Na erdh 1 Maji..me lule shume...

[Brari]

keshtu me duket ka qene nje kenge per 1 mAjin kur jeshe une ne kopesht..

Ja si erdhi sivjet 1 Maji..


Tema..


-----
Erion Veliaj tha se "dita e sotme për Shqipërinë është një ditë turpi dhe jo feste. Qytetarët duhet të dilnin e protestonin, pikërisht sot kur BE u zgjerua me anëtarë të rinj. Mes tyre, ishin vende që 13 vjet më parë ishin njësoj si ne, por sot ato pranohet dhe ne jo"

Komunistët protestojnë dhe festojnë të ndarë në dy grupe

"Mjaft": 1 maji për shqiptarët, ditë turpi

Konfederata e sindikatave shqiptare shpreh pakënaqësinë për mungesën e vendeve të punës, ujit, dritave, pensioneve të ulta dhe varfërisë së tejskajshme

Alida Beqiri

Në Shqipëri, festa e 1 majit nuk ishte një ditë e mirëfilltë proteste siç është në të gjitha vendet e tjera të botës. Disa festuan duke ndjekur traditën paksa të re, shëtitjen nga kodrat e Liqenit. Të tjerët protestuan. Sheshi "Nënë Tereza" ishte ndarë dje në tre pjesë: nga njëra anë protestonte konfederata e sindikatave shqiptare, në pankartat e së cilës shprehej pakënaqësia për mungesën e vendeve të punës, ujit, dritave, pensioneve të ulta dhe varfërisë së tejskajshme; nga ana tjetër dy partitë komuniste të ndara, përkrahësit e së cilës, një pjesë të rinj, brohosrisnin emrin e dikatorit pa ditur kush ishte, thërrisnin "proletariat" pa ditur kuptimin e kësaj fjale dhe festonin pa pasur tribunën nga ku të kthenin kokën.

Pak më tej, një grup inxhinierësh të papunë nga Elbasani kishin ardhur të protestonin në Tiranë kundër qeverisë. "Qeveria e rriti energjinë elektrike nga 8.4 në 10.4 kështu që fabrika e oksigjenit dje u ndal nga kjo ndalesë dolën të papunë 600 kryefamiljarë që punojnë në firmë Kurum në Elbasan", tha një inxhiniere e metalurgjikut të Elbasanit.

Ndërsa për të rinjtë, parlamenti rinor dhe lëvizjen "Mjaft", 1 maji ishte një ditë turpi.

Me simbolin e një tabele udhëkryqi të vendosur në mes të bulevardit "Dëshmorët e Kombit", kryetari i lëvizjes "Mjaft" Erion Veliaj tha se "dita e sotme për Shqipërinë është një ditë turpi dhe jo feste. Qytetarët duhet të dilnin e protestonin, pikërisht sot kur BE u zgjerua me anëtarë të rinj. Mes tyre, ishin vende që 13 vjet më parë ishin njësoj si ne, por sot ato pranohet dhe ne jo, prandaj shqiptarët gjendjen në udhëkryq".

Nga njëra anë e tabelës, ishte shkuar "festë", nga ana tjetër "protestë", ndërsa në mes ishte një shirit i këputur mbi të cilin shkruhej "Europë".

"Kjo parullë ka shumë rëndësi për ditën e sotme. Njerëzit mund të marrin qofte dhe të shkojnë nga liqeni, ashtu siç po bëjnë shumica, mund të protestojnë për të kërkuar të drejtat e tyre. Kjo do të ishte gjëja më e drejtë për të kërkuar integrimin e shpejtë. Një pjesë e qytetarëve shkojnë në festat fallse që qeveria organizon, ndërsa në udhëkryqin tonë, Europa nuk duket gjëkundi", tha Besian Pesha, një nga organizatorët e lëvizjes "Mjaft".

Edhe mënyra e protestës së Parlamentit Rinor ka qenë pak a shumë e njëjtë. "25 tullumbace me ngjyrë bojëqielli që po ngrihen në ajër janë vendet e Bashkimit Europian, ndërsa tullumbacja e kuqe është Shqipëria me reformat e parealizuara të saj", shpjegon drejtuesja e Parlamentit Rinor, Blerta Gjergji. Fakti që dje BE-së i janë shtuar edhe 10 vende të tjera, ndërsa Shqipëria është ende larg integrimit, ka shkaktuar indinjatë tek të rinjtë në ditën e punëtorëve.

Shifra të larta papunësie

Gjithë fenomenet negative që kanë qënë pjesa thelbësore e ekonomisë shqiptare kanë rezultuar në pabarazi sociale të skajshme ku një pjesë mjaft e madhe e të varfërve zotërojnë një pjesë mjaft të vogël të të ardhurave kombëtare ndërsa një pjesë fare e vogël e të pasurve zotërojnë pjesën më të madhe të të ardhurave. Prej këtyre treguesve Shqipëria renditet në vendet e para e krahasuar me vendet e tjera të lindjes që kanë kaluar në transformimin e ngjashëm ekonomik. "Mbi 20 për qind e familjeve të varfëra në Shqipëri zotërojnë vetëm 5 për qind të të ardhurave kombëtare" , thuhet në raportin e Punës në Botë të Zyrës së Punës Ndërkombëtare (ILO). Në këtë tregues, Shqipëria mbetet vetëm pas Rusisë që ka një shpërndarje 4,2 për qind për 20 për qind të të varfërve dhe lë prapa të gjitha vendet që dikur i përkitnin bllokut komunist. Për të shkuar tek Sllovakia dhe Çekia që shpërndajnë dyfishin e më shumë, të të ardhurave kombëtare për 20 për qind të të varfërve.

Të dhëna

40% e popullsisë jetojnë nën nivelin zyrtar të varfërisë (1$ në ditë)

1 milionë njerëz jetojnë me më pak se 1$ në ditë

Afro 160 mijë familje jetojnë me ndihmë sociale

Shifrat zyrtare të papunësisë - 16%

Shifrat jozyrtare të papunësisë - 35%

Papunësia në lindje dhe verilindje - 55 - 60%

Vendet më të varfra - Kukësi, Tropoja, Malësia e Madhe





Përkeqësohet gjendja e grevistëve të urisë

Sindikata e Transportit Urban proteston në mbështetje të 9 punonjësve që kanë hyrë në grevë urie. Sot, dita e 5-të e grevës

Sindikata e Transportit urban është e para e cila ka deklaruar se 1 Maji nuk do të pritet më si vitet e tjera, por në kujtim të kësaj dite të gjithë punëtorët duhet të ngrihen e

protestojnë për të drejtat e tyre. Që prej 4 ditësh, punëtorët e parkut urban të kryeqytetit gjenden në kushte të rënda shëndetësore për shkak të grevës së urisë filluar prej tyre. Sekretari i përgjithshëm i Sindikatës së Punonjësve të Transportit Urban Gëzim Karanxha tha dje se në gjendje më të rëndë shëndetësore është Muharrem Salaj. "Të gjithë grevistët shfaqin shenja që tregojnë se shëndeti i tyre është në rrezik nga dita në ditë, por në gjendje më të rëndë është sekretari i Sindikatës së Punonjësve të Parkut Urban, Muharrem Salaj. Për trajtimin mjekësor kujdeset urgjenca. Tani presim të vijnë serumet. Jemi shumë të shqetësuar për shëndetin e punonjësve", thotë Karanxha që shton se sindikata nuk i ka kushtuar vëmendjen e duhur protestës, si rrjedhojë pjesëmarrja ka qenë e vogël. Deri tani, asnjë qeveritar nuk ka vizituar grevistët, të cilët deklarojnë se do të sakrifikohen nëse nuk plotësohen kërkesat e tyre: çlirimi i linjës së Tiranës së Re që menaxhohet nga një operator privat, krthimi në punë i 150 punëtorëve të pushuar gjatë protestave të marsit, ulje e çmimit të aboneve në 400 lekë, paga jo më të ulëta se 20 mijë lekë, si dhe gjetja e përgjegjësve sipas punëtorëve të vjedhjes së 3,5 milionë dollarëve të dhëna Parkut Urban.

Greva e urisë së punonjësve të Parkut Urban ka ardhur pas 13 ditësh bojkot të punës së tyre për realizimin e këtyre kërkesave. Pjesëtarët e komisionit të grevës, Valter Sejdini, Besnik Llubani, Gëzim Alizoto, Kliton Çekani thonë se pas kësaj proteste-bojkot, 84 punonjës të parkut urban janë nxjerrë në asistencë, ndërkohë që dje, në ditëne punëtorëve janë nxjerrë në asistencë edhe 50 të tjerë. "Privatizimi që iu bë linjës së Tiranës së Re është krejt i paligjshëm, ndërkohë që i gjithë parku urban po shkon drejt shkatërrimit të plotë", ka thënë sekretari i Sindikatës së Punonjësve të Parkut Urban, Muharrem Salaj.



Shoqata "Pronësi me Drejtesi", është e bindur se pa u zgjidhur paraprakisht sipas Kushtetutes e drejta ligjore e kushtetuese e pronarëve të ligjshëm, nuk mund të fillojë procesi i legalizimit, pra për të bërë pronarë të paligjshmit

Shoqata kombëtare e të shpronësuarve "Pronësi me drejtësi" kundërshton projektligjin "për Legalizimin e Zonave Informale"

Projektligji për legalizimet, noterizimi i padrejtësive

Qeveria vepron sipas parimit: "Toka i takon atij që e zapton"

Alida Beqiri

Shoqata Kombëtare e të Shpronësuarve "Pronësi me Drejtësi" reagon pas miratimit nga qeveria të projektligjit për legalizimin e ndërtimeve pa leje në zonat informale. Shoqata deklaron se nuk është dakord me këtë projektligj dhe rendit arsyet që shpjegojnë të qenit kundër në një deklaratë ku thuhet se: "Hartimi i këtij projekt-ligji është bërë në fshehtësi dhe në mungesë të plotë të transparencës. Për hir të së vërtetës, gjatë vitit 2003, ne u thirrem, vetëm një herë në një takim formal, që kishte si qëllim krijimin e një tryeze pune për hartimin e projektligjit me nje konsensus sa më të gjerë. Ne na vjen keq, që tryeza vazhdoi punën pa ne, megjithëse Shoqata jonë përfaqëson palën që preket nga ky problem. Ne nuk u thirrëm asnjëherë dhe për pasojë hartuesit e këtij projekt-ligji nuk kanë marrë parasysh asnjë nga problemet tona, por edhe zgjidhjet që propozojmë ne për këtë problem në projekt ligjin tonë, të paraqitur ne Kuvend me inisiativen ligjvënëse të deputeteve Mediu-Cako. Për këtë arsye ne mendojmë që projekt-ligji mos kalojë për miratim në Parlament, por të vazhdoje puna për përmirësime rrënjësore të tij, në mbrojtje të interesave të pronarëve," thuhet në deklaratën për shtyp të Shoqatës.

Shoqata "Pronësi me Drejtesi", - thuhet më tej, - është e bindur se pa u zgjidhur paraprakisht sipas Kushtetutes e drejta ligjore e kushtetuese e pronarëve të ligjshëm, nuk mund të fillojë procesi i legalizimit, pra për të bërë pronarë të paligjshmit. Të paligjshmit duhet të kuptojnë se pa konsensusin e pronarëve të ligjshëm nuk mund të bëhen pronarë të pronave të të tjerëve. "Shteti duhet njëkohësisht të marrë përsipër gjithë konfliktin që bart zgjidhja e këtij problemi, sepse është politika që ka lejuar këtë situatë duke favorizuar parullën "toka i përket atij që e zapton". Çdo veprim i kundërt do te përbënte nje dhune shteterore te re mbi pronat dhe do te hapte nje konflikt me pasoja te paparashikueshme.

Më tej në deklaratë thohet se: "Ne jemi te vendosur te mbrojme te drejtat tona kushtetuese dhe nuk pranojme asnje imponim duke qene njekohesisht të gatshëm te ulemi ne tryeza pune te perbashketa per te gjetur zgjidhjet me te mira e me pak konfliktuale për kete "dhuratë" të politikes dhe të mungesës së Shtetit Ligjor", vazhdon më tej deklarata.

Shoqata e quan të pakuptimtë ngutjen për miratimin e ketij projekt-ligji "kur ka gjashtë vjet që shkelet Kushtetuta e nuk del ligji për kthimin e pronave".



Shkeljet me "Pronë e paluajtshme e shtetit"

Përveç faktit se është hartuar në fshehtësi të plotë ky projektligj ka gabime dhe mangësi të shumta që shoqata Kombëtare e të Shpronesuarve "Pronësi me Drejtesi" i evidenton: Përsa i perket nenit 10 të projekt-ligjit, ka këto pasaktësi kryesore. Në pikën e parë të tij thuhet "Kur siperfaja e zënë me ndërtim është pronë jo publike e paluajtshme e shtetit, u shitet ndërtuesve të objekteve sipas vlerësimit të percaktuar ne ligjin 8561 dt.22.12. 1999...". Për këtë paragraf mendojmë: a. "është pronë jo publike e paluajtshme e shtetit" - çfarë do të thotë, po pronat publike të shtetit apo jo te shtetit dhe qe jane zene me ndertime te paligjshme si do zgjidhet problemi?

Duhen specifikuar qarte çfare eshte prone shteterore sipas ligjit nr.8561 dt.22.12.1999 "Per pronat e paluajtshme te shtetit". Vendosja e kesaj reference eshte domosdoshmeri sepse ka nje abuzim te jashtezakonshem nga institucionet qendrore apo lokale, te cilat quajne prone shteterore çdo pasuri te paluajtshme qe nuk eshte e regjistruar si pronë private. Për këtë duhet theksuar se pronat që nuk i janë kthyer akoma të zotit, ne asnje rast nuk mund të konsiderohen prona shteterore. Edhe ne projekt-ligjin e OSBE-së në nenin nr.7, pronat e zëna me ndërtime pa leje, nuk përcaktohen si prona që nuk kthehen. Vendosja e shtetit në këto pozita do të çojë në shkelje flagrante te te drejtave te pronareve. Keto veprime jane ne kundershtim te hapur me nenet e Kodit Civil te Republikes se Shqiperise dhe pikerisht: Neni 172 - Sendet pa zot, janë ato që nuk kanë pronar ose pronari ka hequr dorë nga pronesia. Sendet që nuk kanë zot i takojnë shtetit. Kalimi i tyre në pronësi të shtetit bëhet me vendim të gjykatës kompetente. Neni 195 Pasuritë e paluajtshme dhe të drejtat reale mbi ato që janë fituar ose njohur sipas dispozitave të këtij Kodi, nuk mund të tjetersohen dhe kur është rasti, të ngarkohen me barre, ne rast se nuk eshte bere regjistrimi i tyre ne regjistrat e pasurive te paluajtshme.



Rrëfimi: Prej 7 vjetësh në kërkim të vrasësve të djalit

Demir Nazërajt nga Fieri, pjesëtar i forcave të ndërhyrjes së fshehtë është vrarë më 1997. i ati 70-vjeçar e kërkon prej vitesh dhe mendon se vrasja e tij ka qenë politke. Dje. Prefektura i ka dhënë Demirit titullin "Dëshmor i Atdheut"

Demir Nazërajt nga Fieri, i vrarë më 1997-ën i është dhënë titulli "Dëshmor i Atdheut" nga prefektja Rajmonda Stefa. Ai është vrarë në krye të detyrës në marsin e 1997-ës. 6 vjet rresht Demiri ka punuar me forcat e ndërhyrjes së shpejtë, ndërsa 6 muajt e fundit ka qenë i plotfuqishmi për zonën e Cakranit. I ati i tij, plaku 70-vjecar Jakup Nazëraj, s'e ka fort të lehtë ti përgjigjet pyetjes se ç'di për djalin e tij. Megjithatë, ky plak i imët me duart që i dridhen, ndez një cigare dhe nis të rrëfejë me një zë të dhimbshëm...

"Rrethanat e vrasjes janë ende të paditura se na i fshehin, megjithatë, me sa më kanë thënë djali iku për në punë në mëngjesin e 7 marsit të 97-ës sepse e thërriti drejtori i komisariatit të policisë së Fierit, Agron Braçe dhe iu caktua shërbimi bashkë me një kushëririn e vet polic nga prefektura deri te turizmi e nuk u kthye më kurrë...

Nga ora 13 e datës 8 mars, sipas atyre që na kanë thënë, një makinë e policisë "Fuoristrada" ka dalë nga Komisariati dhe oficeri i operacionit Pashk Tusha ka kërkuar që i plotfuqishmi i Cakranit d.m.th. Demiri të vinte me ata për të shkuar në Cakran. Në makinë, veç oficerit ishte polici nga Greshica Përparim Hyseni, shoferi Fuat Shkurti dhe 2 të tjerë. Pasi ka marrë lejen për të shkuar me ta nga komandanti i tij Përparim Pashaj, Demiri bashkë me të tjerët kanë shkuar deri në vendin e quajtur "qafë e Shkozës ", kthesë që të çon për në Cakran. Atje, sipas rrëfimeve të shoferit u kishin zënë pritë dhe pas krismave të para, shoferi ka manovruar me shpejtësi dhe është kthyer në "Qafë të Koshovicës " , u ishin dislokuar forcat e ardhura nga Tirana. Aty i zbritën dhe më tej për fatin e djalit nuk di gjë...Njerëzit flasin në tym pa më thënë asnjë gjë të saktë. Demiri, sipas ekspertizës është masakruar me bajonetë dhe është vrarë 1 m e gjysëm larg me plumba të shumtë në shpatull në drejtim të zemrës, ndërsa përpara në fytyrë nuk njihej më nga torturat. Shumë zëra thonë që djalin ma kanë vrarë njerëzit që u zunë pritë, të Komitetit të Shpëtimit , siç u quajtën në atë kohë.

Kaq mundi të rrëfejë plaku fatkeq mbi ngjarjen, ndërsa më pas na tregon odisenë e tij për të gjetur vrasësit, vendet që ka shkelur, institucione, prokurori e ministri, ndërsa dosja e tij bredh sa në Fier e sa në Tiranë për të zënë pluhur në sirtarët e drejtorit të përgjithshëm të hetimeve në prokurorinë e përgjithshme, Agim Tirana. "Kam kërkuar vrasësit-thotë ai qysh nga drejtorët që ndërrohen në komisariat, ministrat e deri te Presidenti. Ka pasur raste që janë marrë në burg për grabitje dhe aty kanë përfolur se ai ishte vrasësi, por përsëri janë liruar, madje dhe hetuesi Ngadhnjim Avdia, edhe pse më tha se e kishte gjetur vrasësin, pas një jave më mashtroi duke më thënë se s'është e vërtetë.Vrasja e tim biri është politike...Prita ka qënë e organizuar mirë nga njerëz të armatosur, oficerë, komandant operacioni dhe nuk ka qenë spontane. Kam takuar Petro Koçin, Kastriot Islamin, deputetë të zonës më kanë premtuar se do ta gjejnë vrasësit e tim biri, por duket se tallen me ndjenjat e një prindi...Kaluan 7 vjet pa më thënë asgjë, duke më gënjyer e mashtruar të gjithë, ndërsa unë s'do të rresht së kërkuari të vërtetën.

Aurora Damini






----------