Nicka janë dënuar me nga 4 (katër) muaj burgim e 333.333 lekë gjobë për akuzën e “ushtrimit të ndikimit të paligjshëm ndaj personave që ushtrojnë funksione publike”. Historia, e cila në vetvete duket se përmbledh fenomenin që ndodh me blerjen e diplomave të shkollës së lartë në vend, ka ndodhur në shkurt të 2011-s. I interesuari për diplomën pyetet nga sekserët se në cilën degë e kërkon diplomën, pasi mund t’ia sigurojnë atë sipas dëshirës, ndërsa kushti i vetëm që duhet të plotësojë, është që të sqarojë mirë datën kur ka mbaruar gjimnazin, në mënyrë që diploma e shkollës së lartë të mos jetë me një datë më para se ajo e shkollës së mesme! Hetimet për ngjarjen kanë nisur më 8 shkurt 2011 mbi bazën e denoncimit të qytetarit që nuk e ka marrë diplomën, pasi ka mësuar se sekserët nuk i kishin dhënë zyrtarëve një pjesë të parave që ai pagoi paraprakisht.
Denoncuesi ka mësuar se Hajrie Hanelli ka punuar si mësuese në një shkollë në periferi të Tiranës dhe i ka thënë se kishte njohje me një drejtor shkolle, tek i cili mund të siguronte diploma të rregullta të shkollës së mesme, megjithëse personi i interesuar nuk bënte asnjë ditë shkollë. Ajo i ka thënë që dhënia e diplomës realizohej kundrejt pagimit të shumës prej 6000 eurosh. Veç sa më lart, e pandehura Hajrie i ka thënë kallëzuesit që mund të siguronte edhe diploma të shkollës së lartë, kundrejt shumës prej 12.000 eurosh. Pasi regjistroi hetimin, Prokuroria autorizoi përgjimin e komunikimeve mes sekserëve dhe qytetarit të interesuar.
-Nga transkriptimi i bisedës së zhvilluar më datë 14.02.2011 midis kallëzuesit Xh.G dhe Hajrie Hanellit, kjo i thotë personit: “Fola me atë (personi që do t’i bëjë diplomën), tani do iki në Greqi, por do ta bëj atë (diplomën) të lartën, nuk e di ku do ta nxjerr, në shtet apo privat”. Kur kallëzuesi e pyet për çmimin, shtetasja Hajrie i thotë “Aq sa të kam thënë 12 (dymbëdhjetë), por do mundohemi t’i bëjmë ulje, por personi i do lekët në gjendje dhe unë i thashë qe do m’i lërë mua t’i mbaj”. Kallëzuesi i thotë “Po t’u nevojit, deri në 50.000 lekë të rinj ia jap unë si një lloj garancie”. Më pas, kallëzuesi i thotë që unë 12.000 euro i kam gati, i ngrijmë në bankë me të drejtë tërheqjeje kur të jemi të dy, por bashkëbiseduesja Hajrie këmbëngul “I mbaj unë eurot pasi jam nga ana jote. Ai po e bëri e bën brenda javës, s’ka nevojë as për arkë, brenda javës e bëjnë këta”. Më pas, Hajria e pyet kallëzuesin “Të pëlqen Ekonomiku si degë?” dhe, kur ndahen, i thotë “Hidhmi lekët mua! …diploma në dorë, zëre se i ke lekët në xhep, se unë jam me ty jo me atë”.
-Nga transkriptimi i bisedës ambientale të zhvilluar në datë 21. 02.2011 midis kallëzuesit dhe Hajrie Hanellit, rezulton se
ajo i thotë kallëzuesit: “E takova personin që i kishte thënë vetëm në universitet privat, degën çfarë të dojë, ata janë të licencuar nga shteti dhe duhet që personi të jetë mbi 24 vjeç, që të përkojë koha e mbarimit të viteve. Emrin e shkollës nuk e tregon se e ka sekret, ky person është i saktë në veprime, është vetë zot vetë shkop. Se ata që punojnë në shtet duhet të korrigjojnë të tërë regjistrat e katër viteve qe të vësh një emër, të hedhësh notat, por me një person nuk del ajo, se duhen firma të shumë vetave. Ndërsa ky është privat, e firmos vetë emrin në katër regjistra, nuk e merr vesh kush se është”. Më pas, kallëzuesi e pyet nëse duhet të paguante kapar, por e pandehura Hajrie i thotë “Asnjë lek nuk i jap unë pa dhënë atë që duhet të japë (diploma). Fol me njerëzit e shtëpisë për lekët dhe më pas zgjidh profilin që të pëlqen ty, Juridik, Ekonomik, çfarë të duash”.
-Nga transkriptimi i bisedës së zhvilluar më datë 28.02.2011 midis kallëzuesit dhe Hajrie Hanellit, rezulton se kallëzuesi i thotë të pandehurës Hajrie: “Kam folur me babanë për lekët dhe më ka thënë kujdes o djalë mos biesh viktimë”. Por ajo i përgjigjet: “Mos u mërzit se ke rënë në duar të sigurta. E shoqëroj unë atë, pa qenë lekët prezent ai nuk fillon punë. Lekët m’i jep mua, unë nuk t’i dorëzoj. Zëre se i ke ti, unë i dua për t’ia treguar atyre që ja ku janë leket qe ka dorëzuar. Ai vetë nuk del të të takojë, nuk do të dale fare në skenë. Do mundohem unë ta mbroj atë lek, se të kam dalë garant. Do flasim në telefon; Po të thashë unë, OK merri lekët me vete që ta mbyllim këtë punë, se është plak ky personi”. Në deklarimin e datës 28.02.2011 shtetasi Xhaferr Gixhari ka shpjeguar rrethanat që rezultojnë nga përgjimi ambiental i së njëjtës datë.
-Nga transkriptimi i bisedës së zhvilluar më datë 22.04.2011 midis kallëzuesit dhe të pandehurës Hajrie Hanelli, rezulton se: E pandehura Hajrie i thotë kallëzuesit që ai person i ka thënë që, pa komunikuar bashkë, mos i thuaj gjë personit (kallëzuesit). Ai nuk është i pari në këtë drejtim, lidhen shok mbas shoku. Gjatë ndarjes, Hajria i thotë që këtë problem dua ta kryej sa më shpejt.
-Nga transkriptimi i bisedës ambientale të zhvilluar më datë 16. 06.2011 midis kallëzuesit dhe të pandehurës Hajrie Hanelli, rezulton: E pandehura Hajrie i thotë kallëzuesit “Kam biseduar me atë personin dhe më dha përgjigje pozitive. U gëzova shumë, sikur ta kisha për veten time, dy janë degët në Ekonomik, Financë dhe Administrim biznesi”. Më pas i tregon për dokumentet që nevojiten- kartë identiteti, foto, i jep një letër që i ka shkruar personi me shkrimin e tij. E pandehura Hajrie i thotë kallëzuesit “Ai personi më ka thënë se cilat janë degët, merri lekët dhe brenda javës bëhet ky muhabet”. Ndërsa për shumën e parave, ajo shprehet se ia ka ulur duke i thënë 14.000 euro. Më pas, e pandehura Hajrie i kërkon lekët kallëzuesit me pretekstin për t’ia treguar personit. Kallëzuesi i thotë “Shumë e ngriti pazarin”, por Hajria i përgjigjet: “Le të behet mbarë ty, se lekët shkojnë e vijnë. Në qoftë se nuk të korrespondon data me të mesmen, do t’i them që të nxjerrë një diplomë të shkollës së mesme”. Kallëzuesi thotë “Nuk fus më lekë të tjera”. Më pas, e pandehura Hajrie i thotë: “M’i jep leket t’ia tregoj unë atyre, nuk e lëshoj lekun e tjetrit. Ja ku e ke lekun, do t’i them personit po është gjë reale, hidhu”.
-Nga transkriptimi i dt.27.06.2011 i bisedës së zhvilluar më datë 24.06.2011 midis kallëzuesit dhe të pandehurës Hajrie Hanelli, rezulton se: E pandehura Hajrie i thotë kallëzuesit që takova personin dhe ai i kishte thënë “Muhabeti po nuk u mbyll deri të hënën, nuk bëhet më”. Më pas, kallëzuesi i thotë që, pasi është konsultuar me prindërit, i kanë sugjeruar që të mos i japë të gjitha paratë njëherësh. Por përsëri e pandehura Hajrie Hanelli këmbëngul që lekët duhen parapaguar patjetër, duke u shprehur se do t’i mbante ajo. E pandehura Hajrie Hanelli i thotë kallëzuesit që personi e ka një bazë dhe është shprehur që ai të shkoje vetë ta marrë diplomën në sekretari, e cila është për fakultet ekonomik. Kallëzuesi shprehet se familja nuk e lejon që paratë t’ia japë asaj të gjitha në dorë, insiston që t’i derdhë në bankë dhe pasi të “mbarojë puna” të shkojnë dhe t’i tërheqin. E pandehura Hajrie shprehet që “Banka ishte ajo dhe se ajo nuk do t’i lëshonte paratë pa mbaruar punë”.
-Nga transkriptimi i dt.28.06.2011, i bisedës së zhvilluar në datë 27.06.2011 midis kallëzuesit dhe të pandehurës Hajrie Hanelli, rezulton se: E pandehura Hajrie Hanelli e ka pyetur kallëzuesin se ku ishte problemi. Ai i është përgjigjur që ditën e nesërme të shkonin në bankë dhe të “mbaronin punë”. E pandehura Hajrie është shprehur se nuk ishte nevoja të shkonin në bankë, pasi ajo do ta dërgonte për të “mbaruar punë”. Kallëzuesi i ka thënë të pandehurës Hanelli që nuk i jepte të gjitha paratë pa marrë diplomën, ndërsa bashkëbiseduesja i ka thënë që do të veprohej njëkohësisht: “Ai do të merrte diplomën dhe do të jepte paratë”. E pandehura Hajrie pyet se si ishte me gjendjen e lekëve dhe kallëzuesi i përgjigjet që kishte gjetur 12 mijë euro. E pandehura Hanelli i thotë që një mijë euro do t’ia jepte asaj, shumë të cilën ajo do t’ia jepte personit që i ofronte “këtë mirësi”. Kallëzuesi e pyet nëse kërkonte 1 mijë euro apo një milion lekë dhe e pandehura Hajrie i përgjigjet “1 mijë euro”. Hajria i kërkon kallëzuesit dhe një “kafe” për veten e saj. Kur kallëzuesi e pyet se sa ishte vlera që kërkonte, e pandehura Hajrie i përgjigjet qe e kishte në dorë ai, por do të ishte e kënaqur dhe me 1 mijë euro. E pandehura Hajrie i thotë kallëzuesit që te 12 mijë euro bën pjesë dhe “kafja” e saj dhe e personit që po i ndihmon. Kur shtetasi Xhaferr i thotë të pandehurës Hajrie që 1 mije euro do t’ia jepte ditën e nesërme bashkë me dokumentet, e pandehura Hajrie i kërkon 2 mijë euro me qëllim që 1 mijë euro t’i mbante ajo dhe 1 mijë euro t’ia jepte personit që po i ndihmonte.
-Në datën 29 qershor zhvillohet bisedë mes kallëzuesit dhe Hajrie Hanellit, ku ai i ka dhënë të pandehurës Hanelli shumën prej 1000 eurosh. Më konkretisht, nga biseda e zhvilluar rezulton: E pandehura Hajrie Hanelli sapo takon kallëzuesin dhe e shikon me zarf në dorë, i thotë: “Paske ardhur me zarf, a i ke marrë eee?”. Gjithashtu, e pandehura Hanelli shprehet që “Ai personi” e kishte telefonuar, i kishte thënë se çfarë po bëhej dhe e pandehura Hajrie i ishte përgjigjur që kallëzuesi nuk kishte përgatitur dokumentet. Shtetasi Xhaferr i thotë të pandehurës që “Prandaj kishte sjelle leket” dhe e pandehura Hanelli shprehet që në këtë mënyrë personi që po i ndihmon do të nxitet më shumë. E pandehura Hajrie shprehet që do t’i thotë personit që të caktojë datën dhe orën e takimit, pasi deri në këto momente ai nuk kishte qenë i sigurtë. E pandehura Hajrie i thotë shtetasit Xhaferr që nuk mund t’i merrte lekët kallëzuesit dhe që ky i fundit të mos merrte diplomën. Ajo shton se nuk mund ta bënte këtë veprim, pasi kishte dalë garant. E pandehura Hajrie i ka theksuar kallëzuesit se shtetasi që i ndihmon është një njeri korrekt, nuk kishte gjithçka në dorë, por ishin persona të tjerë që njiheshin prej tij. Bashkëbiseduesja Hajrie Hanelli i thotë kallëzuesit që vërtetë ky i fundit po paguante para, por do të siguronte një punë. Ajo pyet sa para kishte sjellë me vete dhe kallëzuesi i thotë “1 mijë euro, siç e kishin lënë”. Pasi kallëzuesi i numëron, ia jep të pandehurës Hajrie dhe i thotë që t’i numëronte edhe kjo e fundit. E pandehura Hanelli ka biseduar në telefon me një person, të cilit i ka thënë që kallëzuesi nuk kishte firmosur ca dokumente në Drejtorinë Arsimore. Gjithashtu ajo i ka thënë bashkëbiseduesit të thirrjes telefonike se duhej ta plotësonte sa më shpejt këtë punë dhe se do të takoheshin bashkë ditën e nesërme. Në procesverbalin e datës 29.06.2011 janë pasqyruar paratë në shumën 1000 (njëmijë) euro, që kallëzuesi Xhaferr Gixhari i ka dhënë së pandehurës Hajrie Hanelli.
-Nga transkriptimi i bisedës së zhvilluar më datë 30.06.2011 midis kallëzuesit dhe të pandehurës Hajrie Hanelli e të pandehurit Vani Niçka, rezulton se: I pandehuri Vani i thotë kallëzuesit që ato ishin ingranuar me kohë, por “Ai shoku” kishte shkuar në Itali, nga ku tashmë ishte kthyer. I pandehuri Vani Niçka është shprehur se do ta bënin të rregullt diplomën dhe kallëzuesi mund të shkonte ku të donte në Amerikë, Kanada etj. Gjithashtu bashkëbiseduesi i ka thënë kallëzuesit se duhej të nxitonte, pasi ishte periudha që dilnin diplomat dhe po të mbaronte shkolla, procesi do të mbetej për në muajt dhjetor, janar. I pandehuri Niçka shprehet gjithashtu që do ta bënin të rregullt diplomën, pasi kallëzuesi po paguante paratë. Sipas bashkëbiseduesit, kallëzuesi do të firmoste në sekretari kur të tërhiqte diplomën dhe për tri vitet e shkollës, pasi do të veprohej sikur regjistrimi ishte bërë para dy vitesh në universitet.
-Nga transkriptimi i bisedës së zhvilluar më datë 07.07.2011 midis kallëzuesit dhe së pandehurës Hajrie Hanelli e të pandehurit Vani Niçka rezulton se: I pandehuri Vani i shprehet kallëzuesit që ishin gati ta ndihmonin dhe se ai kishte folur me një pedagog, i cili i kishte thënë që ishte gati që të bënte dhe dëftesën e shkollës së mesme dhe diplomën e shkollës së lartë. Gjithashtu, ai ka shtuar se për dëftesën e shkollës së mesme pedagogu ishte shprehur se mund ta prodhonte për 300 mijë, ndërsa kallëzuesi i përgjigjet që të shihej mundësia që kjo shumë të përfshihej brenda vlerës totale që ai do të paguante. I pandehuri Vani i thotë kallëzuesit që paratë e diplomës duhet të paguheshin në dorë, ndërsa shtetasi Xhaferr i përgjigjet që bisedat ishin bërë ndryshe me të pandehurën Hajrie. I pandehuri Vani shprehet se do të përfitonte edhe personalisht para, pasi ai vepronte në interes të kallëzuesit dhe se meritonte të fitonte diçka. Kallëzuesi propozon që të ngrinin paratë në bankë, pasi ishte shumë e madhe, por i pandehuri Vani nuk e pranon një gjë të tillë.

Vendimi
Gjykata e Tiranës e ka dhënë vendimin e saj në lidhje me dënimin e dy të pandehurve të kësaj çështjeje më 19 qershor 2012. Sipas vendimit, qytetari që kërkonte diplomën nuk e mori atë pasi pagoi 1 mijë euro paraprakisht dhe më vonë mësoi së kjo shumë ishte mbajtur nga sekserët dhe nuk ishte dorëzuar te personat që mundësonin diplomën.

Panorama

[Albo]

Notat e matematikës për maturantët,MASH:Penalizim për nxënësit që kopjuan

Drejtori i AKP, Harizaj: Incidentet nuk cenuan procesin voluminoz.

Për Ministrinë e Arsimit kopjet e maturantëve nëpërmjet Facebook-ut në prov-imet me zgjedhje nuk kërcënojnë procesin e Maturës Shtetërore.
Gjatë një konferencë për shtyp, drejtori i AKP-së, Alfons Harizaj, pranoi se një gjë e tillë ka ndodhur dhe ndëshkimet do të jenë individuale. “Mund të ketë ndodhur dhe ka ndodhur, por këto janë njolla shumë të vogla në krahasim më të gjithë procesin. Penalizimet do të jenë sipas rregullores së Maturës Shtetërore në mënyrë individuale. Do të ketë skualifikim nga provimi për nxënësit ose zbritje të pikëve për pyetjet me zhvillim dhe alternativa. Në asnjë rast nuk do të kemi ndëshkime kolektive”, tha Harizaj. Sipas tij, dyshimet për kopje verifikohen nga një komision i posaçëm. Harizaj reagoi dje edhe në lidhje me 4 mësuesit e arrestuar në Kamzë. Ata u ofruan nxënësve zgjidhjen e pyetjeve të tezës së provimit të Letërsisë, nëpërmjet SMS-ve, kundrejt pagesave prej 25-30 mijë lekësh. “Këta mësues nuk kanë qenë të përfshirë në listën e administratorëve që Ministria ka miratuar. Janë mësues, por kanë qenë pranë shkollave si të gjithë qytetarët e thjeshtë. Ky incident nuk cenon punën voluminoze të bërë nga MASH”, tha Harizaj. Dje pasdite, MASH publikoi notat e provimit të Matematikës. Gazeta publikon listat me kodet ID të nxënësve. Sipas MASH-it, nesër do të nisë korrigjimi i testeve të lëndëve me zgjedhje. Po kështu, këtë javë do të publikohet formulari A2. Për herë të parë këtë vit maturantët do ta plotësojnë online. Me anë të tij ata zgjedhin 10 preferencat e shkollës së lartë. Plotësimin e A2 nxënësit do ta bëjnë vetëm pasi të kenë marrë edhe notat e lëndëve me zgjedhje. Me rezultatet e gjithë komponentëve të Maturës ata do të llogarisin pikët sipas formulave me koeficientet përkatës për profilin e shkollës dhe universiteteve.



Të arrestuarat: S‘përfituam para.
Mësueset: Ndihmuam nxënësit për miqësi
TIRANE – Mësueset e shkollës së mesme “Ibrahim Rugova” në Kamzë, të arrestuara të shtunën me akuzën e korrupsionit me tezat e provimeve të maturës, nuk e kanë pranuar kryerjen e krimit. Shtetaset Klodiana Kryemadhi, 33 vjeçe, Fatbardha Mahmutaj, 49 vjeçe, Arjana Metaliaj, 32 vjeçe dhe Nevila Fiku, 47 vjeçe, të gjitha mësuese pranë shkollës së mesme të përgjithshme “Ibrahim Rrugova” në Kamzë, janë marrë në pyetje nga hetuesit pas arrestimit nga policia. Sipas burimeve nga hetimi, mësohet se mësueset kanë mohuar të kenë përfituar financiarisht nga zgjidhja e testeve dhe dërgimi i përgjigjeve te maturantët. Mësueset mësohet se kanë pretenduar se kanë ndihmuar disa nxënës për shkak të njohjes me ta dhe me prindërit e tyre, por nuk ka pasur përfitim në këtë mes. Nga ana tjetër, burimet e Prokurorisë dhe Policisë kanë thënë se ka prova të plota që tregojnë se mësueset e arrestuara kanë përfituar nga 25 deri në 30 mijë lekë për zgjidhjen e secilës tezë në tri provimet, Matematikë, Letërsi dhe lëndë me zgjedhje. Sipas hetimeve, mësuesja e fizkulturës pranë kësaj shkolle ishte lidhur me prindërit e dy vajzave maturante, nga të cilët kishte marrë ryshfet. Ajo i ka ndarë paratë me tri mësueset e tjera nga të cilat ka mësuar përgjigjet e pyetjeve. Pasi kanë hyrë në sallat e provimeve me telefon, nxënësit i kanë marrë përgjigjet duke plotësuar kështu fletët e testit. Prokuroria e Tiranës, e cila ka drejtuar hetimet, pritet që ditën e sotme të dërgojë në Gjykatë kërkesat për caktimin e masave të sigurisë ndaj mësueseve të arrestuara. Rasti më tipik i abuzimit të tyre me detyrën ka qenë provimi i Letërsisë dhe përgjigjet për pyetjen e poezisë “Albatros”.

tr.so

Panorama

[Albo]

Pergjigjet zyrtare, kopjohet testi i Maturës, ja provat në Facebook

Arrestohen katër mësuese në Kamzë. Dërgonin me SMS zgjidhjet kundrejt pagesës. Gazeta publikon përgjigjet për të gjitha degët.

Skandali, si kopjuan maturantët në provim.

MASH: Po abuzohet, mundësitë janë minimale. Kishim 5000 administratorë në shkollat e gjithë vendit.

Rrjeti social “Facebook” tradhton maturantët në provimet e fundit të Maturës. Pavarësisht se rregullorja ndalon kategorikisht përdorimin e celularëve gjatë testimit, duket se ka ndodhur e kundërta.
Situata kësaj here ka dalë jashtë kontrollit. Është hera e parë në 6 vitet e Maturës Shtetërore që skandali merr përmasa të këtij lloji.
Herët e tjera dyshimet kanë qenë sporadike dhe janë kaluar pa shumë bujë. Fillimisht ka qenë Parlamenti Rinor që ka vënë në dispozicion foto të faqeve personale në Facebook të disa maturantëve, të cilët kanë kërkuar ndihmë nga shokët e tyre për pyetje në provim. Si për ironi, pyetja e postuar lidhet me arritjet e qeverisë. “Njerëz, jam në provim. Më ndihmon dot njeri me këtë pyetjen… Renditni 3 arritjet e qeverise shqiptare, të cilat çuan në liberalizimin e vizave për Shqipërinë”, thuhet në postimin e denoncuar. Do të jenë ekspertët që do të verifikojnë nëse kemi të bëjmë vërtet me kopje, apo me ndonjë “lojë” të maturantëve pas testimit.
Megjithatë, nga sa tregohet në foto, ora kur pyetja e provimit është hedhur si status shënon 12:58, çka përkon me limitet e orarit prej 3 orësh që maturantët kishin në dispozicion për provimet. Fotoja tjetër tregon për hedhjen e tezës së plotë të Anglishtes në Facebook, ndërkohë që në krahun e djathtë janë të renditura komentet që japin disa variante të përgjigjeve. Në faqe të tjera të rrjetit social janë zbuluar statuse ku kërkohet ndihmë për pyetje të ndryshme të tezave.

MASH: Po abuzohet
Ministria e Arsimit ka hedhur poshtë në reagimin e saj mundësinë e kopjimit. Denoncimin e Parlamentit Rinor e ka cilësuar si keqpërdorje, ndërsa për foton, ku duket teza e Anglishtes e hedhur në Facebook, argumenti i këtij dikasteri ishte se ajo mund të jetë postuar pas provimit.
“Kemi pasur 5000 administratorë në të gjithë vendin dhe asnjë maturant nuk ka kopjuar. Në këtë rast kemi të bëjmë me një keqpërdorje të Parlamentit Rinor”, thanë burime zyrtare nga MASH. Sipas këtij dikasteri, do të ngrihet një grup ekspertësh që do të verifikojë nëse këto raste janë vërtet kopje me celular, apo abuzime të nxitura për të deformuar procesin.
“Sigurisht që nuk mund të kontrollojmë një rrjet social që ka miliona përdorues, por për rastet e denoncuara do të jenë ekspertët ata që do të gjykojnë nëse vërtet bëhet fjalë për kopje. Në rregulloren e Maturës Shtetërore është e përcaktuar qartë: të gjithë maturantët që kapen ose verifikohen se kanë shkëmbyer informacione gjatë provimit, përjashtohen automatikisht dhe humbasin të drejtën për të konkurruar në universitet”, sqaruan burime zyrtare nga MASH.
Dje pasdite, ky dikaster publikoi çelësin e përgjigjeve për 27 lëndët me zgjedhje. Gazeta publikon të plota skemat për më të kërkuarat, ku Anglishtja zë vendin e parë. Atë e kanë përzgjedhur 12 mijë maturantë.

Formulari A2
Pas daljes së rezultateve të Maturës Shtetërore, maturantët do të plotësojnë formularin A2. Me anë të tij ata do të zgjedhin 10 preferencat e shkollës së lartë. Këtë vit, për herë të parë formulari A2 do të plotësohet në mënyrë elektronike. Sipas Ministrisë së Arsimit, udhëzimi i plotë për mënyrën si do të bëhet përzgjedhja e degëve do të publikohet rreth datës 20 korrik. Përpara se të plotësojnë formularin A2, nxënësit do të bëjnë llogaritjen e pikëve sipas formulave përkatëse.

Provimi në Burrel
BURREL – Maturantët e Matit, që zhvilluan provimet me zgjedhje në mjediset e shkollës “28 nëntori” Burrel, e nisën atë me një orë e gjysmë vonesë, me gjithë temperaturat e larta. Drejtori i Zyrës Arsimore Mat, Lefter Ballabani, e pranoi këtë fakt, duke sqaruar se vonesa erdhi për shkak të kujdesit të treguar nga ana e specialistëve për dhënien e testeve me saktësi. “Ishte një punë voluminoze, pasi kishim më shumë se 30 lloje testesh dhe duheshin shpërndarë me rregull, tha ai. Për të gjithë maturantët është dhënë koha e plotësimit të testeve sipas udhëzimeve të MASH”, deklaroi Ballabani.

Ministri Tafaj
ELBASAN – Ministri i Arsimit, Myqerem Tafaj, ishte dje në Elbasan në ditën e provimit të fundit të maturantëve. Ai u shpreh se këtë javë janë miratuar kuotat për pranimet në universitetet publike, dhe 70% e maturantëve kanë mundësi që të përfitojnë nga shërbimi me kohë të plotë dhe pjesa tjetër të ndjekë studimet e larta me sistemin part–time, nëse dalin me rezultat pozitive. Ministri Tafaji ka theksuar faktin se matura, nga viti në vit ka pësuar ndryshime pozitive dhe se plotëson standardet për t’u njohur nga vendet e BE–së, në mënyrë që të gjithë maturantët që dëshirojnë të ndjekin arsimin e lartë jashtë vendit, të pranohen në universitetet e tyre.

Kamzë, arrestohen 4 mësuese

Policia e Tiranës: Morën 25-30 mijë lekë nga secili nxënës, abuzim në tri provimet
Dërguan me SMS te maturantët përgjigjet e tri provimeve
Katër mësuese të shkollës së mesme të përgjithshme “Ibrahim Rugova” në Kamzë u arrestuan dje me akuzën e korrupsionit me tezat e provimeve të Maturës Shtetërore.
Në një aksion të kryer nga Njësia Task-Force Antikorrupsion në Prokurorinë e Tiranës dhe nga Policia e kryeqytetit, është finalizuar arrestimi në flagrancë i dy mësueseve dhe më pas kapja e dy të dyshuarave të tjera. Në një deklaratë për median, zëdhënësja e Policisë së kryeqytetit tha dje se gjatë aksionit të koduar me emrin “Matura” janë vënë në pranga shtetaset: Fatbardha Mahmutaj, 49 vjeçe, Klodiana Kryemadhi, 33 vjeçe, Arjana Metaliaj, 32 vjeçe dhe Nevila Fiku, 47 vjeçe, të gjitha mësuese të shkollës së mesme të përgjithshme “Ibrahim Rugova” në Kamzë. Arrestimet mësohet se janë kryer ditën e djeshme, vetëm pak orë pas përfundimit të provimit të maturës për lëndët me zgjedhje. Edhe në këtë provim, ashtu si në testin e Letërsisë, njëra nga mësueset ka realizuar dërgimin e përgjigjeve të testit me mesazhe te maturantët brenda shkollës. Ata kishin hyrë në sallën e provimit me celularë me vete dhe mësuesja e Fizkulturës ua ka dërguar me mesazhe përgjigjet e testeve të provimit. “Nga hetimet është zbardhur e gjithë skema e korrupsionit. Mësuesja e Fizkulturës është lidhur me dy prindër të interesuar për ndihmë ndaj fëmijëve të tyre. Kjo mësuese nuk ka qenë pjesë e administratës së provimit të maturës, por ajo ka kërkuar ndihmën e kolegeve të veta të lëndëve përkatëse”, thanë burimet e hetimit. Sipas tyre, mësuesja e Fizkulturës, ditën e provimeve, në rastin e Matematikës dhe të Letërsisë, por edhe ditën e djeshme, i ka marrë përgjigjet e testeve nga tri koleget e veta dhe i ka dërguar me mesazhe në telefonat e nxënësve sipas një pakti që kishte bërë më parë me prindërit e tyre. Sipas Policisë, për secilin nxënës mësueset kanë marrë 25-30 mijë lekë dhe më pas i kanë ndarë së bashku. “Shtetaset Nevila Fiku dhe Klodiana Kryemadhi u kapën në flagrancë në Kamzë me shumat e parave të përfituara nga kjo veprimtari e kundërligjshme”, tha dje Policia. Nga burimet e hetimit është mësuar se rastet e dërgimit me mesazhe të përgjigjeve të testit dhe marrja e parave nga ana e mësueseve janë dokumentuar me metoda speciale me zë dhe me figurë. Katër mësueset e arrestuara pritet të dalin në gjykatë javën e ardhshme për caktimin e masës së sigurisë.

Mesueset e arrestuara

1. Klodiana Kryemadhi 33 vjeçe
2. Fatbardha Mahmutaj 49 vjeçe
3. Arjana Metaliaj 32 vjeçe
4. Nevila Fiku 47 vjeçe

“Albatrosi”
Një prej rasteve të provuara nga grupi i hetimit kur mësueset e shkollës së mesme të Kamzës kanë dërguar përgjigjet me anë të celularëve te maturantët që jepnin provim, ka ndodhur në testin e Letërsisë. Një nga pyetjet më të vështira dhe më të diskutuara, që lidhet me “Albatrosin”, është zgjidhur nga tri mësueset e shkollës së mesme të Kamzës, të cilat ia kanë thënë përgjigjen koleges së tyre të Fizkulturës, ndërsa kjo e fundit e ka dërguar atë me celular te dy nxënës që ndodheshin brenda shkollës duke dhënë provimin.

Panorama

[Albo]

Pranga pedagogut, ryshfet për një notë kaluese

ELBASAN- Një pedagog i Universitetit “Aleksandër Xhuvani” të Elbasanit është ndaluar nga policia dhe dy të tjerë janë në hetim, nën akuzën e marrjes së ryshfetit në këmbim të dhënies së provimit.

Mësohet se i ndaluar është Pëllumb Kllogjeri, pedagog i Fakultetit Ekonomik të këtij Universiteti.

Policia ka nisur veprimet pas denoncimit të disa studentëve, që e akuzonin atë për marrje parash në këmbim të një note kaluese në provim.

Panorama

[xhori]

keta mesuesit e bejne per te mos vdek per buk te gojesdhe i arrestojne, qeveritaret i kapib me presh ne dore dhe nuk u ndodh asgje, hajde demokraci hajde kjo po qe eshte lufta kunder korrupsionit, bravo shteti

[drague]

keta mesuesit e bejne per te mos vdek per buk te gojesdhe i arrestojne, qeveritaret i kapib me presh ne dore dhe nuk u ndodh asgje, hajde demokraci hajde kjo po qe eshte lufta kunder korrupsionit, bravo shteti

me 400mij lek nuk vdes kush per buke.

per buke po vdesin ne Itali

[user010]

Un jam i besimit se të vësh në shënjestër shtetin dhe në këtë rast puntorët e tijë në shkolla e larta nuk ka për të ndihmuar shumë.

Vjen një çastë që invidivi në ballkan duhet të marri një vendim.. të shkoj me turmën apo të shkojë sipas mendjes së vetë..

Sa për çështjen e lekut.. për mua nuk është rroga e ulët e profesorit që e detyron atë të hedhi poshtë moralin! Është se sa e vlerson ai moralin!

Pastaj duhet bërë një ndarje..

është tjetër gjë të marësh lek nga një student që ti ofron vetë sepse ai do të marri notën qyl.. dhe tjetër gjë mos të lësh të kalojë dikush që ja vlenë.

Jan shumë larg njëra nga tjetra.. nuk dua të tregojë cila rrugë duet ndjekur nga studenti.. thjesht dua të kujtojë se në jetë gjithmon paguan.. thjesht disa herë mbase nuk e kupton që ke paguar.