Pesë vjet qëndrim dhe dy vjet punë me taksa të paguara për të marrë lejen e qëndrimit
Autori i Lajmit: Genci Çobani
Rindizen shpresat e shqiptarëve që kanë emigruar në mënyrë të paligjshme në Shtetet e Bashkuara të Amerikës. Tani, nëse një propozim i paraqitur dje në Kongresin e SHBA-së nga grupi i kongresmenëve demokratë miratohet dhe arrin të kthehet në ligj, emigrantët, ende ilegalë shqiptarë, së bashku me të gjithë emigrantët e tjerë klandestinë në “tokën e premtuar”, numri i të cilëve, sipas hartuesve të projektligjit në fjalë, arrin deri në 12 milionë vetë, mund të shpresojnë që t’i japin fund aventurës së tyre klandestine dhe të pajisen me dokumentin e shumënëdërruar “green card”. Një nga hollësitë e këtij projektligji, i cili u komentua pozitivisht nga senatori demokrat Kenedi, është se, ndryshe nga Akti i Aplikimit të Sigurtë, të Rregullt të Vizave ligjore (SOLVE), ka si qëllim legalizimin e emigrantëve të jashtëligjshëm, të cilët kanë jetuar, të paktën 5 vjet në territorin e Shteteve të Bashkuara të Amerikës. Ndërkohë që, ky kusht është shoqëruar edhe me një tjetër, akoma dhe më të domosdoshëm, atë të mundësisë së provimit të faktit se, kategoria e sipërpërmendur e emigrantëve të paligjshëm, jo vetëm që gjatë dy viteve të fundit ka qenë e punësuar në këtë vend, por edhe ka paguar rregullisht taksat. "Pjesa më e madhe e ekonomisë së vendit tonë, sot varet nga puna e madhe dhe shumë kontribuese e emigrantëve. Shumë industri mbështeten së tepërmi në punën e emigrantëve të huaj. Këta punëtorë e pasurojnë vendin dhe përmirësojnë cilësinë e jetës sonë. Megjithatë, në ditët e sotme miliona punëtorë janë pa dokumente", u shpreh senatori demokrat Kenedi në një deklaratë të bërë në mbështetje të projektligjit të paraqitur në Kongresin e SHBA nga bashkëpartiakët e tij. Në këtë mënyrë, nëse ky projektligj miratohet, disa mijëra shqiptarë, të cilët, si shumë njerëz të kombësive të tjera, kanë jetuar në territorin e Sheteve të Bashkuara të Anmerikës, të paktën për pesë vjet, ndonëse deri më sot pa dokumente dhe leje qëndrimi, do të kenë mundësi të aplikojnë për qëndrim të përkohshëm në Shtetet e Bashkuara të Amerikës, si dhe, çfarë është më e rëndësishmja edhe për viza pune.
Gjashtë vjet më parë, administrata
e presidentit Klinton tentoi legalizimin
Në vitin 1997, një vendim i administratës së Klintonit, në atë kohë President i Shteteve të Bashkuara të Amerikës, u duk sikur krijoi, pothuajse të njëjtën klimë shprese, si projektligji i paraqitur dje në Kongres nga grupi i kongresmenëve demokratë. Ai parashikonte, pak a shumë të njëjtat lehtësira për emigrantët e futur në territorin amerikan pa dokumente të rregullta, madje, për një farë kohe, ai funksionoi dhe një pjesë, megjithëse shumë e vogël e emigrantëve nga e gjithë bota, përfshi këtu edhe ata shqiptarë arritën të sistemoheshin në SHBA si emigrantë të rregullt. Më pas, aplikimi i tij u ndërpre dhe për mundësi të këtij lloji, për një periudhë më shumë se 6-vjeçare nuk u fol më.
Cilat janë vendet që përfitojnë më shumë nga shpërndarja e kuotave
Shqipëria, 3071 emra me fituesit
e Lotarisë Amerikane DV-2004
Një nga format më të preferuara deri më sot për të emigruar drejt Shteteve të Bashkuara të Amerikës ka qenë dhe mbetet pa dyshim, e shumënjohura “Lotari amerikane”. E nisur shumë vite më parë në Shqipëri, si dhe në shumë vende të tjera të botës, në mënyrë të veçantë, për ato të “Botës së tretë”, ajo është kthyer tashmë në “lojën” më popullore në shumicën e këtyre vendeve, duke regjistruar në listat e aplikuesve miliona njerëz, si dhe duke thithur në vorbullën e saj pjesët më të mëdha të popullsive respektive. Rregullat e saj, tashmë janë të njohura dhe, e vetmja gjë, që normalisht pritet me ankthin e shpresës është numri dhe, padyshim emrat e fituesve. Të paktën, kështu ndodh në Shqipëri, një nga vendet me kuotën më të lartë të aplikimeve në të gjithë botën. Sivjet, sipas informacioneve zyrtare të faqes së Qendrës së Lotarive në Internet, për fazën “DV-2004”, Shqipëria është një nga vendet më të privilegjuara të Europës. Asaj i janë lënë në dispozicion të numrit të përgjithshëm të fituesve 3071 emra, duke u renditur kësisoj, e treta në listë, pas Bullgarisë me 3482 emra dhe Polonisë me 5467 të tilla. Madje, duke lënë pas edhe vende të tilla të mëdha si Rusia, për të cilën, numri i fituesve arrin deri në 2600. Shifrat në fjalë shprehin kuotën që i përket fazës “DV-2004”, fituesit e së cilës shpallen nga listat e atyre që kanë aplikuar gjatë vitit 2003, emrat e të cilëve mbërrijnë zakonisht në pjesën e dytë të vitit dhe i nënshtrohen edhe një seleksionimi të dytë, pas intervistave përkatëse që jepen në amabsadën e Shteteve të Bashkuara të Amerikës në Tiranë.
Kuotat e vendeve europiane për Lotarinë Amerikane, DV-2004
EUROPE
ALBANIA 3,071 GEORGIA 479 NORËAY 19
ANDORRA 1 GERMANY 1,227 POLAND 5,467
ARMENIA 836 GREECE 66 PORTUGAL 46
ARUBA 1 HUNGARY 139 MACAU 0
AUSTRIA 64 ICELAND 17 REUNION 2
AZERBAIJAN 305 338 IRELAND ROMANIA 1,845
BELARUS 966 ITALY 165 RUSSIA 2,600
BELGIUM 46 KAZAKHSTAN 451 SAN MARINO 0
BOSNIA & HERZEGOVINA 128 KYRGYZSTAN 206 SERBIA & MONTENEGRO 448
BULGARIA 3,482 LATVIA 172 SLOVAKIA 392
CROATIA 73 LIECHTENSTEIN 1 SLOVENIA 8
CYPRUS 11 LITHUANIA 2,059 SPAIN 62
CZECH REPUBLIC 172 LUXEMBOURG 4 SËEDEN 82
DENMARK 39 MACEDONIA, FORMER YUGOSLAV REP. OF 166 SËITZERLAND 183
ESTONIA 71 MALTA 10 TAJIKISTAN 105
FINLAND 44 MOLDOVA 574 TURKEY 2,343
FRANCE 313 MONACO 1 TURKMENISTAN 95
FRENCH GUIANA 1 NETHERLANDS 94 UKRAINE 4,494
FRENCH POLYNESIA 3 NETHERLANDS ANTILLES 6 UZBEKISTAN 1,819
GUADELOUPE 5 NORTHERN IRELAND 51
Data e Publikimit: 06/05/2004
Ballkan
Përgjigju Duke Cituar
Krijoni Kontakt