Kursi i këmbimit të Euros me Lekun më i ulët në histori

[ibn_halduni]

nje sajt i mire per ta pare shkembimin valutor ndermjet valutave te ndryshme, ketu eshte edhe ALL (ALBANIAN LEK).

www.xe.com

[YPSILONI]

nje sajt i mire per ta pare shkembimin valutor ndermjet valutave te ndryshme, ketu eshte edhe ALL (ALBANIAN LEK).

www.xe.com

flm per kete web site,kisha disa kohe qe e kerkoja,flm again

[Brari]

sa vate euro ne shqiperi kto dit ?

dmth.. sa lek merr po dhe 100 euro?

[EuroStar1]

dmth.. sa lek merr po dhe 100 euro?

Mer rrogen mujore te nje rrobaqepsje...ose nje saborator me 70 L benzine

[drague]

urime per temen.

e meriton miku im Euro

[Sirius]

BNS ma ne fund vendosi ta liroj frangin nga bllokada 1.20 qe kishte mbajtur per keter vite, pritet me shku deri 0.75, mos bleni euro....

[Albo]

Dollari amerikan ka kaluar për herë të parë Euron në kursin e këmbimit kundrejt Lekut.

Sipas kursit zyrtar të Bankës së Shqipërisë, dollari amerikan u këmbye të martën me 117.86 Lekë, në rritje të ndjeshme me 0.74 pikë krahasuar me ditën e hënë. Ndërkohë, Euro zbriti në vlerën e 117 Lekëve, 0.17 pikë më pak krahasuar me një ditë më parë.

Ky moment simbolik është i lidhur direkt me ecurinë e kursit të këmbimit mes Euros dhe Dollarit Amerikan në tregjet ndërkombëtare. Kursi i Lekut kundrejt shumicës së valutave të tjera të huaja përcaktohet direkt nga ecuria e kursit të Euros kundrejt këtyre monedhave. Duke qenë se volumet e këmbimit të valutave të tjera në tregun shqiptar janë shumë të vogla dhe duke qenë se pozicionet e sektorit bankar mbahen kryesisht në Euro, edhe kursi i këmbimit të lekut ndaj tyre reflekton, në përmasa pak a shumë proporcionale, ecurinë e kursit të këmbimit ndaj Euros.

Në tregjet ndërkombëtare kursi Euro-USD po shënon vlerat më të ulëta historike. Monedha europiane ka rënë sërish poshtë nivelet të barazisë dhe këmbehej të martën me 0.99 USD. Mbiçmimi i Dollarit ndaj Euros në muajt e fundit po ndikohet nga disa faktorë. Rezerva Federale Amerikane po ndërmerr një shtrëngim të shpejtë monetar, nëpërmjet rritjeve të njëpasnjëshme të normës bazë të interesit.

Banka Qendrore Europiane po lëviz shumë më ngadalë në këtë drejtim. Hendeku në normat e interesit përgjithësisht është një faktor me rëndësi në kursin e këmbimit mes valutave kryesore. Një arsye tjetër që po e ndikon negativisht Euron është perspektima e zymtë ekonomike, e lidhur sidomos me pasiguritë energjetike.

Varësia e madhe nga Rusia dhe pritshmëritë për kufizime në furnizimin me gaz natyror priten të shkaktojnë probleme të mëdha dhe ndoshta kufizime të energjisë për shumë vende europiane gjatë muajve të ardhshëm.

Këta faktorë po reflektohen në rënie të kursit të Euros ndaj valutave më të rëndësishme Botërore, rënie që po reflektohet edhe tek kursi i Lekut kundrejt këtyre valutave.

Megjithëse pesha e Dollarit në ekonominë dhe këmbimet tregtare të vendit nuk është e krahasueshme me Euron, monedha amerikane është e rëndësishme kur bëhet fjalë për çmimet e lëndëve të para dhe sidomos të karburanteve. Forcimi i dollarit ndaj lekut shtrenjton importin e këtyre lëndëve dhe ndikon në çmime më të larta të tyre për konsumatorët shqiptarë.

Ndërkohë, kursi i këmbimit Eur-Lek për momentin duket në nivele të qëndrueshme, pranë nivelit të 117 lekëve. Gjatë muajit Gusht, rënia e mëtejshme e Euros u frenua nga kërkesa e lartë e lartë e Korporatës Elektroenergjetike Shqiptare.

Kjo kërkesë balancoi ofertën sezonale të lidhur me turizmin, duke bërë që kursi i këmbimit të mos shënonte luhatje shumë të mëdha gjatë këtij muaji. Sipas burimeve nga tregu, në ditët e fundit volumi i blerjeve të KESH ka ardhur në rënie dhe efekti i këtij faktori në tregun valutor këtë javë është zbehur.

Koha Jone

[Albo]

Euro në nivelin më të ulët historik! Në fund të dhjetorit monedha evropiane zbriti në 112 lekë



Euro e ka mbyllur vitin 2022 në nivelet më të ulëta historike.

Festat e fundvitit duket se i kanë dhënë një tjetër goditje monedhës europiane kur për herë të parë më 28 dhjetor zbriti në 112.8 lekë, niveli më i ulët historik. Sipas kursit zyrtar të Bankës së Shqipërisë euro këmbehet aktualisht për 114.2 kundrejt lekut.

Tendenca rënëse e monedhës europiane është e njohur tashmë në këtë periudhë ndikuar nga faktorët sezonalë pasi prurjet në valutë nga turistët dhe ardhja e emigrantëve janë rritur ndjeshëm duke sjellë zhvlerësimin e mëtejshëm të euros.

Por, nënçmimi i monedhës europiane lidhet edhe me faktorë të tjerë si paratë informale që qarkullojnë në vend, duke bërë që leku, monedha vendase të forcohet kundrejt euros.

Prej fillimit të vitit, sipas kursit të bankës qendrore euro ka humbur rreth 8 lekë në raport me lekun. Nivelin më të lartë për vitin 2022 euro e shënoi në fillim të marsit kur arriti në 127 lekë dhe që prej asaj kohë monedha e huaj ka parë luhatje të vazhdueshme.

Nga dobësimi i euros ka fitues e humbës. Përfitues në këtë situatë janë individët apo bizneset që kanë marrë kredi në euro, pasi këstet janë më të lira.

Po ashtu, e favorshme kjo periudhë është edhe për ata importuesit si dhe për ata që blejnë euro apo zgjedhin të bëjnë pushime jashtë vendit.

Ndërsa nga zhvlerësimi i monedhës europiane goditen ndjeshëm eksportuesit apo individët që marrin pagat e tyre në euro.

Koha Jone