SHQIPERIA KA QENE PRIVILEGJI IM

Interviste e Ambasadorit te ShBA-ve Xheims Xhefri, programi "Shqip", Top Channel

-Z. Xhefri, faleminderit qe jeni sonte ne "Shqip" ne intervisten tuaj te fundit si Ambasadori i Shteteve te Bashkuara ne Shqiperi. Dhe faleminderit qe do te shpjegoni, per here te pare, zyrtarisht, arsyet e largimit tuaj nga Shqiperia perpara perfundimit te mandatit tuaj ketu.

-Faleminderit shume qe me keni ftuar; eshte nje kenaqesi qe jam ketu. U kontaktova nga Sekretari i Shtetit dhe nga Presidenti Bush qe me kerkuan nese do te sherbeja si Zevendes i Ambasadorit Negroponte ne misionin tone te ri, i cili do te filloje funksionimin me 30 qershor ne Irak. U shpjegova qe kisha nje mision ketu qe ishte shume i rendesishem dhe qe me pelqente absolutisht te punoja me popullin shqiptar dhe te jetoja ne Tirane. Ata me thane qe ishte absolutisht e nevojshme qe te largohesha, megjithate, dhe mua me duhet te ndjek urdhrat.

-Pra, nuk do te thote qe ju po largoheni nga Shqiperia me deshiren tuaj?

-Nuk mund te kisha detyre me te mire si diplomat kudoqofte ne bote sesa ketu ne Shqiperi. Njerezit jane shume, shume miqesore ndaj nesh. Ka ceshtje te rendesishme per te cilat duhet te punojme bashke me ju ketu, dhe kjo eshte nje zone strategjike per Shtetet e Bashkuara. Ka qene nje nder dhe nje privilegj per mua qe kam punuar ketu gjate dy viteve te fundit.

-Z. Ambasador, me lejoni t'ju bej nje pyetje te thjeshte. Shume njerez, pasi pane spotin e intervistes tuaj ketu sonte, pyeten me kuriozitet nese ju po shkonit me ngritje apo me ulje ne pozicionin tuaj te ri?

-Nuk eshte as ngritje dhe as ulje. Por eshte ceshtja me e rendesishme ne politiken e jashtme amerikane sot. Po te mos kishte qene, nuk do te me ishte kerkuar te largohesha qe ketu. Sepse duke filluar nga Presidenti Bush dhe duke vazhduar me nivelet e tjera te hierarkise, amerikanet jane shume te ndergjegjshem se sa i rendesishem eshte Ballkani per ne. Ai ma ka bere te qarte personalisht kete mua. Por per sa i perket Irakut, ne duhet te bejme gjithcka qe eshte e nevojshme si koalicion nderkombetar, perfshi Shqiperine, per te fituar paqen atje. Une jam vecse nje pjese e vockel e se gjithes.

-Le te ndalojme per nje cast tek Iraku, jo aq shume ne lidhje me detyren tuaj te re, sepse mendoj qe nuk mund t'ju pyes per kete, por mbi kontributin qe Shqieria ka dhene me trupat e saj paqeruajtese ne Irak. Si edhe ne lidhje me debatin e koheve te fundit ne lidhje me shtimin e trupave shqiptare, dicka e permendur nga Kryeministri Nano dhe nga Ministri i Mbrojtjes, Majko.

-Ne jemi shume, shume mirenjohes per kontributet e komandove shqiptare qe sherbejne me trupat tona ne Mosul. Ata kane sherbyer ne menyre heroike ne rrethana shume te veshtira. Kane sherbyer aq mire sa komandantet tane kane kerkuar me shume shqiptare sepse ata jane thjesht me te miret. Ne po punojme me qeverine shqiptare, per te pare nese eshte e mundur, duke pasur parasysh nevojen per paqeruajtes edhe ne zona te tjera, ngaqe shqiptaret po japin aq shume kontribute ne Bosnje dhe ne Afganistan. Pra, eshte nje ceshtje teknike tani per tani dhe do te presim per nje pergjigje perfundimtare nga qeveria.

-Pra, po thoni qe Shqiperia eshte nje partnere reale dhe jo thjesht nje numer ne listen e anetareve te koalicionit?

-Epo, nuk do te doja qe ndonje anetar i koalicionit nuk eshte nje anetar real i koalicionit. Ajo qe dua te ve ne dukje eshte qe pergatitja ushtarake dhe teknike e trupave shqiptare eshte e nje niveli konkurues me te ushtareve tane.

-Ju faleminderit. Per shkak te mbeshtetjes qe kemi ofruar dhe arsyeve te tjera qe ju permendet, Shtetet e Bashkuara kane mbyllur nje sy ndaj problemeve te Shqiperise, te cilat u vune ne dukje edhe ne raportet e fundit te Bashkimit Europian?

-Shtetet e Bashkuara nuk mbyllin nje sy ndaj problemeve dhe mangesive te Shqiperise. Kjo eshte nje ceshtje shume e rendesishme - ju nuk mund te blini heshtjen tone. Por, ne jemi perqendruar mbi ceshtje te ngjashme me ato qe ngre Bashkimi Europian ne raportet e tij: zgjedhjet, korrupsionin dhe ceshtje te tjera. Ne kemi nje fokus paksa te ndryshem, sepse nuk ne nuk kemi te njejten liste te shume te gjere kerkesash teknike, por jemi te shqetesuar sepse per hyrjen ne NATO ashtu si edhe ne BE, procesi i reformave dhe vlerat demokratike duhet te vazhdohen dhe te perforcohen dhe ne e bejme kete pikepamje shume te qarte.

-A keni ndjere se Shqiperise i eshte dashur te zgjedhe midis Brukselit dhe Uashingtonit?

-Jo, aspak. Ne nivelin strategjik, global, Uashingtoni dhe Brukseli, NATO dhe BE kane te njejtin grup vlerash: ekonomia e tregut, demokracia, te drejtat e njeriut, transparenca dhe lufta kunder korrupsionit, kontributet per paqen ne rajonin perkates dhe ne nivelin nderkombetar. Nga pikepamja e gjerave specifike, ka nje theks te ndryshem, sigurisht, ku NATO i kushton me shume rendesi reformave ushtarake, dhe Bashkimi Europian specifikave te hollesishme te, per shembull, kushtet e pjekjes se bukes, dhe keto lloj gjerash.

-Keto kohe kane qene te mbushura me deklarata pozitive, vizita, etj., mes shqiptareve dhe Shteteve te Bashkuara, ndersa njerezit e zakonshem dhe kurioze pyesin se ku jane investimet e ShBA?

-Biznesi amerikan eshte shume i interesuar tek Shqiperia. Ka nje numer nismash madhore biznesi ne proces, te tilla si projekti Lockheed Martin, projekti hekurudhor i General Electric, dhe angazhimi i ShBA ne ndertimin nga Hochtief i aeroportit te ri. Ne varesi te menyres se si do te vazhdojne negociatat ne lidhje me disa prej ketyre projekteve, perfshihen si projekte te drejtperdrejta tregtare dhe marreveshje, si dhe nje angazhim i llojit te garanciv, cka eshte ne thelb nje investim. Ka pasur edhe veprime dhe hapa te tjera te ndermarra te tilla si Lockheed Martin, cka perfaqeson ate qe ne menyre funksionale eshte nje investim. Gjithashtu kemi edhe nje numer shqiptaro-amerikanesh qe jane duke investuar ketu. Ka nje fabrike tekstili qe e vizitova ne Korce, per shembull, e cila ka punesuar pothuajse 400 punetore, dhe qe eshte duke shqyrtuar dyfishimin e numrit te punetoreve per te perballuar kerkesen. Dhe kjo fillon te zgjerohet ne menyre gjeometrike nderkohe qe gjithnje e me shume njerez te biznesit kane dijeni per Shqiperine dhe potencialin e Shqiperise.

-A keni pasur keqkuptime ne Shqiperi, te llojit nese kemi nje investim amerikan apo nje tender pa konkurim, si per shembull treni elektrik i kontestuar nga ish-kryeministri Meta nje jave me pare ne kete studio?

-Ne nuk kemi pasur ndonje keqkuptim, as me qeverine, as me Z. Meta, dhe as me institucionet nderkombetare financiare. Mund te kete dallime opinionesh, dhe kjo eshte nje vecori e mire demokratike ne cdo shoqeri te lire. Si nje anetar i parlamentit, eshte detyre e Z. Meta qe te ngreje ceshtje dhe ne e respektojme kete. Dhe, deri ne masen sa jemi ne gjendje t'u pergjigjemi ketyre pyetjeve, ne e bejme kete. Dhe ne fund, populli shqiptar, i perfaqesuar nga parlamentaret e tij, merr vendime. Dhe ne respektojme cfaredo vendimi qe marrin ata.

-Ju faleminderit. Le te kalojme ne nje tjeter teme te ngritur shpesh gjate qendrimit tuaj ketu si Ambasadori i ShBA-ve, ajo e kriminalitetit, apo kultures se krimit. Ju thate para ca kohesh qe i njihni baronet e krimit dhe u jeni vene pas. Pas kesaj, nuk ka ndodhur dhe aq shume. Eshte kjo per shkak te mosgatishmerise suaj per te permendur emra, apo per shkak te paaftesise se autoriteteve tona per t'i ndjekur gjerat deri ne fund?

-Se pari, ne nuk jemi dakord as me mosgatishmerine tone per te permendur emra, as me faktin se nuk ka ndodhur asgje. Ne nuk pretendojme qe kishim ndonje lidhje me cka ndodhi. Por, ne vezhguam nje numer suksesesh madhore kohet e fundit, te tilla si ne rastin e vrasjes se ish-shefit te policise se Krujes, ashtu dhe ne ate te sulmit kunedr shoferit te Prokurorit te Pergjithshem. Keto ishin ceshtje te koheve te fundit per te cilat ne ishim te shqetesuar kur une fola ne menyre publike. Policia dhe prokuroret kane ndermarre aksione te efektshme: nje keqberes eshte i ndaluar dhe nje tjeter eshte ne procesin e riatdhesimit ketu. Ne jemi te bindur qe ata do te tregojne nje histori dhe nje pjese e mire e kesaj do te behet publike. Sa me shpejt qe te ndodhe, aq me mire do te jete.

-Do te presim deri sa te behen publike per t'i mesuar. Do te doja te dija dicka perpara se te gjitha keto te behen publike: besimi qe ju keni ndertuar nga marredheniet tuaja me prokurorine dhe institucionet e drejtesise. A keni pershtypjen qe keto institucione jane te afta te bejne detyrat e tyre, apo keni vene re dicka qe do te donit ta ndanit me ne sot?

-Ne kemi shume besim ne sistemin si te tere. Potenciali i tij per te arritur nivelet me te larta te Europes Perendimore dhe Amerikes se Veriut eshte shume i madh, por duhet te ndermerren edhe hapa te tjera. Prandaj dhe ShBA-te shpenzojne 3-4 milione dollare ne vit me afersisht 14keshilltare per sistemin e drejtesise dhe policine, dhe Bashkimi Europian, dhe te tjere partnere tanet jane duke dhene kontribute po aq ose edhe me te medha.

Pra ka shume pune per t'u bere, por ne jemi duke ndertuar mbi strukturen baze; ne nuk duam ta hedhim tej kete strukture. Ka gjykates qe marrin rryshfet, sic pame ne nje video qe qarkulloi gjeresisht ketu. Por ka edhe shume gjykates qe perballen me kercenime mbi jeten e tyre, e megjithate bejne gjithcka munden per ta bere kete vend me te sigurte per ty dhe per mua. Pra eshte ceshtja e mbeshtetjes se ketyre njerezve.

-Dhe nderkohe qe shpenzoni qe keshilltaret tuaj t'i mbeshtesin keta njerez, a mendoni qe keta njerez po bejne ate qe duhet per te zbuluar gjerat per te cilat flitet aq shume ne parlamentin tone, ne median e shkruar, aferat e korrupsionit, korrupsion qe ndoshta eshte ekzagjeruar ne media?

-Eshte bere shume dhe shume njerez jane akuzuar ne nje numer ceshtjesh, por ju keni plotesisht te drejte - duhet te kete me shume ndjekje penale, me shume arrestime dhe me shume denime qe te arrijne ne nje nivel me te larte te bandave kriminale. Dhe nderkohe qe kjo eshte e rendesishme, eshte gjithashtu edhe shume, shume e veshtire. Shteteve te Bashkuara iu deshen pothuajse 50 vjet, nga vitet 1920-te deri ne vitet 1970-te, thjesht per te zhvilluar mjetet per t'u vajtur pas ketyre njerezve.

Shqiperia tashme eshte duke punuar me ne mbi disa prej ketyre, te tilla si konfiskimi i pasurive dhe nje tjeter hap i rendesishem, deklarimi i pasurive. Sepse eshte thuajse e pamundur edhe ne vendin tone qe te denosh udheheqes te bandave kriminale per perfshirje kriminale - duke u shkuar pas per evazion fiskal, per shembull, ose per mosdeklarim te pasurive, dhe keto lloj gjerash. Pra, keto gjera duhet te behen ne menyre te terthorte dhe duhet shume kohe. Megjithate, ne fund, eshte menyra e vetme qe ne arritem te gjenim, dhe po punojme me ju per ta bere kete. Por, nuk do te jete e lehte dhe nuk do te jete e shpejte.

-Meqenese kjo nuk eshte as e lehte dhe as e shpejte, sa mendoni qe jane te shpejta dhe te lehta lidhjet mes baroneve te krimit dhe politikes ne vend?

-Ne cdo vend, perfshi edhe vendim tim, ekzistojne marredhenie te caktuara qe lindin nga nje kohe ne tjetren mes figurave politike dhe njerezve te perfshire ne krime. Nderkohe qe vendet zhvillohen nga sisteme te tjera politike drejt shnderrimit ne shoqeri demokratike dhe te lira, ato perballen me nje nivel me te larte kontaktesh dhe marredheniesh te tilla.

Disa prej tyre jane thjesht te natyrshme, ne kuptimin qe ne Shqiperi ka nje popullsi relativisht te vogel, dhe shume njerez jane arsimuar ne te njejtat shkolla, apo vijne nga te njejtat vende. Tani, nje pjese e kesaj nuk se duhet flakur tej si e pademshme, por, sic thashe me pare, eshte duke shkaterruar shanset tuaja per t'u zhvilluar me shpejtesi. Ka nevoje te behet me shume, dhe ne kemi besim qe do te behet.

-Cfare keni menduar ju, Z. Ambasador, mbi kercenimet, ato mediatike, mes ministrave, ish-ministrave, e prokuroreve?

-Cdo gje ne Shqiperi me ngacmon interesin. Eshte detyra ime te ndjek ate qe ndodh ketu. Por nuk kam ndonj- koment specifik mbi situata te pergjithshme, pervec se "secili te punoje me shume".

-A jeni dakord me paraardhesin tuaj, Z. Limpreht, i cili tha dikur ne Elbasan, kam pershtypjen qe kultura e kriminalitetit eshte e pranuar ne Shqiperi?

-Mendoj qe ai e njihte kete vend shume, shume mire dhe mendoj qe kishte absolutisht te drejte kur e thoshte kete. Ajo qe shohim eshte nje perpjekje gjate viteve te fundit per t'iu pergjigjur deklaratave te tilla, atyre te OSBE-se, dhe miqve te tjere te Shqiperise. Dhe, po shohim progres, por duam te shohim me shume. Por deklarata e Ambasadorit Limprecht mbetet nje pershkrim i vlefshem i situates.

-Nderkohe situata eshte perkeqesuar me levizje, qofshin keto ne rruge apo ne parlament, apo ato politike, ne lidhje me zgjedhjet, te cilat me sa duket do te zhvillohen ne vitin 2005? Nese zgjedhjet do te kontestohen perseri ne vitin 2005, a ka shprese per qeverisje te mire ne Shqiperi, sipas mendimit tuaj?

-Se pari, ne perpiqemi te mos u pergjigjemi pyetjeve hipotetike. Megjithate, nese do t'i pergjigjeshim ketij lloji pyetjeje hipotetike, pergjigja do te ishte qe ka gjithmone shprese per perparim demokratik ne Shqiperi. Ajo qe po shohim eshte pak a shume si kjo gote: eshte gjysme plot me uje, por eshte edhe gjysme bosh. Zgjedhjet e fundit vendore, ne pikepamjen tone, ne pikepamje e ODIHR, organizata e OSBE-se qe i monitoroi ato, ishin nje hap perpara, me perparim shume te rendesishem te bere ne fusha te caktuara, perfshi median dhe policine.

Pame gjithashtu nje aftesi mbreselenese te organeve te ndryshme, te tilla si KQZ dhe Kolegji Zgjedhor, per t'iu pergjigjur problemeve dhe manipulimeve kur keto ndodhen, kur ishte nevoja edhe duke bere rinumerim, madje edhe duke zhvilluar votime te reja. Do te ishte me mire nese nuk do t'ju duhej t'i benit keto, por tekefundit, u prodhuan zgjedhje legjitime. Une kam udhetuar qark vendit dhe kam takuar kryebashkiake kudo. I kam pyetur te gjithe ata, perfshi edhe kryebashkiake nga opozita, "A jeni zgjedhur ne menyre legjitime?" dhe te gjithe me thane, "kishim probleme me listat e votuesve", ndoshta, ose, "pati disa gjera te vogla, por, po, jam zgjedhur ne menyre legjitime". Dhe une mendoj qe kjo eshte e vertete, ndaj, une e shikoj goten si gjysme plot.

Nga ana tjeter, sic vuri ne pah Bashkimi Europian dhe sic theksoi ODIHR, keto zgjedhje deshtuan ne permbushjen e standarteve nderkombetare ne disa fusha, por me e rendesishmja eshte lista e votuesve. Dhe ne jemi duke punuar - "ne" jemi Sh.B.A. dhe "ne" jemi bashkesia nderkombetare, per t'u perpjekur te gjejme se cfare mund te behet per ta korrigjuar kete. Dhe ky eshte nje projekt shume urgjent ne te cilin Presidenti eshte angazhuar personalisht, ashtu sic eshte qeveria, ashtu sic eshte opozita, dhe ashtu sic eshte bashkesia nderkombetare. Kjo eshte shume e rendesishme. Por duhet te them, nepermjet jush, qe populli shqiptar duhet te perfshihet. Do te vendosen procedura per te kontrolluar nese e ke emrin ne liste ashtu si tetorin e kaluar. Nese njerezit nuk e bejne kete, nuk mund te fajesojne askend tjeter pervec vetes, nese ka probleme. Demokracia nenkupton perfshirje te njerezve.

Nderkohe, fusha tjeter per te cilen u shqetesuam ishte manipulimi ne nivelet lokale nga disa perfaqesues te pative politike qe supozohet te sigurojne qe zgjedhjet te jene te lira dhe te ndershme. Ky ishte nje zhgenjim. Ne kemi diskutuar me udheheqesit e partive per kete, megjithate, dhe presim qe gjerat te shkojne me mire heren tjeter. Dhe do te punojme per kete qellim.

-Sapo me folet per pyetjet hipotetike, por me duhet te bej nje tjeter ne lidhje me ate qe sapo thate. U tha se keni nderhyre per qetesimin e protestave te opozites apo levizjes "Mjaft". Nese kjo eshte e vertete, ne raportin midis stabilitetit dhe demokracise, a anoni me shume nga stabiliteti?

-Kjo nuk eshte nje pyetje hipotetike dhe une do t'i pergjigjem. Diplomatet nuk nderhyjne. Ne i kujtojme qeverite e vendeve ku punojme partite politike dhe shoqerine civile per gjerat per te cilat mendojme se kemi nje mendje, dhe ceshtje qe jane te rendesishme per ne. Kete e bejme sidomos ne menyre intensive me vendet me te cilat kemi marredhenie shume te mira, ne nje rajon sensitiv dhe kritik sic eshte Ballkani.

E bejme kete vecanerisht kur nje vend ka deklaruar ne menyre te hapur qe do te hyje ne institucione te tilla si NATO dhe Bashkimi Europian, dhe ku hyrja nenkupton arritjen e standarteve qe ne i gjykojme - qofshin keto zgjedhje, apo nje demonstrate, apo roli i medias, kur shohim ceshtje apo probleme - dhe kur shohim te ndodhin ngjarje.

Ne, ne kete rast te vecante, duke folur si bashkesia e unifikuar nderkombetare me Bashkimin Europian, Misionin e Komisionit Europian dhe OSBE-ne e bejme pozicionin tone te ditur ne lidhje me ato qe, sipas standarteve tona, jane demonstrata legjitime dhe ato qe nuk jane, dhe cila eshte nje pergjigje legjitime e qeverise ndaj demonstratave qe jane paqesore dhe cfare nuk eshte nje pergjigje legjitime e qeverise. Varet nga ju, populli shqiptar, dhe qeveria dhe partite politike te na degjoniose jo. Eshte detyra jone thjesht t'ju themi se cfare mendojme, dhe vendimi varet nga ju. Ketu qendron dallimi: ne shpjegojme pikepamjet tona, por ju vendosni.

-Me sa duket, vendimet qe marrim ne kane gjithmone nje "po" perpara?

-Vendimet qe merrni ju jane vendimet tuaja. Ne i pranojme ato. Ne rastin e demonstratave, ne besojme qe ne thelb demonstratat qe u zhvilluan dhe vazhdojne te zhvillohen jane duke u kryer ne menyre paqesore. Ato jane nje menyre per te shprehur pikepamjet e shume njerezve ne Shqiperi dhe kjo i ben ato legjitime. Dhe jemi te impresionuar nga gatishmeria e qeverise per t'i lene ato te zhvillohen, nderkohe qe ruhet ligji dhe rendi themelor. Keshtu supozohet te funksionojne demokracite dhe ne jemi shume te kenaqur me menyren si ka ecur kjo.

-Pra, bazuar mbi ate qe thate me pare, doni te thoni qe stabiliteti eshte me i rendesishem se sa demokracia?

-Ne nuk shohim ndonje dallim midis te dyjave. Ato jane dy anet e monedhes qe mbani ne xhep. Pa nje nivel te caktuar stabiliteti, nuk mund te keni demokraci. Kete e shohim sot ne Irak, per shembull. Por, nga ana tjeter, pa demokraci, nuk mund te kesh siguruar mbeshtetje te mjaftueshme ne nje shoqeri per te ruajtur stabilitetin, i cili eshte shume i rendesishem per zhvillimin ekonomik, si per shembull per investimet nderkombetare. Te dyja ecin bashke dhe nuk eshte ceshtja te marresh vendim midis te dyjave. Ato mbeshtesin njera tjetren.

-A i keni ndjere akuzat - ndoshta po ekzagjeroj - kryesisht nga opozita por jo vetem prej saj, ne lidhje me mbeshtetjen tuaj te dukshme per qeverine Nano?

- E degjoj kete hera-heres, por kam marredhenie shume te mira me opoziten - sidomos me udheheqesin e opozites Dr. Berisha, i cili pati miresine te me telefononte nga Europa Perendimore dje per te me shprehur keqardhjen per largimin. Nuk e kuptoj se nga vjen kjo, por eshte detyra ime te mbaj marredhenie te mira me qeverine dhe eshte detyra ime te mbaj marredhenie te mira me opoziten. Shpresoj t'i kem te dyja.

-Pra, nuk e pranoni qe ndoshta ne nje menyre, qofte edhe te padukshme, ju e mbeshtetet hapur Z. Nano ne Shqiperi?

-Kjo do te thote pikerisht ate qe thashe se do te thote.

-Nderkohe, sapo ju erdhet ketu patet njohje me shume politikane. Madje edhe ofruar nje lloj mbeshtetjeje vizuale. A ju ka zhgenjyer ndonjeri prej tyre?

-E dini, te jesh ambasador eshte nje pune e veshtire, dhe te jesh gazetar, sic e dini edhe ju, eshte detyre e veshtire, dhe te jesh politikan apo minister jane detyra te veshtira. Te gjitha keto detyra jane ne sherbim te publikut dhe ne sherbim te idealeve. Njerezit qe ndermarrin karriera te tilla meritojne respektin e publikut. Dhe une respektoj cilindo qe merret me kete pune qe ka sakrifikuar mundesine per t'u marre me gjera te tjera ku shperblimet mund te jene me te medha.

Kurre nuk kam takuar ne Shqiperi te pakten nje politikan qe te mos jete shume kompetent dhe inteligjent dhe qe nuk do te beje gjene me te mire te mundshme per Shqiperine. Mund te kene dallime se cila eshte kjo gje dhe disa prej tyre mund ta kene gabim, por synimet e tyre jane te mira. Disa prej tyre mund te kene edhe interesat e tyre personale, sic mund te keni ju apo une. Por synimet e tyre jane te mira, dhe niveli i tyre i kompetences eshte - me besoni - shume i larte, perfshi edhe ne nivelin nderkombetar, sepse ne shohim shqiptare qe punojne ne organizata nderkombetare dhe ata dalin shume, shume mire.

Mendoj qe ju mund te jeni krenare per udheheqjen tuaj politike, por duhet ta vezhgoni kete udheheqje politike nga afer - edhe kjo eshte pjese e demokracise. Sepse, tek e fundit, ju jeni sovrane. Nuk jane udheheqesit qeveritare dhe as partite politike.

"vijon ne numrin e neserm)



koha jone