BE: Qeveria, kujdes me pronat dhe zgjedhjet

[Kryeplaku]

Tek shifra per ndihmen qe i eshte dhene Jugosllavise (reth 810 milione euro) permblidhet edhe ndihma e Kosoves per vitin 2000 (pra nga 810 reth 510 i morri Kosova qe kishte nevojen me te madhe kurse ato qe mbeten u ndane midis Malit te Zi, Serbise dhe zonave gjysemautonome te Vojvodines etj.).

banished per te gjitha ato qe thua une s'kam c'te te them me teper, dukesh sa mendim konfuz ke (te gjithe e terheqin gomarin nga qafa kurse ti do ta terheqesh nga bishti -pra s'mund te bej gje me teper per ty). Por ajo qe duhet te biesh ndakort edhe ti me mua eshte se Shqiperia kurresesi nuk mund te perballohet njesoj me shtetet e tjera te Ballkanit Perendimor sepse po te heqim Serbin dhe Malin e Zi shtetet e tjera ose nuk ekzistonin si te pavarura para 15 vjetesh ose kishin lufte me njera tjetren ose perleshje civile (eshte me te vertet gjynah nga Zoti, dhe budallallik, te presi Shqiperia te njejten ndihme me Bosnjen ku bombardimet nuk lane gje ne kembe dhe gjenocidi ka lene shenja gjithandej -megjithate Shqiperia e pavarur, ketu e 100 vjet, dhe pa njohur lufte qe nga 1944 pretendon akoma te njejten ndihme me keto vende -me te vertet turp- dhe megjithate jam i sigurte se ka marre me shume ndihme nga B.E. se cdo vend ballkanikoperendimor keto 15 vitet e fundit sepse ndihma e Bosnjes dhe ish-Jogollavise pergjithesisht ka me shume prej'ardhje nga OKB pra ato shifrat e ndihmes nderkombetare ne keto vende nuk jane vetem nga B.E.).

[tani_26]

Tek shifra per ndihmen qe i eshte dhene Jugosllavise (reth 810 milione euro) permblidhet edhe ndihma e Kosoves per vitin 2000 (pra nga 810 reth 510 i morri Kosova qe kishte nevojen me te madhe kurse ato qe mbeten u ndane midis Malit te Zi, Serbise dhe zonave gjysemautonome te Vojvodines etj.).

banished per te gjitha ato qe thua une s'kam c'te te them me teper, dukesh sa mendim konfuz ke (te gjithe e terheqin gomarin nga qafa kurse ti do ta terheqesh nga bishti -pra s'mund te bej gje me teper per ty). Por ajo qe duhet te biesh ndakort edhe ti me mua eshte se Shqiperia kurresesi nuk mund te perballohet njesoj me shtetet e tjera te Ballkanit Perendimor sepse po te heqim Serbin dhe Malin e Zi shtetet e tjera ose nuk ekzistonin si te pavarura para 15 vjetesh ose kishin lufte me njera tjetren ose perleshje civile (eshte me te vertet gjynah nga Zoti, dhe budallallik, te presi Shqiperia te njejten ndihme me Bosnjen ku bombardimet nuk lane gje ne kembe dhe gjenocidi ka lene shenja gjithandej -megjithate Shqiperia e pavarur, ketu e 100 vjet, dhe pa njohur lufte qe nga 1944 pretendon akoma te njejten ndihme me keto vende -me te vertet turp- dhe megjithate jam i sigurte se ka marre me shume ndihme nga B.E. se cdo vend ballkanikoperendimor keto 15 vitet e fundit sepse ndihma e Bosnjes dhe ish-Jogollavise pergjithesisht ka me shume prej'ardhje nga OKB pra ato shifrat e ndihmes nderkombetare ne keto vende nuk jane vetem nga B.E.).

Duke lexuar shkrimet e mesiperme per ndihmat nga jashte mu kujtua nje fjale e urte qe e perdorte shpesh gjyshja ime..""Nuk mbahet shpia me miell hua""", ku ta parashikonte e shkreta gjyshe se sot po te "merrnim miell hua" do ishim te respektuar por Shqiperia pret lemoshe nga Evropa...........


Banished ka te drejte kur thote se ndihmat shkojne ne xhepat e qeveritareve, edhe Kryeplaku ka te drejte kur thote se nuk mund te krahasohemi me Bosnjen per sasine e ketyre ndihmave.........Gabimi i te dyve eshte qe harxhojne kohen kot duke diskutuar apo debatuar rreth ndihmave....Ndihmat nuk sjellin as mireqenie e as zhvillim....

Personalisht nuk do isha i lumtur edhe sikur keto ndihma te dhjetefishoheshin pasi vete fjala ndihme "nenkupton se je i paafte" ose me sakte une do ta quaja lemoshe....
Sikur te merrnim borxh do te ishte me e ndershme por me ate shtet qe kemi vetem ndonje lemoshe na japin se per borxh nuk behet fjale....


Mendoj se do te ishte shume here me mire te harxhonim kohen duke dikutuar se si do te realizohet qe te zhvillohet ekonomia shqiptare duke thithur investitore e investime te huaja e jo ndihma apo lemosha.....

[land]

Vertet qe nuk keni ç'te thoni Kryeplak... Ju harxhoni kohe duke terhequr gomarin; une s'merrem hiç me te. S'keni as si te kuptoni çfare shkruaj une, perderisa nuk shkruaj gjera qe te pajtohen me imazhin qe keni krijuar per kete Evrope, dhe pritjet qe keni prej saj.
Jeni thjesht I BINDUR per ato qe thoni per Shqiperine, jeni thjesht I BINDUR qe Shqiperia te kete marre ndimat me te shumta prej Evropes...
Po te kishit kuptuar sado pak ato qe shkruaj une, dhe te mos i lexonit nga BISHTI, do ta kuptonit, se po te ishte ne vendin e pare qe ka perfituar nga ndihmat, do te perforcohej edhe me shume ajo qe them une. Por, me duket se nuk i lexoni ato qe them. Vella; ndihma qe permenda per Bosnjen, qe ishte dyfish i asaj Shqiptare, ishte ndihme e akorduar nga po e njejta BE qe ju permenda, dhe qe ju vete po permendni per Shqiperine. Nuk e di se ku mund te kem bere krahasim, apo ku mund te kem menduar te bej krahasim midis Bosnjes dhe Shqiperise... Nejse, ju ashtu i kuptoni. Por kur them une qe Shqiperine e kane perfshire ne pakte te felliqura asociim-stabilizimi, njesoj me ish vendet e Jugosllavise, ju me thoni qe po e terheq gomarin nga bishti. E si do dilni ne perfundime te qena atehere? Mua nuk do te me pelqente te dal ne replike personale me ju apo ndonje tjeter, sepse forumi eshte i te gjitheve. Por, vella, kundershtoni diçka qe keni per te kundershtuar, dhe mos u nxitoni ne pergjigje. Nese kam shkruar diçka dhe ju duket e paqarte, me mire te me pyesni; qe te mos hidhni boomerang-e kot.
Sa per BE dhe OKB qe po na i permendni ketu ngjitur me emrin e Bosnjes... MOS, Kryeplak!!! BE dhe OKB, jo detyrim financiar i kane Bosnjes, por jane pergjegjes ne veten e pare per gjenocidin e shkaktuar prej serveve aty. Sepse ishte BE dhe OKB qe çarmatosen boshnjaket, per t'i pare pas nje ore duke u masakruar nen syte e tyre, dhe nuk luajten gishtin! Dhe me keq akoma, mendoni se une po krahasoj Shqiperine me Bosnjen!!! Jeni shume larg, i dashur. Pse nuk me permendni shembullin e Greqise(qe shkrova une), more Kryeplak? Pse nuk moret Greqine si krahasim te mundshem, por u hodhet tek Bosnja?
T'jua them shkoqur, me gjuhe femijesh Kryeplak.
Une nuk dua qe Shqiperia te krahasohet(ose perfshihet) me vendet e tjera te Ballkanit perendimor. Nga ne shqiptaret, jo e jo, por as nga Evropa ose bashkesia nderkombetare; gje te cilen ata po e tregojne ne çdo marreveshje dhe pakt, si dhe kritere e kushte te pafundme qe i vene Shqiperise.
Nuk dua qe "Shqiperia" te ndihmohet prej Evropes per sa kohe qe Evropa deklaron qe politika shqiptare eshte e korruptuar. Keto ndihma, populli eshte i pari qe nuk do t'i shohe kurre; dhe deshmi jane 15 vjetet e fundit. Nese te hollat qe Evropa i akordon Shqiperise do te ishin karta e kreditit per popullin shqiptar; atehere kete karte krediti po e perdorin vetem politikanet.
Prandaj, Evropa t'i lere denglat dhe dokrrat, e te nxjerre kete popull nga burgu, se muret qe mezì shkaterruam, vete Evropa na i ringriti.
Prandaj, nese do te hahet mish, te hahet me vete dhe me budallallekun e saj(Evropa) par excellence, e jo me popullin kriminel shqiptar; [se keshtu na quajtet ju Kryeplak, ne mos gabohem(eksportojme vetem krim)].
Gjerat qe nuk perkulen, thyhen. Prandaj Evropa te mos perpiqet me te perkule Ballkanin; perndryshe, per sa kohe qe Evropa te vazhdoje hegjemonine e saj ne rajon dhe presionin qe nuk ia ka ushtruar kurre ndonje shteti apo rajoni tjeter me pare; Ballkani nuk do te kete qetesi. Dhe nese, "par default et tout par cas", Ballkani te perkulet, atehere Evropa i ka krijuar vetes "miq" me mangesi psiqike, te cileve u ka perdhunuar shpirtin. Prandaj, te mos habitet ne nje te ardhme nese nuk do te gjeje besimin e shpresuar prej popujve te Ballkanit.
Per mua, le te vazhdoje lojen e vet idjote Evropa. Ka kush perplas duart per ta; por per mua, ajo do te mbetet gjithmone ajo k**va e vjeter qe thote populli im.
Ndonese, gjithshka qe kan BE eshte fuqia ekonomike, dhe per asnjegje nuk mund te jete instruktore. Fuqi ekonomike sepse edhe kane zhvatur boten mbare per shekuj me rradhe; dhe perseri Italia juaj e dashur kolonialiste ka nje borxh te jashtem prej 900 miljard dollaresh, dhe Spanja kolonialiste 850 miljard; Greqia duhet te kete shkuar tek 70 miljard dollareshi; ndersa Shqiperia vetem 1.4 miljard. Atehere, pse te mos krahasohemi ne me keto shtete(se drejt ketyre po synojme te shkojme, apo jo?)? Pse nuk mesojme dhe ne te marrim borxhe marramendese qe kurre nuk paguhen, dhe te jetojme si njerez, e te mos na mesoje Evropa edhe si behet rakia e rrushit?
Per kete keni shume te drejte, Kryeplak. Borxhi i jashtem tregon edhe miqte qe ka nje shtet, edhe vullnetin e mire qe ka bashkesia nderkombetare per te ndihmuar nje vend; por, sidomos edhe zgjuarsine e nje shteti per t'i thithur keto borxhe. Gjithshka mund te ishte kombi yne ne krahasim me keto kombe qe permenda ketu; por vetem kriminel jo!
Gjithe te mirat...

[Albo]

Amato: Shqipëria, eficensa është zëvendësuar nga korrupsioni


Shekulli

Kryetari i Komisionit Ndërkombëtar për Ballkanin, ish-kryeministri italian, Xhuliano Amato, ka deklaruar para dy ditësh në Bruksel se Shqipëria tërheq vëmendjen si shteti më laik në botën e sotme, por njëkohësisht si një vend ku eficensa është zëvendësuar nga korrupsioni. Si ish- kryeministri italian, që kryeson këtë Komision, po ashtu edhe ish - presidenti gjerman, Von Vajceker, i bënë thirrje Bashkimit Evropian të mos nënvlerësojë vendet e Evropës Juglindore, por të marrë masa konkrete për një integrim të tyre të ardhshëm në BE. Aq më shumë tani, siç tha Vajceker, që vende të mëdha si Turqia apo Ukraina po trokasin me forcë në derën e BE-së nuk duhet që Bashkimi Evropian t'i lëjë mënjanë vendet e varfëra dhe të vogla të këtij rajoni. Nga ana e tij, Xhuliano Amato ishte edhe më i qartë, kur shprehu nevojën dhe dyshimin se BE-ja nuk ka tani po të njëjtin interes për të pranuar në gjirin e saj vendet e Evropës Juglindore, siç pati premtuar 2 vjet më parë në samitin e Selanikut. Komisioni Ndërkombëtar për Ballkanin ka bërë të njohur pikëpamjet e tij mbi të ardhmen e Kosovës në veçanti dhe të Evropës Juglindore në përgjithësi. Sipas një raporti për “DW”
ky komision njëlloj si dhe Grupi Ndërkombëtar i Krizave apo dhe ish- Komisioni Ndërkombëtar për Kosovën i kryesuar nga Riçard Goldstoun, ka arritur në të njëjtin përfundim, se Kosova e pavarur apo një pavarësi e kushtëzuar e Kosovës do të ishte zgjidhja më e mirë e statusit të saj të ardhshëm. Madje për ish- kryeministrin italian, Amato, problemi tani më shumë se te zgjidhja e statusit, qëndron në mbrojtjen që i duhet bërë pakicave serbe në Kosovë apo monumenteve të tyre fetare dhe kulturore.

[Albo]

Komisioneri i zgjerimit të BE-së komenton situatën e vendeve të Ballkanit nën optikën e integrimit

BE: Shqipëria, reformat janë ngadalësuar

Rehn: Shpresoj që Shqipëria do të jetë në gjendje të rikthehet në rrugën e reformave

N. Perndoj

TIRANË- Komisioneri Evropian për Zgjerimin, Olli Rehn, në një intervistë të dhënë për “BBC” ka deklaruar ndër të tjera se Shqipëria ka patur ngadalësim të reformave. “Shpresoj që Shqipëria do të jetë në gjendje të rikthehet në rrugën e reformave dhe t'i marrë plotësisht parasysh kriteret e procesit të asociim- stabilizimit në vendimet që do të marrë në të ardhmen”, - është shprehur ai. Olli Rehn ka bërë një përshkrim të hollësishëm rreth kandidatëve të mundshëm për të qenë anëtarë të BE-së, si Shqipëria, Serbia dhe Mali i Zi. Serbia e Mali i Zi e Bosnja e Hercegovina, sipas tij, kanë bërë përparim të dukshëm në disa kritere me rëndësi kritike, si ligji e rendi dhe bashkëpunimi me Gjykatën e Hagës. “Kështu që kam besim deri diku se mund të jemi në gjendje të shkojmë drejt negociatave për marrëveshjen e stabilizim asociimit, si me Serbinë e Malin e Zi dhe me Bosnjë-Hercegovinën deri në kohën e përvjetorit të dhjetë të Marrëveshjes së Dejtonit këtë vit. Kjo do të shënonte një hap nga koha e Dejtonit, te koha e Brukselit për vendet e Ballkanit Perëndimor. Po ashtu, po vazhdojmë negociatat me Shqipërinë, po shqyrtojmë mundësinë e hapjes së negociatave me ish-Republikën Jugosllave të Maqedonisë dhe po përgatitemi për të diskutuar statusin e ardhshëm të Kosovës. Gjërat në Ballkan po lëvizin dhe synimi im është që Ballkani Perëndimor të rikthehet në rrugën evropiane”, është shprehur Olli Rehn. Ndërsa shfaqet optimist për disa vende të Ballaknit Perëndimor, Rehn ka shfaqur rezerva për Shqipërinë teksa është shprehur se së fundmi Shqipëria ka pasur ngadalësim të reformave. Rehn nënvizoi se “ne do të jemi të ndershëm me secilin vend kandidat dhe këmbëngulim se secili vend duhet të plotësojë kushtet, para se të jetë në gjendje të anëtarësohet”. Rehn ka komentuar edhe negociatat me Kroacinë me të cilën muajin e kaluar negociatat u shtynë, për shkak se vendi nuk bashkëpunon plotësisht me Gjykatën e Hagës. I pyetur për këtë çështje, Rehn u përgjigj: “Bashkëpunim i plotë do të thotë që Kroacia, si çdo vend tjetër, duhet të bëjë maksimumin që të gjejë se ku ndodhet, të arrestojë dhe të transferojë (për në Hagë) të akuzuarit që janë ende të lirë. Në këtë çështje është bërë përparim i dukshëm nga disa vende të rajonit. Për shembull, Serbia dhe Mali i Zi kanë dërguar në Hagë 12 prej të akuzuarve gjatë muajve të fundit, Bosnjë-Hercegovina 8”.
Olli Rehn është pyetur dje edhe për fazën e negociatave me Turqinë që flitet se do të nisin në datën 3 tetor. Ai theksoi se kushti që Turqia të nisë negociatat është nënshkrimi për zgjerimin e bashkimit doganor që ekzsiston me BE-në, me dhjetë anëtarët e rinj, duke përfshirë këtu edhe Qipron. Ndërsa për Maqedoninë, ai u shpreh se “Ishte për të ardhur keq që në zgjedhjet në ish-Republikën Jugosllave të Maqedonisë u vërejtën parregullsi. Megjithatë, duhet thënë se ato ishin më të pakta se në shkuarën dhe se rruga drejt së cilës po ecet është pozitive”.

[Hyllien]

Mire thoni ju po Nano kerkon votat ne Sarande "per te vazhduar procesin qe kane nisur ne Reformat per zhvillimin e Shqiperise".

Persa i perket BE-se: BE nuk ndjek politiken e duhur me Shqiperine dhe me vendet e tjera Ballkanike.
1. Ndihmat qe jane ofruar Shqiperise nuk kane qene jo vetem te mjaftueshme por aspak efektive. Ato kane perfunduar ne xhepat e te korruptuarve por ç'eshte me tragjikja, kane sherbyer per konsolidimin e hegjemonise Greke ne Shqiperi. Shume nga programet per vendet ballkanike iu besuan Greqise meqe ajo eshte e vetmja pjesetare e BE-se ne Ballkan. Greqia beri te duket sikur paret perfunduan ne vendet perkatese te rajonit por i perdori keto fonde per Interesat vetiake me shume zgjuarsi, nuk eshte rastesi pushtimi i rajonit nga Bankat Greke.
2. Evropa "shperblen" me ndihma ate vend qe do te tregonte se po ben para ne aspektin ekonomik dhe politik, kjo eshte nxitese por dhe shume e manget si politike. Pasi ne kete menyre ato shtete qe po zhvillohen do marrin dhe me teper ndihma ndersa ato qe po bejne vend numero, pra qe kane me teper nevoje per ato ndihma "u ndeshkuan".
3. Evropa i uli ne menyre te ndjeshme fondet per vendet e Ballkanit Perendimor ne krahasim me ndihmat dhene vendeve te tjera (Hungarise psh.) para se te futej ne BE.
4. Shqiperia dhe vendet e rajonit nuk jane te gatshme per hyrjen ne BE, por kur te jene te gatshme atehere nuk do te kene shume nevoje per anetaresine ne BE. Vete BE nuk ka nje plan te qarte per vendet e Rajonit, duke lene pershtypjen se nuk do te jete permbushja e standarteve por "atmosfera e pershtatshme politike" per tu futur ne BE, pra nuk ka nevoje qe te bejme asgje, kur te vije koha BE do ti marre si pakete vendet qe kane mbetur....
Kaq me lejon koha per momentin...

PS: OKB eshte nje teme tjeter megjithate nuk po e le pa permendur qe Bosnja ishte nje deshtim i plote per mendimin tim, ashtu si Iraku dhe Kosova provuan edhe njehere sa sa pak vlere ka OKB.
Pershendetje

[Albo]

Oli Rehn letër Nanos: Nuk mund t’i mbyllim negociatat pa parë zgjedhjet

Shekulli

TIRANË- Komisioneri për zgjerimin e Bashkimit Evropian, Oli Rehn, shprehet me shqetësim për situatën e përgjithshme në Shqipëri, sidomos për klimën e acaruar politike ndërmjet PD-së dhe PS-së, edhe tani në prag të organizimit të zgjedhjeve të reja legjislative. Ai bëri të ditur dje se në letrën që i ka dërguar kryeministrit Nano e ka bërë të qartë se Komisioni Evropian mund të propozojë përfundimin e procesit të bisedimeve për marrëveshjen e asociim- stabilitetit, veçse në rast se zgjedhjet e ardhshme do të mbahen në përputhje me standardet ndërkombëtare. Përveç tyre, rezultate të dukshme duhen vërejtur në luftën kundër krimit të organizuar dhe kriminalitetit, - deklaroi para Parlamentit Evropian, komisioneri i BE-së, Oli Rehn.
Para dy muajsh ministri i Jashtëm, Islami, kërkoi që BE-ja të mbyllte negociatat para zgjedhjeve të verës, ndërsa nënshkrimi i marrëveshjes së asociim- stabilizimit mund të lihej pas tyre. Por një gjë e tillë u refuzua menjëherë nga zyrtarët përgjegjës të Brukselit, të cilët u treguan kategorikë në procedurat me Shqipërinë. Sipas tyre, vetëm pas zgjedhjeve të lira dhe të ndershme mund të bëhet fjalë për përfundimin e bisedimeve dhe nënshkrimin e MSA-së.

[Albo]

Socialistët paraqesin platformën për integrimin e vendit. Akuza për PD-në dhe kryetarin Berisha

PS-ja: Shqipëria në BE në 2015-n

Meksi: Do të nënshkruajmë Marrëveshjen e Stabilizim-Asociimit brenda 2005-s, nëse zgjedhjet do të jenë të drejta”

Darina Tanushi

TIRANË – Ministrja e Integrimit, Ermelinda Meksi, është shprehur dje në Ditën e Integrimit se Shqipëria do të nënshkruajë Marrëveshjen e Stabilizim-Asociimit brenda vitit 2005, nëse procesi zgjedhor do të jetë i drejtë dhe sipas standardeve dhe që do të përbëjë kontratën ligjore mes Shqipërise dhe Bashkimit Evropian. E kjo kontratë, sipas saj, do të rregullojë të gjitha aspektet e përgatitjes së vendit tonë për t’u hedhur në stadin tjetër: atë të aplikimit për anëtarësim rreth vitit 2007 dhe anëtarësimit të plotë rreth vitit 2015. Në këtë aktivitet, ku PS-ja shpalli platformën e saj për integrimin, Meksi u shpreh se “Partia Socialiste do t’i fitojë zgjedhjet, pasi ndryshe nga opozita, ka vizionin, vullnetin politik, përgjegjësinë e nevojshme, instrumentet, eksperiencën qeverisëse dhe kapacitet njerëzore për zbatimin e politikave të nevojshme që do të na anëtarësonin në familjen evropiane më shpejt se opozita”. Zgjedhjet e verës së këtij viti janë një pikë “kruciale” e monitorimit të BE-së dhe si forcë politike në pushtet jemi duke përdorur të gjithë autoritetin tonë institucional që të arrijmë të plotësojmë standardet e duhura në procesin zgjedhor, pasi nuk synojmë thjesht fitimin e zgjedhjeve të ardhshme, por pikë së pari, zhvillimin e tyre, sipas standardeve ndërkombëtare, tha Meksi, sipas të cilës, PS-ja dëshiron që të fitojmë gjeneratën e ardhshme dhe jo thjesht zgjedhjet e ardhshme. Ndërkohë në, aktivitetin e djeshëm, ku merrin pjesë edhe anëtarë të tjerë të kabinetit qeveritar, ministri i Rendit Publik, Igli Toska, u përqendrua gjerësisht në procesin e rivendosjes së rendit publik në Shqipëri, stabilitetit të kërkuar dhe të nevojshëm dhe të ndihmuar edhe nga partnerët ndërkombëtarë, në mënyrë që vendi të niste apo më mirë të riniste përpjekjet e saj në shërbim të arritjes së synimit të viteve ‘90, “Ta bëjmë Shqipërinë si gjithë Evropa“. “Nuk duhet të harrojmë atë periudhë tragjike të popullit shqiptar, të shkaktuar nga arroganca e një njeriu të vetëm, nga alucinacionet e një gabimi gjenetik, pas të cilit erdhën qindra të vrarë, mijëra armë në duart e njerëzve, miliona dollarë dëme dhe një kosto tepër e rëndë politike dhe financiare që duhet të përballonte vendi”,- tha Toska.
Ministri i Punëve të Jashtme, Kastriot Islami, është shprehur se gjatë këtyre viteve opozita është përpjekur të pengojë integrimin evropian të Shqipërisë. “Nga veprimet që kreu PD-ja, arriti ta izolojë vendin, duke prishur marrëdhëniet me Shtetet e Bashkuara, me FMN, me Bankën Botërore dhe përfundimisht, duke sjellë në Shqipëri forcat “Alba”, duke e ndryshuar imazhin e Shqipërisë si një vend që kontribuonte në mënyrë modeste për sigurinë. Marko Bello, ministër Shteti për Kordinim, pasi theksoi trashëgiminë e dobët institucionale të qeverisjes së PD-së që konsistonte kryesisht në emërime politike dhe mungesë profesionalizmi, u ndal në objektivat e reformës institucionale si krijimin e shtetit ligjor demokratik, institucionalizimin e parimit të “meritokracisë”, institucionalizimin e shërbimit civil etj. “Nuk është vetëm qeveria që duhet të luftojë korrupsionin, por është e gjithë shoqëria, janë të gjitha strukturat e shtetit shqiptar, Kontrolli i Lartë i Shtetit është prokuroria, sistemi gjyqësor dhe qeveria në nivel qendror dhe lokal”,- tha Bello.

[Shpirt Njeriu]

Faqja 2 - FAQE E PARE Prill 27, 2005


DOKUMENTI EKSKLUZIV / Ja rekomandimet e takimit BE-Shqipëri

17 kushtet e BE-së për zgjedhjet


--------------------------------------------------------------------------------



Partitë politike nuk duhet të bëjnë ndërrimin e komisionerëve në minutat e fundit edhe pse një gjë e tillë lejohet nga Kodi Zgjedhor, ndërsa ky i fundit, i miratuar në janar të këtij viti, duhet të zbatohet me shumë rigorozitet. Ultimatumi i Bashkimit Evropian këtë rradhë vjen nga konkluzionet përfundimtare të takimit të përbashkët BE- Shqipëri, zhvilluar në shkurt të këtij viti. Këto konkluzione kanë mbërritur në duart e zyrtarëve shqiptarë dhe pritet të bëhen shumë shpejt publike. Vend të rëndësishëm në konkluzionet e Presidencës së BE dhe Komisionit Evropian kanë zënë zgjedhjet parlamentare të këtij viti, ku sipas konstatimit të përbashkët të të dy palëve është theksuar fakti se "Shqipëria është e vetëdijshme që zgjedhjet e ardhshme parlamentare të vitit 2005 do të jenë një test thelbësor për aspiratat e vendit për tu afruar më tej me BE". Madje sipas konkluzioneve, detyrimisht këto zgjedhje duhet të arrijnë standartet ndërkombëtare. "Një dështim në arritjen e këtyre standarteve do të përbënte një pengesë serioze në shpresat e Shqipërisë për të konkluduar një Marrëveshje Stabilizim -Asociimi me BE-në" thuhet në konkluzionet e paraqitura për Shqipërinë.

Listat
Duke menduar se problemi me listat do të vazhdojë, BE sugjeron që afati i vendosur për datën 3 Maj, për rishikimin e listave të zgjedhësve, edhe mund të shtyhet, në mënyrë që të merret parasysh konsiderimi i një riprezantimi të parashikimeve për kërkesat e rregjistrimit civil. Theksi në rekomandimet e BE është vendosur edhe në mbarëvajtjen e procesit zgjedhor në ato zona që më parë janë cilësuar si problematike. "Në këto zona, duhet të bëhen përpjekje specifike për të shmangur radikalizimet dhe për të trajnuar në mënyrën e duhur administratën zgjedhore" thuhet në konkluzionet e BE dhe Komisionit. Sipas rekomandimeve, partitë politike duhet të udhëzojnë komisionerët e tyre që në marrjen e detyrave të mos sillen si partiakë, por si profesionistë, në bazë të trainimeve të bëra edhe nga Komisioni Qendror i Zgjedhjeve. Për këtë të fundit është kërkuar që në rregulloret që duhet të nxjerrin për zgjedhjet, të marrin parasysh zbatimin me përpikmëri të rekomandimeve të OSBE/ODIHR-it.

Përfaqësimi
Një thirrje e veçantë u është drejtuar edhe forcave politike, të cilat sipas BE, duhet të marrin në konsideratë faktin e përfshirjes së sa më shumë grave në skenën politike dhe në listat për deputetë. "Shqipëria duhet të ndërmarrë të gjitha hapat e nevojshme për të shqyrtuar çështjet teknike të identifikuara në kuadër të zgjedhjeve të kaluara " thuhet në konkluzionet e BE.


Rekomandimet për zgjedhjet parlamentare

1. Shqipëria është e vetëdijshme që zgjedhjet e ardhshme Parlamentare të vitit 2005 do të jenë një test thelbësor për aspiratat e Shqipërisë për tu afruar më tej me BE-në. Këto zgjedhje duhet të arrijnë standartet ndërkombëtare. Një dështim në arritjen e këtyre standarteve do të përbënte një pengesë serioze në shpresat e Shqiëprisë për të konkluduar një Marrëveshje Stabilizim Asociimi me BE-në.

2. Shqipëria duhet të sgurojë zbatimin në kohë të Kodit Zgjedhor të ndryshuar në Janar 2005.

3. Plani i Përgjithshëm për përgatiejn e zgjedhjeve Parlamentare të 2005-ës, i hartuar nga KQZ-ja në Shkurt 2005, duhet të ndiqet me rigorozitet si dhe duhet të respektohen afatet e përfshira në këtë plan.

4. Shqipëria duhet të garantojë një funksionim të paanshëm, jo-partiak dhe profesional të Komisionit Qëndror të Zgjedhjeve (KQZ) dhe të bëjë të gjitha përpjekjet për një reformim të mëtejshëm të këtij institucioni thelbësor në përputhje me rekomandimet e OSBE-ODIHR-it. Në veçanti, rregullorja e re për KQZ që përcakton, mes të tjerash, rregulla të qarta proceduriale për veprimtarinë e këtij Komisioni duhet të zbatohet me rigorozitet.

5. Puna mbi ndarjen e kufinjve të zonave zgjedhore dhe vendndodhjen fizike të qendrave të votimit brenda njësive zgjedhore në bashkitë kryesore duhet të përfundojë pa vonesa të mëtejshme.

6. Pasi të kenë përfudnuar, listat përfundimtare të zgjedhësve duhet të bëhen publike në kohën e duhur. Deri në atë kohë, Qeveria duhet të ndërmarrë të gjitha masat e mundshme për të nxitur dhe lehtësuar regjistrimin në listat e zgjedhësv e të atyre personave që nuk janë regjistruar ende. Kjo përfshin një shtyrje të mundshme të afatit për shqyrtimin publik të listave paraprake të zgjedhësve mbas 3 Majit, si dhe konsiderimin e një ri-prezantimi të parashikimeve për kërkesat e regjistrimit civil siç është mundësuar nga "Ligji për verifikimin, identifikimin dhe regjistrimin e shtetasve".

7.Autoritetet Shqiptare duhet të sigurojnë që votuesve t'u jepet vërtet mundësia për të verifikuar listat paraprake të zgjedhësve si dhe që të vendosen procedura të përshtatshme për të korrigjuar rregjistrin e zgjedhësve. Votuesit duhet të lajmërohen në mënyrën e duhur për përfshirjen e tyre në listën e zgjedhësve me qëllim që, ndër të tjera, të lejojnë zgjedhësve që të vetë regjistrohen në mënyrë aktive në qoftë se dëshirojnë të bëjnë një gjë të tillë dhe veçanërisht në rastet kur ata nuk janë regjistruar nga Autoritetet përkatëse.

8. Duhet të zhvillohet dhe zbatohet një fushatë për informimin efektiv të zgjedhësve.

9.Shqipëria duhet të sigurojë që komisionet zgjedhore të cilët janë ngritur në përputhje me dispozitat e Kodit Zgjedhor dhe Planin e KQZ-së të jenë të qëndrueshëm; partitë politike Shqiptare nuk duhet të paraqesin ndryshime të minutës së fundit, edhe pse kjo gjë mund të lejohet nga Kodi Zgjedhor.

10. Partitë politike Shqiptare duhet të zgjedhin anëtarët e grupeve të numërimit sa më shpejt që të jetë e mundur në mënyrë që të mundësohet trainimi i duhur i tyre. Partitë politike gjithashtu duhet të sigurojnë që këto grupe të jenë të qëndrueshme dhe të shmangin ndryshime të minutës së fundit.

11. Partitë politike Shqiptare duhet të bëjnë përpjekje të dukshme për të siguruar se anëtarët e partisë të cilët janë emëruar në administratën zgjedhore të veprojnë thjesht si administratorë e jo si të deleguar partiak, si dhe që rregullat, drejtësia dhe mirëkuptimi të mbizotërojnë gjatë procesit zgjedhor. Sanskionet, ashtu siç përcaktohen dhe nga ligji, duhet që të zbatohen me efektivitet nga autoritetet përkatëse mbi komisionerët e zgjedhjeve të cilët vështirësojnë qëllimin për arritjen e një procesi zgjedhor plotësisht demokratik në përputhje me standartet ndërkombëtare.

12. Trajnimi i komisionerëve të zgjedhjeve si dhe të grupeve të numërimit duhet të zbatohen në mënyrën e duhur.

13. Shqipëria duhet të kushtojë një vëmendje të veçantë ndaj sigurimit të mbarëvajtjes së duhur të zgjedhjeve sidomos në ato zona ku në të kaluarën janë hasur problematike. Në këto zona duhet të bëhen përpjekje specifike për të shmangur radikalizimet dhe për të trajnuar në mënyrën e duhur administratën zgjedhore.

14. Shqipëria duhet të sigurojë që minoritetet të kenë mundësi të marrin një dokumentacion të lidhur me zgjedhjet në gjuhët e minoriteteve.

15. Administrata zgjedhore duhet të ndërmarrë masa konkrete për të ndaluar votimin familjar/në grup. Programet për edukimin e mirëfilltë të zgjedhësve dhe trajnimin e komisioneve zgjedhore duhet të kryhen në mënyrë që të sigurohet parimi "një person, një votë".

16. Partitë politike duhet të tregojnë me fakte vullnetin e tyre për të promovuar prezencën e grave në listën e kandidatëve partiak dhe për të mbështetur prezencën e grave në politikë.

17. Shqipëria duhet të ndërmarrë të gjitha hapat e nevojshme për të shqyrtuar çështjet teknike të identifikuara në kuadër të zgjedhjeve të kaluara. Sidoqoftë, Shqipëria duhet të jetë në dijeni që adresimi i zgjidhjeve teknike mund të mos jetë i mjaftueshëm për mbarëvjajten e duhur të zgjedhjeve. Në mënyrë që të kenë sukses, partitë politike Shqiptare duhet të demonstrojnë një vullnet të plotë politik në zbatimin e ligjit dhe në arritjen e zgjedhjeve plotësisht demokratike në përputhje me standartet ndërkombëtare

[Shpirt Njeriu]

Faqja 4 - POLITIKE Prill 27, 2005


Ministrja dje në raport për negociatat në Komisionin e Integrimit

Meksi: Jemi gati t'i përgjigjemi BE


--------------------------------------------------------------------------------



Ministrja e Integrimit Ermelinda Meksi pranoi dje se rekomandimet e fundit të ardhura nga Bashkimi Evropian po merren seriozisht nga ana e qeverisë. Gjatë një raportimi në Komisionin parlamentar të Integrimit, Meksi deklaroi se nga pala shqiptare ekziston një vullnet për plotësimin e këtyre rekomandimeve, të cilat në mënyrë të veçantë janë për zgjedhjet e reja parlamentare. Meksi tha se "këtë material ua kemi dërguar të gjitha ministrive respektive që përfshihen, KQZ-së, Ministrisë së Pushtetit Vendor dhe i është dërguar një kopje parlamentit. Për fat të mirë unë kam marrë përgjigjet nga ministrat dhe do të plotësojmë atë kërkesë që kërkon BE-ja brenda datës 26 prill".

Raportimi
Gjatë përgjigjeve që dha para komisionit, Meksi pranoi se "të gjitha rekomandimet kanë të bëjnë me problemet që u diskutuan në takimin e fundit me task force, që lidhen kryesisht me problemet e zgjedhjeve, me të gjitha hapat që duhen marrë për të realizuar atë që u aprovua nga parlamenti, Kodin Zgjedhor". Meksi ka tentuar që të zbusë deklaratat e BE-së, duke i cilësuar ato një bashkëbisedim mes palës shqiptare dhe asaj evropiane. Sipas Meksit, "nuk janë të dhëna në mënyrë autoritare, janë hapa të bashkëvendosura, pas të gjitha negociatave që kemi bërë, si dhe në negociatën e fundit që kishim në shkurt me BE-në dhe ku kishim përfaqësuesit e institucioneve respektive që do të menaxhojnë zgjedhjet".

Zbatimi
Përfaqësuesja kryesore në negociatat me BE-në është shprehur optimiste për sa i përket zbatimit të këtyre kërkesave. Sipas saj, këto kërkesa janë të arritshme. Nëse Shqipëria nuk arrin të plotësojë kërkesat, Meksi paralajmëron se "në këtë rast nuk japim garancitë për zhvillimin e zgjedhjeve të radhës". Ajo ka këmbëngulur se për të realizuar atë që kërkohet, duhet vullnet politik dhe vullnet institucional. "Përderisa Kodi Zgjedhor ishte produkt i një konsesusi politik, dhe gjithçka që kërkohet ka të bëjë me zbatueshmërinë e hapave që parashikon Kodi Zgjedhor, nuk do të doja të paragjykoja partitë e opozitës", deklaroi Meksi duke iu përgjigjur pyetjeve të deputetëve.