Masiela Lusha

[Tirana]

Masiela Lusha eshte shqipetarja qe po ngjit c'do dite shkallet e hollivudit. Masiela Lusha ka lindur Tirane ne 23 Tetor 1985, e bija Maks dhe Daniela Lusha .Per nje jete me te mire dhe me shume shance,bashke me nenen e saj, ajo ne moshen 7 -vjece u larguan per ne drejtim te USA. Stacioni i tyre ishte Macombo qyteze ne Michigan, pasi te afermit qe bene te mundur sponsorizimin dhe mbeshtetjen e tyre jetonin po aty.
Shume shpejte jeta e saj rrodhi ndryshe. Ishin rekordet e nje kasete te mamase se saj qe beri kur Masiela beri pozimet e para si top modele e shkolles se saj me John Robert Powers
Ku aty mesoi dhe mori mesimet e para duke u shoqeruar dhe me
fotografira. Keto te fundit ne 1998 e bene qe te udhetonte drejt
Kalifornise per te mare pjese ne nje pasarele mode ku ishin 600
pjesemares,ku u zgjoll ne treshen me te mire.
Prezantimi i talentuar i saj terhoqi dhe vemendjen e shume personaliteteve ku nje prej tyre ishte dhe Presidenti USA
Bill Clinton , ai u shpreh,:"Ju jeni e ardhmja e vendit juaj dhe une te inkurajoj qe te vazhdosh te shfrytezosh talentin tend kreativ qe te jesh e pregatitur kur gjenerata jote te udheheqe vendin tend ."


Ne viziten qe pati tek te afermit e saj ne Austri,ajo u frymezua me ndjenjat e moshes dhe i hodhi gjurmet e saj te para te poezise,ku ne moshen 12-vjece ajo botoi librin e saj poetik "Inner Thoughts" ne Anglisht dhe shqip.
Ky botim e beri Shkrimtaren me moshe me te re ne bote.
Ajo u shpall tek 10 me te talentuarat poete ne Ameriken Veriore.


Veren e kaluar ajo shkruajti : "The Group", "Starla", "Nela dhe "Maylee". Masiela ka luajtur ne role teatrale si "Charlie and the chocalate Factory" , "Borebardha", "Last Dress Rehearsol" , "The buzz".

Masiela eshte bere tashme me se e njohur tek shikuesit.
Ajo eshte bere me se e besueshme me zerin e saj ne rolin "carmen" ne shume serialin "George Lopez" i cili transmetohet nga kanali gjigand Amerikan ABC.

Edmond Ismalati

[Xhuxhumaku]

Masiela, emri shqiptar në Hollivud


Profil

Emri: Masiela

Mbiemri: Lusha

Emri i babait: Maks

Emri i nënës: Daniela

Ditëlindja: 23 tetor 1985

Vendlindja: Tiranë, Shqipëri

Profesioni: Aktore

Filmat

'Down With Me"

"My Father's Eulogy"

"007 th Grade"

"Cherry Bomb"

"Clifford's Puppy Days"

"George Lopez"

"Summoning"

'Father's Love"

Historia e aktores, që iku fëmijë nga Shqipëria dhe mbërriti suksesin në kinema

Fillimet në letërsi, aktrimi dhe skenaret

E quajnë vajza shqiptare e Hollivudit. Masiela Lusha nuk është më shumë se 20 vjeç, por është ndër aktoret e reja më të preferuara të momentit. Kulmi i saj ishte një serial televiziv "George Lopez" i vitit 2002, i rendirur në listën e më të ndjekurve në Amerikë në kanalin ABC.

E kupton famën e saj ndërsa lexon në "Teen Hollywud" shkruar me shkronja të mëdha 'Ekskluzive", për një intervistë me aktoren shqiptare. Masiela ka luajtur një varg filmash duke u kthyer befas në qendër të vëndjes, më e preferuara, që rri në krah të aktorëve, regjisorëve e skenaristëve më në zë. Gjithçka ka ndodhur shpejt dhe befas për vajzën e vogël shqiptare, e cila ka një histori mjaft të veçantë. Në sitin e saj në internet, ajo shënon "Vendlindja: Tiranë, Shqipëri". Babai i saj quhet Maks, ndërsa mamaja Daniela.

Në Amerikë

I kujtohet dita, kur mamaja e saj vendosi të ikë. Ishte e bindur se duhej të ndiqte këshillën që xhaxhai i saj, i cili punonte mjek në Miçigan, i jepte në atë kohë. Kur gazetari i njohur i Hollivudit Lynn Barker, i bën aktores shqiptare 18-vjeçare pyetjen: "Ju keni lindur në Shqipëri. Kur u transferuan prindërit e tu në SHBA dhe pse"?, ajo nuk jep ndonjë shpjegim të gjatë e të detajuar. Përgjigjet me pak fjali. "U transferuam në Amerikë vetëm unë dhe mamaja ime. Erdhëm nga Evropa thjesht, sepse dëshironim të vinim në Amerikë, sepse ajo ishte toka e mundësive, ashtu siç është akoma', rrëfen Masiela.

Fillimet

Që në fillim të viteve ´90 shtangej para televizionit. Një ditë mamaja e saj vuri re se ajo gjithmonë kishte dashur të qëndronte përpara kamerave dhe një ditë e regjistroi në shkollën e modeleve me Xhon Robert Pauers. "Ishte një eksperiencë e rëndësishme për mua, thjesht për të mësuar jo për të nisur një karrierë. Mësova shumë atje dhe bëra disa fotografi. Një fotograf më tha se në qytet do të vinte një agjent nga Kalifornia. Kështu që shkuam në këtë seminar me 600 njerëz dhe nga këto gjashtëqind, agjenti zgjodhi tre, një prej të cilave isha dhe unë. Pata shumë fat që në një kohë kaq të shkurtër fillova me një agjent". Gjithçka që çonte nëpër mend e shihte të realizuar shumë shpejt. Kështu i ndodhi dhe me letërsinë.

Një libër

Ishte vetëm 12 vjeç, kur shkroi një libër të suksesshëm. Atëkohë kishte shkuar me mamanë e saj për të vizituar ca të afërm në Australi. Ishte verë dhe Masiela kujton se thjeshtë i kishte ardhur muza e saj për të shkruar dhe për të shprehur vetveten. "Kisha shumë gjëra nëpër kokë dhe doja t'i shkruaja të gjitha. Kur u kthyem, unë i futa ato të gjitha poshtë shtratit tim, ndërsa ime më pyeti: "Ç'ke ndër mend të bësh me gjithë këto poezi'?. Unë s'kisha asgjë ndër mend, kështu që nuk i ktheva përgjigje, ndoshta kur të bëhesha 14 vjeçe do t'i lexoja e do të shihja se si isha kur kisha qenë 12. Kurse ajo ma ktheu: "Përse nuk i mbledh të gjitha në një libër"?. I thashë 'Mirë, pse jo"?.

Skenare

Prej këtij libri ajo ka zbuluar se është shumë e lidhur me të shkruarin. Tashmë shkruan skenare, njëri prej të cilëve titullohet "Grupi", e që është mirëpritur në Hollivud në disa nga studiot më të mëdha të filmit. Ka shkruar gjithashtu edhe një skenar tjetër, titulluar "Starla", ndërsa ka mbaruar 13 episodet e një filmi të animuar titulluar "Pixies". Karakteret e këtij filmi janë të rinj dhe zana, të cilët iu futen aventurave të mrekullueshme. Ka shkruar gjithashtu një skenar tjetër, që është marrë në konsideratë nga vetë Aron Spelling, i njohur në ekranin shqiptar si skenaristi i serialit "Beverlly Hills". Ka qenë e pranishme në shumë filma, duke përfshirë role studentësh, pjesë të vogla të pavarura, video muzikore, modele, si dhe ka realizuar postera me Ben Aflek. Por filmat e saj më të sukseshëm janë ato që shfaqen direkt në makineritë kompjuterike të kërkimit, si "Down With Me", "My Father's Eulogy", "007 th Grade", "Cherry Bomb" film i 2004-ës "Clifford's Puppy Days" (2003), seriali "George Lopez", "Summoning" apo "Father's Love".

Përgatiti: Admirina PEÇI

Konkurencë në Hollivud

N ë revistën "Teen Hollywud" Lynn Barker e pyet Masiela Lushën për konkurencën, duke i thënë se ka shumë aktorë adoleshentë konkurrentë, si e shumëpërfolura Hilari Daf, e njohur si Lindsei Lohan. Kjo të jep përshtypjen se gjatë gjithë kohës ndjehet konkurenca e egër. Por aktorja e re thotë se nuk ka pse të konkurrojë. "Nuk jam fare si ato. Tani ka shumë që janë në majë. Mendoj se ka shumë vajza që po ia marrin dorën dhe kjo është gjë e bukur, por unë nuk e shikoj veten në konkurrencë me to. Unë e lejoj veten të jem ndryshe dhe nuk përpiqem të konkurroj e të tregoj se jam një version më i mirë se ato".

Një fans i çuditshëm

Masiela thotë se një fans i saj i çuditshëm i ka dërguar një herë një letër. ?Me sa dukej ishte i burgosur për një vjedhje. Ai më dërgoi një letër ku thoshte se ishte burgosur dhe gjatë kohës së qëndrimit të tij në burg do të shkruante një skenar filmi. Kërkonte që unë të luaja rolin e të dashurës së vet, e cila kish mbetur e vrarë gjatë vjedhjes. Madje më dërgoi dhe fotografinë e të dashurës së tij?, tregon aktorja një prej rasteve të veçanta në përballjet me fansat e shumtë.

Milosao.

[shaqo]

Thx Per Informacionin Te Gjitheve .veshtruesja Nuk E Di Por Ne Show Mu Duk Me E Embel Ne Fytyre Por Ne Fotografine Qe Ke Vene Seshte Gje .anyway Te Pakten Te Shohim Disa Shqiptare Ne Shows

[Veshtrusja]

ske faj makiazhi sot bene mrekullira, edhe mua me eshte dukur me e mire ne tv

te pershendes

[i_pakapshem]

durrsake eshte masiela

[Albo]

Aktorja Masiela Lusha tregon historinë e saj

Humanizmi, krijimtaria dhe filmi të pandara në jetën e saj

Kastriot Haxhiaj

07.06.2013



Ajo njihet si aktore, shkrimtare, producente dhe humanitare. Shumë e talentuara Masiela Lusha fitoi famë në serialin televiziv “George Lopez” dhe qysh në moshë të vogël ajo u shqua për talentin e saj. Revista “Teen Magazine” do ta cilësonte atë si ndër pesë të rinjtë që do të kishte shansin e suksesit. Në fushën e letersisë, Masiela u cilësua si shkrimtarja më e re në botë, 12 vjeçare, që publikon një libër në dy gjuhë. Disa vite më pare ajo themeloi Fondacionin Fëmijët e Botës ndërsa këtë vit është bërë Ambasadore Ndërkombëtare për të Rinjtë me fondacionin Athgo që promovon sipërmarrjen botëre dhe mbështetet nga UNICEF dhe Banka Botërore. Para pak ditësj Masiela ishte e ftuar për një intervistë në Zërin e Amerikës.



Zëri i Amerikës: Kohët e fundit ju jeni bërë Ambasadore Ndërkombëtare për të Rinjtë me fondacionin Athgo. A mund të na tregoni pak për këtë organizatë dhe misionin tuaj të ri ?

Masiela Lusha: Jam shumë e kënaqur me këtë mision sepse bashkon të gjithë sipërmarrësit e rinjë nga mbarë bota. Të rinj nga e mbarë bota gjejnë zërin e tyre në këtë organizatë që ofron udhëheqje, trajnim, financime dhe lidhje. Ishte kenaqësi takimi me ekipin e kësaj organizate. Kjo organizatë bashkon ide dhe zëra të ndryshëm. Pikërisht kjo më ka frymëzuar mua.

Zëri i Amerikës: Ju keni marrë famë gjatë interpretimit të Carmen, vajzës së George Lopez në serialin me të njëjtin titull. A mund të na flisni pak rreth këtij rrugëtimi i cili ju bëri ju një veterane të televizionit në moshën 20 vjeçare.

Masiela Lusha: Aktrimi nuk ka qënë synimi im fillestar. Kur isha 7-8 apo 9 vjeçare nuk e dija se çfarë ishte aktrimi. Nuk i kuptoja kamerat apo vet makinerinë pas kësaj industrie. Ishte një agjent i cili erdhi në Detroit të shtetit Michigan në kërkim të talentëve të rinj. Mamaja ime mendoi se ishte një ide e mirë për të provuar shanset në këtë industri. Mes qindra konkuruesve ai zgjodhi tre vetë që i ftoi në qytetin Los Angeles dhe unë isha mes tyre. Kjo ishte eksperienca ime e parë dhe nuk ishte zgjedhja ime e parë në jetë por jam shumë e lumtur që e ndoqa dhe në të vërtetë ndryshoi kursin e jetes time.

Zëri i Amerikës: Keni lindur në Shqipëri dhe pastaj jeni zhvendosur në Hungari dhe pastaj në Austri dhe përfundimisht jeni vendosur në Shtetet e Bashkuara. Sa ka ndikuar në karrierën tuaj eksperienca juaj jetësore?

Masiela Lusha: Jam larguar në Shqipëria në moshën 5 vjeçare dhe vendosur në Budapest dhe më pas në Vjenë dhe përfundimisht takimi me Amerikën në Michigan për herë të parë në jetën time si dhe mësimi i anglishtes si gjuha ime e katërt, ka ndikuar shumë tek unë. Unë shkruaj ndryshe dhe ndihem se kam një stil ndryshe të të shkruarit i cili nuk matet me të shkruarit tradicional amerikan. Po ashtu jeta në disa pjesë të ndryshme të botës ka bërë që të jem e hapur për botën dhe kultura të ndryshme që ofron bota. Lidhur me aktrimin mendoj se mund ta portretizoj ashtu siç duhet vajzën shqiptare.

Zëri i Amerikës: E di që juve jeni e lidhur shumë ngushtë me mamanë tuaj. Çfarë roli ka luajtur ajo në karrierën tënde ?

Masiela Lusha: Unë jam kjo që jam pikërisht prej mamasë time. Influenca e saj ka ndikuar në karrierën time si aktore, si shkrimtare. Zëri i saj më ka frymëzuar. Nga fëmijëria dhe gjatë rritjes time ne kemi qënë të pandara. Në çdo vend të botës ne të dyja kemi qënë kudo sëbashku. Nëna ime është mikja ime më e mirë.

Zëri i Amerikës: Thatë që u larguat nga Shqipëria kur ishit 5 vjeçe. A ju kujtohet Tirana?

Masiela Lusha: Kastriot....mbaj mend vetem kur mblidhja manaferra. Dhe më kujtohet treni. Më kujtohet uturima e trenit. Dhe më kujtohet që ndihesha e vetme kur u larguam nga Shqipëria. Biles kur dëgjoj zhurmën e trenave në mbrëmje më kujtohet Shqipëria.

Zëri i Amerikës: Të kalojmë nga Tirana për në Hollywood. Në çfarë projektesh jeni duke punuar aktualisht ?

Masiela Lusha: Jemi duke i dhënë dorën e fundit nga ana vizuale dhe artistike një filmi të titulluar Orc Wars. Një film fantastiko shkencor me aksion. Orc’s janë një racë krijesash imagjinare që duken si njerëzit por jo fort të hijshëm për nga paraqitja. Në qendër të filmit është një ish marins i cili mundohet të izolohet në botën e tij por përballet me këto krijesa të etura për gjak. Në këtë film unë luaj rolin e princeshës Aleya.

Zëri i Amerikës: Juve keni disa skena me dyluftime. Sa e vështirë ishte përgatitja ?

Masiela Lusha: Unë luftoj me zemër kundër Orc’s dhe dukem mjaft e egër. Ja kaluam mirë gjatë xhirimeve.

Zëri i Amerikës: Dua të di për një aspekt tjetër të jetës tuaj atë të shkrimtares. Jeni quajtur një nga 10 poetët më të mirë në Amerikën e Veriut dhe po ashtu autorja më e re në botë që keni botuar në dy gjuhë.

Masiela Lusha: Përsëri më duhet të falenderoj nënën time sepse ajo ishte autore dhe poete. Në mos gaboj, nëna ime ka qënë ndër redaktoret e para që ka publikuar një revistë me ngjyra anglisht/shqip. Kuptohet që puna e saj më ka frymëzuar. Kur isha e vogël në vend të ninullave ajo më lexonte poezi çdo mbrëmje. Krijimtaria më erdhi natyrshëm dhe me instikt. Unë fillova të shkruaj qysh në moshën 7 vjeçare dhe botova librin e parë kur unë ishta 12 vjeçe. Që nga ajo kohë kam vazhduar në këtë drejtim.

Zëri i Amerikës: Aktualisht, a jeni duke punuar në ndonjë libër?

Masiela Lusha: Nuk mund të ndaloj së shkruari. Jam duke punuar në romanin tim të dytë, titullohet “Kujtimet e Olympia Pole”.

Zëri i Amerikës: Juve jeni modele, aktore, producente, ambasadore, humaniste...si ja arrini ti menaxhoni të gjitha këto?

Masiela Lusha: Kur punën që bën e ndien në zemër është shumë e lehtë të gjeshë kohë dhe përkushtim. Për mua është sikurse frymëmarrja, më duhet ta bëj. Në të kundërt më duket se nuk po jap kontributin tim për shoqërinë në të gjitha aspektet.

Zëri i Amerikës: Si e balanconi jetën tuaj përsonale?

Masiela Lusha: Nuk e balancoj. Gjithçka është e injektuar tek njëra-tjera në jetën e përditshme.

Zëri i Amerikës: Duam të dimë për kompaninë e produksionit “Illuminary Pictures” që ju keni themeluar para disa vitesh.

Masiela Lusha: Ideja pas kësaj kompanie ishte krijimi dhe ofrimi i projekteve për të gjitha grupet e shoqërisë. Në një film ku kisha rolin e producentes, të them të drejtën u ndjeva shumë krenare kur u shfaq në kinema emri i kompanisë time. Koncepti ishte ofrimi i zhenareve ku të gjithë mund të gjenin vetveten.

Zëri i Amerikës: Duam të dimë diçka për punën tuaj humaniste me fëmijët.

Masiela Lusha: Vizita në Ballkan për xhirimet e filmit “Koha e Kometës” më fymëzoi për të themeluar Fondacionin Fëmijët e Botës. Në Maqedoni u ndjeva zemërthyer kur shikoja ata fëmijë që endeshin rrugëve. Tek ata shikoja mundësi të shumta për të ardhmen e tyre, nëse dikush do të mund tu jepte atyre atë shans. Ndaj më lindi ideja...po sikur tu ofronim këtyre fëmijëve një strehë, dhe të kultivonim ato çfarë ata kanë mësuar nga rrugët, çfarë do të ndodhte ? Ideja ishte që sëbashku me fëmijën të ndihmohej edhe familja nga ai vinte. Pra edukimi themelor i të gjithë familjes. Ideja ime është zgjerimi ndaj në vendet ku funksionon fondacioni, ofron arsim falas, kurse në fundjavë, financime, kujdes për shëndetin pra gjërat themelore të jetës. Mund të kujtoj viziten time në Lesotho, në Afrikë.

Zëri i Amerikës: Kur po futeshim në studio më fole diçka për Zërin e Amerikës.

Masiela Lusha: Zëri i Amerikës është njejtesuar me mua që nga fëmijëria. Që nga largimi nga Shqipëria dhe lëvizja nga një shtet në tjetrin, Zëri i Amerikës ka shërbyer si udhërrëfyes në botë. Zëri i Amerikës ka qënë një stacion që e dëgjonim çdo ditë.

Zeri i Amerikes

[sirena_adria]

Pasdite në TCH - Aktorja, shkrimtarja dhe humanistja MASIELA LUSHA

Dhjetor 2014

[sirena_adria]

Masiela Lusha Biography