Përshëndetje miqtë e mi
Eshtë akoma herët dhe ndoshta pak e shpejtuar t'ju quaj miq, e megjithatë është një fjalë që rrjedh prej shpirti si edhe fjala e parë që unë desha të shkruaj në kryen e këtij mesazhi, i shtyrë nga përgjigjet tuaja dhe shqetësimi ynë i përbashkët.
Eshtë pak e shpeshtë dhe ndërhyrja ime në këtë temë që dua të ndaj me ju, e ndoshta nuk do të shkruaj më derisa një pjesë e mirë e pjestarëve të këtij forumi të jenë shprehur në lidhje me të.
Vetëm ndjeva dëshirën të propozoj diçka, të thjeshtë, konkrete dhe realisht të realizueshme.
Eshtë e vërtetë që një fondacion, një grupim apo lëvizje konkrete do të na ndihmonte të jepnim më shumë dhe ashtu siç duhet për Shqipërinë dhe shqiptarët, ashtu siç është edhe e vërtetë që ky lloj aksioni është momentalisht sh. i vështirë për tu konkretizuar.
Ajo që më bëri mua të shpreh shqetësimin tim në këtë forum, është ideja vetë e këtij vëndi ku ne vijmë e takohemi virtualisht. Albasoul, shpirti shqiptar na bashkon të gjithëve e të gjithë ne marrim pjesë në qindra e qindra mesazhe të regjistruara ç'do ditë.
Nuk ka kënaqësi më të madhe për mua se kur futem në këtë forum, e kur lexoj mesazhe nga më të ndryshmet, duke filluar nga ato ku dikush prezantohet apo diskuton për libra e filma që kemi parë e lexuar në fëmijëri e deri tek mesazhet shumë më serioze ku diskutohet e stërdiskutohet për probleme të ndryshme të shqiptarëve.
Shpirti shqiptar na bashkon të gjithëve. Dhe është pikërisht ky shpirt që duhet ruajtur në këtë forum, e është ky shpirt që duhet shfrytëzuar në këtë moment për të realizuar diçka konkrete.
Unë do të komunikoj me krijuesit dhe mbajtësit e këtij forumi për t'ju propozuar atyre diçka që mund të na bashkojë të gjithëve në një projekt të përbashkët, dhe që nuk kërkon sakrifica, por vetëm pjesëmarrje aktive, siç ndodh ç'do ditë në këtë forum.
Ideja ime është hapja e një faqeje, teme apo ku e di unë se ç'formë do të zgjedhin specialistët e këtij forumi, ku të gjithë ne...të shprehim sejcili kompetencat tona personale në fushat ku punojmë e studiojmë, të kritikojmë sa mundemi e me objektivitet problemet në këto fusha në Shqipëri, të pregatisim më në fund një peticion, të firmosur nga të gjithë (shpresoj që numri i firmave të jetë po aq i rëndësishëm sa ai i pjesmarrësve në këtë forum)...dhe t'ia dërgojmë këtë qeverisë shqiptare, mediave të ndryshme, partive, organizatave, shoqatave dhe në kemi mundësi, miqtë tanë në Shqipëri të na ndihmojnë ta ngjisim nëpër mure.
Kjo letër e hapur, e shkruar mirë, e parë dhe e riparë nga të gjithë, me propozime, kritika, dhe shprehje të dufit e të dhimbjes do të jetë zëri i një pjesë të mirë shqiptarësh që ëndërrojnë për ndryshim, dhe duhet të dëgjohet nga të gjithë. Të gjithë duhet ta marrin vesht se ç'shkruhet në këtë forum, të gjithë duhet të trëmben kur ta marrin vesht se ne nuk e kemi harruar Shqipërinë, as familjet tona, as palaçot e saj politikanë apo mafiozë.
Kjo është diçka që mund të realizohet por do pak kohë. Kohë për të mbledhur e situr mesazhet, kohë për të shkruajtur mirë e drejt mesazhin tonë, kohë për ta firmosur...realisht, me postë, e jo me një pseudonim të vënë në fund të një faqeje interneti.
Nuk e di ç'mendoni ju.
Pres përgjigjet tuaja.
Deri atëherë, uroj që shpirti shqipëtar t'ju udhëheqë pandalim.
Përgjigju Duke Cituar
Krijoni Kontakt