Miss dhe Mister Shqipëria 2004

[dodoni]

Eshtë shpallur mbrëmë ‘Miss Mister Albania 2004’. Agnesa Vuthaj dhe Daniel Gashi janë mbretërit e bukurisë shqiptare mes 53 konkurentëve nga Shqipëria, Kosova, Maqedonia e diaspora

Kurora në Kosovë, skeptri në Durrës


Alma Mile

Agnesa Vuthaj dhe Daniel Gashi, janë shpallur ‘Miss dhe Mister Albania’, apo mbretëresha dhe mbreti i bukurisë shqiptare për vitin 2004. Pas Venera Mustafës, Vuthaj, është e dyta kosovare që fiton kurorën “Miss Albania”. Mbrëmë, në skenën e Pallatit të Kongreseve, është zhvilluar spektakli i madh i bukurisë, “Miss dhe Mister Albania”, një produksion i Vera Grabockës dhe Ardit Gjebresë, të cilët edhe këtë herë nuk ofruan vetëm konkurs, por edhe spektakël. Nën ritmet e një muzike të përzgjedhur me kujdes nga kompozitori Adrian Hila, koreografi të Albi Nakos dhe me veshje sensuale stiluar nga i riu Fatjon Peçi, në skenën e ‘Miss’it kanë konkuruar 35 vajza dhe 18 djem nga Shqipëria, Kosova, Maqedonia e diaspora. Ndonëse shumica prej tyre mbanin çmime e kurora të fituara në spektakle të ndryshme bukurie, sipas rregullave të lojës, dy do të ishin më të mirët. Zgjedhje kjo e cila është lënë në duart e një jurie, e cila këtë vit drejtohej prej artistes së njohur italiane, Alba Parieti, e cila mbërriti në dje mbasdite në aeroportin “Nënë Tereza”, për tu larguar sërish sot, përtej Adriatikut. Të tjerë anëtarë të jurisë kanë qenë fotografi i njohur Fadil Berisha, Blendi Fevziu, Pirro Çako, Alketa Veisiu, Vasil Camacka, Adi Hila, ‘Miss Universi’ nga Kanadaja, etj. Ndërkohë, ethet e konkurimit janë thyer prej elementëve të spektaklit, ku në shumë syresh, vetë djemtë dhe vajzat konkurues kanë qenë protagonistë, duke treguar në këtë mënyrë dhe aftësitë e tyre interpretative. Një numër i tillë, ishte kolazhi me këngë i Ardit Gjebresë, shkëputur nga albumi më i ri “Ja ku jam”, i cili ka shërbyer për të larguar emocionet e konkurentëve dhe për të krijuar një atmosferë festive në sallën e Kongreseve. I ftuari i veçantë i mbrëmjes ka qenë iluzionisti Giucas Casella, i cili i ka shtuar spektaklit pak frymë mistike, me numrat e tij magjik. Një tjetër surprizë e mbrëmjes ka qenë edhe kënga më e re e “Ëest Side Familly”, një krijim i Gjebresë, një kombinim i ritmeve folk me hip-hop, që ka treguar një tjetër fytyrë të djemve të këgës hit “Hou çike”. Një tjetër element interesant ka qenë koreografia e krijuar nga Albi Nako me elementë të danc teatrit dhe ngjyrat e Broduejit. Interesante dhe konforte, sa e thjeshtë aq edhe moderne ka qenë skenografia e krijuar nga Joni Kraja, e cila këtë herë dilte jashtë tradicionales dhe klasikes, yjeve, statujave… Skenografia ngjante me një tempull, ku himnizohej bukuria femërore. Gjithsesi, në qendër të vëmendjes kanë qenë konkurentët, prej të cilëve u shkëputën Agnesa Vuthaj dhe Daniel Gashi, duke çuar kështu kurorën e bukurisë në Kosovë dhe skeptrin në Durrës.

Çmimet
Miss Miqësia Eda Starova
Miss Eleganca Albiona Seitaj
Miss Buzëqeshja Suada Sherifi
Miss Inteligjenca Klara Bici
Miss Fotozhenia Elsa Prega
Shoqëruesja e dytë e Missit Lejla Shalsi
Shoqëruesja e parë e Missit Vilma Basha





10/05/2004

[dodoni]

Po më gëzon fakti që të dy janë nga krahina shqiptare e Kosovës, jo që jam lokalist sepse nuk jam fare por sepse kështu po bëhet riintegrimi mbarëshqiptar.

Riintegrimi në art e kulturë do të sjell domosdoshmërisht shumë më shpejt edhe riintegrimin politik të Kosovës me Shqipërinë.

[Raku]

Dodoni

Daniel Gashi eshte durrsak e jo nga Kosova.
Agnesa eshte vajze shume yll, me pelqeu zgjedhja e jurise.
Vjet nuk me pelqeu aq shume missi por ket vit eshte yll shume.
Shpresojme ne nje paraqitje me dinjitoze ne Miss Universe.

[ChuChu]

Shume dobët.

Ka ndonje link ku mund t'i shikojme gjithe pjesemarresit?

[dodoni]

Rakku, Gashi është një fis shumë i vjetër i viseve më veriore shqiptare, kështu që ai është me origjinë nga atje. Gashi ka në Kosovë me shumicë, të krishterë e musliman e poashtu edhe në veri pak që janë të ardhur nga Kosova poashtu, në Maqedoni janë të sllavizuar në Gashevski e kështu. Por Gashët që jetojnë në Shqipëri janë të ardhur nga viset më veriore dhe shumica e tyre gjatë këtij qindvjeçari të fundit, ikur nga problemet shqiptaro-serbe.

Megjithëse, kjo nuk ka rëndësi fare. Si të jenë nga Prishtina, Peja, Shkodra, Tirana, Ulqini, Tetova, Shkupi, Struga, Janina, Gjirokastra, Vlora njëlloj është.
Por unë e theksova këtë vetëm për riintegrimin mbarëshqiptar e jo për tjetërgjë.

[Dita]

Per Agnesen google nxorri disa rezultate, nder te cilet me interesanti ishte ai ne faqen istogu.com. Ne te gjendeshin dy fotografi te Miss-it te ri te Shqiperise, qe njekohesisht eshte dhe Miss Kosova 2003.

KLIKONI KETU PER ARTIKULLIN DHE DY FOTO

[manoklla]

Jo per ofenduar kete Agnesin, por me duket se miss albania eshte kthyer ne nje lloj Affirmative Action te llojit shqiptar. Po nuk pati nje fitues nga Kosova pervit nuk quhet. Me kujtohet kur fitoji ajo Venera para 5 vitesh. Ishte konflikti ne Kosove dhe me pamjet e refugjateve kosovare te fresketa ne kujtese fituesin e zgjodhen prej Kosove. Nderkohe qe Venera nuk mund te ishte dot as miss pallati e jo me miss albania. Agnesi edhe mund ta kete merituar kuroren por bej pyetjen se kur do heqim dore ne nga zgjedhjet sentimentale fshatareske ne favor te zgjedhjeve reale te merituara?

[Dita]

nga manoklla

Po nuk pati nje fitues nga Kosova pervit nuk quhet.

Sa fitues paska pasur nga Kosova keshtu manoklla ne te gjithe vitet pas-komuniste qe po zhvillohet miss-i, qe mberrin tek ky pohim?

Interesant cfare shkruan ne vazhdim. Agnesa mundet edhe ta kete fituar me merite kuroren e miss-it, por meqe ajo vjen nga Kosova te duket e pershtatshme t'i shtosh postimit dhe bishtin mbi sentimentalizmin fshataresk. Po sikur kjo vajza te ish lindur ne Shqiperi, a thua do te ishe harxhuar per te shkruar si me lart?

[FierAkja143]

cool..shume e mire kjo vajza...sa per ate 'mashkullin'..hmmm imagjinoj si do ken qene te tjeret qe fitovi ky!

[Vala_79]

cool..shume e mire kjo vajza...sa per ate 'mashkullin'..hmmm imagjinoj si do ken qene te tjeret qe fitovi ky!

FierAlda mos gjyko pa pare te gjithe spektaklin edhe pjesemarresit.Me vjen vertet keq qe spo gjej foto edhe te meshkujve te tjere ketu, qe mund te jene bere gjate spektaklit edhe do shikoje si duhet.Djaloshi qe ishte nga Maqedonia ka qene shume shume me i mire... po ama skishte si te jipeshin me shume kurora per gjitha viset qe kishin perfaqesues te tyrin aty, edhe sma merr mendja qe Shqiperia do lejonte ti iknin 2 titujt ajo e Miss-it dhe e Mister-it jashte Shqiperise .