Shum po shndrit qaj Dill

[Brari]

..e shum po ja kane dollaret qatij Balozit te zi..

thot Rapsodi..


Panorama..


Detar Hysi: Ja shkeljet e Arapit dhe 14 administratorëve


Hetuesit në kërkim të 100 milionë dollarëve
Prokuroria merr në pyetje ish-kreun e përmbarimit të Tiranës


l.rr.

Detar Hysi, ish-kreu i Përmbarimit të Tiranës, dhe, në të njëjtën kohë, personi që ka bërë kallëzim penal mbi kryeadministratorin Farudin Arapi dhe 14 administratorët e tij, është marrë në pyetje për rreth dy orë më radhë në lidhje me këtë denoncim. Sipas Hysit, Arapi bashkë me administratorët e tij i ka sjellë një dëm jo të vogël shtetit, që kap shifrën e rreth 100 milionë dollarëve. Ai bëri dënoncimin, pasi konstatoi që 1600 dosje të cilat Arapi i kishte dërguar te Përmbarimi ishin pa urdhërekzekutimi. Ndërkohë që, burime nga prokuroria pohojnë për gazetën “Panorama”, se po bëhen verifikime në hipotekë dhe nëpër llogari bankare, për të verifikuar të gjitha llogaritë e pronave që janë sekuestruar nga administratorët për t’u kthyer paratë kreditorve të firmave piramidale. Të njëjtat burime pohuan se, pasi Arapi është shpallur person nën hetim, po hetohet për çështjen se ku gjenden paratë që duhet t’u ktheheshin kreditorëve. Hysi ka shpjeguar gjithashtu dje se përse e kishte bërë atë kallëzim penal, si dhe kur e si i kishte zbuluar ai ato shkelje. Në të njëjtën kohë mësohet se ai është shprehur duke thënë se është i gatshëm të dëshmojë edhe në gjykatë mbi të vërtetën e dosjeve që kishin mbërritur në institucionin që ai përfaqësonte. Hysi e ka depozituar këtë kallëzim prej më shumë se një muaji, ditën kur kërkoi dorëheqje nga detyra e tij, për shkak të kërcënimeve të marra nga Arapi. Më pas ai ka reaguar edhe në intervista të ndryshme duke treguar se ka prova dhe fakte që dëshmojnë kundër Arapit dhe administratorve të tij. Ndërkohë, pritet të merret në pyetje edhe vetë Arapi, për të treguar versionin e tij në lidhje me këto dosje, në të cilat pretendohet se ka shkelje. E njëjta procedurë do të ndiqet edhe me 14 administratorët e tjerë, të cilët do të japin llogari për çdo dokument që mban firmën e tyre.



Padia për shpifje

Arapi para disa ditësh ka depozituar një padi për shpifje kundër Detar Hysit. Në atë padi Arapi kërkon që të marrë si dëmshpërblim 100 mijë dollarë. Aktualisht, nuk ka filluar akoma procesi civil. Pritet të përcaktohet gjyqtarja që do të gjykojë padinë. Hysi është paditur për disa pohime të bëra në një emision televiziv, ku e ka quajtur Arapin hajdut.

---------