BE: Qeveria, kujdes me pronat dhe zgjedhjet

[beni67]

[B]Me vjen keq per deziluzionimin e atyre mbeshtetesve te nanos me qeveri, kompani doja te thoja. Po pse ore si menduat ju se do te na pranoje njeri me ate palo qeveri qe kemi. Po kush e heq ne kurriz kete pa? Fatosit as i ben pershtypje fare . Ai vazhdon te mjele ate vend e te majmet. Per te dhe kliken e tij nuk ka fare interes te futet ne Europe. Po atehere cfare duhet bere? Te ulni koken o shqiptare , lereni qeverine te punoje ( te vjedhe ). Te na roje partia dhe shoku fatos . Packa se nuk na pranojne ne Europe. Do te doja te degjoja komentet e disa komunisteve qe nxjerrin here pas here koken ketu ne forum.
Pershendetje te gjitheve.

[Albo]

Ish-komunistet shqiptare, ata qe sot vetequhen "socialiste shqiptare", pas 14 vjetesh jane kthyer tashme ne origjine, atje ku filluan 11 vjet me pare. Ne 1991 Ramiz Alia mblodhi Keshillin e Ministrave dhe gjithe byrone politike per te diskutuar mbi situaten. Behej fjale qe shqiptare protestojne me fjalet "Duam te hyjme ne Evrope", dhe besoj se i keni te fresketa pergjigjet e shoqes Nexhmie dhe shokut Hekuran.

Nexhmia: " Evropa le te na pranoje keshtu sic jemi "

Hekurani: "Nese Evropa nuk na pranon sic jemi atehere, hiqe e mos e keput"

Ne 1995 Shqiperia u pranua me te drejta te plota ne KE.
Ne 2005 Shqiperia eshte ne prag te perjashtimit nga KE.

Le te na rroje Partia!

[drini_në_TR]

Lind pyetja: c'do te behet nese Evropa e Bashkuar e mban paralajmerimin dhe na perjashton nga perafrimi me te? Praktikisht asgje. As edhe te mos kemi hijen e ndonje dyshimi se ndonje nga kryepolitikanet tane do te ndihet fajtor dhe do te jape doreheqjen. Ndjenja e fajit eshte e huaj per klasen tone politike. Po ashtu edhe ajo e te qenit apo te berit gabim. Gabimet dhe fajet i bejne perhere te tjeret, sidomos kundershtaret dhe antagonistet me te forte politike.

SENSI I FAJIT NË SHQIPËRI

Kjo thënie është mëse me BAZË të fortë, dhe them se ne si qytetar të thjeshtë duhet ta kemi këtë aspekt ndërmënd kur debatojmë në lidhje me politikanët tanë. Nuk janë fajtor vetëm pushtetarët që nuk kan zbatuar plotësisht ligjet në Shtetin Shqiptar. Nuk jan fajtor vetëm opozitarët si grupime dhe formime partiake në Shqipëri. Fajtorët kryesor jemi NE populli dhe qytetarët e Shqipërisë për gjëndjen që ka shteti dhe vëndi jonë.

Jemi ne fajtor që në mesin tonë kemi të babzitur pas korrupsioneve, të babzitur pas rrëmbimeve të vajzave shqiptare për qëllim prostitucioni. Jemi NE qytetarët që nuk duam të paguajmë taksat doganore plotësisht në Shqipëri. Por faji jonë më i madh është se jemi INDIFERENT ndaj këtyre korrupsionioneve, nuk e shikojmë se problemi është në shoqërinë shqiptare, se problemi ka për fill rrethin tonë qytetëror, dhe mëpas i hap krahët gjeri në organet udhëqëse të shtetit.

Secili politikan në Shqipëri është më parë shtetas shqiptarë, dhe mëpas është "dikush" mbi të tjerët. Korrupsioni në shumicën e organeve drejtuese të Shqipërisë ka për fill sensin e dobët qytetar të MORALIT. Një qytetari shqiptarë (në shumicë) nuk i bëhet vonë nëse ja rrëmben motrën komshiut të tij për t'ia skllavëruar si prostitutë. Qytetarit tjetër, zyrtar në shtet, nuk i bëhet vonë që t'i fusi disa të holla në xhepin e tij nga fondet që i janë caktuar shtetit për t'u investuar në shoqërinë shqiptare. Dhe atyre qytetarëve me titull politikani, nuk i bëhet vonë shoqëria shqiptare mëparë se t'i mëshirohen xhepat e tyre apo "pushteti" që kan mbi popull.

Jemi dy pëllëmb vënd. Jemi Tre miljon banorë në Republikën e Shqipërisë. Kemi më shumë se 33 parti që kunkurojnë njëra-tjetrën. Kemi tre fe që na shërbejnë. Kemi më shumë se Tremijë vjetë në atë tokë, por prap jemi të fundit në Evropë...

Faji është i joni të dashur lexues. Unë fajin e shoh tek vetvetja, tek ty, tek ai, dhe tek të tjerët qytetarë shqiptarë, sepse jemi ne që akoma s'ia kemi vënë në pah, nuk i kemi thirrur për t'i nxjerrur sheshit padrejtësirat që ndodhin nëpër gjykatat. Jemi ne qytetarët shqiptarë që as të drejtën e votës nuk e kemi të garantuar, por... por... këtu është i gjithë filli i problemit tonë:

Sa nga ne çohen që të kërkojnë të drejtat tona ligjore në Shqipëri? E kam fjalën për të drejtat që na janë dhënë në letër (kushtetutë) por që nuk jan zbatuar në praktikë? As 10% i qytetarëve shqiptarë nuk ngrejnë zërin... Prandaj i them: Bravo iu qoftë Këshilli Evropian, ne e meritojmë raportin tuaj!

Jemi shoqëri e hallakatur, ku mendimet e dy vetave me zorr se gjejnë pajtim, dhe gjithësecili për mëndje të vet i duket vetja se është më i mirë se qytetari tjetër. Ky pra, mentaliteti jonë është pjesë e moralit tonë të përgjithshëm shoqëror. Duket qart sesi e reflekton tiparin e vet tek partitë politike që nuk harrijnë dot të gjejnë konsensus me njëra-tjetrën. Nuk harrijnë dot të të nxjerrin më të aftin në krye të tyre, por atë që ka më shumë karizëm tek të tjerët dhe ai që ka më shumë "forcë" mbi të tjerët. Prandaj unë personalisht nuk ua vë fajin final politikanëve. Ata thjeshtë shfrytëzojnë duke kuptuar mentalitetin dhe moralin që na mbizotëron neve, që e përbëjmë ne të gjithë bashkë. Se të ishte Nano kryeministër në Itali, qytetarët s'do ta linin të vepronte siç vepron ai me qytetarët shqiptarët, por në Shqipëri qytetarët jan indiferent, ecin nëpër trutuare të fjetur. Prandaj nëse duam të gjejmë kush është fajtor, fajtori kryesor jemi ne, dhe tek ne duhet ta gjejmë zgjidhjen, tek ne në popull, në shoqëri, tek morali i përgjithshëm që kemi, tek respekti për qytetarin tjetër, çka do të thotë të heqim dorë nga babzitjet për të holla dhe pushtet që shfrytëzon bashkombasin tjetër.

Unë personalisht, i drejtohem, dhe do t'i drejtohem gjithnjë qytetarëve, si qytetar, për problem tona shoqërore sepse problemet në Shqipëri jan tek NE, dhe fillojnë të zgjidhen vetëm tek NE si shoqëri e bashkuar .



T'I THËRRASIM NEVOJAVE

Dëshiroj të ndaj një ide, qytetërore, si një qytetar i thjeshtë. Ka të bëj me gjënë dhe ç'ështjen që na bashkon të gjithë neve, pra Shqipërinë dhe gjëndjen e saj. Dhe më hollësisht, ka të bëj me mynyrën sesi i thërrasim problemeve në Shqipëri. Kam harritur të kuptoj sëfundi se, të thërrasësh në mynyrë alternative, përkundër mynyrës kundërshtuese ndaj një gjëje, është më e fortë dhe më frytëdhënëse. Për ta ilustruar më qartë çka po dua të përcjell, po përdor një shëmbull:

Është më e mirë e frytdhënëse të thërrasësh që të vihen Gjykatës të drejtë dhe që e bëjnë punën, e janë të klualifikuar si gjykatës, sesa të thërrasësh që të hiqen gjykatësit e korruptuar. Të thërrasësh të parën e shëmbullit, përveçse e kryen thirrjen e dytë, por edhe e plotëson qëllimin: vënien e gjykatësve të drejtë në institucion.

Në të njëjtën mynyrë, duhet të thërrasim që të vijnë pushtetarët e drejtë e që i shërbejnë popullit e shtetit shqiptarë, sesa vetëm të thërrasim "Nano IK" sepse vetëm ikja e Nanos nuk e zgjidh problemin e pas-ikjes së tij. Me partitë tona politike, unë personalisht nuk jam i ngjyrshëm, dmth do të votoj atë parti që shfaq alternativat më të mira dhe që ka reputacion më të mirë. Por thirrjet qytetare jan gjithnjë të nevojshme kur tek partitë tona ka çalime, sikurse ka tani shumë qartë. Por duhet të kemi në mëndje që të thërrasim për zgjidhje, të thërrasin për shumë-llojshmëri alternativash të tyre, dhe për më shumë efikasitet sesa veç të tharrsim në kundështim të kësaj apo asaj gjëje.

Prandaj, le t'i thërrasim përmirësimit të zgjedhjeve. Le t'i thërrasim rizgjimit të Gjykatave që praktikisht duhet të jenë të pavarura nga politika. Le t'i lëmë disa zëra atyre që punojnë nëpër Prokurorira e t'i kujtojmë se nuk kan dënuar asnjë zyrtar të korruptuar gjerimë sot. Ç'është më e rëndësishmja, le të kujtojmë njëri-tjetrin se organet tona qeverisëse kan çalime, dhe se më mirë se të kundërshtojmë çalimet e tyre, NE të mendojmë për zgjidhje e të thërrasim për to. Unë për vete po e bëj, dhe po ia rikujtoj çdo shqiptari këtë përgjegjësi shoqërore. Siç po bëj me ty tani.

Le të shpresojmë për zgjedhje të drejta gjatë vitit 2005,
dhe për një rizgjim të përgjegjësive tona shoqërore shqiptare.

Sinqerisht,
Drini Nosi.

[ALBA]

Bravo Drini !
Mesazhi jot eshte vertet nje thirje njerzore e demokrate , kush ka veshe te degjoje , e kush ka sy te lexoje shkrimin tend inteligjent , te nje te riu shqiptar .

Nuk kam asnje fjale cfar te shtoj apo paksoj .

Perdhendetje dhe respekt nga Alba

[drini_në_TR]

Alba të falemnderit
______________________________________________

Kryetari i KQZ takon perfaqesues te OSBE/ODIHR dhe Keshillit te Europes. KQZ merr vendimin e pare per zgjedhjet e pergjithshme te 2005

[05. 05. 2004] Kryetari i Komisionit Qendror te Zgjedhjeve Ilirjan Celibashi takoi sot delegacionin e Keshillit te Europes dhe OSBE/ODIHR, zoterinjte Pierre Garrone dhe Nikolai Vulchanov, si edhe te tjere eksperte zgjedhore te KE si edhe te perfaqesise se OSBE ne Tirane.

Kryetari i KQZ Celibashi ka shprehur vleresimin e Komisionit Qendror te Zgjedhjeve per raportin dhe rekomandimet e perbashketa te OSBE dhe te ODIHR per zgjedhjet vendore 2003, i publikuar vetem disa dite me pare. Tema kryesore e takimit ishte ceshtja e ndryshimeve dhe permiresimeve te Kodit Zgjedhor perpara zgjedhjeve te pergjithshme te vitit 2005.

“Megjithese te gjitha partite politike shqiptare kane shprehur vullnetin e tyre per te mundesuar permiresimin e kuadrit ligjor te zgjedhjeve, asnje hap nuk eshte bere per te filluar pergatitjen e dispozitave te reja,” theksoi Kryetari Celibashi per ekspertet dhe perfaqesuesit e larte nderkombetare.
Z. Nikolai Vulchanov, nje nga ekspertet me te njohur nderkombetare te OSBE/ODIHR shprehu konsideraten e tij per aktivitetin e Komisionit Qendror te Zgjedhjeve ne administrimin e procesit te fundit zgjedhor, si edhe diskutoi me kreun e KQZ mbi inciativat e ndermarra per fillimin e pergatitjeve per ndryshimin e Kodit Zgjedhor.

Me tej, Komisioni Qendror i Zgjedhjeve se bashku me perfaqesuesit e partive politike zhvilluan nje mbledhje ne te cilen u miratua nje projekt per sensibilizimin e zgjedhesve ne kuadrin e Dites se Drejtesise me 10 Maj.
Vendimi me i rendesishem i Komisionit Qendror te Zgjedhjeve sot ishte ai mbi percaktimin e partive politike te cilat kane te drejte te propozojne anetaret e komisioneve zonale zgjedhore (KZZ), komisionet e nivelit te dyte pergjegjese per administrimin e zgjedhjeve te pergjithshme 2005.

Sipas Kodit Zgjedhor, te drejten e propozimit e kane 4 partite politike qe kane marre me shume vota ne zgjedhjet e pergjithshme 2001. Ne 100 zonat zgjedhore te Republikes se Shqiperise, do te ngrihen 100 KZZ, anetaret e te cilave, sipas vendimit te sotem te KQZ do te propozohen nga Partia Socialiste (dy anetare), Partia Demokratike (2 anetare), Partia SocialDemokrate (1 anetar) dhe Partia Demokrate e Re (1 anetar). Propozimi i anetarit te shtate te KZZ do te behet pasi te hidhet shorti midis PS dhe PD ne nje mbledhje te ardhshme te Komisionit Qendror te Zgjedhjeve.

(Shënim: Shkëputur nga faqja në internet e KQZ-së)

[drini_në_TR]

Për zgjedhjet kuvendore 2005 në Republikën e Shqipërisë.

Tek faqja e Komisionit Qëndror të Zgjedhjeve (shtyp këtu) vura re se në qëndrën e tyre presin formulare nga çdo qytetar shqiptar ku mund t’i shkruajmë dhe t’i dërgojmë KQZ-së shqetësimet tona vetjake që kemi në lidhje me zgjedhjet. Mendoj që, për të gjithë ne që shpresojmë për zgjedhje të ndershme dhe të drejta kuvendore gjatë vitit 2005, është mirë t’u nisim mesazhet tona për t’i shtytur ata si komision që zgjedhjet e ardhshme të jenë të drejta. Unë nga ana ime mendoj se është më frytëdhënëse t’u drejtohemi organit të KQZ-së si garantues i votës së qytetarëve shqiptar, dhe t’u themi atyre që t’na i ruajnë votat tona besnikërisht, sipas punës që duhet bërë konform Kodit të tanishëm Zgjedhor (mund ta lexosh të plotë këtu), sesa t’ua lëmë në dorë partive politike garantimin e zgjedhjeve. Këtyre partive le t’ua bëjmë të lehtë të formulojnë dhe të nxjerrin alternativat e tyre për zgjedhjet e ardhshme kuvendore, ndërsa ne si qytetar t’i thërrasim e ta shtyjmë KQZ-në që kësaj here të jetë një organ garantues dhe kryes i zgjedhjeve të drejta dhe të lira. Prandaj më duket e rëndësishme që t’u lëmë secili prej nesh nga një mesazh ose një peticion në lidhjen më poshtë:

Mesazh Drejtuar KQZ-së
http://www.cec.org.al/2004/mail/Form1.php

Vura re se tek organizimi i tyre, KQZ-ja ka një zyrë që merret përkatësisht me publikun, dmth edhe me mesazhet që mund t’i dërgojmë ne. Për më shumë hollësi rreth përbërjes së tyre si KQZ mund të shikoni tek kjo lidhje këtu.

Shënim: E kam bashkangjitur shkrimin në këtë postim edhe si skedar për ata/ato që mendojnë njëlloj si unë, dhe që duan t'ia nisin me email këtë sensibilizim për zgjedhjet kuvendore 2005 miqëve të tyre.

Drini.

[Kryeplaku]

Mire do benin te na kishin hequr me kohe nga Keshilli dhe 100 here me mire do kishin bere te gjitha organizatat nderkombetare (pervec OKB) te na perjashtonin dhe te mos na jepnin ndihma e borxhe, se vetem atehere do u zgjonin Shqiptaret nga ky gjumi i thelle qe i ka zene. Sot qeverija Shqiptare po e fut kombin tone ne borxh deri ne fyt dhe keto leke shkojne ne xhepat e politikaneve, te drejtat demokratike shkelen per dite, kriminalitetin nuk e lufton asnjeri, po shkelen te drejtat njerezore. Pra pse te na pranoje bota neve?

[krokodili_73]

PIKEPYETJET E POLITIKES SHQIPTARE


--------------------------------------------------------------------------------

Nga Fatos ÇOÇOLI


Pohimi i ish-kryeministrit Meta se nuk përjashton daljen e tij dhe ithtarëve të vet në një parti tjetër është padyshim një kërcënim serioz për partinë në pushtet. Tani që ajo po pëson grirjen e rradhës mes Nanos dhe Metës, me fare pak gjasa për të përfunduar në pajtim dhe ndarje pushteti, shumë shqiptarë mendojnë se këta po ia japin në një pjatë të argjendtë pushtetin e Berishës. Pjesën tjetër të metamorfozës po e ndihmon Bashkimi Evropian me dushin e ftohtë të kritikave të kthjellta për papërgjegjësi qeverisjeje. Aq sa të detyrojë kryetarin e socialistëve të kërcënojë me kongres të jashtëzakonshëm. Po ashtu ka peshën e vet arësyetimi se në një vend me demokraci të brishtë, rotacioni (ndërrimi) i pushtetit nga njëra dorë politike në tjetrën është i domosdoshëm. Kështu që natyrshëm lind pyetja: a është gati partia tjetër për të marrë pushtetin? Sa i besueshëm është udhëheqësi i gjithëpushtetshëm i Partisë Demokratike? A do të heqë dorë ai nga huqet e veta historike, nga zemërata ndaj atyre që mendojnë ndryshe nga ai në parti, nga mospranimi i fraksioneve, nga hiperbolizimi përçmues i çdo të mete të bashkëpunëtorëve apo kundërshtarëve? A do të mund të krijojë brënda partisë së vet një klimë demokracie të brendshme, kur ka qenë prej vitesh mbytësi i përpëlitjeve të saj? A do të vazhdojë të mbështetet në mitingashë dhe puthadorës që lëngëzojnë për pushtet abuzues? A do të mundë të largojë nga vetja djajtë e imponimit të vullnetit të vet të tjerëve apo të humbjes së gjykimit realist sa herë eksitohet në pasionin e vet partiak? Këto janë shumë pikëpyetje për të formuar një besim qytetar. Megjithatë, Berisha e ka filluar ngjitjen në besimin e shqiptarëve duke përfillur më të përgatiturit prej tyre, intelektualët aktivë të shoqërisë civile. Vetëm se kjo nuk mjafton. Duhet të kërkojë publikisht falje për të gjitha të zezat dhe gabimet e pushtetit të tij gjashtëvjeçar 1992-97. Berisha ka sot bashkëpunëtorë të përgatitur që marrin vesh nga ekonomia. Jo si deklaratat e tij menjëherë sa mori pushtetin në mars 1992, kur ia veshte "dru me pre" kuptimeve ekonomike. Dhe vetë gjuha e tij në problemet ekonomike të vendit duket më me bazë. Mirëpo thëniet dhe kredo e tij është për t'u vënë në një kandar të kujdesshem, pse kujtesa e shqiptarëve nuk mund të tradhëtojë. Edhe në vitin 1993 tha që jemi të gjithë bashkëfajtorë, që kemi opozitarë, por vëllezër dhe "vëllezërit" i hoqi me mijëra nga puna vetem pse ishin anëtarë apo simpatizantë të Partisë Socialiste. Pastaj, sa do të bashkëjetojë Berisha me njeriun që po e shndërron Tiranën në një qytet perëndimor, me hapësira gjelberuese, rrugë të dyta të asfaltuara dhe po e bën më dinjitoze jetën në kryeqendrën e vendit? Si mund t'i japë fonde Berisha nesër në pushtet "kryehajdutit të Ballkanit", sikurse e ka quajtur Edi Ramën? Këto janë probleme jo te vogla për qytetarët e mufatur me abuzimet e socialistëve dhe që nuk dinë kujt t'ja japin votën. Një garanci për ta mund të ishte ardhja e kryetarit të bashkisë së Tiranës në krye të socialistëve. Por kjo punë u provua në Kongresin e "kongresmenëve" dhe nuk pati sukses. Kështu që zgjedhjet e qershorit të vitit të ardhshëm presin ndonjë kthesë në politikën shqiptare. Jo ngjizjen e koalicioneve të reja me partitë e vjetra. Por daljen e një force progresiste brënda gjirit të partisë socialiste. Meta i vetëm nuk mund ta luajë atë rol. Me Ramën mund të bëhet një dyshe e së ardhmes. Që t'i japë jetë asaj shprese të venitur nga të pabërat shtatëvjeçare të socialistëve.

[Kryeplaku]

Para 14 vjetesh renja e bustit te Enver Hoxhes ngjalli te Shqiptaret shpresen se erdhi dita te shijojme pak demokraci. Kemi 14 vjet qe kemi kaluar nga sistemi diktatorial dhe qe "gjetem demokracine" dhe vendi jone vashdon te ket shifrat me te uleta persa i perket nivelit jetesor dhe te drejtave njerezore e demokratike kurse nga ana tjeter kemi shifrat me te larta persa i perket varferise, korrupsionit, kriminalitetit etj. Ndihma arine dite per dite ne vend nga e gjithe bota dhe populli i thjesht nuk i shijoi kurre ato. Qeverija po mbytet ne borxhe nga bankat nderkombetare, ne kurriz te popullit, dhe ne perseri nuk shohim ndonje ndryshim. Demokracia eshte bere sinonim me anarkine dhe olikgarkine. Pabarazia midis te pasurve dhe te varferve po e ben Shqiperine te ngjaj me shume me Pakistanin, Indine e Afriken sesa me Europen qe e kemi per qellim. Drejtesia ne Shqiperi eshte kthyer ne prone private te me te fuqishmit. Femijet Shqiptar po shiten neper bote per tu bere copa-copa neper klinikat e transplantimeve, femrat shqiptare po shiten si prostituta, emigrantet shqiptar po lejne kockat jashtetit, po keqtrajtohen etj. Qeverija? Nuk flet per asgje. E vetmja gje qe na thone eshte : se do hyme ne Nato e ne BE. Mafiozet nuk i nget asnjeri, le te pine gjakun e Shqiptareve, le te na perdhunonje motrat, le te na drogojne vllezerit, le te na shesin femijet, le te na vrasin. Kokat e qeverise i nxjerrin lakrat njeri tjetrit per korrupsion dhe per krime, dhe asnjeher nuk u be ndjekje penale drejt tyre. Gazetaret kan frike te hapin zerin se mund te gjehen te vrare, gjykatesit pushohen nga puna sa here qe ndrohet qeverija. Kryetaret e policise nuk bejne dot detyren e tyre se mund te perfundojne ne burg. Tokat shqiptare po privatizohen nga politikanet e nga te huajt, megjithese ligji i tokave nuk eshte miratuar akoma. Populli po humb cdo gje qe kalonte nga dora e tij dhe tani nuk ka me ze. Atdheu eshte kthyer ne nje koloni te vertete. Nje koloni pa dyer e pa penxhere per te huajt e per kriminelet. Nje koloni burg per popullin.

Keto 14 Shqiperia ndroi vetem nje here qeveri dhe kjo ndodhi ne vitin 1997 si pasoje e nje puci shteti sepse ne Shqiperi kush eshte ne fuqi manipulon votimet. Keshtu ka mundesi qe te mos shofim kurre ndrim qeverije ne menyre paqesore. Por kjo nuk po i zgjon aspak Shqiptaret, akoma jan te ndare ne dysh midis S. Berishes dhe F. Nanos. Nuk i ben aspak pershtypje, ose me mire nuk e kan kuptuar akoma, se Shqiperia eshte vendi me diktatorine me jetegjate ne Europe. Kjo diktatori filloi me marjen me dhune te udheheqjes nga Ahmet Zogu mbas Luftes se Pare Boterore, i cili u vetshpall mbret, vashdoi me qeverine fashiste qe na vun Italianet, pastaj me qeverine Enveriste dhe ne vitin 1991 kaluam nga diktatoria klasike ne diktatorine moderne te S.Berishes dhe F.Nanos.

Aq qarte duket shkelja e te drejtave njerezore dhe demokratike ne Shqiperi saqe dhe vet presidenti i Keshillit Europian- nje institucion i perbere nga shtete, dmth. ky institucion duke par gjendjen ne Shqiperi nuk numroi fare demin dipllomatik nga kritika kunder Shqiperise- flet se ne Shqiperi eshte e domosdoshme ndrimi i qeverise dhe ardhja ne fuqi te forcave te reja politike qe nuk din nga marifetet diktatoriale te cilat kan trasheguar politikanet tane nga paraardhesit e tyre Enveriste.

[Kryeplaku]

KE: Ne Shqiperi duhen politikane te rinj

Kryetari i grupit parlamentar te Partive Popullore Europiane ne Keshillin e Europes, Rene Van Der Linden, shprehet se nje gjenerate e re politikanesh, do te ishte ne dobi te Shqiperise per t'u perballur me sfidat, si korrupsioni e trafiqet ilegale: "Vendit i duhet nje opozite e forte, por njerezve duhet t'u qendrosh prane, jo vetem neper mitingje"

Armando META

Ne kancelarite dhe institucionet perendimore, sa vjen dhe artikulohet qartazi opinioni politik se, Shqiperia ka nevoje per nje gjenerate te re politikanesh. Zhvillimet me te fundit politike ne vend, sundimi afro 14 vjecar i dy figurave qendrore te politikes shqiptare, konfliktualiteti personal mes tyre, tensionet dhe krizat e vazhdueshme ne vend per shkak te te ketij konfliktualiteti dhe ngadalesimi i procesit te reformave ne vend per anetaresim ne Bashkimin Evropian kane bere qe perfundimisht institucionet perendimore te shprehen qartazi dhe pa medyshje, se Shqiperia ka nevoje per nje gjenerate te re politikanesh. Ky opinion eshte artikuluar ne menyre te terthorte per nje periudhe te gjate kohe nga disa kancelari euro-atlantike, institucione politike dhe studimore perendimore, por se fundi eshte bere i qarte edhe nga disa figura qendrore te Keshillit te Europes. Gjestet per nevojen e nje gjenerate te re politike jane bere te dukshme, po te kihet parasysh se nje varg institucionesh perendimore dhe studimore euro-atlantike, tashme bejne ftesa te barazpeshuara midis "gardes se vjeter" dhe asaj te re ne nje sere veprimtarish politike qe ato organizojne. Opinioni se Shqiperia ka nevoje per nje gjenerate te re politike, me se fundi eshte artikuluar edhe nga Kryetari i grupit parlamentar te Partive Popullore Europiane ne Keshillin e Europes, (nje grupim ky i djathte), Rene Van Der Linden. "I mbetem qendrimit se, nje gjenerate e re politikanesh, do te ishte ne dobi te vendit tuaj, per t'u perballur me sfidat, si korrupsioni e trafiqet ilegale", ka deklaruar Linden, ne nje interviste per TV "Klan". Kreu i grupit parlamentar te PPE ne KE beson se nje klase e re politike, do ta kishte me te lehte per te gjetur kompromisin per ecurine e reformave elektorale, si dhe per te permbushur te gjitha standartet qe Shqiperia te behet me ne fund pjese e Europes se bashkuar.

Opinionet e politikanit te larte te PPE marrin nje vlere te vecante, po te kihet parasysh fakti se ai eshte nje njohes i mire i realitetit politik shqiptar, pasi per nje kohe jo te vogel ka qene edhe reporter i KE ne Shqiperi. Duke iu referuar zhvillimeve me te fundit politike ne vend dhe kryesisht protestave te opozites ne disa qytete te vendit ne moton e levizjes "Nano ik", Linden, duke qene se i perket edhe nje grupimi te djathte politik, vlereson se, "opozita ka te drejte per te dale neper sheshe ne mbrojtje te interesave te votuesve te saj te neperkembur nga pushteti, por nga ana tjeter protesta duhet te shoqerohen me menyra te tjera me paqesore, qe kane te bejne me pergatitjen e elektoratit per zgjedhjet e ardhshme parlamentare". "Shqiperise i duhet nje opozite e forte, ne menyre qe te arrije te detyroje Qeverine te zbatoj disa ekuilibra dhe te mos shperdoroje pushtetin qe zoteron. Por njerezve duhet t'u qendrosh prane, jo vetem neper mitingje dhe protesta, ne menyre qe ata te binden per ato qe opozita ka planifikuar te realizoje, shkojne ne te mire te vendit", ka nenvizuar Linden. Pike tjeter, ne te cilen ai eshte perqendruar eshte edhe mungesa e bashkepunimit politik midis dy partive kryesore te opozites ne vend, sic eshte PD dhe PDR. Megjithese keto dy parti gezojne statusin e vezhguesit ne PPE, midis Berishes dhe Pollos, akujt vazhdojne te mos shkrihen. Linden vlereson se, bashkepunimi midis Berishes dhe Pollos mbetet ne deshiren e paleve, por inisiativa per t'iu rikthyer bashkepunimit, sipas tij, "do te sillte perfitime per te djathten shqiptare".

Korrieri 18/05/04