Debatohet ne parlament procesi i integrimit evropian

[Brari]

"Adetet" civile të Berishës me uniformat shtetërore

Nga Mero Baze

Dje dha dorëheqjen kryeministri polak. Një ditë pasi vendi i tij ia arriti të anëtarësohet me të drejta të plota në Bashkimin Europian, kryeministri që firmosi anëtarësimin, dha dorëheqje, pasi, sipas tij, opinioni publik e kishte njollosur qeverinë e tij si të korruptuar. Duke dashur të mos rëndojë imazhin e Polonisë dhe dinjitetin e saj, kryeministri dha dorëheqje, një ditë pasi kishte realizuar ëndrrën e shekullit për Poloninë.

Në të njëjtën kohë Shqipëria u paralajmërua nga Këshilli i Europës për t'u pezulluar si anëtare, për shkak të mungesës së zgjedhjeve të lira në vend dhe fenomeneve të tjera të krimit, korrupsionit dhe ekonomisë së zezë. Përgjegjësi i identifikuar i kësaj krize kryeministri Fatos Nano dhe mbështetësit e tij, jo vetëm që nuk u shkon mendja tek dorëheqja, por po e përdorin këtë krizë, për të mallkuar kritikët e tyre dhe për t'i fajësuar ata se po nxijnë imazhin e Shqipërisë duke botuar lajme të tilla.

Mendje të ndryshkura nga izolacioni dhe përgjegjësia që kanë për këtë gjendje, ia përsëritën këtë shqetësim dje dhe Sali Berishës në një takim me OJQ. E ndoqa me vëmendje vibrimin e panikut që kish mbërthyer portretin e Diana Çulit dhe Piro Mishës kur flisnin "për këto turpe" që shkruante shtypi afër opozitës dhe pa dashur t'i paragjykoj, më shkoi mendja se e kishin për gazetën 'TemA'. Në fakt ne nuk kemi shprehur ndonjë gëzim në gazetë, por "mbrojtësit e shtetit" në fjalë, nuk kanë gabuar. Së paku unë jam gëzuar. Jam gëzuar sinqerisht që Perëndimi nuk beson më raportet dhe rrëfimet e "mbrojtësve të shtetit" për zgjedhjet në Shqipëri. Prej sot do të porosis gazetarët të shpallin ditë feste ditën që Shqipëria i iku izolimit, ku janë përpjekur të mbajnë të burgosura zgjedhjet dhe manipulatorët e tyre "uniformat shtetërore të shoqërisë civile". Kush e njeh sado pak historinë e këtij vendi, nuk ka si të mos gëzohet, që tani jemi një vend së paku i hapur, ku krimet merren vesh dhe nuk kanë më fatin e krimeve mbi poetët dhe shkrimtarët e kohës së komunizmit. Ata mund t'i pushkatoje siç bëri Diana Çuli "në emër të popullit" me Genc Lekën dhe Vilson Blloshmin, dhe të mos merrej vesh. Kemi arsye të forta të gëzojmë, qoftë dhe për faktin se dikush tjetër kujdeset për lirinë tonë. Kjo na jep qetësinë e duhur të gjykojmë dhe kush është përgjegjës për "këto turpe". E kush tjetër veç atyre që kanë mbrojtur vjedhjet e votave në Shqipëri, dhe që dje Berisha i kishte mysafirë në tavolinë për të shkëmbyer ide mbi integrimin në Europë. Në Europën nga e cila po na përjashtojnë, për shkak se kemi vjedhur dhe fshehur vjedhjen e votave.

Dje ishte dita që një kryeministër europian dha dorëheqje për "gojët e liga", ndërsa në Tiranë uniformat shtetërore të shoqërisë civile kërkuan mbylljen e gojëve të liga për hir të kryeministrit. "Adeti" i Berishës me disa prej tyre, më është dukur më formal se kurrë, jo për shkak se i ndreqin apo i prishin imazhin, por thjesht se janë të panevojshëm për lirinë. Ata janë rojet e përjetshëm të shtetit, por jo të shtetit ku konkurrohet dhe votohet.

----------

[Brari]

Rd

----
Kryetari i PD zbardh armiqësinë e Kryeministrit me Bashkimin Europin


Nano, barrikada anti BE


Radiografia e qeverisë Nano


Në dy vjet, katër herë policia shqiptare ka bllokuar drogë në autobusët e kompanisë tënde. Brenda dhe jashtë vendit, kjo kompani konsiderohet si transportues kryesor i drogës nga Afganistani në Europë.


Ministri i Xhikes është me dosje më të madhe se kartodromi, Malajvitaj kërcënon Prokurorin e Përgjithshëm për të liruar nipin e tij, të arrestuar për ngarkesa të mëdha droge. Këtu në sallë ke deputetë me dosje ndërkombëtare për vrasje, të lidhura me drogën. Në krye të Ministrisë së Rendit ke emëruar njërin prej eksponentëve kryesorë politikë të "Hakmarrjes për Drejtësi", Igli Toskën, i cili ditën e arrestimit të Arapit në Belgjikë, do të mashtronte shtypin për të njoftuar mikun e tij, Orik Shyti, jo me celular, por në media, se është arrestuar Orik Shyti.


Më 24 janar të vitit 2002, një nga personalitetet më të njohura të Parlamentit Europian, hollandezi Oslander, pasi dëgjoi ekspozenë tënde, në një akt tejet të veçantë t'u drejtua me këto fjali:

Në rast se do të bëhet një studim në Tiranë, se çfarë mendojnë qytetarët shqiptarë për Fatos Nanon, ju do të gjeni se ata besojnë që Fatos Nano është i aftë të mendojë çdo gjë vetëm për veten e tij dhe asgjë për qytetarët shqiptarë. Kjo deklaratë e mikut të shquar të kombit shqiptar, Oslander, bëri që ti të braktisje në shenjë proteste sallën e Parlamentit Europian


Ti mashtron se nuk mund të ndryshohet kushtetuta, ndërkohë që mjafton të heqësh shifrën 140 nga neni 154 apo të bësh shifrën 100 në 70 në këtë nen dhe zbatohen plotësisht rekomandimet për sistemin dhe ne, dhe institucionet e mbështesim plotësisht


Taksat nuk i paguan i pari kryeministri shqiptar me kompanitë e tij të transportit tokësor dhe ajror, me kompanitë e grurit dhe kompanitë e tjera. Taksat nuk i paguajnë Dukët, Naçët, Malajvitët, Durakët, Poçët e tu, që me kontrabandë dhe magazinat doganore jashtë kontrollit doganor, sipas një hetimi të fundit të pavarur, në këto vrima të zeza paguajnë vetëm 10% taksa


Dy vjet më parë, do të deklaroje veten si të pastrehë, me disa mijëra dollarë kursime tuaja familjare. Por, për dy vjet ti je pronar i linjave të transportit rrugor ndërshtetëror, je pronar i firmës "Nano kopter" të ngritur me helikopter kontraband, je pronar i një televizioni kombëtar, je pronar i bixhozit seksual televiziv me 0900, je pronar i kompanive të grurit, kërkon të privatizosh për vete Pallatin e Kulturës, Piramidën, Stadiumin "Dinamo".


vetëm me kompaninë "Hermes", Nano-Malaj-Ahmetaj keni përvetësuar 600 milionë lekë të reja nga Telekomi shqiptar, duke i shitur impulset firmës tuaj me një çmim që shkon nga 8 gjer në 14 herë më lirë se e konkurrentëve të tjerë. Ti, vetëm me kambizëm me Raftin tënd, që akuzove kundërshtarët e tu se e lanë papunë, ke vjedhur së paku në grup 4 milionë dollarë dhe këto janë vetëm maja e ajsbergut, sepse ti, me Raftin që të shoqëron në Vjenë, Uashington, Sharm El Sheik dhe kudo gjetkë, me marrëveshjet e interkonjeksionit në AMC dhe të tjera, i ke krijuar një humbje Telekomit shqiptar prej së paku 80 milionë Euro, të gjitha të ndara ndërmjet teje dhe kockave mafioze të Telekomit.


Për të vjedhur, shpërdoruar së paku 10 milionë Euro në tenderin prej 52 milionë të importit të energjisë, me një çmim prej 45 cent, ndërkohë që në bursë shitet më 19-21 cent, ule planin e prodhimit të energjisë nga 5.6 miliardë në 3.1 miliardë kilovat/orë, derdhe çdo ditë duke hapur portat e hidrocentraleve së paku 300 mijë Euro energji në det.




Të largojmë Nanon dhe të hyjmë në BE

Nga Sali Berisha


Nuk do t'i përgjigjem këtu apologjisë së dështimit të zotit Nano, por theksoj se ky debat i kushtohet integrimit të Shqipërisë në BE, procesit më jetik për të ardhmen tonë. Natyrisht është fjala për të ardhmen e shoqërisë dhe kombit, dhe jo për të ardhmen e disa KPD-arëve, pasi jo pak prej tyre, me paratë që kanë vjedhur kanë arritur dhe tejkaluar parajsën. Pra, është fjala për qytetarët shqiptarë që ndjehen çdo ditë më të larguar nga brigjet e shpresës, paqes, stabilitetit, pra brigjet e BE-së, është fjala për të ardhmen e qindra e mijëra shqiptarëve, intelektualëve, të rinjve, që për t'u punësuar, mundësi të vetme kanë largimin klandestin nga vendi i tyre.

Nuk është fjala për ju që pasuroheni duke fjetur, por është fjala për ata që vuajnë për ujë të pijshëm, për drita, që jetojnë në Europë si qytetarë të botës së tretë. Integrim do të thotë infrastrukturë tjetër dhe standarte të tjera jetese, do të thotë investime, punësim.

Nuk është fjala për ju dhe shpurën tuaj që udhëtoni me çarter, që frekuentoni kazinotë e mëdha, që pushoni në resortet përrallore, por për 46% të shqiptarëve, për qindra e mijëra familje shqiptare që marrin bukë me lista dhe jetojnë nën linjën e varfërisë, për 400 mijë pensionistë që lënë gjysmën e pensionit energji elektrike, për ata që vdesin për kafshatën e gojës, për 90 Euro në galeritë e vdekjes. Eshtë fjala për 38% të shqiptarëve të papunë, që me pasaportën e BE-së do mund të udhëtonin me dinjitet dhe jo si Besjana, Luiza e shumë e shumë të tjerë në varkat e vdekjes, është fjala për miliona shqiptarë që udhëtojnë në rrugët më të këqija të Ballkanit, mësojnë në shkollat e rrënuara, mjekohen në spitale pa barna. Tragjike është se në çdo vit, po të krahasojmë veten me të tjerët, jo me Francën, Gjermaninë apo Italinë, por me Maqedoninë fqinje, Bullgarinë dhe Rumaninë, ne jo vetëm nuk afrohemi me Evropën, por largohemi prej saj.

Komisioneri Kris Paten, mik i vërtetë i kombit shqiptar, do të përcillte këtë raport që ne po diskutojmë me një mesazh për qytetarët shqiptarë, në të cilën thekson se raporti nuk ndryshon aspak nga ai i një viti apo dy viteve më parë. Por, po të kemi parasysh se raporti i një viti më parë dhe ai i dy viteve më parë, ishin raporte për vite që nuk ishin hapur negociatat me Shqipërinë, kjo do të thotë se me Fatos Nanon nuk ka patur asnjë progres, në të kundërt, krahasuar me progresin e vendeve të tjera, distanca jonë me BE, në raport me këto vende, është rritur shumë më tepër se sa ishte ajo dy vite më parë.


Si braktisi Nano, Parlamentin Europian


Integrimi i Europës, dhe jo vetëm ai por dhe integrimi në NATO, bëhet duke zbatuar, respektuar një seri procesesh, normash, standartesh dhe parimesh, të cilat ti, Fatos Nano, i ke zëvendësuar me norma, standarte, procese, që kanë si qëllim të vetëm pasurimin tënd të paligjshëm, pushtetërimin tënd absolut, garantimin e lidhjeve tuaja me krimin. Më 24 janar të vitit 2002, një nga personalitetet më të njohura të Parlamentit Europian, hollandezi Oslander, pasi dëgjoi ekspozenë tënde, në një akt tejet të veçantë t'u drejtua me këto fjali (po citoj):

Në rast se do të bëhet një studim në Tiranë, se çfarë mendojnë qytetarët shqiptarë për Fatos Nanon, ju do të gjeni se ata besojnë që Fatos Nano është i aftë të mendojë çdo gjë vetëm për veten e tij dhe asgjë për qytetarët shqiptarë. Kjo deklaratë e mikut të shquar të kombit shqiptar, Oslander, bëri që ti të braktisje në shenjë proteste sallën e Parlamentit Europian. Por sot, pas dy vjetësh, kjo deklaratë është provuar në mënyrë profetike. Le t'ju referohemi fakteve: përsëri ti je pengesa kryesore e integrimit të vendit në BE.

Ti je pengesa kryesore e integrimit të Shqipërisë në BE, zgjedhjet e lira janë kusht sine quano të integrimit në BE dhe NATO, kurse ti je armik i vullnetit të lire të qytetarëve shqiptarë, votës së tyre të lirë.

Atyre që mendojnë se po ju akuzoj për kundërshtar politik, dua t'ju rikujtoj se këto 13 vjet, Shqipëria ka patur 7 kryetarë KQZ, por ti je i vetmi qeveritar këto 13 vjet që në vitin 2000 vendose Fotaqin apo sozinë tënde në krye të KQZ, me të cilin ti, për herë të parë, përjashtove qindra mijëra qytetarë nga e drejta e votes. Ato zgjedhje morën fytyrën e Nanove dhe u damkosën si larg standarteve europiane.

Ti je armik kryesor i zgjedhjeve të lira dhe i integrimit të Shqipërisë, në BE dhe NATO sepse ti, në vitin 2001, zëvendësove në KQZ Fotaqin tënd me segmentë të organizatës terroriste "Hakmarrja për Drejtësi", shpike mekanizmin e të pavarurve, krijove Dushkun famëkeq. Manipulimet e zgjedhjeve të vitit 2001, thuhet në raportin e ODHIR-it, kishin në bazë jo teknikalitet, por vullnetin tënd politik për të mos zhvilluar zgjedhje të lira. Parlamenti Europian të deklaroi se shumica jote është pseudoshumicë, nuk përfaqëson vullnetin e shqiptarëve dhe vendosi si kusht për hapjen e negociatave që për herë të parë një vend sovran të mos mund të zgjedhë, për shkak të mandateve të grabitura, Presidentin e tij sipas ligjit kushtetues, por me konsensus.


Me Nanon nuk ka zgjedhje të lira


Ti je armiku kryesor i votës së lirë të shqiptarëve dhe integrimit të tyre në Europë, sepse ti, pas miratimit konsensual në qershor të vitit 2003 të reformës zgjedhore, për të cilën vendet e BE shpenzuan miliona dollarë, e përmbyse atë me Sanxhakët e tu dhe jo si qeveritar, por si ordiner i vërtetë, bllokove për herë të parë në 13 vjet, totalisht, fondet për partitë kundërshtare dhe shpenzove vetë miliona dollarë. Ditën e votimit, tani më jo sipas meje, por sipas Fotaqëve të tu në KQZ, përjashtove mbi 100 mijë shqiptarë nga e drejta e votimit. Me këtë ti faktove se reformat tuaja janë thjesht a la carte, madje letër e vdekur.

Ja, sepse Komisioni Europian deklaroi se zgjedhjet e fundit u zhvilluan mbi bazën e një Kodi të ri Zgjedhor, megjithatë nuk ishin të lira dhe të ndershme, nuk plotësuan standartet ndërkombëtare dhe kjo, thekson raporti, për shkak të vullnetit politik për të mos zhvilluar zgjedhje të lira.

Ja, pse Këshilli i Europës mbylli rezolutën e vet për Shqipërinë, me vendimin për të larguar Shqipërinë nga Asambleja Parlamentare e Këshillit të Europës, në rast se nuk zhvillon zgjedhje të lira dhe të ndershme.

Ja, pse Këshilli i Europës, në mosbesim të plotë ndaj teje, për herë të parë në historinë e tij 56-vjeçare, paralajmëron një vend anëtar për përjashtim nga Asambleja e tij, në rast se zgjedhjet që vijnë nuk do të jenë të lira dhe të ndershme.

Këshilli i Europës, udhëheqja e tij politike, të gjitha komisionet dhe grupet e tij politike parlamentare, miratuan unanimisht raportin dhe rezolutën për Shqipërinë, sepse ty, Nastradini i Shqipërisë, Lukashenkos së Ballkanit, nuk të beson më njeri dhe sepse ti po përpiqesh me çdo kusht të bllokosh reformën zgjedhore, vendosjen e sistemit proporcional që ata kërkojnë. Ti mashtron se nuk mund të ndryshohet kushtetuta, ndërkohë që mjafton të heqësh shifrën 140 nga neni 154 apo të bësh shifrën 100 në 70 në këtë nen dhe zbatohen plotësisht rekomandimet për sistemin dhe ne, dhe institucionet e mbështesim plotësisht. Po kështu, në një kohë që shqiptarët dhe BE, OSBE, ODIHR, KE, PE deklarojnë se listat janë problemi kryesor, ti, Fatos Nano, gjer sot nuk ke shqiptuar as dhe një herë të vetme çështjen listë zgjedhore, qeveria jote mendon çdo gjë tjetër, por jo problemin listë. Institucionet ndërkombëtare kërkojnë balancimin e KQZ, kurse ti, për të manipuluar zgjedhjet, kundërshton atë. Për të gjitha këto del e qartë, se me Fatos Nanon nuk ka dhe nuk mund të ketë zgjedhje të lira. Ne do të largojmë ty, si pengesë kryesore për të zhvilluar zgjedhje të lira.

Nano, je armik i integrimit të shqiptarëve, sepse ti, për interesa të pasurimit kriminal tuaj dhe atyre përreth teje, dhe në kundërshtim flagrant me interesat jetike individuale, shoqërore dhe kombëtare të shqiptarëve, ke ndërmarrë një fushatë të egër, të hapur, të fshehtë dhe të pashembullt antieuropiane.


Lojrat anti-BE të Nanos


Shqiptarët duhet të mësojnë, se ti je i vetmi kryeministër i Europës që pasi të denoncoi Brukseli për dhunimin e zgjedhjeve, urdhërove Ermelindën t'i drejtohet me letër Kris Patenit, duke deklaruar "non grata" kryetarin e ekipit të negocimeve me BE dhe pasi të përplasën në fytyrë atë që meritoje, u përpoqe të mashtrosh Brukselin se gjoja kjo letër e turpshme ka qenë krizë emocionale moshore e Meksit dhe se ti nuk ke ditur gjë për të, madje me Islamin dhe Klosin i njoftove se për këtë do shkarkohet Meksi.

Ti je i vetmi kryeministër në Europë që mbledh byronë tënde politike, një javë më parë, dhe sulmon komisionerët kryesorë të BE, personalitetet kryesore të BE dhe pastaj ndërsen anëtarët e klubit të drogës, të kabinetit tënd, që në deklarata publike t'i kërkojnë llogari Kris Patenit për trafiqet tuaja. Drejtuesit e Komisionit Europian nuk kanë nevojë për mbrojtjen time. Jo dhe jo. Por theksoj se shqiptarët kanë respekt të madh për ta dhe se ata së bashku me qeveritë e vendeve anëtare i kanë dhënë Shqipërisë miliarda Euro ndihma. Komisioni Europian dhe qeveritë e vendeve anëtare shënuan më datën 1 Maj suksesin më të madh dhe historik, pas themelimit të BE, zgjerimin e tij me 10 vende anëtare. Shqiptarët duhet ta dinë mirë se me Fatos Nanon, që mendon vetëm për pasurimin e tij, ora e integrimit jo vetëm ka ndalur, por ecën mbrapa. Para i pret vetëm izolimi.

Fatos Nano, ti je armik i integrimit, sepse ti je i vetmi kryeministër në Europë që urdhëron ministrat e tu të kërcënojnë përfaqësuesit e Strasburgut, të fyejnë zyrtarët perëndimorë, duke iu rikujtuar si mjeranë dietat që marrin në vizitat e tyre në Shqipëri dhe këtë vetëm e vetëm se ata u thanë shqiptarëve dhe Europës të vërtetën e zezë për ty dhe qeverinë tënde.

Ti je i vetmi kryeministër në Europë që amendamentet e KE-së, që mbrojnë të drejtën e shqiptarëve për të votuar të lirë dhe vendimin e Asamblesë Parlamentare të Këshillit të Europës për të të ndëshkuar në rast të dhunimit të zgjedhjeve, i etiketon si antishqiptare.


Pengesa e vetme e integrimit


Ti je pengesa jo e vetme, por kryesore për integrimin e Shqipërisë në Europë, sepse ti, kërkesës së BE dhe jo vetëm të BE, për të luftuar korrupsionin, i përgjigjesh me konsolidimin e kleptokracisë tënde në Shqipëri. Pikërisht për këtë qëllim, ti ke ndërtuar tërë kupolën e qeverisjes tënde mbi bazën e parimit të konfliktit të interesit apo "mëlçitë e qengjit në gojë të ujkut". Ministrat e tu nuk drejtojnë administratën, reformat, por përdorin pushtetin e tyre çdo ditë e më shumë për monopolet e tyre të ekonomisë private kriminale, në telekomunikacion, energjitikë, financa, bujqësi, dogana, rend dhe kudo. Ja pse raporti i BE thekson, se korrupsioni i shumëpërhapur dhe krimi i organizuar përbëjnë kërcënime serioze për stabilitetin dhe përparimin e vendit, kurse në raportin e KE-së theksohet se "lufta ndaj korrupsionit nuk ekziston", se ajo ekziston vetëm në letër. Kurse ti, për të sfiduar këtë kërkesë, brenda dy vjetëve në qeveri je shndërruar në shtyllën kryesore të vjedhjes, babëzisë, korrupsionit. Le t'iu referohemi fakteve:

Fondi Monetar Ndërkombëtar ka denoncuar vjedhjen dhe shpërdorimin në taksat dhe tatimet e shqiptarëve nga ti dhe Fatosët e tu, të rreth 600 milionë Euro në vit, ndërkohë që çdo qytetar shqiptar paguan si taksë të vlerës së shtuar në çdo shpenzim që bënë 20% të çmimit. Po kush, atëherë, në Shqipëri nuk paguan taksat apo vjedh dhe përvetëson rreth 2/3 e tyre. Taksat nuk i paguan i pari kryeministri shqiptar me kompanitë e tij të transportit tokësor dhe ajror, me kompanitë e grurit dhe kompanitë e tjera. Taksat nuk i paguajnë Dukët, Naçët, Malajvitët, Durakët, Poçët e tu, që me kontrabandë dhe magazinat doganore jashtë kontrollit doganor, sipas një hetimi të fundit të pavarur, në këto vrima të zeza paguajnë vetëm 10% taksa.

Nuk mund të luftohet në Shqipëri korrupsioni. Pasuria juaj ngrihet para së gjithash mbi kontrabandën, vjedhjen, krimin. Ju jeni vetë kontrabanda dhe koka e krimit ekonomik të këtij vendi.

Dy vjet më parë, do të deklaroje veten si të pastrehë, me disa mijëra dollarë kursime tuaja familjare. Por, për dy vjet ti je pronar i linjave të transportit rrugor ndërshtetëror, je pronar i firmës "Nano kopter" të ngritur me helikopter kontraband, je pronar i një televizioni kombëtar, je pronar i bixhozit seksual televiziv me 0900, je pronar i kompanive të grurit, kërkon të privatizosh për vete Pallatin e Kulturës, Piramidën, Stadiumin "Dinamo".


Nano-Malaj-Ahmetaj, 600 milionë nga Telekomi


Ti je shtylla kryesore e korrupsionit në Shqipëri dhe këtë jo se e them unë, por këtë e dëshmojnë aferat e mëdha korruptive që kanë shpërthyer, në epiqendër të të cilave je ti dhe vetëm ti me klanet e tua mafioze në financa, telekom, dogana. Ti, me Raftin tënd në Telekom, vetëm me kompaninë "Hermes", Nano-Malaj-Ahmetaj keni përvetësuar 600 milionë lekë të reja nga Telekomi shqiptar, duke i shitur impulset firmës tuaj me një çmim që shkon nga 8 gjer në 14 herë më lirë se e konkurrentëve të tjerë. Ti, vetëm me kambizëm me Raftin tënd, që akuzove kundërshtarët e tu se e lanë papunë, ke vjedhur së paku në grup 4 milionë dollarë dhe këto janë vetëm maja e ajsbergut, sepse ti, me Raftin që të shoqëron në Vjenë, Uashington, Sharm El Sheik dhe kudo gjetkë, me marrëveshjet e interkonjeksionit në AMC dhe të tjera, i ke krijuar një humbje Telekomit shqiptar prej së paku 80 milionë Euro, të gjitha të ndara ndërmjet teje dhe kockave mafioze të Telekomit.

Ti je shtylla kryesore e korrupsionit, sepse ti ke shndërruar me njerëzit e tu më të afërt Telekomin, KESH-in dhe doganat shqiptare, në miniera private të tuat dhe klaneve kriminale mafioze që të rrethojnë.

Për të vjedhur, shpërdoruar së paku 10 milionë Euro në tenderin prej 52 milionë të importit të energjisë, me një çmim prej 45 cent, ndërkohë që në bursë shitet më 19-21 cent, ule planin e prodhimit të energjisë nga 5.6 miliardë në 3.1 miliardë kilovat/orë, derdhe çdo ditë duke hapur portat e hidrocentraleve së paku 300 mijë Euro energji në det.

Ti je shtylla kryesore e korrupsionit dhe këtë nuk e them unë, por e thotë Transparency International që provoi se në 12 muaj korrupsioni në Shqipëri bëhet 12 shkallë më i madh. Ti, për të sfiduar kërkesën e prerë të BE, SHBA për luftë kundër korrupsionit, vendose në krye të financave, adhamudhin e piramidave, riktheve në kabinet simbolet më të nxira të korrupsionit, Naçin dhe ministrin e Xhikes, për të cilët ti ngrite dhjetra akuza konkrete dhe rrëzove qeverinë "Meta", emërove në krye të doganave Papadhimon tënd dhe të gjithë sojin dhe krushqinë tënde në taksa tatime.

Një vit më parë, por edhe tani, theksoj se kushte kryesore për të luftuar korrupsionin janë:

Heqja kolektive e imunitetit për çdo krim të zakonshëm.

(Ti kundërshtove ligjin që solli opozita për këtë qëllim).

Largimi nga detyra i të gjithë zyrtarëve me konflikt interesi të tij apo familjarëve të tij.

Miratimi me urgjencë i ligjit për financimin e partive dhe ligjit të konfliktit të interesave.

Rikompozimi me të pavarur të bordit të konkurrencës, ndalimi i prokurimit të drejtpërdrejtë dhe përjashtimi nga procesi i prokurimit të familjarëve dhe krushqve tuaj, vendosja urgjente në kontroll doganor të të gjitha magazinave doganore të qeveritarëve dhe zyrtarëve, krijimi i Gjykatës së Llogarisë.

Unë jam i bindur se ju asgjë nuk pranoni dhe nuk zbatoni, sepse mbi çdo gjë keni interesin e pasurimit tuaj të paligjshëm.




Pasuria e Nanos, mbi drogën dhe trafiqet


Në raportin e BE-së theksohet se Shqipëria nuk mund të integrohet, pasi krimi i organizuar shqiptar është krimi më i rrezikshëm për BE dhe lufta kundër tij është inekzistente. Madje, në Raportin e Këshillit të Europës thuhet haptas se situata është përkeqësuar, kurse Komisioneri Paten, një javë më parë, do të deklaronte në Budenstagun Gjerman se krimi i organizuar shqiptar është i lemeritshëm. Po në Raportin e Bashkimit Europian thuhet, se Shqipëria është rruga kryesore dhe prodhues droge.

Le të ndalemi pak përse situata është përkeqësuar, përse krimi i organizuar shqiptar është bërë dhe krimi më i rrezikshëm, më i lemeritshëm në Europë?! Përse sot në Shqipëri krimi vendos kudo, vendos në rrugë, në kutinë e votimit, në sallat e gjyqit, në parlament në qeveri dhe në media?

Arsyeja e parë dhe themelore qëndron në lidhjet e tua të fuqishme me botën e krimit dhe të drogës. Le të lëmë mënjanë deklaratën dhe t'iu referohemi fakteve. Së pari, ti je vrasës. Je vrasës jo se ke ekzekutuar me dashje Petrit Islamin, por je vrasës, sepse, pasi i more shpirtin të ndjerit në xhaden e Shkallnuerit, tek guidoje vetë makinën, ti fshehe krimin tënd, kërcënove familjen e viktimës dhe u shndërrove në një vrasës të urryer. Kështu ju jeni i vetmi qeveritar në Europë që kudo që shkon, në çdo tryezë që ulesh, të ndjek hija e viktimës së të ndjerit. Jo vetëm kaq. Por unë iu deklaroj me përgjegjësi shqiptarëve, se sipas dosjeve që një ditë do të zbardhen, botimeve në shtypin e pavarur, në pasuritë e kompanive të tua qëndron krimi monstruoz, milionat e gjobave, ekzekutimet mafioze, vrasjet me pambuk në fyt dhe je i pashpresë.

Në Shqipëri dhe në Europë besojnë se pasuria jote ngrihet mbi drogën dhe trafikun e saj. Në dy vjet, katër herë policia shqiptare ka bllokuar drogë në autobusët e kompanisë tënde. Brenda dhe jashtë vendit, kjo kompani konsiderohet si transportues kryesor i drogës nga Afganistani në Europë. Eshtë e vërtetë që ngarkesat e drogës nuk u janë zënë në këto raste familjarëve të tu. Por është e vërtetë se çdo qeveritar në Europë, po të mos ishte i implikuar dhe të mos përfitonte vetë nga pluhuri i bardhë, do të shkëpuste çdo lidhje me kompani të tilla krimi, kurse ti në vend të kësaj krijove kompaninë e transportit ajror me helikopter, praktikë kjo e përdorur rëndom nga bosët kolumbianë të drogës.

Fatos Nano, ti je vetë krimi, sepse ti ke krijuar qeverinë me ministra, një pjesë e të cilëve janë të lidhur me mijëra fije me krimin, trafikun e drogës dhe prostitucionin dhe armët. Le të ndalemi në fakte dhe jo në deklarata.

Askush në Europë, në Perëndim, nuk pranon ministra me lidhje me krimin dhe trafiqet kriminale, kurse qeveria jote është klubi i drogës.

Ministri që kujdeset për Drejtësinë, ka vëllanë të arrestuar për drogë në Itali dhe me ndërhyrje është liruar. Ç'mendon ti, se Brukseli nuk i ka dosjet e tua? Ministri i Xhikes është me dosje më të madhe se kartodromi, Malajvitaj kërcënon Prokurorin e Përgjithshëm për të liruar nipin e tij, të arrestuar për ngarkesa të mëdha droge. Këtu në sallë ke deputetë me dosje ndërkombëtare për vrasje, të lidhura me drogën. Në krye të Ministrisë së Rendit ke emëruar njërin prej eksponentëve kryesorë politikë të "Hakmarrjes për Drejtësi", Igli Toskën, i cili ditën e arrestimit të Arapit në Belgjikë, do të mashtronte shtypin për të njoftuar mikun e tij, Orik Shyti, jo me celular, por në media, se është arrestuar Orik Shyti.

Një vit më parë, opozita propozoi, dhe ju votuat, që për të luftuar krimin e organizuar, riorganizimin e Ministrisë së Rendit, Prokurorisë, duhen larguar nga këto organe të gjithë individët e inkriminuar, moratorium 3-vjeçar për të gjitha skafet në ujërat tona, përveç peshkarexhave, krijimin e xhandarmërisë për shtypjen e krimit. Nga gjashtë propozime të miratuara, vetëm njëri u zbatua - gritja e Gjykatës për Krime të Rënda, ndërsa përsa i përket reformës së Ministrisë së Rendit, Toska, ky eksponent i botës së krimit, po rindërton Ministrinë e Rendit kryekëput në funksion të trafiqeve dhe aferave të tua të pista. Ai, me procedura staliniste, ka shkarkuar dhjetra zyrtarë dhe policë, disa prej të cilëve njerëz me vlera të çmuara njerëzore dhe profesionale.

Prandaj dhe dua të përfundoj duke garantuar shqiptaret, se Fatos Nano dhe integrimi janë të kundërt si dita dhe nata, si bryma dhe dielli, se janë të papajtueshëm dhe alternativa e vetme është të largojmë këtë të papërgjegjshëm nga qeveria, të zhvillojmë zgjedhje të lira dhe të ndershme, të angazhohemi të gjithë për të ndërtuar në Shqiperi shtetin ligjor, shkatërruar lidhjet e politikës me krimin, shtyllat e tij. Përndryshe çdo ditë, çdo javë, çdo muaj, do të largohemi nga BE, nga NATO. Ne, kurrë, nuk do ta pranojmë këtë. Ne do të largojmë ty dhe do të integrohemi në BE dhe NATO.


Diskutim i Kryetarit të PD në Parlament

-----

[Albo]

Zhvillohet seanca e mocionit për debat me kryeministrin Fatos Nano

Nano: Prishja me BE, faji i opozitës

Opozita hodhi akuza të ashpra ditën e djeshme mbi kryetarin e qeverisë në lidhje me ecurinë e reformave në kuadër të Marrëveshjes për Stabilizim-Asocimin. Deputetët e djathtë thanë se kjo qeveri nuk është e aftë që të bëjë integrimin e vendit ndaj dhe duhet të largohet. "Komisioneri Kris Paten, mik i vërtetë i kombit shqiptar, do të përcillte këtë raport që ne po diskutojmë me një mesazh për qytetarët shqiptarë, në të cilën thekson se raporti nuk ndryshon aspak nga ai i një viti apo dy viteve më parë. Por, po të kemi parasysh se raporti i një viti më parë dhe ai i dy viteve më parë, ishin raporte për vitet që nuk ishin hapur negociatat me Shqipërinë, kjo do të thotë se me Fatos Nanon nuk ka patur asnjë progres, në të kundërt, krahasuar me progresin e vendeve të tjera, distanca jonë me BE në raport me këto vende është rritur shumë më tepër se sa ishte ajo dy vite më parë," tha kryetari demokrat, Sali Berisha. "Atyre që mendojnë se po ju akuzoj për kundërshtar politik, dua t'ju rikujtoj se këta 13 vjet Shqipëria ka patur 7 kryetarë KQZ, por ti je i vetmi qeveritar këta 13 vjet që në vitin 2000 vendose Fotaqin, apo sozinë tënde në krye të KQZ, me të cilin ti për herë të parë përjashtove qindra mijëra qytetarë nga e drejta e votës. Ato zgjedhje morën fytyrën e Nanojve dhe u damkosën si larg standardeve europiane," vazhdoi Berisha.

Ndërsa kryetari i Partisë Socialiste, kryeministri Fatos Nano tha gjatë fjalës së tij se konstatimet e ndërkombëtarëve janë mjaft realiste. Ai tha se këto vlerësime nuk mund të jenë të shkëlqyera, pasi sipas tij është opozita ajo që përcjell imazhe negative në Europë për mazhorancën. "Natyrshëm nuk mund të presim që vlerësimet për Shqipërinë të jenë të shkëlqyera, sa kohë që opozita prodhon zhurmë në vend të politikës dhe hedh baltë me arrogancë mbi përpjekjet e mundimshme të popullit dhe të vendit të vet për t'iu afruar Europës, aq sa cilësohet kjo opozitë edhe si destruktive nga opinioni zyrtar ndërkombëtar," tha Nano. Duke iu referuar çeshtjes së zgjedhjeve, Nano tha se socialistët kanë bërë që në Shqipëri të kthehet besimi tek zgjedhjet e lira. "Maxhoranca progresiste e Shqipërisë ka bërë që gjatë këtyre viteve të vendoset besimi tek institucioni bazë i demokracisë: zgjedhjet e lira. Ne ndërtuam ligje dhe struktura elektorale që funksionojnë në bazë të Kushtetutës dhe kodeve organike," theksoi ai.

"Në një vlerësim të përgjithshëm, procesi i negociatave për nënshkrimin e marrëveshjes së Stabilizim Asocimit po ecën në drejtimin e duhur," deklaroi Nano. Ai ftoi kryetarin demokrat për të marrë pjesë në delegacionin shqiptar që do të marrë pjesë në samitin e NATO-s në Stamboll.

[krokodili_73]

Parlamenti zhytet në kaos

Tre orë debate pa rezultat. Garda shmang përleshjet mes deputetëve

A.Rama

TIRANE - Parlamenti shqiptar zhytet në kaos me seanca të dështuara që nuk arrijnë të shqyrtojnë asnjë nga çështjet kryesore të rendit të ditës. Plot 3 orë debate dhe tensione pa rezultat janë dashur dje në mbrëmje që Parlamenti të miratonte kalendarin dyjavor të punimeve. Opozita duke deklaruar strategjinë e saj që në byronë parlamentare, dje paradite, bllokoi miratimin e kalendarit, duke detyruar drejtuesen e punimeve Makbule Çeço të ndërpresë disa herë seancën. Por as mbledhja tjetër e byrosë nuk ndryshoi asgjë në qëndrimin e opozitës, që rikërkoi futjen në rendin e punimeve me qëllim miratimin ditën e enjte të projektligjit “Arbnori” “Për kompensimin financiar për ish -të përndjekurit politikë”. Në fakt kreu i PD-së, Sali Berisha tha se nuk do të zhvillohej seanca pa i dhënë zgjidhje problemit të të përndjekurve. Ndërkaq Çeço, tha se ishte e vendosur të vazhdonte seancën për miratimin e kalendarit, gjë të cilën e realizoi me votim të hapur me kartona. Por në kundërshtim me rregulloren, nuk u realizua votimi për prezencën, veprim që u kundërshtua nga të gjithë deputetët e opozitës. Sipas drejtueses Çeço, kalendari ishte miratuar me 73 votat e deputetëve të maxhorancës. Por ky rezultat u kundërshtua nga pakica parlamentare, sipas të cilës numri i deputetëve që votuan ishte më pak se 73 deputetë. Madje replikat e tyre me nënkryetaren e Kuvendit Çeço vazhduan edhe pasi kjo e fundit kishte marrë vendimin për të mbyllur seancën. Kryetari i opozitës tha se Çeço kishte vendosur t’i vinte flakën Parlamentit duke vazhduar drejtimin e seancave në mënyrë të papërgjegjshme dhe duke marrë vendime jolegjitime. “Në sallë ishin 63 KPD-arë dhe jo 73 siç e nxori rezultatin Makbulja. Por Makbule Robo, ka vendosur t’i vërë flakën Parlamentit. Ajo po tregon se është pjesë e klaneve kriminale ku bën pjesë. Parlamenti është i paralizuar totalisht. Këta zyrtarë përveç lidhjeve me krimin nuk kanë asnjë interes tjetër”, - tha Berisha. Ndërkaq para mbylljes së seancës, deputeti i PD-së Valentin Palaj ka shkëmbyer replika dhe sharje me socialistin Erjon Braçe. Vetëm ndërhyrja e punonjësve të Gardës ka shmangur konfrontimin e mëtejshëm mes tyre. E njëjta situatë përplasjeje, u krijua mes deputetit demokrat Pëllumb Berisha dhe deputetit të PS-së, Elmaz Sherifi, ku sërish ndërhyrja e rojeve të Parlamentit shmangu ndonjë përleshje të tyre. Gjatë gjithë kohës seanca u shoqërua me britma dhe përplasje tavolinash nga deputetët e opozitës, të cilët madje kanë qëndruar vetëm për pak momente ulur në vendet përkatëse, duke u grumbulluar në këndin e podiumit të sallës dhe aty ku qëndron stafi teknik i Kuvendit. Kreu i grupit parlamentar të PS-së, pranoi se ishte shkelur rregullorja, por sipas tij disa nga nenet e saj ishin shkelur nga të gjitha palët, jo vetëm nga maxhoranca.

Berisha: Ju që merreni me integrimin, jeni bërë gazi i dheut. Denoncuesi kryesor i Nanos në zyrat e Brukselit nuk është Berisha, siç do të doja të ishte, por kamikazi Kastriot Islami. Ai ka pohuar në Bruksel se nuk i ka emëruar ai 6 drejtorët e doganave, por ka zbatuar urdhrin e Nanos. Edhe Meksi është një tjetër kamikaze, ajo dërgoi letrën e gabuar në KE. Këto janë rezultatet e një ekipi meskin

Meksi: Integrimi është çështje kombëtare, nuk është personale. Për realizimin e tij duhet emancipimi i liderëve politikë. Por ju me opozitën që drejtoni z. Berisha po na e bëni shumë të vështirë këtë proces. Kamikazët janë fenomen i primitivitetit dhe shfaqen tek ata që kanë mungesë kulture

Paloka: Nuk presim që ju të silleni ndryshe, përderisa keni një kryetar që e quan opozitën terroriste dhe që tolerancën e ka zero për ne. Keni marrë direktivat që të veproni kështu. Por ne nuk do të lejojmë që ju të na trajtoni si qënie pa vlerë

Minarolli: Kryeministri Nano, ministri i Rendit Igli Toska dhe ministri i Drejtësisë Fatmir Xhafa duhet të kishin ardhur për të kërkuar falje për atë që ka ndodhur në Laç.

Gjana: Ju jeni bllokuesit realë

Rroqi: Mos u bëni e papërgjegjshme znj. Çeço

Çeço: Rrituni edhe ca z. Rroqi

Dajçi: Ne kemi të drejtë, të 140 deputetët të drejtojmë seancën si edhe ju, prandaj mos rrini kot këtu në sallë

Malaj: E mori pushtetin, u bë kryetar i Kuvendit

Valentin Palaj- Erion Braçes: T’i shkul mustaqet një nga një

Pëllumb Berisha - Elmaz Sherifit: Kujt i bërtet t’i more legen
Çeço: Z. Bruka rritu edhe ca se të ka lënë perëndia një pëllëmbë

Mediu: Nano nuk mund t’i imponohet Parlamentit siç vepron me KPD-në, me atë fjalim që mbajti sot.

Arbnori: Kam paralajmëruar për kushtet e këqija në komisariatin e Laçit.

[krokodili_73]

Ja dhe pergjigjja e civilizuar.



PDR debat me Nanon për varfërinë


N.Perndoj

TIRANE- Reformatorët do të thërrasin në një mocion me debat kryeministrin Fatos Nano, për standardet e ulëta të ekonomisë në vend. Grupi parlamentar i PDR-së depozitoi dje kërkesën pranë kryesisë së Kuvendit dhe vetëm në datën 31 maj kjo iniciativë do të marrë formë në Kuvend. “Vendi ndodhet në varfëri ekonomike, të ardhurat për frymë janë 1.5 dollarë në ditë, ka mbi 100 mijë familje që ndihmohen nga shteti, pensionet e rrogat nuk mbulojnë dot jetesën për shtresa të gjera të popullsisë. Ngrihen çmimet e energjisë, tarifave telefonike (kur Europa i ka më pak se gjysma e çmimeve tona), të bukës dhe këto paraqiten si reforma, kur reformat në ekonomi nuk nënkuptojnë vetëm liberalizimin e çmimeve, por dhe rishikim të metodologjisë së deritanishme, të legjislacionit në fushën e zhvillimit ekonomik, në rishikimin e strukturës së administratës së shtetit e në veçanti të asaj tatimore e doganore”,-thuhet në relacionin që shoqëron kërkesën për mocion. Reformatorët shtojnë në dokumentin e tyre se ka një papunësi të theksuar dhe mbi 20% e familjeve janë akoma me lista nëpër dyqane. “Sistemi i taksave është shumë mbytës për biznesin shqiptar. Nuk i lejohet biznesit që të krijojë më parë të ardhura, siç ndodh në vendet e tjera, nuk tolerohet dhe nuk ndihmohet biznesi që të rritet dhe të bëhet i aftë të paguajë taksat e tatimet e nevojshme. Ka shumë informalitet në ekonominë e vendit, bëhet një konkurrencë e pandershme dhe jo e lirë, akoma ruhen monopolet. Sistemi i TVSH-së, është anakronik dhe i padiferencuar sipas kategorizimit të mallrave”, -thuhet në dokumentin e përgatitur.
Projektrezoluta
Mocioni për debat ndaj kryeministrit Nano do të shoqërohet edhe me një projektrezolutë, në të cilën citohen disa kërkesa ndaj qeverisë nga ana e Kuvendit. “Kuvendi i kërkon të gjitha forcave politike parlamentare të angazhohen direkt me kontributet e tyre në realizimin e paktit të madh kombëtar për zhvillimin e përshpejtuar ekonomik të vendit, fton të gjitha forcat politike parlamentare të kontribuojnë realisht në krijimin sa më parë të Komitetit të Përhershëm Mbikëqyrës, që së bashku me qeverinë dhe një grup ekonomistësh të Universitetit, do të përgatisë këtë pakt. I kërkon qeverisë të marrë nismat e përshtatshme ligjore që të përmirësojë dhe të ristrukturojë sa më parë sistemin fiskal, tatim në dalje, (për një shtrirje më të gjerë të tatimpaguesve) dhe të TVSH-së në Shqipëri, duke e zbritur atë në masën 5 % për nevojat më të domosdoshme të popullsisë dhe në masën deri 12 % për aktivitetet e tjera, duke u afruar dhe me parametrat e Bashkimit Europian. Brenda tre –katër vitesh, të ardhurat për frymë të shkojnë 6-9 dollarë në ditë dhe të mos këtë pensione me të vogla se 25.000 lekë si dhe rroga jo më të vogla se 60.000 lekë”, -thuhet në projektrezolutë.
Sipas projektrezolutës, Kuvendi:
-Fton të gjitha forcat politike parlamentare të kontribuojnë realisht në krijimin sa më parë të Komitetit të Përhershëm Mbikëqyrës, që së bashku me qeverinë dhe një grup ekonomistësh të Universitetit, do të përgatisë këtë pakt
-I kërkon qeverisë dhe këtij Komiteti të Përhershëm Mbikëqyrës të krijojnë një Autoritet të vërtetë të zhvillimit të investimeve të Shqipërisë, që do të përgatisë nxitësit dhe hapësirën e përshtatshme për investime vendase e të huaja, që brenda dy a tre vitesh Shqipëria të arrijë të investojë 2 miliardë dollarë në vit;
-I kërkon qeverisë që përmes Paktit Kombëtar të Zhvillimit të Përshpejtuar Ekonomik, që brenda një periudhe të shkurtër, rritja ekonomike reale të arrijë në 10-12%;
-Nixt qeverinë të rishikojë angazhimin e bankave që veprojnë në territorin e vendit për financime të përshpejtuara të biznesit dhe të ekonomisë
-Inkurajon qeverinë të fillojë sa më parë politika legjislative dhe organizative liberalizuese ekonomike për të nxitur sa më shumë investimet e huaja në vend, që do të ndikonin direkt në zvogëlimin e varfërisë dhe të papunësisë në vend, bazuar në nevojat e realizimit të Paktit Kombëtar për Zhvillimin e Përshpejtuar Ekonomik, që do ta çonin buxhetin e shtetit për 4-5 vjet në 5-6 miliardë dollarë;
-I kërkon qeverisë të marrë nismat e përshtatshme ligjore që të përmirësojë dhe të ristrukturojë sa më parë sistemin fiskal, tatim në dalje, (për një shtrirje më të gjerë të tatimpaguesve) dhe të TVSH-së në Shqipëri, duke e zbritur atë në masën 5 % për nevojat më të domosdoshme të popullsisë dhe në masën deri 12 % për aktivitetet e tjera, duke u afruar dhe me parametrat e Bashkimit Europian;
-Nxit qeverinë që në bashkëpunim me ekspertët më të mirë të vendit, grupin e pedagogëve të Fakultetit të Ekonomisë e të Fakulteteve Inxhinierike të Universitetit, të huaj dhe të monitoruar nga Komiteti Mbikëqyrës i të gjitha partive politike parlamentare, brenda tre muajve të paraqesë në Parlament një paketë të projekteve që do të përbëjnë bazën e Paktit Kombëtar të Zhvillimit të Përshpejtuar Ekonomik dhe që do të realizohen në Shqipëri. Brenda tre –katër vitesh, të ardhurat për frymë të shkojnë 6-9 dollarë në ditë dhe të mos këtë pensione më të vogla se 25.000 lekë si dhe rroga jo më të vogla se 60.000 lekë

[Qafir Arnaut]

Ilir Meta e tha troc.[www.ilirmeta.com] Klikes te sotme ne PS nuk i intereson hyrja ne BE (te pakten sa jane gjalle...prandaj vendosen deadline 2020)

Une parashikoj nje probabilitet te larte te riperseritjes te 1997 kete vit ose vitin tjeter [kuptohet edhe me ndihmesen e agjenturave te fqinjeve tane te dashur]