Branko Crvenkovski - president i Maqedonisë

[StterollA]

Pas vdekjes aksidentale te presidentit te Republikes se Maqedonise Boris Trajkovski me 26 shkurt te ketij viti, kryetari i kuvendit maqedon Lupco Jordanovski me daten 8 te ketij muaji kumtoi se zgjedhjet presidenciale ne Maqedoni do te mbahen me 14 prill, 2004.

Kandidate te mundshem per president te ardhshem te Maqedonise jane:
Branko Crvenkovski, Tito Petkovski dhe Ilinka Mitreva nga partia LSDM ( Lidhja Socjaldmokrate e Maqedonise)
Saso Kedev nga VMRO-DPMNE
Gezim Ostreni nga partia BDI si kandidat i perbashket i dy partive BDI dhe PPD
Kandidati i PDSH-se, Arber Xhaferri, eshte refuzuar nga Komisjoni Shteteror i Zgjedhje me arsyetim se ky nuk ka qendruar 10 vjet panderprere ne Maqedoni. Kandidat i ardhem i PDSH-se eshte caktuar ish komandanti i UCK-se Zydi Xhelili.

[AsgjëSikurDielli]

Gara do jete shume interesante. Populli votoi LSDM-ne ne vend te VMRO-DPMNE, per shkak te inefektivitetit te Lubçe Georgievskit si Kryeminister, dhe qendrimit te tyre arrogant ndaj kerkesave te shqiptareve, dhe "tradhetise" qe i beri ai maqedonasve, duke nenshkruar marreveshjen kornize te Ohrit.

LSDM, erdh si nje force e re dhe e fresket ne pushtet, dhe deri tani, jane treguar te suksesshem. Situata eshte nen kontroll. Disa ligje liberalizuese (derivate te marreveshjes se Ohrit) jane miratuar, kryeministri po mban nje balance te mire edhe me shqiptaret edhe me maqedonet, dhe situata eshte stabile. Besoj se kandidati i tyre ka per te fituar.

Ne anen tjeter, besoj se shqiptaret duhet te formojne nje koalicion, dhe te mbeshtesin te gjitha partite dhe votuesit Një kandidat shqiptar, e jo dy apo tre. Refuzimi i kerkeses se Arben Xhaferrit, eshte pak kontraverz, ndoshta edhe i influencuar nga idete e tij per nje kantonizim te Maqedonise. Sidoqofte, Maqedonia po hyn ne nje ere te re te politikes, duke rreshqitur nga nje politike mafiozo-anarkiste e Georgievskit dhe "Luaneve" te tij, drejt nje Qeverie qe kryesohet nga nje lider pragmatik, me pjesemarrje te rendesishme te shqiptareve, qe mund te ndikojne te Kryeministri, te beje hapa qe do te synonin afrimin e gjithe shtetasve, duke e decentralizuar pushtetin edhe me tej.

[StterollA]

Maqedoni, nis fushata zgjedhore për president nga Ylber Lili


SHKUP – Partitë politike në Maqedoni kanë hapur fushatën për zgjedhjet presidenciale që do të zhvillohen më 14 prill. Dje e ka nisur fushatën partia shqiptare në pushtet BDI. Ndërkaq dhe partitë maqedonase tashmë janë përgatitur seriozisht për garën zgjedhore. LSDM do të promovojë kandidatin e kësaj partie për kryetar shteti, pikërisht kryeministrin Branko Cervenkovski. Promovimi do të bëhet në konventë zgjedhore, ku zyrtarisht do të fillojë fushata parazgjedhore e partisë më të madhe në pushtet. Zëdhënësja e shtabit zgjedhor të LSDM-së, Radmilla Shekerinska bëri të ditur se gara zgjedhore e LSDM-së do të fillojë në Shkup, e do të përfundojë me tubim në Shtip. Ndërkaq kandidati i VMRO-DPMNE-së, Sashko Kedev, të martën mbrëma mbajti tubimin e parë parazgjedhor në Ohër. Ai në fjalimin e tij kritikoi ashpër Cervenkovskin, kandidatin e LSDM-së, për kryetar shteti.
Xhelili e Ostreni- kandidatët shqiptarë
“Platformën e filluam me moton “Për shtigje të qarta”. Këtë e vendosëm sepse nuk jemi parti politike e cila të shpie në “qorrsokak”. Kështu deklaroi në fjalimin e djeshëm Arbër Xhaferi, kryetari i PDSH-së në hapjen e fushatës zgjedhore për zgjedhjet e parakohshme presidenciale në qytetin e Shkupit. Sipas Xhaferit, kandidati presidencial i LSDM-së Cervenkovski nuk ka dëshirë për bashkëjetesë, dëshira e tij e vetme është mashtrimi ndaj shqiptarëve. Xhaferi tha se në këto zgjedhje PDSH-ja del me zgjidhje të qarta. Ndërsa Zudi Xhelili, kandidat për president nga radhët e PDSH-së u shpreh: “Jam më i privilegjuari në PDSH që t’u kundërvihem atyre që sot luajnë me çështjen kombëtare. Shqiptarët nëpër histori edhe pse i kanë fituar luftërat, politikën e humbin në tavolinë”, -theksoi Xhelili. PDSH, siç theksoi ai, është e vetmja parti politike e cila mbron çështjen kombëtare dhe interesat e shqiptarëve në përgjithësi.
Ndërkohë kandidati tjetër shqiptar për president i partisë BDI, Gëzim Ostreni premton një angazhim total në zbatimin e Marrëveshjes së Ohrit dhe vënien në funksionim të shtetit ligjor. Fushata zgjedhore e BDI-së nisi dje në një tubim në sheshin e Tetovës. Gëzim Ostreni përkrahet edhe nga partia tjetër opozitare e PPD-së.
Ndërkohë kandidat i VMRO DPMNE është Sashko Kedev i cili në hapjen e fushatës së tij të martën në mbrëmje në Ohër theksoi: “Amerika është miku ynë dhe partneri ynë strategjik, ndërsa Evropa është shtëpia jonë, në të cilën duhet përfundimisht të integrohemi për të mirën e të gjithë qytetarëve të Maqedonisë”. Maqedonisë, tha Kedev, i duhet një fillim i ri, me njerëz të rinj për të ndërtuar një fytyrë të re, të cilët do të përmirësojnë jetesën, para së gjithash për veten dhe për afrimin me strukturat evropiane.



Shekulli

[StterollA]

CERVENKOVSKI I KERKON FALJE SHQIPTAREVE NE GOSTIVAR

Kandidati presidencial i LSDM-së Branko Cërvenkovski, iu kërkoi falje dje shqiptarëve të Maqedonisë për ngjarjet në Gostivar në vitin 1997. "Mua më vjen shumë keq për incidentet e ndodhura në Gostivar në vitin 1997. Haptas do të them se zotërinjëve Arbër Xhaferit dhe Menduh Thaçit atëherë u duhej një incident dhe incidenti ndodhi. Më vjen keq për atë që ndodhi në Gostivar, por megjithatë të mos harrojmë se në vitin 2001 pati edhe luftë në Republikën e Maqedonisë. Ashtu që, nëse duhet dikush të kërkojë sqarim për sjelljet për periudhën e kaluar, mendoj se ka shumë aktorë të tjerë në skenën politike që duhet të japin sqarime se pse shumë punë të mëdha ndodhën që të arrijmë deri aty që të komplotohet ndarja etnike dhe shpërngulja e popullatës", deklaroi Cërvenkovski. Në intervistën dhene per BBC, në seksionin shqip, Cërvenkovski i hodhi poshtë kritikat se deri më tani nuk i ka realizuar premtimet ekonomike.

Top Channel

[Llapi]

MAQEDONI, Raund i dytë për zgjehdjet presidenciale; Cërvenkovski kryeson
Lajmi i ores 8:20 AM


SHKUP (15 Prill) - Rezultatet e para jozyrtare nga zgjedhjet në Maqedoni tregojnë se do të duhet të zhvillohet një raund i dytë votimesh për të zgjedhur pasardhësin e Boris Trajkovskit, i cili vdiq në një aksident ajror në Bosnjë në shkurt. Rzultatet e vendosin në krye të garës kandidatin e Lidhjes Socialdemokrate Branko Cërvenkovski. Por ai nuk ka 50 përqindshin e nevojshëm të votave për të fituar që në raundin e parë dhe do të përballet me kandidatin, Sashko Kedev të partisë opozitare VMRO-DPMNE pas dy javësh. Branko Cërvenkovski ka fituar 42,89% përqind të votavë. I dyti renditet kandidati opozitar i VMRO-DPMNE, Sashko Kedev me 34 përqind, ndërsa kandidatët shqiptarë kanë fituar si më poshtë: Gëzim Ostreni 14,27% dhe Zudi Xhelili 8,31%. Rezultatet zyrtare pritet të dalin të enjten. Pjesëmarrja në votime duket se ka qenë e ulët. Shtabet zgjedhore të dy kandidatëve për president, Branko Cërvenkovski të Lidhjes Social Demokrate dhe Sashko Kedev të VMRO DPMNE-së në Shkup kanë zhvilluar tashmë disa konferenca për shtyp. Nga VMRO DPMNE, gjithashtu pranojnë se në epërsi është Branko Cërvenkovski, por ata thonë se dallimi mes dy kandidatëve është relativisht i vogël. VMRO DPMNE ndërkohë ka njoftuar për disa incidente dhe ka bërë thirje që KSHZ t'i shqyrtojë ato. Por pavarësisht nga kjo, konstatimi i përgjithshëm ishte se zgjedhjet u zhvilluan në një atmosferë të qetë dhe disa incidente të vogla. Në një vendvotim nuk u votua fare, kurse disa pengesa të tjera në disa vendvotime, siç thuhet, janë tejkaluar gjatë ditës së votimit. ro/ro (BalkanWeb)

[StterollA]

Branko Crvenkovski - president i Maqedonisë

Kryeministri aktual fitoi 62 përqind, ndërsa kandidati opozitar rreth 39 përqind të votave.

Kryetari i Komisionit shtetëror të zgjedhjeve, Stevo Pendarovski, ka shpallur sot herët rezultatet e zgjedhjeve presidenciale në Maqedoni. Në zgjedhje morën pjesë 53,39 përqind. Branko Crvenkovski ka fituar 548.583 (62.66 përqind) vota ndërsa Sashko Kedev 326.951 (37.31 përqind) të votave.
"Maqedonia tregoi se është shtet evropian, në zgjedhjet e qeta zgjodhi kryetarin e vet", deklaroi Crvenkovski i cili uroi kundërkandidatin e tij për rezultatet e tija. Ai tha se sot nuk ka humbur askush, përvec atyre që kanë bërë thirrje për bojkotimin e zgjedhjeve. Ndërsa Kedev tha se këto zgjedhje janë tregues i shkeljeve të rënda të parimeve demokratike. "Ky është një treg politik me votat e shqiptarëve, të cilët nuk deshën tia japin votën kandidatit socialdemkrat. Cmimin do ta paguajnë të gjithë qytetarët maqedonas", tha ai duke shtuar se VMRO - DPMNE kurrë nuk të njohë Crvenkovskin si president.
Kedev tha se për këto falsifikime janë njoftuar shumë faktorë ndërkombëtarë, ndërsa PDSH kumtoi se nëse funksionon shteti ligjor, atëherë këto zgjedhje duhet të prishen. Ndërkohë BDI i ka vlerësuar zgjedhjet si të suksesëshme.


Fatos Musliu - DW

[StterollA]

Branko Crvenkovski, 40 vjec, eshte nje ish inxhinier elektrik, i cili ka drejtuar Lidhjen social demokrate maqedonase, SDSM, qe prej vitit 1991, kur partia ka pranuar nje platforme social- demokrate dhe ka hedhur pertej te kaluaren e saj komuniste.

Kryeminister i vendit nga Shtatori 1992 deri ne zgjedhjet e kaluara parlamentare ne nentor 1998, kur VMRO-DPMNE mundi SDSM dhe krijoi nje qeveri, ai ka qene kryeministri me i ri ne Europe ne vitin 1992, ne moshen 29 vjecare.

Crvenkovski i perket atij brezi politikanesh te cilet kane ndihmuar ne krijimin e nje Maqedonie te pavarur dhe sovrane, duke shmangur gjakderdhjen e shkaktuar nga Sllobodan Milloshevici ne pjese te tjera te ish Jugosllavise.

Ata qe e njohin kryetarin e SDSM-se thone se ai eshte nje njeri shume inteligjent, i cili ka mesuar "sekretet" e politikes se larte nga kujdestari i tij, ish- presidenti dhe themeluesi i SDSM Kiro Gligorov. Ai konsiderohet si nje pragmatist dhe jo ideolog.

Pas nje atentati te deshtuar ndaj Gligorovit ne Tetor te vitit 1995, Crvenkovski filloi spastrimin e reformatoreve. Dhe gjate nje periudhe te shkurter kohore, pushteti i vertete u transferua nga ministrite e qeverise ne duart e zyrtareve te SDSM dhe partnereve te tyre ne koalicion (Partise per Prosperitet Demokratik te Shqiptareve te Maqedonise (PPD), te interesuar kryesisht per te pasuruar vetveten.

Te gjithe ata, te cilet kane kundershtuar kete proces, ose jane larguar, ose jane detyruar te japin doreheqjen.

Qeveria e Crvenkovskit eshte rrezuar ne vitin 1998, kryesisht sepse votuesit jane zhgenjyer nga dhimbjet e tranzicionit ekonomik dhe politik dhe sepse ata kane i konsideruar, gjithnje e me teper, autoritetet si te korruptuara dhe te lidhura me kriminelet. Te perballur me nje renie te ndjeshme te standarteve te jeteses, elektorati e denoi SDSM duke votuar per VMRO-DPMNE, deri ne ate kohe ne opozite.

Per ironi, Crvenkovski e ka konsideruar ceshtjen e krimit dhe korrupsionit ne qeverine e tanishme si temen kryesore te programit te tij elektoral.

"Kjo qeveri jo vetem qe nuk e lufton krimin, por e mbron ate", thoshte ai gjate fushates elektorale qe shkoi. "Maqedonia nuk mund te jete e lumtur nese 200 apo 300 vete pasurohen, ndersa 2,300,000 te tjere mbeten te varfer. Nje shtet i ndertuar mbi kete baze, nuk ka perspektive dhe te ardhme".

[StterollA]

PARVANOV URON CERVENKOVSKIN PER FITOREN

Presidenti i Bullgarise Georgi Përvanov uroi Branko Cërvenkovskin per fitoren ne zgjedhjet presidenciale te Maqedonise. Në një bisedë telefonike Cërvenkovski dhe Përvanov kanë shprehur besim se do të vazhdojnë përpjekjet e dy vendeve për përforcimin e bashkëpunimit dypalësh, ku me rëndësi të veçantë në këtë plan i kanë theksuar kontaktet e mira personale.





GJUKANOVIC URON CERVENKOVSKIN PER FITOREN NE ZGJEDHJET PRESIDENCIALE

"Jam i bindur se gjatë kohës së mandatit tuaj si president, bashkëpunimi ndërmjet Malit të Zi dhe Maqedonisë, do të vazhdojë dhe do të intensifikohet në interes të qytetarëve dhe ekonomisë sonë", theksohet në urimin e kryeministrit të Malit të Zi, Millo Gjukanoviç, dërguar Branko Cërvenkovskit. Gjukaniviç në telegram me rastin e zgjedhjes së Cërvenkovskit për president, thekson se edhe Maqedonisë i dëshiron sukses në rrugën drejt Evropës dhe se do të vazhdojë bashkëpunimi ndërmjet Maqedonisë dhe Malit të Zi.

TopChannel

[StterollA]

Të mërkurën inaugurohet presidenti maqedonas

Ndërkohë që është paralajmëruar se të mërkurën fituesi i zgjedhjeve presidenciale në Maqedoni, Branko Cërvenkovski, do të inaugurohet edhe zyrtarisht në këtë post, kryetari i Partisë Bashkimi Demokratik për Integrim, nga koalicioni qeverisës, Ali Ahmeti, i tha BBC-së se priten ndryshime në kabinetin qeveritar që sipas tij do të drejtohet nga Hari Kostov, ministër aktual i Punëve të Brendshme.

"Në takimin e zhvilluar me kryeministrin në dorëheqje dhe president i ardhshëm I Maqedonisë, Branko Cërvenkovski, ne si Bashkim Demokratik për Integrim, mbështetëm kandidaturën e zotit Hari Kostov që gtjatë periudhës së ardhshme të drejtojë kabinetin e ri qeveritar," tha zoti Ahmeti.

Ai gjithashtu la të kuptohet se do të ketë edhe një shtim të numrit të përfaqësuesve të BDI-së nëpër dikastere të ndryshme dhe gjithë kjo ka për të qenë në funksion të përfaqësimit të shqiptarëve dhe të realizimit të Marrëveshjes së Ohrit.


BBC

[AsgjëSikurDielli]

Sic po thuhet, BDI ka per ta marre Ministrine e Puneve te Brendshme, meqe, Kostov po e le ate post te zbrazet dhe po merr Kryeministrine. Nese jo Punet e Brendshme, kandidati i BDI ka per ta marre postin e Kryetarit te Kuvendit. Kjo eshte nje gje e mire, sepse i jep pak me shume fuqi edhe partive shqiptare qe doemos do te paraqesin edhe interesat shqiptare.

Maqedonia edhe pse ngadale dhe ndoshta pa deshire, po ecen drejt nje balancimi te fuqive mes maqedoneve dhe shqiptareve. Kjo do te coje padyshim tek perparimi edhe ekonomik i shtetit, si dhe social, se dy popujt shtet-formues kur nuk kane nevoje te mirren me patriotizem dhe gjera te nivelit te tille, do te mirren me prodhimtari dhe me ekonomi. Kjo do te kete efekt shume te madh edhe ne Kosove, ku prej tash po degjojme zera nga nivelet e larta shteterore te Maqedonise qe jo qe nuk kundershtojne pavaresine e Kosoves duke e permendur si faktor jo-stabiliteti, po po thone se pavaresia e Kosoves s'do te kete asnje ndikim negativ ne Maqedoni.

Kjo vie kryesisht si rezultat i bashkepunimit te mire te BDI me partnerin qeveritar LSDM (Lidhja Social-Demokrate), gje per te cilen, duhet te kene mirenjohje edhe politikanet po edhe institucionet e Kosoves (perfshire ketu edhe popullin e Kosoves).