Kështu foli Tahir Zemaj

[MemphiS_]

ore trima une kam tregue ne nji postim ketu ne keto pyetje provokative por ma zhduken se dikujt si konvenon e verteta por ju trimushat e baces ju ku ket dhe qfar bat per lirin e kosoves ju tregomni e mos bani pyetje ka dhjet her po se pari per veten e juaj tregoni e te shofim a keni fytyr te beni pyetje per te tjeret

Nuk e paskom vrejt ate shkrim o Llap,qe shkruan ti per ndonje betej te Padronit tënd.
Edhe nese ta kan fshij ate postim,a nuk je ne gjendje qe te shkruash prap per ato beteja.
Provo edhe nje her,vec ruju e mos po e perdor te njejten genjeshter dy her :P

[ARIANI_TB]

Tahir Zemaj ka qene dezertor i luftes ska aty aspak dyshim, kete e dij sepse kame ca shoke qe vete ishin ne ate kur Tahir Zemaj i mashtroi ata dhe i la ne udhekruq apo batlte(lloq), ia muar te gjithe armatimin ushtareve dhe ia mbathi te shkiet.

[Nice_Boy]

Tahir Zemaj ka qene dezertor i luftes ska aty aspak dyshim, kete e dij sepse kame ca shoke qe vete ishin ne ate kur Tahir Zemaj i mashtroi ata dhe i la ne udhekruq apo batlte(lloq), ia muar te gjithe armatimin ushtareve dhe ia mbathi te shkiet.

Vertet po keto lajme n'cilen zyre t'beogradit i more?

E te pakten mos u ul posht ata shoket e tu sepse keto fjal qe ti i thua jan GENJESHTRJAAAAAAAAAAAAAAAAAAA DHE TE MDHAJA.. se as ke se ka lan ne llog po ti je Shqiptar ski faj Se na prej 1 seni i bojmi 10..

[Llapi]

Viktima e dyfishtë, Tahir Zema

Shkruan: Shqiptar Oseku

Thonë se për të ndjerin duhet folur vetëm mirë. Në rastin e Tahir Zemës, kjo është një detyrë bukur e zorshme. Pas vrasjes së tij pasoi një ritual i neveritshëm, me të cilin s'kam arritur të mësohem ende, përkundër të gjitha evenimenteve të numërta prej luftës e këtej. Gjysmë të vërtetat u gërshetuan me rrena, për ta krijuar (edhe) një idhull të ri në mendjet e shqiptarëve.

Në këtë situatë, interesi i publikut kërkon më shumë të thuhet e vërteta, se sa të folet mirë për të ndjerin me çdo kusht. Kurse e vërteta, cilado që të jetë ajo, doemos që do të jetë e hidhur. Kjo pasi jeta dhe vdekja e Tahir Zemës ngërthejnë shumëçka që ne deri sot kemi refuzuar me ngulm t'i shohim, t'i dëgjojmë, e t'i folim.

Për ta inventuar listën e të dyshimtëve me motiv e mundësi, mjafton ta shohim një çikë jetëshkrimin e të ndjerit. Një jetëshkrim ky që s'ishte aspak monoton, e që ofron një bollëk të të dyshimtëve të mundshëm.

Tahir Zema u shkollua në akademinë ushtarake jugosllave, ku unë për ndonjë arsye s'do të kisha patur gjasa ta fus as këmbën, e shërbeu me vite si epror karriere në ushtrinë jugosllave. U dënua nga gjyqi ushtarak jugosllav për afera droge në ushtri por u lirua pas krejt pak kohe, për arsye që s'dihen. U martua dy herë me serbe. U transferua në Kosovë bashkë me familjen në një kohë kur ushtarakët tjerë shqiptarë transferoheshin jashtë prej Kosovës.

Këto të gjitha do t'i faleshin, ashtu siç i janë falur shumëkujt tjetër, po ta kishte treguar veten në luftë. Mirëpo ai zgjodhi jo të futet në shërbim të UÇK-së, po t'i prijë një fraksioni të krijuar prej Bujar Bukoshit në ekzil, gjë që de facto e përçante rezistencën. Dhe Tahir Zema priu fort mirë, deri në ditën e zorit. Asaj dite, për dallim prej tjerëve, ai vendos ta braktis fushën e nderit e te arratiset matanë kufirit, një turp ky madhor për këdo ushtarak karriere që ka dy gisht fytyrë.

Jo që kjo e pengoi të kthehet në Kosovë, përkundrazi. Pas luftës, Zema u brohorit si hero nga LDK-ja, e cila vuante e vazhdon të vuajë nga një mungesë kronike e epoletave luftarake në radhët e veta. Të shkuara të harruara ishin grindjet e Bukoshit me Rugovën, i shkuar i harruar dezertimi. Tahir Zema u ripagëzua brenda natës nga LDK-ja si Heroi Institucionalist, që e nisi (!) luftën në kalë të bardhë, po që u pre në shpinë nga "katundarët e Drenicës". Episodi i mbramë i tij para se të vritej ishte t'i del dëshmitar "katundarëve" që e nisën luftën, e që nga ndërkombëtarët u dënuan me dekada burg për "krime kundër shqiptarëve".

Tri motive të mundshme

Nëse e eliminojmë edhe në teori mundësinë që Tahir Zema të jetë vrarë me pahir, atëherë ekzistojnë vetëm tri motive tjera. E para, ai mund të jetë vrarë për motive politike. Në atë rast, është afër menç që dikujt mund t'i ketë plasur kur Tahir Zema u doli dëshmitar në gjyq ish krerëve të UÇK-së. Në këtë verzion, atentati kundër tij ngërthen, pra, në vetvete një deklaratë politike: "Deri këtu shkojnë gurët e megjës, asnjë hap matanë! Ata që u dalin në gjyq luftëtarëve tani e tutje, le ta masin ****ën."

Nëse është ashtu, del se atentatorëve u është mbushur mendja se janë trashëgimtarë të UÇK-së. Ata besojnë fuqishëm se lufta e UÇK-së ka qenë luftë e shenjtë çlirimtare, e se asnjeri - e aq më pak një Tahir Zemë - s'ka të drejtë morale t'i del dëshmitar luftëtarëve. Për ta, lufta s'ka marrur fund ende. Ata besojnë, sigurisht, se janë duke e mbrojtur nderin e UÇK-së dhe të kombit shqiptar nga njollosjet që ia bëjnë të huajt e "kolaboratorët" vendas, pa u kujtuar se mos po i bëjnë shërbim të keq mu idealeve të veta.

Por motivi mundet që është edhe krejt tjetër. Imazhi post mortem që po krijohet për të ndjerin lë mënjanë që ai kishte një shoqëri të nduarduart e me interese të ndryshme. Për shembull, është sekret publik se ai kishte shoqëri të vjetër edhe me disa nga narkotrafikantët më në zë shqiptarë.

Narkotrafiku si motiv s'para u pëlqen ta kujtojnë apologjetëve të Zemës, meqë ata ngulmojnë ta imagjinojnë të ndjerin në format të Skënderbeut. E as i pëlqen tamam revolucionarëve fanatikë, meqë edhe ata duan doemos t'i japin atentatit një karakter politik, në këtë rast karakter të protestit anti-LDK. Por e vërteta shpesh herë është politikisht jokorrekte deri në skaj. Trafiqet e paligjshme janë sot industria e vetme efikase në Kosovë, kurse për një kriminel ordiner s'ka më mirë se sa kur faji për krimin lypet tjetërku.

Motivi i tretë mund të jetë ai që si duket e kanë harruar të gjithë. Vrasja e Tahir Zemës mund të jetë kryer prej agjentëve serbë. Për këtë s'kam asnjë fakt, pos asaj se unë do ta kisha vrarë dora vet Tahir Zemën po të kisha qenë agjent serb. Merreni me mend ju lutem, se ç'rast i rrallë për t'i vrarë tri-katër miza me një të rënë: ta nxjerrësh inkompetent UNMIK-un menjëherë pas një gjykimi senzacional, t'i armiqësosh blloqet politike në Kosovë, t'i shfaqësh veteranët si shtresë kriminele e shoqërisë, e mundësisht edhe të parandalosh me kohë zbulime të ndjeshme.

Këso idiotësira ndodhin kur prioritetet e ligjit t'i pren i huaji. Nga 11 344 të vrarë e të zhdukur gjatë luftës, e 1.075 që mungojnë ende, UNMIK-u zgjedh apostafat ta hetojë rastin e katër (4) personave te vrarë prej ish UÇK-së. Ndërsa asnjë serbi të vetëm për be s'i është rrumbullakësuar ende procesi për njato 11 344 viktima që s'hanë më bukë ndër ne, UNMIK-u prioriton që për këta katër (4) vetë ta hedh një bombë në çatinë e Kosovës, duke e çuar vendin buzë luftës civile.

Se kush e pse e vrau Tahir Zemën, unë për vete s'kam shpresë ta mësoj së shpejti, e ndoshta s'do ta marr vesh kurrë. Por e di që për ta çuar të ndjerin në rendez-vous me vdekjen konspiroi bashkë me atentatorët edhe natyra e tij. E se ai gjer në vdekje mbeti viktimë e dyfishtë, shënjestër e preferuar e armiqve të tij personalë dhe therror i preferuar i njerëzve që i konsideronte miq.

Unë për vete shpresoj forcërisht që Tahir Zema s'do të bëhet sërish viktimë e dyfishtë edhe pas vdekjes. E, para së gjithash, shpresoj se vdekja e tij s'do të krijojë viktima të reja.

[Llapi]

Thuhet "FJALA E LIRË", Jo "FJALA E SJELLSHME"

Shkruan: Shqiptar Oseku

Ky numër i revistës PASQYRA i kushtohet gati kryekëput temës së korrupcionit. Jo rastësisht, meqë ky fenomen çmohet prej të huajve si pengesa nr 1 e zhvillimit të shqiptarëve si komb.

Shumëçka është shkruajtur, e shumëçka do të mbetet pa thënë rreth kësaj teme. Te PASQYRA do t'i gjeni disa analiza të mprehta, dhe besoj e shpresoj bukur të pasjellshme, ndaj plot institucioneve e miteve në kokën tonë. Sepse detyra e analistit është të analizojë, jo të bëhet çun a gocë e sjellshme para pushtetmbajtësve.

Kur mbytet anija, përgjegjësia kërkohet së pari te kapiteni, e pastaj te oficeri i parë, te oficeri i dytë, e kështu me radhë deri te kuzhinieri e te detari i thjeshtë. Jam thellësisht i bindur që shqiptarët duhet ta mishërojnë këtë varg komande edhe në politikë. Kur shoqëria vlon prej korrupcionit, aq sa zyrtarisht quhet "më e korruptuara në kontinentin e Evropës", atëhere është koha të rrokullisen kokat. Jo të doganierit të thjesht, ndonëse edhe ai bën mirë të qërohet nga posti: po të presidentit, të kryeministrit, e të ministrit. Për sa kohë që shoqëria shqiptare hedh gur e dru mbi peshkun e vogël, kurse e lë t'i ikë peshkaqeni, atje bukë s'do të ketë.

Meqë ra fjala te çunat e gocat e sjellshme, shumë prej tyre ishin shashtisur pas numrit të kaluar të revistës PASQYRA. Absolutisht jo rreth analizave të holla në një varg temash, a jo: kjo s'është në natyrën e tyre. Po prej një artikulli të thjeshtë prej meje, që qe menduar të jetë më tepër si nekrolog (tekst në rrasën e varrit, porse në verzionin gazetaresk) ndaj viktimës së dyfishtë Tahir Zema.

Një pjesë e çunave e gocave të sjellshme që më kanë shkruar e kishin graduar veten në Musketarë të Presidentit. Ata më kritikuan pse kisha shkruar aq pasjellshëm (po, po, lexuat drejt: bash "pasjellshëm") ndaj të ndjerit Tahir Zema, i cili, si ma përkujtuan ata sjellshëm, paska qenë aq i madh sa është pikëpyetje a do të kish arritur t'ia xiglojë vegët edhe i madhi Skënderbe maje kali, po të ngrehej maje gishtash e t'i shtrinte duart drejt qiellit. Ata më informuan katërçipërisht se si Tahir Zema me kallash në dorë i paskësh ndjekur serbet hap pas hapi deri në Beograd, duke e lënë pa mend Naton; se ai i paskësh "koritur shkiet" edhe në zemër të Serbisë, duke u marrur femrat për gra; e se si në pauza të këtyre lufrave ai paskësh arritur t'u thejë dhëmbet, duart, këmbët e pjesët tjera vitale të trupit edhe rusëve, francezëve, grekëve e armiqve tjerë të popullit shqiptar. E se ai, fundi i fundit, paska qenë edhe shok i Ibrahim Rugovës (ky argument vinte gjithnjë i mbrami, si për t'i vënë pikë të gjitha paqartësive).

Taborri tjetër i çunave e gocave të sjellshme, për dallim prej atij më lart, më kritikuan pse kisha shkruar pasjellshëm - për atentatorët. Ata e dinin qindpërqind se Tahir Zema paskësh bashkëpunuar me serbët, rusët, francezët, grekët e armiqtë tjerë të popullit shqiptar, e se qenkesh martuar me serbe enkas për ta kurorëzuar veprimtarinë e vet tradhëtare, për inat të UÇK-së e të Hashim Thaçit. Ky taborr e dinte qindpërqind se vrasësit e Zemës nuk ishin narkotrafikantë, meqë një tradhëtar aq i madh s'bën të vritet nga një narkotrafikant, kjo s'ka hije: korrektesa e kërkon që ai të vritet nga një trim drangua atdhetar, që e shpreh dashurinë ndaj atdheut me patllake në dorë.

Incidentalisht, asnjeri nuk më kritikoi për të vetmin lëshim në atë nekrolog. Që aty nuk përmendet fare se bashkë me Zemën shkuan, pa bërë asnjë pikë faji, edhe çuni i tij e një kushuri.

Pas botimit të artikullit, jam menduar e munduar gjatë rreth asaj se si u bë që unë, ndonëse konsideroj se kam një standard timin etik e moral, megjithatë kisha harruar (!) ta përmend edhe vrasjen e dy të pafajshmive. E di p.sh. që ai detaj ishte i pari që e zura n'gojë kur dëgjova për atentatin, e di se shumë netëve pa gjumë kam menduar me dhembje për fatin e keq të çunit të Zemës. Kam fëmijë edhe vet, andaj mund ta ndaj dhembjen me familjarët e tij: nëse ndonjë patriot me bateri do ta ngacmonte bijën time nesër-pasnesër, për shkak se më urren mua për këto që po i shkruaj sot, atëhere do ta çoja në ps atë bashkë me të gjitha idealet e tij: sikur të ngadhnjejnë aso "patriotësh", gjysma e shqiptarëve të Kosovës do të detyroheshin të kërkoj azil në Çaçak.

Kam menduar gjatë, pra, si më humbën nga harta mendore dy të vrarë të pafajshëm, e spjegim tjetër s'kam pos asaj se më ka infektuar zjarmia kosovare, përmes gazetave, radios, televizionit. Për këtë - po vetëm për këtë! - duhet të kërkoj ndjesë publikisht. Fjala e lirë duhet të jetë edhe fjalë e ndërgjegjshme.

Shpresoj se bashkë me mua ndjesë do të kërkojnë, jo para meje po në veten e tyre, edhe shumë prej atyre që më kanë shkruar rreth atij nekrologu. (Sa për informacion, as musketarët e vetshpallur të Ibrahim Rugovës, e as Che Guevarët a-la Muçibaba, s'i përmendin fare në mejlat e vet dy viktimat e pafajshme!)

Përndryshe, për sa i përket vet Tahir Zemës, s'kam se ç'të shtoj - të paktën s'kam gjëra pozitive. Thuhet "fjala e lirë", e jo "fjala e sjellshme": detyra ime si publicist s'është të flas sjellshëm për të ndjerin, por ta them të vërtetën për lexuesin. S'është punë e gazetarit të merret me ngushëllime. Një ndër leksionet e para të gazetarisë profesionale është neutraliteti para konsekuencave. Mua s'më intereson, e as që guxon të më interesojë, se çfarë konsekuenca do të ketë fjala ime - përderisa është e vërtetë. Ai/ajo që s'do ta kuptojë këtë parim bazë të gazetarisë moderne, tani e tutje as mos të lodhet më të më shkruajë, as lavdata e as kritika.

[besarti]

Ketu ka shum pikepyetje ????????

[ARIANI_TB]

Vertet po keto lajme n'cilen zyre t'beogradit i more?

E te pakten mos u ul posht ata shoket e tu sepse keto fjal qe ti i thua jan GENJESHTRJAAAAAAAAAAAAAAAAAAA DHE TE MDHAJA.. se as ke se ka lan ne llog po ti je Shqiptar ski faj Se na prej 1 seni i bojmi 10..

Gjilanasi une per veten time per kete pune sdi, mirepo kame shoke te cilet ishin ushtare te Tahir Zemajt dhe vete ata tregoje se Zamaj i mashtroi e i la ne balte.

Nese mendon se jane genjeshtra atehere une po genjeje me genjeshtrat e ushtareve te Tahir Zemajt.

[toni77_toni]

Kështu foli Tahir Zemaj!

looooooooool:

A BURRI QE PASKA PAS FOLË!!!!!!!!!!


toni77

[Nice_Boy]

Kështu foli Tahir Zemaj!

looooooooool:

A BURRI QE PASKA PAS FOLË!!!!!!!!!!


toni77

Normale se juve me shum ju intereson kur te fole Gjinigjiqi se sa nje Shqiptar..

Ju jeni njerz te poshter qe flisni per nje njeri qe vdiq per ty e per mu e per gjith kosoven , enveristat e poshter qe dini vetem urrejtje..

ARTANI, Eh po ata spaskan qen ushtar te tij pra nqs kan thene fjal te tilla ose jan persona qe paguhen nga Partia Enveriste e Kosoves ( PDK )

Tung.

[toni77_toni]

Normale se juve me shum ju intereson kur te fole Gjinigjiqi se sa nje Shqiptar..

Ju jeni njerz te poshter qe flisni per nje njeri qe vdiq per ty e per mu e per gjith kosoven , enveristat e poshter qe dini vetem urrejtje..

ARTANI, Eh po ata spaskan qen ushtar te tij pra nqs kan thene fjal te tilla ose jan persona qe paguhen nga Partia Enveriste e Kosoves ( PDK )

Tung.

Në cilen botë po jeton ti?

Si po duket ti qenke duke jetuar në boten e prrallave.!! A e din se ku ka vdekur Tahir Zemaj? Per kë vdiq Tahir Zemaj more? Je normal ti?

Me njerez sikur ty un nuk bisedoj por per hir te informimit te drejt reagova.

Tahir Zemaj, nese nuk e kie ditur deri sot, duhet tani të njoftohesh se ka vdekur te hekurudha ne Pejë dhe jo per mua as per ty!! Kjo ka ndodhur disa vite pas lufte. Jo more njeri, ai nuk vdiq per Shqiptari.

A BURRI SE ASHT KANË!! O PER ZOTEN MA MIRË SE NUK E NIHNI SE....