Pak fjale mbi Topmodelen Waris Dirie

[Eni]

Nje shkrim i shkurter mbi jeten e nje prej fotomodeleve me te sukseshme kohet e fundit, ne te cilin keni mundesi te njiheni dhe me nje nga plaget me te tmerrshme per grate e vendeve afrikane, ate te prerjes (cungimit) te organeve gjenitale te gruas qe ne moshe te re, nje ritual mizor e teper poshterues per nje femer qe ka si synim kthimin e nje vashe ne grua.
Keshtu do te njiheni dhe se cfare mendon fotomodelja mbi kete ritual dhe pasojat qe ai le ne jeten e nje femre.



Rikthimi i lules së shkretëtirës

Waris Dirie

E bukur dhe e brishte, të tërheq vëmendjen me të ecurën e saj të një gazele, e shkathët dhe këmbëlehtë. Por suksesi në botën e modës nuk ishte i mjaftueshëm për Waris Dirie. Tashmë Top - modelja përflitet dhe si një shkrimtare. Në librin e saj të parë “Lulja e shkretëtirave” ajo i zbuloi botës perëndimore mbi gjymtimin gjenital të femrave, në atdheun e saj, Somalia. Kurse me veprën e re të saj, “Bija e nomadëve” Dirie, qëndron prej muajsh në majë të bestseller-ve.

Nomadja. Është historia prekëse e rikthimit të saj në atdheun e vjetër Somalia. Qysh katër vjeçe, Dirie së bashku më familjen e saj, ka lëvizur nëpër burime të ndryshme uji. Pesë vjeç, është dëshmitare e prerjes gjenitale të së motrës, bërë me nje brisk të ndryshkur dhe që i shkakton gjakrrjedhje të mëdha. Dhe vetë ajo nuk i shpëton dot, makthit të cungimit. Qëndron vetëm dy javë në një vend të egër derisa plaga i shërohet.
“Nuk mund të imagjinohet se çfarë ngjet atje” , shprehet modelja për revistën WOMAN. Kur flet mbi ritualin e cungimit, sytë e saj digjen si qymyr: “Gratë në Somali, akoma ankohen mbi këtë proçedurë mizore, përçmuese ndaj grave. Askush nuk hedh sytë mbi të. Askush nuk e kupton këtë traumë jetësore. Muskujt brutalisht ndahen, vagina qepet ngushtë. Është një torturë që të fiksohet për tërë jetën.”
Kjo do të thotë se: është e vlefshme për gratë që i mbijetojnë këtij sulmi brutal – një në katër gra vdes. Në vendet afrikane nga ky krim janë të prekura rreth 130 milion gra. Mbarë botës çdo ditë cungohen në gjenitale, 6000 vajza, prej moshës 6 – 14 vjeç.
Dirie thekson gjithnjë se mbi prerjen e gjenitaleve nuk ekziston ndonjë fjale në Kuran. Kjo i shërben vetëm për të treguar se, “”burrat kanë pushtetin mbi grate e pafuqishme”
13 vjeç Dirie-s i kanoset një tjëtër fat tipik për gratë afrikane: I ati dëshiron ta martojë atë më një plak, në këmbim të 5 gameleve. Por Waris me ndihmën e nënës, merr arratinë për tek të afërmit e saj në kryeqytetin Mogadish. I ungji me t’u bërë ambasador në Londër e merr me vete Warisin, si shërbëtore. Për katër vjet rresht nuk largohet prej ambasadës somaleze në Londër. Kur i ungji do të kthehet në Afrikë, Waris kundërshton me forcë. U drejtohet ca grave afrikane nëpër rrugët e Londrës derisa gjen diku strehim.
Dhe më pas ndodh mrekullia. Një fotograf mode njeh tek ajo, egzotikën e vashës baritore, e cila i shërben në mënyrë perfekte botës perëndimore. Nga një vashë shkretëtire ajo kthehet në një star. Nënshkruan menjëhërë që 18 vjeç një kontratë me firmën e kozmetikëve, Revlon. Waris, e cila deri atëhërë shikimit të një mashkulli, i ulte sytë, flirton me kamerat, pozon për kalendarin Pirelli, filmohet si bond – girl. Dhe merr “gage”-n e modeleve klas si Schiffer apo Naomi Campbell.
Kohë udhtimi. Por në botën e glamours ajo nuk ndihej e mbushur. “te jesh modele është bullshit” shprehet fotomodelja. “ Nuk dua më të më thotë njeri, si duhet të qëndrojë, si duhet të eci” Ne fund ajo ndihet e ngopur me këtë cikël dhe pas 15 vjet karriere modeleje, vendos të udhëtojë për në atdheun e saj, vendi i shpirtrave – Somalia. Waris Dirie, rrebele si gjithmonë kërkon të takojë familjen e saj dhe të pajtohet me ta.
Këto takime, shpesh herë plot dhimbje, qëndrojnë në qendër të librit të saj, “Bija e shkretëtirës”.
“U mbusha me lot”, tregon Waris Dirie, “kur pashë vendin tim të shkretuar nga lufta civile. Fëmijë që çirreshin, të uritur; nëna, që s’kishin qumësht për t’i ushqyer.”
Pajtimi. Akoma më me guxim mbart pamjen e frikshme. Një mendim e mban nga heqja dorë: ajo duhet patjetër të dijë, nëse i rron ende e ëma. Më në fund e gjen, e ngulitur tashmë në një kasolle të vogël, tavani i së cilës përbëhet nga llamarina të bashkuara.
Multimilionerja nuk pritet si një mbretërëshë, por thjesht dhe me ngrohtësi. Strehohet në kasollen e nënës, kalon ditët me motrat e vëllezrit, dhe natën buzë zjarrit me prindërit. “Folëm, qamë deri në agim”.
Nënës për të cilën ka shumë respekt i çoi një pasqyrë – ku për hërë të parë ajo vështroi fytyrën e saj. Waris bisedoi me nënën rreth cungimit, i tregoi asaj mbi librin, fushatat e saj si përfaqësuese e OKB-së dhe për suksesin e misionit te vet – ndërkohë prerja gjenitale e vajzave është e ndaluar në 15 vende afrikane. “Por ime më, nuk donte të dëgjonte asnje fjalë mbi të. Nuk e përballonte dot. Në sytë e saj shihej dhimbja, frika dhe dyshimi”.
Rezultati. Modelja dhe vasha e shkretëtirës ndahen nga njëra – tjetra përmes shumë botëve. Megjithatë lidhja mbetet e fortë. Dirie shprehet: “Familja është si rrënja e një bime. Koka dhe zemra rriten së bashku”.
Por modelja nuk dëshiron të qëndrojë për gjithnjë në Somali. Ndërkohë jeton me të birin, Aleeke, 5 vjeç, në Londër. Prej të atit të birit, u nda kur ai i vuri në pikëpyetje lirinë e saj. Pavarësia është shumë e shtrenjtë për të si dhe lufta për të drejtat e grave afrikane- megjithëse këtë të fundit e sheh pa perspektivë “Në të vertetë ne do të mbetemi gjithnjë vetëm – gra të zeza. Një pozicion më të keq në këtë botë nuk mund të ketë”.


Andrea Braunsteiner für WOMAN

perktheu Eni.

[Estella]

Nice Eni
Flm qe e solle......do e lexoj me me vemendje me vone.