Mitrovicë: Të paktën tre policë të Kombeve të Bashkuara u vranë

[mani]

"Paqeruajtes se jo mahi" !!!!!!!!!!!!!?????????

17 prill 2004 / TN

"Zëri i Amerikës", më 17 prill 2004 / Besim Abazi

Të paktën tre policë të Kombeve të Bashkuara u vranë dhe disa të tjerë u plagosën në një incident të armatosur në oborrin e një burgu në pjesën veriore të qytetit të ndarë të Mitrovicës.

Ende janë të paqarta rrethanat në të cilat ka ndodhur incidenti, por besohet se të shtënat pasuan një përplasje ndërmjet pjestarëve amerikanë dhe atyre jordanezë të policisë së Kombeve të Bashkuara.

Disa anëtarë të tjerë të plagosur të policisë u dërguan për mjekim në një spital aty pranë. Dy prej policëve të vrarë janë nga Shtetet e Bashkuara. I treti është jordanez.

Agjencia e lajmeve Associated Press njofton se katër policë jordanezë u arrestuan në lidhje me incidentin.

Stefan Feler, shefi i policisë së Kombeve të Bashkuara në Kosovë, e quajti ngjarjen një “incident të tmerrshëm”.

Dhuna mes shqiptarëve dhe serbëve në Kosovë ka qenë e vazhdueshme. Si rezultat i trazirave dyditëshe në mars gjetën vdekjen 28 persona dhe u plagosën qindra të tjerë. Shumë serbë u shpërngulën, pasi shqiptarët u dogjën shtëpitë. Pas dhunës, Kombet e Bashkuara dhe NATO-ja përforcuan praninë e tyre në Kosovë. //kk//

[StterollA]

Mitrovicë, 17 prill - Sot në orën 15 e 30 minuta, në Burgun e Qarkut në Mitrovicë, ka ndodhur një konflikt i armatosur ndërmjet pjesëtarëve të njësisë së sigurimit dhe pjesëtarëve të njësisë korrektuese të burgut. Zëdhënësi i UNMIK-ut për polici e drejtësi, Niraxh Sing, konfirmoi se në përleshje janë vrarë dy policë amerikanë dhe një polic jordanez, ndërsa janë plagosur edhe 11 policë të tjerë, 10 prej të cilëve janë amerikanë dhe një austriak. Sipas dëshmitarëve okularë, dy policë jordanezë kanë shtënë të parët në policët amerikanë. Gjatë shkëmbimit të zjarrit, që ka zgjatur 10 minuta, janë vrarë dy policë amerikanë dhe njëri prej policëve jordanezë që thuhet se kishte shtënë i pari. Njoftimet nga Qendra Spitalore e Mitrovicës, në pjesë veriore të qytetit, thonë se në këtë qendër janë dërguar 7 policë të plagosur rëndë, njëri prej të cilëve ka vdekur nga plagët e marra. Sipas zëvendësdrejtorit, Millan Ivanoviq, dy policë janë në gjendje kritike, tre të tjerë janë në gjendje të rëndë, kurse një ka marrë plagë të lehta. Sipas burimeve jozyrtare, policët amerikanë të UNMIK-ut i kanë arestuar dy policë jordanezë, ndërsa i kanë çarmatosur policët tjerë të këtij vendi. Sipas po këtyre burimeve, policët amerikanë janë vënë në kërkim të sulmuesit tjetër, i cili është strehuar në kompleksin e burgut. Zëdhënësi i UNMIK-ut për polici e drejtësi, Niraxh Sing, ka thënë se motivet dhe rrethanat e shpërthimit të përleshjes së armatosur midis policëve amerikanë dhe policëve jordanezë nuk dihet ende. Menjëherë pas ngjarjes, Komisioneri i Policisë, Shtefan Feller, ka shkuar në Mitrovicë. Ai ka deklaruar se hetimet lidhur me këtë incident tragjik tashmë kanë filluar. Kryesdministratori Hari Hollkeri ka deklaruar se është shokuar me atë që ka ndodhur në Burgun e Mitrovicës. Ai u ka shprehur ngushëllime familjeve të policëve të vrarë, ndërsa të lënduarve u ka uruar shërim të shpejtë.


Radio21

[Llapi]

Përfaqësuesit e policisë ndërkombëtare nga SHBA-të dhe nga Jordania të përfshirë në konflikt u pajtuan publikisht

Prishtinë, 22 prill - Përfaqësuesit e policisë ndërkombëtare nga Shetet e Bashkuara dhe nga Jordania të përfshirë në konfliktin që ndodhi në burgun e Mitrovicës ku janë vrarë tre policë u pajtuan dje publikisht. Pasi kanë shprehur keqardhje për shkak të incidentit, policët janë përqafuar para kamerave dhe kanë porositur se misioni që përbëhet nga 53 vende është një rast unik në botë. Detaje lidhur me konfliktin e policëve nuk janë dhënë as në konferencën e djeshme për gazetarë.

[Llapi]

Agjencitë e huaja thonë se polici jordanez që vrau policët amerikanë ka pasur lidhje me Hamasin

Autoritetet në Kosovë po i kryejnë hetimet nëse polici jordanez i cili vrau tre policët amerikanë ka pasur lidhje me Grupin Palestinez, Hamas, kështu ka deklaruar një zyrtarë i lartë i NATO-s, për agjencitë e huaja të lajmeve. Zëdhënësi i departamentit për Polici dhe Drejtësi i Kombeve të Bashkuara në Kosovë, Neeraj Singh, nuk përjashtoi mundësinë se po bëhet një hetim i tillë.


Sipas tij policia po heton cdo gjë përfshirë edhe të kaluarën e cdo të dyshyari të përfshirë në vrasjen e tre policëve amerikanë dhe plagosjen e 11 policëve të tjerë.

RTK

[mani]

E kush mbeti tani fajtor more vellacko per kete?
Si duket edhe ketu eshte e kjart e gjitha!!!


Shpallen të pafajshëm 4 jordanezët e UNMIK-ut të akuzuar për incidentin në burgun e Mitrovicës



PRISHTINE (19 Maj) - Një prokuror ndërkombëtar ka përfunduar hetimet rreth incidentit në burgun e Mitrovicës, ku u vranë katër policë ndërkombëtarë dhe u plagosën 11 të tjerë, shumica amerikanë. Organet e drejtësisë në Kosovë kanë shpallur të pafajshëm katër policët jordanezë të UNMIK-ut, të cilët ishin të dyshuar për incidentin në burgun e Mitrovicës. Zëdhënësi për polici dhe drejtësi i UNMIK-ut, Neraj Sing tha se prokurori ndërkombëtar ka kryer hetimet dhe nuk ka gjetur fakte që vërtetojnë se katër policët e dyshuar jordanezë ishin fajtorë. "Në pajtueshmëri me këtë, hetimet ndaj katër policëve jordanezë kanë përfunduar dhe ata janë liruar nga paraburgimi", tha zëdhënësi Neraj Sing. Sipas zëdhënësit të policisë dhe drejtësisë, Neraj Sing prokurori ka ardhur në përfundimin se policët e tjerë jordanezë dhe amerikanë të përfshirë në këtë incident kanë shtënë për t'u vetëmbrojtur. Megjithatë hetimet nuk kanë arritur të zbardhin motivin e këtij incidenti. "Tani për tani, faktet që posedojmë nuk janë të mjaftueshme për të arritur në përfundimin për ndonjë motiv për shkëmbim zjarri ndërmjet policëve në burgun e Mitrovicës", tha Sing. Hetimet ndaj katër policëve jordanezë u bënë vetëm pasi sekretari i përgjithshëm i Kombeve të Bashkuara, Kofi Anan kishte dhënë lejen për heqjen e imunitetit ndaj tyre. Zëdhënësi për polici dhe drejtësi i Kombeve të Bashkuara në Kosovë, Neraj Sing nuk ishte në gjendje të thotë nëse katër policët jordanezë ndaj të cilëve u kryen hetimet, do të vazhdojnë të shërbejnë në kuadër të njësisë speciale jordaneze në Kosovë, apo do të riatdhesohen. bm/bm (BalkanWeb)