Bashkimi kombëtar apo marëdhëniet me publikun

[Agim Doçi]

BASHKIMI KOMBËTAR AP0 PUBLIC RELATION…


Fatkeqësia e popujve të Ballkanit e ka burimin tek falsifikimi sistematik i historisë. Kemi dëgjuar dhe lexuar, bile dhe kemi gjetur harta ku shkruhet “Serbia e Madhe”, “Greqia e Madhe”, etj. etj.
Shqiptarët megjithse akuzohen se duan të riformojnë “Shqipërinë e Madhe”, janë të vetmit ballkanas që u janë coptuar teritoret sistematikisht. Bëjnë replika gjithandej ata që mbahen si mënçurija e kombit, bile sherri midis atyre është shumë herë më i fuqishëm sesa përpjekia për të gjetur zgjidhje idea e bashkimit kombëtar.
Shanset do ishin të mëdha për bashkimin kombëtar, sepse të gjithe e dinë mjaft mirë që në Shqipëri nuk ka as nacionalizëm dhe as shovinizëm, që mund të dëmtojë bashkimin. Rrugët racionale ishin vite më parë por ato na humbën në oborr(!).
Kosova hë për hë nga krahinë relativisht e hapur gjatë sundimit beogradas, sot “qeveriset” nga ndërkombëtarët, ndërsa Shqipëria nga vend i një diktature të pashembullt, staliniane ka kaluar në një vend të një katrahure të shembullt. Pra mund të urdhërojnë nga e gjithe Europa dhe të marrin shembull në Tiranë sesi zihen politikanët, sesi vidhet thesari, sesi vritet deputeti, sesi bëhesh miliarder me pare të “pastra”, sesi vidhet vota, bile dhe sesi tabelat e rrugëve shkruhen me cirilika greke(!)
Në këto kushte kurr nuk e merr vesht „qeni të zotin”, kur lëvizja “Mjaft” shpërthiqet si tullumbace, kur parlamenti shqiptar kërcënohet nga Athina se po e votuat Rezolutën për çështjen çame do të thotë “luftë”, kur Berisha e Nano vazhdojnë të luajnë serialin politik “Tomi e Xherri” etj.etj. bashkimi kombëtar ka kaluar përtej horizontit…
Le të marrim një shembull praktik, apo më saktë krahasues. Që të bëhet “bashkimi familjar” i bashkësisë gjinore duhet që të gjithe anëtarët e familjes shqiptare të kenë dëshirën e të bashkuarit së pari. Pastaj të bashkojnë: gjuhën e përbashkët(!), pronat(!), traditat dhe virtytet e bashkimit dhe të integrimit familjar, arsimin(!), ekonominë(!), politikën, artin e kulturën etj etj. Ja pra që nuk është e lehtë të bëhet ky “bashkim familjar” kur nuk ka as strategji dhe as taktikë për këtë rast të pashembullt të një populli që është nga më të lashtit e kontinentit europian. Pa folur për dëshirën popullore pastaj. Sepse si komb na cilësojnë – popull multietnik. Në të dy parlamentet si në Tiranë ashtu edhe në Prishtinë pakicat “kombëtare” kanë imunitet.
Ka nga ata që bashkimin e duan se s’bën! Bile janë gati të shkaktojnë edhe katastrofa kombëtare, duke bërtitur “ja të bashkohemi, ja të shuhemi!”. Nuk kemi pse të vemë maska. Bashkimin kombëtar, shqiptarët e Kosovës dhe ata të Shqipërisë nuk e shohin njëlloj. Ku qëndron ndryshimi? Patjetër tek kërkesa thelbësore e integrimit dhe bashkimit, që kërkon sëpari t’i përgjigjemi pyetjes a jemi të barabartë? Faktikisht nuk jemi. Nuk jemi sepse shqiptarët e Shqipërisë, mbas 50 vitesh të humbjeve të mëdha, përveç humbjes së pronës, të lirisë, të qënurit të izoluar dhe të persekutuar, humbën përvojën e të jetuarit në kushtet e ekonomisë së tregut. Detyrë që më së mirë mund ta kryenin mjaft mirë biznesmenët e shquar shqiptarë të Kosovës që kishin përvojë shumëvjeçare në perëndim. Pra rrugën drejt perëndimit dhe Europës mund ta përshkonim vetëm të bashkuar si komb. Kjo nuk ngjau. Përse? Sepse fillimisht ra entuziazmi i kësaj ideje dhe sot mungon fare ky entuziazëm. Në fillimet e viteve ’90-të shqiptarët e pasur të Kosovës që kishin kapital për të investuar në Shqipëri erdhën me fodullëkun dhe arrogancën e “kushëririt të pasur” me edukatë europiane tek “kushëriri i varfër” në katund. Shteti i priti ftohtë dhe me dyshim. Ligjet që mbronin investimet mungonin, irritimi absurd i shumëkujt në Shqipëri “pse këta të kenë e ne të mos kemi”, hapën hendek që dëmtoj rëndë idenë. Fillimisht përgjegjësit kryesorë të ndarjes dhe coptimit të kombit mbas luftës së Dytë Botnore, ata që për hirë të internacionalizmit e lanë Kosovën jashtë teritorit kombëtar e shtetëror, na morrën flamurin e bashkimit duke ngritur edhe një komision që udhëzohej nga ishsekretari i parë i KQPPSH-së Ramiz Alia. Nuk u eci. Nuk ishin të besueshëm.
Idealistët ende sot e kësaj dite nuk e pranojnë pamundësinë e bashkimit, ndërsa realistët nuk nguten. Vetëm demagogët dhe politikanët ekstremë e nxisin bashkimin duke mos bërë asnjë hesap, me përjashtim të përfitimeve të tyre elektorale.
Po të vrehet me kujdes politika perëndimore, sidomos europa dhe mënyra sesi komporton ajo, habitesh. Bëjnë bashkimin europian, pra krijojnë një “familje europiane” ku jo vetëm kombet nuk kanë asnjë lidhje midis tyre, por as gjuha, as traditat, as doket, as vetë origjina e 15 vendeve europiane që shkon nga njëri qosh në tjetrin të kontinentit plak dhe çuditërisht bashkimin kombëtar shqiptar e shohin si rrezikun e destabilizimit të ballkanit dhe bile edhe të Europës(!) Në rast se kjo zotërinjëve auropianë nuk u shkon për shtat, lind pyetja normale: - Si do e zgjidhni problemin e 2 milion e gjysëm shqipëtarëve në Kosovë? Mos keni ndonji projekt – etnik ta bashkoni me Burundin, por assesi, kurrën e kurrës me Shqipërinë, apo daljen e saj si shtet më vehte!?
Shqiptarët nuk e njohin fushën e “public relation” që është fusha ku sllavët në përgjithësi, serbët në veçanti dhe komunistat posaçërisht janë mjeshtra. Opinioni publik europian fryhet e pompohet çdo ditë, pa u lodhur, ngulshëm nga të sipërpermendurit, që Kosova është sërbe(!) Agjensitë më prestigjioze të lajmeve endé i referohen gjeografisë së kaluar të pushtimit sllav duke nisur lajmet nga Prishtina me fjalinë “Turbullira përsëri në krahinën sërbe të Kosovës…”. Shikoni Euronews me qendër në Moskë, apo Franss Press, deri edhe Zvicra neutrale(!)… Pra të nderuar lexues, kur na konsiderojnë endé krahinë sërbe, si thoni? A mundet që çështjen kombëtare të na e zgjidhin ndërkombëtarët!? Kështu që mjeshtrat e të quajturit „public relation“ do na e lënë fajin tek dera ne shqiptarëve. E pastaj çfarë fituam nga e gjitha kjo? Ndaj serbët me anë të public relation po gënjejnë gjithandej në Këshillin e Sigurimit në Këshillin Europian, ndërsa ne shqiptarët nuk kemi nevojë të gënjejmë sepse rezikun e kemi real. Ky rrezik troket në Kosovë me teorinë e kantonalizimit, troket në Shqipëri me praktikën e helenizimit dhe infekton një komb me ndjenjën e dëshpërimit. Si do na shkoj halli!?…

Agim Doçi

[Albo]

Pershendetje Agim. Deri ne nje pike me mendimet qe ke hedhur me siper jam me ty kur shkruan se manipulimi i historise eshte shkaku i katraudhes Ballkanike por nuk jam dakord se mbajtja e maredhenieve me publikun ne nje shkalle te larte do tu sherbeje interesave tona kombetare.

Maredheniet me publikun ne te shumten e rasteve jane propagande e verber, qe do te thote qe e fut vetveten perseri ne qarkun vicioz te manipulimit te historise. Deri ne 1999, qeveria e Beogradit propogandonte Kosoven si "Djepin e nacionalizmit Serb", duke ushqyer keshtu nje urrejtje ndaj shqiptareve autoktone qe jane shumice e padiskutueshme ne Kosove. Para 2 javesh Kosova ra pre e dhunes dhe propagandes se nje grupi te caktuar qe predikon lufte, urrejtje ndaj serbeve dhe qe besojne se konflikti nuk duhet te zgjidhet me nje proces politik, por me nje lufte te hapur ndaj pakicave serbe ne Kosove. Dhe menjehere ne media te paret qe u prononcuan ishin Demacet, Qoset e kompani qe ne vend te denonin dhunen nderetnike ne Kosove u munduan ta justifikojne ate. Cfare bene keto incidente ne maredheniet publike? Bene qe per here te pare ne 5 vjet, mediat boterore te citonin serrisht 'spastrimin etnik' ne Kosove por kesaj here viktimat ishin serbet dhe shkaktaret dolen shqiptaret.

Shqiptaret nuk kane nevoje per propagande pasi eshte ajo propagande apo ai imazh i imponuar mbi ta qe i ka lene ne kete gjendje per plot 1 shekull. Shqiptaret kane nevoje per ndergjegjesim kombetar dhe per emancipim demokratik. Ndergjegjesimi kombetar do te thote qe cdo shqiptar te jete i ndergjegjshem qe zjarrevenia e Kosoves nuk i sherben interesave tona kombetar, por u sherben interesave te atyre qe u intereson te minojne autoritetin e institucioneve legjitime shqiptare ne Kosove dhe te shkaterrojne imazhin e nje Kosove ne paqe, per ti lene vend imazhit te "Kosoves, Palestines Evropiane". Eshte i vetmi skenar mbi te cilin serbet dhe te gjitha qarqet anti-shqiptare mund te minonin te ardhmen e Kosoves dhe kombit shqiptar dhe djegia e kishave ne Kosove eshte pjese e ketij skenari.

Shqiptaret kane nevoje edhe per emancipim demokratik, qe do te thote te kuptojne se nuk jetojne ne hene por jetojne ne zemer te Evropes. Shqiptaret kane nevoje te emancipohen me normat, principet dhe vlerat humane te nje shoqeri demokratike. E ardhmja e Kosoves dhe mbare Shqiperise eshte nje shoqeri e hapur dhe demokratike dhe kushdo qe mendon apo punon ndryshe eshte ne perplasje me interesat tona kombetare. Emancipimin e shoqerise shqiptare e pengojne segmente te caktuara te shoqerise qe jane produkte te se shkuares komuniste si ne Shqiperi edhe ne Kosove. Keta njerez duhen denoncuar, izoluar dhe u duhet mbyllur goja, pasi keta jane simboli i te keqes ne rradhet e shqiptareve. Ata shqiptare qe i mbeshtesin kete grup te vogel revolucionaresh pa pushtet, jane kryesisht njerez te pashkolluar qe i eksiton lufta, zjarri qe nuk shuhet kurre. Keta jane pengmarresit e paqes dhe te ardhmes ne trojet shqiptare.

Shqiptaret mbi te gjitha kane nevoje per eliten e vete kombetare qe te thote fjalen e saj pasi nese elita hesht, anarkistet do te flasin. Debati kombetar ne rradhet e shqiptareve duhet te ngrihet pikerisht mbi ato 2 fusha: ndergjegjesimi i cdo shqiptari mbi interesat tona kombetare dhe prioritetet e ceshtjes sone kombetare; emancipimi dhe arsimimi i brezave te rinj me vlerat dhe principet demokratike. Keto te dyja une i shoh si investimet me te medha te mundshme per nje te ardhme me te mire per shqiptaret si komb.

Propagande bejne vetem ata popuj te cilet i tremben se vertetes dhe shqiptaret si populli me i vjeter ne Ballkan e Evrope, nuk i tremben aspak te vertetes. Por perpara se ta proklamosh te verteten perpara gjithe botes, shqiptaret duhet te mesojne historine e tyre, histori qe u eshte manipuluar per plot 600 vjet.

Dyert e shpirtit te shqiptarit i hap vetem e verteta.

[Agim Doçi]

I Dashur Dhe I Nderuar Albo
Nuk Heq AsnjË Presje Nga TË Gjitha QË Shkruan
TË Faleminderit
Agimi

[Lekë Rezniqi]

Shumë të respektuar z. Agim dhe Albo,

pajtohem me ju në këto shkrime tuaja në lidhje me kombin dhe sfidat që i kemi dhe do të na paraqiten (apo edhe ato që do të shpiken nga ndërkombëtarët).

Tragjedia jonë më e madhe kombëtare, së cilës nuk po mundem t'i gjej dot shkaktarin është se si është e mundur që ne Pellazgët, Ilirët, Shqiptarët autoktonë në Ballakan nuk e kemi një shtet të fuqishëm. Për mua absurde!!!
Dhe aq të pafuqishëm për t'u mbrojtur.
Qysh nga Romakët, sllavët, osmanët e prapë sllavët. Grekët morrën "kajmakun" e kulturës sonë duke shtrmbëruar historinë me helenë, duke i sllavizuar objektet dhe kulturën tonë mesdhetare, serbët ende me dokrrat e tyre për rrezikun e përhershëm nga ekstremizmi i shqiptarëve për "Shqipërinë e Madhe", maqedonët flamurin e Aleksandrit të Maqedonisë e kanë "shpallur" flamur shtetëror e nuk kanë asnjë lidhje me historinë e tij sepse ai ishte Shqiptar.

E ne Shqiptarët?
Jemi autpktonë këtu dhe pothuaj që 3000 vite nuk ishim në gjndje të mbronim trojet tona, sepse jemi një komb shumë i çuditshëm. Apo, si thotë populli "Jemi e keqja e vetvetes".

Trazirat e fundit nuk ishin nga kurrgjë. Disa thoshin (për mendimin tim deri siku kishin të drejtë) se ishin rezultat i nervozizmit të krijuar nga "status qou-ja", apo ngase Kosova është ajër. Flitet për institucione shtetërore e shteti nuk shihet, ta lemë këtë janë pjesë e propagandës reciproke kundërrthënëse shqiptaro-serbe, e cila nuk do të mbarojë kurrë.

Trazirat me të vertetë ishin nervozizëm i mbledhur këto 5 vite duke mos guxuar të mendojmë për ardhmëri të sigurtë, POR (një por e madhe kësaj here) nuk duhej të kishte këtë intenzitet dhune. Mllefi ndaj UNMIK-ut apo kujtdoqoftë do të kishte mundur të shprehej me protesta paqësore (duke marrë shembull nga protestat maratonike "NANO-IK"). Do të mund të ishte me dalje në sheshet e qyteteve të qytetarëve dhe të protestohet, ashtu siç protestohet. Ishte provokim nga serbët, por edhe shfrytëzim i "qarqeve shqiptare anti-shqiptare". (Për fat të keq).

E kush e ka fajin, nga i tërë ky kaos Mbarë-Shqiptar?

Pse rrëzohet rezoluta për çamët? A kaq pa sovranitet qenka Kuvendi i një shteti të pavarur ndaj kombasve të tij? P. sh. Rezolutë e njëjtë do të mund të shpallej për mbrojtjen e Shqiptarëve edhe në cilindo shtet tjetër të botës. E më së shumti për çamët që kërkojnë vetëm që shteti (gjysëmterritorial) të shpallë zyrtarisht se inetersohet për ta dhe nuk do të qëndrojë indiferent ndaj të drejtave të tyre.
Nuk bën të flitet për çamët duke marrë shembuj nga më banalët. Ata nuk janë emigrantë. Ata janë rast specifik për të cilin duhet shqyrtuar mirë nga ndërkombëtarët.

Thjeshtë thënë jemi rast specifik në botë për nga problemet politike. Komb autokton, i copëtuar në 6 shtete jo me vullnet të tij dhe pa koncept mbarëkombëtar të zhvillimeve të mëtejshme politike.
Nganjëherë më duket se jemi vetëm vegla përballë politikave Pro-perëndimore dhe pro-sllave, për arritjen e qëlliemev të tyre strategjike botërore.

Fundja, pse të na ndihmojnë? A kaq shumë na donë si komb?

Jo. Jemi në pozitën ndër më strategjike të botës. Jemi lidhja e Lindjes me Perëndimin dhe Jugut me Veriun.

Dhe gjithmonë duke shfrytëzuar gabimet dhe naivitetin tonë do t'ia dalin, siç ia kanë dalur deri më tani.

Kthehem edhe njëherë tek fillimi. Si është e mundur që kemi qenë dhe jemi aq të pafuqishëm për t'u mbrojtur nga shpifjet e "qarqeve antishqiptare"?

Serbët një fjalë e thonë për të shtrembëruar historinë e trojeve tona dhe ne vetëm reagojmë "ata shpifin", "janë shpifje", "problem i tyre", "propagandë e tyre", etj.

Edhe ne duhet të fillojmë të propagandojmë e jo të qëndrojmë duke pritur vetëm që koha të bëjë të veten, koha do ta bëjë të veten, por a nuk duhet që edhe ne t'i ndihmojmë kohës?
Mendoj që të ecim përpara si komb apo në përgjithësi ne Shqiptarët duhet të fillojmë me propagandën tonë, për të treguar të vërtetën tonë e të kësaj ane, që t'i themi botës "STOP PADREJTËSIVE" ndaj nesh. E të mos i lëmë të tjerët të na hipin mbi kokë.
Sepse nga heshtjet tona sllavët fitonin me propaganda të tyre në "qarqet ndërkombëtare" kryesore dhe heshtnin çështjen shqiptare, deri sa pas rreth 100 vitesh koha filloi të bëjë të veten dhe durimi i shqiptarëve mbaroi.

Mirë. Deri këtu fajin e patën sllavët, mendoj fajin për trojet jashtë Shqipërisë.
Po kush e kish fajin tek Shqipëria dhe diktatura 50-vjeçare? Rusia, por me të Shqipëria i ftohi marrëdhëniet që moti (që moti nga vitet '90), Kina, edhe Kina u "përzë" nga toka shqiptare. Dhe Shqipëria "proletariane", Shqipëria "pioniere e merksizëm-leninizmit", u izolua në vete. A është ky një atdhetarizëm? Thjeshtë thënë shtet i cili qytetarët e tij i egërson deri në atë masë sa që pas rrëzimit të diktaturës asnjë Shqiptar (nga Shqipëria zyrtare) nuk donte vëllezërit nga jashtë, të po të njëjtit komb, që deri para diktaturës ishim bashkë.

Prandaj, për tërë këtë "qorr-sokak" të ne Shqptarëve nuk na ka faj askush, por ne vet. Ne jemi ata, që qysh moti krijonim, mbretëri, sanxhaqe, principata e pashallëqe ndarazi, duke mos mundur të bashkohemi pothuaj kurrë. Tani edhe këtu mund të na dalin spiunë të shërbiemeve skerete të mbretërive e perandorive të huaja!!!

Thjeshtë thënë: Duhet të mendojmë mirë dhe patjetër se duhet të mendojmë ndryshe nga deri më tani sepse historia nuk na tregon që kemi patur shumë vlera për t'u mburrur në lidhje me çshtjen kombëtare, gjithmonë kishte përçarje!!!
Dhe kohët kanë ndryshuar.

Leka nga Prishtina

[LLemadeo]

Zr. Agim Doci ju pershendes!

Ju njoh, dhe besoj se me njeh dhe mua...
Neper vitet tona dikur ne ate murrlanin e eger andej... kur na fluturonin mbi koke tjegulla e shishe qumshti ne radhet e gjata te pas mesnatave tona, kemi kaluar ndonje ore duke pritur bashke per nje liter qumshti...
Ju deshiroj shendet dhe gezime ne pune e ne cdo hap te jetes tuaj!

Pershendes dhe ju dy kuvenduesit e tjere, qe nuk ju njoh, pasi dhe jam i ri ketu tek forumi shqiptar...

Me pelqyen shume bisedat dhe mendimet e juja dhe me bete dhe mua qe ti them pak fjale:

Po e nis me dy fjale pyetse te lena ne fundet e kuvendimeve te juaja me siper:

...Se si do te veje halli i jone si shqipetare?
dhe
Se kemi 600 vjet qe na e fallsifikojne Historine.

Eshte vertet e dhimbshme kur mendon se c'eshte bere ne lidhje me ato fallsifikime te historise tone Ilire-Shqipetare ne gjithe ato shekuj...
Por, vajtuar kane mjaft gjyshat e stergjyshat tane neper shekuj deri edhe vajtoret neper vaje e kane qare tragjedine e madhe kombetare Shqipetare...

Sa per kuriozitet po ju kujtoj nje fragment vaji te nje gruaje malsore ne Grude te Malsise, sot Mali i zi, ne nje gjame kur vajton te bijen e vrare nga i shoqi(dhendrri), vaji i botuar ne Visaret e Kombit 1935:
.........................................
Kur te shkosh ne ate boten tjeter
ke me ndeshe do burra te vjeter
shoke e vllazen e kushri
mi merr n'gryk o nji ka nji,
Mu difto si e cojme na jeten,
Shnosh e mire tuj deshirue deken!
............................
...Thueju burrave te malcise
si shkoj fati i shqiptarise
Mbaroj Gruda me gjith Hot,
Kjoshim ra nore tenzot!
Kemi mbet si mall pa zot,
Kemi mbete mos Zot ma keq,
Sikur tkishim mbrende ndoj dreq,
...Skemi burra me u permende,
Baj vec t'ramet e ndryju mrende,
.....................................

Pra nje aspekt vaji i dhimbshem i marre sipas origjinalit te atij vajtimi ne vitin 1914, ku ajo nane shqipetare duke vajtue te bijen, femijen e vetem qe kish pase, te cilen ia vrau dhendrri per shkaqe injorance...ajo neper dhembjen e vet merr dhembjen e madhe ne goje, ate te vdekjes pjese pjese te kombit Shqiptare...ku nder te tjera thote:
Mbaroj Gruda me gjith Hot...etj...

Tani shohim mjaft fakte e argumenta qe sidhen, diskutohen, shkruhen lexohen dhe mbahen qendrime ku seicili perpiqet te thoje dicka, mendimin e vet...dhe ajo eshte e drejte e seicilit dhe mjaft e nevojshme...

Mirpo ne pergjithsi te gjithe, duke perjashtuar ndonje rast te rradhe, flasin me shume per viktima, biles deri edhe me dhembje edhe per viktimat e armikut, e ajo eshte dhe nje ndjenje humane qe eshte per tu lavderuar, por kur shkapercen permbi dhembjen qe duhet te ndjeme per vehtet tona, eshte e tepruar deri ne nje servilizem te skrupullt ndaj politikave antishqiptare...

Flasin pra per ngjarje, pershkrime, viktima, djegje e pjekje deri ne akuza ndaj njeres pale Shqipetare dhe ne lavderim te nje pale tjeter po Shqipetare... duke e harruar armikun barbar, i cili ka, deri edhe oborret e Kishave te veta me vorreza masive Shqipetaresh...pa llogaritur disa prej atyre Kishave qe u dogjen me thase te mbushura me eshtra shqiptaresh, te mbytur neper ato Kisha ndoshta dhe nga ata prifterinje Serbe...

Pleqete Kosovare i trguan ato fakte ku pane ne Kishen e Fushe-Kosoves, ne brendesite e Kishes, thase me eshtra njerzish...para se ato ti digjnin ata te cmendur qe ua vune zjarrin...qofshin ata vete priftrinjte Serbe, apo te paguarit e Drashkovicve, apo qofshin dhe ata shqiptare te pa arsyeshem, te pa kulture, te pa emamcipuar... qe ka dhe nder ne, sic ka ne cdo popull dhe komb tjeter...

Ose dhe ne pacin qene te aferm te viktimave te luftes, qe te merzitur tej mase, te vrare ne shpirt per njerzit e mbytur e te zhdukur, neper gjaknxehtesine qe do dekada te ftohet...mundet edhe te kene djegur Kisha apo hedhur gure e protestaur me menyrat me te egra qe pati ajo revolte masive...

Pra duhet te merren te gjitha ne konsiderate, per deri sa sot nuk ka fakte te gjalla se a i dogjen shqipetaret, apo i dogjen Serbet...Ashtu sic nuk ka fakte se kush i organizoj ato...Beogradi, Prishtina, Moska apo "Tirana" qe ska as uje me la faqet...

Por po kthehem tek nje pike tjeter e rendesishme per te cilen pak ose aspak flitet.
E kam fjaelen per SHKAQET!

KUSH JANE PRA SHKAQET, QE KEMI ARDHUR TEK KJO GJENDJE, SIDOMOS TASH 600 VJET ?

Dhe kjo pike ka lidhje direkte tek qendrimet e shqiptarve ndaj njeri tjeterit per ngjarjet dhe per situatat tona ne tersi, qofte dhe ne keto 600 vjet te fallsifikimeve te historise...ku duhen faqe te tera per te shkruar, qofte dhe ne aktualitetin ku jemi sot... por shkurtimisht theksoj:

Fatkeqsia e jone ka nje fillim, qe ate dite kur Shqiptari shitin shpirtin e vet per para dhe per grada! Ka nje fillim me nje Hamza Kastriota, ngjarje prej se ciles jo vetem nuk u nxuarr mesim, por u muar si model perfitimi prej shume shqiptarve...

E qe ne ato dite, qe tash kane kaluar shekuj, ne mesin e shqipetarve u krijuan shume pale te kunderta ne lufte me njera tjeteren, njera duke i quajtur pushtimet e armiqve, qofte turq, apo sllav e greke etj... si modele "qytetrimi"...e tjetra duke luftuar me mish e me shpirt per mbrojtjen e trojeve dhe te kombit shqiptar, kunder atyre pushtimeve.

Pala servile dhe sherbtore ndaj armikut jetonte paq, ne lluks, duke marre shperblime per cdo tradhti, per cdo shkyerje copash e grimash Shqipetare...

Ndersa pala e vorfen, njerzit e thjeshte luftonin per te mbijetuar, krijo ceta e bej prita neper lugje e krepa me menyrat me primitive, vetem per te shpetuar vehten, familjet e ate cope atdhe qe mund te shpetonte, sic ka shpetuar rastesisht edhe pse gjendet sot ne kthetra te te shiturve...

Nje pakice e vogel, sa numrohet dhe me gishta, ne shtresen e vorfen, mundi te shkollohet e te rikthehet tek Atdheu per te dhene kontributin e vertete.

Nuk eshte nevoja ti kujtoj ata njerz te mdhenje te kombit, pasi te gjithe i njihni, burrat e rilindjes kombetare qe i sherbyen me mish e me shpirt ringjalljes kombetare...

Por, te shiturit qe per fatin e keq arriten shpesh here te behen edhe pashallare neper shqiperi, pushtetare te pushtetit te huaj, apo te ideologjive te antishqiptare, i vrane jo vetem per se gjalli por dhe per se vdekuri ata njerz te mire te kombit...saqe shpesh me propogandat e tyre ne popull i degraduan deri ne reaksionar, tradhtar etj...

Per shitjen e shqiptarve tek i huaji dhe per venien ne sherbim te armikut po citoj keto vargje te madhit At Gjergj Fishta, i cili ne momentin qe trajton pregatitjen e Kralit Nikolle te Malit te zi, per ti ra veriut te Shqiperise dhe per ta marre Shkodren me malsi, e Krajli ndjente friken e humbjes...nje Gospodar i tij, Mark Milani i thote krailit per shqiptaret, gjithnje sipas Fishtes, keto fjale:
..."Mi lsho mue se qe besa
Me pak pare tuj i gerga,
Ate e bir kam me i da...
E jo ma bajraqe e fise...
Se qysh se mora mend e shqise
Kurr t'bashkuem une mend si mbaj!
..............
E faktikisht mend e shqisa ne ballkan sllavet kane marre vone...por qe atehere kane filluar ti komprementojne nje pjese shqipetaresh te cilet e trashiguan ate servilizem ndaj te huajit, dhe e bene si semundje nder ne, shekull mbas shekulli e deri sot...e te paren armiku ka perdore florinin ne dore, graden per te shiturit nder ne...

Tashti nuk eshte e nevojshme te merrem ketu me gjate me historine dhe me fallsifikime te cilat nuk mund te korigjohen kurre pa luftuar shkaqet dhe shkaktaret nder Shqipetare...

Shqipetaret duhet te mesohen qe njeriu nuk duhet te jete servil, nuk duhet te duartrokase kot, deri dhe majmunin, injorancen per te ja bere urra e per ta vene ne pushtet, por as dhe oratorit te stervitur ne kurset armike nuk u duhet besuar!

Po si i behet hallit pra per te gjetur me te miren e mundshme?

Atrehere Kombi Shqiptar ka nje shtet zyrtar, ka nje vend qe ka qeveri, ka institucione me ligje ku aty fillon dhe aty rritet cdo vlere kombetare me mire dhe me e forte se askund tjeter...

Por ai shtet ka nevoje per burra dhe gra te mencura, te perkushtuara, njerz jo hajdut, jo te korruptuar, jo servil ndaj asnje politike te huaj sado e fuqishme te jete ajo, jo servil kur ato politika shkelin lirite e te drejtat e ndonje tjetri apo nuk njohin lirine dhe te drejten e nje populli...

Ku eshte Shqiperia me ata lloj politikanesh?

Asgjekundi !
Sepse ne politike ne Shqiperi kane hypur soj e sorollopet e diktatures se vjeter, biles deri dhe perfaqesuesi i shqiperise ne OKB eshte sot nip sterlengu i H. Kapos njerit prej ithtarve te atij regjimi qe Kosoves ja nguli thiken pas shpine ne vitet 1944...
E ai pinjoll komunis nuk e ka folur nje fjale per Kosoven ne OKB as para luftes, as mbas luftes e as sot, as tani, as neser, edhe pse Kosova eshte toke Shqiptare, e popull Shqipetar...

Kurse perfaqesuesi Serb atje, ne cdo konference mban nga nje fjalim per Kosoven ku e quan toke Serbe e shqiptaret i quan te ardhur aty...

Ja pra kush jane pushtetaret ne Shqiperi sot!

Ja pra kush jane shkaqet qe mbajne peng ceshtjen shqipetare dhe mbajne peng dhe Shqiperine, si peng te nje mjerimi ekonomik, te vrasjeve politike, te aktivitetit mafjoz etj... semundje qe i interesojne Serbise, u interesojne miqve te serbise deri dhe disa politikanve ne Europe, te cilet po e zvarrisin ceshtjen e Kosoves deri ne pafundsi, deri ne mos njohje te pamvarsise...

Politika Europiane po perpiqet qe te demokratizoje Serbine dhe ta fuse ne Europe dhe nje kohsisht te fuse dhe Kosoven si pjese te saj, ashtu te ua mbydh gojet kosovarve per pamvarsi duke u thene se tani jeni Europiane, Europiane por pa identitetin e tyre Kombetar!

Ketu kujtoj nje thenie te politikanit te madh Gjerman Helmut Kohl, i cili ne fjalen e tij ne kongresin e partise CDU (Kristian Demoratische Union), ne hapat e pare te Bashkimit Europian tha:

"Europa po bashkohet, por cdo vend, cdo popull duhet te hyje ne Europe me identitetin e vet kombetar!"

E politika e deri tanishme Europiane ndaj kosoves eshte e orientuar per te mos i lejuar identitet kombetar, por duke e lene ne hije te Serbise si dhe me pare...

Fjalet e medha te politikanve ose te pseudo-politikanve Shqiptare ne Shqiperi apo Kosove, qe ne menyre servile ndaj politikes se huaj, deklarojne:

"Se e mire do te ishte me dhene pamvarsine"!
ose
"Kosves i duhet pamvarsia"

Thenie si me ze kukuvajkash ne te dy anet, si ne kosove dhe ne shqiperi...

Ato konstatime te tyre i dijne edhe macat e Kosoves e jo me qytetaret qe bijen e ngrihem me te njejten enderr tash nje shekull...

Por zeri i forte i shpiptarit politikan, i njeriut te vertet qe te dije te organizoje nje konference Kombetare Shqipetare, ku nje zeri te shpalle kerkesen urgjente per pamvarsi, ku nje zeri ti kerkoje parlamentit te Kosoves te shpalle pamvarisne, dhe te ja kerkoje dhe parlamentit te Shqiperise ta njohe pamvarsine e Kosoves...nje ze i tille nuk eshte i gjalle sot, as nuk do te jete neser, sepse cdo grupim ka nje "Juda", nje tradhtar brenda vehtes...

Europa e njeh mire situaten politike te shqiptarve, ashtu sic e njeh mire dhe Serbia, ku e kane te qarte se ne "dy shqiptar ka tri mendje", dhe biles te trija mdnjemdhaja e shume fudulle...sepse jane mesuar shume shqiptare qe te hane me dy luge...

Europa e sheh se ne Shqiperi njerzit e jane infektuar masivisht nga te qenurit servil, per te duartrokitur cilin do qe del ne tribune, qofte dhe njeriu me injorant ne fushen e intelektuallizmit, te mendimit politik apo shoqeror, sic kane qene keto vitet e fundit politikanet atje...

Ku ne asnje vend te botes dy gjera nuk kane bere vaki deri me sot si ne Shqiperi: Te vendoset kryeministra njerz qe nuk ka punuar kurre ne jeten e tyre ne asnje fushe as pozicion, por prej bankave te universiteteit direkt deputet dhe kryeministra...

Si dhe rasti, qe ne nje periudhe 12 vjecare te hype e te zbrese i njeti person si kryeminister dhe te hype prape ky qe eshte sot, edhe pse eshte arratisur nga burgu ku ka qene i denuar si hajdut...

Ato po ndodhin ne Shqiperi pikerisht sepse Europes i intereson nje Shqiperi e destabilizuar politikisht, ekonomikisht... deri sa te mbydhet ceshtja e Kosoves duke e lene varur ne cengel te Serbise...Se per Camerine Europes nuk i hyn fjale ne vesh kurre...

Ata qeveritare qe jane sot ne shqiperi jane shkaku kryesor i te gjitha pasojave qe vuan Kosova sot dhe populli shqiptar ne Shqiperi...

Pa nje politike te pastruar, pa nje filtrim te njerzve qe pretendojne te merren me politike, duke i derguar deri dhe ne kontrolle e testime psiqike neper vendet e zhvilluara demokratike te botes, ku te shihen sa te afte menderisht jane, sa te afte si intelekttual, sa demokrat jane, cfare idesh e mendimesh kane...nuk do te jete mire qe te lejohet te kandidojne me per deputet...te pakten ne keto faza delikate ku mafjozet komuniste kan marre "misione" te tjera nga ato qe kane patur ne diktature...

Pasi politikan ne shqiperi jane bere deri dhe njerzit me te rendomte qe ka patur apo ka shoqeria shqiptare...

a mund ti besohet ndokujt se Shkodra, qyteti me i lashte Ilir, 2500 vjet qytet dhe kryeqender e ilirise...te mos kete sot, as qe prej 1997 intelektual qe te vendoset ndonje minister ne qeveri, biles as ne gjithe veriun nuk eshte marre nje njeri si minister, pervec nje Pukjani...

Domethene, Jugu si gjithmone ka prodhuar komunista si kastravecat ne sera, sepse ata i coj Enveri ne Rusine Staliniste te studjojne politikat se si merret pushteti me dhune e se si mbahet m dhune...dhe ata e trashiguan me se miri ate shkollim tek femijet, niprit e sorollopi qe kane sot ne pushtet...

Si mund ta pranoje llogjika shqiptare qe te birine Xhelil Gjonit i cili ka qene krah i djathte i diktatures sidomos ne veren e 1990 ku me Ramiz Aline terrorizuan Tiranen e gjithe Shqiperine...duke i pergjakur rruget e Tiranes me forcat e 326-tes kunder atyre qe hyne dhe donin te hynin ne ambasada...pra i biri i atij xhahili u be minister rendi ne shqiperi ne vitet kur u vra demokrati i madh Azem Hajdari... dhe pasi ai minister rendi vodhi parate me tendrin e pasportave, shkon e fshihet me burse per politike ne USA...

Kjo pra eshte politika shqiptare... atje ai po pregatitet qe te vije neser kyreminister ne Shqiperi e ndoshta dhe president...nipi i Hyso Kapos...

A duhen pranuar me gjate absurditete te tidha?

Per derisa nuk ka nje rrespekt per te verteten, per ta ndigjuar ate, per ta pare realisht ne sy, dhe per te mos iu bere servil askujt sado i madh apo i vetmadh te mbahet ay...eshte veshtire shume qe te kete zgjidhje te problemeve...

E ai pastrim i vetvehtes duhet te behet tek intelekualet se pari dhe ata te bindin pastaj njerzit e thjeshte, te cilet binden shume lehte prej fjales se njeriut te vertete, prej zerit te mire, prej njeriut qe i kushtohet me shpirt te vertetes...

A nuk eshte shembull rasti i Jezu Krishtit, i cili me uretsine e pervujtesine e vet, foli e vetem foli, dha kshilla, predikoj te verteten, mesoj te keqorientuarin, ndihmoj te semurin dhe me te njeten rrobe, i zbathur e i munduar, ne misionin e tij nuk pushoj deri ne fund, deri dhe ne kryq e tha fjlen e vertete per njerzit, fjale qe u ndigjua vetem nga pak njerz, por pushtoje zemrat e njerzimit ne te gjithe boten tash 2004 vjet...

Mirpo eshte e veshtire qe te ece ne shembullin e tij njeriu i tipit politikan bark madh shqiptar... apo servil i nje individi qe i behen hymne te pa meritueshme...

Nje fatkeqsi e madhe eshte dhe pamundesia dhe neglizhenca e njerzve per te lexuar, per tu zhvilluar duke lexuar jo gjithmone vetem nje autor, apo duke degjuar jo gjithmone vetem nje njeri qe flet dicka per politike apo ka disa ide...por qe nuk eshte gjithcka ajo qe thote nje i vetem...ashtu sic nuk eshte gjithe njohuria, apo gjithe kultura e pergjithshme ato cka shkruan nje autor i vetem...

Koha dhe situatat ne Shqiperi e kosove kane nevoje per shqiptare te mencur, te zhvilluar ne kulture te pergjithshme, per te kuptuar se politikanet jane njerzit qe nuk u duhet veshur asnje lloj lavdie as hymni, as nuk duhen duartrokitur, por duhen mbajtur ne shenjester te mendimit per te mos i lene asnje minut aty ku i votojme, ne se abuzojne me pushtetin...

Kaq mendova te shkruaj ne mbeshtetje te kuvendimeve tuaj, zr. te nderuar...
gjithnje ne vazhdimsi te ksaj teme qe keni hapur dhe meriton vertet respekt ne bisede, pasi eshte mjaft delikate!

LLemadeo