Imzot Mark Sopi, ipeshk i Ipeshkvisë së Kosovës

[Brari]

Lajmi i fundit - Sot në Prishtinë papritmas vdiq imzot Mark Sopi

Prishtinë, 11 janar - Sot në Prishtinë, diçka pas orës 15.OO, nga një sulm në zemër papritmas vdiq imzot Mark Sopi (1938), ipeshk i Ipeshkvisë së Kosovës. Imzot Sopi vdiq në Qendrën Klinike Universitare në Prishtinë pas dy sulmeve në zemër, me gjithë përpjekjet e mjekëve për t'ia shpëtuar jetën.
Imzot Mark Sopi në krye të Ipeshkvisë së Kosovës erdhi në vitin 1996, duke trashëguar në këtë detyrë imzot Nikë Prela.


------
QIK

[DeuS]

C'nisi ky vit kshu or Brar?!
Ndjese paste...

[scorpion038]

Kujtohet devotshmëria dhe kontributi i Imzot Mark Sopit

Kosova dhe Kisha Katolike kanë humbur njeriun e rëndësishëm të paqes, dashurisë dhe vizionit për të ardhmen, kanë thënë udhëheqësit më të lartë të institucioneve në telegramet e tyre të ngushëllimit, me rastin e njoftimit për vdekjen e Ipeshkvit të Ipeshkvisë së Kosovës, imzot Mark Sopi.

"Në historinë më të re të Kosovës Imzot Mark Sopi do të mbetet një burrë i madh që gjithë jetën punoi për fe e për atdhe. Duke vepruar për forcimin e kishës katolike shqiptare, pra të Ipeshkvisë së Kosovës, që e drejtoi për një dekadë të tërë, u bë njeri i dashur dhe i nderuar për të gjithë popullin e Kosovës. Imzot Mark Sopi gjithmonë ishte me popullin e Tij dhe me Zotin. Kjo i bën njerëzit të jenë të mëdhenj e të nderuar përgjithmonë. Imzot Mark Sopi me vite të tëra u angazhua për pavarësinë e vendit tonë, Kosovës, duke na dhënë zemër e forcë se ajo do të bëhet së shpejti nga miqtë tanë. Sot, në këto momente të dhembjes, ndihem krenar që pata një mik të tillë, çfarë ishte Imzot Mark Sopi, të cilin gjithnjë e kisha krah të fortë pranë vetes në punët shtetërore në momentet më të vështira e më të mira", thuhet në deklaratën e kryetarit të Kosovës, Ibrahim Rugova.

Kryeparlamentari Nexhat Daci thekson se me vdekjen e Mark Sopit Kisha Katolike e Kosovës humbi prelatin e saj të përkushtuar për çështjen fetare dhe kombëtare.

"Ne emrin tim personal dhe të Qeverisë së Kosovës shpreh ndjenjën e thellë të dhembjes për humbjen e një figure të madhe dhe të respektuar në Kosovë e më gjerë", thuhet në telegramin e ngushëllimit të kryeministrit Bajram Kosumi.

Telegrame ngushëllimi kanë dërguar edhe AAK-ja, ministrat Astrit Haraqia e Bujar Dugolli, kryetari i Asociacionit të Komunave të Kosovës, Ismet Beqiri si dhe Myftiu i Kosovës, Naim Tërnavaetj.

Prijësi i Ipeshkvisë Mark Sopi vdiq dje pas orës 15.00, në Qendrën Klinike Universitare të Kosovës, pas një sulmi në zemër. Ai ka lindur më 26 shkurt të vitit 1938 në fshatin Binçë të Vitisë, ku edhe e ka mbaruar shkollimin fillor. Shkollën e mesme e ka vijuar në Kroaci, ku gjithashtu i ka vazhduar studimet për Filozofi dhe Teologji, të cilat i ka përfunduar në Romë. Në vitin 1968 ka filluar të shërbejë si prift i ri në Ferizaj, ndërsa nga viti 1974 ka filluar të shërbejë si famullitar në Kishën e Zllakuqanit të Klinës. Nga viti 1991 deri në vitin 1995 ai ka shërbyer si prift në Durrës, dhe në këtë vit, Selia e Shenjtë e ka emëruar ipeshkv të Kosovës, detyrë në të cilën e ka trashëguar imzot Mark Prelën.

RTK

Edhe shefi i Zyrës Amerikane në Prishtinë, Philip Goldberg, në emër të Qeverisë së Shteteve të Bashkuara ka shprehur ngushëllime për vdekjen e Imzot Mark Sopit. “Kosova ka humbur një udhëheqës të madh fetar për të cilin do të ndihet mungesë e madhe gjatë këtij viti të rëndësishëm”, ka thënë zoti Goldberg, për të shtuar se jeta e Ipeshkvit Sopi iu përkushtua jo vetëm grigjës së tij katolike, por edhe kauzës së dialogut ndëretnik. Në telegram ngushëllimin e shefit të Zyrës Britanike, Mark Dickinson, Ipeshkvi Sopi cilësohet si njeri me vlera të jashtëzakonshme njerëzore dhe shpirtërore, i cili ka qenë i përkushtuar t’i kontribuojë paqes, tolerancës, pajtimit dhe mirëkuptimit në mes të të gjithë qytetarëve të Kosovës.

[ideus]

Ngushllime Familjes Sopi!

[toni77_toni]

Pushoftë në paqe!

[dodoni]

Mark Sopi ka qene i madh. Ngushellimet e mia te sinqerta familjes se tij dhe gjithe katolikeve shqiptare.

Tung

[alibaba]

Ngushellime te sinçerta shqiptareve katolike dhe familjes se Mark Sopit.

[iliria e para]

Ngushellimet e mija atyre qe e kan pasur afer zemres.
Pushofte ne paqe!

[Brari]

Kryeministri shpreh ngushëllimet për ndarjen nga jeta të meshtarit të shquar Imzot Mark Sopi

Berisha: Kisha Katolike humbi Ipeshkvin e saj të shquar

Kryeministri Sali Berisha ka shprehur ngushëllimet për ndarjen nga jeta të meshtarit të shquar, personalitetit të madh të Kishës Katolike në Kosovë dhe mbarë kombit, Imzot Mark Sopi.

Në mesazhin e ngushëllimit, kryeministri Berisha shprehet se "Imzot Mark Sopi lë trashëgiminë e madhe të patriotit të flaktë, të besimtarit të madh, prelatit gojëtar, edukuesit të palodhur e dashamirës, misionarit të zellshëm që për një periudhë 6-vjeçare u bë famulltari më i dashur i Kishës së Durrësit. Shembullit të përkryer të përkushtimit ndaj Zotit, vlerave hyjnore të njeriut, të kombit, shembullit frymëzues për drejtësi dhe përparim.

Me ndërrimin e jetës së Imzot Mark Sopi, familja, miqtë dhe të afërmit humbën njeriun e tyre të shtrenjtë, Kisha Katolike Ipeshkvin e saj të shquar, mbarë Kosova bariun e përkushtuar të Zotit", thekson në mesazhin e tij të ngushëllimit kryeministri Sali Berisha.




RD