Liria e shtypit në rrezik!!!

[karaburuni]

Meta: Padia për Lesin, pushteti po përdoret për të kontrolluar mediat

Shekulli

TIRANË – Ish-kryeministri Ilir Meta e ka cilësuar dje, përdorim të pushtetit për të vënë nën kontroll mediat e lira, kërkesën e kryeministrit Fatos Nano për t’i hequr imunitetin deputetit Nikollë Lesi dhe për ta vënë përballë drejtësisë. Në një prononcim telefonik për radion “Top Albania”, Meta tha se “janë të hershme përpjekjet e kryeministrit aktual për të mashtruar gazetën “Koha Jonë” dhe zoti Lesi ka sjellë prova të dukshme edhe në Parlament lidhur me këto presione dhe shantazhe”. Ish-kryeministri Meta është shprehur se ai dhe deputetët që e mbështesin atë do të votojnë kundër heqjes së imunitetit të Lesit, nëse ajo do të shtrohet në Parlament. “Ne do të votojmë kundër çdo nisme për të hequr imunitetin e deputetit Lesi, i cili në radhë të parë është botuesi i një medie të pavarur”, -tha Meta.
Një ditë më parë, familja e kryeministrit Fatos Nano, pra ai dhe bashkëshortja Xhoana depozituan dy padi, civile dhe penale për Lesin. Ditët e fundit, në gazetën që drejton Lesi ishin botuar disa artikuj ku personazh kryesor ka qenë bashkëshortja e kryeministrit Xhoana Nano dhe pikërisht këto janë bërë shkak për denoncimet publike dhe në gjykatë që kanë dërguar kryeministri me bashkëshorten e tij. Gjatë një konference për shtyp, Nano u shpreh se “personat publikë, kur ju dhunohet për shkak të detyrës integriteti moral, dinjiteti dhe nderi me fyerje dhe shpifje i drejtohen ligjit dhe unë do të vazhdoj t’i drejtohem ligjit jo vetëm me padi civile, por edhe me padi penale për Nikollë Lesin. Bashkëshortja ime do të vazhdojë t’i drejtohet ligjit si person jopublik me padi civile dhe penale, të cilat për një deputet depozitohen në Gjykatën e Lartë dhe janë depozituar tashmë dy të tilla nga unë, një në Prokurorinë e Përgjithshme dhe një në Gjykatën e Lartë për të edukuar qytetarët, opinionin publik, deputetët që të mos dhunojnë nderin me shpifje dhe fyerje të personit publik dhe familjes së tyre, që edhe pse janë publike nuk janë persona publikë. Kjo është përgjigja ime për gjithçka që lidhet me kufijtë e qartë dhe të ndarë midis detyrës së kryeministrit dhe integritetit të personit publik Fatos Nano dhe të familjes së tij”, - është shprehur Nano.

[karaburuni]

E vërteta është se po arriti Nano t'ia mbyllë gojën Lesit, nuk besoj se do ketë njeri tjetër në Shqipëri që të shkruajë kundër Nanos dhe do na e bëjë si shtypin e Enverit, ku vetëm do ngihen në qiell sukseset e qeverisjes nanoiste.