Shpirtrat tanë

[Elna Durrësi]

Shpirtrat tanë.

Elizë thuamë, vërtet vallë
Vërtet më deshe me aq zjarr mua
Vërtet çdo fjalë të ndolli mall
Apo jam unë, që jam gabuar

Hej, Brari, Brari , Brari ti
E di sa herë për ty jam drithëruar
Por jeta s’pyet për ndjenjat tona
Atë që ndiejmë s’kemi për ta shijuar

Elizë, Elizë, po unë të dua
Në zemrën time ke lënë gjurmë
Mos mi mbyll të gjitha portat
Shuamë etjen , etjen e pafund.

Hej Brari , Brari , Brari ti
Burim i shpirtit tim është shterur
Mendova se ti do i jepje jetë
Po ti për vete je i etur.

Nga Elna Durresi

[Brari]

Elna!

Poezia juaj eshte shume e bukur.

Natyrisht ke menduar Brarin personazh aty dhe une nuk e di kush eshte Eliza.
Po ska problem.
Poezia eshte krijim dhe eshte e drejt e autorit te veje emrat vete.

Pergezime per poezine.


Besoj te mos e keq kuptojne lexuesit kte poezi.

[Elna Durrësi]

Përshëndetje Brari

Kjo poezi është e shkëputur nga dorëshkrimi im te cilin thuajse e kam gati për botim dhe Eliza e Brari janë dy personazhet kryesorë. Në fillim kur e postova poezinë , në fakt mendova një herë të ndryshoja emrin duke ndërruar personazhin nga Brari në një emër tjetër duke ditur që ka një anëtar në forum me këtë nick edhe pse personalisht nuk njihemi. Pasi u mendova pakëz vendosa ta lija siç ishte emri i personazhit, sepse në dorëshkrimin tim i cili ka filluar të shkruhet para se unë të di që ekziston forumi apo dhe një anëtar i tij me këtë nick personazhi është quajtur dhe vazhdon të quhet Brari. Atëherë pse duhej ta ndryshoja?? Mbase do kishte qenë më mirë të kisha vënë një sqarim menjëhere pas postimit që nuk ka asnjë lidhje me Brarin e Forumit Shqiptar.
Kërkoj faljet e mia për mossqrimin në kohë të këtij detaji të vogël dhe shpresoj të mos ndikojë si diçka negative tek ti apo në jetën tënde.

Me respekt Elna Durrësi.

[Brari]

Elna !

Kur e lexova kisha pak habi ne fillim por me pelqeu si poezi.
No pr. .. Elna rri e qete.

Urime per poezite dhe shkrimet interesante.

Me mirkuptim kalon cdo gje.

[flerfler]

hihihihihihihi

"Me mbyten grate..."

[Elna Durrësi]

flerfler

Më falni po më duket se keni ngatërruar rubrikë. Këtu nuk gjendeni tek rubrika FJALË PA DOGANË , por tek rubrika LETERSIA SHQIPTARE, ku gjithkush mund të dërgojë shkrime të tija të mira apo jo, prandaj nëse keni ndonjë komentim mbi vargjet urdhëroni bujrëm , ndryshe kaloni nga rubrika FJALE PA DOGANE.

Me respekt edhe pse nuk ju njoh Elna Durrësi.

[Elna Durrësi]

Ti ..........

Zhurmshën vjen në mes të natës
Zhurmshëm makinën parkon
Zhurmshëm hap derën e hyrjes
Zhurmshëm çelesin rrotullon.

Zhurmshëm sillesh nëpër shtëpi
Tavolina , raftet, gjithçka kërcasin
Ajo ngrihet nga shtrati trembshëm
Sytë e trishtë , shumë i flasin.

Fillon i flet me zë të lartë
Vështirë ç’thua për të kuptuar
Në gjuhën e trashur nga alkoli
Fjalët dalin ngatërruar

Ajo hesht ndërkohë ti flet
Me ato fjalë të pakuptuara
Heshtje e saj thellë të vret
Ke shkelur fjalët e premtuara

Ti flet , ti flet dhe ajo hesht
Në sy i shihet fundi i durimit
Ti komenton pijet e mbrëmjes
Ajo mendon rrugën e kthimit

Ti flet , ti flet , ti dërdëllit
Ajo hesht , hesht dhe vetëm hesht
Në sy një pike lot i ngrin
Ndërsa ti ngre dorë si në net

Ti gjuan , gjuan , gjuan sa mundesh
Ajo hesht, hesht dhe vetëm hesht
Derisa gjaktë ti rrjedhë hundësh
Atëherë ti ndalesh dhe e sheh

Ajo ngre sytë e pikëlluar
Pikëllim i saj flet, shumë flet
Ti ndien se ke sharruar
Ajo bën gati valixhen e vet

Ti e kupton se e ke tepruar
Lutesh , lutesh përsëri të të falë
Pija bref të ka kaluar
Ajo hap derën që të dalë.

Ti kokën zë midis duarve
Ajo rëndon , rëndon, rëndon
Më shumë se alkool i pijeve
Dhimbje e ndarjes te pushton.

Ngrihesh vrullshëm i dërrmuar
Shishet përplas duke i boshatisur
S’do pije më, kishe premtuar?
E kotë…, ajo tashmë ka ikur.

Elna Durrësi.

[Zana Vizitorit]

Sikur ti qe perkthen fjalet e Brarit(Brarit te forumit),apo jo?

[Brari]

Elna, shume e bukur kjo poezi ..


Ata..

Zhurmshën kane ardhur gjithmone në mes të natës
Zhurmshëm gomeret, bicikletat, zisat e zukat kane parkuar..
Zhurmshëm kane shkelmuar dyert e shpellave, kasolleve, kullave e hyrjeve..
Zhurmshëm pa celes fare..kane hyre..

Zhurmshëm jane sjelle neper nëpër shtëpi..
Tavolina , raftet, gjithçka i kane perplasur..
Ato jane ngritur nga rrogozi, minderi e shtrati trembshëm
Sytë e trishtë , shumë i flasnin...po kush pyeste se...

Me grushta kane folur...e uleritur me ze të lartë..
Në gjuhën e trashur nga alkoli
Fjalët u kane dale si gure e thika me kundermim qepesh te qelbura klubesh e mejhanesh.. ngatërruar..


Prandaj jemi popull barbar..me gra te lemerisura e rini te shkalluar..e femij te tromaksur qe ne bark te mamave..



Elna..ta modifikova pak une..sepse Poezia juaj eshte universale per Shqiptaret ne kohe e hapsire..

urime!!



oj ti zan e vizitorit..
a nuk din ti autorit..
dy tri fjal ti me i thane
si urim ti me i lane..?

ehh moj zan e vizitorit..
mos harro rreglla t'malcorit..

e tash un du me t'pvete
ti ket nick ku e ke gjete?
a nga Fishta e ke marre??
bujrum thuj oj zan dy fjale..

[Elna Durrësi]

Flm për modifikimet , ishin pjesëe realitetit shqiptar. Unë do doja të thoja se jo vetëm tek shqiptarët qendron dhuna. Edhe në perëndim ka njerëz që janë të dobët psikologjisht dhe që në vënd të fjalës e diskutimit përdorin dhunën. Kanë fatin e mirë s eka shumë organizime ndihmëse për të dalë nga dobësi të tilla, tek ne jo.

Shkak për këto vargje janë bërë dy komshinj të mï të cilët nuk janë shqiptar dhe se midis tyre kishte ndjenjë dhe jo përfitim , por ja që alkooli ishte më i fortë se ndjenja dhe shkatërronte gjithçka. E vetmja diferencë është se këtu dikush lufton me këto fenomene për të mbajtur gjallë dashurinë , ndërsa tek ne më të shumtëne rasteve femra duron për ekzistencë gjëra të tilla.

Me respekt Elna