Londer: Kleriku islamik, islamiket shqiptare mbeshtesin Al-Qaeda

[Shijaksi-London]

FLET NGA LONDRA NJERIU I BIN LADENIT

"Me ne dhe islamikët shqiptarë"
Abu Hamza: Një ditë do ndryshojmë qeverinë e tyre


--------------------------------------------------------------------------------

Nga Londra Muhamed Veliu


Një klerik musliman, i shquar për bindjet e tij antianglo-amerikane, konfirmoi dje lidhjet e tij me islamikët shqiptarë dhe deklaroi se do të bashkëpunojë ngushtë me ta. Në një konferencë shtypi dje, menjëherë mbas faljes së namazit të së premtes, i rrethuar nga gazetarë të CNN, BBC dhe "Sky News", Abu-Hamza u është përgjigjur gazetarëve në lidhje me bindjet e tij antiperëndimore, të cilat i shpalos haptas, si dhe për gjyqin e së hënës, ku ai do të përballet me autoritetet angleze për heqjen e nënshtetësisë angleze. Në fund të kësaj konference kleriku me origjinë egjiptiane i është përgjigur prerë pyetjes së "Gazetës Shqiptare", nëse ai dhe grupi i tij radikal në Londër kanë lidhje me muslimanë shqiptarë me bindje ekstremiste. "E di që ata janë mbështetësit e mi dhe më duan, unë nuk i di emrat e tyre, por një ditë unë do të bëj që qeveria juaj të ndryshojë, mos u shqetësoni për këtë, do të ndodhë". Kjo deklaratë e dalë nga goja e Abu-Hamzës, i cili, sipas autoriteve të shërbimeve sekrete angleze dhe amerikane, është një ndër njerëzit aktiv të Al-Qaedës në Europë, është shenjë e qartë se kjo organizatë ka degët e saj në Shqipëri, të cilat nuk dihet ende se sa të gatshme janë për t'iu bindur urdhrave të "gjeneralëve" të terrorit, si Abu Hamza. Nuk dihet ende nëse kjo deklaratë ka baza të shëndosha për t'u besuar dhe marrë seriozisht. Gjithsesi, Hamza është shprehur i gatshëm të japë një intervistë për "Gazetën Shqiptare", së shpejti.

Shqiptarët
Për disa vite me radhë në një xhami në veri të Londrës, pranë lagjes "Finsbury Park", Abu Hamza ka predikuar lirshëm bindjet e tij antiperëndimore, pavarësisht se ai është një shtetas anglez, të cilit, sipas ligjeve britanike, i ndalohet të kryejë propagandë antibritanike. Sipas ekspertëve të sigurisë në Londër dhe mediave, kjo xhami ishte kthyer në një qendër ku kryhej përgatitja dhe brumosja e të rinjve muslimanë me islamizmin radikal. Richard Reid, një i krishterë, më pas i konvertuar në musliman, mësohet të jetë instruktuar në këtë xhami pas një "larjeje të trurit". Reid më pas do të vendoste eksploziv në këpucën e tij për të hedhur në erë një avion amerikan. Vite më parë kjo xhami është frekuentuar nga të rinj muslimanë shqiptarë, emigrantë në Angli. Nuk është e qartë nëse këta të rinj emigrantë në shtetin ishull shkonin në këtë xhami thjesht për t'u lutur apo i janë nënshtruar "larjes së trurit" për t'u bërë më pas besimtarë ekstremistë. Kjo është e vetmja lidhje mes sheikut që i ka duart e prera dhe shqiptarëve. Shërbimi sekret anglez, i vënë në survejim të xhamisë për një kohë të gjatë, ka arritur të mbledhë informacione se nga kjo xhami janë dërguar të rinj për të luftuar në Afganistan, përkrah forcave të Bin Ladenit. Xhamia para një viti është mbyllur nga qeveria angleze dhe si pasojë pasuesit e Abu Hamzës tani falen në mes të rrugës, nën ruajtjen e forcave policore.

Kleriku
Kleriku Abu Hamza 60 vjeç, ka lindur në Egjipt, ku është shkolluar në një shkollë fetare islamike. Rreth viteve '80, sipas qeverisë egjiptine, ai është përfshirë në vendosjen e një bombe, ku janë vrarë disa njerëz. Hamza është dënuar nga një gjykatë e vendit të tij me burgim të përjetshëm. Ky dënim ka bërë që Hamza para 12 viteve të kërkojë azil politik në Angli. Duke e ditur që ai është një i njohur nga qeverija angleze për veprimtarinë antiperëndimore, në suport të aplikimit të tij për azil dhe më pas për nënshtetësi angleze, është martuar me një shtetase angleze, nga e cila më pas ka fituar nënshtetësinë. Hamza ka një mandat arrestimi të firmosur në Amerikë nga CIA, e cila kërkon ta intervistojë në lidhje me informacionin që posedon kjo agjenci përsa u përket marrdhënieve të tij me Al-Qaedën. Të hënën e ardhshme në gjykatën e lartë angleze tre gjykatës do të shqyrtojnë kërkesën e ministrit të brendshëm, David Blanket, për heqjen e nënshtetësisë angleze, gjë që do t'i japë mundësi si palës amerikanë dhe asaj egjiptiane për ekstradimin e tij. Gjithashtu, Abu Hamza ka luftuar për çlirimin e Afganistanit nga forcat ruse, ku gjatë një beteje ai humbi të dyja duart dhe u qorrua nga shpërthimi i një bombe. Pjesëmarrja e tij në këtë luftë ka bërë që ai të njihet me shefin e terrorit botëror, Osama Bin Laden.

[Qafir Arnaut]

Epo pyll pa derr nuk paska. Nderkohe ne Corriere della Sera F.Nano pranon s'e Shqiperia nuk eshte me me shumice myslimane, dhe se myslimanet shqiptare jane shume tolerante. Bamir Topi shpik 'civilizimin shqiptar' ne nje kunderpergjigje flake-per-flake, duke thene se F.Nano me ate qe tha i kundervihet ketij 'civilizimi'.

Sidoqofte nuk mendoj se Shqiptaret simpatizante te Al-Kaida te jene me shume se 1000 cope. [ky numer bazohet ne numrin e te rinjve shqiptare te edukuar nder institucione islamike ne Arabi, Azi etj]

[amina]

pershendetje

ky njeri eshte bere problem edhe per vete muslimanet me idete e tija te prishura
do benin shume mire ta ekstradonin me ndonje vend qe mos ti degjohet me zeri

[kristal]

O shqiperi e o shqipetare po cfare ju duhet te merreni me qelbesirat si puna e hamzait,e perse ka arritur puna deri aty sa dikush merr guximin per te intervistuar njeres si puna e atij qe me vjen pershtire ti permend dhe emrin,perse ne duhet te mendojme apo te na shkoje ndermend se ne jemi te tille.


Te ndyret merren me te ndyre.


me falni per fjalorin


kristal

[Shijaksi-London]

O shqiperi e o shqipetare po cfare ju duhet te merreni me qelbesirat si puna e hamzait,e perse ka arritur puna deri aty sa dikush merr guximin per te intervistuar njeres si puna e atij qe me vjen pershtire ti permend dhe emrin,perse ne duhet te mendojme apo te na shkoje ndermend se ne jemi te tille.


Te ndyret merren me te ndyre.


me falni per fjalorin


kristal

Ha ha, ti me ben mua per te qeshur kristal me sharmit tuaj humoristiko -idiotik me ato qe shkruan.
Puna eshte qe te intervistosh ata persona qe nuk mund te intervistohen nga te tjeret dhe te marresh nga ato deklarime te cilat per njerez si ty duken budallalliqe, per miu weshte arritje, por ne fakt jane pjese e jetes dhe realitetit qe jetojme dhe puna ime si gazetar me ben ta prek ate.
Prononcimi i tij eshte nje shenje e qarte se ata qe e ndjekin idete e tij ekzistojne dhe per shoqerine tone mund te perbejne rrezik. Pra, ajo deklarate ka nje kuptim serioz per te cilin ne duhet te shqetesohemi. Ty kaq ta pret dhe kaq thua. Ste ve faj. Kam "megabajt" data te mban sistemi juaj i trurit.
Ti si "doktor" qe thua qe je (nuk e kam te sigurte qe je i tille) e din fare mire punen e epidemise. Kur bie i kap te gjithe. puna e terrorizmit eshte njesoj, por me e rrezikshme. Te zhbirosh bindjet e tyre nuk me duket "pisllek" por guxim dhe nje lajm scoop.
Meqenese mua me quan te ndyre me ler te merrem ne te ndyret nuk ka problem eshte pjese e punes time, ti qe je ndoshta "engjell" merru me engjejt. Por e duket se je shume larg nga te qenurit engjellor,sepse zjarri i xhelozise dhe urrejtjes brenda teje qe i karekterizon tipat si ti nuk te lene ta shofesh boten me ngjyra por te trubullt gje e cila ju prish ekuilibrin mendor.
God bless u and rest of of people like u.

[gjelberimi]

Bravo te qofte me shkrimin qe ke bere me siper je nga me te rrallet e me te talentuarit,por te pakten me me kulture shoku gazetar,se mos del dikush e ti thyen turinjte se po ua ben borxhe njerezise,cfare jane keto fjale idiote ketu more e din se ne cfare bote jeton,nejse ti e di vete amon cfare me te thene.

tung

[Hyllien]

Nuk eshte gje e re duke pare se si shkruajn disa ketu. Dje faktikisht po thuheshe se si duhen prere dhe coptuar cifutet dhe amerikanet, ti hidheshe kripe dhe te piqeshin pastaj ose te liheshin aty dhe ti hajshin sorrat.

Pra ajo vrasja e Nick Berg qe nje shpetim e pare ne kete kendeveshtrim. Hajde hajde ku kena arrit. Edhe kjo na duhet ne me keta njerez jashte binareve qe mbeshtesin terrorizmin. Turp per faqe te zeze.

[beni67]

Hedh nje budalla nje gur ne uje dhe turren te gjithe per ta nxjerre. Lerini ore Hamzate se ka kush merret me te. Hapni syte e shikoni ku eshte e keqja reale per Shqiperine e Shqipetaret. Nuk e di po se si me duken keto shkrime, sikur mundohen te manipulojne mendjet e njerezve. Dhe perfundimi me duket hic i mbare......... Ne shqiptaret kemi nje VLERE qe pak kombe e kane ( perfshi ketu ate te qyteteruaren ) Dhe kjo vlere eshte toleranca dhe bashkejetesa fetare. Po qete te zote ti meshoni kesaj shqiptaret do tua dine per nder perndryshe do te jene te mallkuar ata qe mbjellin percarje.

[Ryder]

..............................

[Ryder]

O miku s'ka pasur ndonjehere njeri respekt per gazetaret skandalistike qe jane si ata llapazanet e glorifikuar me emrin "gazetar" dhe qe kerkojne te kthejne nja dy tre koka me deklarata dhe tituj skandaloze edhe pse nuk i afrohen fare te vertetes dhe demtojne imazhin e nje pjese te caktuar njerezish.

Kur ti dalesh Hamzase me mikrofon perpara dhe ta pyesesh "C'fare mendoni, a e keni perkrahjen e pjeses myslimane shqiptare?", jo Hamzai po kushdo qe te jete do thoje "Po vellezerit shqiptare na perkrahin deri ne fund ne Jihadin tone kunder, etj etj".
Shqiptaret s'kane vend ne kete konflikt dhe s'duhet te futen si pyke per te shitur 2-3 gazeta, sepse demi qe i sjell Shqiperise kjo kur lexohet nga te huaj, nuk kompensohet me ate lavdine e "scoopeve" tuja.